വാഗ്‌ദ​ത്ത​ദേ​ശത്തു നിന്നുള്ള പ്രാ​യോ​ഗിക പാഠങ്ങൾ

ബൈബിൾ വൃത്താ​ന്ത​ത്തി​ലെ വാഗ്‌ദ​ത്ത​ദേശം തീർച്ച​യാ​യും അനുപ​മ​മാ​യി​രു​ന്നു. താരത​മ്യേന ചെറിയ ഈ മേഖല​യിൽ വളരെ വൈവി​ധ്യ​മാർന്ന ഭൂമി​ശാ​സ്‌ത്ര​പ​ര​മായ സവി​ശേ​ഷ​തകൾ നാം കാണുന്നു. വടക്ക്‌ മഞ്ഞുമൂ​ടിയ മലകൾ; തെക്ക്‌ ഉഷ്‌ണ​പ്ര​ദേ​ശങ്ങൾ. ഫലഭൂ​യി​ഷ്‌ഠ​മായ നിമ്‌ന​പ്ര​ദേ​ശ​ങ്ങ​ളും വിജന​മായ മരു​പ്ര​ദേ​ശ​ങ്ങ​ളും ഫലവൃ​ക്ഷ​ത്തോ​പ്പു​കൾക്കും കന്നുകാ​ലി​മേ​യ്‌ക്ക​ലി​നും അനു​യോ​ജ്യ​മായ മലമ്പ്ര​ദേ​ശ​വും അവി​ടെ​യുണ്ട്‌.

ഉയരം, കാലാവസ്ഥ, മണ്ണ്‌ എന്നിവ​യു​ടെ വൈജാ​ത്യം വൈവി​ധ്യ​മാർന്ന ഒട്ടനവധി മരങ്ങൾക്കും കുറ്റി​ച്ചെ​ടി​കൾക്കും മറ്റു ചെടി​കൾക്കും അനു​യോ​ജ്യ​മാണ്‌. ശൈത്യ​മുള്ള പർവത​പ്ര​ദേ​ശ​ങ്ങ​ളിൽ തഴച്ചു​വ​ള​രു​ന്ന​തും വരണ്ട മരുഭൂ​മി​യിൽ വളരു​ന്ന​തും എക്കൽ പ്രദേ​ശ​ത്തോ പാറ​ക്കെ​ട്ടു​കൾ നിറഞ്ഞ പീഠഭൂ​മി​യി​ലോ തഴച്ചു​വ​ള​രു​ന്ന​തു​മായ സസ്യങ്ങൾ അതിൽ ഉൾപ്പെ​ടു​ന്നു. ആ പ്രദേ​ശത്ത്‌ ഏതാണ്ട്‌ 2,600 തരം ചെടികൾ കണ്ടെത്താ​നാ​വു​മെന്ന്‌ ഒരു സസ്യശാ​സ്‌ത്ര​വി​ദ​ഗ്‌ധൻ കണക്കാ​ക്കു​ന്നു! ആ ദേശത്ത്‌ ആദ്യം പര്യ​വേ​ക്ഷണം നടത്തിയ ഇസ്രാ​യേ​ല്യർ അതിന്റെ ഉത്‌പാ​ദ​ന​ശേ​ഷി​ക്കു തെളിവ്‌ ഉടനടി കണ്ടിരു​ന്നു. നീരോ​ട്ട​മുള്ള ഒരു താഴ്‌വ​ര​യിൽനിന്ന്‌ അവർ കൊണ്ടു​വന്ന ഒരു കുല മുന്തിരി, രണ്ടു​പേർകൂ​ടി ഒരു തണ്ടിന്മേൽ ചുമ​ക്കേ​ണ്ടി​വ​ര​ത്ത​ക്ക​വി​ധം അത്ര ഭാരമു​ള്ള​താ​യി​രു​ന്നു! “[മുന്തിരി]ക്കുല” എന്നർഥ​മുള്ള എസ്‌കോൽ എന്ന്‌ ആ താഴ്‌വ​ര​യ്‌ക്കു പേരി​ട്ടതു തികച്ചും ഉചിത​മാ​യി​രു​ന്നു. a—സംഖ്യാ​പു​സ്‌തകം 13:21-24.

എന്നാൽ അനുപ​മ​മായ ആ ദേശത്തി​ന്റെ, പ്രത്യേ​കി​ച്ചും ദക്ഷിണ ഭാഗത്തി​ന്റെ, ഭൂമി​ശാ​സ്‌ത്ര​പ​ര​മായ ചില സവി​ശേ​ഷ​തകൾ നമുക്കി​പ്പോൾ അടുത്തു വീക്ഷി​ക്കാം.

ഷെഫീല

വാഗ്‌ദ​ത്ത​ദേ​ശ​ത്തി​ന്റെ പശ്ചിമ തീരം മെഡി​റ്റ​റേ​നി​യൻ സമു​ദ്ര​തീ​ര​മാണ്‌. ഏതാണ്ടു 40 കിലോ​മീ​റ്റർ ഉള്ളിലാ​ണു ഷെഫീല. ഷെഫീല എന്ന പേരിന്റെ അർഥം “താഴ്‌വീ​തി” എന്നാ​ണെ​ങ്കി​ലും അതു വാസ്‌ത​വ​ത്തിൽ ഒരു മലമ്പ്ര​ദേ​ശ​മാണ്‌. കിഴക്കു ഭാഗത്തുള്ള യഹൂദാ കുന്നു​ക​ളോ​ടുള്ള താരത​മ്യ​ത്തിൽ മാത്രമേ അതിനെ ഒരു താഴ്‌വീ​തി​യെന്നു വിളി​ക്കാ​നാ​വൂ.

