നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ സമീപ​കാല ലക്കങ്ങൾ പ്രാ​യോ​ഗിക മൂല്യ​മു​ള്ള​താ​ണെന്നു നിങ്ങൾ കണ്ടെത്തി​യോ? എങ്കിൽ, പിൻവ​രുന്ന ചോദ്യ​ങ്ങൾ ഉപയോ​ഗിച്ച്‌ എന്തു​കൊ​ണ്ടു നിങ്ങളു​ടെ ഓർമ പരി​ശോ​ധി​ച്ചു​കൂ​ടാ:

◻ അമ്മോ​ന്യ​രു​ടെ വീഴ്‌ച​യിൽനി​ന്നു നമുക്ക്‌ എന്തു പാഠം പഠിക്കാൻ കഴിയും? (സെഫന്യാ​വു 2:9, 10)

യഹോവയുടെ ദയയോ​ടു ശത്രു​ത​യോ​ടെ പകരം ചെയ്യു​ന്നത്‌ അവൻ നിസ്സാ​ര​മാ​യി എടുക്കു​ന്നില്ല. അവൻ പുരാതന നാളു​ക​ളിൽ ചെയ്‌ത​തു​പോ​ലെ തക്കസമ​യത്തു നടപടി​യെ​ടു​ക്കും. (സങ്കീർത്തനം 2:6-12 താരത​മ്യം ചെയ്യുക.)—12/15, പേജ്‌ 10.

◻ ഏതു വിധങ്ങ​ളിൽ ക്രിസ്‌ത്യാ​നി​കൾക്കു സമാധാ​ന​മുണ്ട്‌?

ഒന്നാമതായി, അവർക്ക്‌ “[അവരുടെ] കർത്താ​വായ യേശു​ക്രി​സ്‌തു​മൂ​ലം . . . ദൈവ​ത്തോ​ടു സമാധാ​നം ഉണ്ടു.” (റോമർ 5:1) രണ്ടാമ​താ​യി, ‘ഉയരത്തിൽനി​ന്നുള്ള ജ്ഞാനം’ നട്ടുവ​ളർത്തു​ന്ന​തി​നാൽ അവരുടെ ഇടയിൽ സമാധാ​ന​മുണ്ട്‌, അത്‌ “ഒന്നാമതു നിർമ്മ​ല​വും പിന്നെ സമാധാ​ന​വും” ആകുന്നു. (യാക്കോബ്‌ 3:17)—1/1, പേജ്‌ 11.

◻ ദൈവ​വ​ചനം ഉപമി​ക്ക​പ്പെ​ട്ടി​രി​ക്കുന്ന ചില കാര്യങ്ങൾ ഏവ, അതു നമുക്കു സഹായ​ക​മാ​യി​രി​ക്കു​ന്നത്‌ എങ്ങനെ?

പോഷകപ്രദമായ പാൽ, കട്ടിയായ ആഹാരം, നവോ​ന്മേ​ഷ​പ്ര​ദ​വും ശുദ്ധീ​ക​രി​ക്കു​ന്ന​തു​മായ ജലം, ദർപ്പണം, മൂർച്ച​യുള്ള വാൾ എന്നിവ​യോ​ടെ​ല്ലാം ദൈവ​വ​ച​നത്തെ ഉപമി​ച്ചി​രി​ക്കു​ന്നു. ഈ സംഗതി​കൾ എന്തർഥ​മാ​ക്കു​ന്നു എന്നു മനസ്സി​ലാ​ക്കു​ന്നതു ബൈബിൾ വിദഗ്‌ധ​മാ​യി ഉപയോ​ഗി​ക്കാൻ ഒരു ശുശ്രൂ​ഷ​കനെ സഹായി​ക്കു​ന്നു.—1/1, പേജ്‌ 29.

◻ സമനി​ല​യുള്ള ഒരു ലൗകിക വിദ്യാ​ഭ്യാ​സം എന്തു ചെയ്യാൻ നമ്മെ സഹായി​ക്കണം?

നന്നായി വായി​ക്കാ​നും വ്യക്തമാ​യി എഴുതാ​നും മാനസി​ക​വും ധാർമി​ക​വു​മാ​യി വളരാ​നും അനുദിന ജീവി​ത​ത്തി​നും ഫലപ്ര​ദ​മായ വിശുദ്ധ സേവന​ത്തി​നും ആവശ്യ​മായ പ്രാ​യോ​ഗിക പരിശീ​ലനം നേടു​ന്ന​തി​നും അതു നമ്മെ സഹായി​ക്കണം.—2/1, പേജ്‌ 10.

