നിങ്ങൾക്കു യഥാർഥ​ത്തിൽ ദൈവത്തെ സ്‌നേ​ഹി​ക്കാ​നാ​വു​മോ?

“ഒരു മനുഷ്യ​നും എന്നെ കണ്ടു ജീവ​നോ​ടെ ഇരിക്ക​യില്ല,” ദൈവം പറയുന്നു. (പുറപ്പാ​ടു 33:20) കൂടാതെ, ബൈബിൾ കാലങ്ങൾ മുതൽ, ഏതെങ്കി​ലു​മൊ​രു മനുഷ്യൻ നേരിട്ട്‌ അവനു​മാ​യി ആശയവി​നി​യമം നടത്തി​യ​തി​ന്റെ യാതൊ​രു തെളി​വു​മില്ല. ഒരിക്ക​ലും നേരിട്ടു കാണു​ക​യോ കേൾക്കു​ക​യോ ചെയ്‌തി​ട്ടി​ല്ലാത്ത ഒരാ​ളോട്‌ ആഴമായ ആർദ്ര​പ്രി​യം വളർത്തി​യെ​ടു​ക്കുക ദുഷ്‌ക​ര​മാ​ണെന്ന്‌—അസാധ്യം​പോ​ലു​മാ​ണെന്ന്‌—നിങ്ങൾക്കു തോന്നു​ന്നി​ല്ലേ? അഖിലാ​ണ്ഡ​ത്തി​ന്റെ സ്രഷ്ടാ​വു​മാ​യി സ്‌നേ​ഹ​നിർഭ​ര​മായ ഒരു ബന്ധമു​ണ്ടാ​യി​രി​ക്കുക യഥാർഥ​ത്തിൽ സാധ്യ​മാ​ണോ?

ദൈവ​വു​മാ​യി ഊഷ്‌മ​ള​മായ, വ്യക്തി​പ​ര​മായ അടുപ്പം വളർത്തി​യെ​ടു​ക്കുക സാധ്യ​മാ​ണെ​ന്ന​തിൽ ലവലേശം സംശയം വേണ്ട. ആവർത്ത​ന​പു​സ്‌തകം 6:5-ൽ, ഇസ്രാ​യേൽ ജനത​യോട്‌ ഇങ്ങനെ ആജ്ഞാപി​ക്ക​പ്പെ​ട്ട​താ​യി നാം വായി​ക്കു​ന്നു: “നിന്റെ ദൈവ​മായ യഹോ​വയെ നീ പൂർണ്ണ​ഹൃ​ദ​യ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം.” പിന്നീട്‌, യേശു​ക്രി​സ്‌തു തന്റെ അനുഗാ​മി​ക​ളു​ടെ മുമ്പാകെ ഈ നിയമത്തെ പുനഃ​സ്ഥി​രീ​ക​രി​ച്ചിട്ട്‌ ഇങ്ങനെ കൂട്ടി​ച്ചേർത്തു: “ഇതാകു​ന്നു വലിയ​തും ഒന്നാമ​ത്തേ​തു​മായ കല്‌പന.” (മത്തായി 22:37, 38) അത്തരം ബന്ധം അപ്രാ​പ്യ​മാ​യി​രു​ന്നെ​ങ്കിൽ ബൈബിൾ നമ്മെ അതിനു പ്രബോ​ധി​പ്പി​ക്കു​മോ?

താൻ കൽപ്പി​ക്കു​ന്ന​തു​കൊ​ണ്ടു മാത്രം, നാം അവനെ സ്‌നേ​ഹി​ക്കാൻ യഹോവ പ്രതീ​ക്ഷി​ക്കു​ന്നു​ണ്ടോ? ഇല്ല. തന്നെ സ്‌നേ​ഹി​ക്കാ​നുള്ള കഴിവു സഹിത​മാ​ണു ദൈവം ആദ്യ മനുഷ്യ ദമ്പതി​കളെ സൃഷ്ടി​ച്ചത്‌. തങ്ങളുടെ സ്രഷ്ടാ​വു​മാ​യുള്ള ഒരു സ്‌നേ​ഹ​ബ​ന്ധ​ത്തി​ലേക്ക്‌ ആദാമും ഹവ്വായും വലിച്ചി​ഴ​യ്‌ക്ക​പ്പെ​ട്ടില്ല. പ്രത്യുത, തന്നോട്‌ ആഴമായ ആർദ്ര​പ്രീ​തി വളർന്നു​വ​രത്തക്ക യോജിച്ച സാഹച​ര്യ​ങ്ങ​ളിൽ അവൻ അവരെ ആക്കി. ദൈവ​ത്തോട്‌ അടുക്ക​ണ​മോ അതോ അവനിൽനിന്ന്‌ അകന്നു​പോ​ക​ണ​മോ—അവർ തിര​ഞ്ഞെ​ടു​ക്ക​ണ​മാ​യി​രു​ന്നു.

