രാജ്യ​വാർത്ത​യു​മാ​യി വിജയ​ക​ര​മായ ഒരു പ്രചര​ണ​പ​രി​പാ​ടി

“ജീവിതം ഇത്ര പ്രശ്‌ന​പൂ​രി​ത​മാ​യി​രി​ക്കു​ന്നത്‌ എന്തു​കൊണ്ട്‌?—പ്രശ്‌ന​ര​ഹി​ത​മായ ഒരു പറുദീസ സാധ്യ​മോ?” കഴിഞ്ഞ വർഷം ഏപ്രി​ലി​ലും മേയി​ലു​മാ​യി 139 ഭാഷക​ളിൽ ലോക​വ്യാ​പ​ക​മാ​യി വിതരണം ചെയ്യപ്പെട്ട നാലു പേജുള്ള ലഘു​ലേ​ഖ​യായ രാജ്യ​വാർത്ത നമ്പ. 34-ന്റെ ശീർഷകം അതായി​രു​ന്നു. ജമെയ്‌ക്ക​യി​ലെ സാക്ഷികൾ ഈ സേവന പ്രചര​ണ​പ​രി​പാ​ടി​യെ വർണി​ച്ചത്‌ “ഈ വർഷത്തെ വിശേ​ഷാ​ശ​യ​ങ്ങ​ളിൽ ഒന്ന്‌” എന്നാണ്‌. “സഹോ​ദ​ര​ങ്ങളെ സംബന്ധി​ച്ചി​ട​ത്തോ​ളം ആനന്ദത്തി​ന്റെ ഒരു വമ്പിച്ച ഉറവിടം” എന്ന്‌ ബൽജി​യ​ത്തി​ലെ സാക്ഷികൾ അതിനെ വിളിച്ചു. ചെക്ക്‌ റിപ്പബ്ലി​ക്കിൽ, യഹോ​വ​യു​ടെ സാക്ഷി​കൾക്ക്‌ ഒരു രാജ്യ​വാർത്ത വിതര​ണ​ത്തിൽ പങ്കെടു​ക്കാൻ കഴിഞ്ഞ ആദ്യ അവസര​മാ​യി​രു​ന്നു അത്‌. ബ്രാഞ്ച്‌ ഇങ്ങനെ റിപ്പോർട്ടു ചെയ്യുന്നു: “പ്രചര​ണ​പ​രി​പാ​ടി തീക്ഷ്‌ണ​ത​യു​ടെ​യും ഉത്സാഹ​ത്തി​ന്റെ​യും ഒരു ആത്മാവു കൈവ​രു​ത്തി.” സമാന​മായ അഭി​പ്രാ​യങ്ങൾ മറ്റു പല രാജ്യ​ങ്ങ​ളിൽനി​ന്നും കേൾക്കു​ക​യു​ണ്ടാ​യി.

മതത്തിന്റെ പേരിൽ ചെയ്യുന്ന നിന്ദാ​പ്ര​വൃ​ത്തി​കൾ നിമിത്തം നെടു​വീർപ്പി​ടു​ക​യും ഞരങ്ങു​ക​യും ചെയ്യു​ന്ന​വർക്കു​വേണ്ടി രാജ്യ​വാർത്ത നമ്പ. 34-ൽ ഒരു പ്രത്യേക സന്ദേശ​മു​ണ്ടാ​യി​രു​ന്നു. (യെഹെ​സ്‌കേൽ 9:4) തങ്ങൾക്കു നിയ​ന്ത്രി​ക്കാൻ കഴിയാത്ത “ഇടപെ​ടാൻ പ്രയാ​സ​മേ​റിയ സമയങ്ങൾ” നിമിത്തം ജീവിതം ദുരി​ത​മ​യ​മാ​യി​രി​ക്കു​ന്ന​വർക്കു വേണ്ടി​യുള്ള ആശ്വാസം അതിലു​ണ്ടാ​യി​രു​ന്നു. (2 തിമോ​ത്തി 3:1, NW) ബൈബി​ളി​ലേക്കു വിരൽചൂ​ണ്ടി​ക്കൊണ്ട്‌, ജീവിത പ്രശ്‌നങ്ങൾ വളരെ വേഗം പരിഹ​രി​ക്ക​പ്പെ​ടു​മെന്നു ലഘുലേഖ കാണി​ച്ചു​തന്നു. പ്രശ്‌ന​ര​ഹി​ത​മായ ഒരു പറുദീസ സുനി​ശ്ചി​ത​മാണ്‌. (ലൂക്കൊസ്‌ 23:43) രാജ്യ​വാർത്ത വായിച്ച പലരും അതിന്റെ സന്ദേശ​ത്താൽ സ്വാധീ​നി​ക്ക​പ്പെട്ടു. ടോ​ഗോ​യി​ലെ ഒരു മനുഷ്യൻ ഒരു സാക്ഷി​യോട്‌ ഇങ്ങനെ പറഞ്ഞു: “നിങ്ങൾ പ്രസ്‌താ​വി​ച്ചത്‌ അവിതർക്കി​ത​മാണ്‌.”

