രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

മുൻ ശത്രുക്കൾ യഹോ​വ​യു​ടെ സേവന​ത്തിൽ ഏകീകൃ​തർ

“യഹോ​വ​യു​ടെ സാക്ഷി​ക​ളെ​ക്കു​റി​ച്ചു ഞാൻ ആദ്യമാ​യിട്ട്‌ എന്തെങ്കി​ലും കേട്ടത്‌ ഒരു സായുധ കാവൽക്കാ​ര​നാ​യി ഞാൻ ബോസ്‌നി​യ​യിൽ സേവി​ക്കു​മ്പോ​ഴാ​യി​രു​ന്നു,” ബ്രാങ്കോ വിശദീ​ക​രി​ക്കു​ന്നു. a

മുറി​വേ​റ്റ​വ​രെ ചികി​ത്സി​ക്കുന്ന ഒരു ആശുപ​ത്രി​യിൽ കാവൽക്കാ​ര​നാ​യി ജോലി ചെയ്യു​ക​യാ​യി​രു​ന്നു ബ്രാങ്കോ. ഡോക്ടർമാ​രി​ലൊ​രാൾ സാക്ഷി​ക​ളോ​ടൊ​ത്തു ബൈബിൾ പഠിക്കു​ന്നു​ണ്ടാ​യി​രു​ന്നു. ബൈബി​ളിൽനി​ന്നു താൻ പഠിച്ച വളരെ​യ​ധി​കം കാര്യങ്ങൾ അദ്ദേഹം ഒരു രാത്രി ഷിഫ്‌റ്റി​ന്റെ സമയത്ത്‌ ബ്രാ​ങ്കോ​യ്‌ക്ക്‌ വിശദീ​ക​രി​ച്ചു കൊടു​ത്തു.

ബ്രാങ്കോ ഉടൻതന്നെ ആയുധ​ങ്ങ​ളെ​ല്ലാം ഉപേക്ഷി​ക്ക​ത്ത​ക്ക​വണ്ണം ആ രാത്രി​യിൽ കേട്ട കാര്യങ്ങൾ അദ്ദേഹത്തെ അത്രകണ്ടു സ്‌പർശി​ച്ചു. കൂടുതൽ പഠിക്കാൻ ആഗ്രഹി​ച്ചു​കൊണ്ട്‌ അദ്ദേഹം യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ടു. കുറേ​നാൾ കഴിഞ്ഞ്‌, മറ്റൊരു യൂറോ​പ്യൻ രാജ്യ​ത്തി​ലേക്കു മാറി​ത്താ​മ​സി​ച്ച​ശേഷം ബ്രാങ്കോ ഒരു രാജ്യ​ഹാൾ തേടി​പ്പി​ടി​ക്കു​ക​യും യഹോ​വ​യു​ടെ സാക്ഷി​ക​ളു​ടെ യുഗോ​സ്ലാ​വി​യൻ സഭയുടെ യോഗ​ത്തിൽ പങ്കെടു​ക്കു​ക​യും ചെയ്‌തു. അവി​ടെ​വെ​ച്ചാണ്‌ ബ്രാങ്കോ സ്ലോ​ബോ​ഡാ​നെ കണ്ടുമു​ട്ടു​ന്നത്‌.

സ്ലോ​ബോ​ഡാ​നും ബോസ്‌നി​യ​യിൽനി​ന്നു​ള്ള​യാ​ളാ​യി​രു​ന്നു. അദ്ദേഹ​വും ബ്രാങ്കോ ഏർപ്പെ​ട്ടി​രുന്ന അതേ യുദ്ധത്തിൽ സ്വമേ​ധ​യാ​സേ​വ​ക​നാ​യി സേവി​ച്ചി​രു​ന്നു—മറുപ​ക്ഷ​ത്തി​ന്റെ ക്യാമ്പി​ലാ​യി​രു​ന്നു​വെന്നു മാത്രം. സ്ലോ​ബോ​ഡാൻ സെർബി​യർക്കു​വേണ്ടി ക്രൊ​യേ​ഷ്യർക്കെ​തി​രെ യുദ്ധം ചെയ്‌തു. എന്നാൽ രണ്ടു​പേ​രും തമ്മിൽ കണ്ടുമു​ട്ടി​യ​പ്പോ​ഴേ​ക്കും സ്ലോ​ബോ​ഡാൻ യഹോ​വ​യു​ടെ ഒരു സ്‌നാ​പ​ന​മേറ്റ സാക്ഷി​യാ​യി​ക്ക​ഴി​ഞ്ഞി​രു​ന്നു. തന്റെ മുൻ ശത്രു​വാ​യി​രുന്ന ബ്രാ​ങ്കോ​യോ​ടൊ​പ്പം അദ്ദേഹം ബൈബിൾ പഠിക്കാൻ വാഗ്‌ദാ​നം ചെയ്‌തു. പഠനം പുരോ​ഗ​മി​ച്ച​പ്പോൾ ബ്രാങ്കോ യഹോ​വ​യെ​ക്കു​റി​ച്ചു കൂടുതൽ പഠിക്കു​ക​യും ദൈവ​ത്തോ​ടുള്ള അദ്ദേഹ​ത്തി​ന്റെ സ്‌നേഹം വളരു​ക​യും ചെയ്‌തു. തന്റെ ജീവിതം സ്രഷ്ടാ​വി​നു സമർപ്പി​ക്കു​ന്ന​തിന്‌ ഇതു ബ്രാ​ങ്കോ​യെ പ്രേരി​പ്പി​ച്ചു. 1993 ഒക്ടോ​ബ​റിൽ അദ്ദേഹം തന്റെ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി.

