രോഗി​ക​ളു​ടെ അവകാ​ശങ്ങൾ ആദരി​ക്ക​പ്പെ​ട്ടു

‘രക്തം കൂടാതെ എനിക്ക്‌ ഈ ശസ്‌ത്ര​ക്രിയ നടത്താ​നാ​വില്ല. ശസ്‌ത്ര​ക്രിയ വേണ​മെ​ന്നു​ണ്ടെ​ങ്കിൽ നിങ്ങൾ എന്റെ ചികി​ത്സാ​രീ​തി​യ്‌ക്കു വഴങ്ങണം. അല്ലാത്ത​പക്ഷം വേറെ ഡോക്ടറെ കണ്ടുപി​ടി​ച്ചോ​ളൂ.’

ഡോക്ട​റു​ടെ വാക്കുകൾ ജങ്ങ്‌ സേ ജൂവിന്റെ വിശ്വാ​സത്തെ ഉലച്ചില്ല. അവൾ തായ്‌ലൻഡിൽ താമസി​ക്കുന്ന ഒരു യഹോ​വ​യു​ടെ സാക്ഷി​യാണ്‌. മെനിൻജി​യോമ എന്നു പറയുന്ന ഒരു തരം മസ്‌തിഷ്‌ക ട്യൂമർ ഉള്ളതായി രോഗ​നിർണയം ചെയ്യപ്പെട്ട ജങ്ങിന്‌ അടിയ​ന്തിര ശസ്‌ത്ര​ക്രിയ ആവശ്യ​മാ​യി​രു​ന്നു. എന്നാൽ “രക്തം . . . വർജ്ജിക്കു”ക എന്ന ബൈബിൾ കൽപ്പന അനുസ​രി​ക്കാൻ അവൾ തീരു​മാ​നി​ച്ചു​റ​ച്ചി​രു​ന്നു.—പ്രവൃ​ത്തി​കൾ 15:28, 29.

സാധി​ക്കു​ന്ന​പ​ക്ഷം തന്റെ സ്വന്തം രാജ്യ​ത്തു​വച്ചു ചികി​ത്സി​ക്ക​പ്പെ​ടാൻ ഇഷ്ടപ്പെ​ട്ട​തു​കൊ​ണ്ടു ജങ്ങ്‌ വേറെ രണ്ട്‌ ആശുപ​ത്രി​കൾ സന്ദർശി​ച്ചു. രക്തം കൂടാതെ ശസ്‌ത്ര​ക്രിയ നടത്താൻ അവിടു​ത്തെ ഡോക്ടർമാ​രും വിസമ്മ​തി​ച്ചത്‌ അവളെ നിരാ​ശ​യാ​ക്കി. ഒടുവിൽ, തായ്‌ലൻഡി​ലെ ഹോസ്‌പി​റ്റൽ ഇൻഫർമേഷൻ സർവീ​സസ്‌ (എച്ച്‌ഐ​എസ്‌) മുഖാ​ന്തരം ജങ്ങ്‌ ടോക്കി​യോ വിമെൻസ്‌ മെഡിക്കൽ കോള​ജി​ലെ ന്യൂ​റോ​ള​ജി​ക്കൽ ഇൻസ്റ്റി​റ്റ്യൂ​ട്ടു​മാ​യി ബന്ധപ്പെട്ടു. ആ ആശുപ​ത്രി, ഗാമാ​ര​ശ്‌മി​ക​ളു​പ​യോ​ഗിച്ച്‌ 200-ലധികം മസ്‌തിഷ്‌ക ട്യൂമർ രോഗി​കളെ ചികി​ത്സി​ച്ചി​രു​ന്നു. റേഡി​യേഷൻ ചികി​ത്സ​യി​ലെ ഏറ്റവും പുതിയ വികാ​സ​ങ്ങ​ളി​ലൊ​ന്നാ​ണു ഗാമാ​ര​ശ്‌മി ഉപയോ​ഗി​ച്ചുള്ള ചികിത്സ.