ഈ രാജ്യ​വാർത്ത​യു​ടെ വിതരണം അസാധാ​ര​ണ​മായ ശ്രദ്ധ പിടി​ച്ചു​പ​റ്റി​യെ​ന്നു​ള്ളത്‌ അനി​ഷേ​ധ്യ​മാണ്‌. ഡെൻമാർക്കി​ലെ ഒരു വീട്ടു​കാ​രൻ ലഘുലേഖ കൊടു​ക്കു​ക​യാ​യി​രുന്ന ഒരു സാക്ഷി​യോട്‌ ഇങ്ങനെ പ്രതി​ക​രി​ച്ചു: “ഞാൻ ഇപ്പോൾ ഐക്യ​നാ​ടു​ക​ളിൽനി​ന്നു മടങ്ങി​യെ​ത്തി​യ​തേ​യു​ള്ളൂ. ഞാൻ അവിടു​ന്നു പോരു​ന്ന​തി​നു തൊട്ടു​മുമ്പ്‌ ഒരാൾ നിങ്ങളു​ടെ ലഘുലേഖ എനിക്കു തന്നു. ഇപ്പോൾ ഞാൻ ഇങ്ങു വന്നു കയറി​യ​തേ​യു​ള്ളൂ. പെട്ടെ​ന്നു​തന്നെ അതേ ലഘുലേഖ ഡാനിഷ്‌ ഭാഷയിൽ നൽകി​യി​രി​ക്കു​ന്നു!”

പ്രചര​ണ​പ​രി​പാ​ടി​ക്കു​വേ​ണ്ടി​യുള്ള ഉത്സാഹ​ഭ​രി​ത​മായ പിന്തുണ

ലോക​ത്തി​നു ചുറ്റു​മുള്ള യഹോ​വ​യു​ടെ സാക്ഷികൾ ലഘു​ലേ​ഖ​യു​ടെ വിതരണ വേലയിൽ ഉത്സാഹ​ത്തോ​ടെ ചേർന്നു. ഓസ്‌ട്രിയ, എൽ സാൽവ​ഡോർ, ഹെയ്‌റ്റി, ഹംഗറി, ഇറ്റലി, ന്യൂക​ല​ഡോ​ണിയ എന്നിവ, രാജ്യ​വാർത്ത വിതരണം ചെയ്‌ത മാസങ്ങ​ളിൽ പ്രസാ​ധ​ക​രു​ടെ സർവകാല അത്യു​ച്ചങ്ങൾ റിപ്പോർട്ടു ചെയ്‌ത പല രാജ്യ​ങ്ങ​ളിൽ ചിലതു മാത്ര​മാണ്‌.

സാംബി​യ​യിൽ ഒരു സർക്കിട്ട്‌ മേൽവി​ചാ​രകൻ തന്റെ മൂന്നു വയസ്സുള്ള പുത്രി ഡെബ്രയെ വീടു​തോ​റും സാഹി​ത്യം സമർപ്പി​ക്കു​ന്ന​തി​നു പരിശീ​ലി​പ്പി​ച്ചി​രു​ന്നു. രാജ്യ​വാർത്ത നമ്പ. 34-ന്റെ പ്രചര​ണ​പ​രി​പാ​ടി​യു​ടെ സമയത്ത്‌ ഡെബ്ര ലഘു​ലേ​ഖ​യു​ടെ 45 പ്രതി​ക​ളി​ല​ധി​കം സമർപ്പി​ച്ചു. ഡെബ്ര​യിൽനി​ന്നു രാജ്യ​വാർത്ത സ്വീക​രിച്ച ചിലരു​മൊത്ത്‌ അവളുടെ മാതാവ്‌ ബൈബി​ള​ധ്യ​യ​നങ്ങൾ ആരംഭി​ച്ചു.

