‘സ്വന്തകു​ടും​ബ​ക്കാർക്കു വേണ്ടി കരുതൽ’—വികസ്വര രാജ്യ​ങ്ങ​ളിൽ വെല്ലു​വി​ളി​യെ നേരിടൽ

“തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു” എന്നു പൗലോസ്‌ അപ്പോ​സ്‌തലൻ പറഞ്ഞു. (1 തിമൊ​ഥെ​യൊസ്‌ 5:8) സമ്പന്ന രാജ്യ​ങ്ങ​ളിൽ ഒരു കുടും​ബത്തെ പുലർത്തു​ന്നത്‌ അധിക​മ​ധി​കം ദുഷ്‌ക​ര​മാ​യി തീർന്നി​രി​ക്കെ, ഒരു വികസ്വര രാജ്യത്ത്‌ അതു മിക്ക​പ്പോ​ഴും കൂടുതൽ ഭയങ്കര​മായ വെല്ലു​വി​ളി ഉയർത്തു​ന്നു.

ഉദാഹ​ര​ണ​ത്തിന്‌, ആഫ്രി​ക്ക​യിൽ സാമ്പത്തിക ബുദ്ധി​മു​ട്ടു മിക്ക​പ്പോ​ഴും സാധാരണ സ്ഥിതി​വി​ശേ​ഷ​മാണ്‌, അസാധാ​ര​ണമല്ല. തൊഴി​ലു​കൾ വിരളം. തൊഴിൽ ലഭ്യമാ​യി​രി​ക്കു​മ്പോൾതന്നെ, കേവലം അഹോ​വൃ​ത്തി​ക്കാ​യി ഭർത്താ​വും ഭാര്യ​യും തൊഴിൽ ചെയ്യേ​ണ്ടി​വ​രു​ന്നു. കുടും​ബ​നാ​ഥ​ന്മാർ തൊഴിൽ കണ്ടെത്തു​ന്ന​തി​നു തങ്ങളുടെ ഇണക​ളെ​യും കുട്ടി​ക​ളെ​യും മാസങ്ങ​ളോ​ളം അല്ലെങ്കിൽ വർഷങ്ങ​ളോ​ളം തനിച്ചാ​ക്കി ദീർഘ​ദൂ​രം യാത്ര ചെയ്യേ​ണ്ട​താ​യി വന്നേക്കാം. വേണ്ടത്ര താമസ​സൗ​ക​ര്യം കണ്ടെത്തു​ന്ന​തും പ്രയാ​സ​ക​ര​മാ​യി​രി​ക്കാം. മിക്ക ആഫ്രിക്കൻ കുടും​ബ​ങ്ങ​ളും വലുതാണ്‌; വീടു​ക​ളിൽ മരുങ്ങു​തി​രി​യാൻ ഇടമില്ല, അടിസ്ഥാന സൗകര്യ​ങ്ങൾ പോലു​മില്ല. അനാ​രോ​ഗ്യ അവസ്ഥകൾ മുന്നി​ട്ടു​നിൽക്കു​ന്നു.

കൂടാതെ, പ്രാ​ദേ​ശിക ആചാരങ്ങൾ, ദീർഘ​കാല പാരമ്പ​ര്യ​ങ്ങൾ, പൊതു​വീ​ക്ഷ​ണങ്ങൾ എന്നിവ ദൈവ​വ​ച​ന​മായ ബൈബി​ളി​ന്റെ ആദർശ​ത്തി​നെ​തി​രാ​യി​രി​ക്കും. വിവാ​ഹ​ത്തെ​യും കുട്ടി​ക​ളെ​യും കുറിച്ചു നിലവി​ലുള്ള ചില മനോ​ഭാ​വ​ങ്ങ​ളെ​ക്കു​റി​ച്ചു പരിചി​ന്തി​ക്കുക. വാടക കൊടു​ക്കു​ന്ന​തി​നും നിർബ​ന്ധിത സ്‌കൂൾ ഫീസ്‌ കൊടു​ക്കു​ന്ന​തി​നു​മുള്ള ഉത്തരവാ​ദി​ത്വം മാത്രമേ തങ്ങൾക്കു​ള്ളൂ എന്നു ചില കുടും​ബ​നാ​ഥ​ന്മാർ വിശ്വ​സി​ക്കു​ന്നു. ഭക്ഷണവും വസ്‌ത്ര​വും പോലുള്ള അടിസ്ഥാന ആവശ്യങ്ങൾ നിറ​വേ​റ്റേ​ണ്ട​താ​കട്ടെ ഭാര്യ​മാ​രും—ചില​പ്പോൾ മുതിർന്ന കുട്ടി​ക​ളും.

