സർപ്പത്തി​ന്റെ സന്തതി—എങ്ങനെ തുറന്നു​കാ​ട്ട​പ്പെ​ട്ടി​രി​ക്കു​ന്നു?

“ഞാൻ നിനക്കും സ്‌ത്രീ​ക്കും നിന്റെ സന്തതി​ക്കും അവളുടെ സന്തതി​ക്കും തമ്മിൽ ശത്രു​ത്വം ഉണ്ടാക്കും.”—ഉല്‌പത്തി 3:15.

1. (എ) യഹോവ സന്തുഷ്ട​നായ ദൈവ​മാ​യി​രി​ക്കു​ന്നത്‌ എന്തു​കൊണ്ട്‌? (ബി) അവന്റെ സന്തോ​ഷ​ത്തിൽ പങ്കു​കൊ​ള്ളാൻ നമ്മെ പ്രാപ്‌ത​രാ​ക്കു​ന്ന​തിന്‌ അവൻ എന്തു ചെയ്‌തി​രി​ക്കു​ന്നു?

 യഹോവ സന്തുഷ്ട​നായ ദൈവ​മാണ്‌, അതിനു തക്ക കാരണ​വു​മുണ്ട്‌. നല്ല സംഗതി​ക​ളു​ടെ ഏറ്റവും വലിയ, ഏറ്റവും പ്രമുഖ ദാതാ​വാണ്‌ അവൻ. അവന്റെ ഉദ്ദേശ്യ​ങ്ങ​ളു​ടെ പൂർത്തീ​ക​ര​ണത്തെ തകിടം​മ​റി​ക്കാ​നാ​വുന്ന യാതൊ​ന്നു​മില്ല. (യെശയ്യാ​വു 55:10, 11; 1 തിമൊ​ഥെ​യൊസ്‌ 1:11; യാക്കോബ്‌ 1:17) തന്റെ സന്തോ​ഷ​ത്തിൽ തന്റെ ദാസന്മാർ പങ്കു​കൊ​ള്ള​ണ​മെന്ന്‌ അവൻ ആഗ്രഹി​ക്കു​ന്നു, കൂടാതെ അങ്ങനെ ചെയ്യാൻ അവൻ അവർക്ക്‌ ഈടുറ്റ കാരണങ്ങൾ നൽകു​ക​യും ചെയ്യുന്നു. അങ്ങനെ, മനുഷ്യ ചരി​ത്ര​ത്തി​ലെ ഏറ്റവും ഇരുണ്ട നിമി​ഷ​ങ്ങ​ളി​ലൊ​ന്നിൽ—ഏദെനി​ലെ മത്സരം—അവൻ നമുക്കു പ്രത്യാ​ശ​യോ​ടെ ഭാവി​യി​ലേക്കു നോക്കാൻ ഒരു അടിത്തറ പ്രദാനം ചെയ്‌തു.—റോമർ 8:19-21.

2. ഏദെനി​ലെ മത്സരി​ക​ളു​ടെ​മേൽ ന്യായ​വി​ധി പ്രഖ്യാ​പി​ക്കവേ, ആദാമി​ന്റെ​യും ഹവ്വായു​ടെ​യും സന്താന​ങ്ങൾക്കു പ്രത്യാ​ശ​ക്കുള്ള ഒരു അടിസ്ഥാ​നം യഹോവ പ്രദാ​നം​ചെ​യ്‌തത്‌ എങ്ങനെ?

² യഹോ​വ​യു​ടെ ആത്മപു​ത്ര​ന്മാ​രിൽ ഒരുവൻ ദൈവ​ത്തോട്‌ എതിർത്തു​നിൽക്കു​ക​യും അവനെ ദുഷി​ക്കു​ക​യും​വഴി തന്നെത്തന്നെ പിശാ​ചായ സാത്താ​നാ​ക്കി. ആദ്യ മനുഷ്യർ, ഹവ്വായും പിന്നെ ആദാമും, അവന്റെ സ്വാധീ​ന​ത്തി​ലാ​വു​ക​യും വ്യക്തമാ​യി പ്രസ്‌താ​വി​ച്ചി​രുന്ന യഹോ​വ​യു​ടെ നിയമം ലംഘി​ക്കു​ക​യും ചെയ്‌തു. അവർ ന്യായ​മാ​യും മരണത്തി​നു വിധി​ക്ക​പ്പെട്ടു. (ഉല്‌പത്തി 3:1-24) എന്നിട്ടും, ഈ മത്സരി​ക​ളു​ടെ​മേൽ ന്യായ​വി​ധി പ്രഖ്യാ​പി​ക്കവേ, ആദാമി​ന്റെ​യും ഹവ്വായു​ടെ​യും സന്താന​ങ്ങൾക്കു പ്രത്യാ​ശ​യ്‌ക്കുള്ള ഒരു അടിസ്ഥാ​നം യഹോവ പ്രദാ​നം​ചെ​യ്‌തു. ഏതു വിധത്തിൽ? ഉല്‌പത്തി 3:15-ൽ രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​രം യഹോവ ഇങ്ങനെ പ്രസ്‌താ​വി​ച്ചു: “ഞാൻ നിനക്കും സ്‌ത്രീ​ക്കും നിന്റെ സന്തതി​ക്കും അവളുടെ സന്തതി​ക്കും തമ്മിൽ ശത്രു​ത്വം ഉണ്ടാക്കും. അവൻ നിന്റെ തല തകർക്കും; നീ അവന്റെ കുതി​കാൽ തകർക്കും.” മുഴു ബൈബി​ളും അതു​പോ​ലെ​തന്നെ ലോക​വും യഹോ​വ​യു​ടെ ദാസന്മാ​രും ഉൾപ്പെ​ടുന്ന കഴിഞ്ഞ​തും ഇപ്പോ​ഴ​ത്തേ​തു​മായ സംഭവ​ങ്ങ​ളും ഗ്രഹി​ക്കു​ന്ന​തി​നുള്ള ഒരു താക്കോ​ലാണ്‌ ആ പ്രവചനം.

പ്രവചനം അർഥമാ​ക്കു​ന്നത്‌

3. ഉല്‌പത്തി 3:15-ൽ പരാമർശി​ച്ചി​രി​ക്കു​ന്ന​പ്ര​കാ​രം, (എ) സർപ്പത്തെ, (ബി) “സ്‌ത്രീ”യെ, (സി) സർപ്പത്തി​ന്റെ “സന്തതി”യെ, (ഡി) സ്‌ത്രീ​യു​ടെ “സന്തതി”യെ, തിരി​ച്ച​റി​യി​ക്കുക.

³ അതിന്റെ പ്രാധാ​ന്യം മനസ്സി​ലാ​ക്കു​ന്ന​തിന്‌, പ്രവച​ന​ത്തി​ന്റെ​തന്നെ വിവിധ ഘടകങ്ങൾ പരിചി​ന്തി​ക്കുക. ഉല്‌പത്തി 3:15-ൽ അഭിസം​ബോ​ധന ചെയ്‌തി​രി​ക്കു​ന്നതു സർപ്പ​ത്തെ​യാണ്‌—ഒരു താണ പാമ്പി​നെയല്ല, എന്നാൽ അതിനെ ഉപയോ​ഗി​ച്ച​വ​നെ​യാണ്‌. (വെളി​പ്പാ​ടു 12:9) “സ്‌ത്രീ” ഹവ്വായല്ല, മറിച്ച്‌ ഭൂമി​യി​ലെ തന്റെ ആത്മാഭി​ഷിക്ത ദാസന്മാ​രു​ടെ അമ്മയായ യഹോ​വ​യു​ടെ സ്വർഗീയ സ്ഥാപന​മാണ്‌. (ഗലാത്യർ 4:26) സർപ്പത്തി​ന്റെ “സന്തതി” സാത്താന്റെ സന്തതി​യാണ്‌, അവന്റെ സന്താനങ്ങൾ—സാത്താന്റെ സ്വഭാ​വ​ഗു​ണങ്ങൾ പ്രകട​മാ​ക്കു​ക​യും സ്‌ത്രീ​യു​ടെ “സന്തതി”യുടെ നേരേ ശത്രു​ത്വം പ്രകടി​പ്പി​ക്കു​ക​യും ചെയ്യുന്ന ഭൂതങ്ങ​ളും മനുഷ്യ​രും മാനുഷ സംഘട​ന​ക​ളു​മാണ്‌. (യോഹ​ന്നാൻ 15:19; 17:15) സ്‌ത്രീ​യു​ടെ “സന്തതി” മുഖ്യ​മാ​യി യേശു​ക്രി​സ്‌തു​വാണ്‌, പൊ.യു. (പൊതു​യു​ഗം) 29-ൽ അവൻ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെട്ടു. ‘ജലത്താ​ലും ആത്മാവി​നാ​ലും വീണ്ടും ജനിച്ച,’ ക്രിസ്‌തു​വി​നോ​ടൊ​പ്പം സ്വർഗീയ രാജ്യ​ത്തിന്‌ അവകാ​ശി​ക​ളായ 1,44,000 പേർ ആണ്‌ ആ വാഗ്‌ദത്ത സന്തതി​യു​ടെ ഉപഘടകം. പൊ.യു. 33-ലെ പെന്ത​ക്കോ​സ്‌തു മുതൽ ഇവർ സ്‌ത്രീ​യു​ടെ സന്തതി​യോ​ടു കൂട്ടി​ച്ചേർക്ക​പ്പെ​ടാൻ തുടങ്ങി.—യോഹ​ന്നാൻ 3:3, 5; ഗലാത്യർ 3:16, 29.

