“എനിക്കാ​യി കാത്തി​രി​പ്പിൻ”

“അതു​കൊ​ണ്ടു . . . എനിക്കാ​യി കാത്തി​രി​പ്പിൻ എന്നു യഹോ​വ​യു​ടെ അരുള​പ്പാ​ടു.”—സെഫന്യാ​വു 3:8.

1. പ്രവാ​ച​ക​നായ സെഫന്യാവ്‌ എന്തു മുന്നറി​യി​പ്പാ​ണു നൽകി​യത്‌, ഇന്നു ജീവി​ക്കു​ന്ന​വർക്ക്‌ ഇത്‌ എത്ര താത്‌പ​ര്യ​മു​ള്ള​താണ്‌?

 “യഹോ​വ​യു​ടെ മഹാദി​വസം അടുത്തി​രി​ക്കു​ന്നു.” പൊ.യു.മു. (പൊതു​യു​ഗ​ത്തി​നു​മു​മ്പു) ഏഴാം നൂറ്റാ​ണ്ടി​ന്റെ മധ്യത്തിൽ പ്രവാ​ച​ക​നായ സെഫന്യാവ്‌ പ്രഖ്യാ​പിച്ച മുന്നറി​യി​പ്പിൻ ആഹ്വാ​ന​മാ​യി​രു​ന്നു അത്‌. (സെഫന്യാ​വു 1:14) 40-ഓ 50-ഓ വർഷത്തി​നു​ള്ളിൽ, യെരു​ശ​ലേ​മി​ന്റെ​മേ​ലും യഹോ​വ​യു​ടെ ജനത്തോ​ടു മോശ​മാ​യി പെരു​മാ​റു​ക​വഴി അവന്റെ പരമാ​ധി​കാ​രത്തെ വെല്ലു​വി​ളിച്ച ജനതക​ളു​ടെ​മേ​ലും യഹോ​വ​യു​ടെ ന്യായ​വി​ധി​കൾ നടപ്പാ​ക്കാ​നുള്ള ദിവസം വന്നെത്തി​യ​പ്പോൾ ആ പ്രവചനം നിവൃ​ത്തി​യേറി. 20-ാം നൂറ്റാ​ണ്ടി​ന്റെ അവസാ​ന​കാ​ലത്തു ജീവി​ക്കു​ന്ന​വർക്ക്‌ ഇതു താത്‌പ​ര്യ​മു​ള്ള​താ​യി​രി​ക്കു​ന്നത്‌ എന്തു​കൊ​ണ്ടാണ്‌? യഹോ​വ​യു​ടെ അന്തിമ “മഹാദി​വസം” വളരെ വേഗം അടുത്തു​വ​ന്നു​കൊ​ണ്ടി​രി​ക്കുന്ന സമയത്താ​ണു നമ്മൾ ജീവി​ക്കു​ന്നത്‌. സെഫന്യാ​വി​ന്റെ കാല​ത്തെ​പ്പോ​ലെ​തന്നെ, യെരു​ശ​ലേ​മി​ന്റെ ആധുനി​ക​കാല പതിപ്പായ ക്രൈ​സ്‌ത​വ​ലോ​ക​ത്തി​നും യഹോ​വ​യു​ടെ ജനത്തോ​ടു നിന്ദ്യ​മാ​യി പെരു​മാ​റു​ക​യും അവന്റെ സാർവ​ത്രിക പരമാ​ധി​കാ​രത്തെ വെല്ലു​വി​ളി​ക്കു​ക​യും ചെയ്യുന്ന മുഴു ജനതകൾക്കു​മെ​തി​രെ യഹോ​വ​യു​ടെ ‘ഉഗ്ര​കോ​പം’ ജ്വലി​ക്കാ​റാ​യി​രി​ക്കു​ക​യാണ്‌.—സെഫന്യാ​വു 1:4; 2:4, 8, 12, 13; 3:8; 2 പത്രൊസ്‌ 3:12, 13.

സെഫന്യാവ്‌—ഒരു ധീര സാക്ഷി

2, 3. (എ) സെഫന്യാ​വി​നെ​ക്കു​റി​ച്ചു നമുക്ക്‌ എന്തറി​യാം, അവൻ യഹോ​വ​യു​ടെ ഒരു ധീര സാക്ഷി​യാ​യി​രു​ന്നു​വെന്ന്‌ എന്തു സൂചി​പ്പി​ക്കു​ന്നു? (ബി) സെഫന്യാവ്‌ പ്രവചിച്ച കാലവും സ്ഥലവും കണ്ടെത്താൻ ഏതു വസ്‌തു​തകൾ നമ്മെ പ്രാപ്‌ത​രാ​ക്കു​ന്നു?

² പ്രവാ​ച​ക​നായ സെഫന്യാ​വി​നെ​ക്കു​റി​ച്ചു കാര്യ​മാ​യൊ​ന്നും അറിവില്ല, അവന്റെ പേരിന്റെ (എബ്രായ, സെഫന്യാഹ്‌) അർഥം “യഹോവ മറച്ചി​രി​ക്കു​ന്നു (നിക്ഷേ​പി​ച്ചി​രി​ക്കു​ന്നു)” എന്നാണ്‌. എന്നാൽ മറ്റു പ്രവാ​ച​ക​ന്മാ​രിൽനി​ന്നു ഭിന്നമാ​യി, സെഫന്യാവ്‌ നാലാം തലമു​റ​വരെ തന്റെ വംശാ​വ​ലി​യെ​ക്കു​റി​ച്ചു പറയു​ന്നുണ്ട്‌, അതായത്‌ ‘ഹിസ്‌കി​യാവ്‌’ വരെ. (സെഫന്യാ​വു 1:1; യെശയ്യാ​വു 1:1-ഉം യിരെ​മ്യാ​വു 1:1-ഉം യെഹെ​സ്‌കേൽ 1:3-ഉം താരത​മ്യം ചെയ്യുക.) ഇതു വളരെ അസാധാ​ര​ണ​മാ​യി​രി​ക്കു​ന്ന​തു​കൊണ്ട്‌, അവന്റെ പിതാ​മ​ഹന്റെ പിതാ​മഹൻ വിശ്വ​സ്‌ത​നായ ഹിസ്‌കി​യാ​വു രാജാ​വാ​ണെന്നു മിക്ക ബൈബിൾ നിരൂ​പ​ക​രും തിരി​ച്ച​റി​യി​ക്കു​ന്നു. അവൻ അങ്ങനെ​യാ​യി​രു​ന്നെ​ങ്കിൽ, സെഫന്യാവ്‌ രാജകീയ വംശത്തി​ലു​ള്ള​വ​നാ​യി​രു​ന്നു​വെന്നു മാത്രമല്ല, യഹൂദാ പ്രഭു​ക്ക​ന്മാ​രെ​ക്കു​റി​ച്ചുള്ള അവന്റെ കഠോ​ര​മായ കുറ്റവി​ധിക്ക്‌ അത്‌ ആക്കം കൂട്ടു​ക​യും അവൻ ഒരു ധീര സാക്ഷി​യും യഹോ​വ​യു​ടെ പ്രവാ​ച​ക​നു​മാ​ണെന്നു പ്രകട​മാ​ക്കു​ക​യും ചെയ്‌തി​രി​ക്കണം. യെരു​ശ​ലേ​മി​ന്റെ ഭൂസ്ഥി​തി​യെ​ക്കു​റി​ച്ചും രാജകീയ സദസ്സിൽ നടന്നി​രുന്ന കാര്യ​ങ്ങ​ളെ​ക്കു​റി​ച്ചു​മുള്ള അവന്റെ സൂക്ഷ്‌മ​മായ അറിവ്‌, തലസ്ഥാ​ന​ത്തു​തന്നെ അവൻ യഹോ​വ​യു​ടെ ന്യായ​വി​ധി​കൾ പ്രഖ്യാ​പി​ച്ചി​രു​ന്നി​രി​ക്കാ​മെന്നു സൂചി​പ്പി​ക്കു​ന്നു.—സെഫന്യാ​വു 1:8-11, NW അടിക്കു​റി​പ്പു​കൾ കാണുക.

