“എല്ലാ ജനതകൾക്കു​മുള്ള പ്രാർഥ​നാ​ലയം”

“‘എന്റെ ആലയം എല്ലാ ജനതകൾക്കു​മുള്ള പ്രാർഥ​നാ​ലയം എന്നു വിളി​ക്ക​പ്പെ​ടും’ എന്ന്‌ എഴുതി​യി​രി​ക്കു​ന്നി​ല്ല​യോ?”—മർക്കോസ്‌ 11:17, NW.

1. ആദാമും ഹവ്വായും ആരംഭ​ത്തിൽ ദൈവ​വു​മാ​യി ഏതുതരം ബന്ധം ആസ്വദി​ച്ചി​രു​ന്നു?

  ആദാമും ഹവ്വായും സൃഷ്ടി​ക്ക​പ്പെ​ട്ട​പ്പോൾ, തങ്ങളുടെ സ്വർഗീയ പിതാ​വു​മാ​യി അവർ ഒരു അടുത്ത ബന്ധം ആസ്വദി​ച്ചി​രു​ന്നു. യഹോ​വ​യാം ദൈവം അവരു​മാ​യി ആശയവി​നി​യമം നടത്തു​ക​യും മനുഷ്യ​വർഗ​ത്തി​നു​വേ​ണ്ടി​യുള്ള തന്റെ വിസ്‌മ​യാ​വ​ഹ​മായ ഉദ്ദേശ്യം വിവരി​ക്കു​ക​യും ചെയ്‌തു. തീർച്ച​യാ​യും, സൃഷ്ടി​യി​ലെ അവന്റെ മഹനീയ വേലക​ളെ​പ്രതി യഹോ​വയെ മതിമ​റന്നു സ്‌തു​തി​ക്കാൻ അവർ പലപ്പോ​ഴും പ്രേരി​ത​രാ​യി​ട്ടുണ്ട്‌. മനുഷ്യ കുടും​ബ​ത്തി​ന്റെ ഭാവി പിതാ​വും മാതാ​വും എന്നനി​ല​യി​ലുള്ള തങ്ങളുടെ പങ്കി​നെ​ക്കു​റി​ച്ചു ചിന്തി​ക്കവേ ആദാമി​നും ഹവ്വായ്‌ക്കും മാർഗ​നിർദേശം ആവശ്യ​മാ​യി​രു​ന്നെ​ങ്കിൽ, തങ്ങളുടെ പറുദീ​സാ ഭവനത്തിൽ ഏതു സ്ഥലത്തു​നി​ന്നും അവർക്കു ദൈവത്തെ സമീപി​ക്കാ​മാ​യി​രു​ന്നു. ആലയത്തി​ലെ ഒരു പുരോ​ഹി​തന്റെ സേവനങ്ങൾ അവർക്ക്‌ ആവശ്യ​മി​ല്ലാ​യി​രു​ന്നു.—ഉല്‌പത്തി 1:28.

2. ആദാമും ഹവ്വായും പാപം ചെയ്‌ത​പ്പോൾ എന്തു മാറ്റം സംഭവി​ച്ചു?

² യഹോ​വ​യു​ടെ പരമാ​ധി​കാ​രം തിരസ്‌ക​രി​ക്കു​ന്ന​പക്ഷം തന്റെ ജീവി​താ​വ​സ്ഥ​യ്‌ക്കു പുരോ​ഗ​തി​യു​ണ്ടാ​കു​മെന്നു ചിന്തി​ക്കാൻ മത്സരി​യായ ഒരു ദൂതൻ ഹവ്വായെ വശീക​രി​ച്ച​തോ​ടെ സ്ഥിതി​വി​ശേ​ഷ​ത്തി​നു മാറ്റം​വന്നു. അവൾ ‘ദൈവ​ത്തെ​പ്പോ​ലെ ആകും’ എന്ന്‌ അവൻ പ്രസ്‌താ​വി​ച്ചു. അവൾ തദനു​സ​രണം ദൈവം വിലക്കി​യി​രുന്ന വൃക്ഷത്തി​ന്റെ ഫലം ഭക്ഷിച്ചു. അതിനു​ശേഷം സാത്താൻ ഹവ്വായെ അവളുടെ ഭർത്താ​വി​നെ പ്രലോ​ഭി​പ്പി​ക്കാൻ ഉപയോ​ഗി​ച്ചു. ദാരു​ണ​മെന്നു പറയട്ടെ, ദൈവ​വു​മാ​യുള്ള തന്റെ ബന്ധത്തെ​ക്കാൾ തനിക്കു പ്രാധാ​ന്യം ഭാര്യ​യു​മാ​യുള്ള ബന്ധമാ​ണെന്നു പ്രകട​മാ​ക്കി​ക്കൊണ്ട്‌ പാപി​യായ അവൾക്ക്‌ ആദാം ചെവി​ചാ​യി​ച്ചു. (ഉല്‌പത്തി 3:4-7) ഫലത്തിൽ, ആദാമും ഹവ്വായും തങ്ങളുടെ ദൈവ​മാ​യി സാത്താനെ തിര​ഞ്ഞെ​ടു​ത്തു.—2 കൊരി​ന്ത്യർ 4:4 താരത​മ്യം ചെയ്യുക.

3. ആദാമി​ന്റെ​യും ഹവ്വായു​ടെ​യും മത്സരത്തി​ന്റെ മോശ​മായ ഫലങ്ങൾ എന്തെല്ലാ​മാ​യി​രു​ന്നു?

³ അപ്രകാ​രം ചെയ്‌ത​പ്പോൾ, ആദ്യ മാനുഷ ദമ്പതി​കൾക്കു ദൈവ​വു​മാ​യുള്ള അമൂല്യ ബന്ധം മാത്രമല്ല, ഒരു ഭൗമിക പറുദീ​സ​യിൽ എന്നേക്കും ജീവി​ക്കു​ന്ന​തി​നുള്ള പ്രത്യാ​ശ​യും നഷ്ടമായി. (ഉല്‌പത്തി 2:16, 17) പാപപൂ​രി​ത​മായ അവരുടെ ശരീരങ്ങൾ ക്ഷയിച്ചു ക്ഷയിച്ച്‌ അവസാനം അവർ മരണമ​ടഞ്ഞു. അവരുടെ സന്തതികൾ ഈ പാപപൂ​രി​ത​മായ അവസ്ഥ അവകാ​ശ​പ്പെ​ടു​ത്തി. ‘ഇങ്ങനെ മരണം സകല മനുഷ്യ​രി​ലും പരന്നി​രി​ക്കു​ന്നു’ എന്നു ബൈബിൾ വിശദീ​ക​രി​ക്കു​ന്നു.—റോമർ 5:12.

4. പാപി​ക​ളായ മനുഷ്യ​വർഗ​ത്തി​നു ദൈവം ഏതു പ്രത്യാശ നീട്ടി​ക്കൊ​ടു​ത്തു?

⁴ മനുഷ്യ​വർഗ​വും തങ്ങളുടെ പരിശു​ദ്ധ​നായ സ്രഷ്ടാ​വും തമ്മിലുള്ള അനുര​ഞ്‌ജനം സാധ്യ​മാ​ക്കാൻ എന്തോ ഒന്ന്‌ ആവശ്യ​മാ​യി​രു​ന്നു. ആദാമി​നെ​യും ഹവ്വാ​യെ​യും ന്യായം​വി​ധി​ക്കവേ, സാത്താന്റെ മത്സരത്തി​ന്റെ ഫലങ്ങളിൽനി​ന്നു മനുഷ്യ​വർഗത്തെ രക്ഷിക്കുന്ന ഒരു “സന്തതി”യെ വാഗ്‌ദാ​നം ചെയ്‌തു​കൊണ്ട്‌ ദൈവം അവരുടെ ഭാവി സന്താന​ങ്ങൾക്കു പ്രത്യാശ നൽകി. (ഉല്‌പത്തി 3:15) പിന്നീട്‌, ആ അനുഗ്രഹ സന്തതി അബ്രഹാ​മി​ലൂ​ടെ വരു​മെന്നു ദൈവം വെളി​പ്പെ​ടു​ത്തി. (ഉല്‌പത്തി 22:18) സ്‌നേ​ഹ​പൂർവ​ക​മായ ഈ ഉദ്ദേശ്യം മനസ്സിൽപ്പി​ടി​ച്ചു​കൊണ്ട്‌, ദൈവം അബ്രഹാ​മി​ന്റെ പിൻഗാ​മി​ക​ളായ ഇസ്രാ​യേ​ല്യ​രെ തന്റെ തിര​ഞ്ഞെ​ടു​ക്ക​പ്പെട്ട ജനതയാ​യി​ത്തീ​രാൻ തിര​ഞ്ഞെ​ടു​ത്തു.

