അനു​ഗ്ര​ഹങ്ങൾ അല്ലെങ്കിൽ ശാപങ്ങൾ—നമ്മുടെ നാളി​ലേ​ക്കുള്ള ദൃഷ്ടാ​ന്ത​ങ്ങൾ

“ഇതു ദൃഷ്ടാ​ന്ത​മാ​യി​ട്ടു അവർക്കു സംഭവി​ച്ചു, ലോകാ​വ​സാ​നം വന്നെത്തി​യി​രി​ക്കുന്ന നമുക്കു ബുദ്ധ്യു​പ​ദേ​ശ​ത്തി​ന്നാ​യി [“മുന്നറി​യി​പ്പി​നാ​യി,” NW] എഴുതി​യു​മി​രി​ക്കു​ന്നു.”—1 കൊരി​ന്ത്യർ 10:11.

1. ഒരാൾ ഒരു ഉപകരണം പരി​ശോ​ധി​ക്കു​ന്ന​തു​പോ​ലെ, നാം എന്തു പരി​ശോ​ധന നടത്തേ​ണ്ട​തുണ്ട്‌?

 പെയിൻറ​ടി​ച്ചി​രി​ക്കു​ന്ന​തി​നു പിന്നിൽ, ദൃശ്യ​മ​ല്ലെ​ങ്കി​ലും തുരു​മ്പിന്‌ ഇരുമ്പു​കൊ​ണ്ടു​ണ്ടാ​ക്കിയ ഒരു ഉപകര​ണത്തെ ദ്രവി​പ്പി​ക്കാൻ സാധി​ക്കും. തുരുമ്പ്‌ വെളി​യിൽ കാണാൻ കുറച്ചു സമയ​മെ​ടു​ക്കും. സമാന​മാ​യി, ഗുരു​ത​ര​മായ പരിണ​ത​ഫ​ല​ങ്ങ​ളിൽ കലാശി​ക്കു​ക​യോ മറ്റുള്ളവർ നിരീ​ക്ഷി​ക്കു​ക​യോ ചെയ്യു​ന്ന​തി​നു ദീർഘ​നാൾ മുമ്പേ ഒരുവന്റെ ഹൃദയ​ത്തി​ലെ മനോ​ഭാ​വ​ങ്ങ​ളും മോഹ​ങ്ങ​ളും ക്ഷയിക്കാൻ തുടങ്ങി​യേ​ക്കാം. ഒരു ഉപകരണം തുരു​മ്പി​ക്കു​ന്നു​ണ്ടോ​യെന്നു നാം ജ്ഞാനപൂർവം പരി​ശോ​ധി​ക്കു​ന്ന​തു​പോ​ലെ, നമ്മുടെ ഹൃദയ​ങ്ങളെ അടുത്തു പരി​ശോ​ധി​ക്കു​ക​യും കാലി​ക​മാ​യി കേടു​പോ​ക്കു​ക​യും ചെയ്യു​ന്ന​തി​നാൽ നമ്മുടെ ക്രിസ്‌തീയ നിർമലത കാത്തു​സൂ​ക്ഷി​ക്കാ​നാ​യേ​ക്കാം. മറ്റൊരു വിധത്തിൽ പറഞ്ഞാൽ, നമുക്കു ദൈവാ​നു​ഗ്ര​ഹങ്ങൾ ലഭിക്കാ​നും ദിവ്യ ശാപങ്ങൾ ഒഴിവാ​ക്കാ​നും സാധി​ക്കും. ഈ വ്യവസ്ഥി​തി​യു​ടെ സമാപ​നത്തെ അഭിമു​ഖീ​ക​രി​ക്കു​ന്ന​വരെ സംബന്ധി​ച്ചി​ട​ത്തോ​ളം, പുരാതന ഇസ്രാ​യേ​ലി​ന്റെ​മേൽ പ്രഖ്യാ​പി​ക്ക​പ്പെട്ട അനു​ഗ്ര​ഹ​ങ്ങൾക്കും ശാപങ്ങൾക്കും അർഥ​മൊ​ന്നു​മി​ല്ലെന്നു ചിലർ കരുതി​യേ​ക്കാം. (യോശുവ 8:34, 35; മത്തായി 13:49, 50; 24:3) എന്നിരു​ന്നാ​ലും, അത്‌ അങ്ങനെയല്ല. 1 കൊരി​ന്ത്യർ 10-ാം അധ്യാ​യ​ത്തിൽ കൊടു​ത്തി​രി​ക്കു​ന്ന​തു​പോ​ലെ, ഇസ്രാ​യേൽ ഉൾപ്പെട്ട മുന്നറി​യി​പ്പിൻ ദൃഷ്ടാ​ന്ത​ങ്ങ​ളിൽനി​ന്നു നമുക്കു വളരെ​യ​ധി​കം പ്രയോ​ജനം നേടാ​നാ​വും.

2. മരുഭൂ​മി​യിൽവെച്ച്‌ ഇസ്രാ​യേ​ലി​നു​ണ്ടായ അനുഭ​വ​ങ്ങ​ളെ​ക്കു​റിച്ച്‌ 1 കൊരി​ന്ത്യർ 10:5, 6 എന്തു പറയുന്നു?

² അപ്പോ​സ്‌ത​ല​നായ പൗലോസ്‌, മോശ​യു​ടെ കീഴിലെ ഇസ്രാ​യേ​ല്യ​രെ ക്രിസ്‌തു​വി​ന്റെ കീഴി​ലു​ണ്ടാ​യി​രുന്ന ക്രിസ്‌ത്യാ​നി​ക​ളു​മാ​യി തുലനം ചെയ്യുന്നു. (1 കൊരി​ന്ത്യർ 10:1-4) ഇസ്രാ​യേൽ ജനതയ്‌ക്കു വാഗ്‌ ദത്തദേ​ശത്തു പ്രവേ​ശി​ക്കാൻ കഴിയു​മാ​യി​രു​ന്നു​വെ​ങ്കി​ലും, “അവരിൽ മിക്ക​പേ​രി​ലും ദൈവം പ്രസാ​ദി​ച്ചില്ല, അവരെ മരുഭൂ​മി​യിൽ തള്ളിയി​ട്ടു​ക​ളഞ്ഞു.” അതു​കൊണ്ട്‌ പൗലോസ്‌ സഹക്രി​സ്‌ത്യാ​നി​ക​ളോ​ടു പറഞ്ഞു: “ഇതു നമുക്കു ദൃഷ്ടാ​ന്ത​മാ​യി സംഭവി​ച്ചു; അവർ മോഹി​ച്ച​തു​പോ​ലെ നാമും ദുർമ്മോ​ഹി​കൾ ആകാതി​രി​ക്കേ​ണ്ട​തി​ന്നു തന്നേ.” (ചെരി​ച്ചെ​ഴു​ത്തു ഞങ്ങളു​ടേത്‌.) (1 കൊരി​ന്ത്യർ 10:5, 6) മോഹങ്ങൾ പരി​പോ​ഷി​പ്പി​ക്ക​പ്പെ​ടു​ന്നതു ഹൃദയ​ത്തി​ലാണ്‌. അതു​കൊണ്ട്‌ പൗലോസ്‌ ഉദ്ധരി​ക്കുന്ന മുന്നറി​യി​പ്പിൻ ദൃഷ്ടാ​ന്തങ്ങൾ നാം ചെവി​ക്കൊ​ള്ളേ​ണ്ട​തുണ്ട്‌.

