സ്‌മാ​രകം യോഗ്യ​മാ​യി ആചരി​ക്കു​ക

യേശു പൊ.യു. (പൊതു​യു​ഗം) 33-ലെ നീസാൻ 14-ന്‌ ആയിരു​ന്നു സ്‌മാ​രകം ഏർപ്പെ​ടു​ത്തി​യത്‌. a അവൻ തന്റെ 12 അപ്പോ​സ്‌ത​ലൻമാ​രു​മാ​യി പെസഹാ ആഘോഷം നടത്തി​ക്ക​ഴി​ഞ്ഞതേ ഉണ്ടായി​രു​ന്നു​ള്ളു, അതു​കൊണ്ട്‌ നമുക്കു തീയതി ഉറപ്പു​ണ്ടാ​യി​രി​ക്കാൻ കഴിയും. ദ്രോ​ഹി​യായ യൂദായെ ഇറക്കി​വി​ട്ട​ശേഷം യേശു “അപ്പം എടുത്തു വാഴ്‌ത്തി നുറുക്കി അവർക്കു കൊടു​ത്തു: വാങ്ങു​വിൻ; ഇതു എന്റെ ശരീരം എന്നു പറഞ്ഞു. പിന്നെ പാനപാ​ത്രം എടുത്തു സ്‌തോ​ത്രം​ചൊ​ല്ലി അവർക്കു കൊടു​ത്തു; എല്ലാവ​രും അതിൽനി​ന്നു കുടിച്ചു; ഇതു അനേകർക്കു​വേണ്ടി ചൊരി​യു​ന്ന​താ​യി നിയമ​ത്തി​നുള്ള എന്റെ രക്തം.”—മർക്കൊസ്‌ 14:22-24.

തന്റെ മരണത്തി​ന്റെ പ്രാധാ​ന്യം നിമിത്തം അതിന്റെ സ്‌മാ​രകം ആഘോ​ഷി​ക്കാൻ യേശു തന്റെ ശിഷ്യൻമാ​രോ​ടു കൽപ്പിച്ചു. (ലൂക്കൊസ്‌ 22:19; 1 കൊരി​ന്ത്യർ 11:23-26) അവകാ​ശ​പ്പെ​ടു​ത്തിയ പാപത്തി​ന്റെ​യും മരണത്തി​ന്റെ​യും ശാപത്തിൽനി​ന്നു മനുഷ്യ​വർഗത്തെ വീണ്ടെ​ടു​ക്കാൻ കഴിയു​മാ​യി​രുന്ന ഏകയാഗം അവന്റേ​താ​യി​രു​ന്നു. (റോമർ 5:12; 6:23) അവൻ ഉപയോ​ഗിച്ച അപ്പവും വീഞ്ഞും അവന്റെ പൂർണ​ത​യുള്ള ശരീര​ത്തി​ന്റെ​യും രക്തത്തി​ന്റെ​യും പ്രതീ​കങ്ങൾ ആയിരു​ന്നു. ആദ്യ തീയതി അറിയു​ന്ന​തി​നാൽ ഓരോ വർഷവും അതി​നോട്‌ ഒത്തുവ​രുന്ന ദിവസം നമുക്ക്‌ ഈ അവസര​ത്തി​ന്റെ ആഘോഷം നടത്താൻ കഴിയും, യഹൂദ​പെ​സ​ഹ​യു​ടെ കാര്യ​ത്തിൽ ചെയ്‌തി​രു​ന്ന​തു​പോ​ലെ​തന്നെ. എന്നാൽ നാം യോഗ്യ​മാ​യി അങ്ങനെ ചെയ്യണം. എന്തു​കൊണ്ട്‌?

