സത്യാ​രാ​ധ​ന​യ്‌ക്കു ദൈവാ​നു​ഗ്രഹം ലഭിക്കു​ന്ന​തി​ന്റെ കാരണം

‘ഹല്ലെലൂ​യ്യാ! രക്ഷയും മഹത്വ​വും ശക്തിയും നമ്മുടെ ദൈവ​ത്തി​ന്നു​ള്ളതു. അവന്റെ ന്യായ​വി​ധി​കൾ സത്യവും നീതി​യു​മു​ള്ളവ.’—വെളി​പ്പാ​ടു 19:1, 2.

1. മഹാബാ​ബി​ലോൻ എങ്ങനെ അവസാ​നി​ക്കും?

 ദൈവ​ത്തി​ന്റെ വീക്ഷണ​ത്തിൽ “മഹതി​യാം ബാബി​ലോൻ” വീണു​പോ​യി, അതി​പ്പോൾ ഉന്മൂല​നാ​ശത്തെ അഭിമു​ഖീ​ക​രി​ക്കു​ക​യാണ്‌. ഈ ലോക​വ്യാ​പക മതവേശ്യ പെട്ടെ​ന്നു​തന്നെ അവളുടെ രാഷ്ട്രീയ ജാരന്മാ​രു​ടെ കൈക​ളാ​ലുള്ള വധത്തിന്‌ ഇരയാ​കു​മെന്നു ബൈബിൾ പ്രവചനം സൂചി​പ്പി​ക്കു​ന്നു; അവളുടെ അന്ത്യം ശീഘ്ര​വും സത്വര​വു​മാ​യി​രി​ക്കും. യോഹ​ന്നാ​നുള്ള യേശു​വി​ന്റെ വെളി​പാ​ടിൽ ഈ പ്രാവ​ച​നിക വാക്കുകൾ അടങ്ങി​യി​രു​ന്നു: “പിന്നെ ശക്തനാ​യോ​രു ദൂതൻ തിരി​ക​ല്ലോ​ളം വലുതാ​യോ​രു കല്ലു എടുത്തു സമു​ദ്ര​ത്തിൽ എറിഞ്ഞു പറഞ്ഞതു: ഇങ്ങിനെ ബാബി​ലോൻമ​ഹാ​ന​ഗ​രത്തെ ഹേമ​ത്തോ​ടെ എറിഞ്ഞു​ക​ള​യും; ഇനി അതിനെ കാണു​ക​യില്ല.”—വെളി​പ്പാ​ടു 18:2, 21.

2. ബാബി​ലോ​ന്റെ നാശ​ത്തോ​ടു യഹോ​വ​യു​ടെ ദാസന്മാർ എങ്ങനെ പ്രതി​ക​രി​ക്കും?

² സാത്താന്റെ ലോക​ത്തി​ലെ ചില ഘടകങ്ങൾ മഹാബാ​ബി​ലോ​ന്റെ നാശ​ത്തെ​ക്കു​റി​ച്ചു വിലപി​ക്കും, എന്നാൽ സ്വർഗ​ത്തി​ലോ ഭൂമി​യി​ലോ ഉള്ള ദൈവ​ദാ​സ​ന്മാർ അങ്ങനെ ചെയ്യു​ക​യില്ല. ദൈവ​മു​മ്പാ​കെ​യുള്ള സന്തോ​ഷ​ഭ​രി​ത​മായ അവരുടെ ഘോഷം ഇതായി​രി​ക്കും: “ഹല്ലെലൂ​യ്യാ! രക്ഷയും മഹത്വ​വും ശക്തിയും നമ്മുടെ ദൈവ​ത്തി​ന്നു​ള്ളതു. വേശ്യാ​വൃ​ത്തി​കൊ​ണ്ടു ഭൂമിയെ വഷളാ​ക്കിയ മഹാ​വേ​ശ്യ​ക്കു അവൻ ശിക്ഷ വിധിച്ചു തന്റെ ദാസന്മാ​രു​ടെ രക്തം അവളുടെ കയ്യിൽനി​ന്നു ചോദി​ച്ചു പ്രതി​കാ​രം ചെയ്‌ക​കൊ​ണ്ടു അവന്റെ ന്യായ​വി​ധി​കൾ സത്യവും നീതി​യു​മു​ള്ളവ.”—വെളി​പ്പാ​ടു 18:9, 10; 19:1, 2.

സത്യമതം എന്തു ഫലം പുറ​പ്പെ​ടു​വി​ക്കണം?

3. ഏതു ചോദ്യ​ങ്ങൾക്കാണ്‌ ഉത്തരം ആവശ്യ​മാ​യി​രി​ക്കു​ന്നത്‌?

³ ഭൂമി​യിൽനി​ന്നു വ്യാജ​മതം തുടച്ചു​നീ​ക്ക​പ്പെ​ടു​മെ​ന്നു​ള്ള​തി​നാൽ, ഏതുതരം ആരാധ​ന​യാ​യി​രി​ക്കും നിലനിൽക്കു​ന്നത്‌? സാത്താന്റെ വ്യാജ​മ​ത​ലോ​ക​സാ​മ്രാ​ജ്യ​ത്തി​ന്റെ നാശത്തെ ഏതു മതവി​ഭാ​ഗ​മാ​യി​രി​ക്കും അതിജീ​വി​ക്കു​ന്നത്‌ എന്നു നമു​ക്കെ​ങ്ങനെ ഇന്നു നിർണ​യി​ക്കാൻ കഴിയും? ഈ സമൂഹം പുറ​പ്പെ​ടു​വി​ക്കേണ്ട നീതി​നി​ഷ്‌ഠ​മായ ഫലം എന്താണ്‌? യഹോ​വ​യു​ടെ സത്യാ​രാ​ധ​നയെ തിരി​ച്ച​റി​യാൻ ചുരു​ങ്ങി​യ​പക്ഷം പത്തു മാനദ​ണ്ഡ​ങ്ങ​ളുണ്ട്‌.—മലാഖി 3:18; മത്തായി 13:43.

4. സത്യാ​രാ​ധ​ന​യു​ടെ ആദ്യ വ്യവസ്ഥ എന്താണ്‌, ഇക്കാര്യ​ത്തിൽ യേശു എങ്ങനെ​യാ​ണു മാതൃക വെച്ചത്‌?