◻ വിദ്യാ​ഭ്യാ​സം സംബന്ധി​ച്ചു മൂല്യ​വ​ത്തായ എന്തു പാഠം നമുക്കു യേശു​വിൽനി​ന്നു പഠിക്കാൻ സാധി​ക്കും?

നമ്മെ മഹത്ത്വ​പ്പെ​ടു​ത്താ​നാ​യി​രി​ക്ക​രു​തു വിദ്യാ​ഭ്യാ​സം ഉപയോ​ഗി​ക്കേ​ണ്ടത്‌, പിന്നെ​യോ ഏറ്റവും വലിയ വിദ്യാ​ദാ​താ​വായ യഹോ​വ​യാം ദൈവ​ത്തി​നു സ്‌തുതി കരേറ്റാ​നാ​യി​രി​ക്കണം. (യോഹ​ന്നാൻ 7:18)—2/1, പേജ്‌ 10.

◻ എന്താണ്‌ ദൈവ​രാ​ജ്യം?

പാപത്തിന്റെയും മരണത്തി​ന്റെ​യും ഫലങ്ങളെ ദൂരീ​ക​രി​ക്കു​ക​യും ഭൂമി​യിൽ നീതി​യുള്ള അവസ്ഥകൾ പുനഃ​സ്ഥി​തീ​ക​രി​ക്കു​ക​യും ചെയ്യു​ക​യെന്ന ദൈവ​ഹി​തം നടപ്പിൽ വരുത്തുന്ന, ദിവ്യ സ്ഥാപിത സ്വർഗീയ ഗവൺമെൻറാ​ണു രാജ്യം. (ദാനീ​യേൽ 2:44; വെളി​പ്പാ​ടു 11:15; 12:10)—2/1, പേജ്‌ 16.

◻ അക്രമത്തെ ശാശ്വ​ത​മാ​യി അവസാ​നി​പ്പി​ക്കു​ന്ന​തിന്‌ ആവശ്യ​മായ വിദ്യാ​ഭ്യാ​സം ബൈബിൾ എങ്ങനെ പ്രദാനം ചെയ്യുന്നു?

സമാധാനപ്രിയരും നീതി​യു​ള്ള​വ​രു​മാ​യി​രി​ക്കാൻ തന്റെ വചനമായ ബൈബി​ളി​ലൂ​ടെ യഹോവ ആളുകളെ പഠിപ്പി​ക്കു​ന്നു. (യെശയ്യാ​വു 48:17, 18) ഒരുവന്റെ ഹൃദയ​ത്തി​ലേക്ക്‌ ഇറങ്ങി​ച്ചെന്ന്‌ അയാളു​ടെ ചിന്തയ്‌ക്കും പെരു​മാ​റ്റ​ത്തി​നും മാറ്റം വരുത്തി​ക്കൊണ്ട്‌ അതിനെ സ്വാധീ​നി​ക്കാ​നുള്ള ശക്തി ദൈവ​വ​ച​ന​ത്തി​നുണ്ട്‌. (എബ്രായർ 4:12)—2/15, പേജ്‌ 6.

◻ യെശയ്യാ​വു 35-ാം അധ്യാ​യ​ത്തി​ലെ പ്രവച​ന​ത്തിന്‌ മൂന്നു നിവൃ​ത്തി​ക​ളു​ണ്ടെന്നു പറയാൻ കഴിയു​ന്നത്‌ ഏതു വിധത്തി​ലാണ്‌?