³ സെഫന്യാവ്‌ യഹൂദ​യി​ലെ ലൗകിക ‘പ്രഭു​ക്ക​ന്മാർ’ക്കെതി​രെ​യും (കുലീനർ അഥവാ ഗോ​ത്ര​പ്ര​മാ​ണി​കൾ) ‘രാജകു​മാ​ര​ന്മാർ’ക്കെതി​രെ​യും ദിവ്യ ന്യായ​വി​ധി​കൾ പ്രഘോ​ഷി​ച്ചെ​ങ്കി​ലും തന്റെ വിമർശ​ന​ത്തിൽ അവൻ ഒരിക്ക​ലും രാജാ​വി​നെ ഉൾപ്പെ​ടു​ത്തി​യില്ല എന്നതു പ്രസക്ത​മായ ഒരു വസ്‌തു​ത​യാണ്‌. a (സെഫന്യാവ്‌ 1:8; 3:3, NW) വ്യക്തമാ​യും യുവരാ​ജാ​വായ യോശി​യാവ്‌ അതി​നോ​ട​കം​തന്നെ, സെഫന്യാവ്‌ അപലപിച്ച സാഹച​ര്യം കണക്കി​ലെ​ടു​ത്തു മതപരി​ഷ്‌കാ​രങ്ങൾ തുടങ്ങി​യി​രു​ന്നി​ല്ലെ​ങ്കി​ലും നിർമ​ലാ​രാ​ധ​ന​യോ​ടുള്ള ഒരു താത്‌പ​ര്യം കാട്ടി​യി​രു​ന്ന​താ​യി ഇതു സൂചി​പ്പി​ക്കു​ന്നു. ഇതെല്ലാം സൂചി​പ്പി​ക്കു​ന്നത്‌, പൊ.യു.മു. 659 മുതൽ 629 വരെ ഭരണം നടത്തിയ യോശി​യാ​വി​ന്റെ ആദ്യ വർഷങ്ങ​ളി​ലാണ്‌ സെഫന്യാവ്‌ യഹൂദ​യിൽ പ്രവചി​ച്ചി​രു​ന്നത്‌ എന്നാ ണ്‌. സെഫന്യാ​വി​ന്റെ ഊർജ​സ്വ​ല​മായ പ്രവചി​ക്കൽ അക്കാലത്തു യഹൂദ​യിൽ നിലവി​ലി​രുന്ന വിഗ്ര​ഹാ​രാ​ധന, അക്രമം, അഴിമതി എന്നിവ സംബന്ധി​ച്ചു യുവാ​വായ യോശി​യാ​വി​നെ നിസ്സം​ശ​യ​മാ​യും കൂടുതൽ ബോധ​വാ​നാ​ക്കു​ക​യും വിഗ്ര​ഹാ​രാ​ധ​ന​യ്‌ക്കെ​തി​രെ​യുള്ള അവന്റെ പിൽക്കാ​ലത്തെ പ്രചാ​ര​ണ​പ​രി​പാ​ടി​യെ പ്രോ​ത്സാ​ഹി​പ്പി​ക്കു​ക​യും ചെയ്‌തു.—2 ദിനവൃ​ത്താ​ന്തം 34:1-3.

യഹോ​വ​യു​ടെ ഉഗ്ര​കോ​പ​ത്തി​നുള്ള കാരണങ്ങൾ

4. യഹോവ യഹൂദ​യ്‌ക്കും യെരു​ശ​ലേ​മി​നു​മെ​തി​രെ തന്റെ കോപം ഏതു വാക്കു​ക​ളി​ലാ​ണു പ്രകടി​പ്പി​ച്ചത്‌?

⁴ യഹൂദ​യി​ലെ​യും അതിന്റെ തലസ്ഥാ​ന​ന​ഗ​രി​യായ യെരു​ശ​ലേ​മി​ലെ​യും നേതാ​ക്ക​ന്മാ​രു​ടെ​യും നിവാ​സി​ക​ളു​ടെ​യും നേർക്ക്‌ കോപം തോന്നാൻ യഹോ​വ​യ്‌ക്കു തക്ക കാരണ​മു​ണ്ടാ​യി​രു​ന്നു. പ്രവാ​ച​ക​നായ സെഫന്യാവ്‌ മുഖാ​ന്തരം അവൻ ഇങ്ങനെ പ്രസ്‌താ​വി​ച്ചു: “ഞാൻ യെഹൂ​ദ​യു​ടെ മേലും യെരു​ശ​ലേ​മി​ലെ സകലനി​വാ​സി​ക​ളു​ടെ മേലും കൈ നീട്ടും; ഞാൻ ഈ സ്ഥലത്തു​നി​ന്നു ബാലിന്റെ ശേഷി​പ്പി​നെ​യും പുരോ​ഹി​ത​ന്മാ​രോ​ടു കൂടെ പൂജാ​രി​ക​ളു​ടെ പേരി​നെ​യും മേൽപു​ര​ക​ളിൽ ആകാശ​ത്തി​ലെ സൈന്യ​ത്തെ നമസ്‌ക​രി​ക്കു​ന്ന​വ​രെ​യും യഹോ​വ​യെ​ച്ചൊ​ല്ലി​യും മല്‌ക്കാ​മി​നെ​ച്ചൊ​ല്ലി​യും സത്യം ചെയ്‌തു നമസ്‌ക​രി​ക്കു​ന്ന​വ​രെ​യും . . . ഛേദി​ച്ചു​ക​ള​യും.”—സെഫന്യാ​വു 1:4, 5.

5, 6. (എ) സെഫന്യാ​വി​ന്റെ കാലത്തു യഹൂദ​യി​ലെ മതസ്ഥി​തി​വി​ശേഷം എന്തായി​രു​ന്നു? (ബി) യഹൂദ​യി​ലെ ജനനാ​യ​ക​ന്മാ​രു​ടെ​യും അവരുടെ കീഴാ​ള​രു​ടെ​യും അവസ്ഥ എന്തായി​രു​ന്നു?