വിഗ്ര​ഹാ​രാ​ധ​ന​യ്‌ക്കെ​തി​രെ​യുള്ള മുന്നറി​യിപ്പ്‌

3. സ്വർണ​ക്കാ​ള​ക്കു​ട്ടി​യോ​ടുള്ള ബന്ധത്തിൽ ഇസ്രാ​യേ​ല്യർ എങ്ങനെ​യാ​ണു പാപം ചെയ്‌തത്‌?

³ ‘“ജനം തിന്നു​വാ​നും കുടി​പ്പാ​നും ഇരുന്നു, കളിപ്പാൻ എഴു​ന്നേ​ററു” എന്നു എഴുതി​യി​രി​ക്കു​ന്ന​പ്ര​കാ​രം അവരിൽ ചില​രെ​പ്പോ​ലെ നിങ്ങൾ വിഗ്ര​ഹാ​രാ​ധി​കൾ ആകരുതു’ എന്നതാണു പൗലോ​സി​ന്റെ ആദ്യ മുന്നറി​യിപ്പ്‌. (1 കൊരി​ന്ത്യർ 10:7) ഈജി​പ്‌തി​ന്റെ വഴിക​ളി​ലേക്കു തിരി​ഞ്ഞു​പോ​യി വിഗ്ര​ഹാ​രാ​ധ​നാ​പ​ര​മായ ഒരു കാളക്കു​ട്ടി​യെ ഉണ്ടാക്കിയ ഇസ്രാ​യേ​ല്യ​രു​ടേ​താണ്‌ ഈ മുന്നറി​യി​പ്പിൻ ദൃഷ്ടാന്തം. (പുറപ്പാ​ടു, അധ്യായം 32) ശിഷ്യ​നായ സ്‌തെ​ഫാ​നൊസ്‌ അടിസ്ഥാന പ്രശ്‌ന​മെ​ന്തെന്നു സൂചി​പ്പി​ച്ചു: “നമ്മുടെ പിതാ​ക്ക​ന്മാർ [ദൈവ​ത്തി​ന്റെ പ്രതി​നി​ധി​യായ മോശക്ക്‌] കീഴ്‌പെ​ടു​വാൻ മനസ്സി​ല്ലാ​തെ അവനെ തള്ളിക്ക​ളഞ്ഞു ഹൃദയം​കൊ​ണ്ടു മിസ്ര​യീ​മി​ലേക്കു പിന്തി​രി​ഞ്ഞു, അഹരോ​നോ​ടു: ഞങ്ങൾക്കു മുമ്പായി നടപ്പാൻ ദൈവ​ങ്ങളെ ഉണ്ടാക്കി​ത്ത​രിക; ഞങ്ങളെ മിസ്ര​യീ​മിൽനി​ന്നു നടത്തി​ക്കൊ​ണ്ടു​വന്ന ആ മോ​ശെക്കു എന്തു സംഭവി​ച്ചു എന്നു ഞങ്ങൾ അറിയു​ന്നി​ല്ല​ല്ലോ എന്നു പറഞ്ഞു. അന്നേരം അവർ ഒരു കാളക്കു​ട്ടി​യെ ഉണ്ടാക്കി, ആ ബിംബ​ത്തി​ന്നു ബലി കഴിച്ചു തങ്ങളുടെ കൈപ്പ​ണി​യിൽ ഉല്ലസി​ച്ചു​കൊ​ണ്ടി​രു​ന്നു.” (പ്രവൃ​ത്തി​കൾ 7:39-41) വിഗ്ര​ഹാ​രാ​ധ​ന​യി​ലേക്കു നയിച്ച തെറ്റായ മോഹ​ങ്ങളെ വഴിപി​ഴച്ച ആ ഇസ്രാ​യേ​ല്യർ “ഹൃദയ”ത്തിൽ താലോ​ലി​ച്ച​താ​യി ശ്രദ്ധി​ക്കുക. “അവർ ഒരു കാളക്കു​ട്ടി​യെ ഉണ്ടാക്കി, ആ ബിംബ​ത്തി​ന്നു ബലി കഴിച്ചു.” മാത്രമല്ല, അവർ “തങ്ങളുടെ കൈപ്പ​ണി​യിൽ ഉല്ലസി​ച്ചു​കൊ​ണ്ടി​രു​ന്നു.” സംഗീ​ത​വും പാട്ടും നൃത്തവും തീറ്റി​യും കുടി​യു​മു​ണ്ടാ​യി​രു​ന്നു. സ്‌പഷ്ട​മാ​യും, വിഗ്ര​ഹ​രാ​ധന വശീക​രി​ക്കു​ന്ന​തും വിനോ​ദി​പ്പി​ക്കു​ന്ന​തു​മാ​യി​രു​ന്നു.

4, 5. വിഗ്ര​ഹാ​രാ​ധ​നാ​പ​ര​മായ എന്ത്‌ ആചാര​ങ്ങ​ളാ​ണു നാം ഒഴിവാ​ക്കേ​ണ്ടത്‌?

⁴ പ്രതി​മാ​തൃക ഈജി​പ്‌തായ സാത്താന്റെ ലോകം ഫലത്തിൽ വിനോ​ദത്തെ ആരാധി​ക്കു​ന്നു. (1 യോഹ​ന്നാൻ 5:19; വെളി​പ്പാ​ടു 11:8) അഭി​നേ​താ​ക്ക​ളെ​യും ഗായക​രെ​യും കായിക താരങ്ങ​ളെ​യും അതു​പോ​ലെ​തന്നെ അവരുടെ നൃത്ത​ത്തെ​യും സംഗീ​ത​ത്തെ​യും വിനോ​ദാ​വ​സ​രങ്ങൾ സംബന്ധിച്ച അവരുടെ ആശയങ്ങ​ളെ​യും അതു വിഗ്ര​ഹ​തു​ല്യ​മാ​ക്കു​ന്നു. പലരും യഹോ​വയെ ആരാധി​ക്കു​ന്നു എന്ന്‌ അവകാ​ശ​പ്പെ​ടു​മ്പോൾതന്നെ വിനോ​ദ​ത്തിൽ മുങ്ങി​ക്കു​ളി​ക്കാൻ പ്രലോ​ഭി​ത​രാ​യി​ത്തീർന്നി​ട്ടുണ്ട്‌. ദുഷ്‌പ്ര​വൃ​ത്തിക്ക്‌ ഒരു ക്രിസ്‌ത്യാ​നി​യെ ശാസി​ക്കേ​ണ്ട​തു​ള്ള​പ്പോൾ, അയാളു​ടെ ബലഹീ​ന​മായ ആത്മീയാ​വ​സ്ഥ​യ്‌ക്കു കാരണം, ലഹരി​പാ​നീ​യങ്ങൾ കുടി​ക്കു​ന്ന​തും നൃത്തം ചെയ്യു​ന്ന​തും ഏതെങ്കി​ലും വിധത്തിൽ വിഗ്ര​ഹാ​രാ​ധ​ന​യു​ടെ വക്കോളം എത്തുന്ന വിനോ​ദ​ത്തിൽ ഏർപ്പെ​ടു​ന്ന​തു​മാ​ണെന്നു മിക്ക​പ്പോ​ഴും കണ്ടെത്താൻ കഴിയു​ന്നു. (പുറപ്പാ​ടു 32:5, 6, 17, 18) ചില വിനോ​ദം ആരോ​ഗ്യാ​വ​ഹ​വും ആസ്വാ​ദ്യ​വു​മാണ്‌. എന്നാൽ, ഇന്നു ലോക​ത്തി​ലെ മിക്ക സംഗീ​ത​വും നൃത്തവും സിനി​മ​ക​ളും വീഡി​യോ​ക​ളും, അധിക​വും അധമമായ ജഡിക മോഹ​ങ്ങളെ തൃപ്‌തി​പ്പെ​ടു​ത്തു​ന്ന​താണ്‌.