4. ഭൂമി പാപത്തിൽനി​ന്നും മരണത്തിൽനി​ന്നും മുക്തരായ ആളുക​ളാൽ നിറയ​പ്പെട്ട ഒരു പറുദീസ ആയിത്തീ​രു​ന്ന​തു​മാ​യി ഉല്‌പത്തി 3:15 ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

⁴ ഏദെനിൽ അക്ഷരീയ സർപ്പം ഒരു വക്താവാ​യി ഉപയോ​ഗി​ക്ക​പ്പെട്ടു. അതിനെ അങ്ങനെ ഉപയോ​ഗി​ച്ച​വന്റെ ചതി നിമിത്തം മനുഷ്യ​വർഗ​ത്തി​നു പറുദീസ നഷ്ടമായി. ആ സർപ്പത്തെ ഉപായ​ത്തിൽ ഉപയോ​ഗി​ച്ചവൻ ചതയ്‌ക്ക​പ്പെ​ടുന്ന സമയ​ത്തേക്ക്‌ ഉല്‌പത്തി 3:15 വിരൽ ചൂണ്ടി. അപ്പോൾ ദൈവ​ത്തി​ന്റെ മനുഷ്യ ദാസന്മാർക്കു പാപത്തിൽനി​ന്നും മരണത്തിൽനി​ന്നും മുക്തമായ ഒരു പറുദീ​സ​യിൽ വസിക്കു​ന്ന​തി​നുള്ള വഴി വീണ്ടും തുറന്നു​കി​ട്ടും. അത്‌ എന്തൊരു സന്തോ​ഷ​ഭ​രി​ത​മായ സമയമാ​യി​രി​ക്കും!—വെളി​പ്പാ​ടു 20:1-3; 21:1-5.

5. പിശാ​ചി​ന്റെ ആത്മീയ സന്താന​ങ്ങളെ തിരി​ച്ച​റി​യി​ക്കുന്ന സ്വഭാ​വ​ഗു​ണ​ങ്ങ​ളെ​ന്തെ​ല്ലാം?

⁵ ഏദെനി​ലെ മത്സര​ത്തെ​ത്തു​ടർന്ന്‌, മത്സരം, നുണ, ദൂഷണം, കൊല​പാ​തകം, യഹോ​വ​യു​ടെ ഇഷ്ടത്തോ​ടും അവനെ ആരാധി​ക്കു​ന്ന​വ​രോ​ടു​മുള്ള എതിർപ്പ്‌ എന്നിങ്ങ​നെ​യുള്ള പിശാ​ചായ സാത്താന്റെ സ്വഭാ​വ​ഗു​ണങ്ങൾ പ്രകട​മാ​ക്കിയ വ്യക്തി​ക​ളും സംഘട​ന​ക​ളും പ്രത്യ​ക്ഷ​പ്പെ​ടാൻ തുടങ്ങി. ഈ സ്വഭാ​വ​ഗു​ണങ്ങൾ പിശാ​ചി​ന്റെ സന്താന​ങ്ങളെ, ആത്മീയ മക്കളെ, തിരി​ച്ച​റി​യി​ച്ചു. ഇവരിൽപ്പെ​ട്ട​വ​നാ​യി​രു​ന്നു കയീൻ. തന്റെ ആരാധ​ന​യിൽ പ്രീതി​പ്പെ​ടാ​തെ, യഹോവ ഹാബേ​ലി​ന്റെ ആരാധ​ന​യിൽ സംപ്രീ​ത​നാ​യ​പ്പോൾ അവൻ ഹാബേ​ലി​നെ വധിച്ചു. (1 യോഹ​ന്നാൻ 3:10-12) യഹോ​വ​യ്‌ക്കെ​തി​രെ ഒരു ശക്തനായ നായാ​ട്ടു​വീ​ര​നും ഭരണാ​ധി​പ​നു​മാ​യി​ത്തീർന്ന, മത്സരി​യെന്നു പേരു​കൊ​ണ്ടു തിരി​ച്ച​റി​യാ​വുന്ന നി​മ്രോ​ദും ഇക്കൂട്ട​ത്തിൽപ്പെ​ടു​ന്നു. (ഉല്‌പത്തി 10:9) അതിലു​പരി, രാഷ്ട്ര​പ്ര​യോ​ജി​ത​വും വ്യാജ​ത്തി​ല​ധി​ഷ്‌ഠി​ത​വു​മായ മതങ്ങളു​ണ്ടാ​യി​രുന്ന ബാബി​ലോൻ ഉൾപ്പെ​ടെ​യുള്ള പുരാതന രാജ്യ​ങ്ങ​ളു​ടെ ഒരു പരമ്പര​തന്നെ ഉണ്ടായി. ഇവർ യഹോ​വ​യു​ടെ ആരാധ​കരെ ക്രൂര​മാ​യി അടിച്ച​മർത്തി.—യിരെ​മ്യാ​വു 50:29.

“നിനക്കും സ്‌ത്രീ​ക്കും തമ്മിൽ ശത്രു​ത്വം”

6. ഏതു വിധങ്ങ​ളിൽ സാത്താൻ യഹോ​വ​യു​ടെ സ്‌ത്രീ​യു​ടെ നേരെ ശത്രു​ത്വം കാട്ടി​യി​രി​ക്കു​ന്നു?

⁶ ഈ സമയങ്ങ​ളി​ലെ​ല്ലാം, സർപ്പവും യഹോ​വ​യു​ടെ സ്‌ത്രീ​യും തമ്മിൽ, പിശാ​ചായ സാത്താ​നും വിശ്വ​സ്‌ത​രായ ആത്മസൃ​ഷ്ടി​ക​ള​ട​ങ്ങുന്ന യഹോ​വ​യു​ടെ സ്വർഗീയ സ്ഥാപന​വും തമ്മിൽ, ശത്രു​ത്വം ഉണ്ടായി​രു​ന്നു. യഹോ​വയെ നിന്ദി​ക്കു​ക​യും തങ്ങളുടെ ഉചിത​മായ വാസസ്ഥലം ഉപേക്ഷി​ക്കാൻ ദൂതന്മാ​രെ വശീക​രി​ച്ചു​കൊ​ണ്ടു യഹോ​വ​യു​ടെ സ്വർഗീയ സ്ഥാപന​ത്തിൽ ഭിന്നത വരുത്താൻ ശ്രമി​ക്കു​ക​യും ചെയ്‌ത​പ്പോൾ സാത്താന്റെ ശത്രു​ത്വം പ്രകട​മാ​യി. (സദൃശ​വാ​ക്യ​ങ്ങൾ 27:11; യൂദാ 6) യഹോവ അയച്ച ദൂത സന്ദേശ​വാ​ഹ​കരെ തടസ്സ​പ്പെ​ടു​ത്താൻ സാത്താൻ തന്റെ ഭൂതങ്ങളെ ഉപയോ​ഗി​ച്ച​പ്പോൾ ഇതു സ്‌പഷ്ട​മാ​യി. (ദാനീ​യേൽ 10:13, 14, 20, 21) ഈ 20-ാം നൂറ്റാ​ണ്ടിൽ, മിശി​ഹൈക രാജ്യ​ത്തി​ന്റെ ജനനത്തി​ങ്കൽ അതിനെ നശിപ്പി​ക്കാൻ സാത്താൻ പ്രയത്‌നി​ച്ച​പ്പോൾ അതു മുന്തി​യ​തോ​തിൽ ദൃശ്യ​മാ​യി.—വെളി​പ്പാ​ടു 12:1-4.