അപ്പവീ​ഞ്ഞു​ക​ളാ​യ ചിഹ്നങ്ങ​ളിൽ പങ്കുപ​റ​റു​ന്നവർ “കർത്താവു വരു​വോ​ളം അവന്റെ മരണത്തെ പ്രസ്‌താ​വി​ക്കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (ചെരി​ച്ചെ​ഴു​ത്തു ഞങ്ങളു​ടേത്‌.) (1 കൊരി​ന്ത്യർ 11:26) ആഘോ​ഷ​ത്തിൽ ശ്രദ്ധ കേന്ദ്രീ​ക​രി​ക്കു​ന്നത്‌ അങ്ങനെ യേശു​വി​ന്റെ മരണത്തിൻമേ​ലും മനുഷ്യ​വർഗ​ത്തി​നുള്ള അതിന്റെ അർഥത്തിൻമേ​ലു​മാ​യി​രി​ക്കും. ഈ സന്ദർഭം ഗൗരവ​മു​ള്ള​താ​യി​രി​ക്കും, ദൈവ​ത്തി​ന്റെ നൻമ​യെ​ക്കു​റി​ച്ചും യഹോ​വ​യോ​ടും അവന്റെ പുത്ര​നോ​ടും നമുക്കു​ണ്ടാ​യി​രി​ക്കേണ്ട വിലമ​തി​പ്പി​നെ​ക്കു​റി​ച്ചും വിചി​ന്ത​നം​ചെ​യ്യു​ന്ന​തി​നുള്ള ഒരു സമയം​തന്നെ. (റോമർ 5:8; തീത്തൊസ്‌ 2:14; 1 യോഹ​ന്നാൻ 4:9, 10) അതു​കൊണ്ട്‌, “അയോ​ഗ്യ​മാ​യി അപ്പം തിന്നു​ക​യോ കർത്താ​വി​ന്റെ പാനപാ​ത്രം കുടി​ക്ക​യോ ചെയ്യു​ന്നവൻ എല്ലാം കർത്താ​വി​ന്റെ ശരീര​വും രക്തവും സംബന്ധി​ച്ചു കുററ​ക്കാ​രൻ ആകും” എന്നു പൗലോസ്‌ മുന്നറി​യി​പ്പു നൽകി.—1 കൊരി​ന്ത്യർ 11:27.

യോഗ്യ​മാ​യി—എങ്ങനെ?

ചോദ്യം​ചെ​യ്യത്തക്ക നടപടി​ക​ളിൽ ഏർപ്പെ​ട്ടു​കൊണ്ട്‌ അല്ലെങ്കിൽ പുറജാ​തി ആചാരങ്ങൾ സ്വീക​രി​ച്ചു​കൊണ്ട്‌ നാം ആ അവസരത്തെ അവിശു​ദ്ധ​മാ​ക്കു​ക​യാ​ണെ​ങ്കിൽ ദൈവം പ്രസാ​ദി​ക്കു​ക​യി​ല്ലെന്നു സ്‌പഷ്ട​മാണ്‌. (യാക്കോബ്‌ 1:27; 4:3, 4) ഇത്‌ ഈസ്‌റ​റർകാ​ല​ത്തി​ലെ പ്രചാ​ര​മുള്ള സംഭവ​ങ്ങളെ നിരാ​ക​രി​ക്കും. “എന്റെ ഓർമ്മെ​ക്കാ​യി ഇതു ചെയ്‌വിൻ” എന്ന യേശു​വി​ന്റെ നിർദേശം അനുസ​രി​ക്കു​മ്പോൾ അവൻ ഏർപ്പെ​ടു​ത്തിയ പ്രകാ​രം​തന്നെ സ്‌മാ​രകം ആഘോ​ഷി​ക്കാൻ നാം ആഗ്രഹി​ക്കും. (ലൂക്കൊസ്‌ 22:19; 1 കൊരി​ന്ത്യർ 11:24, 25) ഇതു ക്രൈ​സ്‌ത​വ​ലോ​ക​ത്തി​ലെ സഭകൾ ഈ ആഘോ​ഷ​ത്തോ​ടു കൂട്ടി​ച്ചേർത്ത അലങ്കാ​ര​ങ്ങളെ നിയമ​വി​രു​ദ്ധ​മാ​ക്കും. “ക്രിസ്‌തു​വും അവന്റെ അപ്പോ​സ്‌ത​ലൻമാ​രും പിന്തു​ടർന്ന വളരെ ലളിത​മായ ചടങ്ങിൽനി​ന്നു വളരെ വ്യത്യ​സ്‌ത​മാണ്‌ ഇന്നത്തെ കുറു​ബാന” എന്ന്‌ ന്യൂ കാത്തലിക്ക്‌ എൻ​സൈ​ക്ലോ​പീ​ഡി​യാ സമ്മതി​ക്കു​ന്നു. കൂടെ​ക്കൂ​ടെ, ദിവ​സേ​ന​പോ​ലും, കുറു​ബാന ആചരി​ക്കു​ന്ന​തി​നാൽ ക്രൈ​സ്‌ത​വ​ലോ​കം യേശു ഉദ്ദേശി​ച്ച​തിൽനി​ന്നു വ്യതി​ച​ലി​ക്കു​ക​യും അതിനെ ഒരു സാധാരണ സംഭവ​മാ​ക്കു​ക​യും ചെയ്‌തി​രി​ക്കു​ന്നു.