⁵ ബാൽ ആരാധ​ന​യു​ടെ അധമമായ സന്താ​നോ​ത്‌പാ​ദന ചടങ്ങു​ക​ളാ​ലും ഭൂതസം​ബ​ന്ധ​മായ ജ്യോ​തി​ഷ​ത്താ​ലും പുറജാ​തീയ ദൈവ​മായ മൽക്കാ​മി​ന്റെ ആരാധ​ന​യാ​ലും യഹൂദ​യ്‌ക്കു കളങ്ക​മേ​റ്റി​രു​ന്നു. ചിലർ സൂചി​പ്പി​ക്കു​ന്ന​തു​പോ​ലെ മൽക്കാം തന്നെയാ​ണു മോ​ലേക്ക്‌ എങ്കിൽ, യഹൂദ​യു​ടെ വ്യാജാ​രാ​ധ​ന​യിൽ മ്ലേച്ഛമായ ശിശു​ബ​ലി​യും ഉൾപ്പെ​ട്ടി​രു​ന്നു. മതപര​മായ അത്തരം ആചാരങ്ങൾ യഹോ​വ​യു​ടെ ദൃഷ്ടി​യിൽ വെറു​പ്പു​ള​വാ​ക്കു​ന്ന​താ​യി​രു​ന്നു. (1 രാജാ​ക്ക​ന്മാർ 11:5, 7; 14:23, 24; 2 രാജാ​ക്ക​ന്മാർ 17:16, 17) വിഗ്ര​ഹാ​രാ​ധകർ അപ്പോ​ഴും യഹോ​വ​യു​ടെ നാമത്തിൽ ശപഥം ചെയ്‌തി​രു​ന്ന​തി​നാൽ അവർ അവന്റെ കോപ​ത്തി​നു കൂടുതൽ പാത്രീ​ഭൂ​ത​രാ​യി. മതപര​മായ അത്തരം അശുദ്ധി അവൻ മേലാൽ പൊറു​ക്കു​മാ​യി​രു​ന്നില്ല, അവൻ പുറജാ​തീ​യ​രും വിശ്വാ​സ​ത്യാ​ഗി​ക​ളു​മായ പുരോ​ഹി​ത​ന്മാ​രെ ഛേദി​ച്ചു​ക​ള​യു​മാ​യി​രു​ന്നു.

⁶ മാത്രമല്ല, യഹൂദ​യി​ലെ ജനനാ​യ​ക​ന്മാർ അഴിമ​തി​ക്കാ​രാ​യി​രു​ന്നു. അവളുടെ പ്രഭു​ക്ക​ന്മാർ അത്യാർത്തി​പൂണ്ട “ഗർജ്ജി​ക്കുന്ന സിംഹങ്ങ”ളെപ്പോ​ലെ​യും അവളുടെ ന്യായാ​ധി​പ​ന്മാർ കൊടിയ “ചെന്നാ​യ്‌ക്കൾ”ക്കു സമവു​മാ​യി​രു​ന്നു. (സെഫന്യാ​വു 3:3) അവരുടെ കീഴാളർ “സാഹസ​വും വഞ്ചനയും​കൊ​ണ്ടു തങ്ങളുടെ യജമാ​ന​ന്മാ​രു​ടെ വീടു​കളെ നിറെ​ക്കുന്ന”തായി ആരോ​പി​ക്ക​പ്പെട്ടു. (സെഫന്യാ​വു 1:9) ഭൗതി​ക​ത്വ​ചി​ന്താ​ഗതി വ്യാപ​ക​മാ​യി​രു​ന്നു. പലരും സമ്പത്തു കുന്നു​കൂ​ട്ടാൻ ആ സാഹച​ര്യ​ത്തെ മുത​ലെ​ടു​ത്തു.—സെഫന്യാ​വു 1:13.

യഹോ​വ​യു​ടെ ദിവസ​ത്തെ​ക്കു​റി​ച്ചുള്ള സംശയങ്ങൾ

7. “യഹോ​വ​യു​ടെ മഹാദി​വസ”ത്തിന്‌ എത്രകാ​ലം മുമ്പാണു സെഫന്യാവ്‌ പ്രവചി​ച്ചത്‌, പല യഹൂദ​രു​ടെ​യും ആത്മീയ അവസ്ഥ എന്തായി​രു​ന്നു?

⁷ നാം ഇതി​നോ​ടകം കണ്ടുക​ഴി​ഞ്ഞ​തു​പോ​ലെ, സെഫന്യാ​വി​ന്റെ നാളിൽ സ്ഥിതി​ചെ​യ്‌തി​രുന്ന വിപത്‌ക​ര​മായ മതസ്ഥി​തി​വി​ശേഷം, പൊ.യു.മു. 648-നോട​ടു​ത്തു യോശി​യാവ്‌ രാജാവ്‌ വിഗ്ര​ഹാ​രാ​ധ​ന​യ്‌ക്കെ​തി​രെ തന്റെ പ്രചര​ണ​പ​രി​പാ​ടി തുടങ്ങു​ന്ന​തി​നു മുമ്പു സാക്ഷി​യും പ്രവാ​ച​ക​നു​മെന്ന നിലയിൽ സെഫന്യാ​വു തന്റെ വേല നിർവ​ഹി​ച്ചു​വെന്നു സൂചി​പ്പി​ക്കു​ന്നു. (2 ദിനവൃ​ത്താ​ന്തം 34:4, 5) അപ്പോൾ, “യഹോ​വ​യു​ടെ മഹാദി​വസം” യഹൂദാ​രാ​ജ്യ​ത്തി​ന്റെ​മേൽ വരുന്ന​തി​നു ചുരു​ങ്ങി​യത്‌ 40 വർഷം മുമ്പ്‌ സെഫന്യാവ്‌ പ്രവചി​ച്ചി​രി​ക്കാ​നാ​ണു സാധ്യത. ഇടയ്‌ക്കുള്ള കാലത്തു യഹൂദ​ന്മാ​രിൽ പലരും സംശയങ്ങൾ മനസ്സിൽ കൊണ്ടു​ന​ട​ക്കു​ക​യും വിരക്തി​യു​ള്ള​വ​രാ​യി യഹോ​വയെ സേവിക്കുന്നതിൽ നിന്നു ‘പിൻവാ​ങ്ങു’കയും ചെയ്‌തു. “യഹോ​വയെ അന്വേ​ഷി​ക്ക​യോ അവനെ​ക്കു​റി​ച്ചു ചോദി​ക്ക​യോ ചെയ്യാ​ത്ത​വരെ”ക്കുറിച്ചു സെഫന്യാവ്‌ പറയുന്നു. (സെഫന്യാ​വു 1:6) തെളി​വ​നു​സ​രി​ച്ചു യഹൂദ​യി​ലെ വ്യക്തികൾ ഉദാസീ​ന​രാ​യി​ത്തീർന്നു, അവർ ദൈവ​ത്തെ​ക്കു​റി​ച്ചു മെന​ക്കെ​ട്ടില്ല.

8, 9. (എ) ‘മട്ടിന്മേൽ ഉറെച്ചു​കി​ട​ക്കുന്ന പുരു​ഷന്മാ’രെ യഹോവ പരി​ശോ​ധി​ക്കു​മാ​യി​രു​ന്നത്‌ എന്തു​കൊണ്ട്‌? (ബി) യഹൂദാ നിവാ​സി​ക​ളി​ലും അവരുടെ സാമു​ദാ​യിക, മത നേതാ​ക്ക​ന്മാ​രി​ലും ഏതു വിധങ്ങ​ളി​ലാ​ണു യഹോവ ശ്രദ്ധ കേന്ദ്രീ​ക​രി​ക്കു​മാ​യി​രു​ന്നത്‌?