ഇതോ​ടൊ​പ്പ​മു​ള്ള പരി​ച്ഛേ​ദ​ഭൂ​പടം നോക്കി ഷെഫീ​ല​യ്‌ക്ക്‌ അതിനു ചുറ്റു​പാ​ടുള്ള പ്രദേ​ശ​ങ്ങ​ളു​മാ​യുള്ള ബന്ധം ശ്രദ്ധി​ക്കുക. കിഴക്ക്‌ യഹൂദാ കുന്നുകൾ; പടിഞ്ഞാറ്‌ ഫെലി​സ്‌ത്യ തീരസ​മ​തലം. അങ്ങനെ ഷെഫീല, ബൈബിൾ കാലങ്ങ​ളിൽ ദൈവ​ജ​നത്തെ അവരുടെ പുരാതന ശത്രു​ക്ക​ളിൽനി​ന്നു വേർതി​രി​ക്കുന്ന ഒരു സുരക്ഷി​ത​മേ​ഖ​ല​യാ​യി, ഒരു പ്രതി​ബ​ന്ധ​മാ​യി ഉതകി. പടിഞ്ഞാ​റു​നിന്ന്‌ ആക്രമി​ച്ചു​ക​ട​ക്കുന്ന ഏതൊരു സൈന്യ​ത്തി​നും ഇസ്രാ​യേ​ലി​ന്റെ തലസ്ഥാന നഗരി​യാ​യി​രുന്ന യെരു​ശ​ലേ​മി​നെ​തി​രെ നീങ്ങു​ന്ന​തി​നു​മു​മ്പു ഷെഫീ​ല​യി​ലൂ​ടെ കടന്നു​പോ​ക​ണ​മാ​യി​രു​ന്നു.

പൊ.യു.മു. ഒമ്പതാം നൂറ്റാ​ണ്ടിൽ അത്തര​മൊ​രു സംഭവം നടന്നു. ആരാം രാജാ​വായ ഹസായേൽ “പുറ​പ്പെട്ടു ഗത്തിനെ [സാധ്യ​ത​യ​നു​സ​രി​ച്ചു ഷെഫീ​ല​യു​ടെ അതിർത്തി​യിൽ] യുദ്ധം​ചെ​യ്‌തു പിടിച്ചു; ഹസായേൽ യെരൂ​ശ​ലേ​മി​ന്റെ നേരെ​യും വരേണ്ട​തി​നു ദൃഷ്ടി​വെച്ച”തായി ബൈബിൾ പറയുന്നു. ആലയത്തി​ലും കൊട്ടാ​ര​ത്തി​ലു​മുള്ള പലതരം മൂല്യ​വ​സ്‌തു​ക്കൾ കോഴ കൊടു​ത്തു​കൊ​ണ്ടു യെഹോ​വാശ്‌ രാജാവ്‌ ഹസാ​യേ​ലി​നെ ഒരു പ്രകാ​ര​ത്തിൽ തടഞ്ഞു​നിർത്തി. എന്നിരു​ന്നാ​ലും, യെരു​ശ​ലേ​മി​ന്റെ സുരക്ഷി​ത​ത്വ​ത്തി​നു ഷെഫീ​ല​യ്‌ക്കു നിർണാ​യ​ക​മായ പ്രാധാ​ന്യ​മു​ണ്ടാ​യി​രു​ന്നു​വെന്ന്‌ ആ വിവരണം കാണി​ക്കു​ന്നു.—2 രാജാ​ക്ക​ന്മാർ 12:17, 18.

ഇതിൽനി​ന്നു നമുക്ക്‌ ഒരു പ്രാ​യോ​ഗിക പാഠം പഠിക്കാ​നാ​വും. ഹസായേൽ യെരു​ശ​ലേം കീഴട​ക്കാൻ ആഗ്രഹി​ച്ചു. എന്നാൽ ആദ്യം അവൻ ഷെഫീ​ല​യി​ലൂ​ടെ കടന്നു​പോ​കേ​ണ്ടി​യി​രു​ന്നു. സമാന​മാ​യി, പിശാ​ചായ സാത്താൻ ദൈവ​ജ​നത്തെ ‘വിഴു​ങ്ങേ​ണ്ട​തി​നു തിരിഞ്ഞു ചുറ്റി​ന​ടക്കു’കയാണ്‌. എന്നാൽ ഒട്ടുമി​ക്ക​പ്പോ​ഴും അവൻ ആദ്യം ശക്തമായ ഒരു സുരക്ഷി​ത​മേ​ഖ​ല​യി​ലൂ​ടെ—മോശ​മായ സഹവാ​സ​വും ഭൗതി​ക​ത്വ​വും പോലുള്ള കാര്യങ്ങൾ സംബന്ധിച്ച ബൈബിൾ തത്ത്വങ്ങ​ളോ​ടുള്ള അവരുടെ പറ്റിനിൽക്കൽ—കടക്കേ​ണ്ട​തുണ്ട്‌. (1 പത്രൊസ്‌ 5:8; 1 കൊരി​ന്ത്യർ 15:33; 1 തിമൊ​ഥെ​യൊസ്‌ 6:10) ബൈബിൾ തത്ത്വങ്ങ​ളിൽ വിട്ടു​വീഴ്‌ച വരുത്തു​ന്ന​താ​ണു ഗുരു​ത​ര​മായ തെറ്റി​ലേ​ക്കുള്ള ആദ്യപടി. അതു​കൊണ്ട്‌ ആ സുരക്ഷി​ത​മേഖല സുരക്ഷി​ത​മാ​യി നിലനിർത്തുക. ബൈബിൾ തത്ത്വങ്ങൾ ഇന്നു പിൻപ​റ്റുക, അങ്ങനെ​യെ​ങ്കിൽ നാളെ നിങ്ങൾ ദൈവ​നി​യ​മങ്ങൾ ലംഘി​ക്കു​ക​യില്ല.