മാത്രമല്ല, ചില ഭർത്താ​ക്ക​ന്മാ​രു​ടെ വീക്ഷണം ഇങ്ങനെ​യാണ്‌: “എന്റെ പണം എന്റെ സ്വന്തമാണ്‌, നിന്റെ പണവും എന്റേതാണ്‌.” ഇതു മിക്ക​പ്പോ​ഴും, വരുമാ​നം ഉണ്ടാക്കുന്ന ഭാര്യ​മാ​രെ ചൊടി​പ്പി​ക്കുന്ന സംഗതി​യാണ്‌. “പണം മദ്യപാ​ന​ത്തി​നു​വേ​ണ്ടി​യാ​ണു ചെലവ​ഴി​ക്കു​ന്നത്‌, ഞങ്ങൾക്കോ കുട്ടി​കൾക്കോ വേണ്ടിയല്ല. ഞങ്ങൾ ജോലി പങ്കിടു​ന്നു അല്ലെങ്കിൽ അതില​ധി​ക​പ​ങ്കും ചെയ്യുന്നു. എന്നാൽ പണമെ​ല്ലാം തന്റേതാണ്‌, താനാണ്‌ അത്‌ ഉണ്ടാക്കി​യത്‌ എന്നു പറഞ്ഞു​കൊ​ണ്ടു മൊത്തം പണവും അദ്ദേഹം കൈക്ക​ലാ​ക്കു​ന്നു” എന്ന്‌ ഒരു ടാൻസാ​നി​യ​ക്കാ​രി പരാതി​പ്പെട്ടു.

എന്നുവ​രി​കി​ലും, ക്രിസ്‌ത്യാ​നി​കൾ ദൈവ​വ​ച​ന​ത്തി​നു പ്രാ​ദേ​ശിക സംസ്‌കാ​ര​ത്തെ​ക്കാൾ അല്ലെങ്കിൽ പൊതു അഭി​പ്രാ​യ​ത്തെ​ക്കാൾ മുൻതൂ​ക്കം കൊടു​ക്കു​ന്നു. ഒരുവന്റെ കുടും​ബ​ത്തി​നു​വേണ്ടി കരുതു​ന്നതു സംബന്ധി​ച്ചു ബൈബിൾ സഹായ​ക​മായ മാർഗ​ദർശനം പകരുന്നു. ഉദാഹ​ര​ണ​ത്തിന്‌, “മക്കൾ മാതാ​പി​താ​ക്കൻമാർക്കു​വേ​ണ്ടി​യല്ല സമ്പാദി​ക്കേ​ണ്ടത്‌; മറിച്ച്‌ മാതാ​പി​താ​ക്കൻമാർ മക്കൾക്കു​വേ​ണ്ടി​യാണ്‌” എന്ന്‌ അതു പറയുന്നു. (2 കൊരി​ന്ത്യർ 12:14, പി.ഒ.സി. ബൈബിൾ) അതു​കൊണ്ട്‌, വേല ചെയ്യാൻ പ്രാപ്‌ത​രായ ദൈവ​ഭ​യ​മുള്ള പുരു​ഷ​ന്മാർ, കുടും​ബാം​ഗ​ങ്ങൾക്കു​വേണ്ട ഭക്ഷണവും വസ്‌ത്ര​വും പ്രദാനം ചെയ്യു​ന്ന​തി​നുള്ള ഉത്തരവാ​ദി​ത്വം മടി നിമിത്തം ഭാര്യ​മാ​രു​ടെ​യോ മുതിർന്ന കുട്ടി​ക​ളു​ടെ​യോ തോളിൽ വയ്‌ക്കു​ന്നില്ല; അതു സ്‌പഷ്ട​മാ​യും കുടും​ബ​നാ​ഥന്റെ ഉത്തരവാ​ദി​ത്വ​മാണ്‌.—1 കൊരി​ന്ത്യർ 11:3.

