വായന​ക്കാ​രിൽനി​ന്നുള്ള ചോദ്യ​ങ്ങൾ

“ആരുടെ പാപങ്ങൾ നിങ്ങൾ മോചി​ക്കു​ന്നു​വോ [“ക്ഷമിക്കു​ന്നു​വോ,” NW] അവർക്കു മോചി​ക്ക​പ്പെ​ട്ടി​രി​ക്കു​ന്നു; ആരുടെ പാപങ്ങൾ നിർത്തു​ന്നു​വോ [“നിലനിർത്തു​ന്നു​വോ,” NW] അവർക്കു നിർത്തി​യി​രി​ക്കു​ന്നു” എന്നു യേശു പറഞ്ഞു. ക്രിസ്‌ത്യാ​നി​കൾക്കു പാപങ്ങൾ മോചി​ക്കാൻ കഴിയു​മെന്ന്‌ ഈ വാക്കുകൾ അർഥമാ​ക്കു​ന്നു​വോ?

ക്രിസ്‌ത്യാ​നി​കൾക്കു പൊതു​വേ, അല്ലെങ്കിൽ സഭകളി​ലെ നിയമിത മൂപ്പന്മാർക്കു പോലും, പാപങ്ങൾ മോചി​ക്കു​ന്ന​തി​നുള്ള ദിവ്യാ​ധി​കാ​ര​മു​ണ്ടെന്നു നിഗമനം ചെയ്യു​ന്ന​തി​നു തിരു​വെ​ഴു​ത്തു​പ​ര​മായ അടിസ്ഥാ​ന​മില്ല. എന്നാൽ, മേലു​ദ്ധ​രിച്ച യോഹ​ന്നാൻ 20:23-ൽ തന്റെ ശിഷ്യ​ന്മാ​രോ​ടു യേശു പറഞ്ഞത്‌, ഇക്കാര്യ​ത്തിൽ ദൈവം അപ്പോ​സ്‌ത​ല​ന്മാർക്കു പ്രത്യേക അധികാ​രങ്ങൾ നൽകി​യെന്നു സൂചി​പ്പി​ക്കു​ന്നു. യേശു അവിടെ പറഞ്ഞത്‌, സ്വർഗീയ തീരു​മാ​ന​ങ്ങ​ളെ​ക്കു​റിച്ച്‌ മത്തായി 18:18-ൽ അവൻ പറഞ്ഞതു​മാ​യി ബന്ധപ്പെ​ട്ടി​രി​ക്കാം.

എഫെസ്യർ 4:32-ൽ രേഖ​പ്പെ​ടു​ത്തി​യി​രി​ക്കുന്ന അപ്പോ​സ്‌ത​ല​നായ പൗലോ​സി​ന്റെ ബുദ്ധ്യു​പ​ദേ​ശ​ത്തി​നു ചേർച്ച​യിൽ, ചിലതരം തെറ്റുകൾ ക്രിസ്‌ത്യാ​നി​കൾക്കു ക്ഷമിക്കാൻ കഴിയും: “നിങ്ങൾ തമ്മിൽ ദയയും മനസ്സലി​വു​മു​ള്ള​വ​രാ​യി ദൈവം ക്രിസ്‌തു​വിൽ നിങ്ങ​ളോ​ടു ക്ഷമിച്ച​തു​പോ​ലെ അന്യോ​ന്യം ക്ഷമിപ്പിൻ.” ശ്രദ്ധയി​ല്ലാത്ത സംസാ​രം​പോ​ലെ, ക്രിസ്‌ത്യാ​നി​കൾക്കി​ട​യി​ലെ വ്യക്തി​ഗ​ത​മായ പ്രശ്‌ന​ങ്ങ​ളെ​ക്കു​റി​ച്ചു പൗലോസ്‌ ഇവിടെ സംസാ​രി​ക്കു​ക​യാ​യി​രു​ന്നു. അന്യോ​ന്യം ക്ഷമിച്ചു​കൊ​ണ്ടു കാര്യങ്ങൾ നേരെ​യാ​ക്കാൻ അവർ കഠിന​ശ്രമം ചെയ്യണം. യേശു​വി​ന്റെ വാക്കുകൾ ഓർമി​ക്കുക: “ആകയാൽ നിന്റെ വഴിപാ​ടു യാഗപീ​ഠ​ത്തി​ങ്കൽ കൊണ്ടു​വ​രു​മ്പോൾ സഹോ​ദ​രന്നു നിന്റെ നേരെ വല്ലതും ഉണ്ടെന്നു അവി​ടെ​വെച്ചു ഓർമ്മ​വ​ന്നാൽ നിന്റെ വഴിപാ​ടു അവിടെ യാഗപീ​ഠ​ത്തി​ന്റെ മുമ്പിൽ വെച്ചേച്ചു, ഒന്നാമതു ചെന്നു സഹോ​ദ​ര​നോ​ടു നിരന്നു​കൊൾക; പിന്നെ വന്നു നിന്റെ വഴിപാ​ടു കഴിക്ക.”—മത്തായി 5:23, 24; 1 പത്രൊസ്‌ 4:8.