⁵ യഥാർഥ ക്രിസ്‌ത്യാ​നി​കൾ വിഗ്ര​ഹാ​രാ​ധ​ന​യിൽ ഉൾപ്പെ​ടു​ന്നില്ല. (2 കൊരി​ന്ത്യർ 6:16; 1 യോഹ​ന്നാൻ 5:21) വിഗ്ര​ഹാ​രാ​ധ​നാ​പ​ര​മായ വിനോ​ദ​ത്തിൽ ആസക്തരാ​യി​ത്തീ​രാ​തി​രി​ക്കാ​നും ലോക​പ്ര​കാ​ര​മുള്ള ഒരു വിധത്തിൽ വിനോ​ദ​ത്തിൽ മുഴു​കി​യി​രി​ക്കു​ന്ന​തി​ന്റെ ഹാനി​ക​ര​മായ ഫലങ്ങൾ അനുഭ​വി​ക്കാ​നുള്ള അപകട​സാ​ധ്യത ഒഴിവാ​ക്കാ​നും നമു​ക്കോ​രോ​രു​ത്തർക്കും ജാഗ്രത പാലി​ക്കാം. ലോക സ്വാധീ​ന​ങ്ങൾക്കു നാം നമ്മെത്തന്നെ വിധേ​യ​രാ​ക്കി​യാൽ, ഹാനി​ക​ര​മായ മോഹ​ങ്ങ​ളും മനോ​ഭാ​വ​ങ്ങ​ളും നമ്മുടെ മനസ്സി​ലും ഹൃദയ​ത്തി​ലും മിക്കവാ​റും തിരി​ച്ച​റി​യാ​നാ​വാത്ത  വിധം കടന്നു​കൂ​ടും. തിരു​ത്താ​തി​രി​ക്കു​മ്പോൾ, ഒടുവിൽ സാത്താന്റെ വ്യവസ്ഥി​തി​യായ ‘മരുഭൂ​മി​യിൽ തള്ളിയിട’പ്പെടു​ന്ന​തിൽ അവ കലാശി​ച്ചേ​ക്കാം.

6. വിനോ​ദം സംബന്ധി​ച്ചു ക്രിയാ​ത്മ​ക​മായ എന്തു നടപടി നാം കൈ​ക്കൊ​ള്ളേ​ണ്ട​തു​ണ്ടാ​യി​രി​ക്കാം?

⁶ കാളക്കു​ട്ടി​യെ ആരാധിച്ച സമയത്തെ മോശ​യെ​പ്പോ​ലെ “വിശ്വ​സ്‌ത​നും വിവേ​കി​യു​മായ അടിമ” ഫലത്തിൽ ഇങ്ങനെ പറഞ്ഞു​കൊ​ണ്ടി​രി​ക്കു​ക​യാണ്‌: “യഹോ​വ​യു​ടെ പക്ഷത്തിൽ ഉള്ളവൻ എന്റെ അടുക്കൽ വരട്ടെ.” സത്യാ​രാ​ധ​ന​യ്‌ക്കാ​യി നാം ഉറച്ചു നില​കൊ​ള്ളു​ന്നു​വെന്നു പ്രകട​മാ​ക്കു​ന്ന​തി​നു സജീവ​മായ നടപടി സ്വീക​രി​ക്കു​ന്നതു ജീവര​ക്ഷാ​ക​ര​മാ​യി​രി​ക്കാൻ സാധി​ക്കും. അധമമായ സ്വാധീ​നങ്ങൾ ഇല്ലായ്‌മ ചെയ്യാൻ മോശ​യു​ടെ ലേവി​ഗോ​ത്രം ഉടനടി പ്രവർത്തി​ച്ചു. (മത്തായി 24:45-47, NW; പുറപ്പാ​ടു 32:26-28) അതു​കൊണ്ട്‌, നിങ്ങൾ തിര​ഞ്ഞെ​ടു​ക്കുന്ന വിനോ​ദം, സംഗീതം, വീഡി​യോ തുടങ്ങിയ കാര്യങ്ങൾ അവധാ​ന​പൂർവം പരി​ശോ​ധി​ക്കുക. അത്‌ ഏതെങ്കി​ലും വിധത്തിൽ ദുഷി​ച്ച​താ​ണെ​ങ്കിൽ, യഹോ​വ​യ്‌ക്കാ​യി നിങ്ങളു​ടെ നിലപാ​ടെ​ടു​ക്കുക. പ്രാർഥ​നാ​പൂർവം ദൈവ​ത്തിൽ ആശ്രയി​ച്ചു​കൊണ്ട്‌, വിനോ​ദ​വും സംഗീ​ത​വും സംബന്ധിച്ച നിങ്ങളു​ടെ തിര​ഞ്ഞെ​ടു​പ്പിൽ മാറ്റങ്ങൾ വരുത്തുക. മോശ സ്വർണ​ക്കാ​ള​ക്കു​ട്ടി​യെ നശിപ്പി​ച്ച​തു​പോ​ലെ ആത്മീയ​മാ​യി ഹാനി​ക​ര​മായ വസ്‌തു​ക്കൾ നശിപ്പി​ക്കുക.—പുറപ്പാ​ടു 32:20; ആവർത്ത​ന​പു​സ്‌തകം 9:21.

7. പ്രതീ​കാ​ത്മക ഹൃദയത്തെ നമുക്ക്‌ എങ്ങനെ സംരക്ഷി​ക്കാൻ സാധി​ക്കും?

⁷ ഹൃദയ​ത്തി​നു സംഭവി​ക്കുന്ന ക്ഷയത്തെ നമുക്ക്‌ എങ്ങനെ ചെറു​ക്കാൻ കഴിയും? ദൈവ​വ​ച​ന​ത്തി​ലെ സത്യങ്ങൾ നമ്മുടെ മനസ്സി​ലും ഹൃദയ​ത്തി​ലും ആഴ്‌ന്നി​റ​ങ്ങാൻ അനുവ​ദി​ച്ചു​കൊണ്ട്‌ ഉത്സാഹ​പൂർവം അതു പഠിക്കു​ന്ന​തി​നാൽ. (റോമർ 12:1, 2) തീർച്ച​യാ​യും, നാം ക്രിസ്‌തീയ യോഗ​ങ്ങ​ളിൽ പതിവാ​യി സംബന്ധി​ക്കണം. (എബ്രായർ 10:24, 25) പേരിനു മാത്രം യോഗ​ങ്ങ​ളിൽ സംബന്ധി​ക്കു​ന്നത്‌ തുരു​മ്പിച്ച ഭാഗത്തു പെയിൻറ​ടി​ക്കു​ന്ന​തു​പോ​ലെ​യാണ്‌. അതു കുറച്ചു സമയ​ത്തേക്കു നമ്മെ ശോഭ​യു​ള്ള​വ​രാ​ക്കി മാറ്റി​യേ​ക്കാം, എന്നാൽ അന്തർലീ​ന​മായ പ്രശ്‌നത്തെ അതു പരിഹ​രി​ക്കു​ന്നില്ല. മറിച്ച്‌, മുന്നമേ തയ്യാറാ​കു​ക​യും ധ്യാനി​ക്കു​ക​യും യോഗ​ങ്ങ​ളിൽ സജീവ​മാ​യി പങ്കുപ​റ്റു​ക​യും ചെയ്യു​ക​വഴി, നമ്മുടെ പ്രതീ​കാ​ത്മക ഹൃദയ​ത്തി​ന്റെ അടിത്ത​ട്ടിൽ പിന്നെ​യും കിട​ന്നേ​ക്കാ​വുന്ന ക്ഷയിപ്പി​ക്കുന്ന ഘടകങ്ങൾ നമുക്കു ശക്തമായി നീക്കം ചെയ്യാ​നാ​കും. ദൈവ​വ​ച​ന​ത്തോ​ടു പറ്റിനിൽക്കാ​നും വിശ്വാ​സ​ത്തി​ന്റെ പരി​ശോ​ധ​നകൾ സഹിച്ചു​നിൽക്കാൻ നമ്മെ ശക്തരാ​ക്കാ​നും അങ്ങനെ “ഒന്നിലും കുറവി​ല്ലാ​തെ തികഞ്ഞവ”രായി​ത്തീ​രാ​നും അതു നമ്മെ സഹായി​ക്കും.—യാക്കോബ്‌ 1:3, 4; സദൃശ​വാ​ക്യ​ങ്ങൾ 15:28.