5. ഇസ്രാ​യേ​ലു​മാ​യുള്ള ദൈവ​ത്തി​ന്റെ ന്യായ​പ്ര​മാണ ഉടമ്പടി​യു​ടെ വിശദാം​ശ​ങ്ങ​ളിൽ നാം തത്‌പ​ര​രാ​കേ​ണ്ടത്‌ എന്തു​കൊണ്ട്‌?

⁵ പൊ.യു.മു. (പൊതു​യു​ഗ​ത്തി​നു​മുമ്പ്‌) 1513-ൽ, ഇസ്രാ​യേ​ല്യർ ദൈവ​വു​മാ​യി ഒരു ഉടമ്പടി ബന്ധത്തിൽ പ്രവേ​ശി​ക്കു​ക​യും അവന്റെ നിയമങ്ങൾ അനുസ​രി​ക്കാ​മെന്നു സമ്മതി​ക്കു​ക​യും ചെയ്‌തു. ഇന്നു ദൈവത്തെ ആരാധി​ക്കാൻ ആഗ്രഹി​ക്കുന്ന എല്ലാവർക്കും ആ ന്യായ​പ്ര​മാണ ഉടമ്പടി​യിൽ വലിയ താത്‌പ​ര്യ​മു​ണ്ടാ​യി​രി​ക്കണം. കാരണം അതു വാഗ്‌ദത്ത സന്തതി​യി​ലേക്കു വിരൽചൂ​ണ്ടി​യി​രു​ന്നു. അതിൽ “വരുവാ​നുള്ള നന്മകളു​ടെ  നിഴ”ൽ ഉൾക്കൊ​ണ്ടി​രു​ന്ന​താ​യി പൗലോസ്‌ പറഞ്ഞു. (എബ്രായർ 10:1) പൗലോസ്‌ ഈ പ്രസ്‌താ​വന നടത്തി​യ​പ്പോൾ, എടുത്തു​മാ​റ്റാ​വുന്ന സമാഗ​മ​ന​കൂ​ടാ​ര​ത്തി​ലെ, അഥവാ ആരാധ​ന​കൂ​ടാ​ര​ത്തി​ലെ ഇസ്രാ​യേല്യ പുരോ​ഹി​തന്റെ സേവന​ത്തെ​ക്കു​റി​ച്ചു ചർച്ച​ചെ​യ്യു​ക​യാ​യി​രു​ന്നു അവൻ. അതിനെ ‘യഹോ​വ​യു​ടെ മന്ദിരം’ അല്ലെങ്കിൽ ‘യഹോ​വ​യു​ടെ ആലയം’ എന്നു വിളി​ച്ചി​രു​ന്നു. (1 ശമൂവേൽ 1:9, 24) യഹോ​വ​യു​ടെ ഭൗമിക ഭവനത്തിൽ നിർവ​ഹി​ച്ചി​രുന്ന വിശുദ്ധ സേവനം പരി​ശോ​ധി​ക്കു​ന്ന​തു​വഴി, ഇന്നു പാപി​ക​ളായ മനുഷ്യർക്കു ദൈവ​വു​മാ​യി അനുര​ഞ്‌ജ​ന​ത്തിൽ വരാൻ കഴിയുന്ന യഹോ​വ​യു​ടെ ദയാപു​ര​സ്സ​ര​മായ ക്രമീ​ക​ര​ണത്തെ നാം കൂടുതൽ തികവിൽ വിലമ​തി​ക്കാ​നി​ട​വ​രും.

അതിവി​ശുദ്ധ സ്ഥലം

6. അതിവി​ശുദ്ധ സ്ഥലത്ത്‌ എന്തു നിർത്തി​യി​രു​ന്നു, ദൈവ​ത്തി​ന്റെ സാന്നി​ധ്യം അവിടെ പ്രതി​നി​ധാ​നം ചെയ്യ​പ്പെ​ട്ട​തെ​ങ്ങനെ?

⁶ “കരങ്ങൾകൊ​ണ്ടു നിർമിച്ച ആലയങ്ങ​ളിൽ അത്യു​ന്നതൻ വസിക്കു​ന്നില്ല” എന്നു ബൈബിൾ പ്രസ്‌താ​വി​ക്കു​ന്നു. (അപ്പോ. പ്രവ. 7:48, ഓശാന ബൈബിൾ) എന്നിരു​ന്നാ​ലും, തന്റെ ഭൗമിക ആലയത്തിൽ ദൈവ​ത്തി​ന്റെ സാന്നി​ധ്യം അതിവി​ശു​ദ്ധം എന്നു വിളി​ക്ക​പ്പെ​ടുന്ന ഏറ്റവും ഉള്ളിലാ​യുള്ള മുറി​യിൽ മേഘത്താൽ പ്രതി​നി​ധാ​നം ചെയ്യ​പ്പെട്ടു. (ലേവ്യ​പു​സ്‌തകം 16:2) വ്യക്തമാ​യും, അതിവി​ശുദ്ധ സ്ഥലത്തിനു പ്രകാശം നൽകി​ക്കൊണ്ട്‌ ഇത്‌ ഉജ്ജ്വല​മാ​യി പ്രകാ​ശി​ച്ചു. ‘സാക്ഷ്യ​പ്പെ​ട്ടകം’ എന്നു വിളി​ച്ചി​രുന്ന ഒരു വിശുദ്ധ പെട്ടക​ത്തിൻമേ​ലാ​യി​രു​ന്നു അതിന്റെ സ്ഥാനം. ദൈവം ഇസ്രാ​യേ​ലി​നു നൽകിയ കൽപ്പന​ക​ളിൽ ചിലത്‌ ആലേഖനം ചെയ്‌തി​രുന്ന കൽപ്പല​കകൾ അതിലു​ണ്ടാ​യി​രു​ന്നു. പെട്ടക​കൃ​പാ​സ​ന​ത്തി​ന്മേൽ ചിറകു വിരിച്ച രണ്ടു സ്വർണ കെരൂ​ബു​കൾ ഉണ്ടായി​രു​ന്നു. ദൈവ​ത്തി​ന്റെ സ്വർഗീയ സ്ഥാപന​ത്തിൽ ഉന്നത സ്ഥാനമുള്ള ആത്മസൃ​ഷ്ടി​കളെ ചിത്രീ​ക​രി​ക്കു​ന്ന​താ​യി​രു​ന്നു ആ കെരൂ​ബു​കൾ. പ്രകാ​ശ​ത്തി​ന്റേ​തായ ആ അത്ഭുത​മേഘം കൃപാ​സ​ന​ത്തി​നു​മീ​തെ​യും കെരൂ​ബു​കൾക്കി​ട​യി​ലു​മാ​യി സ്ഥിതി​ചെ​യ്‌തി​രു​ന്നു. (പുറപ്പാ​ടു 25:22) അതു ജീവനുള്ള കെരൂ​ബു​കൾ പിന്തു​ണ​യ്‌ക്കുന്ന സ്വർഗീയ രഥത്തിൽ സിംഹാ​സ​ന​സ്ഥ​നാ​യി​രി​ക്കുന്ന സർവശ​ക്ത​നായ ദൈവത്തെ ചിത്രീ​ക​രി​ച്ചു. (1 ദിനവൃ​ത്താ​ന്തം 28:18) ഇത്‌ “യിസ്രാ​യേ​ലി​ന്റെ ദൈവ​മാ​യി കെരൂ​ബു​ക​ളു​ടെ മീതെ അധിവ​സി​ക്കു​ന്ന​വ​നായ സൈന്യ​ങ്ങ​ളു​ടെ യഹോവേ” എന്നു ഹിസ്‌കീ​യാ​വു രാജാവ്‌ പ്രാർഥി​ച്ചത്‌ എന്തു​കൊ​ണ്ടെന്നു വിശദ​മാ​ക്കു​ന്നു.—യെശയ്യാ​വു 37:16.