ഒരു ഭർത്താ​വി​ന്റെ വരുമാ​നം കുടുംബ ആവശ്യ​ങ്ങൾക്കെ​ല്ലാം പര്യാ​പ്‌ത​മ​ല്ലെന്നു വന്നേക്കാ​മെ​ന്നതു സത്യം​തന്നെ. എന്നാൽ, അയാളു​ടെ ഭാര്യ ലൗകിക തൊഴിൽചെ​യ്‌തു പണം സമ്പാദി​ക്കു​ന്ന​പക്ഷം ഒരു ക്രിസ്‌തീയ പുരുഷൻ നീരസ​പ്പെ​ടു​ന്നില്ല. മറിച്ച്‌ അയാൾ ആദരണീ​യ​യായ ഒരു “കൂട്ടാളി”യെന്ന നിലയിൽ അവളോട്‌ ഇടപെ​ടു​ന്നു. (മലാഖി 2:14) അങ്ങനെ, അവൾ കഠിനാ​ധ്വാ​ന​ത്തി​ലൂ​ടെ സമ്പാദിച്ച പണം അയാൾ നിർദാ​ക്ഷി​ണ്യം എടുക്കു​ക​യും അവളുടെ വികാ​രങ്ങൾ കാര്യ​മാ​ക്കാ​തെ അതു ദുർവ്യ​യം ചെയ്യു​ക​യു​മില്ല. നേരേ​മ​റിച്ച്‌, അയാളും ഭാര്യ​യും ‘കൂടി​യാ​ലോ​ചി’ക്കുകയും തങ്ങളുടെ പണം മുഴു കുടും​ബ​ത്തി​ന്റെ​യും പ്രയോ​ജ​ന​ത്തി​നു​വേണ്ടി എങ്ങനെ ഏറ്റവും മെച്ചമാ​യി ഉപയോ​ഗി​ക്കാ​നാ​വു​മെന്നു നിർണ​യി​ക്കു​ക​യും ചെയ്യും. (സദൃശ​വാ​ക്യ​ങ്ങൾ 13:10) സാധ്യ​മാ​യി​രി​ക്കു​ന്നി​ടത്ത്‌, ബൈബിൾ കാലങ്ങ​ളി​ലെ “സാമർത്ഥ്യ​മുള്ള ഭാര്യ” ആസ്വദി​ച്ചി​രു​ന്ന​വണ്ണം ഒരു പരിധി​വരെ സാമ്പത്തിക സ്വാത​ന്ത്ര്യം​പോ​ലും ഒരു ഭർത്താവു ഭാര്യ​യ്‌ക്ക്‌ അനുവ​ദി​ക്കു​ന്നു. (സദൃശ​വാ​ക്യ​ങ്ങൾ 31:10, 11, 16) അത്തരം കാര്യ​ങ്ങ​ളിൽ ബൈബിൾ  ബുദ്ധ്യു​പ​ദേ​ശങ്ങൾ പിൻപ​റ്റു​ന്നതു കുടുംബ സന്തുഷ്ടി​യും സംതൃ​പ്‌തി​യും വളർത്തു​ന്നു.