ദൈവ​ത്തി​നെ​തി​രെ മത്സരി​ക്കാൻ ആദാമും ഹവ്വായും തിര​ഞ്ഞെ​ടു​ത്തു. (ഉല്‌പത്തി 2:16, 17; 3:6, 7) എന്നിരു​ന്നാ​ലും, അവരുടെ പിൻഗാ​മി​കൾക്കു സ്രഷ്ടാ​വു​മാ​യി ഒരു സ്‌നേ​ഹ​നിർഭ​ര​മായ ബന്ധം വളർത്തി​യെ​ടു​ക്കു​ന്ന​തി​നുള്ള പ്രാപ്‌തി ഉണ്ടായി​രി​ക്കു​ന്ന​താണ്‌.

സത്യ​ദൈ​വ​ത്തോ​ടൊ​പ്പം നടക്കൽ

ഉദാഹ​ര​ണ​ത്തിന്‌, അബ്രഹാ​മി​നെ ദൈവ​ത്തി​ന്റെ “സ്‌നേ​ഹി​തൻ” ആയി ബൈബി​ളിൽ പരാമർശി​ച്ചി​രി​ക്കു​ന്നു. (യാക്കോബ്‌ 2:23) എങ്കിലും, ദൈവ​വു​മാ​യി ഉറ്റ ബന്ധം ആസ്വദി​ച്ചി​രുന്ന ഏക വ്യക്തി​യാ​യി​രു​ന്നില്ല അബ്രഹാം എന്നതു തീർച്ച​യാണ്‌. യഹോ​വ​യോട്‌ യഥാർഥ ആർദ്ര​പ്രി​യം പ്രകട​മാ​ക്കി, ‘ദൈവ​ത്തോ​ടു​കൂ​ടെ നടന്ന’ മറ്റനേകം അപൂർണ മനുഷ്യ​രെ​ക്കു​റി​ച്ചു ബൈബിൾ പറയു​ന്നുണ്ട്‌.—ഉല്‌പത്തി 5:24; 6:9; ഇയ്യോബ്‌ 29:4; സങ്കീർത്തനം 25:14; സദൃശ​വാ​ക്യ​ങ്ങൾ 3:32.

ബൈബിൾ കാലങ്ങ​ളി​ലെ ദൈവ​ദാ​സർ ദൈവ​ത്തോ​ടുള്ള സ്‌നേ​ഹ​വും ആർദ്ര​പീ​തി​യും സഹിതമല്ല ജനിച്ചത്‌. അവർ അതു വളർത്തി​യെ​ടു​ക്കേ​ണ്ടി​യി​രു​ന്നു. എങ്ങനെ? യഹോവ എന്ന വ്യക്തി​പ​ര​മായ പേരി​നാൽ അവനെ അറിഞ്ഞു​കൊണ്ട്‌. (പുറപ്പാ​ടു 3:13-15; 6:2, 3) അവന്റെ അസ്‌തി​ത്വ​ത്തെ​യും ദൈവ​ത്വ​ത്തെ​യും കുറിച്ചു ബോധ​വാ​ന്മാ​രാ​യി​ക്കൊണ്ട്‌. (എബ്രായർ 11:6) അവന്റെ സ്‌നേ​ഹ​നിർഭ​ര​മായ പ്രവൃ​ത്തി​ക​ളെ​ക്കു​റി​ച്ചു കൂടെ​ക്കൂ​ടെ ധ്യാനി​ച്ചു​കൊണ്ട്‌. (സങ്കീർത്തനം 63:6) തങ്ങളുടെ ഉള്ളിന്റെ ഉള്ളിലെ ഇംഗി​തങ്ങൾ പ്രാർഥ​ന​യിൽ ദൈവത്തെ അറിയി​ച്ചു​കൊണ്ട്‌. (സങ്കീർത്തനം 39:12) അവന്റെ നന്മയെ​ക്കു​റി​ച്ചു പഠിച്ചു​കൊണ്ട്‌. (സെഖര്യാവ്‌ 9:17) അവനെ വ്രണ​പ്പെ​ടു​ത്തു​ന്ന​തി​നെ​തി​രെ ആരോ​ഗ്യാ​വ​ഹ​മായ ഭയം വളർത്തി​യെ​ടു​ത്തു​കൊണ്ട്‌.—സദൃശ​വാ​ക്യ​ങ്ങൾ 16:6.

ദൈവ​ത്തി​ന്റെ സുഹൃ​ത്താ​യി അവനോ​ടൊ​പ്പം നടക്കാൻ നിങ്ങൾക്കു കഴിയു​മോ? ദൈവത്തെ കാണാ​നോ അവന്റെ ശബ്ദം കേൾക്കാ​നോ നിങ്ങൾക്കു കഴിയു​ക​യി​ല്ലെ​ന്നതു ശരിതന്നെ. എന്നിരു​ന്നാ​ലും, ‘തന്റെ കൂടാ​ര​ത്തിൽ ഒരു അതിഥി’യായി, സുഹൃ​ത്താ​യി​ത്തീ​രാൻ യഹോവ നിങ്ങളെ ക്ഷണിക്കു​ക​യാണ്‌. (സങ്കീർത്തനം 15:1-5, NW) അങ്ങനെ, നിങ്ങൾക്കു ദൈവത്തെ സ്‌നേ​ഹി​ക്കാൻ സാധി​ക്കും. എന്നാൽ അവനു​മാ​യി ഉറ്റ, ആർദ്ര​പ്രി​യ​മായ ബന്ധം നിങ്ങൾക്കെ​ങ്ങനെ വളർത്തി​യെ​ടു​ക്കാം?