വിശുദ്ധ സ്ഥലം

7. വിശുദ്ധ സ്ഥലത്ത്‌ എന്തെല്ലാം സജ്ജീക​ര​ണങ്ങൾ ഉണ്ടായി​രു​ന്നു?

⁷ കൂടാ​ര​ത്തി​ന്റെ രണ്ടാമത്തെ മുറിയെ വിളി​ച്ചി​രു​ന്നത്‌ വിശുദ്ധ സ്ഥലമെ​ന്നാണ്‌. ഇതിന​കത്ത്‌, പ്രവേ​ശ​ന​ക​വാ​ട​ത്തിന്‌ ഇടതു​വ​ശ​ത്താ​യി മനോ​ഹ​ര​മായ ഏഴു ശിഖര​ങ്ങ​ളുള്ള ഒരു നിലവി​ളക്ക്‌. വലതു​വ​ശ​ത്താ​യി ഒരു കാഴ്‌ചയപ്പ മേശ. നേരെ മുന്നി​ലാ​യി ഒരു യാഗപീ​ഠം. പരിമ​ള​ദ്ര​വ്യം പുകയ്‌ക്കു​ന്ന​തി​നാൽ അതിൽനി​ന്നു സൗരഭ്യം ഉയർന്നി​രു​ന്നു. അതിവി​ശുദ്ധ സ്ഥലത്തു​നി​ന്നു വിശുദ്ധ സ്ഥലത്തെ വേർതി​രി​ച്ചി​രുന്ന തിരശ്ശീ​ല​യ്‌ക്കു മുന്നി​ലാ​യി​രു​ന്നു അതു സ്ഥിതി​ചെ​യ്‌തി​രു​ന്നത്‌.

8. വിശുദ്ധ സ്ഥലത്തു പുരോ​ഹി​ത​ന്മാർ ഏതെല്ലാം കർത്തവ്യ​ങ്ങൾ ക്രമമാ​യി നിർവ​ഹി​ച്ചി​രു​ന്നു?

⁸ ദിവസേന രാവി​ലെ​യും വൈകു​ന്നേ​ര​വും ഒരു പുരോ​ഹി​തൻ കൂടാ​ര​ത്തിൽ പ്രവേ​ശിച്ച്‌ ധൂപയാ​ഗ​പീ​ഠ​ത്തി​ന്മേൽ പരിമ​ള​ദ്ര​വ്യ​ങ്ങൾ പുകയ്‌ക്കണം. (പുറപ്പാ​ടു 30:7, 8) രാവിലെ, പരിമ​ള​ദ്ര​വ്യ​ങ്ങൾ പുകയ്‌ക്കു​ന്നേരം പൊൻനി​ല​വി​ള​ക്കി​ലുള്ള ഏഴു വിളക്കു​ക​ളി​ലും വീണ്ടും എണ്ണ നിറയ്‌ക്കണം. വൈകു​ന്നേരം വിശു​ദ്ധ​സ്ഥ​ലത്തു പ്രകാശം ലഭി​ക്കേ​ണ്ട​തി​നു വിളക്കു​കൾ തെളി​ച്ചി​രു​ന്നു. എല്ലാ ശബത്തി​ലും ഒരു പുരോ​ഹി​തൻ കാഴ്‌ചയപ്പ മേശയി​ങ്കൽ 12 പുതിയ അപ്പക്കഷ​ണങ്ങൾ വെക്കേ​ണ്ടി​യി​രു​ന്നു.—ലേവ്യ​പു​സ്‌തകം 24:4-8.

പ്രാകാ​രം

9. വെള്ള​ത്തൊ​ട്ടി​യു​ടെ ഉദ്ദേശ്യ​മെ​ന്താ​യി​രു​ന്നു, ഇതിൽനി​ന്നു നമുക്ക്‌ എന്തു പാഠം പഠിക്കാൻ കഴിയും?

⁹ സമാഗമന കൂടാ​ര​ത്തി​നു കൂടാ​ര​ശീ​ല​ക​ളു​ടെ സംരക്ഷ​ണ​മു​ണ്ടാ​യി​രുന്ന ഒരു പ്രാകാ​ര​വും ഉണ്ടായി​രു​ന്നു. ഈ പ്രാകാ​ര​ത്തി​ലാ​യി​രു​ന്നു വിശുദ്ധ സ്ഥലത്തു പ്രവേ​ശി​ക്കു​ന്ന​തി​നു​മു​മ്പാ​യി പുരോ​ഹി​ത​ന്മാർ തങ്ങളുടെ കൈകാ​ലു​കൾ കഴുകി​യി​രുന്ന ഒരു വലിയ തൊട്ടി​യു​ണ്ടാ​യി​രു​ന്നത്‌. പ്രാകാ​ര​ത്തിൽ സ്ഥിതി​ചെ​യ്‌തി​രുന്ന യാഗപീ​ഠ​ത്തിൽ യാഗങ്ങൾ അർപ്പി​ക്കു​ന്ന​തി​നു​മു​മ്പാ​യും അവർ കഴു​കേ​ണ്ട​തു​ണ്ടാ​യി​രു​ന്നു. (പുറപ്പാ​ടു 30:18-21) ഇന്നത്തെ ദൈവ​ദാ​സ​ന്മാർ തങ്ങളുടെ ആരാധന ദൈവ​ത്തി​നു സ്വീകാ​ര്യ​മാ​ക​ണ​മെന്ന്‌ ആഗ്രഹി​ക്കു​ന്നെ​ങ്കിൽ, ശാരീ​രിക, ധാർമിക, മാനസിക, ആത്മീയ ശുദ്ധി​ക്കാ​യി പ്രയത്‌നി​ക്ക​ണ​മെ​ന്ന​തി​നുള്ള ശക്തമായ ഓർമി​പ്പി​ക്ക​ലാണ്‌ ശുചി​ത്വ​ത്തി​നുള്ള ഈ നിബന്ധന. (2 കൊരി​ന്ത്യർ 7:1) കാല​ക്ര​മ​ത്തിൽ, യാഗപീ​ഠ​ത്തിൽ കത്തിക്കു​ന്ന​തി​നുള്ള വിറകും തൊട്ടി​യിൽ ഒഴിക്കു​ന്ന​തി​നുള്ള വെള്ളവും ഇസ്രാ​യേ​ല്യേ​തര ആലയ ദാസന്മാ​രാണ്‌ എത്തിച്ചി​രു​ന്നത്‌.—യോശുവ 9:27.

10. യാഗപീ​ഠ​ത്തി​ന്മേൽ നടത്തി​യി​രുന്ന യാഗങ്ങ​ളിൽ ചിലത്‌ ഏവ?