പരസം​ഗ​ത്തി​നെ​തി​രെ​യുള്ള മുന്നറി​യിപ്പ്‌

8-10. (എ) 1 കൊരി​ന്ത്യർ 10:8-ൽ എന്തു മുന്നറി​യി​പ്പിൻ ദൃഷ്ടാ​ന്ത​മാ​ണു പരാമർശി​ച്ചി​രി​ക്കു​ന്നത്‌? (ബി) മത്തായി 5:27, 28-ൽ കാണുന്ന യേശു​വി​ന്റെ വാക്കുകൾ പ്രയോ​ജ​ന​പ്ര​ദ​മാ​യി എങ്ങനെ ബാധക​മാ​ക്കാൻ സാധി​ക്കും?

⁸ പൗലോ​സി​ന്റെ അടുത്ത ദൃഷ്ടാ​ന്ത​ത്തിൽ നമ്മെ ഇങ്ങനെ ബുദ്ധ്യു​പ​ദേ​ശി​ച്ചി​രി​ക്കു​ന്നു: “അവരിൽ ചിലർ പരസംഗം ചെയ്‌തു ഒരു ദിവസ​ത്തിൽ ഇരുപ​ത്തു​മൂ​വാ​യി​രം​പേർ വീണു​പോ​യ​തു​പോ​ലെ നാം പരസംഗം ചെയ്യരു​തു.” a (1 കൊരി​ന്ത്യർ 10:8) ഇസ്രാ​യേ​ല്യർ വ്യാജ​ദൈ​വ​ങ്ങളെ നമസ്‌ക​രി​ക്കു​ക​യും “മോവാ​ബ്യ​സ്‌ത്രീ​ക​ളു​മാ​യി പരസംഗ”ത്തിലേർപ്പെ​ടു​ക​യും ചെയ്‌ത സമയത്തെ അപ്പോ​സ്‌തലൻ പരാമർശി​ക്കു​ക​യാ​യി​രു​ന്നു. (സംഖ്യാ​പു​സ്‌തകം 25:1-9) ലൈം​ഗിക അധാർമി​കത മരണക​ര​മാണ്‌! അധാർമിക ചിന്തക​ളെ​യും മോഹ​ങ്ങ​ളെ​യും കയറൂ​രി​വി​ടാൻ അനുവ​ദി​ക്കു​ന്നത്‌ ഹൃദയത്തെ ‘തുരു​മ്പി​ക്കാൻ’ അനുവ​ദി​ക്കു​ന്ന​തു​പോ​ലെ​യാണ്‌. യേശു പ്രസ്‌താ​വി​ച്ചു: “വ്യഭി​ചാ​രം ചെയ്യരു​തു എന്നു അരുളി​ച്ചെ​യ്‌തതു നിങ്ങൾ കേട്ടി​ട്ടു​ണ്ട​ല്ലോ. ഞാനോ നിങ്ങ​ളോ​ടു പറയു​ന്നതു: സ്‌ത്രീ​യെ മോഹി​ക്കേ​ണ്ട​തി​ന്നു അവളെ നോക്കു​ന്നവൻ എല്ലാം ഹൃദയം​കൊ​ണ്ടു അവളോ​ടു വ്യഭി​ചാ​രം ചെയ്‌തു​പോ​യി.”—മത്തായി 5:27, 28.

⁹ ‘മോഹി​ക്കേ​ണ്ട​തി​ന്നു സ്‌ത്രീ​യെ നോക്കുന്ന’തിന്റെ പരിണ​ത​ഫ​ല​ങ്ങൾക്കു സാക്ഷ്യം വഹിക്കു​ന്ന​താ​ണു നോഹ​യു​ടെ കാലത്തെ ജലപ്ര​ള​യ​ത്തി​നു മുമ്പത്തെ അനുസ​ര​ണം​കെട്ട ദൂതന്മാ​രു​ടെ അധമ ചിന്തയു​ടെ ഫലം. (ഉല്‌പത്തി 6:1, 2) ദാവീദ്‌ രാജാ​വി​ന്റെ ജീവി​ത​ത്തി​ലെ ഏറ്റവും ദുരന്ത​പൂർണ​മായ സംഭവ​ങ്ങ​ളി​ലൊന്ന്‌ ഒരു സ്‌ത്രീ​യെ അനുചി​ത​മാ​യി നോക്കി​ക്കൊ​ണ്ടി​രു​ന്ന​തി​നാൽ ലഭിച്ച പ്രചോ​ദ​ന​ത്തി​ന്റെ ഫലമാ​യി​രു​ന്നു. (2 ശമൂവേൽ 11:1-4) അതിനു വിരു​ദ്ധ​മാ​യി, നീതി​യുള്ള വിവാ​ഹിത പുരു​ഷ​നായ ഇയ്യോബ്‌ ‘ഒരു കന്യകയെ നോക്കാ​തി​രി​ക്കേ​ണ്ട​തി​നു തന്റെ കണ്ണുക​ളു​മാ​യി ഒരു ഉടമ്പടി’ ചെയ്‌തു. അങ്ങനെ അവൻ അധാർമി​കത ഒഴിവാ​ക്കു​ക​യും നിർമ​ല​താ​പാ​ല​ക​നെന്നു തെളി​യി​ക്കു​യും ചെയ്‌തു. (ഇയ്യോബ്‌ 31:1-3, 6-11) നേത്ര​ങ്ങളെ ഹൃദയ​ത്തി​ന്റെ ജാലക​ങ്ങ​ളെന്നു പറയാൻ കഴിയും. ദുഷ്ടമായ അനേകം കാര്യ​ങ്ങ​ളും പുറത്തു വരുന്നത്‌ ഒരു ദുഷിച്ച ഹൃദയ​ത്തിൽനി​ന്നാണ്‌.—മർക്കൊസ്‌ 7:20-23.