യഹൂദാ മലമ്പ്ര​ദേ​ശം

ഷെഫീ​ല​യിൽനി​ന്നു വീണ്ടും ഉള്ളിലാ​യി യഹൂദാ മലമ്പ്ര​ദേശം സ്ഥിതി​ചെ​യ്യു​ന്നു. മേത്തരം ധാന്യ​വും ഒലി​വെ​ണ്ണ​യും വീഞ്ഞും ഉത്‌പാ​ദി​പ്പി​ക്ക​പ്പെ​ട്ടി​രുന്ന ഒരു മലമ്പ്ര​ദേ​ശ​മാ​യി​രു​ന്നു അത്‌. അതിന്റെ ഉയരം നിമിത്തം യഹൂദ ശ്രേഷ്‌ഠ​മായ ഒരു അഭയസ്ഥാ​ന​വു​മാ​യി​രു​ന്നു. തന്മൂലം, യോഥാം രാജാവ്‌ അവിടെ “കോട്ട​ക​ളും ഗോപു​ര​ങ്ങ​ളും പണിതു.” പ്രക്ഷു​ബ്ധ​കാ​ല​ങ്ങ​ളിൽ ആളുകൾക്ക്‌ ഇവി​ടേക്കു സുരക്ഷി​ത​ത്വ​ത്തി​നാ​യി ഓടി​പ്പോ​കാൻ കഴിയു​മാ​യി​രു​ന്നു.—2 ദിനവൃ​ത്താ​ന്തം 27:4.

സീയോൻ എന്നും വിളി​ക്ക​പ്പെ​ട്ടി​രുന്ന യെരു​ശ​ലേം, യഹൂദാ മലമ്പ്ര​ദേ​ശത്തെ ഒരു പ്രധാന ഭാഗമാ​യി​രു​ന്നു. മൂന്നു വശത്തും കിഴു​ക്കാ​ന്തൂ​ക്കായ താഴ്‌വ​ര​ക​ളാ​ലും വടക്ക്‌, ഒന്നാം നൂറ്റാ​ണ്ടി​ലെ ചരി​ത്ര​കാ​ര​നായ ജോസീ​ഫസ്‌ പറയു​ന്ന​പ്ര​കാ​രം, തുടർച്ച​യായ മൂന്നു മതിലു​ക​ളാ​ലും ചുറ്റ​പ്പെ​ട്ടി​രുന്ന യെരു​ശ​ലേം സുരക്ഷി​ത​മാ​യി തോന്നി​ച്ചു. എന്നാൽ ഒരു അഭയസ്ഥാ​ന​ത്തി​നു സുരക്ഷി​ത​ത്വം നിലനിർത്താൻ ഭിത്തി​ക​ളെ​ക്കാ​ളും ആയുധ​ങ്ങ​ളെ​ക്കാ​ളും അധികം ആവശ്യ​മുണ്ട്‌. അതിൽ വെള്ളവു​മു​ണ്ടാ​യി​രി​ക്കണം. ഉപരോധ സമയത്ത്‌ ഇത്‌ അത്യന്താ​പേ​ക്ഷി​ത​മാണ്‌, കാരണം വെള്ളമി​ല്ലെ​ങ്കിൽ ഉപരോ​ധി​ക്ക​പ്പെട്ട പൗരന്മാർ പെട്ടെന്നു കീഴട​ങ്ങാൻ നിർബ​ന്ധി​ത​രാ​കും.

ശീലോ​ഹാം കുളത്തിൽനി​ന്നു യെരു​ശ​ലേ​മി​നു വെള്ളം ലഭിച്ചി​രു​ന്നു. എന്നുവ​രി​കി​ലും, പൊ.യു.മു. എട്ടാം നൂറ്റാ​ണ്ടിൽ, അസീറി​യ​ക്കാ​രു​ടെ ഉപരോ​ധം പ്രതീ​ക്ഷി​ച്ചു ഹിസ്‌കീ​യാ രാജാവ്‌ ശീലോ​ഹാം കുളത്തെ നഗരത്തി​നു​ള്ളി​ലാ​ക്കി ഒരു പുറമ​തിൽ നിർമി​ച്ചു​കൊണ്ട്‌ അതിനെ സംരക്ഷി​ച്ചു. അവൻ നഗരത്തി​നു പുറത്തുള്ള നീരു​റ​വു​ക​ളും അടച്ചു. തന്നിമി​ത്തം, ആക്രമി​ക​ളായ അസീറി​യ​ക്കാർ വെള്ളം കണ്ടെത്താൻ പെടാ​പ്പാ​ടു കഴി​ക്കേ​ണ്ടി​വ​രു​മാ​യി​രു​ന്നു.  (2 ദിനവൃ​ത്താ​ന്തം 32:2-5; യെശയ്യാ​വു 22:11) അതോടെ തീർന്നില്ല. കൂടു​ത​ലാ​യുള്ള വെള്ളം യെരു​ശ​ലേ​മി​നു​ള്ളി​ലേക്കു തിരി​ച്ചു​വി​ടു​ന്ന​തി​നു ഹിസ്‌കി​യാവ്‌ ഒരു മാർഗം കണ്ടുപി​ടി​ച്ചു!