¹⁰ ദിവസേന രാവി​ലെ​യും വൈകു​ന്നേ​ര​വും ഭോജ​ന​യാ​ഗം, പാനീ​യ​യാ​ഗം എന്നിവ​യോ​ടൊ​പ്പം യാഗപീ​ഠ​ത്തി​ന്മേൽ ഒരു ഇളം ആട്ടു​കൊ​റ്റനെ അർപ്പി​ച്ചി​രു​ന്നു. (പുറപ്പാ​ടു 29:38-41) വിശേഷ ദിവസ​ങ്ങ​ളിൽ മറ്റു ബലികൾ അർപ്പി​ച്ചി​രു​ന്നു. വ്യക്തി​പ​ര​മായ ഒരു പ്രത്യേക പാപം നിമിത്തം ചില​പ്പോൾ ബലി അർപ്പിക്കണമായി രുന്നു. (ലേവ്യ​പു​സ്‌തകം 5:5, 6) മറ്റു സമയങ്ങ​ളിൽ ഒരു ഇസ്രാ​യേ​ല്യ​നു സ്വാഭീഷ്ട സംസർഗ​യാ​ഗം അർപ്പി​ക്കാ​മാ​യി​രു​ന്നു. പുരോ​ഹി​ത​നും യാഗം അർപ്പി​ക്കു​ന്ന​വ​നും അതിന്റെ ഭാഗങ്ങൾ ഭക്ഷിക്കു​മാ​യി​രു​ന്നു. ദൈവ​വു​മൊത്ത്‌ ഒരു ആഹാരം ആസ്വദി​ക്കു​ന്നു​വെ​ന്ന​പോ​ലെ, പാപി​ക​ളായ മനുഷ്യർക്ക്‌ അവനു​മാ​യി സമാധാ​ന​ത്തി​ലാ​വാൻ കഴിയു​മെന്ന്‌ ഇതു സൂചി​പ്പി​ച്ചു. ഒരു പരദേ​ശി​ക്കു​പോ​ലും യഹോ​വ​യു​ടെ ഒരു ആരാധ​ക​നാ​യി​ത്തീ​രു​ന്ന​തി​നും അവന്റെ ആലയത്തിൽ സ്വാഭീഷ്ട യാഗങ്ങൾ അർപ്പി​ക്കാ​നുള്ള പദവി​യിൽ എത്തി​ച്ചേ​രു​ന്ന​തി​നും സാധി​ക്കു​മാ​യി​രു​ന്നു. എന്നാൽ യഹോ​വ​യോട്‌ അർഹമായ ബഹുമാ​നം പ്രകട​മാ​ക്കു​ന്ന​തി​നു​വേണ്ടി, പുരോ​ഹി​ത​ന്മാർക്ക്‌ ഏറ്റവും ഗുണ​മേ​ന്മ​യുള്ള യാഗങ്ങളേ സ്വീക​രി​ക്കാൻ കഴിയു​മാ​യി​രു​ന്നു​ള്ളൂ. ഭോജ​ന​യാ​ഗ​ങ്ങൾക്കുള്ള മാവു നേർമ​യു​ള്ള​തും ബലിമൃ​ഗങ്ങൾ ഊനമ​റ്റ​വ​യും ആയിരി​ക്ക​ണ​മാ​യി​രു​ന്നു.—ലേവ്യ​പു​സ്‌തകം 2:1; 22:18-20; മലാഖി 1:6-8.

11. (എ) മൃഗബ​ലി​ക​ളിൽനി​ന്നുള്ള രക്തം​കൊണ്ട്‌ എന്തു ചെയ്‌തി​രു​ന്നു, ഇത്‌ എന്തി​ലേക്കു വിരൽചൂ​ണ്ടി? (ബി) മനുഷ്യ, മൃഗ രക്തത്തെ​ക്കു​റി​ച്ചുള്ള ദൈവ​ത്തി​ന്റെ കാഴ്‌ച​പ്പാട്‌ എന്ത്‌?

¹¹ ഈ ബലിക​ളിൽനി​ന്നുള്ള രക്തം യാഗപീ​ഠ​ത്തി​ലേക്കു കൊണ്ടു​വ​ന്നി​രു​ന്നു. അതാകട്ടെ തങ്ങളുടെ പാപങ്ങൾ സ്ഥിരമാ​യി മോചി​ക്കാ​നും തങ്ങളെ മരണത്തിൽനി​ന്നു രക്ഷിക്കാ​നും കഴിയു​ന്ന​തി​നു രക്തം ചിന്തേണ്ട ഒരു വിമോ​ച​കന്റെ ആവശ്യ​മുള്ള പാപി​ക​ളാ​ണു തങ്ങളെന്നു ദിന​മ്പ്രതി ആ ജനതയെ ഓർമി​പ്പി​ച്ചു. (റോമർ 7:24, 25; ഗലാത്യർ 3:24; എബ്രായർ 10:3 താരത​മ്യം ചെയ്യുക.) രക്തം ജീവനെ പ്രതി​നി​ധാ​നം ചെയ്യു​ന്നു​വെ​ന്നും ജീവൻ ദൈവ​ത്തി​ന്റേ​താ​ണെ​ന്നും രക്തത്തിന്റെ ഈ വിശുദ്ധ ഉപയോ​ഗം ഇസ്രാ​യേ​ല്യ​രെ അനുസ്‌മ​രി​പ്പി​ക്കു​ക​യും ചെയ്‌തു. മനുഷ്യർ വേറെ ഏത്‌ ആവശ്യ​ത്തി​നു രക്തം ഉപയോ​ഗി​ക്കു​ന്ന​തും ദൈവം എല്ലായ്‌പോ​ഴും വിലക്കി​യി​ട്ടുണ്ട്‌.—ഉല്‌പത്തി 9:4; ലേവ്യ​പു​സ്‌തകം 17:10-12; പ്രവൃ​ത്തി​കൾ 15:28, 29.

പാപപ​രി​ഹാര ദിവസം

12, 13. (എ) പാപപ​രി​ഹാര ദിവസം എന്തായി​രു​ന്നു? (ബി) മഹാപു​രോ​ഹി​തൻ അതിവി​ശുദ്ധ സ്ഥലത്തേക്കു രക്തം കൊണ്ടു​വ​രു​ന്ന​തി​നു മുമ്പായി അദ്ദേഹം എന്തു ചെയ്യണ​മാ​യി​രു​ന്നു?

¹² വർഷത്തി​ലൊ​രി​ക്കൽ പാപപ​രി​ഹാര ദിവസം എന്നു വിളി​ക്ക​പ്പെ​ടുന്ന ദിവസം, യഹോ​വയെ ആരാധി​ക്കുന്ന പരദേ​ശി​ക​ള​ടക്കം മുഴു ഇസ്രാ​യേൽ  ജനതയും സകല ജോലി​ക​ളിൽനി​ന്നും വിരമി​ക്കു​ക​യും ഉപവസി​ക്കു​ക​യും ചെയ്യണ​മാ​യി​രു​ന്നു. (ലേവ്യ​പു​സ്‌തകം 16:29, 30) ദൈവ​വു​മാ​യി മറ്റൊരു വർഷ​ത്തേക്കു സമാധാ​ന​പൂർണ​മായ ബന്ധം ആസ്വദി​ക്കേ​ണ്ട​തിന്‌, പ്രധാ​ന​പ്പെട്ട ഈ ദിവസം, ആ ജനത പാപങ്ങ​ളിൽനി​ന്നു പ്രതീ​കാ​ത്മ​ക​വി​ധ​ത്തിൽ ശുദ്ധീ​ക​രി​ക്ക​പ്പെ​ട്ടി​രു​ന്നു. നമുക്ക്‌ ആ രംഗം വിഭാവന ചെയ്‌ത്‌ ചില സവി​ശേ​ഷ​തകൾ പരിചി​ന്തി​ക്കാം.

