വായന​ക്കാ​രിൽനി​ന്നുള്ള ചോദ്യ​ങ്ങൾ

“ടോട്ടെ” (അപ്പോൾ) എന്ന ഗ്രീക്കു പദം പിന്നാ​ലെ​വ​രുന്ന ഒരുസം​ഗതി അവതരി​പ്പി​ക്കാൻ ഉപയോ​ഗി​ച്ചി​രി​ക്കു​ന്നു​വെന്നു ഞാൻ മനസ്സി​ലാ​ക്കു​ന്നു. അതിനാൽ, “അന്നു [ടോട്ടെ, “അപ്പോൾ,” NW] അവർ നിങ്ങളെ ഉപദ്ര​വ​ത്തി​ന്നു ഏല്‌പി​ക്ക​യും” ചെയ്യു​മെന്നു മത്തായി 24:9-ഉം, അതേസ​മയം ലൂക്കൊസ്‌ 21:12-ലെ സമാന്തര വിവരണം, “ഇതു എല്ലാറ്റി​ന്നും മുമ്പെ എന്റെ നാമം​നി​മി​ത്തം അവർ നിങ്ങളു​ടെ​മേൽ കൈ​വെച്ചു . . . ഉപദ്ര​വി​ക്ക​യും” ചെയ്യു​മെ​ന്നും പറയു​ന്നത്‌ എന്തു​കൊണ്ട്‌?

പിന്നാ​ലെ​വ​രുന്ന ഒരുസം​ഗതി, അനു​ക്ര​മ​ത്തി​ലുള്ള ഒരുസം​ഗതി, അവതരി​പ്പി​ക്കാൻ ടോട്ടെ ഉപയോ​ഗി​ക്കാൻ കഴിയു​മെ​ന്നു​ള്ളതു ശരിയാണ്‌. എന്നാൽ ആ പദത്തിന്റെ ഏക ബൈബിൾപ​ര​മായ ഉപയോ​ഗം ഇതാ​ണെന്നു നാം മനസ്സി​ലാ​ക്കേ​ണ്ട​തില്ല.

ബൗവർ ആർൻറി​നാ​ലും ജിങ്ക്‌റി​ച്ചി​നാ​ലു​മുള്ള, പുതിയ നിയമ​ത്തി​ന്റെ​യും മറ്റ്‌ ആദിമ ക്രിസ്‌തീയ സാഹി​ത്യ​ത്തി​ന്റെ​യും ഒരു ഗ്രീക്ക്‌-ഇംഗ്ലീഷ്‌ നിഘണ്ടു, തിരു​വെ​ഴു​ത്തു​ക​ളിൽ ടോട്ടെ എന്ന പദം രണ്ട്‌ അടിസ്ഥാന അർഥങ്ങ​ളിൽ ഉപയോ​ഗി​ച്ചി​രി​ക്കു​ന്നു​വെന്നു കാണി​ക്കു​ന്നു.

ഒരു ഉപയോ​ഗം, “ആ സമയത്ത്‌” എന്നാണ്‌. ഇത്‌ “ഭൂതകാ​ലത്തെ അപ്പോൾ” ആയിരി​ക്കാ​വു​ന്ന​താണ്‌. നൽക​പ്പെ​ട്ടി​രി​ക്കുന്ന ഒരു ഉദാഹ​രണം മത്തായി 2:17 ആണ്‌. “യിരെ​മ്യാ​പ്ര​വാ​ചകൻ മുഖാ​ന്തരം അരുളി​ച്ചെ​യ്‌തതു അന്നു [“അപ്പോൾ,” NW] നിവൃ​ത്തി​യാ​യി.” ഇത്‌ അനു​ക്ര​മ​മായ ഒരു സംഗതി​യെ പരാമർശി​ക്കു​ന്നില്ല, മറിച്ച്‌, ഭൂതകാ​ലത്തെ ഒരു പ്രത്യേക ഘട്ടത്തിൽ, അതായത്‌, ആ സമയത്ത്‌ എന്നു സൂചി​പ്പി​ക്കു​ന്നു. സമാന​മാ​യി, “ഭാവി​കാ​ലത്തെ അപ്പോൾ” എന്നനി​ല​യി​ലും ടോട്ടെ ഉപയോ​ഗി​ക്കാ​വു​ന്ന​താണ്‌. ഒരു ഉദാഹ​രണം 1 കൊരി​ന്ത്യർ 13:12-ൽ കാണ​പ്പെ​ടു​ന്നു: “ഇപ്പോൾ നാം കണ്ണാടി​യിൽ കടമൊ​ഴി​യാ​യി കാണുന്നു; അപ്പോൾ മുഖാ​മു​ഖ​മാ​യി കാണും; ഇപ്പോൾ ഞാൻ അംശമാ​യി അറിയു​ന്നു; അപ്പോ​ഴോ [“അപ്പോൾ,” NW] ഞാൻ അറിയ​പ്പെ​ട്ട​തു​പോ​ലെ തന്നെ അറിയും.” ‘ഭാവി​യി​ലെ ആ ഘട്ടത്തിൽ’ എന്ന അർഥത്തി​ലാ​ണു പൗലോസ്‌ ഇവിടെ ടോട്ടെ ഉപയോ​ഗി​ച്ചത്‌.