⁸ തന്റെ ജനമെന്ന്‌ അവകാ​ശ​പ്പെ​ടു​ന്ന​വരെ പരി​ശോ​ധി​ക്കാ​നുള്ള തന്റെ ഉദ്ദേശ്യം യഹോവ വെളി​പ്പെ​ടു​ത്തി. തന്റെ ആരാധ​ക​രെന്ന്‌ അവകാ​ശ​പ്പെ​ട്ട​വ​രു​ടെ ഇടയിൽ, മനുഷ്യ കാര്യാ​ദി​ക​ളിൽ ഇടപെ​ടാ​നുള്ള അവന്റെ പ്രാപ്‌തി​യോ ഉദ്ദേശ്യ​മോ സംബന്ധി​ച്ചു ഹൃദയ​ത്തിൽ സംശയങ്ങൾ കൊണ്ടു​ന​ട​ന്ന​വരെ, അവൻ അന്വേ​ഷി​ക്കു​മാ​യി​രു​ന്നു. അവൻ ഇങ്ങനെ പ്രസ്‌താ​വി​ച്ചു: “ആ കാലത്തു ഞാൻ യെരു​ശ​ലേ​മി​നെ വിളക്കു കത്തിച്ചു ശോധന കഴിക്ക​യും മട്ടിന്മേൽ ഉറെച്ചു​കി​ടന്നു: യഹോവ ഗുണമോ ദോഷ​മോ ചെയ്‌ക​യില്ല എന്നു ഹൃദയ​ത്തിൽ പറയുന്ന പുരു​ഷ​ന്മാ​രെ സന്ദർശി​ക്ക​യും ചെയ്യും.” (സെഫന്യാ​വു 1:12) ‘മട്ടിന്മേൽ ഉറെച്ചു​കി​ട​ക്കുന്ന പുരു​ഷ​ന്മാർ’ (വീഞ്ഞു നിർമാ​ണ​ത്തെ​ക്കു​റി​ച്ചുള്ള ഒരു പരാമർശം) എന്ന പദപ്ര​യോ​ഗം, ഒരു വലിയ പാത്ര​ത്തി​ന്റെ അടിയിൽ ഉറഞ്ഞു​കൂ​ടിയ മട്ടു​പോ​ലെ സ്വസ്ഥമാ​യി പാർത്തി​രു​ന്ന​വരെ, മനുഷ്യ​വർഗ​ത്തി​ന്റെ കാര്യാ​ദി​ക​ളിൽ ദിവ്യ ഇടപെടൽ അടുത്തി​രി​ക്കു​ന്നു എന്ന ഏതെങ്കി​ലും തരത്തി​ലുള്ള പ്രഘോ​ഷ​ണ​ത്താൽ അസ്വസ്ഥ​രാ​കാൻ ആഗ്രഹി​ക്കാ​തി​രി​ക്കു​ന്ന​വരെ പരാമർശി​ക്കു​ന്നു.

⁹ യഹൂദ​യി​ലെ​യും യെരു​ശ​ലേ​മി​ലെ​യും നിവാ​സി​ക​ളി​ലും പുറജാ​തീയ ആരാധ​ന​യു​മാ​യി തന്റെ ആരാധ​നയെ കൂട്ടി​ക്ക​ലർത്തിയ അവരുടെ പുരോ​ഹി​ത​ന്മാ​രി​ലും യഹോവ ശ്രദ്ധ കേന്ദ്രീ​ക​രി​ക്കു​മാ​യി​രു​ന്നു. യെരു​ശ​ലേം മതിലു​കൾക്കു​ള്ളി​ലെ രാത്രി​യു​ടെ മറവി​ലെ​ന്ന​പോ​ലെ അവർക്കു സുരക്ഷി​ത​ത്വം തോന്നി​യി​രു​ന്നെ​ങ്കിൽ, അവർ അഭയം തേടി​യി​രുന്ന ആത്മീയ അന്ധകാ​രത്തെ തുളച്ചു​ക​ട​ക്കുന്ന ശോഭ​യേ​റിയ ദീപങ്ങൾകൊ​ണ്ടെ​ന്ന​പോ​ലെ അവൻ അവരെ അന്വേ​ഷി​ക്കു​മാ​യി​രു​ന്നു. അവരുടെ മതപര​മായ ഉദാസീ​ന​ത​യിൽനി​ന്നും അവരെ കുലു​ക്കി​യു​ണർത്തു​മാ​യി​രു​ന്നു, ആദ്യം ഭയദ്യോ​ത​ക​മായ ന്യായ​വി​ധി സന്ദേശം നൽകു​ക​യും പിന്നീട്‌ ആ ന്യായ​വി​ധി​കൾ നടപ്പാ​ക്കു​ക​യും ചെയ്‌തു​കൊണ്ട്‌.

“യഹോ​വ​യു​ടെ മഹാദി​വസം അടുത്തി​രി​ക്കു​ന്നു”

10. സെഫന്യാവ്‌ “യഹോ​വ​യു​ടെ മഹാദി​വസ”ത്തെ എങ്ങനെ​യാ​ണു വർണി​ച്ചത്‌?

¹⁰ “യഹോ​വ​യു​ടെ മഹാദി​വസം അടുത്തി​രി​ക്കു​ന്നു. അതു അടുത്തു അത്യന്തം ബദ്ധപ്പെ​ട്ടു​വ​രു​ന്നു; കേട്ടോ, യഹോ​വ​യു​ടെ ദിവസം! [“യഹോ​വ​യു​ടെ ദിവസ​ത്തി​ന്റെ ആരവം കയ്‌പു​ള്ളത്‌,” NW]” എന്നു പ്രഘോ​ഷി​ക്കാൻ യഹോവ സെഫന്യാ​വി​നെ നിശ്വ​സ്‌ത​നാ​ക്കി. (സെഫന്യാ​വു 1:14) മുന്നറി​യി​പ്പു ചെവി​ക്കൊ​ണ്ടു നിർമ​ലാ​രാ​ധ​ന​യി​ലേക്കു മടങ്ങി​വ​രാൻ വിസമ്മ​തിച്ച ഏവരെ​യും—പുരോ​ഹി​ത​ന്മാ​രെ​യും പ്രഭു​ക്ക​ന്മാ​രെ​യും ജനങ്ങ​ളെ​യും—കാത്തി​രു​ന്നതു കയ്‌പേ​റിയ ദിവസ​ങ്ങ​ളാ​യി​രു​ന്നു. ആ ന്യായ​വി​ധി​നിർവഹണ ദിവസ​ത്തെ​ക്കു​റി​ച്ചു വർണി​ച്ചു​കൊ​ണ്ടു പ്രവചനം ഇങ്ങനെ തുടരു​ന്നു: “ആ ദിവസം ക്രോ​ധ​ദി​വസം, കഷ്ടവും സങ്കടവും ഉള്ള ദിവസം, ശൂന്യ​ത​യും നാശവും ഉള്ള ദിവസം, ഇരുട്ടും അന്ധകാ​ര​വും ഉള്ള ദിവസം, മേഘവും മൂടലും ഉള്ള ദിവസം, ഉറപ്പുള്ള പട്ടണങ്ങൾക്കും ഉയരമുള്ള കൊത്ത​ള​ങ്ങൾക്കും വിരോ​ധ​മാ​യി കാഹള​നാ​ദ​വും ആരവവും ഉള്ള ദിവസം തന്നേ.”—സെഫന്യാ​വു 1:15, 16.

11, 12. (എ) യെരു​ശ​ലേ​മി​നെ​തി​രെ പ്രഖ്യാ​പി​ക്ക​പ്പെട്ട ന്യായ​വി​ധി സന്ദേശം എന്താണ്‌? (ബി) ഭൗതിക സമൃദ്ധി യഹൂദരെ രക്ഷിക്കു​മാ​യി​രു​ന്നോ?