ഗീഹോൻ നീരുറവ മുതൽ ദൂരെ ശീലോ​ഹാം കുളം​വരെ എത്തുന്ന ഒരു തുരങ്കം ഹിസ്‌കി​യാവ്‌ വെട്ടി​യു​ണ്ടാ​ക്കി, അത്‌ പുരാ​ത​ന​കാ​ലത്തെ ഏറ്റവും വലിയ എൻജി​നി​യ​റിങ്‌ വൈദ​ഗ്‌ധ്യ​ങ്ങ​ളിൽ ഒന്നായി വിശേ​ഷി​പ്പി​ക്ക​പ്പെ​ടു​ന്നു. b ശരാശരി 1.8 മീററർ ഉയരമുള്ള ഈ തുരങ്ക​ത്തിന്‌ 533 മീററർ നീളം ഉണ്ടായി​രു​ന്നു. ഒന്നു വിഭാ​വ​ന​ചെയ്യൂ—പാറയി​ലൂ​ടെ വെട്ടി​യു​ണ്ടാ​ക്കിയ ഏതാണ്ട്‌ അര കിലോ​മീ​റ്റർ നീളമുള്ള ഒരു തുരങ്കം! ഇന്ന്‌, ഏതാണ്ടു 2,700 വർഷങ്ങൾക്കു​ശേഷം യെരു​ശ​ലേ​മി​ലെ സന്ദർശ​കർക്കു ഹിസ്‌കി​യാ​വി​ന്റെ തുരങ്ക​മെന്നു പൊതു​വേ അറിയ​പ്പെ​ടുന്ന എൻജി​നി​യ​റിങ്‌ വൈദ​ഗ്‌ധ്യ​ത്തി​ലൂ​ടെ കടന്നു​പോ​കാൻ കഴിയും.—2 രാജാ​ക്ക​ന്മാർ 20:20; 2 ദിനവൃ​ത്താ​ന്തം 32:30.

യെരു​ശ​ലേ​മി​ലെ ജലവി​ത​രണം സംരക്ഷി​ക്കു​ന്ന​തി​നും വർധി​പ്പി​ക്കു​ന്ന​തി​നു​മുള്ള ഹിസ്‌കി​യാ​വി​ന്റെ ശ്രമങ്ങൾക്കു നമ്മെ ഒരു പ്രാ​യോ​ഗിക പാഠം പഠിപ്പി​ക്കാ​നാ​വും. യഹോവ “ജീവജ​ല​ത്തി​ന്റെ ഉറവാ”ണ്‌. (യിരെ​മ്യാ​വു 2:13) ബൈബി​ളി​ല​ട​ങ്ങി​യി​രി​ക്കുന്ന അവന്റെ ചിന്തകൾ ജീവൻ നിലനിർത്തു​ന്ന​വ​യാണ്‌. വ്യക്തി​പ​ര​മായ പഠനം അത്യന്താ​പേ​ക്ഷി​ത​മാ​യി​രി​ക്കു​ന്ന​തി​നു കാരണം അതാണ്‌. എന്നാൽ അധ്യയ​ന​ത്തി​നുള്ള അവസര​വും തത്‌ഫ​ല​മാ​യു​ണ്ടാ​കുന്ന അറിവും നിങ്ങളി​ലേക്കു വെറുതേ പ്രവഹി​ക്കു​ക​യില്ല. അതിന്‌ അവസര​മൊ​രു​ക്കു​ന്ന​തിന്‌ ഒരുപക്ഷേ നിങ്ങൾക്ക്‌ അത്യന്തം തിര​ക്കേ​റിയ നിങ്ങളു​ടെ ദിനച​ര്യ​യി​ലൂ​ടെ ‘തുരങ്കം വെട്ടി’യുണ്ടാ​ക്കേ​ണ്ട​താ​യി വന്നേക്കാം. (സദൃശ​വാ​ക്യ​ങ്ങൾ 2:1-5; എഫെസ്യർ 5:15, 16) ഒരിക്കൽ തുടക്ക​മി​ട്ടു​ക​ഴി​ഞ്ഞാൽ, വ്യക്തി​പ​ര​മായ പഠനത്തി​നു പ്രാധാ​ന്യം നൽകി​ക്കൊ​ണ്ടു നിങ്ങളു​ടെ പട്ടിക​യോ​ടു പറ്റിനിൽക്കുക. ആരെങ്കി​ലും അല്ലെങ്കിൽ എന്തെങ്കി​ലും വില​യേ​റിയ ഈ ജലവി​ത​രണം നിങ്ങളിൽനി​ന്നു കവർന്നെ​ടു​ക്കാ​തി​രി​ക്കാൻ ജാഗരൂ​ക​രാ​യി​രി​ക്കുക.—ഫിലി​പ്പി​യർ 1:9, 10.