എന്നിരു​ന്നാ​ലും, യോഹ​ന്നാൻ 20:23-ലെ പശ്ചാത്തലം, യേശു തന്റെ പ്രത്യേക സദസ്സി​നോ​ടു പറഞ്ഞ മറ്റു കാര്യങ്ങൾ സൂചി​പ്പി​ക്കു​ന്ന​തു​പോ​ലെ, താൻ ഗൗരവ​മേ​റിയ പാപങ്ങ​ളെ​ക്കു​റി​ച്ചു പരാമർശി​ക്കു​ക​യാ​യി​രു​ന്നു​വെന്നു സൂചി​പ്പി​ക്കു​ന്നു. എന്തു​കൊ​ണ്ടെന്നു നമുക്കു കാണാം.

യേശു പുനരു​ത്ഥാ​നം പ്രാപിച്ച ദിവസം, യെരു​ശ​ലേ​മി​ലെ അടച്ചിട്ട ഒരു മുറി​യിൽ അവൻ തന്റെ ശിഷ്യ​ന്മാർക്കു പ്രത്യ​ക്ഷ​നാ​യി. വിവരണം ഇങ്ങനെ പറയുന്നു: “യേശു പിന്നെ​യും അവരോ​ടു: നിങ്ങൾക്കു സമാധാ​നം; പിതാവു എന്നെ അയച്ചതു​പോ​ലെ ഞാനും നിങ്ങളെ അയക്കുന്നു എന്നു പറഞ്ഞു. ഇങ്ങനെ പറഞ്ഞ​ശേഷം അവൻ അവരു​ടെ​മേൽ ഊതി അവരോ​ടു: പരിശു​ദ്ധാ​ത്മാ​വി​നെ കൈ​ക്കൊൾവിൻ. ആരുടെ പാപങ്ങൾ നിങ്ങൾ മോചി​ക്കു​ന്നു​വോ അവർക്കു മോചി​ക്ക​പ്പെ​ട്ടി​രി​ക്കു​ന്നു; ആരുടെ പാപങ്ങൾ നിർത്തു​ന്നു​വോ അവർക്കു നിർത്തി​യി​രി​ക്കു​ന്നു എന്നു പറഞ്ഞു.”—യോഹ​ന്നാൻ 20:21-23.

സാധ്യ​ത​യ​നു​സ​രിച്ച്‌, പരാമർശി​ക്ക​പ്പെട്ട ശിഷ്യ​ന്മാർ മുഖ്യ​മാ​യും വിശ്വ​സ്‌ത​രായ അപ്പോ​സ്‌ത​ല​ന്മാ​രാ​യി​രു​ന്നു. (24-ാം വാക്യം താരത​മ്യം ചെയ്യുക.) അവരു​ടെ​മേൽ ഊതു​ക​യും “പരിശു​ദ്ധാ​ത്മാ​വി​നെ കൈ​ക്കൊൾവിൻ” എന്നു പറയു​ക​യും ചെയ്‌തു​കൊണ്ട്‌, പെട്ടെ​ന്നു​തന്നെ പരിശു​ദ്ധാ​ത്മാവ്‌ അവരു​ടെ​മേൽ ചൊരി​യ​പ്പെ​ടു​മെന്ന്‌ യേശു പ്രതീ​കാ​ത്മ​ക​മാ​യി അവരെ അറിയി​ച്ചു. പാപങ്ങൾ ക്ഷമിക്കു​ന്നതു സംബന്ധിച്ച്‌ അവർക്ക്‌ അധികാ​ര​മു​ണ്ടാ​യി​രി​ക്കു​മെന്നു യേശു തുടർന്നു പറഞ്ഞു. ന്യായ​മാ​യി, അവന്റെ രണ്ടു പ്രസ്‌താ​വ​ന​ക​ളും ബന്ധപ്പെ​ട്ടി​രി​ക്കു​ന്നു, ഒന്ന്‌ മറ്റൊ​ന്നി​ലേക്കു നയിക്കു​ന്നു.

