ഈ അതുല്യ അവസരം തക്കത്തിൽ വിനി​യോ​ഗി​ക്കുക!

രക്ഷയെ​ക്കു​റി​ച്ചുള്ള ബൈബിൾ സന്ദേശം പീറ്ററി​ന്റെ താത്‌പ​ര്യം പിടി​ച്ചു​പ​റ്റി​യ​പ്പോൾ അവൻ വൈദ്യ​ശാ​സ്‌ത്ര പഠനത്തിൽ ബഹുദൂ​രം മുന്നോ​ട്ടു പോയി​രു​ന്നു. ബിരു​ദ​മെ​ടുത്ത്‌ ഒരാശു​പ​ത്രി​യിൽ ഡോക്ട​റാ​യി പരിശീ​ല​ന​മാ​രം​ഭി​ച്ച​പ്പോൾ ഒരു നാഡീ​ശ​സ്‌ത്ര​ക്രി​യാ​വി​ദ​ഗ്‌ധനാ​കാൻ മേലു​ദ്യോ​ഗ​സ്ഥ​ന്മാർ അദ്ദേഹത്തെ നിരന്തരം പ്രോ​ത്സാ​ഹി​പ്പി​ച്ചു​കൊ​ണ്ടി​രു​ന്നു. പല പുതിയ ഡോക്ടർമാ​രും അമാന്തി​ക്കാ​തെ തക്കത്തിൽ വിനി​യോ​ഗി​ക്കു​മാ​യി​രുന്ന ഒരവസ​ര​മി​താ മുമ്പിൽ.

എങ്കിലും ഈ അവസരം പരിത്യ​ജി​ക്കാൻതന്നെ പീറ്റർ a തീരു​മാ​നി​ച്ചു. കാരണം? ആവശ്യ​മായ വിജയാ​ഭി​ലാ​ഷ​ത്തി​ന്റെ​യും പ്രചോ​ദ​ന​ത്തി​ന്റെ​യും അഭാവ​മാ​യി​രു​ന്നോ? അല്ലായി​രു​ന്നു. കാരണം, പ്രസ്‌തുത വാഗ്‌ദാ​നം അദ്ദേഹം ശ്രദ്ധാ​പൂർവം വിചി​ന്തനം നടത്തു​ക​തന്നെ ചെയ്‌തു. യഹോ​വ​യു​ടെ ഒരു സമർപ്പിത, സ്‌നാ​പ​ന​മേറ്റ സാക്ഷി​യാ​യി​ത്തീർന്ന​ശേഷം, ക്രിസ്‌തീയ ശുശ്രൂ​ഷ​യു​ടെ വിവിധ വശങ്ങളിൽ സാധ്യ​മാ​കു​ന്ന​ത്ര​യും സമയം ചെലവ​ഴി​ക്കാൻ അദ്ദേഹം ആഗ്രഹി​ച്ചു. ഒരിക്കൽ താൻ നാഡീ​ശ​സ്‌ത്ര​ക്രി​യാ​വി​ദ​ഗ്‌ധനാ​യാൽ, തന്റെ സമയത്തി​ന്റെ​യും ഊർജ​ത്തി​ന്റെ​യും സിംഹ​ഭാ​ഗ​വും തൊഴി​ലി​നാ​യി വേണ്ടി​വ​രു​മെന്ന്‌ അദ്ദേഹം ന്യായ​വാ​ദം ചെയ്‌തു. അദ്ദേഹം, സവി​ശേ​ഷ​മായ ഈ പ്രത്യാശ കൈവി​ട്ടു​ക​ള​യാൻമാ​ത്രം വിഢ്‌ഡി​യാ​യി​രു​ന്നോ അതോ ബുദ്ധി​മാ​നാ​യി​രു​ന്നോ?

പീറ്ററി​ന്റെ ഈ തീരു​മാ​നം ബുദ്ധി​മോ​ശ​മാ​യി​പ്പോ​യി എന്നു ചിലർക്കു തോന്നി​യേ​ക്കാം. എന്നാൽ, അദ്ദേഹം എഫെസ്യർ 5:15, 16 പോലുള്ള ബൈബിൾ വാക്യങ്ങൾ കണക്കി​ലെ​ടു​ത്തു. അവിടെ, അപ്പോ​സ്‌ത​ല​നായ പൗലൊസ്‌ സഹക്രി​സ്‌ത്യാ​നി​കളെ ഇപ്രകാ​രം പ്രോ​ത്സാ​ഹി​പ്പി​ച്ചു: “സൂക്ഷ്‌മ​ത്തോ​ടെ അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ. ഇതു ദുഷ്‌കാ​ല​മാ​ക​യാൽ സമയം തക്കത്തിൽ ഉപയോ​ഗി​ച്ചു​കൊൾവിൻ.”