സ്ലോ​ബോ​ഡാൻ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​ത്തീർന്നത്‌ എങ്ങനെ​യാണ്‌? അദ്ദേഹം കുറേ​നാൾമുമ്പ്‌ ബോസ്‌നി​യ​യി​ലെ യുദ്ധ മേഖല ഉപേക്ഷി​ച്ചു പോന്നി​രു​ന്നു. അദ്ദേഹം സാക്ഷി​ക​ളു​ടെ ചില പ്രസി​ദ്ധീ​ക​ര​ണങ്ങൾ വായി​ച്ചി​ട്ടു​ണ്ടാ​യി​രു​ന്നെ​ങ്കി​ലും ദൈവ​വ​ച​ന​ത്തി​ലുള്ള അദ്ദേഹ​ത്തി​ന്റെ താത്‌പ​ര്യം വളർന്നത്‌ 1992-ന്റെ ആരംഭ​ത്തിൽ രണ്ടു സാക്ഷികൾ അദ്ദേഹ​ത്തി​ന്റെ ഭവനം സന്ദർശി​ച്ച​പ്പോൾമാ​ത്ര​മാണ്‌. സ്ലോ​ബോ​ഡാന്‌ ബൈബി​ള​ധ്യ​യനം വാഗ്‌ദാ​നം ചെയ്‌തു​കൊണ്ട്‌ ആരാണ്‌ അദ്ദേഹത്തെ സന്ദർശി​ച്ചത്‌? അത്‌ മൂയോ ആയിരു​ന്നു. ഒരു മുസ്ലീ​മാ​യി വളർന്നു​വന്ന അദ്ദേഹ​വും ബോസ്‌നി​യ​യിൽനി​ന്നു​ള്ള​യാ​ളാ​യി​രു​ന്നു. ബൈബിൾ പഠനം പുരോ​ഗ​മി​ച്ച​തോ​ടെ ഒരിക്കൽ ശത്രു​ക്ക​ളാ​യി​രുന്ന മൂയോ​യും സ്ലോ​ബോ​ഡാ​നും പരസ്‌പരം വിശ്വാ​സം ശക്തി​പ്പെ​ടു​ത്തു​ന്ന​തിന്‌ ഓരോ ദിവസ​വും കുറച്ചു സമയം ഒന്നിച്ചു ചെലവ​ഴി​ച്ചു.

മുൻ യുഗോ​സ്ലാ​വി​യ​യി​ലെ യുദ്ധം ലക്ഷക്കണ​ക്കിന്‌ ആളുക​ളു​ടെ ജീവ​നൊ​ടു​ക്കി. എന്നാൽ ബ്രാ​ങ്കോ​യും സ്ലോ​ബോ​ഡാ​നും മൂയോ​യും ഇപ്പോൾ യഹോ​വ​യു​ടെ സാക്ഷി​ക​ളു​ടെ ഒരേ സഭയിൽത്തന്നെ മുഴു​സമയ പ്രസം​ഗ​ക​രാ​യി സേവി​ക്കു​ന്നു. വംശീ​യ​വും വർഗീ​യ​വു​മായ പോരാ​ട്ടത്തെ അവർ തരണം​ചെ​യ്‌തി​രി​ക്കു​ന്നു. ഇപ്പോൾ അവർ സ്രഷ്ടാ​വായ യഹോ​വ​യ്‌ക്കു കീഴ്‌പ്പെ​ട്ടു​കൊണ്ട്‌ സമാധാ​നം അന്വേ​ഷി​ക്കു​ന്നു.

എന്നാൽ ആ മാറ്റങ്ങൾക്ക്‌ ഇടയാ​ക്കി​യത്‌ എന്താണ്‌? അത്‌ യഹോ​വ​യോ​ടുള്ള അവരുടെ സ്‌നേ​ഹ​വും ബൈബി​ളി​നോ​ടുള്ള ആദരവും തങ്ങളുടെ ജീവി​ത​ത്തിൽ ബൈബിൾ സത്യം ബാധക​മാ​ക്കാ​നുള്ള ഉത്സുക​ത​യു​മാ​യി​രു​ന്നു. വിശുദ്ധ തിരു​വെ​ഴു​ത്തു​കൾ പറയു​ന്ന​തു​പോ​ലെ, “ദൈവ​ത്തി​ന്റെ വചനം ജീവനു​ള്ള​തും ശക്തി ചെലു​ത്തു​ന്ന​തും . . . ഹൃദയ​ത്തി​ലെ ചിന്തക​ളെ​യും ഉദ്ദേശ്യ​ങ്ങ​ളെ​യും വിവേ​ചി​ക്കാൻ പ്രാപ്‌തി​യു​ള്ള​തു​മാ​കു​ന്നു.”—എബ്രായർ 4:12, NW.

[അടിക്കു​റിപ്പ]