അവന്റെ പുനരു​ത്ഥാ​ന​ത്തിന്‌ അമ്പതു ദിവസ​ത്തി​നു​ശേഷം, പെന്ത​ക്കോ​സ്‌തു നാളിൽ യേശു പരിശു​ദ്ധാ​ത്മാ​വി​നെ പകർന്നു. അത്‌ എന്തു സാധിച്ചു? ഒരു സംഗതി, ആത്മാവു ലഭിച്ചവർ സ്വർഗ​ത്തിൽ ക്രിസ്‌തു​വി​നോ​ടു കൂടെ സഹഭര​ണാ​ധി​കാ​രി​ക​ളാ​യി​രി​ക്കാ​നുള്ള പ്രത്യാ​ശ​യോ​ടെ ആത്മീയ ദൈവ​മ​ക്ക​ളാ​യി വീണ്ടും ജനിച്ചു. (യോഹ​ന്നാൻ 3:3-5; റോമർ 8:15-17; 2 കൊരി​ന്ത്യർ 1:22) എന്നാൽ, ആത്മാവി​ന്റെ ആ ചൊരി​യൽ കൂടുതൽ നിവർത്തി​ക്കു​ക​യു​ണ്ടാ​യി. അതു ലഭിച്ച ചിലർക്ക്‌ അത്ഭുത​ക​ര​മായ ശക്തികൾ ലഭിച്ചു. അതു നിമിത്തം ചിലർക്കു തങ്ങൾക്ക്‌ അറിയാൻ പാടി​ല്ലാ​തി​രുന്ന അന്യഭാ​ഷ​ക​ളിൽ സംസാ​രി​ക്കാൻ കഴിഞ്ഞു. മറ്റു ചിലർക്കു പ്രവചി​ക്കാൻ കഴിഞ്ഞു. ഇനിയും, വേറെ ചിലർക്കു രോഗി​കളെ സൗഖ്യ​മാ​ക്കാ​നും മരിച്ച​വരെ ജീവനി​ലേക്ക്‌ ഉയിർപ്പി​ക്കാ​നും കഴിഞ്ഞു.—1 കൊരി​ന്ത്യർ 12:4-11.

യോഹ​ന്നാൻ 20:22-ലെ യേശു​വി​ന്റെ വാക്കുകൾ ശിഷ്യൻമാ​രു​ടെ മേലുള്ള പരിശു​ദ്ധാ​ത്മാ​വി​ന്റെ പകരലി​ലേക്കു വിരൽചൂ​ണ്ടി​യ​തി​നാൽ, പാപങ്ങൾ ക്ഷമിക്കു​ന്ന​തി​നെ​ക്കു​റി​ച്ചുള്ള അവന്റെ ബന്ധപ്പെട്ട വാക്കുകൾ, പരിശു​ദ്ധാ​ത്മാ​വി​ന്റെ പ്രവർത്ത​ന​ത്തി​ലൂ​ടെ പാപങ്ങൾ ക്ഷമിക്കാ​നോ ക്ഷമിക്കാ​തി​രി​ക്കാ​നോ ഉള്ള ഒരു അനന്യ​സാ​ധാ​ര​ണ​മായ അധികാ​രം ദിവ്യ​മാ​യി ലഭിച്ചി​രു​ന്നു​വെന്ന്‌ അർഥമാ​ക്കു​ന്ന​താ​യി തോന്നു​ന്നു.—1949 മാർച്ച്‌ 1 ലക്കം വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 78-ാം പേജ്‌ കാണുക.