ദക്ഷിണാ​ഫ്രി​ക്ക​യി​ലെ ഒരു കൗമാ​ര​പ്രാ​യ​ക്കാ​രി കഷ്യാ എന്നു പേരുള്ള ഒരു സഹപാ​ഠിക്ക്‌ ലഘുലേഖ സമർപ്പി​ച്ചു. കഷ്യാ ലഘുലേഖ വായി​ച്ചിട്ട്‌ ഇപ്രകാ​രം പറഞ്ഞു: “ഒരു പറുദീ​സാ ഭൂമി​യിൽ എന്നേക്കും ജീവി​ക്കുക—ഇതു തികച്ചും അത്ഭുത​ക​ര​മാ​യി​രി​ക്കു​ന്നു! അതേക്കു​റിച്ച്‌ എന്നോടു നേരത്തെ പറയാ​തി​രു​ന്നത്‌ എന്തു​കൊ​ണ്ടാണ്‌?” ഒരു ബൈബി​ള​ധ്യ​യനം ആരംഭി​ച്ചു. ഒരാഴ്‌ച​യ്‌ക്കു​ള്ളിൽ കഷ്യാ മറ്റൊരു ലഘുലേഖ സ്വീക​രി​ച്ചു. രണ്ടാമ​ത്തേത്‌ സൈ​പ്ര​സിൽ താമസി​ക്കുന്ന റോമൻ കത്തോ​ലി​ക്കാ വിശ്വാ​സി​യായ അവളുടെ തൂലികാ സുഹൃ​ത്തിൽനി​ന്നാ​ണു വന്നത്‌. റോമൻ കത്തോ​ലി​ക്കാ സഭയുടെ പഠിപ്പി​ക്ക​ലു​കൾ തെറ്റാ​യി​രി​ക്കു​ന്നത്‌ എന്തു​കൊ​ണ്ടാ​ണെന്ന്‌ ആ തൂലികാ സുഹൃത്തു വിശദീ​ക​രി​ക്കു​ക​യും അവൾ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ ഉദ്ദേശി​ക്കു​ന്നു​വെന്ന്‌ അവളോ​ടു പറയു​ക​യും ചെയ്‌തു. തീർച്ച​യാ​യും, തന്റെ പഠനം തുടരാ​നുള്ള കഷ്യാ​യു​ടെ തീരു​മാ​നത്തെ അതു വളരെ​യ​ധി​കം ശക്തീക​രി​ച്ചു.

സ്വിറ്റ്‌സർലൻഡിൽ പത്തു വയസ്സുള്ള ഒരു  ആൺകുട്ടി ലഘു​ലേ​ഖ​യു​ടെ വിതര​ണ​ത്തിൽ അമ്മയോ​ടൊ​പ്പം പങ്കെടു​ത്തു. ഒരു ചെറു​പ്പ​ക്കാ​രിക്ക്‌ അവൻ ഒരു പ്രതി കൊടു​ക്കു​ക​യും അതു ശ്രദ്ധാ​പൂർവം വായി​ക്കാൻ പ്രോ​ത്സാ​ഹി​പ്പി​ക്കു​ക​യും ചെയ്‌തു. അതിന്റെ പുറം​പേ​ജി​ലെ ചിത്രം വിശദീ​ക​രി​ക്കു​ന്നത്‌—ഭൂമി​യി​ലെ അനന്ത ജീവ​നെ​ക്കു​റിച്ച്‌—യഥാർഥ​ത്തിൽ വിശ്വ​സി​ക്കു​ന്നു​ണ്ടോ​യെന്ന്‌ ആ ചെറു​പ്പ​ക്കാ​രി ആൺകു​ട്ടി​യോ​ടു ചോദി​ച്ചു. ആൺകു​ട്ടി​യു​ടെ ഉത്തര​മെ​ന്താ​യി​രു​ന്നു? “ഓ, ഉണ്ട്‌, എനിക്കു നല്ല ഉറപ്പുണ്ട്‌.” തന്റെ മതത്തിൽ വളരെ​യ​ധി​കം വൈരു​ദ്ധ്യ​ങ്ങ​ളു​ള്ള​തു​കൊണ്ട്‌ സത്യ വിശ്വാ​സ​ത്തി​നു​വേണ്ടി തിരയു​ക​യാ​യി​രു​ന്നു​വെന്ന്‌ ആ സ്‌ത്രീ അപ്പോൾ വെളി​പ്പെ​ടു​ത്തി. മടക്കസ​ന്ദർശ​ന​ത്തിൽ ഒരു ബൈബി​ള​ധ്യ​യനം ആരംഭി​ച്ചു.

