വായന​ക്കാ​രിൽനി​ന്നുള്ള ചോദ്യ​ങ്ങൾ

ദൈവരാജ്യം ഭൂമി​യിൽ വരാനാ​യി സഹോ​ദ​ര​ന്മാർ സംസാ​രി​ക്കു​ന്നത്‌ അല്ലെങ്കിൽ പ്രാർഥി​ക്കു​ന്നതു നാം ചില​പ്പോ​ഴൊ​ക്കെ കേൾക്കു​ന്നു. അതൊരു ശരിയായ ആശയ​പ്ര​ക​ട​ന​മാ​ണോ?

കണിശ​മാ​യി പറഞ്ഞാൽ, അതു തിരു​വെ​ഴു​ത്തു​പ​ര​മായ ഒരു ആശയ​പ്ര​ക​ട​നമല്ല. ദൈവ​രാ​ജ്യം സ്വർഗീ​യ​മാണ്‌. അതു​കൊ​ണ്ടാ​ണു പൗലോസ്‌ അപ്പോ​സ്‌ത​ലന്‌ ഇങ്ങനെ എഴുതാൻ കഴിഞ്ഞത്‌: “കർത്താവു എന്നെ സകലദു​ഷ്‌പ്ര​വൃ​ത്തി​യിൽനി​ന്നും വിടു​വി​ച്ചു തന്റെ സ്വർഗ്ഗീ​യ​രാ​ജ്യ​ത്തി​ന്നാ​യി രക്ഷിക്കും; അവന്നു എന്നെ​ന്നേ​ക്കും മഹത്വം. ആമേൻ.”—2 തിമൊ​ഥെ​യൊസ്‌ 4:18; മത്തായി 13:44; 1 കൊരി​ന്ത്യർ 15:50.

1914-ൽ രാജ്യം സ്വർഗ​ത്തിൽ സ്ഥാപി​ത​മാ​യി. പുനഃ​സ്ഥാ​പിത ഭൗമിക പറുദീ​സ​യി​ലേ​ക്കോ മറ്റെവി​ടേ​ക്കെ​ങ്കി​ലു​മോ അത്‌ ഒരിക്ക​ലും മാറ്റി​സ്ഥാ​പി​ക്കു​ക​യില്ല. യേശു​ക്രി​സ്‌തു​വാണ്‌ ആ രാജ്യ​ത്തി​ന്റെ രാജാവ്‌. രാജാ​വെ​ന്ന​നി​ല​യിൽ യേശു​വി​നു ദൂതന്മാ​രു​ടെ മേൽ അധികാ​ര​മുണ്ട്‌. തന്മൂലം, ഭരണം നടത്തു​ന്ന​തി​നുള്ള അവന്റെ ഉചിത​മായ സ്ഥാനം സ്വർഗ​ത്തിൽ ദൈവ​ത്തി​ന്റെ വലത്തു​ഭാ​ഗ​ത്താണ്‌. അഭിഷിക്ത ക്രിസ്‌ത്യാ​നി​കൾ രാജാ​ക്ക​ന്മാ​രും പുരോ​ഹി​ത​ന്മാ​രു​മെന്ന നിലയിൽ സ്വർഗ​ത്തിൽ അവനോ​ടൊ​പ്പം ചേരുന്നു.—എഫെസ്യർ 1:18-21; വെളി​പ്പാ​ടു 5:9, 10; 20:6.

അപ്പോൾപ്പി​ന്നെ, “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന, കർത്താ​വി​ന്റെ പ്രാർഥ​ന​യു​ടെ ഭാഗത്തു കാണ​പ്പെ​ടുന്ന അപേക്ഷകൾ ദൈവ​മു​മ്പാ​കെ മേലാൽ അവതരി​പ്പി​ക്ക​രുത്‌ എന്നാണോ അതർഥ​മാ​ക്കു​ന്നത്‌? (മത്തായി 6:10) നേരേ​മ​റിച്ച്‌ ആ പ്രാർഥന ഉചിത​മാണ്‌, ഇപ്പോ​ഴും അർഥസ​മ്പു​ഷ്ട​മാണ്‌.