⁴ പ്രഥമ​വും സർവ​പ്ര​ധാ​ന​വു​മാ​യത്‌, യേശു എന്തിനു വേണ്ടി മരിച്ചോ ആ പരമാ​ധി​കാ​രത്തെ—തന്റെ പിതാ​വി​ന്റെ പരമാ​ധി​കാ​രത്തെ—സത്യ​ക്രി​സ്‌ത്യാ​നി​കൾ ഉയർത്തി​പ്പി​ടി​ക്കണം എന്നതാണ്‌. യേശു തന്റെ ജീവനെ ത്യജി​ച്ചത്‌ ഏതെങ്കി​ലും രാഷ്ട്രീ​യ​മോ വർഗീ​യ​മോ വംശീ​യ​മോ സാമൂ​ഹി​ക​മോ ആയ ലക്ഷ്യത്തി​നു വേണ്ടിയല്ല. യഹൂദ്യ​യി​ലെ രാഷ്ട്രീ​യ​മോ വിപ്ലവാ​ത്മ​ക​മോ ആയ സകല അഭിലാ​ഷ​ങ്ങൾക്കും അതീത​മാ​യി അവൻ തന്റെ പിതാ​വി​ന്റെ രാജ്യത്തെ പ്രതി​ഷ്‌ഠി​ച്ചു. ‘സാത്താനേ, എന്നെ വിട്ടു​പോ; “നിന്റെ ദൈവ​മായ കർത്താ​വി​നെ [“യഹോ​വയെ,” NW] നമസ്‌ക​രി​ച്ചു അവനെ മാത്രമേ ആരാധി​ക്കാ​വു” എന്നു എഴുതി​യി​രി​ക്കു​ന്നു​വ​ല്ലോ’ എന്ന വാക്കു​ക​ളോ​ടെ യേശു ലൗകി​കാ​ധി​കാ​രം സംബന്ധിച്ച സാത്താന്റെ വാഗ്‌ദാ​ന​ത്തിന്‌ ഉത്തരം കൊടു​ത്തു. മുഴു ഭൂമി​യു​ടെ​യും​മേ​ലുള്ള യഥാർഥ പരമാ​ധി​കാ​രി യഹോ​വ​യാ​ണെന്ന്‌ എബ്രായ തിരു​വെ​ഴു​ത്തു​ക​ളിൽനിന്ന്‌ അവനറി​യാ​മാ​യി​രു​ന്നു. ഏതു മതസമൂ​ഹ​മാണ്‌ ഈ ലോക​ത്തി​ലെ രാഷ്ട്രീയ വ്യവസ്ഥി​തി​യിൽനി​ന്നും ഭിന്നമാ​യി യഹോ​വ​യു​ടെ ഭരണാ​ധി​പ​ത്യ​ത്തെ അസന്ദി​ഗ്‌ധ​മാ​യി പിന്താ​ങ്ങു​ന്നത്‌?—മത്തായി 4:10; സങ്കീർത്തനം 83:18.

5. (എ) സത്യാ​രാ​ധകർ ദൈവ​നാ​മത്തെ എങ്ങനെ​യാ​ണു വീക്ഷി​ക്കേ​ണ്ടത്‌? (ബി) യഹോ​വ​യു​ടെ സാക്ഷികൾ ആ നാമത്തെ തീർച്ച​യാ​യും ബഹുമാ​നി​ക്കു​ന്നു​വെന്ന്‌ എന്തു പ്രകട​മാ​ക്കു​ന്നു?

⁵ രണ്ടാമത്തെ വ്യവസ്ഥ സത്യാ​രാ​ധന ദൈവ​നാ​മത്തെ മഹത്ത്വ​പ്പെ​ടു​ത്തു​ക​യും വിശു​ദ്ധീ​ക​രി​ക്കു​ക​യും ചെയ്യണം എന്നതാണ്‌. സർവശക്തൻ തന്റെ യഹോ​വ​യെന്ന നാമം (ചില ബൈബിൾ പരിഭാ​ഷ​ക​ളിൽ അത്‌ യാഹ്‌വേ എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നു)  തന്റെ ജനത്തിനു വെളി​പ്പെ​ടു​ത്തി​ക്കൊ​ടു​ത്തു, അത്‌ എബ്രായ തിരു​വെ​ഴു​ത്തു​ക​ളിൽ ആയിര​ക്ക​ണ​ക്കി​നു തവണ ഉപയോ​ഗി​ച്ചി​രി​ക്കു​ന്നു. അതിനു മുമ്പു​പോ​ലും ആദാമി​നും ഹവ്വായ്‌ക്കും മറ്റുള്ള​വർക്കും ആ നാമം അറിയാ​മാ​യി​രു​ന്നു, എന്നാൽ അവർ അതിനെ എപ്പോ​ഴും ആദരി​ച്ചില്ല. (ഉല്‌പത്തി 4:1; 9:26; 22:14; പുറപ്പാ​ടു 6:2) ക്രൈ​സ്‌ത​വ​ലോ​ക​ത്തി​ലെ​യും യഹൂദ​സ​മൂ​ഹ​ത്തി​ലെ​യും പരിഭാ​ഷകർ സാധാ​ര​ണ​മാ​യി തങ്ങളുടെ ബൈബി​ളു​ക​ളിൽനി​ന്നു ദിവ്യ​നാ​മം നീക്കം ചെയ്‌തി​രി​ക്കു​ന്നു​വെ​ങ്കി​ലും, യഹോ​വ​യു​ടെ സാക്ഷികൾ വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തിൽ ആ നാമത്തി​നു തക്കതായ സ്ഥാനവും ആദരവും നൽകി​യി​ട്ടുണ്ട്‌. ആദിമ ക്രിസ്‌ത്യാ​നി​കൾ ചെയ്‌ത​തു​പോ​ലെ അവർ ആ നാമത്തെ ആദരി​ക്കു​ന്നു. യാക്കോബ്‌ ഇങ്ങനെ സാക്ഷ്യ​പ്പെ​ടു​ത്തി: ‘ദൈവം തന്റെ നാമത്തി​ന്നാ​യി ജാതി​ക​ളിൽനി​ന്നു ഒരു ജനത്തെ എടുത്തു​കൊൾവാൻ ആദ്യമാ​യി​ട്ടു കടാക്ഷി​ച്ചതു ശിമോൻ വിവരി​ച്ചു​വ​ല്ലോ. ഇതി​നോ​ടു പ്രവാ​ച​ക​ന്മാ​രു​ടെ വാക്യ​ങ്ങ​ളും ഒക്കുന്നു. “. . . മനുഷ്യ​രിൽ ശേഷി​ച്ച​വ​രും എന്റെ നാമം വിളി​ച്ചി​രി​ക്കുന്ന സകലജാ​തി​ക​ളും കർത്താ​വി​നെ അന്വേ​ഷി​ക്കും എന്നു . . . കർത്താവു [“യഹോവ,” NW] അരുളി​ച്ചെ​യ്യു​ന്നു.”’ (ചെരി​ച്ചെ​ഴു​ത്തു ഞങ്ങളു​ടേത്‌.)—പ്രവൃ​ത്തി​കൾ 15:14-17; ആമോസ്‌ 9:11, 12.