¹⁰ നാം യേശു​വി​ന്റെ വാക്കുകൾ ബാധക​മാ​ക്കു​ക​യാ​ണെ​ങ്കിൽ, അശ്ലീല കാര്യങ്ങൾ വീക്ഷി​ച്ചു​കൊ​ണ്ടോ ഒരു സഹക്രി​സ്‌ത്യാ​നി​യെ​യോ ഒപ്പം ജോലി  ചെയ്യുന്ന വ്യക്തി​യെ​യോ മറ്റാ​രെ​യെ​ങ്കി​ലു​മോ സംബന്ധിച്ച അധാർമിക ചിന്തകൾ മനസ്സിൽ കൊണ്ടു​ന​ട​ന്നു​കൊ​ണ്ടോ തെറ്റായ ചിന്തകളെ കയറൂ​രി​വി​ടു​ക​യില്ല. ക്ഷയം സംഭവിച്ച ഭാഗത്തു ബ്രഷു​കൊ​ണ്ടു കേവലം തൂത്തതു​കൊ​ണ്ടു ലോഹ​ത്തിൽനി​ന്നു തുരുമ്പു നീങ്ങി​ക്കി​ട്ടു​ക​യില്ല. അതു​കൊണ്ട്‌, അധാർമിക ആശയങ്ങൾക്കും പ്രവണ​ത​കൾക്കും വലിയ പ്രാധാ​ന്യ​മില്ല എന്നു വിചാ​രി​ച്ചു​കൊണ്ട്‌ അവ മൃദു​വാ​യി ബ്രഷ്‌ ചെയ്യരുത്‌. അധാർമിക ചായ്‌വു​ക​ളിൽനി​ന്നു മുക്തി നേടാൻ ശക്തമായ നടപടി​കൾ സ്വീക​രി​ക്കുക. (മത്തായി 5:29, 30 താരത​മ്യം ചെയ്യുക.) പൗലോസ്‌ സഹവി​ശ്വാ​സി​കളെ ഇങ്ങനെ ഉദ്‌ബോ​ധി​പ്പി​ക്കു​ന്നു: “ദുർന്ന​ടപ്പു, അശുദ്ധി, അതിരാ​ഗം, ദുർമ്മോ​ഹം, വിഗ്ര​ഹാ​രാ​ധ​ന​യായ അത്യാ​ഗ്രഹം ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ. ഈ വക നിമിത്തം ദൈവ​കോ​പം . . . വരുന്നു.” അതേ, ലൈം​ഗിക അധാർമി​കത പോലുള്ള അത്തരം കാര്യങ്ങൾ നിമിത്തം അവന്റെ ശാപ​പ്ര​ക​ട​ന​മാ​യി “ദൈവ​കോ​പം . . . വരുന്നു.” അതു​കൊണ്ട്‌ ഈവക കാര്യങ്ങൾ സംബന്ധി​ച്ചു നമ്മുടെ ശരീരാ​വ​യ​വ​ങ്ങളെ ‘മരിപ്പി’ക്കേണ്ടതുണ്ട്‌.—കൊ​ലൊ​സ്സ്യർ 3:5, 6.

മത്സരാത്മക പരാതി​കൾക്കെ​തി​രെ​യുള്ള മുന്നറി​യിപ്പ്‌

11, 12. (എ) 1 കൊരി​ന്ത്യർ 10:9-ൽ എന്തു മുന്നറി​യി​പ്പാ​ണു നൽകി​യി​രി​ക്കു​ന്നത്‌, എന്തു സംഭവ​മാ​ണു പരാമർശി​ക്ക​പ്പെ​ട്ടി​രി​ക്കു​ന്നത്‌? (ബി) പൗലോ​സി​ന്റെ മുന്നറി​യിപ്പ്‌ നമ്മെ എങ്ങനെ ബാധി​ക്കണം?

¹¹ അപ്പോ​സ്‌ത​ല​നായ പൗലോസ്‌ അടുത്ത​താ​യി  ഇങ്ങനെ മുന്നറി​യി​പ്പു നൽകുന്നു: “അവരിൽ ചിലർ പരീക്ഷി​ച്ചു സർപ്പങ്ങ​ളാൽ നശിച്ചു​പോ​യ​തു​പോ​ലെ നാം കർത്താ​വി​നെ [“യഹോ​വയെ,” NW] പരീക്ഷി​ക്ക​രു​തു.” (1 കൊരി​ന്ത്യർ 10:9) ഏദോ​മി​ന​രി​കെ മരുഭൂ​മി​യിൽ കൂടി യാത്ര ചെയ്യവ്വേ ഇസ്രാ​യേ​ല്യർ “ദൈവ​ത്തി​ന്നും മോ​ശെ​ക്കും വിരോ​ധ​മാ​യി സംസാ​രി​ച്ചു: മരുഭൂ​മി​യിൽ മരി​ക്കേ​ണ്ട​തി​ന്നു നിങ്ങൾ ഞങ്ങളെ മിസ്ര​യീം​ദേ​ശ​ത്തു​നി​ന്നു കൊണ്ടു​വ​ന്നതു എന്തിന്നു? ഇവിടെ അപ്പവു​മില്ല, വെള്ളവു​മില്ല; ഈ സാരമി​ല്ലാത്ത ആഹാരം,” അതായത്‌ അത്ഭുത​ക​ര​മാ​യി നൽകിയ മന്ന, “ഞങ്ങൾക്കു വെറു​പ്പാ​കു​ന്നു എന്നു പറഞ്ഞു”കൊണ്ടി​രു​ന്നു. (സംഖ്യാ​പു​സ്‌തകം 21:4, 5) അതൊന്നു ചിന്തി​ക്കുക! ആ ഇസ്രാ​യേ​ല്യർ, ദൈവ​ത്തി​ന്റെ കരുത​ലു​കളെ അറപ്പു​ള​വാ​ക്കു​ന്ന​തെന്നു വിളി​ച്ചു​കൊണ്ട്‌ ‘അവനെ​തി​രെ സംസാ​രി​ച്ചു’കൊണ്ടി​രു​ന്നു!

¹² തങ്ങളുടെ പരാതി​ക​ളാൽ ഇസ്രാ​യേ​ല്യർ യഹോ​വ​യു​ടെ ക്ഷമയെ പരീക്ഷി​ക്കു​ക​യാ​യി​രു​ന്നു. ശിക്ഷ റദ്ദാക്ക​പ്പെ​ട്ടില്ല. വിഷസർപ്പ​ങ്ങളെ യഹോവ അവരുടെ ഇടയി​ലേക്ക്‌ അയച്ചു. സർപ്പങ്ങ​ളു​ടെ കടി​യേറ്റു പലരും മരിച്ചു. ആളുകൾ അനുത​പി​ക്കു​ക​യും മോശ അവർക്കു വേണ്ടി അപേക്ഷി​ക്കു​ക​യും ചെയ്‌ത​പ്പോൾ ബാധ ഒടുങ്ങി. (സംഖ്യാ​പു​സ്‌തകം 21:6-9) മത്സരാ​ത്മ​ക​വും പരാതി​പ്പെ​ടു​ന്ന​തു​മായ ഒരു മനോ​ഭാ​വം, വിശേ​ഷിച്ച്‌ ദൈവ​ത്തി​നും അവന്റെ ദിവ്യാ​ധി​പത്യ ക്രമീ​ക​ര​ണ​ങ്ങൾക്കു​മെ​തി​രെ, കാണി​ക്കാ​തി​രി​ക്കാൻ തീർച്ച​യാ​യും ഈ സംഭവം നമുക്ക്‌ ഒരു മുന്നറി​യി​പ്പാ​യി ഉതകണം.