യഹൂദന്മാർ പൊ.യു.മു. 537-ൽ ബാബി​ലോ​ന്യ അടിമ​ത്ത​ത്തിൽനി​ന്നു മടങ്ങി​പ്പോ​യ​പ്പോൾ യെശയ്യാ​വി​ന്റെ പ്രവച​ന​ത്തിന്‌ ആദ്യ നിവൃ​ത്തി​യു​ണ്ടാ​യി. മഹാബാ​ബി​ലോ​ന്റെ അടിമ​ത്ത​ത്തിൽനി​ന്നുള്ള ആത്മീയ ഇസ്രാ​യേ​ലി​ന്റെ വിടുതൽ മുതൽ അതിന്‌ തുടർന്നു​കൊ​ണ്ടി​രി​ക്കുന്ന നിവൃത്തി ഇന്നുണ്ട്‌. ഭൂമി​യി​ലെ അക്ഷരീയ പറുദീ​സാ​വ​സ്ഥകൾ സംബന്ധിച്ച ബൈബിൾ ഉറപ്പി​നോ​ടു ബന്ധപ്പെട്ട്‌ അതിനു മൂന്നാ​മ​തൊ​രു നിവൃത്തി ഉണ്ടായി​രി​ക്കും. (സങ്കീർത്തനം 37:10, 11; വെളി​പ്പാ​ടു 21:4, 5)—2/15, പേജ്‌ 17.

◻ ദൈവ​പു​ത്ര​നായ യേശു ചെയ്‌ത അത്ഭുത​ങ്ങ​ളിൽ, മനുഷ്യ​രിൽ ദൈവ​ത്തി​നുള്ള വ്യക്തി​പ​ര​മായ താത്‌പ​ര്യം എങ്ങനെ​യാ​ണു പ്രകട​മാ​യത്‌?

യേശുവിന്‌ “പിതാവു ചെയ്‌തു കാണു​ന്നതു അല്ലാതെ . . . സ്വതേ ഒന്നും ചെയ്‌വാൻ കഴിക​യില്ല” എന്നതി​നാൽ, അവന്റെ അനുകമ്പ തന്റെ ദാസന്മാ​രിൽ ഓരോ​രു​ത്ത​രോ​ടും യഹോ​വ​യ്‌ക്കുള്ള അലിവാർന്ന താത്‌പ​ര്യ​ത്തെ വരച്ചു​കാ​ട്ടു​ന്നു. (യോഹ​ന്നാൻ 5:19)—3/1, പേജ്‌ 5.

◻ യോഹ​ന്നാൻ 5:28-ൽ [NW] ഉപയോ​ഗി​ച്ചി​രി​ക്കുന്ന “സ്‌മാ​ര​ക​ക​ല്ല​റകൾ” എന്ന യേശു​വി​ന്റെ പദപ്ര​യോ​ഗ​ത്താൽ എന്താണു അർഥമാ​ക്കു​ന്നത്‌?

ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു പദമായ മ്‌നെ​മി​യോൺ (സ്‌മാ​ര​ക​കല്ലറ), മരിച്ച ഒരു വ്യക്തി​യു​ടെ രേഖ ആ വ്യക്തി അവകാ​ശ​പ്പെ​ടു​ത്തി​യി​രി​ക്കുന്ന സ്വഭാ​വ​വി​ശേ​ഷ​ത​ക​ളും പൂർണ​മായ ഓർമ​യും സഹിതം യഹോവ ഓർത്തി​രി​ക്കു​ന്നു​വെന്നു സൂചി​പ്പി​ക്കു​ന്നു. വ്യക്തി​ഗ​ത​മായ ഒരു അടിസ്ഥാ​ന​ത്തിൽ ദൈവം മനുഷ്യ​രെ​ക്കു​റി​ച്ചു കരുതു​ന്നു​വെ​ന്ന​തിന്‌ ഇതു ശക്തമായ തെളിവു പ്രദാനം ചെയ്യുന്നു!—3/1, പേജ്‌ 6.

◻ സെഫന്യാ​വി​ന്റെ പ്രവച​ന​ത്തി​ലെ ഏതു മുന്നറി​യി​പ്പിൻ സന്ദേശം നമുക്കു പ്രാ​യോ​ഗിക സഹായ​മു​ള്ള​താണ്‌?

നമ്മുടെ ഹൃദയ​ങ്ങ​ളിൽ സംശയങ്ങൾ നാമ്പെ​ടു​ക്കു​ന്ന​തി​നും യഹോ​വ​യു​ടെ ദിവസ​ത്തി​ന്റെ വരവ്‌ നമ്മുടെ മനസ്സിൽ നീട്ടി​വെ​ക്കു​ന്ന​തി​നു​മുള്ള സമയമല്ല ഇത്‌. ഉദാസീ​ന​ത​യു​ടെ ദുർബ​ലീ​ക​രി​ക്കുന്ന ഫലങ്ങൾക്കെ​തി​രെ​യും നാം ജാഗ്ര​ത​യു​ള്ള​വ​രാ​യി​രി​ക്കണം. (സെഫന്യാ​വു 1:12, 13; 3:8)—3/1, പേജ്‌ 17.