6. (എ) സത്യാ​രാ​ധ​ന​യു​ടെ മൂന്നാ​മത്തെ വ്യവസ്ഥ എന്താണ്‌? (ബി) എങ്ങനെ​യാ​ണു യേശു​വും ദാനി​യേ​ലും രാജ്യ​ഭ​ര​ണാ​ധി​പ​ത്യ​ത്തിന്‌ ഊന്നൽ കൊടു​ത്തത്‌? (ലൂക്കൊസ്‌ 17:20, 21)

⁶ ഭരണാ​ധി​പത്യ പ്രശ്‌നങ്ങൾ സംബന്ധിച്ച മനുഷ്യ​വർഗ​ത്തി​ന്റെ നിയമ​പ​ര​വും പ്രാ​യോ​ഗി​ക​വു​മായ ഏക പരിഹാ​ര​മെന്ന നിലയിൽ ദൈവ​രാ​ജ്യ​ത്തെ അതു വാഴ്‌ത്തണം എന്നതാണു സത്യാ​രാ​ധ​ന​യു​ടെ മൂന്നാ​മത്തെ വ്യവസ്ഥ. ആ രാജ്യം വരാൻ, ഭൂമി​യു​ടെ നിയ​ന്ത്രണം ദൈവ​ഭ​രണം ഏറ്റെടു​ക്കാൻ, പ്രാർഥി​ക്കു​ന്ന​തി​നു യേശു തന്റെ അനുഗാ​മി​കളെ വ്യക്തമാ​യി പഠിപ്പി​ച്ചു. അന്ത്യനാ​ളു​ക​ളെ​ക്കു​റി​ച്ചു പ്രവചി​ക്കാൻ ദാനീ​യേൽ നിശ്വ​സ്‌ത​നാ​ക്ക​പ്പെട്ടു: “സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; . . . അതു ഈ [ലൗകി​ക​വും രാഷ്ട്രീ​യ​വു​മായ] രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനിൽക്ക​യും ചെയ്യും.” തങ്ങൾ ആ രാജ്യ​ത്തിന്‌ അവിഭക്ത പിന്തുണ നൽകു​ന്നു​വെന്ന്‌ ഈ 20-ാം നൂറ്റാ​ണ്ടിൽ തങ്ങളുടെ പ്രവർത്ത​ന​ഗ​തി​യാൽ ആരാണു പ്രകട​മാ​ക്കി​യി​രി​ക്കു​ന്നത്‌—മഹാബാ​ബി​ലോ​നി​ലെ മതങ്ങളോ യഹോ​വ​യു​ടെ സാക്ഷി​ക​ളോ?—ദാനീ​യേൽ 2:44; മത്തായി 6:10; 24:14.

7. സത്യാ​രാ​ധകർ എങ്ങനെ​യാ​ണു ബൈബി​ളി​നെ വീക്ഷി​ക്കു​ന്നത്‌?

⁷ ദൈവാം​ഗീ​കാ​രം കിട്ടാ​നുള്ള നാലാ​മത്തെ വ്യവസ്ഥ, ദൈവ​ദാ​സ​ന്മാർ ദൈവ​ത്തി​ന്റെ നിശ്വസ്‌ത വചന​മെ​ന്ന​നി​ല​യിൽ ബൈബി​ളി​നെ ഉയർത്തി​പ്പി​ടി​ക്കണം എന്നതാണ്‌. അതു​കൊണ്ട്‌, അവർ സകലതരം അബദ്ധങ്ങ​ളും നിറഞ്ഞ കേവലം മമനു​ഷ്യ​ന്റെ ഒരു സാഹി​ത്യ​കൃ​തി​യാ​യി ബൈബി​ളി​നെ തരംതാ​ഴ്‌ത്താൻ ശ്രമി​ക്കുന്ന അമിത​കൃ​ത്തി​പ്പി​ന്റെ ഇരകളാ​യി​ത്തീ​രു​ക​യില്ല. “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും ദൈവ​ത്തി​ന്റെ മനുഷ്യൻ എല്ലാ നല്ല വേലയ്‌ക്കും തികച്ചും പ്രാപ്‌ത​നും പൂർണ​മാ​യി സജ്ജനു​മാ​യി​രി​ക്കേ​ണ്ട​തി​നു പഠിപ്പി​ക്കു​ന്ന​തി​നും ശാസി​ക്കു​ന്ന​തി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം നൽകു​ന്ന​തി​നും പ്രയോ​ജ​ന​പ്ര​ദ​വു​മാ​കു​ന്നു” എന്നു പൗലോസ്‌ തിമോ​ത്തിക്ക്‌ എഴുതി​യ​തു​പോ​ലെ​തന്നെ ബൈബിൾ ദൈവ​ത്തി​ന്റെ നിശ്വസ്‌ത വചനമാണെ ന്നു യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. a അതു​കൊണ്ട്‌, യഹോ​വ​യു​ടെ സാക്ഷികൾ അനുദിന ജീവി​ത​ത്തി​നുള്ള തങ്ങളുടെ വഴികാ​ട്ടി​യാ​യും മാർഗ​ദർശി​യാ​യും ഭാവി സംബന്ധിച്ച പ്രത്യാ​ശ​യു​ടെ ഉറവാ​യും ബൈബി​ളി​നെ സ്വീക​രി​ക്കു​ന്നു.—2 തിമോ​ത്തി 3:16, 17, NW.

സ്‌നേ​ഹ​ത്തി​ന്റെ മതം, വിദ്വേ​ഷ​ത്തി​ന്റേതല്ല

8. സത്യാ​രാ​ധ​ന​യ്‌ക്കുള്ള അഞ്ചാമത്തെ നിബന്ധന എന്താണ്‌?