തൊഴി​ലി​ല്ലാ​യ്‌മ​യു​ടെ വെല്ലു​വി​ളി​കൾ അഭിമു​ഖീ​ക​രി​ക്കൽ

തൊഴി​ലി​ല്ലായ്‌മ എന്ന പ്രശ്‌ന​ത്തെ​ക്കു​റി​ച്ചു പരിചി​ന്തി​ക്കുക. തൊഴി​ലു​കൾ വിരള​വും വേതനം കുറവു​മാ​യി​രി​ക്കെ, നിരവധി ആഫ്രിക്കൻ കുടും​ബ​നാ​ഥ​ന്മാർ വീട്ടിൽനി​ന്നു വളരെ​യ​കലെ—ഖനിക​ളി​ലും ഫാക്ടറി​ക​ളി​ലും കൃഷി​യി​ട​ങ്ങ​ളി​ലും തോട്ട​ങ്ങ​ളി​ലും—ജോലി തേടി​യി​രി​ക്കു​ന്നു. ഒരു ക്രിസ്‌ത്യാ​നി​യാണ്‌ ആ സ്ഥാന​ത്തെ​ങ്കിൽ താൻ സഹ ആരാധ​ക​രിൽനിന്ന്‌ ഒറ്റപ്പെ​ട്ടി​രി​ക്കു​ന്ന​താ​യും വളരെ​യ​ധി​കം മോശ​മായ സഹവാ​സ​ത്തി​നു വിധേ​യ​നാ​യി​രി​ക്കു​ന്ന​താ​യും കണ്ടെത്തും. (സദൃശ​വാ​ക്യ​ങ്ങൾ 18:1; 1 കൊരി​ന്ത്യർ 15:33) അദ്ദേഹ​ത്തി​ന്റെ കുടും​ബം കാര്യാ​ദി​കൾ അനായാ​സം നിറ​വേ​റ്റാൻ ശ്രമി​ക്കു​ന്നെ​ങ്കി​ലും ആത്‌മീയ നേതൃ​ത്വം വഹിക്കാ​നോ വൈകാ​രിക പിന്തുണ നൽകാ​നോ കുടും​ബ​ത്തിൽ പിതാ​വി​ല്ലാ​ത്ത​തി​നാൽ ബുദ്ധി​മു​ട്ട​നു​ഭ​വി​ക്കാ​നാ​ണു സാധ്യത. വിരോ​ധാ​ഭാ​സ​മെന്നു പറയട്ടെ, ദീർഘ​കാല അസാന്നി​ധ്യം അത്‌ എന്തു തടയാൻ ഉദ്ദേശി​ച്ചോ അതിൽ കലാശി​ച്ചെ​ന്നും​വ​രാം—സാമ്പത്തിക ബുദ്ധി​മുട്ട്‌.

“എന്റെ ഭർത്താവ്‌ സ്വർണം ഖനനം ചെയ്യാൻ പോയി. ഒന്നോ അങ്ങേയറ്റം പോയാൽ രണ്ടോ മാസത്തി​നകം തിരി​ച്ചെ​ത്താ​നാ​യി​രു​ന്നു അദ്ദേഹം ഉദ്ദേശി​ച്ചത്‌. അത്‌ ഒരു വർഷമാ​യി മാറി! ആറു മക്കളെ പോറ്റേണ്ട ചുമതല എന്റെ തോളി​ലാ​യി. വാടക കൊടു​ക്ക​ണ​മാ​യി​രു​ന്നു. ആരോ​ഗ്യ​നില മോശ​മാ​യി​രു​ന്ന​തി​നാൽ ചികി​ത്സ​യ്‌ക്കുള്ള പണം അടയ്‌ക്കേ​ണ്ടി​വന്നു. ഞങ്ങൾക്കു വസ്‌ത്ര​ങ്ങ​ളും ദിവസേന ഭക്ഷണവും വേണ്ടി​യി​രു​ന്നു. എനിക്കു തൊഴി​ലി​ല്ലാ​യി​രു​ന്നു. അതു വളരെ പ്രയാ​സ​ക​ര​മാ​യി​രു​ന്നു. കുട്ടി​കളെ ആത്മീയ​മാ​യി—കുടുംബ അധ്യയനം, യോഗങ്ങൾ, പ്രസം​ഗ​വേല എന്നീ കാര്യ​ങ്ങ​ളിൽ—പരിപാ​ലി​ക്കു​ന്ന​താ​യി​രു​ന്നു ഏറ്റവും ദുഷ്‌ക​ര​മായ സംഗതി. യഹോ​വ​യു​ടെ പിന്തു​ണ​യാൽ ഞങ്ങൾ ഒരുവി​ധ​ത്തിൽ കഴിഞ്ഞു​കൂ​ടി,” ഒരു മാതാവു പറഞ്ഞു.