¹³ സമാഗമന കൂടാ​ര​ത്തി​ന്റെ പ്രാകാ​ര​ത്തി​ലാ​ണു മഹാപു​രോ​ഹി​തൻ. തൊട്ടി​യി​ലെ വെള്ളം​കൊ​ണ്ടു സ്വയം കഴുകി​യ​ശേഷം, അദ്ദേഹം യാഗത്തി​നുള്ള കാളയെ അറുക്കു​ന്നു. കാളയു​ടെ രക്തം ഒരു കലശത്തി​ലേക്ക്‌ ഒഴിക്കു​ന്നു; അതു ലേവ്യ പുരോ​ഹി​ത​വർഗ​ത്തി​ന്റെ പാപപ​രി​ഹാ​ര​ത്തി​നാ​യി ഒരു പ്രത്യേക വിധത്തിൽ ഉപയോ​ഗി​ക്കു​ന്ന​താ​യി​രി​ക്കും. (ലേവ്യ​പു​സ്‌തകം 16:4, 6, 11) എന്നാൽ യാഗവു​മാ​യി അൽപ്പ​മെ​ങ്കി​ലും മുന്നോ​ട്ടു പോകു​ന്ന​തി​നു മുൻപ്‌ മഹാപു​രോ​ഹി​തൻ നിശ്ചയ​മാ​യും ചെയ്യേണ്ട ചിലതുണ്ട്‌. അദ്ദേഹം പരിമ​ള​ദ്ര​വ്യ​വും (സാധ്യ​ത​യ​നു​സ​രിച്ച്‌ അത്‌ ഒരു വലിയ തവിയിൽ ഇടുന്നു) ഒരു തീകല​ശ​ത്തിൽ യാഗപീ​ഠ​ത്തിൽനി​ന്നുള്ള തീക്കന​ലു​ക​ളും എടുക്കു​ന്നു. അദ്ദേഹം ഇപ്പോൾ വിശുദ്ധ സ്ഥലത്തേക്കു പ്രവേ​ശിച്ച്‌ അതിവി​ശുദ്ധ സ്ഥലത്തെ തിരശ്ശീ​ല​യ്‌ക്ക​ടു​ത്തേക്കു നടക്കുന്നു. അദ്ദേഹം സാവധാ​നം തിരശ്ശീ​ലയെ ചുറ്റി​ക്ക​ടന്ന്‌ ഉടമ്പടി​പെ​ട്ട​ക​ത്തി​നു മുന്നിൽച്ചെന്നു നിൽക്കു​ന്നു. അടുത്ത​താ​യി, മറ്റൊരു മനുഷ്യ​നും കാണാതെ, കത്തി​യെ​രി​യുന്ന കനലി​ലേക്ക്‌ അദ്ദേഹം പരിമ​ള​ദ്ര​വ്യ​ങ്ങൾ ഇടുന്നു. അതോടെ അതിവി​ശുദ്ധ സ്ഥലമാകെ സുഗന്ധ മേഘം​കൊ​ണ്ടു നിറയു​ക​യാ​യി.—ലേവ്യ​പു​സ്‌തകം 16:12, 13.

14. മഹാപു​രോ​ഹി​തൻ രണ്ടു വ്യത്യസ്‌ത മൃഗങ്ങ​ളു​ടെ രക്തവു​മാ​യി അതിവി​ശുദ്ധ സ്ഥലത്തേക്കു പ്രവേ​ശി​ക്കേ​ണ്ടി​യി​രു​ന്നത്‌ എന്തു​കൊണ്ട്‌?

¹⁴ കരുണ പ്രകട​മാ​ക്കാ​നും പ്രതീ​കാ​ത്മക വിധത്തിൽ പ്രസാ​ദി​പ്പി​ക്ക​പ്പെ​ടാ​നും ദൈവ​മി​പ്പോൾ മനസ്സൊ​രു​ക്കം കാട്ടുന്നു. ഇക്കാര​ണ​ത്താൽ പെട്ടക​കൃ​പാ​സനം “കരുണാ​പീ​ഠം” അഥവാ “പ്രായ​ശ്ചി​ത്താ​വ​രണം” എന്നു വിളി​ക്ക​പ്പെട്ടു. (എബ്രായർ 9:5, NW അടിക്കു​റിപ്പ്‌.) മഹാപു​രോ​ഹി​തൻ അതിവി​ശുദ്ധ സ്ഥലത്തു​നി​ന്നു പുറ​പ്പെട്ടു കാളയു​ടെ രക്തമെ​ടു​ക്കു​ന്നു, പിന്നെ വീണ്ടും അതിവി​ശുദ്ധ സ്ഥലത്തേക്കു പ്രവേ​ശി​ക്കു​ന്നു. ന്യായ​പ്ര​മാ​ണ​ത്തിൽ കൽപ്പി​ച്ചി​രി​ക്കു​ന്ന​തു​പോ​ലെ, അദ്ദേഹം വിരൽ രക്തത്തിൽ മുക്കി പെട്ടക​കൃ​പാ​സ​ന​ത്തി​നു മുന്നിൽ ഏഴു പ്രാവ​ശ്യം തളിക്കു​ന്നു. (ലേവ്യ​പു​സ്‌തകം 16:14) അടുത്ത​താ​യി അദ്ദേഹം പ്രാകാ​ര​ത്തി​ലേക്കു തിരി​ച്ചു​പോ​യി “ജനത്തി​ന്നു​വേ​ണ്ടി​യുള്ള” പാപയാ​ഗ​മായ കോലാ​ട്ടു​കൊ​റ്റനെ അറുക്കു​ന്നു. അദ്ദേഹം കോലാ​ട്ടു​കൊ​റ്റന്റെ കുറച്ചു രക്തം അതിവി​ശുദ്ധ സ്ഥലത്തേക്കു കൊണ്ടു​വന്ന്‌ കാളയു​ടെ രക്തം​കൊ​ണ്ടു ചെയ്‌ത​തു​തന്നെ അതു​കൊ​ണ്ടും ചെയ്യുന്നു. (ലേവ്യ​പു​സ്‌തകം 16:15) പാപപ​രി​ഹാര ദിവസ​ത്തിൽ  പ്രധാ​ന​പ്പെട്ട മറ്റു സേവന​ങ്ങ​ളും നടന്നി​രു​ന്നു. ഉദാഹ​ര​ണ​ത്തിന്‌, മഹാപു​രോ​ഹി​തൻ രണ്ടാമത്തെ കോലാ​ട്ടു​കൊ​റ്റ​ന്റെ​മേൽ കൈ​വെച്ച്‌ “യിസ്രാ​യേൽമ​ക്ക​ളു​ടെ എല്ലാകു​റ്റ​ങ്ങ​ളും” അതിൻമേൽ ഏറ്റുപ​റ​യ​ണ​മാ​യി​രു​ന്നു. എന്നിട്ട്‌ ജീവനുള്ള ഈ കോലാ​ട്ടു​കൊ​റ്റനെ പ്രതീ​കാ​ത്മക അർഥത്തിൽ ജനതയു​ടെ പാപങ്ങൾ ചുമക്കാൻ മരുഭൂ​മി​യി​ലേക്കു നയിച്ചി​രു​ന്നു. ഓരോ വർഷവും “പുരോ​ഹി​ത​ന്മാർക്കും സഭയിലെ സകലജ​ന​ത്തി​ന്നും​വേണ്ടി” ഈ വിധത്തിൽ പാപപ​രി​ഹാ​രം നേടി​യി​രു​ന്നു.—ലേവ്യ​പു​സ്‌തകം 16:16, 21, 22, 33.

15. (എ) ശലോ​മോ​ന്റെ ആലയം സമാഗമന കൂടാ​ര​ത്തോ​ടു സാദൃ​ശ്യ​ത്തി​ലാ​യി​രു​ന്നത്‌ എങ്ങനെ? (ബി) സമാഗമന കൂടാ​ര​ത്തി​ലും ആലയത്തി​ലും നിർവ​ഹി​ക്ക​പ്പെ​ട്ടി​രുന്ന വിശുദ്ധ ശുശ്രൂ​ഷ​യെ​ക്കു​റിച്ച്‌ എബ്രാ​യ​രു​ടെ പുസ്‌തകം എന്തു പറയുന്നു?