¹¹ ഹ്രസ്വ​മായ ഏതാനും ദശകങ്ങൾക്കു​ള്ളിൽ ബാബി​ലോ​ന്യ സൈന്യ​ങ്ങൾ യഹൂദയെ ആക്രമി​ക്കു​മാ​യി​രു​ന്നു. യെരു​ശ​ലേം രക്ഷപ്പെ​ടു​മാ​യി​രു​ന്നില്ല. അതിൽ ആളുകൾ പാർത്തി​രു​ന്ന​തും വ്യാപാ​രം നടന്നി​രു​ന്ന​തു​മായ സ്ഥലങ്ങൾ ശൂന്യ​മാ​ക്ക​പ്പെ​ടു​മാ​യി​രു​ന്നു. “അന്നാളിൽ മത്സ്യ​ഗോ​പു​ര​ത്തിൽനി​ന്നു  ഉറക്കെ​യു​ള്ളോ​രു നിലവി​ളി​യും രണ്ടാമത്തെ നഗരാം​ശ​ത്തിൽനി​ന്നു ഒരു മുറവി​ളി​യും കുന്നു​ക​ളിൽനി​ന്നു ഒരു ഝടഝട​നാ​ദ​വും ഉണ്ടാകും എന്നു യഹോ​വ​യു​ടെ അരുള​പ്പാ​ടു. മക്തേശ്‌നി​വാ​സി​കളേ, മുറയി​ടു​വിൻ; വ്യാപാ​രി​ജനം ഒക്കെയും നശിച്ചു​പോ​യ​ല്ലോ; സകല ദ്രവ്യ​വാ​ഹ​ക​ന്മാ​രും ഛേദി​ക്ക​പ്പെ​ട്ടി​രി​ക്കു​ന്നു.”—സെഫന്യാ​വു 1:10, 11, NW അടിക്കു​റിപ്പ്‌.

¹² യഹോ​വ​യു​ടെ ദിവസം അടുത്തി​രി​ക്കു​ന്നു എന്നു വിശ്വ​സി​ക്കാൻ വിസമ്മ​തി​ച്ചു​കൊ​ണ്ടു പല യഹൂദ​ന്മാ​രും ലാഭക​ര​മായ ബിസി​നസ്‌ സംരം​ഭ​ങ്ങ​ളിൽ ആഴമായി ഉൾപ്പെട്ടു. എന്നാൽ, അവരുടെ സമ്പത്തു “കവർച്ച​യും അവരുടെ വീടുകൾ ശൂന്യ​വും” ആയിത്തീ​രു​മെന്നു തന്റെ വിശ്വസ്‌ത പ്രവാ​ച​ക​നായ സെഫന്യാ​വി​ലൂ​ടെ യഹോവ മുൻകൂ​ട്ടി​പ്പ​റഞ്ഞു. അവർ തങ്ങൾ ഉത്‌പാ​ദി​പ്പിച്ച വീഞ്ഞു കുടി​ക്കു​മാ​യി​രു​ന്നില്ല, മാത്രമല്ല “യഹോ​വ​യു​ടെ ക്രോ​ധ​ദി​വ​സ​ത്തിൽ അവരുടെ വെള്ളി​ക്കും പൊന്നി​ന്നും അവരെ രക്ഷിപ്പാൻ കഴി[യുമാ​യി​രു​ന്നില്ല].”—സെഫന്യാ​വു 1:13, 18.

മറ്റു ജനതകൾ ന്യായം​വി​ധി​ക്ക​പ്പെ​ടു​ന്നു

13. മോവാബ്‌, അമ്മോൻ, അസ്സീറിയ എന്നിവ​യ്‌ക്കെ​തി​രെ സെഫന്യാവ്‌ പ്രഖ്യാ​പിച്ച ന്യായ​വി​ധി സന്ദേശം എന്താണ്‌?

¹³ തന്റെ ജനത്തോ​ടു മോശ​മാ​യി പെരു​മാ​റിയ ജനതകൾക്കെ​തി​രെ​യുള്ള കോപ​വും യഹോവ പ്രവാ​ച​ക​നായ സെഫന്യാവ്‌ മുഖാ​ന്തരം പ്രകട​മാ​ക്കു​ക​യു​ണ്ടാ​യി. അവൻ ഇങ്ങനെ പ്രഖ്യാ​പി​ച്ചു: “മോവാ​ബി​ന്റെ ധിക്കാ​ര​വും അമ്മോ​ന്യർ എന്റെ ജനത്തെ നിന്ദിച്ചു അവരുടെ ദേശത്തി​ന്നു വിരോ​ധ​മാ​യി വമ്പു പറഞ്ഞ ശകാര​ങ്ങ​ളും ഞാൻ കേട്ടി​രി​ക്കു​ന്നു. അതു​കൊ​ണ്ടു യിസ്രാ​യേ​ലി​ന്റെ ദൈവ​മായ സൈന്യ​ങ്ങ​ളു​ടെ യഹോ​വ​യു​ടെ അരുള​പ്പാ​ടാ​വി​തു: എന്നാണ, മോവാബ്‌ സൊ​ദോ​മെ​പ്പോ​ലെ​യും അമ്മോ​ന്യർ ഗൊ​മോ​റ​യെ​പ്പോ​ലെ​യും തൂവക്കാ​ടും ഉപ്പുപ​ട​ന​യും ശാശ്വ​ത​ശൂ​ന്യ​വും ആയിത്തീ​രും . . . അവൻ വടക്കോ​ട്ടു കൈ നീട്ടി അശ്ശൂരി​നെ നശിപ്പി​ക്കും; നീനെ​വേയെ ശൂന്യ​വും മരുഭൂ​മി​യി​ലെ വരണ്ട നിലവും ആക്കും.”—സെഫന്യാ​വു 2:8, 9, 13.

14. വിദേശ രാഷ്ട്രങ്ങൾ ഇസ്രാ​യേ​ല്യർക്കെ​തി​രെ​യും അവരുടെ ദൈവ​മായ യഹോ​വ​യ്‌ക്കെ​തി​രെ​യും ‘വീമ്പു പറഞ്ഞു’ എന്നതിന്‌ എന്തു തെളി​വുണ്ട്‌?