7. യഹോ​വ​യു​ടെ വിശ്വ​സ്‌ത​രായ ദൂതന്മാർക്കു പ്രതീ​കാ​ത്മക സർപ്പത്തി​നു നേരെ ശത്രു​ത്വം തോന്നി​യ​തെ​ന്തു​കൊണ്ട്‌, എങ്കിലും അവർ എന്തു സംയമനം പ്രകട​മാ​ക്കി​യി​രി​ക്കു​ന്നു?

⁷ യഹോ​വ​യു​ടെ സ്‌ത്രീ​യ്‌ക്കും അതായത്‌, വിശ്വസ്‌ത ദൂതന്മാ​രു​ടെ സംഘത്തി​നും പ്രതീ​കാ​ത്മക സർപ്പത്തി​നു നേരെ ശത്രു​ത്വം ഉണ്ടായി​രു​ന്നു. സാത്താൻ ദൈവ​ത്തി​ന്റെ സത്‌പേ​രി​നെ ദുഷി​ച്ചി​രു​ന്നു. സകല ദൂതന്മാ​രു​മുൾപ്പെടെ, ദൈവ​ത്തി​ന്റെ ബുദ്ധി​ശ​ക്തി​യുള്ള സൃഷ്ടി​ക​ളിൽ ഓരോ​രു​ത്ത​രു​ടെ​യും നിർമ​ല​തയെ അവൻ ചോദ്യം​ചെ​യ്യു​ക​യും ദൈവ​ത്തോ​ടുള്ള  അവരുടെ വിശ്വ​സ്‌ത​തയെ അട്ടിമ​റി​ക്കാൻ സജീവ​മാ​യി ശ്രമി​ക്കു​ക​യും ചെയ്‌തി​രു​ന്നു. (വെളി​പ്പാ​ടു 12:4എ) വിശ്വ​സ്‌ത​രായ ദൂതന്മാർക്കും കെരൂ​ബു​കൾക്കും സെറാ​ഫു​കൾക്കും സ്വയം പിശാ​ചും സാത്താ​നു​മാ​ക്കി​യ​വ​നോ​ടു കഠിന​മായ വെറു​പ്പ​ല്ലാ​തെ മറ്റൊ​ന്നും തോന്നി​യില്ല. എന്നിട്ടും യഹോവ തന്റെ സ്വന്തം സമയത്തും വിധത്തി​ലും കാര്യങ്ങൾ കൈകാ​ര്യം ചെയ്യാൻ അവർ കാത്തു​നി​ന്നി​രി​ക്കു​ന്നു.—യൂദാ 9 താരത​മ്യം​ചെ​യ്യുക.

ദൈവ​ത്തി​ന്റെ സ്‌ത്രീ​യു​ടെ സന്തതി​യോ​ടുള്ള ശത്രു​ത്വം

8. ആർക്കു​വേ​ണ്ടി​യാ​യി​രു​ന്നു സാത്താൻ ജാഗ്ര​ത​യോ​ടെ നോക്കി​പ്പാർത്തി​രു​ന്നത്‌?

⁸ ഇതിനി​ടെ, മുൻകൂ​ട്ടി​പ്പ​റ​യ​പ്പെട്ട സ്‌ത്രീ​യു​ടെ സന്തതി​ക്കു​വേണ്ടി, സർപ്പത്തി​ന്റെ തല ചതയ്‌ക്കു​മെന്നു യഹോവ പറഞ്ഞവനു വേണ്ടി, സാത്താൻ ജാഗ്ര​ത​യോ​ടെ നോക്കി​പ്പാർത്തി​രി​ക്കു​ക​യാ​യി​രു​ന്നു. ബേത്‌ല​ഹേ​മിൽ ജനിച്ച യേശു “കർത്താ​വായ ക്രിസ്‌തു എന്ന രക്ഷിതാ​വു” ആണെന്നു സ്വർഗ​ത്തിൽനി​ന്നുള്ള ദൂതൻ പ്രഖ്യാ​പി​ച്ച​പ്പോൾ, അത്‌ അവൻ മുൻകൂ​ട്ടി​പ്പ​റ​യ​പ്പെട്ട സ്‌ത്രീ​യു​ടെ സന്തതി ആയിത്തീ​രു​മെ​ന്നു​ള്ള​തി​ന്റെ ശക്തമായ സ്ഥിരീ​ക​ര​ണ​മാ​യി.—ലൂക്കൊസ്‌ 2:10, 11.

9. യേശു​വി​ന്റെ ജനനത്തി​നു​ശേഷം, സാത്താൻ കടുത്ത ശത്രു​ത്വം പ്രകട​മാ​ക്കി​യ​തെ​ങ്ങനെ?

⁹ ആദ്യം യെരു​ശ​ലേ​മി​ലെ ഹെരോ​ദാ രാജാ​വി​ന​ടു​ത്തേ​ക്കും പിന്നീട്‌, ശിശു​വായ യേശു​വി​നെ​യും അമ്മയായ മറിയ​യെ​യും കണ്ടെത്തിയ ബേത്‌ല​ഹേ​മി​ലെ വീട്ടി​ലേ​ക്കും പോകാ​നു​മുള്ള ഒരു ദൗത്യ​ത്തി​നു പുറജാ​തീയ ജ്യോ​തി​ഷ​ക്കാ​രെ സാത്താൻ വശീക​രി​ച്ച​പ്പോൾ അവന്റെ കടുത്ത ശത്രു​ത്വം പെട്ടെ​ന്നു​തന്നെ പ്രകട​മാ​യി. അധികം താമസി​യാ​തെ ഹെരോ​ദാ രാജാവ്‌ ബേത്‌ല​ഹേ​മി​ലും പരിസ​ര​ത്തു​മുള്ള രണ്ടുവ​യ​സ്സി​നും അതിനു താഴെ​യു​മുള്ള സകല ആൺകു​ഞ്ഞു​ങ്ങ​ളെ​യും വധിക്കാൻ ഉത്തരവി​ട്ടു. ഇതിൽ ഹെരോ​ദാവ്‌, സന്തതി​യോ​ടുള്ള സാത്താന്യ വിദ്വേ​ഷം പ്രകട​മാ​ക്കി. മിശിഹാ ആകാനി​രി​ക്കു​ന്ന​വന്റെ ജീവ​നൊ​ടു​ക്കാ​നാ​ണു താൻ ശ്രമി​ക്കു​ന്ന​തെന്ന തികഞ്ഞ ബോധ്യ​ത്തോ​ടെ​യാ​യി​രു​ന്നു ഹെരോ​ദാവ്‌ പ്രവർത്തി​ച്ചത്‌. (മത്തായി 2:1-6, 16) ഹെരോ​ദാ രാജാവ്‌ തത്ത്വദീ​ക്ഷ​യി​ല്ലാ​ത്ത​വ​നും കൗശല​ക്കാ​ര​നും കൊല​പാ​ത​കി​യു​മാ​യി​രു​ന്നു​വെന്നു ചരിത്രം സാക്ഷ്യ​പ്പെ​ടു​ത്തു​ന്നു—സത്യമാ​യും സർപ്പത്തി​ന്റെ ഒരു സന്തതി​തന്നെ.