മരു​പ്ര​ദേ​ശ​ങ്ങൾ

യഹൂദാ കുന്നു​കൾക്കു കിഴക്കാ​ണു “മരുഭൂ​മി” എന്നർഥ​മുള്ള, യെശി​മോൻ എന്നുകൂ​ടി വിളി​ക്ക​പ്പെ​ടുന്ന യഹൂദാ മരുഭൂ​മി. (1 ശമൂവേൽ 23:19, NW, അടിക്കു​റിപ്പ്‌) ഉപ്പുക​ട​ലിൽനിന്ന്‌ ഈ ഊഷര പ്രദേശം പരുക്കൻ വക്കുക​ളോ​ടു​കൂ​ടിയ ചെങ്കു​ത്തായ പാറക​ളു​ടെ ദൃശ്യം പകരുന്നു. വെറും 24 കിലോ​മീ​റ്റ​റി​നു​ള്ളിൽ ഏതാണ്ട്‌ 1,200 മീറ്റർ ഉയരം കുറയുന്ന യഹൂദാ മരുഭൂ​മി വടക്കു​നി​ന്നുള്ള മഴക്കാ​റ്റു​കൾ അടിക്കാ​തെ സംരക്ഷി​ക്ക​പ്പെ​ട്ടി​രി​ക്കു​ന്നു. തന്മൂലം തുച്ഛമായ അളവിലേ അവിടെ മഴ ലഭിക്കു​ന്നു​ള്ളൂ. വാർഷിക പാപപ​രി​ഹാര ദിവസം അസസ്സേ​ലി​നുള്ള കോലാ​ട്ടു​കൊ​റ്റനെ അയച്ചി​രു​ന്നത്‌ ഈ മരുഭൂ​മി​യി​ലേ​ക്കാ​ണെ​ന്ന​തി​നു യാതൊ​രു സംശയ​വു​മില്ല. ദാവീദ്‌ ശൗൽരാ​ജാ​വിൽനിന്ന്‌ ഓടി​പ്പോ​യ​തും ഇവി​ടേ​ക്കാണ്‌. യേശു 40 ദിവസം ഉപവസി​ക്കു​ക​യും അതിനു​ശേഷം പിശാ​ചി​നാൽ പ്രലോ​ഭി​പ്പി​ക്ക​പ്പെ​ടു​ക​യും ചെയ്‌തത്‌ ഇവി​ടെ​യാണ്‌.—ലേവ്യ​പു​സ്‌തകം 16:21, 22; സങ്കീർത്തനം 63, മേലെ​ഴുത്ത്‌; മത്തായി 4:1-11.

 യഹൂദാ മരുഭൂ​മിക്ക്‌ ഏകദേശം 160 കിലോ​മീ​റ്റർ തെക്കു​പ​ടി​ഞ്ഞാ​റു പാരാൻ മരുഭൂ​മി​യാണ്‌. ഈജി​പ്‌തിൽനി​ന്നു വാഗ്‌ദ​ത്ത​ദേ​ശ​ത്തേ​ക്കുള്ള 40 വർഷത്തെ പ്രയാ​ണ​ത്തിൽ ഇസ്രാ​യേ​ല്യ​രു​ടെ നിരവധി പാളയ​സ്ഥ​ലങ്ങൾ സ്ഥിതി​ചെ​യ്‌തി​രു​ന്നത്‌ ഇവി​ടെ​യാണ്‌. (സംഖ്യാ​പു​സ്‌തകം 33:1-49) “അഗ്നിസർപ്പ​വും തേളും വെള്ളമി​ല്ലാ​തെ വരൾച്ച​യും ഉള്ള വലിയ​തും ഭയങ്കര​വു​മായ മരുഭൂ​മി”യെക്കു​റി​ച്ചു മോശ എഴുതി. (ആവർത്ത​ന​പു​സ്‌തകം 8:15) ലക്ഷക്കണ​ക്കിന്‌ ഇസ്രാ​യേ​ല്യർക്ക്‌ അതിജീ​വി​ക്കാൻ കഴിഞ്ഞത്‌ അത്ഭുതം​തന്നെ! എങ്കിലും യഹോവ അവരെ പരിപാ​ലി​ച്ചു.

യഹോ​വ​യ്‌ക്കു നമ്മെയും ആത്മീയ​മാ​യി ഊഷര​മാ​യി​രി​ക്കുന്ന ഈ ലോക​ത്തിൽപ്പോ​ലും പരിപാ​ലി​ക്കാൻ കഴിയു​മെ​ന്നു​ള്ള​തി​ന്റെ ഓർമി​പ്പി​ക്ക​ലാ​യി ഇത്‌ ഉതകട്ടെ. അതേ, അക്ഷരീ​യ​മാ​യ​ല്ലെ​ങ്കി​ലും നാമും സർപ്പങ്ങൾക്കും തേളു​കൾക്കു​മി​ട​യി​ലൂ​ടെ​യാ​ണു നടക്കു​ന്നത്‌. നമ്മുടെ ചിന്തകളെ അനായാ​സം ബാധി​ച്ചേ​ക്കാ​വുന്ന വിഷവ​ത്തായ വാക്കുകൾ വമിപ്പി​ക്കാൻ യാതൊ​രു സങ്കോ​ച​വു​മി​ല്ലാത്ത ആളുക​ളു​മാ​യി നമുക്കു നിരന്തര സമ്പർക്ക​ത്തി​ലേർപ്പെ​ടേ​ണ്ട​താ​യി വന്നേക്കാം. (എഫെസ്യർ 5:3, 4; 1 തിമൊ​ഥെ​യൊസ്‌ 6:20) ഇത്തരം പ്രതി​ബ​ന്ധ​ങ്ങൾക്കു മധ്യേ​യും യഹോ​വയെ സേവി​ക്കാൻ കിണഞ്ഞു​പ​രി​ശ്ര​മി​ക്കു​ന്ന​വരെ അഭിന​ന്ദി​ക്കേ​ണ്ട​തുണ്ട്‌. യഹോവ തങ്ങളെ വാസ്‌ത​വ​മാ​യും പരിപാ​ലി​ക്കു​ന്നു​വെ​ന്ന​തി​ന്റെ ശക്തമായ തെളി​വാണ്‌ അവരുടെ വിശ്വ​സ്‌തത.