⁸ യേശു അവന്റെ യഥാർഥ അനുഗാ​മി​കളെ എങ്ങനെ​യാ​ണു വേർതി​രി​ച്ച​റി​യി​ച്ചത്‌? അവന്റെ ഉത്തരം സത്യാ​രാ​ധ​നയെ തിരി​ച്ച​റി​യി​ക്കുന്ന മർമ​പ്ര​ധാ​ന​മായ അഞ്ചാമത്തെ അടയാ​ള​ത്തി​ലേക്കു നമ്മെ കൊണ്ടു​വ​രു​ന്നു. യേശു പറഞ്ഞു: “നിങ്ങൾ തമ്മിൽ തമ്മിൽ സ്‌നേ​ഹി​ക്കേണം എന്നു പുതി​യോ​രു കല്‌പന ഞാൻ നിങ്ങൾക്കു തരുന്നു; ഞാൻ നിങ്ങളെ സ്‌നേ​ഹി​ച്ച​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നു തന്നേ. നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും.” (യോഹ​ന്നാൻ 13:34, 35) യേശു തന്റെ സ്‌നേഹം എങ്ങനെ​യാ​ണു കാട്ടി​യത്‌? മറുവി​ല​യാ​ഗ​മാ​യി തന്റെ ജീവൻ നൽകി​ക്കൊണ്ട്‌. (മത്തായി 20:28; യോഹ​ന്നാൻ 3:16) സത്യ​ക്രി​സ്‌ത്യാ​നി​കളെ സംബന്ധി​ച്ചി​ട​ത്തോ​ളം, യഥാർഥ സ്‌നേഹം ഒരു അവശ്യ​ഗു​ണ​മാ​യി​രി​ക്കു​ന്നത്‌ എന്തു​കൊണ്ട്‌? യോഹ​ന്നാൻ വിശദീ​ക​രി​ച്ചു: “പ്രിയ​മു​ള്ള​വരേ, നാം അന്യോ​ന്യം സ്‌നേ​ഹിക്ക; സ്‌നേഹം ദൈവ​ത്തിൽനി​ന്നു വരുന്നു. . . . സ്‌നേ​ഹി​ക്കാ​ത്തവൻ ദൈവത്തെ അറിഞ്ഞി​ട്ടില്ല; ദൈവം സ്‌നേഹം തന്നേ.”—1 യോഹ​ന്നാൻ 4:7, 8.

9. യഥാർഥ സ്‌നേഹം പ്രകട​മാ​ക്കി​യി​രി​ക്കു​ന്നത്‌ ആരാണ്‌, എങ്ങനെ?

⁹ നമ്മുടെ കാലത്ത്‌, വർഗീ​യ​വും ദേശീ​യ​വും വംശീ​യ​വു​മായ വിദ്വേ​ഷ​ത്തി​ന്റെ മുമ്പിൽപോ​ലും, ഇത്തരം സ്‌നേഹം പ്രകട​മാ​ക്കി​യി​ട്ടു​ള്ളത്‌ ആരാണ്‌? തങ്ങളുടെ സ്‌നേഹം നിലനിൽക്ക​ത്ത​ക്ക​വണ്ണം, ഏറ്റവും വലിയ പരി​ശോ​ധ​നയെ, മരണ​ത്തോ​ളം പോലും ജയിച്ചി​രി​ക്കു​ന്നവർ ആരാണ്‌? 1994-ൽ റുവാ​ണ്ട​യിൽ നടന്ന നരഹത്യ​യു​ടെ ഉത്തരവാ​ദി​ത്വ​ത്തിൽ പങ്കു​ണ്ടെന്നു സമ്മതി​ക്കുന്ന കത്തോ​ലി​ക്കാ പുരോ​ഹി​ത​ന്മാ​രും കന്യാ​സ്‌ത്രീ​ക​ളു​മാണ്‌ അതെന്നു നമുക്കു പറയാൻ കഴിയു​മോ? ബാൾക്കൻസി​ലെ ആഭ്യന്ത​ര​യു​ദ്ധ​ത്തിൽ “വംശീയ ശുദ്ധീ​കരണ”ത്തിലും മറ്റു തരത്തി​ലുള്ള ക്രിസ്‌തീ​യ​വി​രുദ്ധ പ്രവൃ​ത്തി​ക​ളി​ലും ഏർപ്പെട്ട സെർബി​യ​യി​ലെ ഓർത്ത​ഡോ​ക്‌സ്‌ സഭയോ ക്രൊ​യേ​ഷ്യ​യി​ലെ കത്തോ​ലി​ക്ക​രോ ആണോ അത്‌? അതോ, കഴിഞ്ഞ ഏതാനും പതിറ്റാ​ണ്ടു​ക​ളിൽ വടക്കൻ അയർലൻഡിൽ മുൻവി​ധി​യു​ടെ​യും വിദ്വേ​ഷ​ത്തി​ന്റെ​യും തീജ്വാ​ലകൾ ആളിക്ക​ത്തിച്ച കത്തോ​ലി​ക്കാ പുരോ​ഹി​ത​ന്മാ​രോ പ്രൊ​ട്ട​സ്‌റ​റൻറ്‌ പുരോ​ഹി​ത​ന്മാ​രോ ആണോ അവർ? അത്തരം ഏതെങ്കി​ലും സംഘട്ട​ന​ങ്ങ​ളിൽ യഹോ​വ​യു​ടെ സാക്ഷികൾ പങ്കെടു​ത്ത​താ​യി ആരോ​പി​ക്കാൻ തീർച്ച​യാ​യും സാധ്യമല്ല. തങ്ങളുടെ ക്രിസ്‌തീയ സ്‌നേ​ഹത്തെ തള്ളിപ്പ​റ​യു​ന്ന​തി​നു പകരം, തടവറ​ക​ളി​ലും തടങ്കൽപ്പാ​ള​യ​ങ്ങ​ളി​ലും അവർ കഷ്‌ട​മ​നു​ഭ​വി​ച്ചി​ട്ടുണ്ട്‌, മരണ​ത്തോ​ളം പോലും.—യോഹ​ന്നാൻ 15:17.

10. യഥാർഥ ക്രിസ്‌ത്യാ​നി​കൾ നിഷ്‌പ​ക്ഷ​രാ​യി നിൽക്കു​ന്നത്‌ എന്തു​കൊണ്ട്‌?