“സമയം തക്കത്തിൽ” എന്ന പദപ്ര​യോ​ഗം ദയവായി ശ്രദ്ധി​ക്കുക. ചില സവി​ശേ​ഷ​ത​കളെ കുറി​ക്കുന്ന അല്ലെങ്കിൽ ഒരു നിർദിഷ്ട പ്രവർത്ത​ന​ത്തിന്‌ അനു​യോ​ജ്യ​മായ സമയ​ത്തെ​യോ കാല​ത്തെ​യോ പരാമർശി​ക്കാൻ ബൈബി​ളിൽ സാധാ​ര​ണ​മാ​യി ഉപയോ​ഗി​ക്കുന്ന ഒരു ഗ്രീക്കു പദത്തിൽ നിന്നു വിവർത്തനം ചെയ്‌ത​താണ്‌ അത്‌. പ്രാധാ​ന്യ​മേ​റിയ കാര്യ​ങ്ങൾക്കാ​യി ക്രിസ്‌ത്യാ​നി​കൾ സമയം കണ്ടെത്ത​ണ​മെന്ന്‌ ഇവിടെ പൗലൊസ്‌ ഊന്നി​പ്പ​റഞ്ഞു. തീർച്ച​യാ​യും, അവർ “പ്രാധാ​ന്യ​മേ​റിയ കാര്യങ്ങൾ തിട്ട​പ്പെടു”ത്തേണ്ട ആവശ്യ​മുണ്ട്‌. (ഫിലി​പ്പി​യർ 1:10, NW) മുൻഗ​ണ​നകൾ വെക്കു​ന്നതു സംബന്ധി​ച്ചാ​ണത്‌.

അപ്പോൾപി​ന്നെ നമ്മുടെ കാലം സംബന്ധിച്ച ദൈവിക ഉദ്ദേശ്യം എന്താണ്‌? തന്നെ സ്‌നേ​ഹി​ക്കു​ന്ന​വരെ സംബന്ധിച്ച ദൈവ​ത്തി​ന്റെ അഭീഷ്ടം എന്താണ്‌? ബൈബിൾ പ്രവച​നങ്ങൾ വ്യക്തമാ​യി നമ്മുടെ നാളു​കളെ “അന്ത്യകാ​ലം” അല്ലെങ്കിൽ “അന്ത്യനാ​ളു​കൾ” ആയി തിരി​ച്ച​റി​യി​ക്കു​ന്നു. (ദാനീ​യേൽ 12:4; 2 തിമൊ​ഥെ​യൊസ്‌ 3:1, NW) നമ്മുടെ നാളിൽ സുപ്ര​ധാ​ന​മായ സംഗതി എന്തായി​രി​ക്കു​മെന്നു യേശു​ക്രി​സ്‌തു വ്യക്തമാ​ക്കി. ഈ ദുഷ്ടവ്യ​വ​സ്ഥി​തി​യു​ടെ സമാപ​ന​ത്തി​നു​മുമ്പ്‌, ‘രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും’ എന്ന്‌ അവൻ പ്രത്യേ​കം പറഞ്ഞു. അപ്പോൾ മാത്രമേ അവസാനം വരുക​യു​ള്ളൂ.—മത്തായി 24:3, 14.

 അതു​കൊണ്ട്‌, രാജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കാ​നും ശിഷ്യരെ ഉളവാ​ക്കാ​നു​മുള്ള അവസര​ങ്ങ​ളെ​ല്ലാം നാം തക്കത്തിൽ വിനി​യോ​ഗി​ക്കണം. (മത്തായി 28:19, 20) ഈ പ്രവർത്ത​നങ്ങൾ വീണ്ടു​മൊ​രി​ക്കൽ ആവർത്തി​ക്ക​പ്പെ​ടു​ക​യി​ല്ലാ​ത്ത​തു​കൊണ്ട്‌ ജീവര​ക്ഷാ​ക​ര​മായ ഈ വേലയ്‌ക്കാ​യി നമുക്കു​ള്ള​തെ​ല്ലാം നൽകാ​നുള്ള അവസാ​നത്തെ അവസര​മാ​ണിത്‌. “ഇപ്പോ​ഴാണ്‌ വിശേ​ഷി​ച്ചും സ്വീകാ​ര്യ​മായ കാലം.” തീർച്ച​യാ​യും, “ഇപ്പോൾ ആകുന്നു രക്ഷാദി​വസം.”—2 കൊരി​ന്ത്യർ 6:2, NW.

