തൊഴിൽ വിരാമം—ദിവ്യാ​ധി​പത്യ പ്രവർത്ത​ന​ത്തി​ലേ​ക്കുള്ള തുറന്ന കവാട​മോ?

തൊഴിൽ വിരാമം. അത്‌ അനേക​രെ​യും സംബന്ധി​ച്ചി​ട​ത്തോ​ളം ദീർഘ​കാല സമ്മർദ​ത്തി​ന്റെ​യും അസ്വാ​ര​സ്യ​ത്തി​ന്റെ​യും അവസാ​ന​മാണ്‌. മുഷി​പ്പി​ക്കു​ന്ന​തോ വെറി​പി​ടി​പ്പി​ക്കു​ന്ന​തോ ആയ ദിനച​ര്യ​ക​ളിൽ തളയ്‌ക്ക​പ്പെ​ട്ട​തി​നു​ശേഷം വിശ്ര​മ​ത്തി​ന്റെ​യും വ്യക്തി​പ​ര​മായ സ്വാത​ന്ത്ര്യ​ത്തി​ന്റെ​യും വർഷങ്ങ​ളി​ലേക്കു കവാടം തുറക്കു​ന്ന​തിന്‌ തൊഴിൽ വിരാ​മ​ത്തി​നാ​യി അനേക​രും നോക്കി​പ്പാർത്തി​രി​ക്കു​ന്നു. എന്നാൽ, ഒട്ടുമി​ക്ക​പ്പോ​ഴും ആ കവാടം വിരസ​ത​യി​ലേ​ക്കും ഉന്മേഷ​ക്കു​റ​വി​ലേ​ക്കും നയിക്കു​ന്നു. വിനോ​ദ​ങ്ങ​ളും ഹോബി​ക​ളും തൊഴിൽ ചെയ്യു​മ്പോ​ഴു​ണ്ടാ​യി​രു​ന്നത്ര ആത്മാഭി​മാ​നം കൈവ​രു​ത്തു​ന്നില്ല.

യഹോ​വ​യു​ടെ സാക്ഷി​കളെ സംബന്ധി​ച്ചി​ട​ത്തോ​ളം തൊഴിൽ വിരാ​മ​ത്തിന്‌ “പ്രവർത്ത​ന​ത്തി​ലേക്കു നയിക്കുന്ന ഒരു വലിയ കവാടം” തുറക്കാൻ കഴിയും. (1 കൊരി​ന്ത്യർ 16:9, NW) പ്രായാ​ധി​ക്യ​ത്തിന്‌ അതി​ന്റേ​തായ പ്രശ്‌ന​ങ്ങ​ളും പരിമി​തി​ക​ളും ഉണ്ടെന്നു വരികി​ലും, യഹോ​വ​യു​ടെ സഹായ​ത്തോ​ടെ അവന്റെ സേവന​ത്തിൽ തങ്ങൾക്കു കൂടുതൽ ചെയ്യാൻ കഴിയു​മെന്നു പ്രായം​ചെന്ന ചിലർ കണ്ടെത്തി​യി​ട്ടുണ്ട്‌. നെതർലൻഡ്‌സി​ലുള്ള പ്രായം​ചെന്ന ചില ക്രിസ്‌ത്യാ​നി​ക​ളു​ടെ അനുഭ​വങ്ങൾ പരിചി​ന്തി​ക്കുക. 1995-ലെ സേവന വർഷത്തിൽ 1,223-ലധികം വരുന്ന പയനി​യർമാ​രിൽ (മുഴു​സമയ രാജ്യ​പ്ര​ഘോ​ഷകർ) 269 പേർ 50-ഓ അതില​ധി​ക​മോ വയസ്സു​ള്ള​വ​രാ​യി​രു​ന്നു. ഇവരിൽ 81 പേർ 65-ഓ അതില​ധി​ക​മോ വയസ്സു​ള്ള​വ​രും.