കർത്താ​വി​ന്റെ സന്ധ്യാ​ഭ​ക്ഷണം സംബന്ധി​ച്ചു സഭയിൽ ഒരു പ്രശ്‌നം ഉയർന്നു​വ​ന്ന​തു​കൊ​ണ്ടാണ്‌ അയോ​ഗ്യ​മാ​യി പങ്കെടു​ക്കു​ന്ന​തു​സം​ബ​ന്ധി​ച്ചു പൗലോസ്‌ കൊരി​ന്ത്യ​സ​ഭ​യ്‌ക്ക്‌ എഴുതി​യത്‌. ചിലർ അതിന്റെ പരിപാ​വ​ന​ത്വ​ത്തെ ആദരി​ച്ചില്ല. ചിലർ തങ്ങളുടെ അത്താഴം കൊണ്ടു​വ​രു​ക​യും യോഗ​ത്തി​നു​മു​മ്പോ യോഗ​സ​മ​യ​ത്തോ ഭക്ഷിക്കു​ക​യും ചെയ്‌തു. മിക്ക​പ്പോ​ഴും അവർ അമിത​മാ​യി ഭക്ഷിക്കു​ക​യും  കുടി​ക്കു​ക​യും ചെയ്‌തു. ഇത്‌ അവരെ മയക്കമു​ള്ള​വ​രാ​ക്കു​ക​യും അവരുടെ ബോ​ധേ​ന്ദ്രി​യ​ങ്ങളെ മന്ദീഭ​വി​പ്പി​ക്കു​ക​യും ചെയ്‌തു. മാനസി​ക​മാ​യും ആത്മീയ​മാ​യും ജാഗ്ര​ത​യു​ള്ള​വ​ര​ല്ലാ​ഞ്ഞ​തി​നാൽ അവർക്കു “ശരീരത്തെ വിവേചി”ക്കാൻ കഴിഞ്ഞില്ല, അങ്ങനെ അവർ ‘കർത്താ​വി​ന്റെ ശരീര​വും രക്തവും സംബന്ധി​ച്ചു കുററ​ക്കാർ’ ആയിത്തീർന്നു. ഇതേസ​മയം, അത്താഴം കൊണ്ടു​വ​രാ​ഞ്ഞവർ വിശന്നി​രി​ക്ക​യും അവരുടെ ശ്രദ്ധ പതറു​ക​യും ചെയ്‌തു. ഫലത്തിൽ അവരിൽ ആരും കർത്താ​വി​ന്റെ മരണത്തി​ന്റെ ഓർമ​ക്കാ​യി​ട്ടാണ്‌ ഈ ആഘോ​ഷ​മെന്ന വിലമ​തി​പ്പോ​ടും സന്ദർഭ​ത്തി​ന്റെ ഗൗരവ​ത്തി​ന്റെ പൂർണ തിരി​ച്ച​റി​വോ​ടും കൂടെ ചിഹ്നങ്ങ​ളിൽ പങ്കുപ​റ​റാ​വുന്ന ഒരു അവസ്ഥയി​ലാ​യി​രു​ന്നില്ല. ഇത്‌ അവർക്കെ​തി​രെ​യുള്ള ന്യായ​വി​ധി​യിൽ കലാശി​ച്ചു. കാരണം അവർ അതി​നോട്‌ അനാദ​രവ്‌, പുച്ഛം​പോ​ലും, പ്രകട​മാ​ക്കു​ക​യാ​യി​രു​ന്നു.—1 കൊരി​ന്ത്യർ 11:27-34.