കർമേൽ കുന്നുകൾ

കർമേൽ എന്ന പേരിന്റെ അർഥം “ഫലവൃ​ക്ഷ​ത്തോപ്പ്‌” എന്നാണ്‌. ഫലപു​ഷ്ടി​യുള്ള ഈ പ്രദേ​ശ​ത്തി​ന്റെ വടക്കോട്ട്‌ ഏതാണ്ട്‌ 50 കിലോ​മീ​റ്റർ മുന്തി​രി​ത്തോ​പ്പു​കൾ, ഒലിവു​മ​രങ്ങൾ, ഫലവൃ​ക്ഷങ്ങൾ എന്നിവ​യാൽ അലങ്കൃ​ത​മാണ്‌. ഈ മലമ്പ്ര​ദേ​ശ​ത്തി​ന്റെ മുനമ്പ്‌ അതിന്റെ ചാരു​ത​യി​ലും മനോ​ഹാ​രി​ത​യി​ലും അവിസ്‌മ​ര​ണീ​യ​മാണ്‌. ഫലസമൃ​ദ്ധി​യാർന്ന, പുനഃ​സ്ഥാ​പിത ഇസ്രാ​യേൽദേ​ശ​ത്തി​ന്റെ മഹത്ത്വ​ത്തി​ന്റെ ഒരു പ്രതീ​ക​മാ​യി ‘കർമ്മേ​ലി​ന്റെ മഹത്വ’ത്തെക്കു​റി​ച്ചു യെശയ്യാ​വു 35:2 വർണി​ക്കു​ന്നു.

ശ്രദ്ധേ​യ​മാ​യ നിരവധി സംഭവങ്ങൾ കർമേ​ലിൽ അരങ്ങേറി. ഏലിയാവ്‌ ബാലിന്റെ പ്രവാ​ച​ക​ന്മാ​രെ വെല്ലു​വി​ളി​ച്ച​തും യഹോ​വ​യു​ടെ പരമോ​ന്ന​ത​ത്വ​ത്തി​ന്റെ തെളി​വാ​യി “യഹോ​വ​യു​ടെ തീ ഇറങ്ങി”യതും ഇവി​ടെ​യാ​യി​രു​ന്നു. ഒരു വന്മഴയാ​യി​ത്തീർന്ന ചെറു​മേ​ഘ​ത്തി​ലേക്ക്‌ ഏലിയാവ്‌ ശ്രദ്ധ ക്ഷണിച്ച​തും അങ്ങനെ ഇസ്രാ​യേ​ലി​ലെ വരൾച്ച അത്ഭുത​ക​ര​മാ​യി അവസാ​നി​പ്പി​ച്ച​തും കർമേ​ലി​ന്റെ മുകളിൽനി​ന്നാ​യി​രു​ന്നു. (1 രാജാ​ക്ക​ന്മാർ 18:17-46) ഏലിയാ​വി​ന്റെ പിൻഗാ​മി​യായ എലീശാ കർമേൽ പർവത​ത്തി​ലാ​യി​രി​ക്കു​മ്പോ​ഴാ​ണു ശൂനേം​കാ​രി തന്റെ മരിച്ചു​പോയ കുട്ടി​ക്കാ​യി സഹായം അഭ്യർഥി​ച്ചു​കൊണ്ട്‌ എലീശാ​യെ സന്ദർശി​ച്ചത്‌. എലീശാ പിന്നീട്‌ ആ കുട്ടിയെ ഉയിർപ്പി​ച്ചു.—2 രാജാ​ക്ക​ന്മാർ 4:8, 20, 25-37.

കർമേ​ലി​ന്റെ കുന്നിൻചെ​രി​വു​ക​ളിൽ ഇപ്പോ​ഴും ഫലവൃ​ക്ഷ​ത്തോ​പ്പു​ക​ളും ഒലിവ്‌ വൃക്ഷ​ത്തോ​പ്പു​ക​ളും മുന്തി​രി​ത്തോ​പ്പു​ക​ളും ഉണ്ട്‌. വസന്തകാ​ലത്ത്‌ ഈ മലഞ്ചെ​രു​വു​കൾ പുഷ്‌പ​ങ്ങൾകൊ​ണ്ടുള്ള പരവതാ​നി​യാൽ ആവരണം ചെയ്യ​പ്പെ​ടു​ന്നതു മനോ​മോ​ഹ​ന​മായ ദൃശ്യ​മാണ്‌. ‘നിന്റെ ശിരസ്സു കർമ്മേൽപോ​ലെ ഇരിക്കു​ന്നു’ എന്നു ശലോ​മോൻ ശൂലേമ്യ കന്യക​യോ​ടു പറഞ്ഞു. അവളുടെ തഴച്ചു​വ​ളർന്ന തലമു​ടി​യെ അർഥമാ​ക്കി​ക്കൊണ്ട്‌ അല്ലെങ്കിൽ ഐശ്വ​ര്യ​ഗം​ഭീ​ര​മാ​യി കഴുത്തിൽനിന്ന്‌ ഉയർന്നു​നിൽക്കുന്ന ആകാര​ഭം​ഗി​യുള്ള ശിരസ്സി​നെ അർഥമാ​ക്കി​ക്കൊ​ണ്ടാ​യി​രി​ക്കാം അവൻ അങ്ങനെ പറഞ്ഞത്‌.—ഉത്തമഗീ​തം 7:5.