ലൗകിക ജോലി​യി​ലാ​യി​രു​ന്ന​പ്പോൾ സ്ഥാപി​ച്ചി​രുന്ന തിര​ക്കേ​റിയ ഗതിവി​ഗ​തി​കൾ തുടരു​ന്ന​തി​നാൽ പയനി​യ​റിങ്‌ ചെയ്യാൻ ചിലർക്കു കഴിയു​ന്നു. (ഫിലി​പ്പി​യർ 3:16 താരത​മ്യം ചെയ്യുക.) തൊഴി​ലിൽനി​ന്നു വിരമിച്ച കാറെൽ എന്നു പേരുള്ള ഒരു ക്രിസ്‌ത്യാ​നി അനുസ്‌മ​രി​ക്കു​ന്നു: “ലൗകിക ജോലി ചെയ്‌തു​കൊ​ണ്ടി​രു​ന്ന​പ്പോൾ രാവിലെ 7:30-നു ഞാൻ ജോലി തുടങ്ങു​മാ​യി​രു​ന്നു. തൊഴിൽവി​രാമ വേതനം ലഭിക്കാൻ തുടങ്ങി​യ​പ്പോൾ അതേ ദിനചര്യ പിൻപ​റ്റാൻ ഞാൻ തീരു​മാ​നി​ച്ചു. എന്നും രാവിലെ ഏഴു മണിക്ക്‌, റെയിൽറോഡ്‌ സ്റ്റേഷനു മുന്നിൽ മാസികാ തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ട്ടു​കൊ​ണ്ടു ഞാൻ ദിവസ​ത്തി​നു തുടക്കം കുറി​ക്കും.”

ശ്രദ്ധാ​പൂർവ​ക​മായ ആസൂ​ത്ര​ണ​വും വിജയ​ത്തി​നുള്ള താക്കോ​ലാണ്‌. (സദൃശ​വാ​ക്യ​ങ്ങൾ 21:5) ഉദാഹ​ര​ണ​ത്തിന്‌, ശുശ്രൂ​ഷ​യിൽ തങ്ങളെ പിന്തു​ണ​യ്‌ക്കാൻ ആവശ്യ​മായ തുക മാറ്റി​വ​യ്‌ക്കാൻ ചിലർക്കു കഴിഞ്ഞി​ട്ടുണ്ട്‌. മറ്റു ചിലർ വ്യക്തി​പ​ര​മായ ചിലവു​കൾ വെട്ടി​ച്ചു​രു​ക്കാ​നും അംശകാല ജോലി​യിൽ ഏർപ്പെ​ടാ​നും നിശ്ചയി​ച്ചി​രി​ക്കു​ന്നു. തെയോ​ഡൊ​റി​ന്റെ​യും ആനി​ന്റെ​യും കാര്യം പരിചി​ന്തി​ക്കുക. പയനി​യർമാർ എന്ന നിലയി​ലാണ്‌ അവർ വിവാഹ ജീവി​ത​ത്തി​നു തുടക്ക​മി​ട്ടത്‌. കുടുംബ ബാധ്യ​തകൾ നിമിത്തം പയനി​യ​റിങ്‌ നിർത്താൻ നിർബ​ന്ധി​ത​രാ​കു​ന്ന​തു​വരെ അവർ അതിൽ തുടർന്നു. എന്നാൽ അവരുടെ പയനിയർ ആത്മാവി​നു വാട്ടം തട്ടിയില്ല! പുത്രി​മാർ വളരവേ പയനി​യ​റിങ്‌ ചെയ്യു​ന്ന​തിന്‌ അവരെ അവർ നിരന്തരം പ്രോ​ത്സാ​ഹി​പ്പി​ച്ചു. ഏറെ പ്രധാ​ന​മാ​യി, മിക്ക​പ്പോ​ഴും സഹായ പയനി​യ​റിങ്‌ ചെയ്‌തു​കൊ​ണ്ടു തെയോ​ഡൊ​റും ആനും നല്ല മാതൃ​ക​വെച്ചു. പുത്രി​മാർ വളർന്ന​തോ​ടെ, വയൽസേ​വ​ന​ത്തിൽ കൂടുതൽ സമയം ചെലവി​ടാൻ തക്കവണ്ണം തെയോ​ഡൊ​റും ആനും ലൗകിക ജോലി​യി​ലേർപ്പെ​ടുന്ന സമയം വെട്ടി​ക്കു​റ​യ്‌ക്കാൻ തുടങ്ങി.