ബുദ്ധി​പൂർവ​മായ തീരു​മാ​ന​മെ​ടു​ക്കൽ

തുടക്ക​ത്തിൽ പ്രതി​പാ​ദിച്ച പീറ്റർ എന്ന ചെറു​പ്പ​ക്കാ​രൻ തന്റെ തീരു​മാ​ന​ത്തെ​ക്കു​റി​ച്ചു ശ്രദ്ധാ​പൂർവം ചിന്തി​ക്കു​ക​യും തന്റെ താത്‌പ​ര്യ​ങ്ങൾ വിലയി​രു​ത്തു​ക​യും ചെയ്‌തു. ഒരു നാഡീ​ശ​സ്‌ത്ര​ക്രി​യാ​വി​ദ​ഗ്‌ധനാ​വുക എന്ന ലക്ഷ്യ​ത്തോ​ടെ പഠിക്കു​ന്നതു തെറ്റാ​യി​രി​ക്കു​ക​യി​ല്ലെന്ന്‌ അദ്ദേഹം തിരി​ച്ച​റി​ഞ്ഞു. എന്നാൽ തന്നെ സംബന്ധി​ച്ചി​ട​ത്തോ​ളം ഏറ്റവും പ്രധാ​ന​മാ​യത്‌ എന്താണ്‌? ഈ പ്രവർത്ത​ന​ത്തി​ന്റെ അടിയ​ന്തി​രത കണക്കി​ലെ​ടു​ക്കു​മ്പോൾ അത്‌ അദ്ദേഹ​ത്തി​ന്റെ ക്രിസ്‌തീയ ശുശ്രൂ​ഷ​യാണ്‌. അതേസ​മയം അദ്ദേഹ​ത്തി​നു നിറ​വേ​റ്റേണ്ട കടപ്പാ​ടു​ക​ളു​മു​ണ്ടാ​യി​രു​ന്നു. അദ്ദേഹം വിവാ​ഹി​ത​നാ​യി​രു​ന്നു. മുഴു​സമയ പ്രസം​ഗ​വേ​ല​യിൽ പങ്കെടു​ക്കുന്ന തന്റെ ഭാര്യയെ അദ്ദേഹ​ത്തി​നു പിന്തു​ണ​യ്‌ക്കേ​ണ്ട​തു​ണ്ടാ​യി​രു​ന്നു. (1 തിമൊ​ഥെ​യൊസ്‌ 5:8) കൂടാതെ, അദ്ദേഹ​ത്തി​നു തന്റെ വിദ്യാ​ഭ്യാ​സ​വു​മാ​യി ബന്ധപ്പെട്ട കടങ്ങൾ അടച്ചു​തീർക്കേ​ണ്ട​തും ഉണ്ടായി​രു​ന്നു. അപ്പോൾ, അദ്ദേഹം ചെയ്യാൻ തീരു​മാ​നി​ച്ചത്‌ എന്തായി​രു​ന്നു?

റേഡി​യോ​ള​ജി​യിൽ വൈദ​ഗ്‌ധ്യം നേടാ​നും അൾട്രാ​സൗണ്ട്‌ സ്‌കാ​നിംഗ്‌ ചെയ്യാ​നും പീറ്റർ തീരു​മാ​നി​ച്ചു. ഒരു സാധാരണ പ്രവൃ​ത്തി​ദി​വസം മാത്രമേ ഈ തൊഴി​ലി​നു വേണ്ടി​വ​രു​ക​യു​ള്ളൂ. സാധാരണ ജോലി​സ​മ​യ​ങ്ങ​ളിൽ അദ്ദേഹ​ത്തി​നു പരിശീ​ലനം ലഭിക്കു​ക​യു​മാ​കാം. അതേ, ഇത്‌ ഒരു കുറഞ്ഞ പദവി​യാ​യി ചിലർ വീക്ഷി​ച്ചേ​ക്കാം. എന്നാൽ, ആത്മീയ അനുധാ​വ​ന​ങ്ങൾക്കാ​യി കൂടുതൽ സമയം അർപ്പി​ക്കാൻ ഇത്‌ അദ്ദേഹത്തെ അനുവ​ദി​ക്കും.