അപ്പോ​സ്‌ത​ല​ന്മാർ അത്തരം അധികാ​രം ഉപയോ​ഗിച്ച ഓരോ സമയ​ത്തെ​യും കുറി​ച്ചുള്ള പൂർണ​മായ വിവരണം ബൈബിൾ നമുക്കു പ്രദാനം ചെയ്യു​ന്നില്ല, അന്യഭാ​ഷ​ക​ളിൽ സംസാ​രി​ക്കാ​നോ പ്രവചി​ക്കാ​നോ സൗഖ്യ​മാ​ക്കാ​നോ ഉള്ള അത്ഭുത​ക​ര​മായ വരം അവർ ഉപയോ​ഗിച്ച ഓരോ സന്ദർഭ​വും ബൈബിൾ രേഖ​പ്പെ​ടു​ത്തു​ന്നില്ല.—2 കൊരി​ന്ത്യർ 12:12; ഗലാത്യർ 3:5; എബ്രായർ 2:4.

പാപങ്ങൾ ക്ഷമിക്കാ​നോ നിലനിർത്താ​നോ ഉള്ള അപ്പോ​സ്‌ത​ലിക അധികാ​രം ഉൾപ്പെട്ട ഒരു സന്ദർഭം അനന്യാ​സും സഫീര​യും ഉൾപ്പെ​ട്ട​താ​യി​രു​ന്നു, അവർ ആത്മാവി​നെ കബളി​പ്പി​ക്കാൻ നോക്കി. യോഹ​ന്നാൻ 20:22, 23-ൽ നാം വായി​ക്കുന്ന കാര്യം യേശു പറയു​ന്നതു കേട്ട പത്രോ സ്‌ അനന്യാ​സി​നെ​യും സഫീര​യെ​യും തുറന്നു​കാ​ട്ടി. പത്രോസ്‌ ആദ്യം അനന്യാ​സി​നോ​ടു സംസാ​രി​ച്ചു, അവൻ തത്‌ക്ഷണം മരിച്ചു. പിന്നീട്‌ സഫീര വന്നപ്പോൾ അവളും വ്യാജം മറച്ചു​വെച്ചു, പത്രോസ്‌ അവളു​ടെ​യും ന്യായ​വി​ധി ഉച്ചരിച്ചു. പത്രോസ്‌ അവളുടെ പാപം ക്ഷമിച്ചില്ല, പിന്നെ​യോ ഇങ്ങനെ പറഞ്ഞു: “ഇതാ, നിന്റെ ഭർത്താ​വി​നെ കുഴി​ച്ചി​ട്ട​വ​രു​ടെ കാൽ വാതി​ല്‌ക്കൽ ഉണ്ടു; അവർ നിന്നെ​യും പുറത്തു കൊണ്ടു​പോ​കും.” അവളും തത്‌ക്ഷണം മരിച്ചു.—പ്രവൃ​ത്തി​കൾ 5:1-11.

ഈ സന്ദർഭ​ത്തിൽ, പാപം തീർച്ച​യാ​യും നിലനിർത്താ​നുള്ള പ്രത്യേക അധികാ​രം, അനന്യാ​സി​ന്റെ​യും സഫീര​യു​ടെ​യും പാപം ദൈവം ക്ഷമിക്കു​ക​യില്ല എന്ന അത്ഭുത​ക​ര​മായ അറിവ്‌, അപ്പോ​സ്‌ത​ല​നായ പത്രോസ്‌ ഉപയോ​ഗി​ച്ചു. ക്രിസ്‌തു​വി​ന്റെ ബലിയു​ടെ അടിസ്ഥാ​ന​ത്തിൽ പാപങ്ങൾ ക്ഷമിക്ക​പ്പെ​ട്ടി​രു​ന്ന​താ​യി ഉറപ്പു​ണ്ടാ​യി​രുന്ന കേസുകൾ സംബന്ധിച്ച്‌ അപ്പോ​സ്‌ത​ല​ന്മാർക്കു മനുഷ്യാ​തീ​ത​മായ ഉൾക്കാഴ്‌ച ഉണ്ടായി​രു​ന്ന​താ​യും തോന്നു​ന്നു. അതു​കൊണ്ട്‌, ആത്മാവി​നാൽ ശക്തീക​രി​ക്ക​പ്പെട്ട ആ അപ്പോ​സ്‌ത​ല​ന്മാർക്കു പാപങ്ങ​ളു​ടെ മോച​ന​മോ നിലനിർത്ത​ലോ പ്രഖ്യാ​പി​ക്കാൻ കഴിഞ്ഞു. a