അവരുടെ പുത്രി​മാർ മുഴു​സമയ ശുശ്രൂ​ഷ​യിൽ പ്രവേ​ശി​ക്കു​ക​യും വീടു​വി​ട്ടു പോകു​ക​യും ചെയ്‌ത​ശേഷം ആൻ പയനി​യ​റിങ്‌ തുടങ്ങി. ജോലി ഉപേക്ഷി​ക്കാൻ തെയോ​ഡൊ​റി​നെ അവർ ഒരു ദിവസം പ്രോ​ത്സാ​ഹി​പ്പി​ച്ചു. “നമുക്കു രണ്ടാൾക്കും പയനി​യ​റിങ്‌ ചെയ്യാ​മ​ല്ലോ,” അവർ നിർദേ​ശി​ച്ചു. തന്റെ ഉദ്ദേശ്യ​ങ്ങ​ളെ​ക്കു​റി​ച്ചു തെയോ​ഡൊർ തൊഴി​ലു​ട​മയെ അറിയി​ച്ചു. തെയോ​ഡൊ​റി​നെ ആശ്ചര്യ​പ്പെ​ടു​ത്തു​മാറ്‌ അദ്ദേഹ​ത്തി​ന്റെ ‘ബോസ്‌,’ “താങ്കൾ മുകളി​ലുള്ള [സ്വർഗ​ത്തി​ലുള്ള] താങ്കളു​ടെ ‘ബോസി’നുവേണ്ടി മുഴു​സ​മയം പ്രവർത്തി​ക്കാൻ ആഗ്രഹി​ക്കു​ന്നു​വെന്നു ഞാൻ കരുതു​ന്നു” എന്നു പറഞ്ഞു​കൊണ്ട്‌ അംശകാല ജോലി വാഗ്‌ദാ​നം ചെയ്‌ത്‌ സഹായ​ഹ​സ്‌തം നീട്ടി. തെയോ​ഡൊ​റും ആനും ഇപ്പോൾ ഒരുമി​ച്ചു പയനി​യ​റിങ്‌ ആസ്വദി​ക്കു​ന്നു.

തങ്ങളുടെ ജീവി​ത​ത്തിൽ ഉടലെ​ടുത്ത സാഹച​ര്യ​ങ്ങൾ നിമിത്തം ചിലർ പയനി​യ​റിങ്‌ തുടങ്ങി​യി​രി​ക്കു​ന്നു. തങ്ങളുടെ മകളു​ടെ​യും പേരക്കി​ടാ​വി​ന്റെ​യും ദാരു​ണ​മായ മരണം പ്രായം​ചെന്ന ഒരു ദമ്പതികൾ തങ്ങളുടെ ശേഷിച്ച വർഷങ്ങൾ ചെലവി​ടുന്ന വിധം സംബന്ധി​ച്ചു ഗൗരവ​മാ​യി ചിന്തി​ക്കാൻ പ്രേരി​പ്പി​ച്ചു. (സഭാ​പ്ര​സം​ഗി 7:2) ദുഃഖ​ത്തിൽ ആണ്ടു​പോ​കു​ന്ന​തി​നു പകരം അവർ മുഴു​സമയ സേവന​ത്തി​ലേർപ്പെട്ടു. എട്ടു വർഷത്തി​ലേ​റെ​യാ​യി അവർ അതി​പ്പോൾ ആസ്വദി​ച്ചു​വ​രു​ന്നു!

മുഴു​സ​മയ ശുശ്രൂ​ഷ​യിൽ തുടരു​ന്ന​തി​നു യഥാർഥ​ത്തിൽ ദൃഢനി​ശ്ചയം ആവശ്യ​മാ​ണെന്നു സമ്മതി​ക്കു​ന്നു. ഉദാഹ​ര​ണ​ത്തിന്‌, ഏൺസ്റ്റും ഭാര്യ റിക്കും കുട്ടികൾ വീടു​വിട്ട ഉടനെ പയനി​യ​റിങ്‌ ചെയ്യാൻ തുടങ്ങി. അതിനു​ശേഷം ഉടൻതന്നെ ഒരു മുൻ ബിസി​നസ്‌ പങ്കാളി ഏൺസ്റ്റിന്‌ വളരെ ആദായ​ക​ര​മായ ഒരു ജോലി വാഗ്‌ദാ​നം ചെയ്‌ തു. ഏൺസ്റ്റ്‌ ഇങ്ങനെ മറുപടി പറഞ്ഞു: “ഏറ്റവും നല്ല തൊഴി​ലു​ട​മ​യാ​ണു ഞങ്ങളു​ടേത്‌. അവനെ വിട്ടു​പോ​രാൻ ഞങ്ങൾ ഒരുക്കമല്ല!” ഏൺസ്റ്റും ഭാര്യ​യും യഹോ​വ​യു​ടെ “തൊഴി​ലിൽ” നിലനി​ന്നതു നിമിത്തം, മറ്റു സേവന പദവികൾ അവർക്കു​വേണ്ടി തുറക്ക​പ്പെ​ടു​ക​യു​ണ്ടാ​യി. അവർ 20 വർഷത്തി​ല​ധി​കം സർക്കിട്ട്‌ വേലയിൽ സേവി​ക്കു​ക​യും ഇന്നോളം പയനി​യർമാ​രാ​യി തുടരു​ക​യും ചെയ്‌തി​രി​ക്കു​ന്നു. തങ്ങളുടെ ആത്മത്യാ​ഗ​പ​ര​മായ ഗതിയിൽ അവർക്കു ഖേദമു​ണ്ടോ? കുറച്ചു​നാൾ മുമ്പ്‌ ആ ദമ്പതികൾ എഴുതി: “യഹോ​വ​യു​ടെ ഹിത​മെ​ങ്കിൽ, മൂന്നു മാസത്തി​നകം ഞങ്ങളുടെ വിവാ​ഹ​ത്തി​ന്റെ 50-ാം വർഷം, മിക്ക​പ്പോ​ഴും സുവർണ വിവാ​ഹ​വാർഷി​ക​മെന്നു വിളി​ക്ക​പ്പെ​ടു​ന്നത്‌ ആഘോ​ഷി​ക്കാൻ ഞങ്ങൾ പ്രതീ​ക്ഷി​ക്കു​ന്നു. എന്നാൽ ഞങ്ങളുടെ യഥാർഥ സുവർണ വർഷങ്ങൾ ആരംഭി​ച്ചതു പയനി​യ​റിങ്‌ തുടങ്ങി​യ​പ്പോ​ഴാ​ണെന്നു പൂർണ ബോധ്യ​ത്തോ​ടെ ഞങ്ങൾ പറയുന്നു.”