തൽക്ഷണ​മുള്ള പ്രതി​ക​ര​ണ​ങ്ങൾ

ചിലസ​മ​യ​ങ്ങ​ളിൽ രാജ്യ​വാർത്ത അതു വായി​ച്ച​വ​രിൽ തൽക്ഷണ​മുള്ള പ്രതി​ക​ര​ണ​മു​ള​വാ​ക്കി. ആ ലഘുലേഖ വായിച്ചു കഴിഞ്ഞ​പ്പോൾ ബെൽജി​യ​ത്തി​ലുള്ള ഒരു 11 വയസ്സു​കാ​രി പെൺകു​ട്ടി താൻ പീടി​ക​മോ​ഷണം നടത്തിയ കാര്യം യഹോ​വ​യു​ടെ സാക്ഷി​ക​ളി​ലൊ​രാ​ളോ​ടു സമ്മതിച്ചു പറഞ്ഞു. ആ പെൺകു​ട്ടി​യു​ടെ അമ്മ ആ സംഗതി​യെ​ക്കു​റി​ച്ചു മിണ്ടാ​തി​രി​ക്കാൻ ആഗ്രഹി​ച്ചു. എന്നാൽ വായിച്ച സംഗതി ആ കൊച്ചു പെൺകു​ട്ടി​യു​ടെ മനഃസാ​ക്ഷി​യെ സ്‌പർശി​ച്ചു. ആ ഷോപ്പിങ്‌ സെന്ററി​ന്റെ മാനേ​ജരെ പോയി കാണാൻ അവൾ നിർബന്ധം പിടിച്ചു. ഒടുവിൽ സാക്ഷി​യോ​ടൊ​പ്പം ഷോപ്പിങ്‌ സെന്ററി​ലേക്കു മടങ്ങി​പ്പോ​കാൻ അമ്മ പുത്രി​യെ അനുവ​ദി​ച്ചു. അവളുടെ കുറ്റസ​മ്മ​ത​ത്തിൽ മാനേ​ജർക്കു വിസ്‌മയം തോന്നി. ഈ രീതി​യിൽ പ്രവർത്തി​ക്കാൻ അവളെ പ്രേരി​പ്പി​ച്ചത്‌ രാജ്യ​വാർത്ത​യാ​ണെന്നു മനസ്സി​ലാ​ക്കി​യ​പ്പോൾ അത്ര ശക്തയേ​റി​യ​താ​യി​ട്ടെ​ന്താണ്‌ അതിലു​ള്ള​തെന്നു കാണാ​നാ​യി അദ്ദേഹം തനിക്കു​വേണ്ടി ഒരു പ്രതി​യെ​ടു​ത്തു. ആ പെൺകു​ട്ടി​യു​ടെ ബൈബി​ള​ധ്യ​യനം ഇപ്പോൾ പുരോ​ഗ​തി​പ്രാ​പി​ച്ചു​കൊ​ണ്ടി​രി​ക്കു​ക​യാണ്‌.

കാമറൂ​ണി​ലെ ഒരു സാക്ഷി രാജ്യ​വാർത്ത​യു​ടെ ഒരു പ്രതി ഒരു മനുഷ്യ​നു കൊടു​ത്തു. അതേക്കു​റിച്ച്‌ ഇങ്ങനെ വിവരി​ക്കു​ന്നു: “ഞങ്ങൾ മടങ്ങി​ച്ചെ​ന്ന​പ്പോൾ അദ്ദേഹം അതി​നോ​ടകം അതിൽ അടിവ​ര​യി​ട്ടി​രി​ക്കു​ന്ന​താ​യും അദ്ദേഹ​ത്തിന്‌ അനേകം ചോദ്യ​ങ്ങ​ളു​ള്ള​താ​യും ഞങ്ങൾ കണ്ടെത്തി. സംതൃ​പ്‌തി​ക​ര​മായ ഉത്തരങ്ങൾ ലഭിച്ച​പ്പോൾ അദ്ദേഹം ഇങ്ങനെ പ്രഖ്യാ​പി​ച്ചു: ‘മതം മനുഷ്യ​ന്റെ അസന്തു​ഷ്ടി​ക്കു സംഭാവന ചെയ്‌തി​രി​ക്കു​ന്നു എന്നുള്ളതു തികച്ചും സത്യമാണ്‌. നിങ്ങളു​ടെ ലഘുലേഖ വളരെ​യ​ധി​കം കാര്യങ്ങൾ മനസ്സി​ലാ​ക്കു​ന്ന​തിന്‌ എന്നെ സഹായി​ച്ചു. എന്നാൽ കൂടു​ത​ല​റി​യാൻ ഞാൻ ആഗ്രഹി​ക്കു​ന്നു.’” അദ്ദേഹ​ത്തിന്‌ ഇപ്പോൾ ക്രമമായ ഒരു ബൈബി​ള​ധ്യ​യ​ന​മുണ്ട്‌.