¹⁴ മോവാ​ബും അമ്മോ​നും ഇസ്രാ​യേ​ലി​ന്റെ പരമ്പരാ​ഗത ശത്രു​ക്ക​ളാ​യി​രു​ന്നു. (ന്യായാ​ധി​പ​ന്മാർ 3:12-14 താരത​മ്യം ചെയ്യുക.) മോവാ​ബ്യ രാജാ​വായ മേശെ​യു​ടെ ഗർവി​ഷ്‌ഠ​മായ ഒരു പ്രസ്‌താ​വ​ന​യ​ട​ങ്ങുന്ന ലിഖിതം പാരീ​സി​ലെ ലൗവ്‌റി മ്യൂസി​യ​ത്തി​ലുള്ള മോവാ​ബ്യ ശിലയിൽ കാണാം. തന്റെ ദേവനായ കെമോ​ശി​ന്റെ സഹായ​ത്തോ​ടെ അനേകം ഇസ്രാ​യേല്യ പട്ടണങ്ങൾ താൻ പിടി​ച്ചെ​ടു​ത്ത​താ​യി അവൻ അഹങ്കാ​ര​ത്തോ​ടെ വിവരി​ക്കു​ന്നു. (2 രാജാ​ക്ക​ന്മാർ 1:1) അമ്മോ​ന്യർ തങ്ങളുടെ ദേവനായ മൽക്കാ​മി​ന്റെ നാമത്തിൽ ഗാദ്‌ എന്ന ഇസ്രാ​യേ​ല്യ​പ്ര​ദേശം കയ്യടക്കി​യ​തി​നെ​ക്കു​റി​ച്ചു സെഫന്യാ​വി​ന്റെ സമകാ​ലി​ക​നായ യിരെ​മ്യാവ്‌ പറയു​ക​യു​ണ്ടാ​യി. (യിരെ​മ്യാ​വു 49:1) അസ്സീറി​യ​യു​ടെ കാര്യ​ത്തി​ലാ​ണെ​ങ്കിൽ, സെഫന്യാ​വി​ന്റെ കാലത്തിന്‌ ഏതാണ്ട്‌ ഒരു നൂറ്റാണ്ടു മുമ്പ്‌ ശൽമ​നേ​സെർ അഞ്ചാമൻ രാജാവു ശമര്യയെ ഉപരോ​ധി​ച്ചു പിടി​ച്ച​ട​ക്കു​ക​യു​ണ്ടാ​യി. (2 രാജാ​ക്ക​ന്മാർ 17:1-6) കുറേ​ക്കൂ​ടെ കഴിഞ്ഞ​പ്പോൾ, രാജാ​വായ സൻഹേ​രീബ്‌ യഹൂദയെ ആക്രമി​ക്കു​ക​യും കോട്ട​കെ​ട്ടി​യു​റ​പ്പി​ച്ചി​രുന്ന അതിന്റെ പല നഗരങ്ങ​ളും പിടി​ച്ച​ട​ക്കു​ക​യും യെരു​ശ​ലേ​മി​നെ ഭീഷണി​പ്പെ​ടു​ത്തു​ക​യും​പോ​ലും ചെയ്‌തു. (യെശയ്യാ​വു 36:1, 2) അസ്സീറി​യൻ രാജാ​വി​ന്റെ വക്താവ്‌, യെരു​ശ​ലേം അടിയ​റവു പറയണ​മെന്ന്‌ ആവശ്യ​പ്പെ​ട്ട​പ്പോൾ യഹോ​വ​യ്‌ക്കെ​തി​രെ തീർച്ച​യാ​യും വളരെ​യ​ധി​കം വമ്പു പറഞ്ഞു.—യെശയ്യാ​വു 36:4-20.

15. തന്റെ ജനത്തി​നെ​തി​രെ വീമ്പി​ള​ക്കിയ രാഷ്ട്ര​ങ്ങ​ളി​ലെ ദേവന്മാ​രെ യഹോവ എങ്ങനെ ലജ്ജിപ്പി​ക്കു​മാ​യി​രു​ന്നു?

¹⁵ “വരുവിൻ, യിസ്രാ​യേൽ ഒരു ജാതി​യാ​യി​രി​ക്കാ​ത​വണ്ണം നാം അവരെ മുടി​ച്ചു​കളക. അവരുടെ പേർ ഇനി ആരും ഓർക്ക​രു​തു” എന്ന്‌ അഹങ്കാ​ര​പൂർവം പ്രസ്‌താ​വി​ച്ചു​കൊണ്ട്‌ ഇസ്രാ​യേ​ലി​നെ​തി​രെ വലിയ വീമ്പി​ള​ക്കിയ മോവാബ്‌, അമ്മോൻ, അസ്സീറിയ എന്നിവ ഉൾപ്പെട്ട അനേകം ജനതക​ളെ​ക്കു​റി​ച്ചു സങ്കീർത്തനം 83 പരാമർശി​ക്കു​ന്നു. (സങ്കീർത്തനം 83:4) ഈ സകല ഗർവി​ഷ്‌ഠ​രാ​ഷ്ട്ര​ങ്ങ​ളും അവയുടെ ദേവന്മാ​രും സൈന്യ​ങ്ങ​ളു​ടെ യഹോ​വ​യാൽ അപമാ​നി​ത​രാ​യി​ത്തീ​രു​മെന്നു പ്രവാ​ച​ക​നായ സെഫന്യാവ്‌ ധൈര്യ​സ​മേതം അറിയി​ക്കു​ക​യു​ണ്ടാ​യി. “ഇതു അവരുടെ അഹങ്കാ​രം​നി​മി​ത്തം അവർക്കു ഭവിക്കും; അവർ സൈന്യ​ങ്ങ​ളു​ടെ യഹോ​വ​യു​ടെ ജനത്തോ​ടു നിന്ദയും വമ്പും കാട്ടി​യി​രി​ക്കു​ന്നു​വ​ല്ലോ. യഹോവ അവരോ​ടു ഭയങ്കര​നാ​യി​രി​ക്കും; അവൻ ഭൂമി​യി​ലെ സകല​ദേ​വ​ന്മാ​രെ​യും ക്ഷയിപ്പി​ക്കും; ജാതി​ക​ളു​ടെ സകല ദ്വീപു​ക​ളും അതതു സ്ഥലത്തു​നി​ന്നു അവനെ നമസ്‌ക​രി​ക്കും.”—സെഫന്യാ​വു 2:10, 11.

“എനിക്കാ​യി കാത്തി​രി​പ്പിൻ”

16. (എ) ആരെ സംബന്ധി​ച്ചാ​ണു യഹോ​വ​യു​ടെ ദിവസം സമീപി​ച്ചു വന്നത്‌ സന്തോ​ഷ​ത്തി​ന്റെ ഒരു ഉറവാ​യി​രു​ന്നത്‌, എന്തു​കൊണ്ട്‌? (ബി) വിശ്വസ്‌ത ശേഷി​പ്പിന്‌ ഉത്തേജ​നാ​ത്മ​ക​മായ എന്ത്‌ ആഹ്വാ​ന​മാ​ണു ലഭിച്ചത്‌?