കർമേൽ കുന്നു​ക​ളു​ടെ സവി​ശേ​ഷ​ത​യാ​യി​രുന്ന മഹത്ത്വം യഹോവ തന്റെ ആരാധ​ക​രു​ടെ ആധുനി​ക​കാല സ്ഥാപന​ത്തി​ന്മേൽ വർഷി​ച്ചി​രി​ക്കുന്ന ആത്മീയ സൗന്ദര്യ​ത്തെ​ക്കു​റി​ച്ചു നമ്മെ ഓർമി​പ്പി​ക്കു​ന്നു. (യെശയ്യാ​വു 35:1, 2) യഹോ​വ​യു​ടെ സാക്ഷികൾ ഇന്നു വാസ്‌ത​വ​മാ​യും ആത്മീയ പറുദീ​സ​യി​ലാ​ണു പാർക്കു​ന്നത്‌. മാത്രമല്ല, “അളവു​നൂൽ എനിക്കു മനോ​ഹ​ര​ദേ​ശത്തു വീണി​രി​ക്കു​ന്നു; അതേ, എനിക്കു നല്ലോ​ര​വ​കാ​ശം ലഭിച്ചി​രി​ക്കു​ന്നു” എന്നെഴു​തിയ ദാവീദ്‌ രാജാ​വി​ന്റെ ചേതോ​വി​കാ​ര​ത്തോട്‌ അവർ യോജി​ക്കു​ന്നു.—സങ്കീർത്തനം 16:6.

പുരാതന ഇസ്രാ​യേ​ല്യർ ദൈവ​ത്തി​ന്റെ ശത്രു​ക്ക​ളിൽനി​ന്നു തുടർച്ച​യായ എതിർപ്പു നേരി​ട്ടി​രു​ന്ന​തു​പോ​ലെ ഇന്നു ദൈവ​ത്തി​ന്റെ ആത്മീയ ജനത കണിശ​മാ​യും അഭിമു​ഖീ​ക​രി​ക്കേണ്ട  ദുഷ്‌ക​ര​മായ വെല്ലു​വി​ളി​ക​ളു​ണ്ടെ​ന്നതു വാസ്‌ത​വം​തന്നെ. എങ്കിലും, യഹോവ പ്രദാനം ചെയ്‌തി​രി​ക്കുന്ന അനു​ഗ്ര​ഹങ്ങൾ സത്യ​ക്രി​സ്‌ത്യാ​നി​കൾ ഒരിക്ക​ലും മറന്നു​ക​ള​യു​ന്നില്ല. ബൈബിൾ സത്യത്തി​ന്റെ എന്നെന്നും വർധി​ച്ചു​വ​രുന്ന പ്രകാശം, ലോക​വ്യാ​പക സാഹോ​ദ​ര്യം, പറുദീ​സാ​ഭൂ​മി​യി​ലെ നിത്യ​ജീ​വൻ നേടു​ന്ന​തി​നുള്ള അവസരം എന്നിവ അതിൽ ഉൾപ്പെ​ടു​ന്നു.—സദൃശ​വാ​ക്യ​ങ്ങൾ 4:18; യോഹ​ന്നാൻ 3:16; 13:35.

“യഹോ​വ​യു​ടെ തോട്ടം​പോ​ലെ”

പുരാതന വാഗ്‌ദ​ത്ത​ദേശം മനംക​വ​രു​ന്ന​താ​യി​രു​ന്നു. “പാലും തേനും ഒഴുകുന്ന ദേശ”മെന്ന്‌ അതിനെ വർണി​ച്ചതു തികച്ചും ഉചിത​മാണ്‌. (ഉല്‌പത്തി 13:10; പുറപ്പാ​ടു 3:8) അതിനെ “നല്ലോരു ദേശ”മെന്നും “താഴ്‌വ​ര​യിൽനി​ന്നും മലയിൽനി​ന്നും പുറ​പ്പെ​ടുന്ന നീരൊ​ഴു​ക്കു​ക​ളും ഉറവു​ക​ളും തടാക​ങ്ങ​ളും ഉള്ള ദേശം; കോത​മ്പും യവവും മുന്തി​രി​വ​ള്ളി​യും അത്തിവൃ​ക്ഷ​വും മാതള​നാ​ര​ക​വും ഉള്ള ദേശം; ഒലിവു​വൃ​ക്ഷ​വും തേനും ഉള്ള ദേശം; സുഭി​ക്ഷ​മാ​യി ഉപജീ​വനം കഴിയാ​കു​ന്ന​തും ഒന്നിനും കുറവി​ല്ലാ​ത്ത​തു​മായ ദേശം; കല്ലു ഇരിമ്പാ​യി​രി​ക്കു​ന്ന​തും മലകളിൽനി​ന്നു താമ്രം വെട്ടി എടുക്കു​ന്ന​തു​മായ ദേശം” എന്നും മോശ വിളിച്ചു.—ആവർത്ത​ന​പു​സ്‌തകം 8:7-9.