വിവേചന ആവശ്യം

ചിലർ യഥാർഥ​ത്തിൽ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റി​യി​ട്ടുണ്ട്‌. എങ്കിലും, അതു ചെയ്‌തു​കൂ​ടാ​യി​രു​ന്നു​വെന്നു പിന്നീട്‌ അവർ തിരി​ച്ച​റി​ഞ്ഞു. സ്‌മാ​ര​ക​ചി​ഹ്ന​ങ്ങ​ളിൽ ഉചിത​മാ​യി പങ്കെടു​ക്കു​ന്നവർ ദൈവ​ത്താൽ തിര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നു, അവർക്ക്‌ അതിനു ദൈവാ​ത്മാ​വി​ന്റെ സാക്ഷ്യ​മുണ്ട്‌. (റോമർ 8:15-17; 2 കൊരി​ന്ത്യർ 1:21, 22) തങ്ങളുടെ വ്യക്തി​പ​ര​മായ തീരു​മാ​ന​മോ നിശ്ചയ​മോ അല്ല അവരെ യോഗ്യ​രാ​ക്കു​ന്നത്‌. സ്വർഗ​ത്തിൽ ക്രിസ്‌തു​വി​നോ​ടു​കൂ​ടെ ഭരിക്കാ​നു​ള്ള​വ​രു​ടെ സംഖ്യ ദൈവം 1,44,000 ആയി പരിമി​ത​പ്പെ​ടു​ത്തി​യി​രി​ക്ക​യാണ്‌, ക്രിസ്‌തു​വി​ന്റെ മറുവി​ല​യിൽനി​ന്നു പ്രയോ​ജനം കിട്ടു​ന്ന​വ​രോ​ടെ​ല്ലാ​മുള്ള താരത​മ്യ​ത്തിൽ ആപേക്ഷി​ക​മാ​യി ചെറിയ ഒരു സംഖ്യ​തന്നെ. (വെളി​പ്പാ​ടു 14:1, 3) തിര​ഞ്ഞെ​ടുപ്പ്‌ യേശു​വി​ന്റെ നാളി​ലാ​ണു തുടങ്ങി​യത്‌; തത്‌ഫ​ല​മാ​യി ഇന്ന്‌ ചുരുക്കം ചില പങ്കാളി​കളേ ഉള്ളു. അവരിൽ ചിലർ മരണത്തി​ന്റെ പിടി​യി​ലാ​കു​മ്പോൾ ആ സംഖ്യ കുറ​യേ​ണ്ട​താണ്‌.

ഒരുവൻ തെററാ​യി എന്തു​കൊ​ണ്ടു ചിഹ്നങ്ങ​ളിൽ പങ്കുപ​റ​റി​യേ​ക്കാം? അത്‌ എല്ലാ വിശ്വ​സ്‌ത​രും സ്വർഗ​ത്തിൽ പോകു​ന്നു​വെന്ന മതപര​മായ മുൻവീ​ക്ഷ​ണങ്ങൾ നിമി​ത്ത​മാ​യി​രി​ക്കാം. അല്ലെങ്കിൽ അത്‌ അതി​മോ​ഹ​മോ സ്വർഥ​ത​യോ നിമി​ത്ത​മാ​യി​രി​ക്കാം—ഒരുവൻ മററു​ള്ള​വ​രെ​ക്കാൾ അർഹനാ​ണെ​ന്നുള്ള തോന്ന​ലും പ്രാമു​ഖ്യ​ത​ക്കു​വേ​ണ്ടി​യുള്ള ഒരു  ആഗ്രഹ​വും. ഒരുപക്ഷേ അതു ഗുരു​ത​ര​മായ പ്രശ്‌ന​ങ്ങ​ളിൽനി​ന്നോ ഭൂമി​യി​ലെ ജീവി​ത​ത്തിൽ ഒരുവനു താത്‌പ​ര്യം നഷ്ടപ്പെ​ടാ​നി​ട​യാ​ക്കുന്ന ഒരു ദുരന്ത​ത്തിൽനി​ന്നോ സംജാ​ത​മാ​കുന്ന ശക്തമായ വികാ​ര​ങ്ങ​ളു​ടെ ഫലമാണ്‌. അതു സ്വർഗീയ വിളി​യുള്ള ഒരാ​ളോ​ടുള്ള അടുത്ത സൗഹൃ​ദം​നി​മി​ത്ത​വു​മാ​യി​രി​ക്കാം. തീരു​മാ​നം മുഴു​വ​നാ​യി ദൈവ​ത്തി​ന്റേ​താണ്‌, നമ്മു​ടേതല്ല എന്നു നമ്മളെ​ല്ലാം ഓർത്തി​രി​ക്കേ​ണ്ട​തുണ്ട്‌. (റോമർ 9:16) അതു​കൊണ്ട്‌ ഒരു വ്യക്തി “ശോധന ചെയ്‌തി​ട്ടു” താൻ യഥാർഥ​ത്തിൽ പങ്കെടു​ക്ക​രു​താ​യി​രു​ന്നു എന്നു കണ്ടെത്തു​ന്നു​വെ​ങ്കിൽ അയാൾ ഇപ്പോൾ പിൻമാ​റണം.—1 കൊരി​ന്ത്യർ 11:28.