ഉറു​ഗ്വെ​യിൽ വീടു​തോ​റും സന്ദർശനം നടത്തു​ക​യാ​യി​രുന്ന ഒരു സാക്ഷി ഒരു മനുഷ്യന്‌ ഒരു ലഘുലേഖ സമർപ്പി​ച്ചു. ആ സാക്ഷി വീടു​തോ​റു​മുള്ള തന്റെ പ്രസം​ഗ​വേല തുടർന്നു. അദ്ദേഹം ആ ബ്ലോക്കി​നു ചുറ്റും പ്രവർത്തിച്ച്‌ ഒടുവിൽ ആ മനുഷ്യ​ന്റെ വീടിന്റെ പുറകി​ലത്തെ വാതിൽക്കൽ ചെന്നു. ലഘുലേഖ കയ്യിൽപ്പി​ടി​ച്ചു​കൊണ്ട്‌ ആ മനുഷ്യൻ തനിക്കാ​യി കാത്തി​രി​ക്കു​ന്നതു കണ്ടത്‌ അദ്ദേഹത്തെ അത്ഭുത​പ്പെ​ടു​ത്തി. അദ്ദേഹം അതി​നോ​ടകം അതു വായി​ച്ചു​ക​ഴി​ഞ്ഞി​രു​ന്നു, കൂടുതൽ വിവര​ങ്ങ​ള​റി​യാൻ ആഗ്രഹി​ക്കു​ക​യും ചെയ്‌തു. അവി​ടെ​വെ​ച്ചു​തന്നെ ഒരു അധ്യയനം ആരംഭി​ച്ചു.

പൊതു​ജനം വിതര​ണ​ത്തിൽ സഹായി​ക്കു​ന്നു

ജപ്പാനി​ലെ ഒരു യുവ സാക്ഷി 50-കളിലാ​യി​രി​ക്കുന്ന ഒരു മനുഷ്യ​നെ സമീപി​ക്കു​ക​യും ലഘുലേഖ അദ്ദേഹ​ത്തി​നു പരിച​യ​പ്പെ​ടു​ത്തു​ക​യും ചെയ്‌തു. ആ മനുഷ്യൻ ഇപ്രകാ​രം ചോദി​ച്ചു: “കണ്ണു കാണാൻ വയ്യാത്ത ആളുകളെ കണ്ടുമു​ട്ടു​മ്പോൾ നിങ്ങൾ ആ ലഘുലേഖ കൊണ്ട്‌ എന്തു ചെയ്യും?” തനിക്ക്‌ അറിഞ്ഞു​കൂ​ടെന്ന്‌ ആ സാക്ഷി സമ്മതിച്ചു. ഒരു നിമിഷം നിൽക്കാൻ പറഞ്ഞിട്ട്‌ ആ മനുഷ്യൻ തന്റെ വീട്ടി​ലേക്കു കയറി​പ്പോ​യി. അദ്ദേഹം രാജ്യ​വാർത്ത​യു​ടെ ഒരു പ്രതി​യു​മാ​യി മടങ്ങി​യെ​ത്തി​യി​ട്ടു പറഞ്ഞു: “എനിക്ക്‌ ആ ലഘുലേഖ നേര​ത്തെ​തന്നെ ലഭിച്ചി​രു​ന്നു. അതിൽ വളരെ രസകര​വും പ്രാധാ​ന്യ​മർഹി​ക്കു​ന്ന​തു​മായ വിവരം അടങ്ങി​യി​രി​ക്കു​ന്ന​താ​യി എനിക്കു തോന്നി. അതു​കൊ​ണ്ടു ഞാൻ അത്‌ അന്ധലി​പി​യി​ലേക്കു പകർത്തി. അന്ധരാ​യി​രി​ക്കു​ന്ന​വർക്കു​വേണ്ടി ദയവായി ഇത്‌ ഉപയോ​ഗി​ക്കുക.” രാജ്യ​വാർത്ത​യിൽ അടങ്ങി​യി​രി​ക്കു​ന്നത്‌ അന്ധരാ​യി​രി​ക്കു​ന്ന​വർക്കു നഷ്ടമാ​കാ​തി​രി​ക്കാൻ തക്കവണ്ണം അത്‌ അന്ധലി​പി​യി​ലേക്കു പകർത്താൻ ആ മനുഷ്യൻ അനേക മണിക്കൂ​റു​കൾ ചെലവ​ഴി​ച്ചു.