അന്നുണ്ടാ​യി​രു​ന്ന ആത്മാഭി​ഷിക്ത മൂപ്പന്മാർക്കെ​ല്ലാം അത്തരം അത്ഭുത​ക​ര​മായ അധികാ​രം ഉണ്ടായി​രു​ന്നു​വെന്നല്ല പറയു​ന്നത്‌. കൊരി​ന്ത്യ സഭയിൽനി​ന്നു പുറത്താ​ക്ക​പ്പെട്ട മനുഷ്യ​നെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ പറഞ്ഞതിൽനി​ന്നു നമുക്ക്‌ അതു കാണാ​നാ​വും. ‘ആ മമനു​ഷ്യ​ന്റെ പാപങ്ങൾ ഞാൻ ക്ഷമിക്കു​ന്നു’ എന്ന്‌ അല്ലെങ്കിൽ, ‘ആ മനുഷ്യ​നോ​ടു സ്വർഗ​ത്തിൽ ക്ഷമിച്ചി​രി​ക്കു​ന്നു, അതു​കൊണ്ട്‌ അവനെ അംഗീ​ക​രി​ക്കുക’ എന്നു​പോ​ലും പൗലോസ്‌ പറഞ്ഞില്ല. പകരം, പുനഃ​സ്ഥി​തീ​ക​രി​ക്ക​പ്പെട്ട ആ ക്രിസ്‌ത്യാ​നി​യോ​ടു ക്ഷമിക്കാ​നും അവനോ​ടു സ്‌നേഹം കാണി​ക്കാ​നും മുഴു സഭയെ​യും പൗലോസ്‌ പ്രോ​ത്സാ​ഹി​പ്പി​ച്ചു. പൗലോസ്‌ ഇങ്ങനെ കൂട്ടി​ച്ചേർത്തു: “നിങ്ങൾ വല്ലതും ക്ഷമിക്കു​ന്ന​വ​നോ​ടു ഞാനും ക്ഷമിക്കു​ന്നു.”—2 കൊരി​ന്ത്യർ 2:5-11.

സഭയി​ലേക്ക്‌ ആ മനുഷ്യൻ പുനഃ​സ്ഥി​തീ​ക​രി​ക്ക​പ്പെ​ട്ടു​ക​ഴി​ഞ്ഞ​പ്പോൾ, അവൻ ചെയ്‌തി​രുന്ന കാര്യ​ത്തിൽ അവനെ​തി​രെ വെറുപ്പു പ്രകടി​പ്പി​ക്കാ​തി​രി​ക്കു​ന്നു എന്ന അർഥത്തിൽ എല്ലാ ക്രിസ്‌തീയ സഹോ​ദരീ സഹോ​ദ​ര​ന്മാർക്കും ക്ഷമിക്കാൻ കഴിയു​മാ​യി​രു​ന്നു. എന്നിരു​ന്നാ​ലും, ആദ്യമാ​യി അയാൾ അനുത​പി​ക്കു​ക​യും പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്യേ​ണ്ട​തു​ണ്ടാ​യി​രു​ന്നു. അതെങ്ങനെ സംഭവി​ക്കും?