മനുഷ്യ​വർഗ​ത്തിൽ മിക്കവ​രു​ടെ​യും മുമ്പാകെ ദൈവം വെച്ചി​രി​ക്കുന്ന പ്രത്യാശ പറുദീ​സാ​ഭൂ​മി​യി​ലെ നിത്യ​ജീ​വ​ന്റേ​താണ്‌. അതു നോക്കി​പ്പാർത്തി​രി​ക്കാ​നുള്ള വലിയ ഒരു അനു​ഗ്ര​ഹ​മാണ്‌, അതു നാം അനായാ​സം ആകർഷി​ക്ക​പ്പെ​ടാ​വുന്ന ഒന്നാണ്‌. (ഉല്‌പത്തി 1:28; സങ്കീർത്തനം 37:9, 11) വിശ്വ​സ്‌തർ പുനരു​ത്ഥാ​നം പ്രാപി​ക്കുന്ന തങ്ങളുടെ പ്രിയ​പ്പെ​ട്ട​വ​രോ​ടു വീണ്ടും കൂടി​ചേ​രു​ന്ന​തും, യേശു സ്വർഗീയ ജീവനി​ലേ​ക്കുള്ള വഴി തുറക്കു​ന്ന​തി​നു​മുമ്പ്‌ മൃതി​യ​ട​ഞ്ഞ​വ​രായ അബ്രഹാം, സാറാ, മോശ, രാഹാബ്‌, ദാവീദ്‌, യോഹ​ന്നാൻ സ്‌നാ​പകൻ, എന്നിങ്ങ​നെ​യുള്ള പുരാതന നീതി​മാൻമാ​രെ കണ്ടുമു​ട്ടു​ന്ന​തും ഭൂമി​യി​ലാണ്‌.—മത്തായി 11:11; 1 കൊരി​ന്ത്യർ 15:20-23 താരത​മ്യം ചെയ്യുക.

ഭൗമി​ക​പ്ര​ത്യാ​ശ​യു​ള്ളവർ അപ്പവീ​ഞ്ഞു​ക​ളിൽ പങ്കുപ​റ​റു​ന്നി​ല്ലെ​ങ്കി​ലും തങ്ങളുടെ ഹാജരി​നാ​ലും ആദരപൂർവ​ക​മായ ശ്രദ്ധി​ക്ക​ലി​നാ​ലും യോഗ്യ​മാ​യി കർത്താ​വി​ന്റെ സന്ധ്യാ​ഭ​ക്ഷണം ആഘോ​ഷി​ക്കു​ന്നു. അവർക്കും ക്രിസ്‌തു​വി​ന്റെ ബലിയിൽനി​ന്നു പ്രയോ​ജനം കിട്ടുന്നു. അതു ദൈവ​മു​മ്പാ​കെ ഒരു അനുകൂ​ല​നില ലഭിക്കാൻ അവരെ പ്രാപ്‌ത​രാ​ക്കു​ന്നു. (വെളി​പ്പാ​ടു 7:14, 15) നടത്ത​പ്പെ​ടുന്ന പ്രസംഗം അവർ കേൾക്കു​മ്പോൾ വിശു​ദ്ധ​കാ​ര്യ​ങ്ങ​ളോ​ടുള്ള അവരുടെ വിലമ​തി​പ്പു ബലിഷ്‌ഠ​മാ​കു​ന്നു, എല്ലായി​ട​ത്തു​മുള്ള ദൈവ​ജ​ന​ത്തോ​ടുള്ള ഐക്യ​ത്തിൽ കഴിയാ​നുള്ള അവരുടെ ആഗ്രഹം വളരു​ക​യും ചെയ്യുന്നു.

ഈ വർഷം, ഏപ്രിൽ 2 ചൊവ്വാഴ്‌ച, സൂര്യാ​സ്‌ത​മ​യ​ശേഷം ഭൂവ്യാ​പ​ക​മാ​യുള്ള യഹോ​വ​യു​ടെ സാക്ഷി​ക​ളു​ടെ 78,000-ൽപ്പരം സഭകളി​ലെ​ല്ലാം സ്‌മാ​രകം ആഘോ​ഷി​ക്ക​പ്പെ​ടും. നിങ്ങൾ ഹാജരാ​കു​മോ?

[അടുക്കു​റിപ്പ്‌]

[8-ാം പേജിലെ ചിത്രം]

യഹോവയുടെ സാക്ഷികൾ വർഷത്തിൽ ഒരിക്കൽ സ്‌മാ​രകം ആഘോ​ഷി​ക്കു​ന്നു