¹⁰ ദൈവ​ത്തി​നു സ്വീകാ​ര്യ​മായ ആരാധ​ന​യ്‌ക്കുള്ള ആറാമത്തെ വ്യവസ്ഥ ഈ ലോക​ത്തി​ലെ രാഷ്ട്രീയ കാര്യങ്ങൾ സംബന്ധി​ച്ചുള്ള നിഷ്‌പക്ഷത ആണ്‌. എന്തു​കൊ​ണ്ടാണ്‌ ക്രിസ്‌ത്യാ​നി​കൾ രാഷ്ട്രീ​യ​ത്തിൽ നിഷ്‌പ​ക്ഷ​രാ​യി നില​കൊ​ള്ളേ​ണ്ടത്‌? പൗലോ​സും യാക്കോ​ബും യോഹ​ന്നാ​നും ആ നിലപാ​ടി​നുള്ള സാധു​വായ കാരണം നമുക്കു പ്രദാനം ചെയ്യുന്നു. ഭിന്നി​പ്പി​ക്കുന്ന രാഷ്ട്രീ​യം ഉൾപ്പെടെ സാധ്യ​മായ എല്ലാ വഴിക​ളാ​ലും അവിശ്വാ​സി​ക​ളു​ടെ മനസ്സിനെ കുരു​ടാ​ക്കുന്ന “ഈ ലോക​ത്തി​ന്റെ ദൈവം” സാത്താ​നാ​ണെന്ന്‌ അപ്പോ​സ്‌ത​ല​നായ പൗലോസ്‌ എഴുതി. “ലോക​സ്‌നേഹം ദൈവ​ത്തോ​ടു ശത്രു​ത്വം ആകുന്നു” എന്നു ശിഷ്യ​നായ യാക്കോബ്‌ പ്രസ്‌താ​വി​ച്ചു. “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്ന്‌ അപ്പോ​സ്‌ത​ല​നായ യോഹ​ന്നാ​നും പറഞ്ഞു. സാത്താന്റെ രാഷ്ട്രീ​യ​ത്തി​ന്റെ​യും അധികാ​ര​ത്തി​ന്റെ​യും ദുഷിച്ച ലോക​ത്തിൽ ഉൾപ്പെ​ടു​ക​വഴി ഒരു യഥാർഥ ക്രിസ്‌ത്യാ​നി​ക്കു ദൈവ​ത്തോ​ടുള്ള ഭക്തിയെ വിട്ടു​വീഴ്‌ച ചെയ്യാൻ സാധ്യമല്ല.—2 കൊരി​ന്ത്യർ 4:4; യാക്കോബ്‌ 4:4; 1 യോഹ​ന്നാൽ 5:19.

11. (എ) ക്രിസ്‌ത്യാ​നി​കൾ യുദ്ധത്തെ എങ്ങനെ വീക്ഷി​ക്കു​ന്നു? (ബി) ഈ നിലപാ​ടി​നു തിരു​വെ​ഴു​ത്തു​പ​ര​മായ എന്ത്‌ അടിസ്ഥാ​ന​മാ​ണു​ള്ളത്‌? (2 കൊരി​ന്ത്യർ 10:3-5)

¹¹ മുമ്പു പറഞ്ഞ രണ്ടു വ്യവസ്ഥ​ക​ളു​ടെ വീക്ഷണ​ത്തിൽ, ഏഴാമ​തൊ​രെണ്ണം സ്‌പഷ്ട​മാ​യി​ത്തീ​രു​ന്നു. അതായത്‌, സത്യ​ക്രി​സ്‌തീയ ആരാധകർ യുദ്ധങ്ങ​ളിൽ പങ്കെടു​ക്ക​രുത്‌. സത്യമതം, സ്‌നേ​ഹ​ത്തിൽ അധിഷ്‌ഠി​ത​മായ ലോക​വ്യാ​പക സഹോ​ദ​ര​വർഗ​മാ​യ​തി​നാൽ, ‘ലോക​ത്തി​ലെ ആ സഹോ​ദ​ര​വർഗ്ഗ’ത്തെ ഭിന്നി​പ്പി​ക്കാ​നോ മറിച്ചി​ടാ​നോ യാതൊ​ന്നി​നും കഴിയില്ല. യേശു പഠിപ്പി​ച്ചതു സ്‌നേ​ഹ​മാണ്‌, വിദ്വേ​ഷമല്ല; സമാധാ​ന​മാണ്‌, യുദ്ധമല്ല. (1 പത്രൊസ്‌ 5:9; മത്തായി 26:51, 52) ഹാബേ​ലി​നെ കൊല്ലാൻ കയീനെ പ്രേരി​പ്പിച്ച അതേ ‘ദുഷ്ടനാ’യ സാത്താൻ മനുഷ്യ​വർഗ​ത്തി​ന്റെ ഇടയിൽ വിദ്വേ​ഷം വിതയ്‌ക്കു​ക​യും രാഷ്ട്രീ​യ​വും മതപര​വും  വംശീ​യ​വു​മായ വ്യത്യാ​സ​ങ്ങ​ളു​ടെ അടിസ്ഥാ​ന​ത്തിൽ സംഘട്ട​ന​ങ്ങ​ളും രക്തച്ചൊ​രി​ച്ചി​ലും ഇളക്കി​വി​ടു​ക​യും ചെയ്യു​ന്ന​തിൽ തുടരു​ക​യാണ്‌. എന്തു വില കൊടു​ക്കേണ്ടി വന്നാലും സത്യ​ക്രി​സ്‌ത്യാ​നി​കൾ മേലാൽ ‘യുദ്ധം അഭ്യസി​ക്കു’ന്നില്ല. ആലങ്കാ​രി​ക​മാ​യി പറഞ്ഞാൽ, അവർ തങ്ങളുടെ ‘വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർത്തി’രിക്കുന്നു. ദൈവാ​ത്മാ​വി​ന്റെ സമാധാ​ന​ഫലം അവർ ഉളവാ​ക്കു​ന്നു.—1 യോഹ​ന്നാൻ 3:10-12; യെശയ്യാ​വു 2:2-4; ഗലാത്യർ 5:22, 23.

നടത്തയി​ലെ​യും പഠിപ്പി​ക്ക​ലു​ക​ളി​ലെ​യും ശുദ്ധിയെ ദൈവം അനു​ഗ്ര​ഹി​ക്കു​ന്നു

12. (എ) എന്താണ്‌ എട്ടാമത്തെ നിബന്ധന, എന്നാൽ മതപര​മായ ഏതെല്ലാം ഭിന്നതകൾ നിങ്ങൾക്ക്‌ ഉദ്ധരി​ക്കാൻ സാധി​ക്കും? (ബി) ഈ എട്ടാമത്തെ നിബന്ധന പൗലോസ്‌ എങ്ങനെ​യാണ്‌ എടുത്തു​കാ​ട്ടി​യത്‌?