ഈ നിഘണ്ടു അനുസ​രിച്ച്‌, ടോ​ട്ടെ​യു​ടെ മറ്റൊരു ഉപയോ​ഗം “കാല​ക്ര​മ​ത്തിൽ പിന്നാ​ലെ​വ​രു​ന്ന​തി​നെ അവതരി​പ്പി​ക്കു”ക എന്നതാണ്‌. അവന്റെ സാന്നി​ധ്യ​ത്തി​ന്റെ അടയാളം സംബന്ധിച്ച അപ്പോ​സ്‌ത​ലൻമാ​രു​ടെ ചോദ്യ​ത്തി​നുള്ള യേശു​വി​ന്റെ ഉത്തരത്തി​ന്റെ മൂന്നു വിവര​ണ​ങ്ങ​ളി​ലാ​യി കാണുന്ന ഒട്ടേറെ ഉദാഹ​ര​ണങ്ങൾ ഈ നിഘണ്ടു നൽകുന്നു. a ടോ​ട്ടെ​യു​ടെ, “കാല​ക്ര​മ​ത്തിൽ പിന്നാ​ലെ​വ​രു​ന്ന​തി​നെ അവതരി​പ്പി​ക്കുന്ന” ഉപയോ​ഗ​ത്തി​ന്റെ ഉദാഹ​ര​ണ​ങ്ങ​ളെന്ന നിലയിൽ ഈ നിഘണ്ടു മത്തായി 24:10, 14, 16, 30; മർക്കൊസ്‌ 13:14, 21; ലൂക്കൊസ്‌ 21:20, 27 എന്നിവ പരാമർശി​ക്കു​ന്നു. കാല​ക്ര​മ​ത്തിൽ പിന്നാ​ലെ​വ​രുന്ന ഒരുസം​ഗതി എന്നത്‌ ശരിയായ ഗ്രാഹ്യ​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു സന്ദർഭ​ത്തി​ന്റെ പരിചി​ന്തനം പ്രകട​മാ​ക്കു​ന്നു. ഭാവി സംഭവ​വി​കാ​സങ്ങൾ ഉൾക്കൊണ്ട യേശു​വി​ന്റെ പ്രവച​ന​ത്തി​ന്റെ അർഥം ഗ്രഹി​ക്കു​ന്ന​തിന്‌ ഇതു സഹായ​ക​മാണ്‌.