പിറു​പി​റു​ക്കു​ന്ന​തി​നെ​തി​രെ​യുള്ള മുന്നറി​യിപ്പ്‌

13. എന്തി​നെ​തി​രെ​യാണ്‌ 1 കൊരി​ന്ത്യർ 10:10 മുന്നറി​യി​പ്പു നൽകു​ന്നത്‌, പൗലോ​സി​നു മനസ്സി​ലു​ണ്ടാ​യി​രു​ന്നത്‌ ഏതു മത്സരമാണ്‌?

¹³ മരുഭൂ​മി​യി​ലെ ഇസ്രാ​യേ​ല്യർ ഉൾപ്പെ​ടുന്ന അന്തിമ ദൃഷ്ടാന്തം ഉദ്ധരി​ച്ചു​കൊ​ണ്ടു പൗലോസ്‌ എഴുതു​ന്നു: “അവരിൽ ചിലർ പിറു​പി​റു​ത്തു സംഹാ​രി​യാൽ നശിച്ചു​പോ​യ​തു​പോ​ലെ നിങ്ങൾ പിറു​പി​റു​ക്ക​യു​മ​രു​തു.” (1 കൊരി​ന്ത്യർ 10:10) കോരഹ്‌, ദാദാൻ, അബീരാം തുടങ്ങി​യ​വ​രും അവരുടെ സഹകാ​രി​ക​ളും ദിവ്യാ​ധി​പ​ത്യ​വി​രു​ദ്ധ​മാ​യി പ്രവർത്തി​ക്കു​ക​യും മോശ​യു​ടെ​യും അഹരോ​ന്റെ​യും അധികാ​രത്തെ വെല്ലു​വി​ളി​ക്കു​ക​യും ചെയ്‌ത​പ്പോൾ മത്സരം പൊട്ടി​പ്പു​റ​പ്പെട്ടു. (സംഖ്യാ​പു​സ്‌തകം 16:1-3) ആ മത്സരി​ക​ളു​ടെ നാശത്തി​നു​ശേഷം ഇസ്രാ​യേ​ല്യർ പിറു​പി​റു​ക്കാൻ തുടങ്ങി. അതിന്റെ കാരണം ആ മത്സരി​ക​ളു​ടെ നാശം നീതി​പൂർവ​ക​മാ​യി​രു​ന്നില്ല എന്ന്‌ അവർ ന്യായ​വാ​ദം ചെയ്യാൻ തുടങ്ങി​യ​താ​യി​രു​ന്നു. സംഖ്യാ​പു​സ്‌തകം 16:41 പ്രസ്‌താ​വി​ക്കു​ന്നു: “പിറെ​റ​ന്നാൾ യിസ്രാ​യേൽമ​ക്ക​ളു​ടെ സഭയെ​ല്ലാം മോ​ശെ​ക്കും അഹരോ​ന്നും വിരോ​ധ​മാ​യി പിറു​പി​റു​ത്തു: നിങ്ങൾ യഹോ​വ​യു​ടെ ജനത്തെ കൊന്നു​ക​ളഞ്ഞു എന്നു പറഞ്ഞു.” ആ സന്ദർഭ​ത്തിൽ നീതി നടത്തിയ വിധത്തെ അവർ വിമർശി​ച്ച​തി​ന്റെ ഫലമായി, ദിവ്യ​മാ​യി അയയ്‌ക്ക​പ്പെട്ട ഒരു ബാധയാൽ 14,700 ഇസ്രാ​യേ​ല്യർ നശിച്ചു.—സംഖ്യാ​പു​സ്‌തകം 16:49.

14, 15. (എ) സഭയി​ലേക്കു നുഴഞ്ഞു​ക​യ​റിയ ‘ഭക്തികെട്ട മനുഷ്യ’രുടെ പാപങ്ങ​ളിൽ ഒന്ന്‌ എന്തായി​രു​ന്നു? (ബി) കോരഹ്‌ ഉൾപ്പെ​ടുന്ന സംഭവ​ത്തിൽനി​ന്നു നമുക്ക്‌ എന്തു പഠിക്കാൻ സാധി​ക്കും?

¹⁴ പൊ.യു. ഒന്നാം നൂറ്റാ​ണ്ടിൽ ക്രിസ്‌തീയ സഭയി​ലേക്കു നുഴഞ്ഞു​ക​യ​റിയ ‘അഭക്തരായ മനുഷ്യർ’ വ്യാ​ജോ​പ​ദേ​ഷ്ടാ​ക്ക​ന്മാ​രും പിറു​പി​റു​പ്പു​കാ​രു​മാ​ണെന്നു തെളിഞ്ഞു. ഈ പുരു​ഷ​ന്മാർ “കർത്തൃ​ത്വ​ത്തെ തുച്ഛീ​ക​രി​ക്കു​ക​യും” സഭയുടെ ആത്മീയ മേൽനോ​ട്ടം ഭരമേൽപ്പി​ക്ക​പ്പെ​ട്ടി​രി​ക്കുന്ന അഭിഷിക്ത പുരു​ഷ​ന്മാ​രായ “മഹിമ​കളെ ദുഷി​ക്കു​ക​യും” ചെയ്‌തു​പോ​ന്നു. ഭക്തികെട്ട ഈ വിശ്വാ​സ​ത്യാ​ഗി​കളെ സംബന്ധി​ച്ചു ശിഷ്യ​നായ യൂദാ ഇങ്ങനെ​യും പറഞ്ഞു: “അവർ പിറു​പി​റു​പ്പു​കാ​രും തങ്ങളുടെ ഗതി​യെ​ക്കു​റി​ച്ചു ആവലാതി പറയു​ന്ന​വ​രു​മാ​യി സ്വന്ത​മോ​ഹ​ങ്ങളെ അനുസ​രി​ച്ചു നടക്കുന്നു.” (യൂദാ 3, 4, 8, 16) ഇന്നു ചില വ്യക്തികൾ പിറു​പി​റു​പ്പു​കാ​രാ​യി​ത്തീ​രു​ന്നു. ആത്മീയ​മാ​യി ക്ഷയം വരുത്തുന്ന മനോ​ഭാ​വം തങ്ങളുടെ ഹൃദയ​ങ്ങ​ളിൽ വികാസം പ്രാപി​ക്കാൻ അവർ അനുവ​ദി​ക്കു​ന്നു എന്നതാണ്‌ അതിന്റെ കാരണം. മിക്ക​പ്പോ​ഴും അവർ, സഭയിൽ മേൽവി​ചാ​രക സ്ഥാനങ്ങ​ളി​ലി​രി​ക്കു​ന്ന​വ​രു​ടെ അപൂർണ​ത​ക​ളിൽ ശ്രദ്ധി​ച്ചു​കൊണ്ട്‌ അവർക്കെ​തി​രെ പിറു​പി​റു​ക്കാൻ തുടങ്ങു​ന്നു. അവരുടെ പിറു​പി​റു​ക്ക​ലും പരാതി​പ്പെ​ട​ലും ‘വിശ്വസ്‌ത അടിമ’യുടെ പ്രസി​ദ്ധീ​ക​ര​ണ​ങ്ങളെ വിമർശി​ക്കു​ന്ന​തി​ലേ​ക്കു​പോ​ലും വ്യാപി​ച്ചേ​ക്കാം.