വർധിച്ച പ്രവർത്ത​ന​ത്തി​ലേക്കു നയിക്കുന്ന കവാടം വർധിച്ച സന്തോ​ഷ​ത്തി​ലേ​ക്കും നയിക്കു​ന്ന​താ​യി അനേകർ കണ്ടെത്തു​ന്നു! 65 വയസ്സെത്തി രണ്ടാഴ്‌ച കഴിഞ്ഞു പയനി​യ​റിങ്‌ തുടങ്ങിയ ഒരു സഹോ​ദരൻ പറയുന്നു: “കഴിഞ്ഞ പത്തു വർഷത്തെ പയനി​യ​റി​ങ്ങി​ന്റെ നാളു​ക​ളി​ലേ​പ്പോ​ലെ അനുഗ്രഹ സമ്പന്നമായ കാലഘട്ടം ഞാൻ ഒരിക്ക​ലും അനുഭ​വി​ച്ചി​ട്ടി​ല്ലെന്നു കണിശ​മാ​യും പറഞ്ഞേ മതിയാ​കൂ.” ഏഴു വർഷത്തി​ല​ധി​ക​മാ​യി പയനി​യ​റിങ്‌ ചെയ്യുന്ന ഒരു വിവാ​ഹിത ദമ്പതികൾ പറയുന്നു: “ഞങ്ങളുടെ പ്രായ​ത്തി​ലും ചുറ്റു​പാ​ടി​ലു​മുള്ള ദമ്പതികൾ വേറെ എന്താണു ചെയ്യേ​ണ്ടത്‌? ഞങ്ങളുടെ തരക്കാരെ—വെറുതെ തടി​വെച്ച്‌, പ്രായം​ചെന്ന്‌, വഴങ്ങാത്ത ശരീര​വു​മാ​യി വീട്ടിൽ സ്വൈ​ര്യ​മാ​യി കഴിയു​ന്ന​വരെ—മിക്ക​പ്പോ​ഴും ഞങ്ങൾ പ്രദേ​ശത്തു കാണാ​റുണ്ട്‌. ഈ സേവനം ഞങ്ങളെ മാനസി​ക​വും ശാരീ​രി​ക​വു​മാ​യി ആരോ​ഗ്യ​മു​ള്ള​വ​രാ​യി നിലനിർത്തു​ന്നു. ഞങ്ങൾ എല്ലായ്‌പോ​ഴും ഒരുമി​ച്ചാണ്‌. ഞങ്ങൾ ഒത്തിരി ചിരി​ക്കാ​റുണ്ട്‌, ജീവിതം ആസ്വദി​ക്കു​ക​യും ചെയ്യുന്നു.”