സ്ലോവാ​ക്യ​യി​ലെ ഒരു മനുഷ്യ​നു ലഘുലേഖ വളരെ​യ​ധി​കം ഇഷ്ടമായി. അദ്ദേഹം അതിന്റെ 20 പ്രതികൾ ഉണ്ടാക്കു​ക​യും ആ ഫോ​ട്ടോ​കോ​പ്പി​കൾ സ്വയം വിതരണം ചെയ്യു​ക​യും ചെയ്‌തു. സ്വിറ്റ്‌സർലൻഡി​ലെ ഒരു പ്രസാ​ധകൻ ഒരു കുടും​ബ​ത്തി​നു രാജ്യ​വാർത്ത കൊടു​ത്തിട്ട്‌ ആ കുടും​ബം താമസിച്ച കെട്ടി​ട​ത്തി​ന്റെ മുകളി​ലത്തെ നിലക​ളിൽ പ്രവർത്തനം തുടർന്നു. തിരി​ച്ചി​റ​ങ്ങി​വ​രു​മ്പോൾ അദ്ദേഹം ആ കുടും​ബ​ത്തി​ലെ ഒരു ആൺകു​ട്ടി​യെ കണ്ടുമു​ട്ടി. അവൻ ലഘു​ലേ​ഖ​യു​ടെ കൂടു​ത​ലായ 19 കോപ്പി​കൾ ആവശ്യ​പ്പെട്ടു. പ്രശ്‌ന​ങ്ങ​ളെ​ക്കു​റി​ച്ചും പരിഹാ​ര​ങ്ങൾക്കു​വേ​ണ്ടി​യുള്ള അന്വേ​ഷ​ണ​ത്തെ​ക്കു​റി​ച്ചും എഴുതാൻ ആ കുട്ടി​യു​ടെ സ്‌കൂ​ളി​ലെ വിദ്യാർഥി​കൾക്കു നിയമനം ലഭിച്ചി​ട്ടു​ണ്ടാ​യി​രു​ന്നു. തന്റെ സഹപാ​ഠി​ക​ളി​ലോ​രോ​രു​ത്തർക്കും രാജ്യ​വാർത്ത​യു​ടെ ഒരു പ്രതി​യു​ണ്ടാ​യി​രി​ക്കാൻ അവൻ ആഗ്രഹി​ച്ചു.