ഭൂമി​യോ​ടു​ള്ള ബന്ധത്തിൽ ദൈവ​രാ​ജ്യം ഒടുവിൽ ഒരു നിർണാ​യ​ക​മായ വിധത്തിൽ പ്രവർത്തി​ക്കും. നാം പ്രാർഥി​ക്കു​മ്പോ​ഴും കർത്താ​വി​ന്റെ പ്രാർഥ​ന​യി​ലെ പദങ്ങൾക്കു സമാന​മായ ആശയങ്ങൾ ഉപയോ​ഗി​ക്കു​മ്പോ​ഴും നമ്മുടെ മനസ്സി​ലു​ള്ളത്‌ അതാണ്‌. ഉദാഹ​ര​ണ​ത്തിന്‌, ദൈവ​രാ​ജ്യം സകല രാഷ്ട്ര​ങ്ങ​ളെ​യും നശിപ്പി​ക്കാൻ ‘വരു’മെന്നും ഭൂമി​യു​ടെ​മേൽ ഭരണം ഏറ്റെടു​ക്കു​മെ​ന്നും ദാനീ​യേൽ 2:44 മുൻകൂ​ട്ടി​പ്പ​റ​യു​ന്നു. പുതിയ യെരു​ശ​ലേം സ്വർഗ​ത്തിൽനിന്ന്‌ ഇറങ്ങി​വ​രു​ന്ന​താ​യി വെളി​പ്പാ​ടു 21:2 പറയുന്നു. ക്രിസ്‌തു​വി​ന്റെ മണവാ​ട്ടി​യാ​കാൻ പോകുന്ന 1,44,000 അഭിഷിക്ത ക്രിസ്‌ത്യാ​നി​കൾ ചേർന്നു രൂപീ​കൃ​ത​മാ​കു​ന്ന​താ​ണു പുതിയ യെരു​ശ​ലേം. അവർ രാജ്യ​ത്തിൽ യേശു​വി​നോ​ടൊ​പ്പം കൂട്ടവ​കാ​ശി​ക​ളു​മാണ്‌. അതു​കൊണ്ട്‌, വിശ്വസ്‌ത മനുഷ്യ​വർഗ​ത്തി​നു വലിയ അനു​ഗ്ര​ഹ​സ​മേതം അവർ ഭൂമി​യി​ലേക്കു ശ്രദ്ധ തിരി​ക്കു​ന്ന​താ​യി വെളി​പ്പാ​ടു 21:2 പറയുന്നു.—വെളി​പ്പാ​ടു 21:3, 4.

ഇവയും അത്ഭുത​ക​ര​മായ മറ്റു പ്രവച​ന​ങ്ങ​ളും നിവൃ​ത്തി​യേ​റു​ന്ന​തു​വരെ യഹോ​വ​യാം ദൈവ​ത്തോട്‌, “നിന്റെ രാജ്യം വരേണമേ” എന്ന യേശു​വി​ന്റെ വാക്കു​കൾക്കു ചേർച്ച​യിൽ പ്രാർഥി​ക്കു​ന്നതു തുടർന്നും ഉചിത​മാ​യി​രി​ക്കും. എന്നാൽ രാജ്യം അക്ഷരാർഥ​ത്തിൽ ഭൂഗ്ര​ഹ​ത്തി​ലേക്കു വരുക​യില്ല എന്നു നാം മനസ്സിൽ പിടി​ക്കണം. രാജ്യ​ഗ​വ​ണ്മെൻറു സ്വർഗ​ത്തി​ലാ​ണു സ്ഥിതി​ചെ​യ്യു​ന്നത്‌, ഭൂമി​യി​ലല്ല.

[31-ാം പേജിലെ ചിത്ര​ത്തിന്‌ കടപ്പാട്‌]

Earth: Based on NASA photo