¹⁵ ദൈവ​ത്തി​ന്റെ ഉടമ്പടി ജനതയെന്ന നിലയി​ലുള്ള ഇസ്രാ​യേൽ ജനത്തിന്റെ ആദ്യത്തെ 486 വർഷം, എടുത്തു​മാ​റ്റാ​വുന്ന സമാഗ​മ​ന​കൂ​ടാ​രം അവരുടെ ദൈവ​മായ യഹോ​വയെ ആരാധി​ക്കാ​നുള്ള സ്ഥലമായി ഉതകി. പിന്നീട്‌, സ്ഥിരമാ​യൊ​രു ആലയം പണിയു​ന്ന​തി​നുള്ള പദവി ഇസ്രാ​യേ​ലി​ലെ ശലോ​മോ​നു നൽക​പ്പെട്ടു. ഈ ആലയം കൂടുതൽ വലിയ​തും ബൃഹത്തും ആകേണ്ടി​യി​രു​ന്നെ​ങ്കി​ലും ദിവ്യ​മാ​യി നൽകപ്പെട്ട പ്ലാൻ സമാഗ​മ​ന​കൂ​ടാ​ര​ത്തി​ന്റെ മാതൃ​ക​പോ​ലെ​തന്നെ ആയിരു​ന്നു. സമാഗ​മ​ന​കൂ​ടാ​രം​പോ​ലെ, “മനുഷ്യ​നല്ല” യഹോവ “സ്ഥാപി”ക്കുന്ന ആരാധ​ന​യ്‌ക്കുള്ള മഹത്തര​വും കൂടുതൽ ഫലപ്ര​ദ​വു​മായ ക്രമീ​ക​ര​ണത്തെ സൂചി​പ്പി​ക്കു​ന്ന​താ​യി​രു​ന്നു അത്‌.—എബ്രായർ 8:2, 5; 9:9, 11.

ഒന്നാമത്തെ ആലയവും രണ്ടാമ​ത്തേ​തും

16. (എ) ആലയസ​മർപ്പണ സമയത്ത്‌ ശലോ​മോൻ സ്‌നേ​ഹ​പൂർവ​ക​മായ ഏതു യാചന നടത്തി? (ബി) ശലോ​മോ​ന്റെ പ്രാർഥന സ്വീക​രി​ച്ചു​വെന്നു യഹോവ പ്രകട​മാ​ക്കി​യ​തെ​ങ്ങനെ?

¹⁶ ആ മഹനീയ ആലയത്തി​ന്റെ സമർപ്പ​ണ​വേ​ള​യിൽ, ശലോ​മോൻ ഈ നിശ്വസ്‌ത അപേക്ഷ ഉൾപ്പെ​ടു​ത്തി: “നിന്റെ ജനമായ യിസ്രാ​യേ​ലിൽ ഉള്ളവന​ല്ലാത്ത അന്യജാ​തി​ക്കാ​രൻ നിന്റെ മഹത്വ​മുള്ള നാമം ഹേതു​വാ​യി ദൂര​ദേ​ശ​ത്തു​നി​ന്നു വന്നാൽ—അവർ ഈ ആലയത്തിൽ വന്നു പ്രാർഥി​ക്കും നിശ്ചയം—നീ നിന്റെ വാസസ്ഥ​ല​മായ സ്വർഗ്ഗ​ത്തിൽനി​ന്നു കേട്ടു ഭൂമി​യി​ലെ സകലജാ​തി​ക​ളും നിന്റെ ജനമായ യിസ്രാ​യേൽ എന്നപോ​ലെ നിന്റെ നാമത്തെ അറിഞ്ഞു നിന്നെ ഭയപ്പെ​ടു​ക​യും ഞാൻ പണിതി​രി​ക്കുന്ന ഈ ആലയത്തി​ന്നു നിന്റെ നാമം വിളി​ക്ക​പ്പെ​ട്ടി​രി​ക്കു​ന്നു എന്നു അറിക​യും ചെയ്യേ​ണ്ട​തി​ന്നു അന്യജാ​തി​ക്കാ​രൻ നിന്നോ​ടു പ്രാർത്ഥി​ക്കു​ന്ന​തൊ​ക്കെ​യും ചെയ്‌തു​കൊ​ടു​ക്ക​ണമേ.” (2 ദിനവൃ​ത്താ​ന്തം 6:32, 33) ശലോ​മോ​ന്റെ സമർപ്പ​ണ​പ്രാർഥന താൻ സ്വീക​രി​ച്ച​താ​യി ദൈവം തികച്ചും വ്യക്തമായ വിധത്തിൽ പ്രകട​മാ​ക്കി. സ്വർഗ​ത്തിൽനി​ന്നു ദണ്ഡു​പോ​ലെ അഗ്നി ഇറങ്ങി യാഗപീ​ഠ​ത്തി​ലെ മൃഗബ​ലി​കൾ ദഹിപ്പി​ച്ചു, കൂടാതെ യഹോ​വ​യു​ടെ തേജസ്സി​നാൽ ആലയം നിറയു​ക​യും ചെയ്‌തു.—2 ദിനവൃ​ത്താ​ന്തം 7:1-3.

17. ശലോ​മോൻ നിർമിച്ച ആലയത്തിന്‌ അവസാനം എന്തു സംഭവി​ച്ചു, എന്തു​കൊണ്ട്‌?

¹⁷ സങ്കടക​ര​മെന്നു പറയട്ടെ, യഹോ​വ​യെ​ക്കു​റിച്ച്‌ ഇസ്രാ​യേ​ല്യർക്കു​ണ്ടാ​യി​രുന്ന ആരോ​ഗ്യാ​വ​ഹ​മായ ഭയം അവർ കളഞ്ഞു​കു​ളി​ച്ചു. കാല​ക്ര​മ​ത്തിൽ, രക്തംചി​ന്തൽ, വിഗ്ര​ഹാ​രാ​ധന, വ്യഭി​ചാ​രം, നിഷിദ്ധ ബന്ധു​വേഴ്‌ച എന്നീ പ്രവൃ​ത്തി​ക​ളി​ലൂ​ടെ​യും അനാഥർ, വിധവ​മാർ, വിദേ​ശി​കൾ എന്നിവ​രോ​ടുള്ള ദുഷ്‌പെ​രു​മാ​റ്റ​ത്തി​ലൂ​ടെ​യും അവർ അവന്റെ മഹനീയ നാമത്തെ ദുഷിച്ചു. (യെഹെ​സ്‌കേൽ 22:2, 3, 7, 11, 12, 26, 29) അങ്ങനെ, പൊ.യു.മു. 607 എന്ന വർഷം, ആ ആലയം നശിപ്പി​ക്കാൻ ബാബി​ലോ​ന്യ സൈന്യ​ത്തെ കൊണ്ടു​വ​ന്നു​കൊണ്ട്‌ ദൈവം ന്യായ​വി​ധി നടപ്പാക്കി. അതിജീ​വിച്ച ഇസ്രാ​യേ​ല്യ​രെ ബാബി​ലോ​നി​ലേക്കു തടവു​കാ​രാ​യി പിടി​ച്ചു​കൊ​ണ്ടു​പോ​യി.

18. രണ്ടാമത്തെ ആലയത്തിൽ, യഹോ​വ​യു​ടെ ആരാധ​നയെ മുഴു​ഹൃ​ദ​യ​ത്തോ​ടെ പിന്തുണച്ച ഇസ്രാ​യേ​ല്യേ​ത​രർക്ക്‌ എന്തു പദവികൾ തുറന്നു​കി​ട്ടി?

¹⁸ എഴുപതു വർഷങ്ങൾക്കു​ശേഷം അനുതാ​പ​മുള്ള ഒരു യഹൂദ ശേഷിപ്പ്‌ യെരു​ശ​ലേ​മി​ലേക്കു മടങ്ങി​വന്നു. അവർക്കു യഹോ​വ​യു​ടെ ആലയം പുനർനിർമി​ക്കു​ന്ന​തി​നുള്ള പദവി ലഭിച്ചു. രസാവ​ഹ​മാ​യി, ഈ രണ്ടാമത്തെ ആലയത്തിൽ സേവി​ക്കാൻ വേണ്ടത്ര പുരോ​ഹി​ത​ന്മാ​രും ലേവ്യ​രും ഇല്ലായി​രു​ന്നു. തത്‌ഫ​ല​മാ​യി, ഇസ്രാ​യേ​ല്യേ​തര ആലയ അടിമ​ക​ളു​ടെ പിൻഗാ​മി​ക​ളായ നെഥി​നി​മു​കൾക്കു ദൈവ​ഭ​വ​ന​ത്തി​ലെ ശുശ്രൂ​ഷകർ എന്നനി​ല​യിൽ വലിയ പദവികൾ നൽക​പ്പെട്ടു. എന്നിരു​ന്നാ​ലും, അവർ ഒരിക്ക​ലും പുരോ​ഹി​ത​ന്മാർക്കും ലേവ്യർക്കും തുല്യ​രാ​യി​ത്തീർന്നില്ല.—എസ്രാ 7:24; 8:17, 20.