ജങ്ങിന്‌, ആശുപ​ത്രി​യ്‌ക്കു സമീപം താമസി​ക്കുന്ന ജാപ്പനീസ്‌ സാക്ഷി​ക​ളു​ടെ കൂടെ താമസി​ക്കാ​നുള്ള ക്രമീ​ക​രണം ചെയ്യ​പ്പെട്ടു. തായ്‌ ഭാഷ സംസാ​രി​ക്കുന്ന രണ്ടു യഹോ​വ​യു​ടെ സാക്ഷി​ക​ളും ഒരു എച്ച്‌ഐ​എസ്‌ പ്രതി​നി​ധി​യും ഉൾപ്പെടെ സാക്ഷി​ക​ളു​ടെ ഒരു സംഘം അവളെ വിമാ​ന​ത്താ​വ​ള​ത്തിൽ സ്വീക​രി​ച്ചു. ഒരാഴ്‌ചത്തെ പരി​ശോ​ധ​ന​കൾക്കു​ശേഷം ജങ്ങിനെ ആശുപ​ത്രി​യി​ലാ​ക്കി. അവിടെ അവൾ ഗാമാ​ര​ശ്‌മി​കൾ ഉപയോ​ഗി​ച്ചുള്ള ചികി​ത്സ​യ്‌ക്കു വിധേ​യ​യാ​യി. ആ നടപടിക്ക്‌ ഏതാണ്ട്‌ ഒരു മണിക്കൂർ മാത്രമേ വേണ്ടി​വ​ന്നു​ള്ളൂ. പിറ്റേ ദിവസം അവളെ ആശുപ​ത്രി​യിൽനി​ന്നു വിട്ടു. അതിന്റെ പിറ്റേന്നു ജങ്ങ്‌ തായ്‌ലൻഡി​ലേക്കു മടങ്ങി​പ്പോ​കു​ക​യും ചെയ്‌തു.

“ഈ ക്രമീ​ക​ര​ണ​ത്തി​ലൂ​ടെ ഇത്രയ​ധി​കം സഹായം പ്രദാനം ചെയ്യാൻ കഴിയു​മെന്നു ഞാൻ ഒരിക്ക​ലും സങ്കൽപ്പി​ച്ചി​രു​ന്നില്ല. എന്നോടു പ്രകട​മാ​ക്കിയ സ്‌നേ​ഹ​വും അതു​പോ​ലെ​തന്നെ ഉൾപ്പെ​ട്ടി​രുന്ന പല വ്യക്തി​കൾക്കി​ട​യി​ലെ സഹകര​ണ​വും യഥാർഥ​ത്തിൽ എന്നിൽ മതിപ്പു​ള​വാ​ക്കി,” ജങ്ങ്‌ പറഞ്ഞു.

ഈ വാർത്താ ഇനം റിപ്പോർട്ടു ചെയ്യവേ ജാപ്പനീസ്‌ പത്രമായ മൈനി​ച്ചി ഷിംബൂൺ ഇപ്രകാ​രം അഭി​പ്രാ​യ​പ്പെട്ടു: “രക്തപ്പകർച്ച​ക​ളു​ടെ നിരസ​ന​ത്തി​നുള്ള മതപര​മായ കാരണ​ങ്ങ​ളാണ്‌ ഇന്നുവരെ പ്രദീ​പ്‌ത​മാ​ക്ക​പ്പെ​ട്ടി​ട്ടു​ള്ളത്‌. എന്നാൽ, എയ്‌ഡ്‌സ്‌, ഹെപ്പാ​റ്റൈ​റ്റിസ്‌ സി പോലുള്ള വൈറസ്‌ രോഗ​ബാ​ധ​ക​ളു​ടെ അപകട​സാ​ധ്യത, അലർജി​കൾ എന്നിങ്ങ​നെ​യുള്ള പാർശ്വ​ഫ​ലങ്ങൾ രക്തപ്പകർച്ച​കൾക്കുണ്ട്‌. ഇക്കാര​ണ​ത്താൽ മതപര​മായ വിശ്വാ​സം നിമി​ത്ത​മ​ല്ലാ​തെ രക്തപ്പകർച്ചകൾ വേണ്ടെന്നു വയ്‌ക്കുന്ന രോഗി​ക​ളുണ്ട്‌.”