¹⁶ യഹൂദ​യി​ലെ​യും യെരു​ശ​ലേ​മി​ലേ​യും നേതാ​ക്ക​ന്മാ​രു​ടെ ഇടയി​ലും അനേകം നിവാ​സി​ക​ളു​ടെ ഇടയി​ലും ആത്മീയ മാന്ദ്യ​വും സന്ദേഹ​വാ​ദ​വും വിഗ്ര ഹാരാ​ധ​ന​യും അഴിമ​തി​യും ഭൗതി​ക​ചി​ന്താ​ഗ​തി​യും വ്യാപ​ക​മാ​യി നിലനി​ന്നി​രു​ന്നു​വെ​ങ്കി​ലും, വിശ്വ​സ്‌ത​രായ ചില യഹൂദർ സെഫന്യാ​വി​ന്റെ മുന്നറി​യി​പ്പിൻ പ്രവച​ന​ങ്ങൾക്കു ശ്രദ്ധ കൊടു​ത്തു എന്നതു വ്യക്തമാണ്‌. യഹൂദ​യി​ലെ പ്രഭു​ക്ക​ന്മാ​രു​ടെ​യും ന്യായാ​ധി​പ​ന്മാ​രു​ടെ​യും പുരോ​ഹി​ത​ന്മാ​രു​ടെ​യും നിന്ദ്യ​മായ നടപടി​ക​ളാൽ അവർ ദുഃഖി​ച്ചു. വിശ്വ​സ്‌ത​രായ ഇവർക്കു സെഫന്യാ​വി​ന്റെ പ്രഖ്യാ​പ​നങ്ങൾ ആശ്വാ​സ​ത്തി​ന്റെ ഒരു ഉറവാ​യി​രു​ന്നു. അവരെ സംബന്ധി​ച്ചി​ട​ത്തോ​ളം യഹോ​വ​യു​ടെ ദിവസം സമീപി​ച്ചു​വ​ന്നതു കൊടിയ വേദന​യ്‌ക്കു കാരണ​മാ​യി​രി​ക്കു​ന്ന​തി​നു പകരം, സന്തോ​ഷ​ത്തി​ന്റെ ഒരു ഉറവി​ട​മാ​യി​രു​ന്നു. കാരണം, അത്‌ മ്ലേച്ഛമായ അത്തരം നടപടി​കൾക്ക്‌ അറുതി വരുത്തു​മാ​യി​രു​ന്നു. ആ വിശ്വസ്‌ത ശേഷിപ്പ്‌ യഹോ​വ​യു​ടെ ഉത്തേജ​ക​മായ ഈ ആഹ്വാനം ചെവി​ക്കൊ​ണ്ടു: “അതു​കൊ​ണ്ടു ഞാൻ സാക്ഷി​യാ​യി എഴു​ന്നേ​ല്‌ക്കുന്ന ദിവസം​വരെ എനിക്കാ​യി കാത്തി​രി​പ്പിൻ എന്നു യഹോ​വ​യു​ടെ അരുള​പ്പാ​ടു; എന്റെ ക്രോ​ധ​വും എന്റെ ഉഗ്ര​കോ​പ​വും പകരേ​ണ്ട​തി​ന്നു ജാതി​കളെ ചേർക്കു​വാ​നും രാജ്യ​ങ്ങളെ കൂട്ടു​വാ​നും ഞാൻ നിർണ്ണ​യി​ച്ചി​രി​ക്കു​ന്നു.”—സെഫന്യാ​വു 3:8.

17. എപ്പോൾ, എങ്ങനെ​യാ​ണു സെഫന്യാ​വി​ന്റെ ന്യായ​വി​ധി സന്ദേശങ്ങൾ ജനതക​ളു​ടെ​മേൽ നിവൃ​ത്തി​യേ​റാൻ തുടങ്ങി​യത്‌?

¹⁷ ആ മുന്നറി​യി​പ്പു ചെവി​ക്കൊ​ണ്ടവർ അമ്പരന്നു​പോ​യില്ല. സെഫന്യാ​വി​ന്റെ പ്രവച​ന​ത്തി​ന്റെ നിവൃത്തി കാണാൻ പലരും ജീവി​ച്ചി​രു​ന്നു. പൊ.യു.മു. 632-ൽ, ബാബി​ലോ​ന്യ​രും മേദ്യ​രും സാധ്യ​ത​യ​നു​സ​രി​ച്ചു വടക്കു​നി​ന്നുള്ള സൈതി​യ​ന്മാ​രായ ഗോ​ത്ര​സം​ഘ​ങ്ങ​ളും ചേർന്ന ഒരു കൂട്ടം നിന​വേയെ പിടി​ച്ച​ടക്കി നശിപ്പി​ച്ചു. ചരി​ത്ര​കാ​ര​നായ വിൽ ഡൂറൻറ്‌ ഇങ്ങനെ വിവരി​ക്കു​ന്നു: “നാബോ​പൊ​ളാ​സ​റി​ന്റെ കീഴി​ലുള്ള ബാബി​ലോ​ന്യ സൈന്യം സൈയാ​ക്‌സ​റ​സി​ന്റെ കീഴി​ലുള്ള മേദ്യ സൈന്യ​ത്തോ​ടും കോക്കൗ​സിൽനി​ന്നുള്ള സൈതി​യ​ന്മാ​രു​ടെ സംഘ​ത്തോ​ടും ചേർന്ന്‌ അതിശ​യ​ക​ര​മായ അനായാ​സ​ത്തോ​ടും വേഗ​ത്തോ​ടും കൂടെ വടക്കുള്ള കൊത്ത​ളങ്ങൾ പിടി​ച്ചെ​ടു​ത്തു. . . . ഒറ്റ പ്രഹര​ത്തിൽ അസ്സീറിയ ചരി​ത്ര​ത്തിൽനിന്ന്‌ അപ്രത്യ​ക്ഷ​മാ​യി.” കൃത്യ​മാ​യും സെഫന്യാവ്‌ പ്രവചി​ച്ച​തും അതുത​ന്നെ​യാ​യി​രു​ന്നു.—സെഫന്യാവ്‌ 2:13-15.

18. (എ) യെരു​ശേ​ലേ​മി​ന്റെ​മേൽ എങ്ങനെ​യാ​ണു ദിവ്യ ന്യായ​വി​ധി നടപ്പാ​ക്ക​പ്പെ​ട്ടത്‌, എന്തു​കൊണ്ട്‌? (ബി) മോവാ​ബി​നെ​യും അമ്മോ​നെ​യും സംബന്ധിച്ച സെഫന്യാ​വി​ന്റെ പ്രവചനം എങ്ങനെ നിവൃ​ത്തി​യേറി?

¹⁸ യഹോ​വ​യ്‌ക്കാ​യി കാത്തി​രുന്ന പല യഹൂദ​രും യഹൂദ​യ്‌ക്കും യെരു​ശ​ലേ​മി​നു​മെ​തി​രെ​യുള്ള അവന്റെ ന്യായ​വി​ധി​കൾ നടപ്പാ​ക്ക​പ്പെ​ടു​ന്നതു കാണാൻ ജീവി​ച്ചി​രു​ന്നു. യെരു​ശ​ലേ​മി​നെ സംബന്ധി​ച്ചു സെഫന്യാവ്‌ ഇങ്ങനെ പ്രവചി​ച്ചി​രു​ന്നു: “മത്സരവും മലിന​ത​യും ഉള്ളതും പീഡി​പ്പി​ക്കു​ന്ന​തും ആയ നഗരത്തി​ന്നു അയ്യോ കഷ്ടം! അവൾ വാക്കു കേട്ടനു​സ​രി​ച്ചി​ട്ടില്ല പ്രബോ​ധനം കൈ​ക്കൊ​ണ്ടി​ട്ടില്ല; യഹോ​വ​യിൽ ആശ്രയി​ച്ചി​ട്ടില്ല; തന്റെ ദൈവ​ത്തോ​ടു അടുത്തു​വ​ന്നി​ട്ടു​മില്ല.” (സെഫന്യാ​വു 3:1, 2) യെരു​ശ​ലേ​മി​ന്റെ അവിശ്വ​സ്‌തത നിമിത്തം അവൾ ബാബി​ലോ​ന്യ​രാൽ രണ്ടു പ്രാവ​ശ്യം ഉപരോ​ധി​ക്ക​പ്പെ​ടു​ക​യും ഒടുവിൽ, പൊ.യു.മു. 607-ൽ പിടി​ക്ക​പ്പെട്ട്‌ നശിപ്പി​ക്ക​പ്പെ​ടു​ക​യും ചെയ്‌തു. (2 ദിനവൃ​ത്താ​ന്തം 36:5, 6, 11-21) യഹൂദ ചരി​ത്ര​കാ​ര​നായ ജോസീ​ഫസ്‌ പറയു​ന്ന​ത​നു​സ​രിച്ച്‌, മോവാ​ബി​നെ​യും അമ്മോ​നെ​യും സംബന്ധി​ച്ചാ​ണെ​ങ്കിൽ യെരു​ശ​ലേ​മി​ന്റെ പതനത്തി​ന്റെ അഞ്ചാം വർഷം, ബാബി​ലോ​ന്യർ അവർക്കെ​തി​രെ യുദ്ധം ചെയ്‌ത്‌ അവരെ കീഴടക്കി. പ്രവചി​ക്ക​പ്പെ​ട്ട​തു​പോ​ലെ, അവർ ക്രമേണ അസ്‌തി​ത്വ​ത്തിൽനിന്ന്‌ ഇല്ലായ്‌മ ചെയ്യ​പ്പെട്ടു.