19. രണ്ടാമത്തെ ആലയ​ത്തെ​ക്കു​റിച്ച്‌ ദൈവം എന്തു വാഗ്‌ദാ​നം നടത്തി, ഈ വാക്കുകൾ എങ്ങനെ സത്യമാ​യി?

¹⁹ ഒന്നാമ​ത്തേ​തി​നോ​ടുള്ള താരത​മ്യ​ത്തിൽ രണ്ടാമത്തെ ആലയം ഒന്നുമാ​യി​രി​ക്കില്ല എന്നായി​രു​ന്നു ആദ്യം തോന്നി​യത്‌. (ഹഗ്ഗായി 2:3) എന്നാൽ യഹോവ ഇങ്ങനെ വാഗ്‌ദാ​നം ചെയ്‌തു: “ഞാൻ സകല ജാതി​ക​ളെ​യും ഇളക്കും; സകല ജാതി​ക​ളു​ടെ​യും മനോ​ഹ​ര​വ​സ്‌തു വരിക​യും ചെയ്യും; ഞാൻ ഈ ആലയത്തെ മഹത്വ​പൂർണ്ണ​മാ​ക്കും . . . ഈ ആലയത്തി​ന്റെ പിന്നത്തെ മഹത്വം മുമ്പി​ലേ​ത്ത​തി​ലും വലുതാ​യി​രി​ക്കും.” (ഹഗ്ഗായി 2:7, 9) ഈ വാക്കു​കൾക്കു ചേർച്ച​യാ​യി, രണ്ടാമത്തെ ആലയം വലിയ മഹത്വം ആർജി​ക്കു​ക​തന്നെ ചെയ്‌തു. അതു 164 വർഷം കൂടുതൽ നിലനിൽക്കു​ക​യും വളരെ​യ​ധി​കം രാജ്യ​ങ്ങ​ളിൽനി​ന്നാ​യി വളരെ​യ​ധി​കം ആളുകൾ അതിന്റെ പ്രാകാ​ര​ങ്ങ​ളിൽ തടിച്ചു​കൂ​ടു​ക​യും ചെയ്‌തു. (പ്രവൃത്തി കൾ 2:5-11 താരത​മ്യം ചെയ്യുക.) ഹെരോ​ദാ രാജാ​വി​ന്റെ നാളു​ക​ളിൽ ഈ രണ്ടാമത്തെ ആലയത്തി​ന്റെ പുതു​ക്കൽപ്പണി തുടങ്ങു​ക​യും അതിന്റെ പ്രാകാ​രങ്ങൾ വിസ്‌തൃ​ത​മാ​ക്കു​ക​യും ചെയ്‌തു. കൂറ്റൻ കൽമേ​ട​യി​ന്മേൽ ഉയർത്ത​പ്പെട്ട്‌, മനോ​ഹ​ര​മായ സ്‌തം​ഭ​ശ്രേ​ണി​ക​ളാൽ ചുറ്റ​പ്പെട്ട്‌, അതിന്റെ പ്രതാപം ശലോ​മോൻ നിർമിച്ച ആലയ​ത്തോ​ടു കിടപി​ടി​ക്കു​ന്ന​താ​യി. യഹോ​വയെ ആരാധി​ക്കാൻ ആഗ്രഹിച്ച ജനതക​ളി​ലെ ആളുകൾക്കു​വേ​ണ്ടി​യുള്ള വലിയ ബാഹ്യ​പ്രാ​കാ​രം അതിലുൾപ്പെ​ട്ടി​രു​ന്നു. ജാതി​കൾക്കാ​യുള്ള ഈ പ്രാകാ​രത്തെ ഇസ്രാ​യേ​ല്യർക്കു മാത്ര​മാ​യി മാറ്റി​വെ​ച്ചി​രുന്ന ആന്തര​പ്രാ​കാ​ര​ങ്ങ​ളിൽനിന്ന്‌ ഒരു കൽമതി​ലി​നാൽ വേർതി​രി​ച്ചി​രു​ന്നു.

20. (എ) ഏതു പ്രമുഖ ബഹുമതി പുനർനിർമിത ആലയത്തി​ന്റെ സവി​ശേ​ഷ​ത​യാ​യി? (ബി) യഹൂദ​ന്മാർ ആലയത്തെ തെറ്റായി വീക്ഷി​ച്ചു​വെന്ന്‌ എന്തു പ്രകട​മാ​ക്കി, ഇതി​നോ​ടുള്ള പ്രതി​ക​ര​ണ​ത്തിൽ യേശു എന്തു ചെയ്‌തു?

²⁰ ദൈവ​പു​ത്ര​നായ യേശു​ക്രി​സ്‌തു ആലയത്തി​ന്റെ പ്രാകാ​ര​ങ്ങ​ളിൽ വെച്ചു പഠിപ്പി​ച്ചു​വെ​ന്ന​തി​ന്റെ മഹത്തായ പദവി രണ്ടാമത്തെ ആലയത്തി​നാ​യി​രു​ന്നു. എന്നാൽ ഒന്നാമത്തെ ആലയത്തി​ന്റെ കാര്യ​ത്തി​ലെ​ന്ന​പോ​ലെ, ദൈവ​ഭ​വ​ന​ത്തി​ന്റെ സൂക്ഷി​പ്പു​കാ​രാ​യി​രി​ക്കു​ക​യെന്ന തങ്ങളുടെ പദവി​യെ​ക്കു​റി​ച്ചു യഹൂദ​ന്മാർക്കു പൊതു​വേ ശരിയായ വീക്ഷണ​മു​ണ്ടാ​യി​രു​ന്നില്ല. എന്തിന്‌, വിജാ​തീ​യർക്കുള്ള പ്രാകാ​ര​ത്തിൽവെച്ചു ബിസി​നസ്‌ നടത്താൻ അവർ വ്യാപാ​രി​കളെ അനുവ​ദി​ക്കു​ക​പോ​ലും ചെയ്‌തു. കൂടാതെ, യെരു​ശ​ലേ​മിൽ ആലയപ​രി​സ​ര​ത്തി​ലൂ​ടെ എന്തെങ്കി​ലും സാധനങ്ങൾ കൊണ്ടു​പോ​കാൻ ആലയത്തെ കുറു​ക്കു​വ​ഴി​യാ​യി ഉപയോ​ഗി​ക്കാൻ ജനങ്ങളെ അനുവ​ദി​ച്ചി​രു​ന്നു. യേശു​വി​ന്റെ മരണത്തി​നു നാലു ദിവസം​മുമ്പ്‌, അവൻ “‘എന്റെ ആലയം എല്ലാ ജനതകൾക്കു​മുള്ള പ്രാർഥ​നാ​ലയം എന്നു വിളി​ക്ക​പ്പെ​ടും’ എന്ന്‌ എഴുതി​യി​രി​ക്കു​ന്നി​ല്ല​യോ? നിങ്ങൾ അതിനെ കവർച്ച​ക്കാ​രു​ടെ ഗുഹയാ​ക്കി​ത്തീർത്തു” എന്നു പറഞ്ഞു​കൊണ്ട്‌ അവൻ അതിനെ അത്തരം മതേതര നടപടി​ക​ളിൽനി​ന്നു ശുദ്ധീ​ക​രി​ച്ചു.—മർക്കോസ്‌ 11:15-17, NW.