തൊഴിൽ ചെയ്യു​ന്ന​തി​നാ​യി മാസങ്ങ​ളോ​ളം കുടും​ബത്തെ വിട്ടു​നിൽക്കാൻ കടപ്പാ​ടു​ള്ള​താ​യി ചില മാതാ​ക്കൾക്കും തോന്നി​യി​രി​ക്കു​ന്നു. ചിലർ സഞ്ചാര കച്ചവട​ക്കാ​രാ​യി അഹോ​വൃ​ത്തി​ക്കു വകതേ​ടു​ന്ന​തി​നാൽ വീട്ടിൽ വിരള​മാ​യേ ഉണ്ടായി​രി​ക്കു​ക​യു​ള്ളൂ. അങ്ങനെ, മുതിർന്ന കുട്ടികൾ മാതാ​പി​താ​ക്ക​ളിൽ ഒരാളു​ടെ സ്ഥാനം ഏറ്റെടു​ക്കാ​നും ഭക്ഷണം ഉണ്ടാക്കാ​നും വീട്ടു​ജോ​ലി​കൾ ചെയ്യു​ന്ന​തി​നും ഇളയ കൂടപ്പി​റ​പ്പു​കൾക്കു ശിക്ഷണം നൽകു​ന്ന​തി​നു​പോ​ലും നിർബ​ന്ധി​ത​രാ​കു​ന്നു. ആത്മീയ പ്രവർത്ത​ന​ങ്ങ​ളി​ലുള്ള പങ്കുപ​റ്റ​ലി​നെ അതു ബാധി​ക്കു​ന്നു. അതേ, കുടും​ബ​ത്തി​ന്മേ​ലു​ണ്ടാ​കുന്ന സമ്മർദം അത്യധി​ക​മാ​യി​രി​ക്കാം!

തീർച്ച​യാ​യും, സാമ്പത്തിക അവസ്ഥകൾ കഠിന​മാ​യി​രി​ക്കു​മ്പോൾ തന്റെ കുടും​ബത്തെ പോറ്റാൻ തൊഴിൽതേ​ടു​ക​യ​ല്ലാ​തെ മാതാ​പി​താ​ക്ക​ളി​ലൊ​രാൾക്കു വേറെ നിവൃ​ത്തി​യി​ല്ലാ​യി​രി​ക്കും. ബൈബിൾ കാലങ്ങ​ളിൽ യാക്കോ​ബി​ന്റെ പുത്ര​ന്മാർക്കു തങ്ങളുടെ കുടും​ബ​ങ്ങളെ പിന്നിൽവി​ട്ടു ഭക്ഷണസാ​ധ​ന​ങ്ങൾക്കു​വേണ്ടി ഈജി​പ്‌തി​ലേക്കു പോ​കേ​ണ്ടി​വന്നു. (ഉല്‌പത്തി 42:1-5) തന്മൂലം, ഇന്നു സമാന​മായ ചുറ്റു​പാ​ടു​കൾ ഉയർന്നു​വ​രു​മ്പോൾ, ദീർഘ​ദൂര തൊഴിൽ കൈവ​രു​ത്തി​യേ​ക്കാ​വുന്ന ഏതുവിധ ഭൗതിക പ്രയോ​ജ​ന​ങ്ങ​ളെ​യും ദീർഘ​നാ​ളത്തെ വേർപി​രി​യൽ നിമി​ത്ത​മു​ണ്ടാ​യേ​ക്കാ​വുന്ന ആത്മീയ​വും വൈകാ​രി​ക​വു​മായ ഹാനി​യു​മാ​യി കുടും​ബ​നാ​ഥ​ന്മാർ തട്ടിച്ചു​നോ​ക്കണം. നിരവധി കുടും​ബങ്ങൾ ദീർഘ​നാൾ വേർപി​രി​ഞ്ഞു നിൽക്കു​ന്ന​തി​നു പകരം സാമ്പത്തിക ബുദ്ധി​മു​ട്ടു സഹിക്കാൻ ഇഷ്ടപ്പെ​ടു​ന്നു. “ഉണ്മാനും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക” എന്ന 1 തിമൊ​ഥെ​യൊസ്‌ 6:8-ൽ കൊടു​ത്തി​രി​ക്കുന്ന പൗലോ​സി​ന്റെ വാക്കുകൾ അവർ മനസ്സിൽപ്പി​ടി​ക്കു​ന്നു.—സദൃശ​വാ​ക്യ​ങ്ങൾ 15:17 താരത​മ്യം ചെയ്യുക.