19, 20. (എ) തനിക്കാ​യി കാത്തി​രു​ന്ന​വർക്കു യഹോവ എങ്ങനെ​യാ​ണു പ്രതി​ഫലം നൽകി​യത്‌? (ബി) ഈ സംഭവങ്ങൾ നമ്മെ സംബന്ധി​ച്ചി​ട​ത്തോ​ളം താത്‌പ​ര്യ​മു​ള്ള​താ​യി​രി​ക്കു​ന്നത്‌ എന്തു​കൊണ്ട്‌, പിൻവ​രുന്ന ലേഖന​ത്തിൽ എന്തു പരിചി​ന്തി​ക്ക​പ്പെ​ടും?

¹⁹ സെഫന്യാ​വി​ന്റെ പ്രവച​ന​ത്തി​ന്റെ ഈ വിശദാം​ശ​ങ്ങ​ളു​ടെ​യും മറ്റു വിശദാം​ശ​ങ്ങ​ളു​ടെ​യും നിവൃത്തി, യഹോ​വ​യ്‌ക്കാ​യി കാത്തി​രുന്ന യഹൂദർക്കും യഹൂ​ദേ​ത​രർക്കും വിശ്വാ​സത്തെ ബലപ്പെ​ടു​ത്തുന്ന ഒരു അനുഭ​വ​മാ​യി​രു​ന്നു. യഹൂദ​യു​ടെ​യും യെരുശ ലേമി​ന്റെ​യും മേൽ ഭവിച്ച നാശത്തെ അതിജീ​വി​ച്ച​വ​രു​ടെ കൂട്ടത്തിൽ യിരെ​മ്യാ​വും എത്യോ​പ്യ​നായ ഏബെദ്‌-മേലെ​ക്കും രേഖാ​ബ്യ​നായ യോനാ​ദാ​ബി​ന്റെ കുടും​ബ​വും ഉണ്ടായി​രു​ന്നു. (യിരെ​മ്യാ​വു 35:18, 19; 39:11, 12, 16-18) യഹോ​വ​യ്‌ക്കു വേണ്ടി കാത്തി​രുന്ന, പ്രവാ​സ​ത്തി​ലാ​യി​രുന്ന വിശ്വസ്‌ത യഹൂദ​രും അവരുടെ സന്തതി​ക​ളും, പൊ.യു.മു. 537-ൽ ബാബി​ലോ​നിൽനി​ന്നു വിടു​വി​ക്ക​പ്പെട്ട സന്തുഷ്ട ശേഷി​പ്പി​ന്റെ ഭാഗമാ​യി​ത്തീ​രു​ക​യും സത്യാ​രാ​ധന പുനഃ​സ്ഥാ​പി​ക്കാ​നാ​യി യഹൂദ​യി​ലേക്കു മടങ്ങി​വ​രി​ക​യും ചെയ്‌തു.—എസ്രാ 2:1; സെഫന്യാ​വു 3:14, 15, 20.

²⁰ ഇതെല്ലാം നമ്മുടെ കാല​ത്തേക്ക്‌ എന്താണ്‌ അർഥമാ​ക്കു​ന്നത്‌? സെഫന്യാ​വി​ന്റെ നാളിലെ അവസ്ഥ പല വിധങ്ങ​ളിൽ ഇന്നു ക്രൈ​സ്‌ത​വ​ലോ​ക​ത്തിൽ നടമാ​ടി​ക്കൊ​ണ്ടി​രി​ക്കുന്ന മ്ലേച്ഛ കാര്യ​ങ്ങ​ളു​മാ​യി പൊരു​ത്ത​പ്പെ​ടു​ന്നു. മാത്രമല്ല, അക്കാല​ങ്ങ​ളിൽ യഹൂദർക്കു​ണ്ടാ​യി​രുന്ന വ്യത്യസ്‌ത മനോ​ഭാ​വ​ങ്ങൾക്ക്‌ ഇന്നു കാണാൻ കഴിയുന്ന മനോ​ഭാ​വ​ത്തോട്‌, ചില​പ്പോൾ യഹോ​വ​യു​ടെ ജനത്തിന്റെ ഇടയിലെ മനോ​ഭാ​വ​ത്തോ​ടു​പോ​ലും സാമ്യ​മുണ്ട്‌. പിൻവ​രുന്ന ലേഖന​ത്തിൽ പരിചി​ന്തി​ക്ക​പ്പെ​ടുന്ന കാര്യ​ങ്ങ​ളാ​ണിവ.

[അടിക്കു​റിപ്പ]

പുനര​വ​ലോ​ക​നം

◻ സെഫന്യാ​വി​ന്റെ നാളിൽ യഹൂദ​യി​ലു​ണ്ടാ​യി​രുന്ന മതസ്ഥി​തി​വി​ശേഷം എന്തായി​രു​ന്നു?

◻ ജനനാ​യ​ക​ന്മാ​രു​ടെ ഇടയിൽ ഏതവസ്ഥകൾ നിലനി​ന്നി​രു​ന്നു, പല ആളുക​ളു​ടെ​യും മനോ​ഭാ​വം എന്തായി​രു​ന്നു?

◻ യഹോ​വ​യു​ടെ ജനത്തി​നെ​തി​രെ ജനതകൾ വീമ്പി​ള​ക്കി​യത്‌ എങ്ങനെ?

◻ യഹൂദ​യ്‌ക്കും മറ്റു ജനതകൾക്കും സെഫന്യാവ്‌ എന്തു മുന്നറി​യി​പ്പാ​ണു നൽകി​യത്‌?

◻ യഹോ​വ​യ്‌ക്കാ​യി കാത്തി​രു​ന്ന​വർക്ക്‌ എങ്ങനെ​യാ​ണു പ്രതി​ഫലം ലഭിച്ചത്‌?

[അധ്യയന ചോദ്യ​ങ്ങൾ]

[9-ാം പേജിലെ ചിത്രം]

പുരാതന ഇസ്രാ​യേ​ലി​നെ​തി​രെ മോവാ​ബ്യ രാജാ​വായ മേശെ നിന്ദിത വാക്കുകൾ സംസാ​രി​ച്ച​താ​യി മോവാ​ബ്യ ശില സ്ഥിരീ​ക​രി​ക്കു​ന്നു

[കടപ്പാട്‌]

Moabite Stone: Musée du Louvre, Paris

[10-ാം പേജിലെ ചിത്രം]

സെഫന്യാവിന്റെ പ്രവച​നത്തെ പിന്താ​ങ്ങി​ക്കൊണ്ട്‌, ബാബി​ലോ​ന്യ വൃത്താന്തം എന്ന ക്യൂണി​ഫോം ഫലകം ഒരു സഖ്യസേന നിന​വേയെ നശിപ്പി​ച്ച​തി​നെ​ക്കു​റി​ച്ചു രേഖ​പ്പെ​ടു​ത്തു​ന്നു

[കടപ്പാട]

Cuneiform tablet: Courtesy of The British Museum