ആരെയും വിട്ടു​ക​ള​ഞ്ഞി​ല്ല

പ്രചര​ണ​പ​രി​പാ​ടി​യിൽ പങ്കെടു​ത്തവർ ആരെയും വിട്ടു​ക​ള​ഞ്ഞി​ട്ടില്ല എന്ന്‌ ഉറപ്പു​വ​രു​ത്തു​ന്ന​തി​നു​വേണ്ടി ഊർജിത ശ്രമം നടത്തി. രാജ്യ​വാർത്ത വിതരണം ചെയ്യു​ന്ന​തി​നു​വേണ്ടി ന്യൂക​ല​ഡോ​ണി​യ​യി​ലെ രണ്ടു സാക്ഷികൾ വിദൂ​ര​ത്തി​ലുള്ള ഒരു ഗോത്ര പ്രദേ​ശ​ത്തേക്കു യാത്ര​ചെ​യ്യു​ക​യാ​യി​രു​ന്നു. പോകുന്ന വഴിക്ക്‌ അവർ ആരും യാത്ര​ചെ​യ്യാ​ത്ത​താ​യി കാണപ്പെട്ട ഒരു വഴി ശ്രദ്ധിച്ചു. എന്നിരു​ന്നാ​ലും ആ വഴി അവസാ​നി​ക്കു​ന്നി​ടത്ത്‌ ആരെങ്കി​ലും താമസി​ക്കു​ന്നു​ണ്ടോ​യെന്നു നോക്കാൻ അവർ തീരു​മാ​നി​ച്ചു. കാറവി​ടെ ഇട്ടിട്ട്‌ അവർ വഴിയി​ലൂ​ടെ​യും അരുവി​ക​ളി​ലൂ​ടെ​യും കഷ്ടപ്പെട്ടു നടന്നു​കൊ​ണ്ടു സഞ്ചാരം തുടർന്നു. ഒടുവിൽ അവർ ഒരു വീടു കണ്ടെത്തി. യഹോ​വ​യു​ടെ സാക്ഷി​ക​ളെ​ക്കു​റിച്ച്‌ ഒരിക്ക​ലും കേട്ടി​ട്ടി​ല്ലാത്ത ഒരു ദമ്പതി​ക​ളാ​യി​രു​ന്നു അവിടെ താമസി​ച്ചി​രു​ന്നത്‌. അവർ രാജ്യ​വാർത്ത​യു​ടെ ഒരു പ്രതി സ്വീക​രി​ച്ചു. പിന്നീട്‌ പ്രസാ​ധകർ മടക്കസ​ന്ദർശനം നടത്തി​യ​പ്പോൾ, സാക്ഷി​കൾക്കു വീടു​വരെ കാറോ​ടി​ച്ചു ചെല്ലത്ത​ക്ക​വണ്ണം ആ ദമ്പതികൾ റോഡും അനേകം ചെറു പാലങ്ങ​ളും നന്നാക്കി​യി​രി​ക്കു​ന്നതു കണ്ടത്‌ അവരെ അത്ഭുത​പ്പെ​ടു​ത്തി. ഒരു ക്രമമായ ബൈബി​ള​ധ്യ​യനം ആരംഭി​ച്ചു.

ഒരു വീട്ടു​കാ​രന്‌ രാജ്യ​വാർത്ത​യു​ടെ ഒരു പ്രതി കൊടു​ക്കാൻ പോള​ണ്ടി​ലെ ഒരു സാക്ഷിക്ക്‌ ഒരു നിർമാണ സ്ഥലം കടന്നു പോക​ണ​മാ​യി​രു​ന്നു. അദ്ദേഹം തിരി​ച്ചു​പോ​കു​മ്പോൾ കെട്ടി​ടം​പണി നടക്കുന്ന സ്ഥലം കടന്നു പോകു​ന്നതു പണിക്കാർ നിരീ​ക്ഷി​ച്ചു. അവസാനം പണിക്കാ​രിൽ ഒരാൾ അദ്ദേഹത്തെ വിളിച്ചു, തങ്ങളെ മറക്കരു​തെന്ന്‌ അദ്ദേഹ​ത്തോട്‌ ആവശ്യ​പ്പെട്ടു. അദ്ദേഹം അവരെ സമീപി​ച്ച​പ്പോൾ അവർ പണി​യെ​ല്ലാം നിർത്തി ലഘു​ലേ​ഖ​യു​ടെ അവതരണം ശ്രദ്ധാ​പൂർവം കേട്ടു. അവർ രാജ്യ​വാർത്ത​യും മാസി​ക​ക​ളും പിന്നീട്‌, ഒരു മടക്കസ​ന്ദർശ​ന​ത്തിൽ പുസ്‌ത​ക​ങ്ങ​ളും സ്വീക​രി​ച്ചു.

രാജ്യ​വാർത്ത നമ്പ. 34-ന്റെ കോടി​ക്ക​ണ​ക്കി​നു പ്രതികൾ അനേകം ഭാഷക​ളിൽ വിതരണം ചെയ്യ​പ്പെട്ടു. അതിന്റെ സന്ദേശ​ത്തിന്‌ ഇപ്പോൾത്തന്നെ ഒരു ശക്തമായ ഫലം ഉണ്ടായി​രു​ന്നി​ട്ടുണ്ട്‌. പ്രശ്‌ന​ര​ഹി​ത​മായ ഒരു പറുദീസ സാധ്യ​മാ​ണെന്ന്‌ അനേകർ മനസ്സി​ലാ​ക്കി​യി​രി​ക്കു​ന്നു. പരമാർഥ​ഹൃ​ദ​യ​രാ​യവർ തുടർന്നും പ്രതി​ക​രി​ക്കാ​നും ഒടുവിൽ അവർ, “ഭൂമിയെ കൈവ​ശ​മാ​ക്കു”കയും “സമാധാ​ന​സ​മൃ​ദ്ധി​യിൽ . . . ആനന്ദിക്കു”കയും ചെയ്യുന്ന “സൌമ്യ​ത​യു​ള്ളവ”രുടെ കൂട്ടത്തിൽ ഉൾപ്പെ​ടാ​നു​മാ​ണു നമ്മുടെ പ്രാർഥന.—സങ്കീർത്തനം 37:11.