യഹോ​വ​യ്‌ക്കു തന്റെ പുരാതന ജനത്തിന്‌ അത്തരം സമൃദ്ധ​വും മനോ​ഹ​ര​വു​മായ മാതൃ​ദേശം പ്രദാനം ചെയ്യാൻ കഴി​ഞ്ഞെ​ന്നു​വ​രി​കിൽ, മലകളും താഴ്‌വ​ര​ക​ളും നദിക​ളും തടാക​ങ്ങ​ളു​മുള്ള ഭൂവ്യാ​പ​ക​മായ ഒരു മഹനീയ പറുദീസ തന്റെ ആധുനിക വിശ്വസ്‌ത ദാസർക്കു നൽകാൻ തീർച്ച​യാ​യും അവനു കഴിയും. അതേ, വൈവി​ധ്യ​മാർന്ന പുരാതന വാഗ്‌ദ​ത്ത​ദേശം, ഇന്ന്‌ അവന്റെ സാക്ഷികൾ ആസ്വദി​ക്കുന്ന ആത്മീയ പറുദീ​സ​യു​ടെ​യും പുതി​യ​ലോ​ക​ത്തി​ലെ ഭാവി പറുദീ​സ​യു​ടെ​യും മുൻമാ​തൃക മാത്ര​മാ​യി​രു​ന്നു. സങ്കീർത്തനം 37:29-ൽ രേഖ​പ്പെ​ടു​ത്തി​യി​രി​ക്കുന്ന പിൻവ​രുന്ന വാഗ്‌ദത്തം അവിടെ നിറ​വേ​റും: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” യഹോവ ആ പറുദീ​സാ ഭവനം അനുസ​ര​ണ​മുള്ള മനുഷ്യ​വർഗ​ത്തി​നു നൽകു​മ്പോൾ എന്നെന്നും അതിന്റെ “മുറികൾ” എല്ലാം പരി​ശോ​ധി​ക്കാൻ കഴിയു​ന്ന​തിൽ അവർ എത്ര സന്തുഷ്ട​രാ​യി​രി​ക്കും!

[അടിക്കു​റി​പ്പു​കൾ]

[4-ാം പേജിലെ ഭൂപടം]

ഗലീല

കർമേൽ പർവതം

ഗലീലാ ക്കടൽ

ശമര്യ

ഷെഫീല

യഹൂദാ പർവതങ്ങൾ

ഉപ്പു കടൽ

[കടപ്പാട്‌]

NASA photo

[4-ാം പേജിലെ ഭൂപടം]

ഷെഫീല ദൈവ​ജ​ന​ത്തി​നും അവരുടെ ശത്രു​ക്കൾക്കു​മി​ട​യി​ലുള്ള പ്രതി​ബ​ന്ധ​മാ​യി​രു​ന്നു

മൈ. 0 5 10

കി.മീ. 0 8 16

ഫെലിസ്‌ത്യ സമതലം

ഷെഫീല

യഹൂദാ മലമ്പ്ര​ദേ​ശം

യഹൂദാ മരുഭൂ​മി

ഭ്രംശ താഴ്‌വര

ഉപ്പുകടൽ

അമ്മോന്റെയും മോവാ​ബി​ന്റെ​യും ദേശം

 [5-ാം പേജിലെ ഭൂപടം/ചിത്രം]

ഹിസ്‌കിയാവിന്റെ തുരങ്കം: 1,749 അടി നീളത്തിൽ കട്ടിയായ പാറ വെട്ടി​യു​ണ്ടാ​ക്കി​യത്‌

ടൈറോപ്പോസൻ താഴ്‌വര

ശീലോഹാം

ദാവീദിന്റെ നഗരം

കിദ്രോൻ താഴ്‌വര

ഗീഹോൻ

[6-ാം പേജിലെ ചിത്രങ്ങൾ]

യഹൂദാ മരുഭൂ​മി​യിൽ ശൗലിൽനി​ന്നു ദാവീദ്‌ അഭയം തേടി. പിന്നീട്‌ ഇവി​ടെ​വെച്ച്‌ യേശു പിശാ​ചി​നാൽ പ്രലോ​ഭി​പ്പി​ക്ക​പ്പെട്ടു

[കടപ്പാട്‌]

Pictorial Archive (Near Eastern History) Est.

[7-ാം പേജിലെ ചിത്രങ്ങൾ]

ഏലിയാവ്‌, ബാലിന്റെ പ്രവാ​ച​ക​ന്മാ​രെ അപമാ​നിച്ച കർമേൽ പർവതം

[കടപ്പാട്‌]

Pictorial Archive (Near Eastern History) Est.

[8-ാം പേജിലെ ചിത്രങ്ങൾ]

“യഹോവ നല്ലോരു ദേശ​ത്തേ​ക്ക​ല്ലോ നിന്നെ കൊണ്ടു​പോ​കു​ന്നതു; അതു താഴ്‌വ​ര​യിൽനി​ന്നും മലയിൽനി​ന്നും പുറ​പ്പെ​ടുന്ന നീരൊ​ഴു​ക്കു​ക​ളും ഉറവു​ക​ളും തടാക​ങ്ങ​ളും ഉള്ള ദേശം.”—ആവർത്ത​ന​പു​സ്‌തകം 8:7