മോഷണം, ഭോഷ്‌കു​പ​റ​ച്ചിൽ, അല്ലെങ്കിൽ കടുത്ത അധാർമി​കത എന്നിവ പോലെ സഭാമൂ​പ്പ​ന്മാർ കൈകാ​ര്യം ചെയ്യേണ്ട ഗുരു​ത​ര​മായ പാപങ്ങൾ ഉണ്ട്‌. അത്തരം ദുഷ്‌പ്ര​വൃ​ത്തി​ക്കാ​രെ അനുതാ​പ​ത്തി​ലേക്കു നയിച്ചു​കൊണ്ട്‌ അവരെ തിരു​ത്താ​നും ശാസി​ക്കാ​നും മൂപ്പന്മാർ ശ്രമി​ക്കു​ന്നു. എന്നാൽ ഒരുവൻ അനുതാ​പ​മി​ല്ലാ​തെ കടുത്ത പാപം പതിവാ​യി ചെയ്യു​ന്നു​വെ​ങ്കിൽ, ആ ദുഷ്‌പ്ര​വൃ​ത്തി​ക്കാ​രനെ പുറത്താ​ക്കാ​നുള്ള ദിവ്യ മാർഗ​നിർദേശം മൂപ്പന്മാർ ബാധക​മാ​ക്കു​ന്നു. (1 കൊരി​ന്ത്യർ 5:1-5, 11-13) അത്തരം സന്ദർഭ​ങ്ങ​ളിൽ, യോഹ​ന്നാൻ 20:23-ൽ യേശു പറഞ്ഞ കാര്യം ബാധക​മാ​കു​ന്നില്ല. ശാരീ​രി​ക​മാ​യി രോഗം ബാധിച്ച ഒരുവനെ സൗഖ്യ​മാ​ക്കാ​നോ മരിച്ച​വരെ ഉയിർപ്പി​ക്കാ​നോ പോലുള്ള ആത്മാവി​ന്റെ അത്ഭുത​വ​രങ്ങൾ ഈ മൂപ്പന്മാർക്കില്ല; ആ വരങ്ങൾ ഒന്നാം നൂറ്റാ​ണ്ടിൽ അതിന്റെ ഉദ്ദേശ്യം നിവർത്തി​ക്കു​ക​യും പിന്നീട്‌ അവസാ​നി​ക്കു​ക​യും ചെയ്‌തു. (1 കൊരി​ന്ത്യർ 13:8-10) തന്നെയു​മല്ല, ഇന്ന്‌, ഗുരു​ത​ര​മാ​യി പാപം ചെയ്‌ത ഒരാളെ യഹോ​വ​യു​ടെ ദൃഷ്ടി​യിൽ ശുദ്ധനാ​യി പ്രഖ്യാ​പി​ക്കു​ന്നു എന്ന അർഥത്തിൽ ഗൗരവ​മുള്ള ദുഷ്‌പ്ര​വൃ​ത്തി ക്ഷമിക്കാ​നുള്ള ദിവ്യാ​ധി​കാ​രം മൂപ്പന്മാർക്കില്ല. ഇത്തരം ക്ഷമ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തി​ലാ​ച​രി​ക്കേ​ണ്ട​തുണ്ട്‌, ആ അടിസ്ഥാ​ന​ത്തിൽ ക്ഷമിക്കാൻ യഹോ​വ​യ്‌ക്കു മാത്രമേ സാധി​ക്കു​ക​യു​ള്ളൂ.—സങ്കീർത്തനം 32:5; മത്തായി 6:9, 12; 1 യോഹ​ന്നാൻ 1:9.

പുരാതന കൊരി​ന്തി​ലെ മമനു​ഷ്യ​ന്റെ കാര്യ​ത്തി​ലെ​ന്ന​പോ​ലെ, ഒരു കടുത്ത പാപി അനുത​പി​ക്കാൻ വിസമ്മ​തി​ക്കു​മ്പോൾ, അവനെ പുറത്താ​ക്കേ​ണ്ട​തുണ്ട്‌. അവൻ പിന്നീട്‌ അനുത​പി​ക്കു​ക​യും അനുതാ​പ​ത്തി​നു യോജിച്ച പ്രവൃ​ത്തി​കൾ ഉളവാ​ക്കു​ക​യും ചെയ്യു​ന്നു​വെ​ങ്കിൽ ദിവ്യ ക്ഷമ സാധ്യ​മാണ്‌. (പ്രവൃ​ത്തി​കൾ 26:20) അത്തര​മൊ​രു സാഹച​ര്യ​ത്തിൽ, യഹോവ ആ ദുഷ്‌പ്ര​വൃ​ത്തി​ക്കാ​ര​നോ​ടു തീർച്ച​യാ​യും ക്ഷമിച്ചി​രി​ക്കു​ന്നു എന്നു വിശ്വ​സി​ക്കു​ന്ന​തി​നുള്ള കാരണം തിരു​വെ​ഴു​ത്തു​കൾ മൂപ്പന്മാർക്കു നൽകുന്നു. പിന്നീട്‌ വ്യക്തി പുനഃ​സ്ഥി​തീ​ക​രി​ക്ക​പ്പെ​ട്ടു​ക​ഴി​യു​മ്പോൾ, വിശ്വാ​സ​ത്തിൽ ബലിഷ്‌ഠ​നാ​യി​ത്തീ​രാൻ മൂപ്പൻമാർക്ക്‌ അദ്ദേഹത്തെ ആത്മീയ​മാ​യി സഹായി​ക്കാൻ സാധി​ക്കും. അന്നു പുനഃ​സ്ഥി​തീ​ക​രി​ക്ക​പ്പെട്ട മനുഷ്യ​നോ​ടു കൊരി​ന്ത്യ ക്രിസ്‌ത്യാ​നി​കൾ ക്ഷമിച്ച അതേ വിധത്തിൽ സഭയിലെ മറ്റുള്ള​വർക്കു ക്ഷമിക്കാൻ സാധി​ക്കും.