◻ ദൈവ​ത്തോ​ടുള്ള വിശ്വ​സ്‌തത വെല്ലു​വി​ളി​യാ​യി​രി​ക്കു​ന്നത്‌ എന്തു​കൊണ്ട്‌?

കാരണം, നാം നമ്മുടെ മാതാ​പി​താ​ക്ക​ളിൽനിന്ന്‌ അവകാ​ശ​പ്പെ​ടു​ത്തി​യി​രി​ക്കുന്ന സ്വാർഥ​പ​ര​മായ പ്രവണ​ത​കൾക്ക്‌ എതിരാ​ണു വിശ്വ​സ്‌തത. (ഉല്‌പത്തി 8:21; റോമർ 7:19) കൂടുതൽ പ്രധാ​ന​മാ​യി, നമ്മെ ദൈവ​ത്തോട്‌ അവിശ്വ​സ്‌ത​രാ​ക്കാൻ സാത്താ​നും അവന്റെ ഭൂതങ്ങ​ളും ദൃഢനി​ശ്ചയം ചെയ്‌തി​രി​ക്കു​ക​യാണ്‌. (എഫെസ്യർ 6:12; 1 പത്രൊസ്‌ 5:8)—3/15, പേജ്‌ 10.

◻ ഏതു നാലു മണ്ഡലങ്ങ​ളിൽ വിശ്വ​സ്‌തത പാലി​ക്കുക എന്ന വെല്ലു​വി​ളി​യെ നാം നേരി​ടണം, അതു ചെയ്യാൻ നമ്മെ എന്തു സഹായി​ക്കും?

യഹോവ, അവന്റെ സ്ഥാപനം, സഭ, നമ്മുടെ വിവാഹ ഇണകൾ എന്നിവ​രോ​ടുള്ള വിശ്വ​സ്‌ത​ത​യാണ്‌ ആ നാലു മണ്ഡലങ്ങൾ. ഈ വെല്ലു​വി​ളി​കൾ നേരി​ടു​ന്ന​തി​ലെ ഒരു സഹായം, വിശ്വ​സ്‌തത പാലി​ക്കുക എന്ന വെല്ലു​വി​ളി യഹോ​വ​യു​ടെ പരമാ​ധി​കാ​ര​ത്തി​ന്റെ സംസ്ഥാ​പ​ന​ത്തോ​ടു ബന്ധപ്പെ​ട്ടി​രി​ക്കു​ന്നു എന്നു വിലമ​തി​ക്കു​ന്ന​താണ്‌.—3/15, പേജ്‌ 20.

◻ ഉടമ്പടി​പ്പെ​ട്ടകം യെരു​ശ​ലേ​മിൽ കൊണ്ടു​വ​രാൻ ശ്രമി​ച്ച​തിൽ ദാവീ​ദി​നു​ണ്ടായ അനുഭ​വ​ത്തിൽനിന്ന്‌ നമുക്ക്‌ എന്തു പാഠം പഠിക്കാൻ സാധി​ക്കും? (2 ശമൂവേൽ 6:2-7)

പെട്ടകം കൊണ്ടു​പോ​കു​ന്നതു സംബന്ധിച്ച്‌ യഹോവ നൽകി​യി​രുന്ന മാർഗ​നിർദേ​ശങ്ങൾ ദാവീദ്‌ അവഗണി​ച്ചു, ഇതു വിപത്തു കൈവ​രു​ത്തു​ക​യും ചെയ്‌തു. ദൈവ​ത്തി​ന്റെ വ്യക്തമായ മാർഗ​നിർദേ​ശങ്ങൾ നാം അവഗണി​ക്കു​ന്ന​തി​ന്റെ ഫലമാ​യു​ണ്ടാ​കുന്ന പ്രശ്‌നങ്ങൾ നിമിത്തം നാം ഒരിക്ക​ലും യഹോ​വയെ കുറ്റ​പ്പെ​ടു​ത്ത​രുത്‌ എന്നാണ്‌ അതിലെ പാഠം. (സദൃശ​വാ​ക്യ​ങ്ങൾ 19:3)—4/1, പേജുകൾ 28, 29.