മിക്ക​പ്പോ​ഴും യാത്ര ചെയ്യാതെ കഴിക്കാം. മുൻക​യ്യെ​ടു​ക്ക​ലും കൽപ്പനാ​ശ​ക്തി​യും പ്രകട​മാ​ക്കി, ഉപയോ​ഗ​പ്ര​ദ​മായ സേവനങ്ങൾ പ്രദാനം ചെയ്‌തു​കൊ​ണ്ടു തൊഴി​ല​വ​സ​രങ്ങൾ ഉണ്ടാക്കാൻ ചിലർക്കു കഴിഞ്ഞി​ട്ടുണ്ട്‌. a (സദൃശ​വാ​ക്യ​ങ്ങൾ 31:24 താരത​മ്യം ചെയ്യുക.) അല്ലെങ്കിൽ, തരംതാ​ണ​തെന്നു മറ്റുള്ളവർ വീക്ഷി​ക്കുന്ന ജോലി​കൾ ഏറ്റെടു​ക്കേണ്ടി വരുന്ന​താ​വാം സംഗതി. (എഫെസ്യർ 4:28) മറ്റുള്ള​വർക്കു സാമ്പത്തിക പ്രാരാ​ബ്ധ​മാ​കാ​തി​രി​ക്കാൻ പൗലോസ്‌ അപ്പോ​സ്‌തലൻ തന്നെയും ‘രാപ്പകൽ വേല​ചെ​യ്‌തു​പോ​ന്നു.’ (2 തെസ്സ​ലൊ​നീ​ക്യർ 3:8) ഇന്നു ക്രിസ്‌തീയ പുരു​ഷ​ന്മാർക്ക്‌ ആ മാതൃക പിൻപ​റ്റാൻ കഴിയും.

സ്‌കൂൾ വിദ്യാ​ഭ്യാ​സ​ത്തി​ന്റെ പ്രശ്‌ന​ങ്ങൾ

ഉൾപ്പെ​ട്ടി​രി​ക്കുന്ന മറ്റൊരു പ്രശ്‌ന​മാ​ണു സ്‌കൂൾ വിദ്യാ​ഭ്യാ​സം. ചില വിദൂര പ്രദേ​ശ​ങ്ങ​ളിൽ, കുട്ടി​കൾക്കു വേണ്ടത്ര സ്‌കൂൾ വിദ്യാ​ഭ്യാ​സം നൽകു​ന്ന​തി​നു മാതാ​പി​താ​ക്കൾ അവരെ ദീർഘ​നാൾ ബന്ധുക്ക​ളോ​ടൊ​പ്പം താമസി​ക്കു​ന്ന​തിന്‌ അയയ്‌ക്കുക സാധാ​ര​ണ​മാണ്‌. മാതാ​പി​താ​ക്ക​ളിൽനി​ന്നു വേർപി​രിഞ്ഞ അത്തരം കുട്ടി​കളെ സംബന്ധി​ച്ചി​ട​ത്തോ​ളം യോഗ​ങ്ങൾക്കു  ഹാജരാ​കു​ന്ന​തോ വയൽശു​ശ്രൂ​ഷ​യിൽ പങ്കെടു​ക്കു​ന്ന​തോ പലപ്പോ​ഴും പ്രയാ​സ​ക​ര​മാണ്‌. ആവശ്യ​മായ ശിക്ഷണം ലഭിക്കാ​തെ അവർ നിഷ്‌പ്ര​യാ​സം മോശ​മായ സഹവാ​സ​ങ്ങൾക്ക്‌ ഇരയാ​കു​ന്നു. തത്‌ഫ​ല​മാ​യി, അനേകർ ക്രിസ്‌തീയ ജീവി​ത​രീ​തി ഉപേക്ഷി​ച്ചി​രി​ക്കു​ന്നു.

ലൗകിക വിദ്യാ​ഭ്യാ​സ​ത്തിന്‌ അതി​ന്റെ​തായ പ്രയോ​ജ​നങ്ങൾ ഉണ്ടെന്ന​തിൽ യാതൊ​രു സംശയ​വു​മില്ല. എന്നാൽ ബൈബിൾ ആത്മീയ വിദ്യാ​ഭ്യാ​സ​ത്തിന്‌ ഉയർന്ന സ്ഥാനം കൽപ്പി​ക്കു​ന്നു. അത്തരം പ്രബോ​ധനം പ്രദാനം ചെയ്യു​ന്ന​തി​നുള്ള ഉത്തരവാ​ദി​ത്വം ദൈവം മാതാ​പി​താ​ക്കൾക്കു നൽകി​യി​രി​ക്കു​ന്നു. (ആവർത്ത​ന​പു​സ്‌തകം 11:18, 19; സദൃശ​വാ​ക്യ​ങ്ങൾ 3:13, 14) എന്നാൽ, ഒരു കുട്ടിയെ ദീർഘ​കാ​ല​ത്തേക്കു ദൂരെ അയയ്‌ക്കു​ന്നതു സാധ്യ​ത​യ​നു​സ​രിച്ച്‌ അവനെ “കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു”വാനുള്ള മാതാ​വി​ന്റെ അല്ലെങ്കിൽ പിതാ​വി​ന്റെ ശ്രമങ്ങൾക്കു തുരങ്കം വയ്‌ക്കാ​നി​ട​യുണ്ട്‌.—എഫെസ്യർ 6:4. b