¹⁵ തിരു​വെ​ഴു​ത്തു​പ​ര​മായ ഒരു വിഷയം സംബന്ധിച്ച്‌ ആത്മാർഥ​മായ ചോദ്യ​ങ്ങൾ ചോദി​ക്കു​ന്നത്‌ ഉചിത​മാണ്‌. എന്നാൽ, ഒരു നിഷേ​ധാ​ത്മ​ക​മായ മനോ​ഭാ​വം നാം വളർത്തി​യെ​ടു​ക്കു​ക​യും അതു നമ്മുടെ അടുത്ത സുഹൃ​ത്തു​ക്ക​ളു​ടെ ഇടയിൽ നടത്തിയ വിമർശ​നാ​ത്മ​ക​മായ ഒരു ചർച്ചയിൽ സ്വതവേ വെളി​പ്പെ​ടു​ക​യും ചെയ്‌തു​വെ​ങ്കി​ലോ? ‘ഇത്‌ എവി​ടെ​ച്ചെന്ന്‌ അവസാ​നി​ക്കാ​നാ​ണു സാധ്യത? പിറു​പി​റു​ക്കു​ന്നതു നിർത്തി​യിട്ട്‌ താഴ്‌മ​യോ​ടെ ജ്ഞാനത്തി​നാ​യി പ്രാർഥി​ക്കു​ന്നത്‌ അതിലു​മേറെ നല്ലതല്ലേ?’ എന്നു സ്വയം ചോദി​ക്കു​ന്നത്‌ ഉചിത​മാണ്‌. (യാക്കോബ്‌ 1:5-8; യൂദാ 17-21) മോശ​യു​ടെ​യും അഹരോ​ന്റെ​യും അധികാ​ര​ത്തി​നെ​തി​രെ മത്സരിച്ച കോര​ഹും അയാളു​ടെ അനുവർത്തി​ക​ളും തങ്ങളുടെ  വീക്ഷണം സാധു​വാ​ണെന്ന്‌ ഉറച്ചു വിശ്വ​സി​ച്ചി​രു​ന്നി​രി​ക്കാം, അതു​കൊണ്ട്‌ അവർ തങ്ങളുടെ ആന്തരങ്ങൾ പരി​ശോ​ധി​ച്ചില്ല. എന്നിരു​ന്നാ​ലും, അവർക്കു പൂർണ​മാ​യും തെറ്റു പറ്റിയി​രു​ന്നു. അതു​കൊണ്ട്‌, കോര​ഹി​ന്റെ​യും മറ്റു മത്സരി​ക​ളു​ടെ​യും നാശ​ത്തെ​ക്കു​റി​ച്ചു പിറു​പി​റുത്ത ഇസ്രാ​യേ​ല്യർക്കും തെറ്റു​പറ്റി. നമ്മുടെ ആന്തരങ്ങളെ പരി​ശോ​ധി​ക്കാ​നും പിറു​പി​റു​ക്കു​ന്ന​തോ പരാതി​പ്പെ​ടു​ന്ന​തോ ഒഴിവാ​ക്കാ​നും നമ്മെ നിർമ​ലീ​ക​രി​ക്കാൻ യഹോ​വയെ അനുവ​ദി​ക്കാ​നും അത്തരം ദൃഷ്ടാ​ന്തങ്ങൾ നമ്മെ പ്രചോ​ദി​പ്പി​ക്കു​ന്ന​തി​നു വഴി​യൊ​രു​ക്കു​ന്നത്‌ എത്രയോ ജ്ഞാനമാണ്‌!—സങ്കീർത്തനം 17:1-3.

പാഠം പഠിക്കുക, അനു​ഗ്ര​ഹങ്ങൾ ആസ്വദി​ക്കു​ക

16. 1 കൊരി​ന്ത്യർ 10:11, 12-ലെ ഉദ്‌ബോ​ധ​ന​ത്തി​ന്റെ സാരാം​ശം എന്താണ്‌?

¹⁶ “ഇതു ദൃഷ്ടാ​ന്ത​മാ​യി​ട്ടു അവർക്കു സംഭവി​ച്ചു, ലോകാ​വ​സാ​നം വന്നെത്തി​യി​രി​ക്കുന്ന നമുക്കു ബുദ്ധ്യു​പ​ദേ​ശ​ത്തി​ന്നാ​യി എഴുതി​യു​മി​രി​ക്കു​ന്നു. ആകയാൽ താൻ നില്‌ക്കു​ന്നു എന്നു തോന്നു​ന്നവൻ വീഴാ​തി​രി​പ്പാൻ നോക്കി​ക്കൊ​ള്ളട്ടെ” എന്ന ഉദ്‌ബോ​ധനം ദിവ്യ നിശ്വ​സ്‌ത​ത​യിൻ കീഴിൽ നൽകി​ക്കൊ​ണ്ടു മുന്നറി​യി​പ്പിൻ സന്ദേശ​ങ്ങ​ളു​ടെ പട്ടിക പൗലോസ്‌ ഉപസം​ഹ​രി​ക്കു​ന്നു. (1 കൊരി​ന്ത്യർ 10:11, 12) ക്രിസ്‌തീയ സഭയ്‌ക്കു​ള്ളി​ലെ നമ്മുടെ നിലയെ നമുക്ക്‌ നിസ്സാ​ര​മാ​യി വീക്ഷി​ക്കാ​തി​രി​ക്കാം.

17. നമ്മുടെ ഹൃദയ​ത്തിൽ അനുചി​ത​മായ ആന്തരമു​ണ്ടെന്നു മനസ്സി​ലാ​ക്കു​ന്നു​വെ​ങ്കിൽ, നാം എന്തു ചെയ്യണം?

¹⁷ ഇരുമ്പി​നു തുരു​മ്പി​ക്കാ​നുള്ള പ്രവണ​ത​യു​ള്ള​തു​പോ​ലെ, പാപപൂർണ​നായ ആദാമി​ന്റെ പിൻഗാ​മി​ക​ളായ നാം അവകാ​ശ​പ്പെ​ടു​ത്തി​യി​രി​ക്കു​ന്നതു ദോഷ​ത്തി​ലേ​ക്കുള്ള ചായ്‌വാണ്‌. (ഉല്‌പത്തി 8:21; റോമർ 5:12) അതു​കൊണ്ട്‌, നമ്മുടെ ഹൃദയ​ത്തിൽ അനുചി​ത​മായ ഒരാന്ത​ര​മു​ണ്ടെന്നു നാം മനസ്സി​ലാ​ക്കു​ന്നു​വെ​ങ്കിൽ നിരു​ത്സാ​ഹി​ത​രാ​ക​രുത്‌. മറിച്ച്‌, നിർണാ​യക നടപടി നമുക്കു കൈ​ക്കൊ​ള്ളാം. ഇരുമ്പ്‌ ഈർപ്പ​മുള്ള വായു​വിൽ അല്ലെങ്കിൽ ക്ഷയം സംഭവി​ക്കുന്ന ഒരു ചുറ്റു​പാ​ടിൽ ആയിരി​ക്കു​മ്പോൾ, ക്ഷയനി​ര​ക്കി​ന്റെ ആക്കം വർധി​ക്കു​ന്നു. നികൃ​ഷ്ട​മായ വിനോ​ദം, വ്യാപ​ക​മായ അധാർമി​കത, മനസ്സിന്റെ നിഷേ​ധാ​ത്മക ചായ്‌വ്‌ എന്നിവ ഉൾപ്പെടെ സാത്താന്റെ ലോക​ത്തി​ന്റെ “വായു”വിനു വിധേ​യ​മാ​കു​ന്നതു നാം ഒഴിവാ​ക്കേ​ണ്ട​തുണ്ട്‌.—എഫെസ്യർ 2:1, 2.