 [31-ാം പേജിലെ ചതുരം]

മാസികാ വിതരണം നടത്തു​ന്ന​തിൽ തുടരുക!

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റഞ്ച്‌ ഏപ്രിൽ, മേയ്‌ മാസങ്ങൾ രാജ്യ​വാർത്ത നമ്പ. 34-ന്റെ വിതര​ണ​ത്തിൽ ഉയർന്ന അളവിൽ വിജയ​ക​ര​മായ ഒരു പ്രചര​ണ​പ​രി​പാ​ടി​ക്കു സാക്ഷ്യം വഹിച്ചു. ആ രണ്ടു മാസങ്ങ​ളിൽ വീക്ഷാ​ഗോ​പു​രം, ഉണരുക! മാസി​ക​ക​ളു​ടെ ശ്രദ്ധേ​യ​മായ ഒരു വിതര​ണ​വും ഉണ്ടായി​രു​ന്നു. ഉദാഹ​ര​ണ​ത്തിന്‌, ഏപ്രി​ലിൽ രാജ്യ​വാർത്ത​യു​ടെ 250 പ്രതി​ക​ളും 750 മാസി​ക​ക​ളും സമർപ്പി​ച്ച​താ​യി ചെക്ക്‌ റിപ്പബ്ലി​ക്കി​ലെ ഒരു സഹോ​ദരൻ റിപ്പോർട്ടു ചെയ്യുന്നു. ഗ്വാഡ​ലൂ​പ്പിൽ ഏപ്രിൽ 15 ശനിയാഴ്‌ച ഒരു പ്രത്യേക മാസി​കാ​ദി​ന​മാ​യി തിര​ഞ്ഞെ​ടു​ത്തു. രാജ്യത്തെ മിക്കവാ​റും എല്ലാ പ്രസാ​ധ​ക​രും ആ ദിവസം ശുശ്രൂ​ഷ​യിൽ പങ്കെടു​ത്തു! സ്ലോവാ​ക്യ​യ്‌ക്ക്‌ ഏപ്രി​ലിൽ മാസികാ വിതര​ണ​ത്തിൽ ഒരു പുതിയ അത്യുച്ചം ഉണ്ടായി​രു​ന്നു. മറ്റു പല രാജ്യ​ങ്ങ​ളിൽനി​ന്നും സമാന​മായ റിപ്പോർട്ടു​കൾ ലഭിച്ചു.

അതു​കൊണ്ട്‌ 1996 ഏപ്രിൽ, മേയ്‌ മാസങ്ങളെ മാസികാ വിതര​ണ​ത്തി​നുള്ള പ്രമുഖ മാസങ്ങ​ളാ​ക്ക​രു​തോ? സഭകൾക്കു പ്രത്യേക മാസി​കാ​ദി​നങ്ങൾ സംഘടി​പ്പി​ക്കാൻ കഴിയും. വ്യക്തി​കൾക്കു സഹായ പയനി​യ​റി​ങ്ങിൽ പങ്കെടു​ക്കാൻ കഴിയും. ഇവയും മറ്റു മാർഗ​ങ്ങ​ളും വഴി മാസികാ വിതര​ണത്തെ പ്രോ​ത്സാ​ഹി​പ്പി​ക്കാ​നും രാജ്യ​വാർത്ത നമ്പ. 34-ൽ പ്രഖ്യാ​പി​ച്ചി​രി​ക്കുന്ന ജീവത്‌പ്ര​ധാ​ന​മായ സന്ദേശം വ്യാപി​പ്പി​ക്കു​ന്ന​തിൽ തുടരാ​നും കഴിയും. അപ്പോൾ, കഴിഞ്ഞ വർഷ​ത്തെ​പ്പോ​ലെ, നാം പ്രകടി​പ്പി​ക്കുന്ന തീക്ഷ്‌ണതാ മനോ​ഭാ​വത്തെ യഹോവ തീർച്ച​യാ​യും അനു​ഗ്ര​ഹി​ക്കും.—2 തിമൊ​ഥെ​യൊസ്‌ 4:22.