തീർച്ച​യാ​യും, പ്രായം​ചെന്ന സകലർക്കും പയനി​യ​റിങ്‌ ചെയ്യാൻ അനുവ​ദി​ക്കുന്ന സാഹച​ര്യ​ങ്ങളല്ല ഉള്ളത്‌. യഹോ​വ​യു​ടെ സേവന​ത്തിൻ തങ്ങൾക്ക്‌ എന്തുതന്നെ ചെയ്യാൻ കഴിഞ്ഞാ​ലും അവൻ അതു വിലമ​തി​ക്കു​ന്നു​വെന്ന്‌ ആ ക്രിസ്‌ത്യാ​നി​കൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. (മർക്കൊസ്‌ 12:41-44 താരത​മ്യം ചെയ്യുക.) ഉദാഹ​ര​ണ​ത്തിന്‌, അശക്തയായ ഒരു സഹോ​ദരി ആതുരാ​ല​യ​ത്തി​ലാ​ണു കഴിയു​ന്നത്‌. എന്നിരു​ന്നാ​ലും, അപ്പോ​ഴും ഒരു പ്രവർത്തന കവാടം അവർക്കു മുന്നിൽ തുറന്നു കിടക്കു​ന്നു! അവർക്കെ​ങ്ങനെ സമയം ചെലവ​ഴി​ക്കാൻ സാധി​ക്കു​ന്നു​വെന്ന്‌ ഒരു ഡോക്ടർ അവരോ​ടു ചോദി​ച്ചു. അവർ വിവരി​ക്കു​ന്നു: “എനിക്കു സമയം തികയാ​റേ​യി​ല്ലെന്നു ഞാൻ അദ്ദേഹ​ത്തോ​ടു പറഞ്ഞു. അദ്ദേഹ​ത്തി​നതു മനസ്സി​ലാ​ക്കാൻ കഴിഞ്ഞില്ല. എന്റെ ദിവസങ്ങൾ സംതൃ​പ്‌തി​ക​ര​മായ പ്രവർത്ത​ന​ങ്ങ​ളാൽ നിറഞ്ഞി​രി​ക്കു​ന്ന​താണ്‌ അതിനു കാരണ​മെന്നു ഞാൻ അദ്ദേഹ​ത്തോ​ടു പറഞ്ഞു. ഞാൻ ഏകാകി​നി​യല്ല. മറിച്ച്‌, ഏകാന്തർ ആയിരി​ക്കു​ന്ന​വരെ അന്വേ​ഷിച്ച്‌, മനുഷ്യ​വർഗ​ത്തി​നു​വേണ്ടി ദൈവം കരുതി​യി​രി​ക്കു​ന്നത്‌ എന്താ​ണെന്ന്‌ അവരോ​ടു പറയാൻ ഞാൻ ശ്രമി​ക്കു​ന്നു.” അവർ കാര്യ​ങ്ങളെ ഇങ്ങനെ ക്രോ​ഡീ​ക​രി​ക്കു​ന്നു: “80 വയസ്സോ​ള​മെ​ത്തിയ ഒരാളിൽനിന്ന്‌ അധിക​മൊ​ന്നും ആർക്കും പ്രതീ​ക്ഷി​ക്കാ​നാ​വില്ല. ഇനിയും അനേകരെ യഹോ​വ​യി​ലേക്കു നയിക്കാൻ കഴി​യേ​ണ്ട​തിന്‌ എനിക്കു​വേണ്ടി പ്രാർഥി​ക്കൂ.”

നിങ്ങൾക്കു തൊഴിൽ വിരാ​മ​ത്തി​നു പ്രായ​മാ​യോ? വിശ്രാ​ന്തി​യി​ലേ​ക്കുള്ള കവാടം വളരെ​യ​ധി​കം പ്രലോ​ഭ​നീ​യ​മാ​യി​രു​ന്നേ​ക്കാം. എന്നാൽ അത്‌ ആത്മീയ അനു​ഗ്ര​ഹ​ത്തി​ലേ​ക്കുള്ള കവാടമല്ല. നിങ്ങളു​ടെ സാഹച​ര്യ​ങ്ങ​ളെ​ക്കു​റി​ച്ചു പ്രാർഥ​നാ​പൂർവം ചിന്തി​ക്കുക. യഹോ​വ​യു​ടെ സേവന​ത്തിൽ വർധിച്ച പ്രവർത്ത​ന​ത്തി​ലേക്കു നയിക്കുന്ന കവാട​ത്തി​ലൂ​ടെ നിങ്ങൾക്കു കടന്നു​പോ​കാൻ കഴി​ഞ്ഞെന്നു വരാം.

[25-ാം പേജിലെ ചിത്രങ്ങൾ]

ശുശ്രൂഷയിലെ വർധിച്ച പ്രവർത്ത​ന​ത്തി​ലേക്കു നയിക്കാൻ തൊഴിൽ വിരാ​മ​ത്തി​നു കഴിയും