10. (എ) യേശു​വി​ന്റെ സ്‌നാ​പ​ന​ത്തെ​ത്തു​ടർന്ന്‌, വാഗ്‌ദത്ത സന്തതിയെ സംബന്ധി​ച്ചുള്ള യഹോ​വ​യു​ടെ ഉദ്ദേശ്യ​ത്തെ തകിടം മറിക്കാൻ സാത്താൻ വ്യക്തി​പ​ര​മാ​യി ശ്രമി​ച്ച​തെ​ങ്ങനെ? (ബി) തന്റെ ലക്ഷ്യങ്ങൾ നേടി​യെ​ടു​ക്കു​ന്ന​തി​നു സാത്താൻ യഹൂദ മതനേ​താ​ക്ക​ന്മാ​രെ ഉപയോ​ഗി​ച്ച​തെ​ങ്ങനെ?

¹⁰ പൊ.യു. 29-ൽ യേശു പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ട​തി​നും യഹോവ യേശു​വി​നെ തന്റെ പുത്ര​നാ​യി അംഗീ​ക​രി​ച്ചു​കൊ​ണ്ടു സ്വർഗ​ത്തിൽനി​ന്നു സംസാ​രി​ച്ച​തി​നും ശേഷം, യഹോ​വ​യ്‌ക്കു തന്റെ പുത്രനെ സംബന്ധി​ച്ചുള്ള ഉദ്ദേശ്യ​ത്തെ തകിടം​മ​റി​ക്കാ​നുള്ള ശ്രമത്തി​ന്റെ ഭാഗമാ​യി യേശു​വി​നെ പ്രലോ​ഭ​ന​ത്തിൽ വീഴ്‌ത്തി​ക്ക​ള​യാൻ സാത്താൻ ആവർത്തി​ച്ചാ​വർത്തി​ച്ചു ശ്രമി​ക്കു​ക​യു​ണ്ടാ​യി. (മത്തായി 4:1-10) അതിൽ പരാജ​യ​മടഞ്ഞ സാത്താൻ, തന്റെ ലക്ഷ്യങ്ങൾ നേടി​യെ​ടു​ക്കാൻ മനുഷ്യ ഏജൻറു​മാ​രെ കൂടു​ത​ലാ​യി ഉപയോ​ഗി​ക്കു​ന്ന​തി​ലേക്കു തിരിഞ്ഞു. യേശു​വി​നെ അയോ​ഗ്യ​നാ​ക്കാ​നുള്ള ശ്രമത്തിൽ അവൻ ഉപയോ​ഗി​ച്ച​വ​രിൽ പെട്ടവ​രാ​യി​രു​ന്നു കപടഭ​ക്ത​രായ മതനേ​താ​ക്ക​ന്മാർ. അവർ നുണയും ദൂഷണ​വും​പോ​ലുള്ള സാത്താ​ന്റെ​തന്നെ ഉപാധി​കൾ ഉപയോ​ഗ​പ്പെ​ടു​ത്തി. “ധൈര്യ​മാ​യി​രിക്ക; നിന്റെ പാപങ്ങൾ മോചി​ച്ചു​ത​ന്നി​രി​ക്കു​ന്നു” എന്നു യേശു തളർവാ​ത​രോ​ഗി​യോ​ടു പറഞ്ഞ​പ്പോൾ, അയാൾ വാസ്‌ത​വ​ത്തിൽ സൗഖ്യം പ്രാപി​ച്ചോ എന്നൊ​ന്നും നോക്കാ​തെ യേശു ദൈവ​ദൂ​ഷ​ക​നാ​ണെന്നു ശാസ്‌ത്രി​മാർ വിധിച്ചു. (മത്തായി 9:2-7) ശബത്തു​നാ​ളിൽ യേശു ആളുകളെ സൗഖ്യ​മാ​ക്കി​യ​പ്പോൾ, പരീശ​ന്മാർ അവനെ ശബത്തു​നി​യ​മ​ലം​ഘ​ക​നാ​യി കുറ്റം​വി​ധി​ക്കു​ക​യും അവനെ നശിപ്പി​ക്കാൻ കൂടി​യാ​ലോ​ചന കഴിക്കു​ക​യും ചെയ്‌തു. (മത്തായി 12:9-14; യോഹ​ന്നാൻ 5:1-18) യേശു ഭൂതങ്ങളെ പുറത്താ​ക്കി​യ​പ്പോൾ, “ഭൂതങ്ങ​ളു​ടെ തലവനായ ബെയെ​ത്സെ​ബൂ​ലു”മായി സഖ്യം​ചേർന്നാണ്‌ അവൻ അതു ചെയ്യു​ന്ന​തെന്നു പരീശ​ന്മാർ ആരോ​പി​ച്ചു. (മത്തായി 12:22-24) മരിച്ച​വ​രിൽനി​ന്നു ലാസർ ഉയർപ്പി​ക്ക​പ്പെ​ട്ട​ശേഷം അനേക​മാ​ളു​കൾ യേശു​വിൽ വിശ്വാ​സ​മർപ്പി​ച്ചു, എന്നാൽ, മഹാപു​രോ​ഹി​ത​ന്മാ​രും പരീശ​ന്മാ​രും അവനെ കൊല്ലാൻ വീണ്ടും കൂടി​യാ​ലോ​ചന കഴിക്കു​ക​യാ​ണു ചെയ്‌തത്‌.—യോഹ​ന്നാൻ 11:47-53.

11. യേശു​വി​ന്റെ മരണത്തി​നു മൂന്നു ദിവസം മുമ്പ്‌, അവൻ സർപ്പത്തി​ന്റെ സന്തതി​യു​ടെ ഭാഗമാ​യി ആരെ തിരി​ച്ച​റി​യി​ച്ചു, എന്തു​കൊണ്ട്‌?

¹¹ പൊ.യു. 33 നീസാൻ 11-ന്‌ യേശു, അവരുടെ പദ്ധതി​യെ​ക്കു​റി​ച്ചു ശരിക്കും മനസ്സി​ലാ​ക്കി​യി​രു​ന്നി​ട്ടും, ഭയലേ​ശ​മെ​ന്യേ നേരെ യെരു​ശ​ലേം ദേവാലയ പരിസ​ര​ത്തേക്കു ചെന്ന്‌ അവരു​ടെ​മേൽ പരസ്യ​മാ​യി ന്യായ​വി​ധി ഉച്ചരിച്ചു. ഒരു കൂട്ടം എന്നനി​ല​യിൽ, ശാസ്‌ത്രി​മാ​രും പരീശ​ന്മാ​രും തങ്ങൾ ഏതുതരം ആളുക​ളാ​ണെന്നു കൂടെ​ക്കൂ​ടെ പ്രകട​മാ​ക്കി​യി​രു​ന്നു; അതു​കൊ​ണ്ടു യേശു ഇങ്ങനെ പറഞ്ഞു: “കപടഭ​ക്തി​ക്കാ​രായ ശാസ്‌ത്രി​മാ​രും പരീശ​ന്മാ​രു​മാ​യു​ള്ളോ​രേ, നിങ്ങൾക്കു ഹാ കഷ്ടം; നിങ്ങൾ മനുഷ്യർക്കു സ്വർഗ്ഗ​രാ​ജ്യം അടെച്ചു​ക​ള​യു​ന്നു; നിങ്ങൾ കടക്കു​ന്നില്ല, കടക്കു​ന്ന​വരെ കടപ്പാൻ സമ്മതി​ക്കു​ന്ന​തു​മില്ല.” ഇപ്രകാ​രം പറഞ്ഞു​കൊണ്ട്‌ അവർ സർപ്പത്തി​ന്റെ സന്തതി​യു​ടെ ഭാഗമാ​യി​രു​ന്നെന്നു യേശു യഥാ​യോ​ഗ്യം പ്രഖ്യാ​പി​ച്ചു: “പാമ്പു​കളേ, സർപ്പസ​ന്ത​തി​കളേ, നിങ്ങൾ നരകവി​ധി [“ഗീഹെന്ന,” NW] എങ്ങനെ ഒഴിഞ്ഞു​പോ​കും?” (മത്തായി 23:13, 33) ഉല്‌പ ത്തി 3:15-ലെ പ്രവച​ന​ത്തിൽ പറഞ്ഞി​രി​ക്കു​ന്നതു പ്രതി​ഫ​ലി​പ്പി​ക്കു​ന്ന​താണ്‌ അവന്റെ വാക്കുകൾ.