18. മനുഷ്യ​വർഗ​ത്തി​ന്റെ മോശ​മായ പ്രവണ​തകൾ സംബന്ധി​ച്ചു യഹോവ എന്താണു ചെയ്‌തി​രി​ക്കു​ന്നത്‌?

¹⁸ നാം അവകാ​ശ​പ്പെ​ടു​ത്തി​യി​രി​ക്കുന്ന മോശ​മായ പ്രവണ​ത​ക​ളോ​ടു ചെറു​ത്തു​നിൽക്കു​ന്ന​തി​നുള്ള മാർഗം യഹോവ മനുഷ്യ​വർഗ​ത്തി​നു പ്രദാനം ചെയ്‌തി​ട്ടുണ്ട്‌. തന്റെ ഏകജാത പുത്ര​നിൽ വിശ്വാ​സം പ്രകട​മാ​ക്കു​ന്ന​വർക്കു നിത്യ​ജീ​വൻ ലഭി​ക്കേ​ണ്ട​തി​നു ദൈവം അവനെ നൽകി. (യോഹ​ന്നാൻ 3:16) യേശു​വി​ന്റെ കാലടി​കൾ അടുത്തു പിന്തു​ട​രു​ക​യും ക്രിസ്‌തു​സ​മാ​ന​മായ വ്യക്തി​ത്വം പ്രകട​മാ​ക്കു​ക​യും ചെയ്‌താൽ നാം മറ്റുള്ള​വർക്ക്‌ ഒരു അനു​ഗ്ര​ഹ​മാ​യി​രി​ക്കും. (1 പത്രൊസ്‌ 2:21) നമുക്കു ലഭിക്കാൻ പോകു​ന്നതു ശാപമാ​യി​രി​ക്കില്ല, പിന്നെ​യോ അനു​ഗ്ര​ഹ​ങ്ങ​ളാ​യി​രി​ക്കും.

19. തിരു​വെ​ഴു​ത്തു ദൃഷ്ടാ​ന്തങ്ങൾ പരിചി​ന്തി​ക്കു​ന്ന​തിൽനി​ന്നു നമുക്ക്‌ എങ്ങനെ പ്രയോ​ജനം നേടാ​നാ​വും?

¹⁹ പുരാതന കാലത്തെ ഇസ്രാ​യേ​ല്യ​രെ​പ്പോ​ലെ തെറ്റു ചെയ്യാ​നുള്ള പ്രവണത നമുക്കു​ണ്ടെ​ങ്കി​ലും, നമ്മെ വഴിന​യി​ക്കാൻ ദൈവ​ത്തി​ന്റെ സമ്പൂർണ ലിഖിത വചനം നമുക്കുണ്ട്‌. അതിന്റെ പേജു​ക​ളിൽനിന്ന്‌, മനുഷ്യ​വർഗ​ത്തോ​ടു യഹോവ ഇടപെട്ട വിധങ്ങ​ളും ‘ദൈവ​ത്തി​ന്റെ തേജസ്സി​ന്റെ പ്രഭയും തത്വത്തി​ന്റെ മുദ്ര​യും’ ആയ യേശു​വിൽ മാതൃ​ക​യാ​യി കാണുന്ന അവന്റെ ഗുണങ്ങ​ളും നാം പഠിക്കു​ന്നു. (എബ്രായർ 1:1-3; യോഹ​ന്നാൻ 14:9, 10) പ്രാർഥ​ന​യി​ലൂ​ടെ​യും തിരു​വെ​ഴു​ത്തു​കൾ ഉത്സാഹ​പൂർവം പഠിക്കു​ന്ന​തി​ലൂ​ടെ​യും നമുക്കു “ക്രിസ്‌തു​വി​ന്റെ മനസ്സുള്ളവ”രായി​രി​ക്കാൻ സാധി​ക്കും. (1 കൊരി​ന്ത്യർ 2:16) പ്രലോ​ഭ​ന​ങ്ങ​ളും വിശ്വാ​സ​ത്തി​ന്റെ മറ്റു പരി​ശോ​ധ​ന​ക​ളും നമ്മെ അഭിമു​ഖീ​ക​രി​ക്കു​മ്പോൾ, പുരാതന തിരു​വെ​ഴു​ത്തു ദൃഷ്ടാ​ന്തങ്ങൾ, പ്രത്യേ​കിച്ച്‌ യേശു​ക്രി​സ്‌തു​വി​ന്റെ അത്യുത്തമ ദൃഷ്ടാന്തം, പരിചി​ന്തി​ക്കു​ന്ന​തി​നാൽ നമുക്കു പ്രയോ​ജനം നേടാൻ സാധി​ക്കും. നാം അങ്ങനെ ചെയ്യു​ന്നു​വെ​ങ്കിൽ, ദിവ്യ​ശാ​പ​ങ്ങ​ളു​ടെ ഫലം നാം അനുഭ​വി​ക്കേ​ണ്ടി​വ​രില്ല. പകരം, അവന്റെ പ്രീതി ഇന്നും അവന്റെ അനു​ഗ്ര​ഹങ്ങൾ എന്നേക്കും നാം ആസ്വദി​ക്കും.

[അടിക്കു​റിപ്പ]

നിങ്ങൾ എങ്ങനെ ഉത്തരം പറയും?

◻ വിഗ്ര​ഹാ​രാ​ധി​കൾ ആകാതി​രി​ക്കാ​നുള്ള പൗലോ​സി​ന്റെ ബുദ്ധ്യു​പ​ദേശം നമുക്ക്‌ എങ്ങനെ ബാധക​മാ​ക്കാം?

◻ പരസം​ഗ​ത്തി​നെ​തി​രെ​യുള്ള പൗലോസ്‌ അപ്പോ​സ്‌ത​ലന്റെ മുന്നറി​യി​പ്പു ചെവി​ക്കൊ​ള്ളാൻ നമുക്ക്‌ എന്തു ചെയ്യാൻ സാധി​ക്കും?

◻ പിറു​പി​റു​ക്ക​ലും പരാതി​പ്പെ​ട​ലും നാം ഒഴിവാ​ക്കേ​ണ്ടത്‌ എന്തു​കൊണ്ട്‌?

◻ ദൈവ​ത്തി​ന്റെ ശാപങ്ങളല്ല, മറിച്ച്‌ അവന്റെ അനു​ഗ്ര​ഹങ്ങൾ നമുക്ക്‌ എങ്ങനെ നേടാം?

[അധ്യയന ചോദ്യ​ങ്ങൾ]

[18-ാം പേജിലെ ചിത്രം]

നാം ദിവ്യാ​നു​ഗ്ര​ഹങ്ങൾ ആഗ്രഹി​ക്കു​ന്നു​വെ​ങ്കിൽ, വിഗ്ര​ഹാ​രാ​ധന ഒഴിവാ​ക്ക​ണം

[20-ാം പേജിലെ ചിത്രം]

തുരുമ്പ്‌ നീക്കം ചെയ്യ​പ്പെ​ടേ​ണ്ട​തു​പോ​ലെ​തന്നെ, നമ്മുടെ ഹൃദയ​ങ്ങ​ളിൽനിന്ന്‌ അനുചി​ത​മായ മോഹങ്ങൾ നീക്കം ചെയ്യാൻ നമുക്കു ക്രിയാ​ത്മ​ക​മായ നടപടി സ്വീക​രി​ക്കാം