എന്നാൽ, ഈ വിവര​ണ​ത്തി​ലെ ടോട്ടെ വരുന്ന ഓരോ സന്ദർഭ​ത്തി​ലും നിശ്ചയ​മാ​യും കാല​ക്ര​മ​ത്തിൽ പിന്നാ​ലെ​വ​രു​ന്ന​തി​നെ അവതരി​പ്പി​ക്കു​ന്നു​വെന്നു നാം നിഗമനം ചെയ്യേ​ണ്ട​യാ​വ​ശ്യ​മില്ല. ഉദാഹ​ര​ണ​ത്തിന്‌, മത്തായി 24:7, 8-ൽ, ജനത ജനത​ക്കെ​തി​രാ​യി എഴു​ന്നേൽക്കു​മെ​ന്നും ഭക്ഷ്യക്ഷാ​മ​ങ്ങ​ളും ഭുകമ്പ​ങ്ങ​ളും ഉണ്ടായി​രി​ക്കു​മെ​ന്നും യേശു മുൻകൂ​ട്ടി പറഞ്ഞതാ​യി നാം വായി​ക്കു​ന്നു. 9-ാം വാക്യം തുടരു​ന്നു: “അന്നു [“അപ്പോൾ,” NW] അവർ നിങ്ങളെ ഉപദ്ര​വ​ത്തി​ന്നു ഏല്‌പി​ക്ക​യും കൊല്ലു​ക​യും ചെയ്യും; എന്റെ നാമം നിമിത്തം സകല ജാതി​ക​ളും നിങ്ങളെ പകെക്കും.” മുൻകൂ​ട്ടി​പ്പറഞ്ഞ യുദ്ധങ്ങ​ളും ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും എല്ലാം കണിശ​മാ​യും പീഡനം തുടങ്ങു​ന്ന​തി​നു മുൻപ്‌ സംഭവി​ക്കണം, ഒരുപക്ഷേ അവസാ​നി​ക്കണം, എന്നു മനസ്സി​ലാ​ക്കു​ന്നതു ന്യായ​യു​ക്ത​മാ​യി​രി​ക്കു​മോ?

അതു യുക്തി​സ​ഹമല്ല, ഒന്നാം നൂറ്റാ​ണ്ടി​ലെ നിവൃത്തി സംബന്ധി​ച്ചു നമുക്ക്‌ അറിയാ​വു​ന്നത്‌ അതിനെ സ്ഥിരീ​ക​രി​ക്കു​ന്നു​മില്ല. പുതിയ ക്രിസ്‌തീയ സഭയിലെ അംഗങ്ങൾ പ്രസംഗം ആരംഭിച്ച്‌ ഏതാണ്ട്‌ ഉടനെ​തന്നെ അവർ ഗുരു​ത​ര​മായ എതിർപ്പ്‌ അനുഭ​വി​ച്ചു​വെന്നു പ്രവൃ​ത്തി​ക​ളു​ടെ പുസ്‌ത​ക​ത്തി​ലെ വിവരണം വെളി​പ്പെ​ടു​ത്തു​ന്നു. (പ്രവൃ​ത്തി​കൾ 4:5-21; 5:17-40) യേശു പറഞ്ഞ എല്ലാ യുദ്ധങ്ങ​ളും ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ആദിമ പീഡന​ത്തി​നു മുൻപേ സംഭവി​ച്ചു​വെന്നു തീർച്ച​യാ​യും നമുക്കു പറയാൻ കഴിയില്ല. നേരെ​മ​റിച്ച്‌, മുൻകൂ​ട്ടി​പ്പറഞ്ഞ മറ്റു സംഗതി​ക​ളിൽ ഒട്ടുമി​ക്ക​വ​യ്‌ക്കും “മുൻപേ” ആ എതിർപ്പു​ണ്ടാ​യി. ഇതു ലൂക്കോസ്‌ കാര്യങ്ങൾ പ്രസ്‌താ​വിച്ച വിധ​ത്തോ​ടു ചേർച്ച​യി​ലാണ്‌. “ഇതു എല്ലാറ്റി​ന്നും മുമ്പെ എന്റെ നാമം​നി​മി​ത്തം അവർ നിങ്ങളു​ടെ​മേൽ കൈ​വെച്ചു . . . ഉപദ്ര​വി​ക്ക​യും” ചെയ്യും. (ലൂക്കൊസ്‌ 21:12) മത്തായി 24:9-ൽ, ടോട്ടെ, കൂടുതൽ കൃത്യ​മാ​യി, “ആ സമയത്ത്‌” എന്ന അർഥത്തി​ലാണ്‌ ഉപയോ​ഗി​ച്ചി​രി​ക്കു​ന്ന​തെന്ന്‌ അതു സൂചി​പ്പി​ക്കും. യുദ്ധങ്ങ​ളു​ടെ​യും ഭക്ഷ്യക്ഷാ​മ​ങ്ങ​ളു​ടെ​യും ഭൂകമ്പ​ങ്ങ​ളു​ടെ​യും കാലത്ത്‌, അല്ലെങ്കിൽ ആ സമയത്ത്‌, യേശു​വി​ന്റെ അനുഗാ​മി​കൾ പീഡി​പ്പി​ക്ക​പ്പെ​ടും.

[അടിക്കു​റിപ്പ]