12, 13. (എ) തങ്ങളുടെ ആത്മീയ പിതാവ്‌ ആരായി​രു​ന്നെന്നു മഹാപു​രോ​ഹി​ത​ന്മാ​രും ശാസ്‌ത്രി​മാ​രും കൂടു​ത​ലായ തെളിവു നൽകി​യ​തെ​ങ്ങനെ? (ബി) ആർ അവരോ​ടു​കൂ​ടെ ചേർന്നു? (സി) ഉല്‌പത്തി 3:15-ന്റെ നിവൃ​ത്തി​യാ​യി, സ്‌ത്രീ​യു​ടെ സന്തതി​യു​ടെ കുതി​കാൽ തകർക്ക​പ്പെ​ട്ട​തെ​ങ്ങനെ?

¹² യേശു​വി​ന്റെ വാക്കുകൾ കേട്ട്‌, ഹൃദയം നുറു​ങ്ങി​യ​വ​രാ​യി, അവർ ദൈവ​ത്തോ​ടു കരുണ​യ്‌ക്കു​വേണ്ടി യാചി​ച്ചു​വോ? അവർ അവരുടെ ദുഷ്ടത​യെ​ക്കു​റിച്ച്‌ അനുത​പി​ച്ചു​വോ? ഇല്ല! തൊട്ട​ടുത്ത ദിവസം​തന്നെ, മഹാപു​രോ​ഹി​തന്റെ അങ്കണത്തി​ലെ ഒരു യോഗ​ത്തിൽവെച്ച്‌ “യേശു​വി​നെ ചതിവിൽ പിടി​കൂ​ടി വധി​ക്കേ​ണ്ടത്‌ എങ്ങനെ​യെന്ന്‌ പ്രധാ​ന​പു​രോ​ഹി​തൻമാ​രും നിയമ​ജ്‌ഞ​രും ആലോ​ചി​ച്ചു​കൊ​ണ്ടി​രു​ന്നു” എന്നു മർക്കോസ്‌ 14:1 [പി.ഒ.സി. ബൈബിൾ] റിപ്പോർട്ടു ചെയ്യുന്നു. മനുഷ്യ​ഘാ​ത​ക​നെന്നു യേശു മുമ്പു വർണിച്ച സാത്താന്റെ ഹിംസാ​ബു​ദ്ധി അവർ തുടർന്നും പ്രകടി​പ്പി​ച്ചു​പോ​ന്നു. (യോഹ​ന്നാൻ 8:44) സാത്താന്റെ പ്രേര​ണ​യി​ങ്കൽ വിശ്വാ​സ​ത്യാ​ഗി​യാ​യി​ത്തീർന്ന യൂദാസ്‌ ഇസ്‌ക്ക​ര്യോ​ത്ത​യും ഉടനെ അവരോ​ടു​കൂ​ടെ ചേർന്നു. ദൈവ​ത്തി​ന്റെ സ്‌ത്രീ​യു​ടെ കളങ്കര​ഹിത സന്തതിയെ ഉപേക്ഷിച്ച്‌ യൂദാസ്‌ സർപ്പത്തി​ന്റെ സന്തതി​യോ​ടു ചേർന്നു.

¹³ നീസാൻ 14-ന്‌ അതിരാ​വി​ലെ യഹൂദ മതകോ​ട​തി​യി​ലെ അംഗങ്ങൾ യേശു​വി​നെ ഒരു തടവു​പു​ള്ളി​യെ​പ്പോ​ലെ റോമൻ ഗവർണ​റു​ടെ അടുക്കൽ കൊണ്ടു​പോ​യി. ഇവി​ടെ​വെച്ച്‌, യേശു​വി​നെ ദണ്ഡനസ്‌തം​ഭ​ത്തി​ലേറ്റി വധിക്ക​ണ​മെന്നു വിളി​ച്ചു​പ​റ​യു​ന്ന​തിൽ നേതൃ​ത്വ​മെ​ടു​ത്തതു മഹാപു​രോ​ഹി​ത​ന്മാ​രാ​യി​രു​ന്നു. “നിങ്ങളു​ടെ രാജാ​വി​നെ ഞാൻ ക്രൂശി​ക്ക​ണ​മോ?” എന്നു പീലാ​ത്തോസ്‌ ചോദി​ച്ച​പ്പോൾ, “ഞങ്ങൾക്കു കൈസ​ര​ല്ലാ​തെ മറ്റൊരു രാജാ​വില്ല” എന്ന്‌ ഉത്തരം പറഞ്ഞതു മഹാപു​രോ​ഹി​ത​ന്മാ​രാ​യി​രു​ന്നു. (യോഹ​ന്നാൻ 19:6, 15) തങ്ങൾ സർപ്പത്തി​ന്റെ സന്തതി​യു​ടെ ഭാഗമാ​യി​രു​ന്നു​വെന്നു നിശ്ചയ​മാ​യും അവർ സകലവി​ധ​ത്തി​ലും തെളി​യി​ച്ചു. എന്നാൽ തീർച്ച​യാ​യും അവർ തനിച്ചാ​യി​രു​ന്നില്ല. മത്തായി 27:24, 25-ലെ നിശ്വ​സ്‌ത​രേഖ ഈ റിപ്പോർട്ടു തരുന്നു: “പീലാ​ത്തൊസ്‌ . . . വെള്ളം എടുത്തു പുരു​ഷാ​രം കാൺകെ കൈ കഴുകി,” അപ്പോൾ “അവന്റെ രക്തം ഞങ്ങളു​ടെ​മേ​ലും ഞങ്ങളുടെ മക്കളു​ടെ​മേ​ലും വരട്ടെ എന്നു ജനം ഒക്കെയും ഉത്തരം പറഞ്ഞു.” അങ്ങനെ ആ തലമു​റ​യി​ലെ അനേകം യഹൂദ​ന്മാർ സർപ്പത്തി​ന്റെ സന്തതി​യു​ടെ ഭാഗമാ​ണെന്നു സ്വയം തിരി​ച്ച​റി​യി​ച്ചു. ആ ദിവസം തീരു​ന്ന​തി​നു​മു​മ്പു​തന്നെ യേശു മരിച്ചു. സാത്താൻ തന്റെ ദൃശ്യ​സ​ന്ത​തി​യെ ഉപയോ​ഗി​ച്ചു​കൊണ്ട്‌, ദൈവ​ത്തി​ന്റെ സ്‌ത്രീ​യു​ടെ സന്തതി​യു​ടെ കുതി​കാൽ തകർത്തു.

14. സ്‌ത്രീ​യു​ടെ സന്തതി​യു​ടെ കുതി​കാൽ തകർക്കൽ സാത്താന്റെ വിജയത്തെ അർഥമാ​ക്കാ​ഞ്ഞ​തെ​ന്തു​കൊണ്ട്‌?