വിദ്യാ​ഭ്യാ​സ​ത്തി​നുള്ള പ്രാ​ദേ​ശിക സാധ്യത മതിയാ​യതല്ല എന്നു തോന്നി​ക്കു​മ്പോൾ മാതാ​പി​താ​ക്കൾക്കു തങ്ങളുടെ കുട്ടി​കളെ അടിസ്ഥാന കഴിവു​കൾ പഠിപ്പി​ക്കാൻ തങ്ങളാ​ലാ​വു​ന്നതു ചെയ്യു​ക​യ​ല്ലാ​തെ വേറെ നിർവാ​ഹ​മി​ല്ലാ​യി​രി​ക്കാം. നമ്മുടെ “മഹാ പ്രബോ​ധക”നായ യഹോ​വ​യും സഹായം പ്രദാനം ചെയ്യുന്നു. (യെശയ്യാ​വു 30:20, NW) യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകൾ നിരവധി വിദ്യാ​ഭ്യാ​സ ഏർപ്പാ​ടു​കൾ വാഗ്‌ദാ​നം ചെയ്യുന്നു. നിരവധി സഭകൾ സാക്ഷരതാ ക്ലാസ്സുകൾ നടത്തു​ന്നുണ്ട്‌. അതു​പോ​ലെ​തന്നെ ദിവ്യാ​ധി​പത്യ ശുശ്രൂ​ഷാ​സ്‌കൂൾ, വ്യക്തമാ​യി വായി​ക്കാ​നും സംസാ​രി​ക്കാ​നു​മുള്ള ഒരു കുട്ടി​യു​ടെ പ്രാപ്‌തി​യെ വളർത്തി​യെ​ടു​ക്കു​ന്ന​തി​നു സഹായ​ക​മായ ഒരു കരുത​ലാണ്‌.

ഗർഭധാ​രണം സംബന്ധിച്ച ഒരു സന്തുലിത വീക്ഷണം

അനേകം കുട്ടി​ക​ളു​ള്ള​പ്പോൾ അവർക്കു​വേണ്ടി കരുതു​ക​യെ​ന്നതു പ്രത്യേ​കി​ച്ചും ദുഷ്‌ക​ര​മാണ്‌. തങ്ങൾക്കു കുട്ടി​കളെ ഇഷ്ടമാ​ണെന്ന്‌ ആഫ്രിക്കൻ മാതാ​പി​താ​ക്കൾ പറയുന്നു; തന്മൂലം അവർ തങ്ങളാ​ലാ​വു​ന്നി​ട​ത്തോ​ളം കുട്ടി​കളെ ജനിപ്പി​ക്കു​ന്നു! സാമ്പത്തിക സ്രോ​ത​സ്സാ​യി കുട്ടി​കളെ വീക്ഷി​ച്ചേ​ക്കാ​മെന്നു വരികി​ലും അവരുടെ വലിയ സംഖ്യ​യ്‌ക്കു പര്യാ​പ്‌ത​മായ വിധം കരുതാൻ നിരവധി മാതാ​പി​താ​ക്കൾക്കു കഴിയു​ന്നില്ല.