ദൈവം തന്റെ ഭൗമിക ആലയം എന്നേക്കു​മാ​യി ഉപേക്ഷി​ക്കു​ന്നു

21. യെരു​ശ​ലേ​മി​ലെ ആലയ​ത്തെ​ക്കു​റിച്ച്‌ യേശു എന്തു സൂചി​പ്പി​ച്ചു?

²¹ ദൈവ​ത്തി​ന്റെ നിർമ​ലാ​രാ​ധന ഉയർത്തി​പ്പി​ടി​ക്കു​ന്ന​തിൽ യേശു​വി​ന്റെ ധീരമായ പ്രവൃ​ത്തി​നി​മി​ത്തം, യഹൂദ മതനേ​താ​ക്ക​ന്മാർ അവനെ കൊല്ലാൻ ദൃഢനി​ശ്ചയം ചെയ്‌തു. (മർക്കൊസ്‌ 11:18) താൻ ഉടനെ കൊല്ല​പ്പെ​ടു​മെ​ന്ന​റിഞ്ഞ്‌, യേശു യഹൂദ മതനേ​താ​ക്ക​ളോ​ടു പറഞ്ഞു: “നിങ്ങളു​ടെ ആലയം നിങ്ങൾക്കു പരിത്യ​ജി​ക്ക​പ്പെ​ട്ടി​രി​ക്കു​ന്നു.” (മത്തായി 23:37, 38, NW) താമസി​യാ​തെ​തന്നെ യെരു​ശ​ലേ​മി​ലെ ആ പ്രതീ​കാ​ത്മക ആലയത്തിൽ ആചരി​ച്ചി​രുന്ന ആരാധ​നാ​രീ​തി ദൈവം മേലാൽ അംഗീ​ക​രി​ക്കി​ല്ലെന്ന്‌ അവൻ അതിനാൽ സൂചി​പ്പി​ച്ചു. അതു മേലാൽ “എല്ലാ ജനതകൾക്കു​മുള്ള പ്രാർഥ​നാ​ലയം” ആയിരി​ക്കാൻ പോകു​ന്നില്ല. ശിഷ്യ​ന്മാർ പ്രതാ​പ​മ​യ​മായ ആലയ കെട്ടി​ടങ്ങൾ യേശു​വി​നു ചൂണ്ടി​ക്കാ​ട്ടി​യ​പ്പോൾ അവൻ പറഞ്ഞു: “ഇതെല്ലാം കാണു​ന്നി​ല്ല​യോ? ഇടിഞ്ഞു​പോ​കാ​തെ കല്ലിന്മേൽ കല്ലു ഇവിടെ ശേഷി​ക്ക​യില്ല.”—മത്തായി 24:1, 2.

22. (എ) ആലയ​ത്തെ​ക്കു​റി​ച്ചുള്ള യേശു​വി​ന്റെ വാക്കുകൾ നിറ​വേ​റി​യ​തെ​ങ്ങനെ? (ബി) തങ്ങളുടെ പ്രത്യാ​ശകൾ ഒരു ഭൗമിക നഗരത്തിൽ കേന്ദ്രീ​ക​രി​ക്കു​ന്ന​തി​നു​പ​കരം, ആദിമ ക്രിസ്‌ത്യാ​നി​കൾ എന്ത്‌ അന്വേ​ഷി​ച്ചു?

²² യേശു​വി​ന്റെ പ്രവചനം 37 വർഷം കഴിഞ്ഞ്‌ പൊ.യു. [പൊതു​യു​ഗം] 70-ൽ റോമൻ സൈന്യം യെരു​ശ​ലേ​മി​നെ​യും അതിന്റെ ആലയ​ത്തെ​യും നശിപ്പി​ച്ച​പ്പോൾ നിറ​വേറി. തന്റെ പ്രതീ​കാ​ത്മക ഭവനത്തെ ദൈവം നിശ്ചയ​മാ​യും പരിത്യ​ജി​ച്ചി​രി​ക്കു​ന്നു​വെ​ന്ന​തി​നുള്ള ശ്രദ്ധേ​യ​മായ തെളി​വാ​യി​രു​ന്നു അത്‌. യെരു​ശ​ലേ​മിൽ മറ്റൊരു ആലയം പുനർനിർമി​ക്കു​ന്ന​തി​നെ​ക്കു​റി​ച്ചു യേശു ഒരിക്ക​ലും മുൻകൂ​ട്ടി​പ്പ​റ​ഞ്ഞില്ല. ആ ഭൗമിക നഗര​ത്തെ​ക്കു​റിച്ച്‌, അപ്പോ​സ്‌ത​ല​നായ പൗലോസ്‌ എബ്രായ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “ഇവിടെ നമുക്കു നിലനി​ല്‌ക്കുന്ന നഗരമി​ല്ല​ല്ലോ, വരുവാ​നു​ള്ളതു അത്രേ നാം അന്വേ​ഷി​ക്കു​ന്നതു.” (എബ്രായർ 13:14) ആദിമ ക്രിസ്‌ത്യാ​നി​കൾ നഗരസ​മാന ദൈവ​രാ​ജ്യ​മായ “സ്വർഗ്ഗീ​യ​യെ​രു​ശ​ലേമി”ന്റെ ഭാഗമാ​യി​ത്തീ​രു​ന്ന​തി​നാ​യി നോക്കി​പ്പാർത്തി​രു​ന്നു. (എബ്രായർ 12:22) അങ്ങനെ, യഹോ​വ​യു​ടെ സത്യാ​രാ​ധന മേലാൽ ഭൂമി​യി​ലെ ഒരു ഭൗതിക ആലയത്തിൽ കേന്ദ്രീ​ക​രി​ച്ചി​രി​ക്കു​ന്നില്ല. നമ്മുടെ അടുത്ത ലേഖന​ത്തിൽ, “ആത്മാവി​ലും സത്യത്തി​ലും” ദൈവത്തെ ആരാധി​ക്കാൻ ആഗ്രഹി​ക്കുന്ന എല്ലാവർക്കു​മാ​യി അവൻ ഏർപ്പെ​ടു​ത്തി​യി​രി​ക്കുന്ന ശ്രേഷ്‌ഠ​മായ ക്രമീ​ക​രണം നാം പരിചി​ന്തി​ക്കു​ന്ന​താ​യി​രി​ക്കും.—യോഹ​ന്നാൻ 4:21, 24.

പുനരവലോകന ചോദ്യ​ങ്ങൾ

◻ ആദാമി​നും ഹവ്വായ്‌ക്കും ദൈവ​വു​മാ​യുള്ള ഏതു ബന്ധം നഷ്ടമായി?

◻ സമാഗ​മ​ന​കൂ​ടാ​ര​ത്തി​ന്റെ സവി​ശേ​ഷ​ത​ക​ളിൽ നാം തത്‌പ​ര​രാ​യി​രി​ക്കേ​ണ്ടത്‌ എന്തു​കൊണ്ട്‌?

◻ സമാഗമന കൂടാ​ര​ത്തി​ന്റെ പ്രാകാ​ര​ത്തി​ലെ പ്രവർത്ത​ന​ങ്ങ​ളിൽനി​ന്നു നാം എന്തു പഠിക്കു​ന്നു?

◻ തന്റെ ആലയം നശിപ്പി​ക്ക​പ്പെ​ടാൻ ദൈവം അനുവ​ദി​ച്ച​തെ​ന്തു​കൊണ്ട്‌?

[അധ്യയന ചോദ്യ​ങ്ങൾ]

[10, 11 പേജു​ക​ളി​ലെ ചിത്രങ്ങൾ]

ഹെരോദാവ്‌ പുനർനിർമിച്ച ആലയം

1. അതിവി​ശു​ദ്ധം

2. വിശുദ്ധം

3. ദഹനയാഗ ബലിപീ​ഠം

4. വാർപ്പു​ക​ടൽ

5. പുരോ​ഹി​ത​ന്മാ​രു​ടെ പ്രാകാ​രം

6. ഇസ്രാ​യേ​ല്യ​രു​ടെ പ്രാകാ​രം

7. സ്‌ത്രീ​ക​ളു​ടെ പ്രാകാ​രം