¹² സത്യാ​രാ​ധ​ന​യു​ടെ എട്ടാമത്തെ വ്യവസ്ഥ ക്രിസ്‌തീയ ഐക്യം ആണ്‌. എന്നിരു​ന്നാ​ലും, ക്രൈ​സ്‌ത​വ​ലോ​ക​ത്തി​ലെ ഭിന്നമ​തങ്ങൾ ഈ ഉദ്ദേശ്യ​ത്തി​നു സഹായി​ച്ചി​ട്ടില്ല. മുഖ്യാ​ധാ​രാ മതവി​ഭാ​ഗങ്ങൾ എന്നു വിളി​ക്ക​പ്പെ​ടുന്ന പലതും അനേകം വിഭാ​ഗ​ങ്ങ​ളാ​യി പിരി​ഞ്ഞു​പോ​യി​രി​ക്കു​ന്നു, അതിന്റെ ഫലമോ ആശയക്കു​ഴ​പ്പ​വും. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ ബാപ്‌റ്റിസ്റ്റ്‌ മതത്തിന്റെ കാര്യ​മെ​ടു​ക്കുക. അവർ വടക്കൻ ബാപ്‌റ്റി​സ്റ്റു​കാ​രും (യു.എസ്‌.എ.-യിലെ അമേരി​ക്കൻ ബാപ്‌റ്റിസ്റ്റ്‌ സഭകൾ) തെക്കൻ ബാപ്‌റ്റി​സ്റ്റു​കാ​രും (തെക്കൻ ബാപ്‌റ്റിസ്റ്റ്‌ കൺ​വെൻ​ഷൻ) പിളർപ്പു​ക​ളിൽനി​ന്നു സംജാ​ത​മാ​യി​രി​ക്കുന്ന ഡസൻക​ണ​ക്കി​നു മറ്റു ബാപ്‌റ്റിസ്റ്റ്‌ സമൂഹ​ങ്ങ​ളു​മാ​യി പിരി​ഞ്ഞി​രി​ക്കു​ന്നു. ഉപദേ​ശ​ത്തി​ലെ​യോ സഭാഭ​ര​ണ​ത്തി​ലെ​യോ വൈജാ​ത്യ​ങ്ങൾ നിമിത്തം പല വിഭാ​ഗ​ങ്ങ​ളും ഉളവാ​യി​ട്ടുണ്ട്‌ (ഉദാഹ​ര​ണ​ത്തിന്‌, പ്രസ്‌ബി​റ്റേ​റി​യൻ, എപ്പിസ്‌കോ​പ്പാ​ലി​യൻ, കോൺഗ്രി​ഗേ​ഷണൽ). ക്രൈ​സ്‌ത​വ​ലോ​ക​ത്തി​ലെ ഈ വിഭാ​ഗ​ങ്ങൾക്കു സമാന്ത​ര​മാ​യി—ബുദ്ധമ​ത​മാ​യാ​ലും ഇസ്ലാം​മ​ത​മാ​യാ​ലും ഹിന്ദു​മ​ത​മാ​യാ​ലും—ക്രൈ​സ്‌ത​വ​ലോ​ക​ത്തി​നു പുറത്തുള്ള മതങ്ങൾക്കും വിഭാ​ഗ​ങ്ങ​ളുണ്ട്‌. അപ്പോ​സ്‌ത​ല​നായ പൗലോസ്‌ ആദിമ ക്രിസ്‌ത്യാ​നി​കളെ എന്താണു ബുദ്ധ്യു​പ​ദേ​ശി​ച്ചത്‌? “ഇപ്പോൾ സഹോ​ദ​രൻമാ​രേ, നിങ്ങൾ എല്ലാവ​രും യോജി​പ്പിൽ സംസാ​രി​ക്ക​ണ​മെ​ന്നും നിങ്ങളു​ടെ​യി​ട​യിൽ ഭിന്നത​ക​ളു​ണ്ടാ​യി​രി​ക്കാ​തെ നിങ്ങൾ ഒരേ മനസ്സി​ലും ഒരേ ചിന്താ​ഗ​തി​യി​ലും ഉചിത​മാ​യി ഐക്യ​പ്പെ​ട്ടി​രി​ക്ക​ണ​മെ​ന്നും നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തിൽ ഞാൻ നിങ്ങളെ പ്രബോ​ധി​പ്പി​ക്കു​ന്നു.”—1 കൊരി​ന്ത്യർ 1:10, NW; 2 കൊരി​ന്ത്യർ 13:11.

13, 14. (എ) ‘വിശു​ദ്ധ​രാ​യി​രി​ക്കുക’ എന്നതിന്റെ അർഥ​മെ​ന്താണ്‌? (ബി) സത്യാ​രാ​ധന എങ്ങനെ ശുദ്ധമാ​യി നിലനിർത്ത​പ്പെ​ടു​ന്നു?

¹³ ദൈവം അംഗീ​ക​രി​ക്കുന്ന മതത്തിന്റെ ഒമ്പതാ​മത്തെ നിബന്ധന എന്താണ്‌? ലേവ്യ​പു​സ്‌തകം 11:45-ൽ ഒരു ബൈബിൾ തത്ത്വം കൊടു​ത്തി​രി​ക്കു​ന്നു: “ഞാൻ വിശു​ദ്ധ​നാ​ക​യാൽ നിങ്ങളും വിശു​ദ്ധ​ന്മാ​രാ​യി​രി​ക്കേണം.” “നിങ്ങളെ വിളിച്ച വിശു​ദ്ധന്നു ഒത്തവണ്ണം അനുസ​ര​ണ​മുള്ള മക്കളായി എല്ലാന​ട​പ്പി​ലും വിശു​ദ്ധ​രാ​കു​വിൻ” എന്നു പറഞ്ഞ​പ്പോൾ അപ്പോ​സ്‌ത​ല​നായ പത്രോസ്‌ ആ വ്യവസ്ഥ ആവർത്തി​ച്ചു. (ചെരി​ച്ചെ​ഴു​ത്തു ഞങ്ങളു​ടേത്‌.)—1 പത്രൊസ്‌ 1:15.

¹⁴ വിശു​ദ്ധ​രാ​യി​രി​ക്കുക എന്ന ഈ ആവശ്യ​ത്തിൽ എന്താണ്‌ അടങ്ങി​യി​രി​ക്കു​ന്നത്‌? ആത്മീയ​മാ​യും ധാർമി​ക​മാ​യും യഹോ​വ​യു​ടെ ആരാധകർ വിശു​ദ്ധ​രാ​യി​രി​ക്കണം എന്നുതന്നെ. (2 പത്രൊസ്‌ 3:14) തങ്ങളുടെ നടത്തയി​ലൂ​ടെ ക്രിസ്‌തു​വി​ന്റെ മറുവി​ല​യാ​ഗ​ത്തോട്‌ അവജ്ഞ കാണി​ക്കുന്ന അനുതാ​പ​മി​ല്ലാത്ത, മനഃപൂർവ പാപി​കൾക്ക്‌ ഇടമില്ല. (എബ്രായർ 6:4-6) ക്രിസ്‌തീയ സഭയെ ശുദ്ധി​യു​ള്ള​തും വിശു​ദ്ധ​വു​മാ​യി നിലനിർത്ത​ണ​മെന്നു യഹോവ ആവശ്യ​പ്പെ​ടു​ന്നു. അത്‌ എങ്ങനെ സാധി​ക്കും? സഭയെ ദുഷി​പ്പി​ക്കു​ന്ന​വരെ പുറത്താ​ക്കു​ക​യെന്ന നീതി​ന്യാ​യ പ്രക്രി​യ​യി​ലൂ​ടെ അതു ഭാഗി​ക​മാ​യി സാധി​ക്കു​ന്നു.—1 കൊരി​ന്ത്യർ 5:9-13.