¹⁴ സാത്താൻ വിജയി​ച്ചോ? അശേഷ​മില്ല! യേശു ലോകത്തെ കീഴട​ക്കു​ക​യും അതിന്റെ ഭരണാ​ധി​പ​നു​മേൽ വിജയം വരിക്കു​ക​യും ചെയ്‌തി​രു​ന്നു. (യോഹ​ന്നാൻ 14:30, 31; 16:33) മരണം​വരെ യഹോ​വ​യോ​ടുള്ള തന്റെ വിശ്വ​സ്‌തത അവൻ നിലനിർത്തി​യി​രു​ന്നു. പൂർണ​ത​യുള്ള മനുഷ്യൻ എന്നനി​ല​യി​ലുള്ള അവന്റെ മരണം, ആദാം നഷ്ടപ്പെ​ടു​ത്തിയ ജീവി​താ​വ​കാ​ശങ്ങൾ വീണ്ടെ​ടു​ക്കാൻ ആവശ്യ​മായ മറുവില പ്രദാനം ചെയ്‌തു. അങ്ങനെ ആ കരുത​ലിൽ വിശ്വാ​സ​മർപ്പി​ക്കു​ക​യും ദൈവ​ത്തി​ന്റെ കൽപ്പനകൾ അനുസ​രി​ക്കു​ക​യും ചെയ്യു​ന്ന​വർക്ക്‌ അവൻ നിത്യ​ജീ​വ​നി​ലേക്കു വഴി തുറന്നു​കൊ​ടു​ത്തു. (മത്തായി 20:28; യോഹ​ന്നാൻ 3:16) യഹോവ യേശു​വി​നെ മരിച്ച​വ​രിൽനി​ന്നു സ്വർഗ​ത്തി​ലെ അമർത്ത്യ ജീവനി​ലേക്ക്‌ ഉയർപ്പി​ച്ചു. യഹോ​വ​യു​ടെ തക്കസമ​യത്ത്‌, യേശു സാത്താനെ അസ്‌തി​ത്വ​ത്തിൽനി​ന്നു തകർത്തു​നീ​ക്കും. ആ വിശ്വസ്‌ത സന്തതി മുഖേന തങ്ങളെ​ത്തന്നെ അനു​ഗ്ര​ഹി​ക്കാൻ ആവശ്യ​മായ നടപടി​കൾ സ്വീക​രി​ക്കുന്ന, ഭൂമി​യി​ലുള്ള സകല കുടും​ബ​ങ്ങ​ളു​ടെ​മേ​ലും യഹോവ അനു​ഗ്ര​ഹങ്ങൾ ചൊരി​യു​മെന്ന്‌ ഉല്‌പത്തി 22:16-18-ൽ പ്രവചി​ക്ക​പ്പെ​ട്ടി​രി​ക്കു​ന്നു.

15. (എ) യേശു​വി​ന്റെ മരണത്തി​നു​ശേഷം, അവന്റെ അപ്പോ​സ്‌ത​ല​ന്മാർ സർപ്പത്തി​ന്റെ സന്തതിയെ തുറന്നു​കാ​ട്ടു​ന്ന​തിൽ തുടർന്ന​തെ​ങ്ങനെ? (ബി) സർപ്പത്തി​ന്റെ സന്തതി നമ്മുടെ നാൾവരെ എന്തു കൂടു​ത​ലായ ശത്രു​ത്വം പ്രകടി​പ്പി​ച്ചി​രി​ക്കു​ന്നു?

¹⁵ യേശു​വി​ന്റെ മരണത്തി​നു​ശേഷം, ആത്മാഭി​ഷിക്ത ക്രിസ്‌ത്യാ​നി​കൾ തങ്ങളുടെ കർത്താവു ചെയ്‌ത​തു​പോ​ലെ സർപ്പത്തി​ന്റെ സന്തതിയെ തുറന്നു​കാ​ട്ടു​ന്ന​തിൽ തുടർന്നു. പരിശു​ദ്ധാ​ത്മാ​വി​നാൽ പ്രേരി​ത​നാ​യി, അപ്പോ​സ്‌ത​ല​നായ പൗലോസ്‌ “അധർമ മനുഷ്യ”നെതിരെ മുന്നറി​യി​പ്പു കൊടു​ക്കു​ക​യും അവന്റെ സാന്നി​ധ്യം “സാത്താന്റെ പ്രവർത്ത​ന​പ്ര​കാര”മായി​രി​ക്കു​മെന്നു പറയു​ക​യും ചെയ്‌തു. (2 തെസ്സ​ലോ​നി​ക്യർ 2:3-10, NW) ഒരു കൂട്ടത്തെ അർഥമാ​ക്കുന്ന ഈ “മനുഷ്യൻ” ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ​മാ​ണെന്നു തെളി​ഞ്ഞി​രി​ക്കു​ന്നു. തുടർന്ന്‌, സർപ്പത്തി​ന്റെ സന്തതി യേശു​ക്രി​സ്‌തു​വി​ന്റെ അനുഗാ​മി​കളെ ക്രൂര​മാ​യി പീഡി​പ്പി​ച്ചു. നമ്മുടെ നാളോ​ളം ദൈവ​ത്തി​ന്റെ സ്‌ത്രീ​യു​ടെ സന്തതി​യിൽ ശേഷി​ക്കു​ന്ന​വർക്കെ​തി​രെ സാത്താൻ യുദ്ധം തുടരു​മെന്നു വെളി​പ്പാ​ടു 12:17-ൽ രേഖ​പ്പെ​ടു​ത്തി​യി​രി​ക്കുന്ന പ്രവച​ന​ത്തിൽ അപ്പോ​സ്‌ത​ല​നായ യോഹ​ന്നാൻ മുൻകൂ​ട്ടി​പ്പ​റഞ്ഞു. അതാണു കൃത്യ​മാ​യും സംഭവി​ച്ചി​രി​ക്കു​ന്നത്‌. ദൈവ​ത്തി​ന്റെ രാജ്യ​ത്തി​നും അവന്റെ നീതി​യുള്ള മാർഗ​ങ്ങൾക്കും​വേണ്ടി ഉറച്ച നിലപാട്‌ എടുത്ത​തി​നാൽ, അനേകം രാജ്യ​ങ്ങ​ളി​ലും യഹോ​വ​യു​ടെ സാക്ഷികൾ നിരോ​ധി​ക്ക​പ്പെ​ടു​ക​യോ ജനക്കൂ​ട്ട​ത്താൽ ആക്രമി​ക്ക​പ്പെ​ടു​ക​യോ തടവി​ലാ​ക്ക​പ്പെ​ടു​ക​യോ തടങ്കൽപ്പാ​ള​യ​ങ്ങ​ളിൽ അടയ്‌ക്ക​പ്പെ​ടു​ക​യോ ചെയ്‌തി​ട്ടുണ്ട്‌.

ആധുനി​ക​നാ​ളിൽ സർപ്പത്തി​ന്റെ സന്തതിയെ തുറന്നു​കാ​ട്ടൽ

16. ആധുനി​ക​നാ​ളിൽ, സർപ്പത്തി​ന്റെ സന്തതി​യു​ടെ ഭാഗമാ​യി ആരെ തുറന്നു​കാ​ട്ടി​യി​രി​ക്കു​ന്നു, എങ്ങനെ?