കാര്യങ്ങൾ ഈ വിധത്തിൽ കൈകാ​ര്യം ചെയ്യു​ന്ന​തിൽ, മൂപ്പന്മാർ ന്യായ​വി​ധി​ക്കുള്ള തങ്ങളുടെ സ്വന്തം മാനദ​ണ്ഡങ്ങൾ വെക്കു​ന്നില്ല. അവർ ബൈബിൾ തത്ത്വങ്ങൾ ബാധക​മാ​ക്കു​ക​യും യഹോവ നൽകി​യി​രി​ക്കുന്ന തിരു​വെ​ഴു​ത്തു​പ​ര​മായ നടപടി​ക്ര​മങ്ങൾ പിൻപ​റ്റു​ക​യും ചെയ്യുന്നു. അക്കാര​ണ​ത്താൽ, മൂപ്പന്മാർ ക്ഷമിക്കു​ക​യോ ക്ഷമിക്കാ​തി​രി​ക്കു​ക​യോ ചെയ്യു​ന്നത്‌ മത്തായി 18:18-ലെ യേശു​വി​ന്റെ വാക്കു​ക​ളു​ടെ അർഥത്തി​ലാ​യി​രി​ക്കും: “നിങ്ങൾ ഭൂമി​യിൽ കെട്ടു​ന്ന​തെ​ല്ലാം സ്വർഗ്ഗ​ത്തിൽ കെട്ട​പ്പെ​ട്ടി​രി​ക്കും; നിങ്ങൾ ഭൂമി​യിൽ അഴിക്കു​ന്ന​തെ​ല്ലാം സ്വർഗ്ഗ​ത്തി​ലും അഴിഞ്ഞി​രി​ക്കും എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” ബൈബി​ളിൽ നൽകി​യി​രി​ക്കുന്ന പ്രകാരം, കാര്യങ്ങൾ സംബന്ധിച്ച യഹോ​വ​യു​ടെ വീക്ഷണത്തെ അവരുടെ പ്രവർത്ത​നങ്ങൾ തീർച്ച​യാ​യും പ്രതി​ഫ​ലി​പ്പി​ക്കും.

തത്‌ഫ​ല​മാ​യി, യോഹ​ന്നാൻ 20:23-ൽ രേഖ​പ്പെ​ടു​ത്തി​യ​പ്ര​കാ​രം, യേശു പറഞ്ഞ കാര്യം തിരു​വെ​ഴു​ത്തു​ക​ളു​ടെ ശേഷിച്ച ഭാഗവു​മാ​യി വൈരു​ദ്ധ്യ​ത്തി​ലല്ല. എന്നാൽ ക്രിസ്‌തീയ സഭയുടെ ശൈശ​വാ​വ​സ്ഥ​യി​ലുള്ള തങ്ങളുടെ പ്രത്യേക പങ്കിനു ചേർച്ച​യിൽ, ക്ഷമിക്കു​ന്നതു സംബന്ധി​ച്ചു പ്രത്യേക അധികാ​രം അപ്പോ​സ്‌ത​ല​ന്മാർക്ക്‌ ഉണ്ടായി​രു​ന്നു​വെന്ന്‌ അതു സൂചി​പ്പി​ക്കു​ന്നു.

[അടിക്കു​റിപ്പ]