15, 16. തങ്ങളുടെ ജീവി​ത​ത്തിൽ പല ക്രിസ്‌ത്യാ​നി​ക​ളും എന്തെല്ലാം മാറ്റങ്ങ​ളാ​ണു വരുത്തി​യി​രി​ക്കു​ന്നത്‌?

¹⁵ ക്രിസ്‌തീയ വിശ്വാ​സം അറിയു​ന്ന​തി​നു മുമ്പ്‌, കുത്തഴി​ഞ്ഞ​തും സുഖ​ലോ​ലു​പ​വും സ്വാർഥ​ജ​ഡി​ല​വു​മായ ജീവി​ത​മാ​ണു പലരും നയിച്ചി​രു​ന്നത്‌. എന്നാൽ ക്രിസ്‌തു​വി​നെ​ക്കു​റി​ച്ചുള്ള വചനം അവർക്കു മാറ്റം വരുത്തി, തങ്ങളുടെ പാപങ്ങൾക്ക്‌ അവർക്കു ക്ഷമ ലഭിക്കു​ക​യും ചെയ്‌തി​രി​ക്കു​ന്നു. “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ,  കള്ളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ . . . നിങ്ങ​ളെ​ത്തന്നേ കഴുകി” എന്നെഴു​തി​യ​പ്പോൾ പൗലോസ്‌ അതു ശക്തിമ​ത്താ​യി പ്രകട​മാ​ക്കി. (ചെരി​ച്ചെ​ഴു​ത്തു ഞങ്ങളു​ടേത്‌.)—1 കൊരി​ന്ത്യർ 6:9-11.

¹⁶ തങ്ങളുടെ തിരു​വെ​ഴു​ത്തു​വി​രു​ദ്ധ​മായ നടത്ത സംബന്ധിച്ച്‌ അനുത​പി​ക്കു​ക​യും തിരി​ഞ്ഞു​വ​രി​ക​യും ക്രിസ്‌തു​വി​ന്റെ​യും അവന്റെ പഠിപ്പി​ക്ക​ലു​ക​ളു​ടെ​യും യഥാർഥ അനുഗാ​മി​കൾ ആയിത്തീ​രു​ക​യും ചെയ്യു​ന്ന​വരെ യഹോവ അംഗീ​ക​രി​ക്കു​ന്നു എന്നുള്ളതു വ്യക്തമാണ്‌. അവർ തങ്ങളുടെ അയൽക്കാ​രെ വാസ്‌ത​വ​മാ​യി തങ്ങളെ​പ്പോ​ലെ​തന്നെ സ്‌നേ​ഹി​ക്കു​ക​യും അതു പല വിധങ്ങ​ളിൽ പ്രകട​മാ​ക്കു​ക​യും ചെയ്യുന്നു, അതിൽ ഒരു വിധമാ​ണു കേൾക്കുന്ന എല്ലാവർക്കും ജീവസ​ന്ദേശം നൽകുന്ന ശുശ്രൂ​ഷ​യിൽ ഉറ്റിരി​ക്കുക എന്നത്‌.—2 തിമൊ​ഥെ​യൊസ്‌ 4:5.

‘സത്യം നിങ്ങളെ സ്വത​ന്ത്ര​രാ​ക്കും’

17. സത്യാ​രാ​ധ​ന​യ്‌ക്കുള്ള പത്താമത്തെ നിബന്ധന എന്താണ്‌? ഉദാഹ​ര​ണങ്ങൾ നൽകുക.

¹⁷ തന്നെ ആത്മാവി​ലും സത്യത്തി​ലും ആരാധി​ക്കു​ന്ന​വർക്കു വേണ്ടി യഹോ​വ​യ്‌ക്കു പത്താമത്‌ ഒരു നിബന്ധ​ന​യുണ്ട്‌—നിർമ​ല​മായ പഠിപ്പി​ക്കൽ. (യോഹ​ന്നാൻ 4:23, 24) “നിങ്ങൾ . . . സത്യം അറിയു​ക​യും സത്യം നിങ്ങളെ സ്വത​ന്ത്ര​ന്മാ​രാ​ക്കു​ക​യും ചെയ്യും” എന്നു യേശു തന്റെ അനുഗാ​മി​ക​ളോ​ടു പറഞ്ഞു. (യോഹ​ന്നാൻ 8:32) അമർത്ത്യ​ദേഹി, തീനരകം, ശുദ്ധീ​ക​ര​ണ​സ്ഥലം തുടങ്ങി ദൈവത്തെ അപമാ​നി​ക്കുന്ന ഉപദേ​ശ​ങ്ങ​ളിൽനി​ന്നു ബൈബിൾസ​ത്യം നമ്മെ സ്വത​ന്ത്ര​രാ​ക്കു​ന്നു. (സഭാ​പ്ര​സം​ഗി 9:5, 6, 10; യെഹെ​സ്‌കേൽ 18:4, 20) ക്രൈ​സ്‌ത​വ​ലോ​ക​ത്തി​ന്റെ “അതിവി​ശുദ്ധ ത്രിത്വം” എന്ന ബാബി​ലോ​ന്യ മർമത്തിൽനിന്ന്‌ അതു നമ്മെ സ്വത​ന്ത്ര​രാ​ക്കു​ന്നു. (ആവർത്ത​ന​പു​സ്‌തകം 4:35; 6:4; 1 കൊരി​ന്ത്യർ 15:27, 28) ബൈബിൾസ​ത്യ​ത്തോ​ടുള്ള അനുസ​രണം സ്‌നേ​ഹ​വും യഥാർഥ താത്‌പ​ര്യ​വും ദയയും കരുണ​യു​മുള്ള ആളുകളെ വാർത്തെ​ടു​ക്കു​ന്നു. റ്റോമാസ്‌ ഡെ റ്റോർക്ക​മാഡ പോലുള്ള പ്രതി​കാ​ര​ദാ​ഹി​ക​ളും അസഹി​ഷ്‌ണു​ക്ക​ളു​മായ മതവി​ചാ​ര​ണ​ക്കാ​രെ​യോ കുരി​ശു​യു​ദ്ധ​ങ്ങളെ പ്രോ​ത്സാ​ഹി​പ്പിച്ച പാപ്പാ​യു​ടെ ആൾക്കാ​രെ​പ്പോ​ലെ, വിദ്വേ​ഷം നിറഞ്ഞ യുദ്ധ​ക്കൊ​തി​യ​ന്മാ​രെ​യോ ക്രിസ്‌ത്യാ​നി​ത്വം ഒരിക്ക​ലും ഊട്ടി​വ​ളർത്തി​യി​ട്ടില്ല. എന്നാൽ, മഹാബാ​ബി​ലോൻ ചരി​ത്ര​ത്തി​ലു​ട​നീ​ളം, ചുരു​ങ്ങി​യ​പക്ഷം നി​മ്രോ​ദി​ന്റെ കാലം​മു​തൽ ഇന്നോളം, ഉളവാ​ക്കി​യി​രി​ക്കു​ന്നത്‌ അത്തരം ഫലമാണ്‌.—ഉല്‌പത്തി 10:8, 9.