¹⁶ യേശു​ക്രി​സ്‌തു​വി​നെ അനുക​രി​ച്ചു​കൊണ്ട്‌, സത്യ​ക്രി​സ്‌ത്യാ​നി​കൾ സർപ്പ​ത്തെ​യും അവന്റെ സന്തതി​യെ​യും തുറന്നു​കാ​ട്ടു​ന്ന​തിൽ സധൈ​ര്യം തുടർന്നി​രി​ക്കു​ന്നു. 1917-ൽ, ബൈബിൾ വിദ്യാർഥി​കൾ—യഹോ​വ​യു​ടെ സാക്ഷികൾ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ​ത്തി​ന്റെ കാപട്യം തുറന്നു​കാ​ട്ടിയ പൂർത്തി​യായ മർമം (ഇംഗ്ലീഷ്‌) എന്ന പുസ്‌തകം പ്രസി​ദ്ധീ​ക​രി​ച്ചു. ഇതിനു പിന്നാലെ, പുരോ​ഹി​ത​ന്മാർ കുറ്റം​ചു​മ​ത്ത​പ്പെ​ട്ടി​രി​ക്കു​ന്നു (ഇംഗ്ലീഷ്‌) എന്ന ശീർഷ​ക​ത്തിൽ അച്ചടിച്ച ഒരു പ്രമേയം 1924-ൽ പ്രസി​ദ്ധീ​ക​രി​ച്ചു. അഞ്ചു കോടി പ്രതികൾ സാർവ​ദേ​ശീ​യ​ത​ല​ത്തിൽ വിതരണം ചെയ്യ​പ്പെട്ടു. 1937-ൽ വാച്ച്‌ടവർ സൊ​സൈ​റ്റി​യു​ടെ അപ്പോ​ഴത്തെ പ്രസി​ഡൻറാ​യി​രുന്ന ജെ. എഫ്‌. റഥർഫോർഡ്‌, “തുറന്നു​കാ​ട്ട​പ്പെ​ട്ടി​രി​ക്കു​ന്നു,” “മതവും ക്രിസ്‌ത്യാ​നി​ത്വ​വും” എന്നീ ശീർഷ​ക​ങ്ങ​ളുള്ള പ്രസം​ഗ​ങ്ങ​ളി​ലൂ​ടെ സാത്താന്റെ സന്തതിയെ ശക്തമായി തുറന്നു​കാ​ട്ടി. അടുത്ത വർഷം, വിവിധ രാജ്യ​ങ്ങ​ളി​ലാ​യി 50 കൺ​വെൻ​ഷ​നു​ക​ളിൽ ശ്രോ​താ​ക്കൾ ശ്രദ്ധി​ച്ചി​രി​ക്കവേ, ഇംഗ്ലണ്ടി​ലെ ലണ്ടനിൽനിന്ന്‌ റേഡി​യോ​ടെ​ലി​ഫോ​ണി​ലൂ​ടെ “വസ്‌തു​ത​കളെ അഭിമു​ഖീ​ക​രി​ക്കുക” എന്ന പ്രസംഗം നടത്തി. ഒരു മാസത്തി​നു​ശേഷം, ഐക്യ​നാ​ടു​ക​ളി​ലെ വിപു​ല​മായ റേഡി​യോ ശൃംഖ​ല​യി​ലൂ​ടെ “ഫാസി​സ​മോ സ്വാത​ന്ത്ര്യ​മോ” എന്ന പ്രസംഗം നടത്തി. ഇവയെ​ത്തു​ടർന്ന്‌, ശത്രുക്കൾ, മതം തുടങ്ങിയ (ഇംഗ്ലീഷ്‌) പുസ്‌ത​ക​ങ്ങ​ളി​ലൂ​ടെ​യും മറനീ​ക്ക​പ്പെ​ട്ടി​രി​ക്കു​ന്നു (ഇംഗ്ലീഷ്‌) എന്ന ചെറു​പു​സ്‌ത​ക​ത്തി​ലൂ​ടെ​യും ശക്തമായ തുറന്നു​കാ​ട്ട​ലു​കൾ നടന്നു. 1920-കൾമുതൽ പ്രസി​ദ്ധീ​ക​രി​ച്ചി​രി​ക്കു​ന്ന​തി​നോ​ടുള്ള യോജി​പ്പിൽ, ഇപ്പോൾ 65 ഭാഷക​ളിൽ മുദ്രണം ചെയ്യ​പ്പെ​ട്ടി​രി​ക്കുന്ന, വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു!, a എന്ന പുസ്‌തകം സർപ്പത്തി​ന്റെ ദൃശ്യ​സ​ന്ത​തി​യു​ടെ മുഖ്യ അംഗങ്ങ​ളു​ടെ കൂട്ടത്തിൽ അഴിമ​തി​ക്കാ​രായ രാഷ്ട്രീയ ഭരണാ​ധി​പ​ന്മാ​രും സ്വാർഥ​രും തത്വദീ​ക്ഷ​യി​ല്ലാത്ത വാണിജ്യ വ്യാപാ​രി​ക​ളും ഉണ്ടെന്നു തിരി​ച്ച​റി​യി​ക്കു​ന്നു. തങ്ങളുടെ പ്രജകളെ വഴി​തെ​റ്റി​ക്കാൻ രാഷ്ട്രീ​യ​നേ​താ​ക്കൾ വ്യാജ​ത്തി​ലാ​ശ്ര​യി​ക്കു​ന്നത്‌ ഒരു ശീലമാ​ക്കു​മ്പോൾ, രക്തത്തിന്റെ പവി​ത്ര​തയെ മാനി​ക്കാ​തി​രി​ക്കു​മ്പോൾ, യഹോ​വ​യു​ടെ ദാസന്മാ​രെ അടിച്ച​മർത്തു​മ്പോൾ (അങ്ങനെ ദൈവ​ത്തി​ന്റെ സ്‌ത്രീ​യു​ടെ സന്തതി​യോ​ടു വെറുപ്പു കാട്ടു​മ്പോൾ), തീർച്ച​യാ​യും സർപ്പത്തി​ന്റെ സന്തതി​യു​ടെ ഭാഗമാ​യി അവർ സ്വയം തിരി​ച്ച​റി​യി​ക്കു​ക​യാണ്‌. ഇതു വാണിജ്യ വ്യാപാ​രി​കളെ സംബന്ധി​ച്ചും ശരിയാണ്‌, സാമ്പത്തിക ലാഭത്തി​നു​വേണ്ടി അവർ യാതൊ​രു മനസ്സാ​ക്ഷി​ക്കു​ത്തു​മി​ല്ലാ​തെ നുണകൾ തട്ടിവി​ടു​ന്നു, രോഗ​മു​ണ്ടാ​ക്കു​മെന്നു നന്നായി അറിയാ​വുന്ന ഉത്‌പ​ന്നങ്ങൾ നിർമി​ക്കു​ക​യോ വിൽക്കു​ക​യോ ചെയ്യുന്നു.

17. ലോക​ത്തി​ന്റെ സമ്പ്രദാ​യ​ത്തിൽനി​ന്നു പുറത്തു​വ​ന്നേ​ക്കാ​വുന്ന പ്രമു​ഖ​വ്യ​ക്തി​കൾക്ക്‌ എന്ത്‌ അവസരം ഇപ്പോ​ഴും തുറന്നു​കി​ട​ക്കു​ന്നു?

¹⁷ ലോക മതത്താ​ലോ രാഷ്ട്രീ​യ​ത്താ​ലോ വാണി​ജ്യ​ത്താ​ലോ കളങ്ക​പ്പെ​ട്ടി​രി​ക്കുന്ന സകലരും ഒടുവിൽ സർപ്പത്തി​ന്റെ സന്തതി​യു​ടെ ഭാഗമാ​യി കണക്കാ​ക്ക​പ്പെ​ടു​ക​യില്ല. ഈ സ്‌ത്രീ​പു​രു​ഷ​ന്മാ​രിൽ ചിലർ യഹോ​വ​യു​ടെ സാക്ഷി​കളെ പ്രശം​സി​ക്കാൻ ഇടവരു​ന്നു. അവരെ സഹായി​ക്കാൻ അവർ അവരുടെ സ്വാധീ​നം ഉപയോ​ഗി​ക്കു​ക​യും കാല​ക്ര​മ​ത്തിൽ സത്യാ​രാ​ധന സ്വീക​രി​ക്കു​ക​യും ചെയ്യുന്നു. (പ്രവൃ​ത്തി​കൾ 13:7, 12; 17:32-34 എന്നിവ താരത​മ്യം ചെയ്യുക.) അത്തരത്തി​ലുള്ള എല്ലാവർക്കും ഈ അപേക്ഷ വെച്ചു​നീ​ട്ടി​യി​രി​ക്കു​ന്നു: “ആകയാൽ രാജാ​ക്ക​ന്മാ​രേ, ബുദ്ധി പഠിപ്പിൻ; ഭൂമി​യി​ലെ ന്യായാ​ധി​പ​ന്മാ​രേ, ഉപദേശം കൈ​ക്കൊൾവിൻ. ഭയത്തോ​ടെ യഹോ​വയെ സേവി​പ്പിൻ; വിറയ​ലോ​ടെ ഘോഷി​ച്ചു​ല്ല​സി​പ്പിൻ. അവൻ കോപി​ച്ചി​ട്ടു നിങ്ങൾ വഴിയിൽവെച്ചു നശിക്കാ​തി​രി​പ്പാൻ പുത്രനെ ചുംബി​പ്പിൻ. അവന്റെ കോപം ക്ഷണത്തിൽ ജ്വലി​ക്കും; അവനെ ശരണം പ്രാപി​ക്കു​ന്ന​വ​രൊ​ക്കെ​യും ഭാഗ്യ​വാ​ന്മാർ.” (സങ്കീർത്തനം 2:10-12) നിശ്ചയ​മാ​യും, യഹോ​വ​യു​ടെ പ്രീതി ആഗ്രഹി​ക്കു​ന്ന​വ​രൊ​ക്കെ​യും ഇപ്പോൾ, സ്വർഗീയ ന്യായാ​ധി​പൻ അവസര​ത്തി​ന്റെ വാതിൽ അടയ്‌ക്കു​ന്ന​തി​നു​മുമ്പ്‌, പ്രവർത്തി​ക്കു​ന്നതു ജീവത്‌പ്ര​ധാ​ന​മാണ്‌!