പത്രം കൂടു​ത​ലാ​യി ഇപ്രകാ​രം പ്രസ്‌താ​വി​ച്ചു: “രക്തപ്പകർച്ചകൾ നടത്താൻ വിസമ്മ​തിച്ച പല രോഗി​ക​ളും ആശുപ​ത്രി​കൾ മാറാൻ നിർബ​ന്ധി​ത​രാ​യി​ട്ടുണ്ട്‌. എന്നാൽ രോഗി​യു​ടെ ഹിതം ആദരി​ക്കു​ന്നതു സംബന്ധി​ച്ചു വൈദ്യ സ്ഥാപന​ങ്ങ​ളു​ടെ ഭാഗത്തു മാറ്റം ആവശ്യ​മാണ്‌. കാര്യ​ജ്ഞാ​ന​ത്തോ​ടെ​യുള്ള സമ്മതം (ഉൾപ്പെ​ട്ടി​രി​ക്കുന്ന സംഗതി​യു​ടെ പൂർണ വിശദീ​ക​രണം ലഭിച്ച​ശേഷം രോഗി ചികി​ത്സ​യ്‌ക്കു സമ്മതി​ക്കു​ന്നത്‌) ആവശ്യ​മാണ്‌, രക്തപ്പകർച്ചാ കേസു​കൾക്ക്‌ ഇക്കാര്യ​ത്തിൽ ഒഴിക​ഴി​വില്ല. ഒരു പ്രത്യേക മതം മാത്രം ഉൾപ്പെ​ട്ടി​രി​ക്കുന്ന സംഗതി​യല്ല ഇതെന്നു തിരി​ച്ച​റി​യേ​ണ്ട​തുണ്ട്‌.”

ജങ്ങ്‌ സേ ജൂവി​നെ​പ്പോ​ലെ രക്തരഹിത ചികിത്സ നടത്താൻ ആഗ്രഹി​ക്കുന്ന പലർക്കും മറ്റ്‌ ആശുപ​ത്രി​ക​ളി​ലേക്കു മാറേണ്ടി വരുന്നു. എന്നിരു​ന്നാ​ലും, രോഗി​ക​ളു​ടെ അവകാ​ശ​ങ്ങളെ ആദരി​ക്കാൻ മനസ്സൊ​രു​ക്കം കാട്ടുന്ന ഡോക്ടർമാ​രു​ടെ ശ്രമങ്ങളെ അവർ വിലമ​തി​ക്കു​ന്നു.

തങ്ങളുടെ വിശ്വാ​സ​ങ്ങളെ ആദരി​ക്കുന്ന ഡോക്ടർമാ​രു​ടെ സഹകരണം തേടു​ന്ന​തി​നു​വേണ്ടി യഹോ​വ​യു​ടെ സാക്ഷികൾ, വാച്ച്‌ ടവർ സൊ​സൈ​റ്റി​യു​ടെ ബ്രാഞ്ചു​ക​ളിൽ ഹോസ്‌പി​റ്റൽ ഇൻഫർമേഷൻ സർവീ​സസ്‌ സ്ഥാപിച്ചു. എച്ച്‌ഐ​എസ്‌, ലോക​മെ​മ്പാ​ടു​മാ​യി ആശുപ​ത്രി​കൾ, ഡോക്ടർമാർ, ആരോഗ്യ-പരിപാ​ലന ജോലി​ക്കാർ, വക്കീലൻമാർ, ജഡ്‌ജി​മാർ എന്നിവ​രു​മാ​യി സഹകര​ണാ​ത്മ​ക​മായ ബന്ധങ്ങൾ പടുത്തു​യർത്തു​ന്നു.