വ്യതി​രി​ക്ത​മായ ഒരു നാമം

18. (എ) സത്യാ​രാ​ധന സംബന്ധിച്ച പത്തു നിബന്ധ​ന​ക​ളിൽ എത്തി​ച്ചേ​രു​ന്നവർ ആരാണ്‌, എങ്ങനെ? (ബി) നമുക്കു മുമ്പി​ലുള്ള അനു​ഗ്രഹം അവകാ​ശ​മാ​ക്കു​വാൻ നാം വ്യക്തി​പ​ര​മാ​യി എന്താണു ചെയ്യേ​ണ്ടത്‌?

¹⁸ വാസ്‌ത​വ​ത്തിൽ ഇന്നു സത്യാ​രാ​ധ​ന​യു​ടെ ഈ പത്തു വ്യവസ്ഥ​ക​ളിൽ എത്തി​ച്ചേ​രു​ന്നത്‌ ആരാണ്‌? തങ്ങളുടെ നിർമ​ല​ത​യു​ടെ​യും സമാധാ​ന​പ്രി​യ​ത്തി​ന്റെ​യും ചരിത്രം നിമിത്തം മറ്റുള്ളവർ അറിയു​ക​യും അംഗീ​ക​രി​ക്കു​ക​യും ചെയ്യു​ന്നവർ ആരാണ്‌? ‘ലോക​ത്തി​ന്റെ ഭാഗമല്ലാ’തിരി​ക്കു​ന്ന​തി​നാൽ യഹോ​വ​യു​ടെ സാക്ഷികൾ ഗോള​മെ​മ്പാ​ടും അറിയ​പ്പെ​ടു​ന്നു. (യോഹ​ന്നാൻ 15:19; 17:14, 16; 18:36) യേശു​ക്രി​സ്‌തു തന്റെ പിതാ​വി​ന്റെ ഒരു വിശ്വസ്‌ത സാക്ഷി ആയിരു​ന്ന​തു​പോ​ലെ​തന്നെ, അവന്റെ നാമം വഹിക്കു​ന്ന​തി​ന്റെ​യും അവന്റെ സാക്ഷി​ക​ളാ​യി​രി​ക്കു​ന്ന​തി​ന്റെ​യും ബഹുമതി യഹോ​വ​യു​ടെ ജനത്തി​നുണ്ട്‌. നാം ആ പാവന നാമം വഹിക്കു​ന്നു. അതു പ്രതി​നി​ധാ​നം ചെയ്യു​ന്ന​തി​ന​നു​സൃ​ത​മാ​യി ജീവി​ക്കു​ന്ന​തി​നുള്ള ഉത്തരവാ​ദി​ത്വം തിരി​ച്ച​റി​യു​ക​യും ചെയ്യുന്നു. മാത്രമല്ല, അവന്റെ സാക്ഷി​ക​ളെ​ന്ന​നി​ല​യിൽ എന്തൊരു മഹത്തായ പ്രതീ​ക്ഷ​യാ​ണു നമുക്കു മുമ്പിൽ സ്ഥിതി ചെയ്യു​ന്നത്‌! ഇവിടെ ഭൂമി​യിൽ പുനഃ​സ്ഥി​തീ​ക​രി​ക്ക​പ്പെട്ട ഒരു പറുദീ​സ​യിൽ സാർവ​ത്രിക പരമാ​ധി​കാ​രി​യെ ആരാധി​ച്ചു​കൊണ്ട്‌ അനുസ​ര​ണ​മു​ള്ള​തും ഏകീകൃ​ത​വു​മായ ഒരു മാനുഷ കുടും​ബ​ത്തി​ന്റെ ഭാഗമാ​യി​രി​ക്കാ​നുള്ള പ്രതീ​ക്ഷ​യാ​ണത്‌. അത്തര​മൊ​രു അനു​ഗ്രഹം ലഭിക്കു​ന്ന​തിന്‌, സത്യാ​രാ​ധ​ന​യോ​ടൊ​പ്പം വ്യക്തമാ​യി നില​കൊ​ള്ളു​ക​യും യഹോ​വ​യു​ടെ സാക്ഷികൾ എന്ന നാമം അഭിമാ​ന​പൂർവം വഹിക്കു​ക​യും ചെയ്യു​ന്ന​തിൽ നമുക്കു തുടരാം. എന്തു​കൊ​ണ്ടെ​ന്നാൽ, “അവന്റെ ന്യായ​വി​ധി​കൾ സത്യവും നീതി​യു​മു​ള്ളവ” ആകുന്നു!—വെളി​പ്പാ​ടു 19:2; യെശയ്യാ​വു 43:10-12; യെഹെ​സ്‌കേൽ 3:11.

[അടിക്കു​റിപ്പ]

നിങ്ങൾ എങ്ങനെ ഉത്തരം പറയും?

◻ മഹാബാ​ബി​ലോ​ന്റെ നാശത്തെ യഹോ​വ​യു​ടെ ദാസർ എങ്ങനെ കരുതു​ന്നു?

◻ സത്യാ​രാ​ധ​ന​യ്‌ക്കുള്ള മുഖ്യ നിബന്ധ​നകൾ ഏതൊക്കെ?

◻ സത്യം നിങ്ങളെ എങ്ങനെ സ്വത​ന്ത്ര​രാ​ക്കു​ന്നു?

◻ യഹോ​വ​യു​ടെ സാക്ഷികൾ എന്നനി​ല​യിൽ നമുക്ക്‌ എന്തു പ്രത്യേക ബഹുമ​തി​യാ​ണു​ള്ളത്‌?

[അധ്യയന ചോദ്യ​ങ്ങൾ]

[17-ാം പേജിലെ ചിത്രം]

യഹോവയുടെ സാക്ഷികൾ ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യുന്നു

 [18-ാം പേജിലെ ചിത്രം]

ലോകത്തിലെ രാഷ്ട്രീ​യ​വും യുദ്ധങ്ങ​ളും സംബന്ധിച്ച്‌ സത്യ​ക്രി​സ്‌ത്യാ​നി​കൾ സദാ നിഷ്‌പ​ക്ഷ​രാ​യി നില​കൊ​ണ്ടി​ട്ടുണ്ട്‌

[കടപ്പാട]

Airplane: Courtesy of the Ministry of Defense, London