തീർച്ച​യാ​യും, “മക്കൾ, യഹോവ നല്‌കുന്ന അവകാശ”മാണെന്നു ബൈബിൾ പറയു​ന്നുണ്ട്‌. (സങ്കീർത്തനം 127:3) ഇസ്രാ​യേ​ലിൽ സാഹച​ര്യം അനുകൂ​ല​മാ​യി​രു​ന്ന​പ്പോ​ഴാണ്‌ ആ വാക്കുകൾ എഴുതി​യ​തെ​ന്നതു ശ്രദ്ധി​ക്കുക. പിന്നീട്‌, കടുത്ത ക്ഷാമവും യുദ്ധവും കുട്ടി​കളെ ജനിപ്പി​ക്കു​ന്നതു ദുഷ്‌ക​ര​മാ​ക്കി​ത്തീർത്തു. (വിലാ​പങ്ങൾ 2:11, 20; 4:10) ഒട്ടേറെ വികസ്വര ദേശങ്ങ​ളിൽ നിലവി​ലി​രി​ക്കുന്ന ദുഷ്‌ക​ര​മായ സാഹച​ര്യ​ത്തി​ന്റെ വീക്ഷണ​ത്തിൽ, തങ്ങൾക്ക്‌ എത്ര കുട്ടി​കൾക്കു യഥാർഥ​ത്തിൽ ഭക്ഷണവും വസ്‌ത്ര​വും പാർപ്പി​ട​വും പരിശീ​ല​ന​വും നൽകാൻ കഴിയും എന്നതി​നെ​ക്കു​റിച്ച്‌ ഉത്തരവാ​ദി​ത്വ​മുള്ള ക്രിസ്‌ത്യാ​നി​കൾ ഗൗരവ​മാ​യി ചിന്തി​ക്കേ​ണ്ട​തുണ്ട്‌. ചെലവു കണക്കാ​ക്കി​യ​ശേഷം, പാരമ്പ​ര്യ​ത്തി​നെ​തി​രെ നില​കൊണ്ട്‌, തങ്ങൾക്കു​ണ്ടാ​കുന്ന കുട്ടി​ക​ളു​ടെ എണ്ണത്തിനു പരിധി​വ​യ്‌ക്കു​ന്ന​താണ്‌ ഏറ്റവും നല്ലത്‌ എന്നു നിരവധി ദമ്പതികൾ തീരു​മാ​നി​ക്കു​ന്നു. c—ലൂക്കൊസ്‌ 14:28 താരത​മ്യം ചെയ്യുക.

വ്യക്തമാ​യും, ഇതു “ദുർഘ​ട​സ​മ​യങ്ങൾ” ആണ്‌. (2 തിമൊ​ഥെ​യൊസ്‌ 3:1-5) ഈ വ്യവസ്ഥി​തി അതിന്റെ അനിവാ​ര്യ നാശത്തി​ലേക്കു കുതി​ക്കവേ, വികസ്വര രാജ്യ​ങ്ങ​ളി​ലെ കുടും​ബ​ങ്ങ​ളിൽ സമ്മർദം വർധി​ക്കു​മെ​ന്ന​തി​നു യാതൊ​രു സംശയ​വു​മില്ല. എങ്കിലും ദൈവ​വ​ച​ന​ത്തി​ലെ തത്ത്വങ്ങൾ അടുത്തു പിൻപ​റ്റു​ന്ന​തി​ലൂ​ടെ കുടും​ബ​നാ​ഥ​ന്മാർക്കു തങ്ങളുടെ കുടു​ബ​ത്തി​ന്റെ ശാരീ​രി​ക​വും ആത്മീയ​വു​മായ ആവശ്യങ്ങൾ നിറ​വേ​റ്റു​ന്ന​തിൽ വിജയി​ക്കാൻ കഴിയും. കാരണം, തന്നെ വിശ്വ​സ്‌ത​ത​യോ​ടെ സേവി​ക്കു​ന്ന​വർക്കു യഹോവ പിൻവ​രുന്ന വാഗ്‌ദാ​നം നൽകുന്നു: “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല.” (എബ്രായർ 13:5) ഉവ്വ്‌, ദരിദ്ര ദേശങ്ങ​ളിൽ പോലും തങ്ങളുടെ കുടും​ബ​ങ്ങൾക്കു​വേണ്ടി കരുതു​ന്ന​തി​നുള്ള വെല്ലു​വി​ളി​യെ ക്രിസ്‌ത്യാ​നി​കൾക്കു വിജയ​പ്ര​ദ​മാ​യി നേരി​ടാ​നാ​കും!

[അടിക്കു​റി​പ്പു​കൾ]