18. സ്‌ത്രീ​യു​ടെ സന്തതി​യു​ടെ ഭാഗമ​ല്ലെ​ങ്കി​ലും, യഹോ​വ​യു​ടെ ആരാധ​ക​രാ​യി​രി​ക്കു​ന്ന​താർ?

¹⁸ സ്വർഗീയ രാജ്യ​ത്തി​ന്റെ അംഗങ്ങ​ളാ​കാ​നി​രി​ക്കു​ന്നവർ മാത്ര​മാണ്‌ സ്‌ത്രീ​യു​ടെ സന്തതി​യു​ടെ ഭാഗമാ​യി​രി​ക്കു​ന്നത്‌. ഇവർ എണ്ണത്തിൽ കുറവാണ്‌. (വെളി​പ്പാ​ടു 7:4, 9) എങ്കിലും, മറ്റുള്ള​വ​രു​ടേ​തായ ഒരു മഹാപു​രു​ഷാ​ര​മുണ്ട്‌, അതേ, യഹോ​വ​യു​ടെ ആരാധകർ എന്നനി​ല​യിൽ, ഒരു പറുദീ​സാ ഭൂമി​യി​ലെ നിത്യ​ജീ​വ​നു​വേണ്ടി നോക്കി​പ്പാർത്തി​രി​ക്കുന്ന അവർ ലക്ഷക്കണ​ക്കി​നുണ്ട്‌. വാക്കി​നാ​ലും പ്രവൃ​ത്തി​യാ​ലും, അവർ യഹോ​വ​യു​ടെ അഭിഷി​ക്ത​രോ​ടു പറയുന്നു: “ദൈവം നിങ്ങ​ളോ​ടു​കൂ​ടെ ഉണ്ടെന്നു ഞങ്ങൾ കേട്ടി​രി​ക്ക​യാൽ ഞങ്ങൾ നിങ്ങ​ളോ​ടു​കൂ​ടെ പോരു​ന്നു.”—സെഖര്യാ​വു 8:23.

19. (എ) സകല ആളുക​ളും എന്തു തിര​ഞ്ഞെ​ടു​പ്പു നടത്തണം? (ബി) അവസര​മുള്ള ഇപ്പോ​ഴും ജ്ഞാനപൂർവം പ്രവർത്തി​ക്കാ​നുള്ള ആത്മാർഥ​മായ അഭ്യർഥന പ്രത്യേ​കി​ച്ചും ആരോ​ടാണ്‌?

¹⁹ സകല മനുഷ്യ​വർഗ​വും തിര​ഞ്ഞെ​ടു​പ്പു നടത്തേണ്ട സമയം ഇപ്പോ​ഴാണ്‌. അവർ യഹോ​വയെ ആരാധി​ക്കാ​നും അവന്റെ പരമാ​ധി​കാ​രം ഉയർത്തി​പ്പി​ടി​ക്കാ​നും ആഗ്രഹി​ക്കു​ന്നു​വോ, അതോ, സാത്താനെ പ്രീതി​പ്പെ​ടു​ത്തുന്ന കാര്യങ്ങൾ ചെയ്‌തു​കൊ​ണ്ടു തങ്ങളുടെ ഭരണാ​ധി​പ​നാ​യി​രി​ക്കാൻ അവനെ അനുവ​ദി​ക്കു​മോ? സകല ജനതക​ളിൽനി​ന്നു​മാ​യി ഏതാണ്ട്‌ 50 ലക്ഷത്തോ​ളം ആളുകൾ, സ്‌ത്രീ​യു​ടെ സന്തതി​യിൽ ശേഷി​ച്ചി​രി​ക്കു​ന്ന​വ​രായ രാജ്യാ​വ​കാ​ശി​ക​ളോ​ടു സഹവസി​ച്ചു​കൊണ്ട്‌, യഹോ​വ​യു​ടെ പക്ഷത്തു നിലപാട്‌ എടുത്തി​രി​ക്കു​ന്നു. എൺപത്‌ ലക്ഷം മറ്റുള്ളവർ അവരോ​ടൊ​ത്തു ബൈബിൾ പഠിക്കു​ന്ന​തി​നോ അവരുടെ യോഗ​ങ്ങ​ളിൽ പങ്കു​കൊ​ള്ളു​ന്ന​തി​നോ താത്‌പ​ര്യം കാട്ടി​യി​രി​ക്കു​ന്നു. അത്തരക്കാ​രായ സകല​രോ​ടും യഹോ​വ​യു​ടെ സാക്ഷികൾ പറയുന്നു: അവസര​ത്തി​ന്റെ വാതിൽ ഇപ്പോ​ഴും തുറന്നു​കി​ട​ക്കു​ക​യാണ്‌. യഹോ​വ​യു​ടെ പക്ഷത്തു നിങ്ങൾ ഒരു അസന്ദി​ഗ്‌ധ​മായ നിലപാ​ടു സ്വീക​രി​ക്കു​വിൻ. വാഗ്‌ദത്ത സന്തതി എന്നനി​ല​യിൽ യേശു​ക്രി​സ്‌തു​വി​നെ അംഗീ​ക​രി​ക്കു​വിൻ. യഹോ​വ​യു​ടെ ദൃശ്യ​സ്ഥാ​പ​ന​ത്തോ​ടൊ​പ്പം സന്തോ​ഷ​പൂർവം സഹവസി​ക്കു​വിൻ. രാജാ​വായ യേശു​ക്രി​സ്‌തു​വി​ന്റെ ഭരണത്തി​ലൂ​ടെ അവൻ പ്രദാനം ചെയ്യാ​നി​രി​ക്കുന്ന സകല അനു​ഗ്ര​ഹ​ങ്ങ​ളി​ലും നിങ്ങൾ പങ്കു​കൊ​ള്ളു​മാ​റാ​കട്ടെ.

[അടിക്കു​റിപ്പ]

 നിങ്ങൾ ഓർക്കു​ന്നു​വോ?

◻ ഉല്‌പത്തി 3:15-ൽ പരാമർശി​ച്ചി​രി​ക്കുന്ന സർപ്പം ആരാണ്‌? സ്‌ത്രീ ആരാണ്‌?

◻ സർപ്പത്തി​ന്റെ സന്തതിയെ തിരി​ച്ച​റി​യി​ക്കുന്ന സ്വഭാ​വ​ഗു​ണങ്ങൾ എന്തൊക്കെ?

◻ യേശു സർപ്പത്തി​ന്റെ സന്തതിയെ തുറന്നു​കാ​ട്ടി​യത്‌ എങ്ങനെ?

◻ സർപ്പത്തി​ന്റെ സന്തതി​യു​ടെ ഭാഗമാ​യി ആധുനി​ക​നാ​ളിൽ ആരെ തുറന്നു​കാ​ട്ടി​യി​രി​ക്കു​ന്നു?

◻ സർപ്പത്തി​ന്റെ സന്തതി​യോ​ടൊ​പ്പം തിരി​ച്ച​റി​യ​പ്പെ​ടു​ന്നത്‌ ഒഴിവാ​ക്കാൻ എന്ത്‌ അടിയ​ന്തിര നടപടി ആവശ്യ​മാണ്‌?

 [അധ്യയന ചോദ്യ​ങ്ങൾ]

[10-ാം പേജിലെ ചിത്രം]

സർപ്പത്തിന്റെ സന്തതി​യു​ടെ ഭാഗമാ​യി കപടഭ​ക്ത​രായ മതനേ​താ​ക്ക​ന്മാ​രെ യേശു തുറന്നു​കാ​ട്ടി