മറ്റൊരു സംഗതി​യും പീറ്ററി​ന്റെ തീരു​മാ​ന​ത്തി​നു പ്രചോ​ദ​ക​മാ​യി. വ്യത്യസ്‌ത തീരു​മാ​ന​മെ​ടു​ത്തേ​ക്കാ​വുന്ന മറ്റുള്ള​വരെ വിധി​ക്കാ​ത്ത​പ്പോൾത്തന്നെ, ലൗകിക കാര്യ​ങ്ങ​ളിൽ കൂടുതൽ വ്യാപൃ​ത​നാ​കു​ന്നത്‌ ഒരു ക്രിസ്‌ത്യാ​നിക്ക്‌ തീർച്ച​യാ​യും അപകടം വരുത്തി​വെ​ക്കു​മെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. ആത്മീയ ഉത്തരവാ​ദി​ത്വ​ങ്ങളെ അവഗണി​ക്കാൻ തക്കവണ്ണം അത്‌ ഇടയാ​ക്കി​യേ​ക്കാം. തൊഴി​ലി​നെ കേന്ദ്രീ​ക​രി​ച്ചുള്ള മറ്റൊരു ഉദാഹ​ര​ണ​ത്താൽ ഇതു ദൃഷ്ടാ​ന്തീ​ക​രി​ക്കാ​വു​ന്ന​താണ്‌.

ഒരു മുഴു​സമയ രാജ്യ​പ്ര​ഘോ​ഷകൻ, പരിശീ​ലനം ലഭിച്ച കലാകാ​ര​നാ​യി​രു​ന്നു. താൻ വരച്ച ചിത്രങ്ങൾ വിറ്റഴി​ക്കു​ക​വഴി അദ്ദേഹ​ത്തിന്‌ തന്റെ ചെലവു​കൾ വഹിക്കാൻ കഴിഞ്ഞി​രു​ന്നു. സമയത്തി​ന്റെ ഏറിയ​പ​ങ്കും പരമ​പ്ര​ധാ​ന​മായ ക്രിസ്‌തീയ ശുശ്രൂ​ഷ​യ്‌ക്കാ​യി നീക്കി​വെ​ക്കു​മ്പോൾതന്നെ അദ്ദേഹ​ത്തി​നു മതിയായ വിധത്തിൽ തന്റെ ചെലവു​കൾ വഹിക്കാൻ കഴിഞ്ഞി​രു​ന്നു. എന്നാൽ, തന്റെ കലാപ​ര​മായ തൊഴിൽ അഭിവൃ​ദ്ധി​പ്പെ​ടു​ത്താ​നുള്ള ഒരാ​ഗ്രഹം വളർന്നു​വ​രാൻ തുടങ്ങി. അദ്ദേഹം ചിത്ര​ര​ച​ന​യി​ലും കലാ​ലോ​ക​ത്തും കൂടുതൽ വ്യാപൃ​ത​നാ​യി, മുഴു​സമയ ശുശ്രൂഷ ഉപേക്ഷി​ച്ചു, ഒടുവിൽ രാജ്യ​പ്ര​സം​ഗ​വേ​ല​യിൽ തീർത്തും നിഷ്‌ക്രി​യ​നാ​യി​ത്തീ​രു​ക​യും ചെയ്‌തു. കാല​ക്ര​മേണ, തിരു​വെ​ഴു​ത്തു​വി​രു​ദ്ധ​മായ പ്രവൃ​ത്തി​ക​ളി​ലേർപ്പെ​ട്ട​തി​ന്റെ ഫലമായി അദ്ദേഹം മേലാൽ ക്രിസ്‌തീയ സഭയുടെ ഭാഗമ​ല്ലാ​താ​യി​ത്തീർന്നു.—1 കൊരി​ന്ത്യർ 5:11-13.

നാം ജീവി​ക്കുന്ന സമയം അനന്യ​സാ​ധാ​ര​ണ​മാണ്‌

ഇപ്പോൾ യഹോ​വയെ സേവി​ക്കു​ന്ന​വ​രെന്ന നിലയ്‌ക്കു തീർച്ച​യാ​യും അവനോ​ടു വിശ്വ​സ്‌ത​രാ​യി നില​കൊ​ള്ളാൻ നാം ആഗ്രഹി​ക്കു​ന്നു. മനുഷ്യ​ച​രി​ത്ര​ത്തി​ലെ ഏറ്റവും അസാധാ​ര​ണ​മായ കാലത്താ​ണു നാം ജീവി​ക്കു​ന്ന​തെന്ന്‌ നമുക്ക​റി​യാം. ദൈവത്തെ സേവി​ക്കു​ന്ന​തിൽ തുടരാ​നും ഇന്നത്തെ സാഹച​ര്യ​ങ്ങളെ ഫലപ്ര​ദ​മാ​യി തരണം ചെയ്യാ​നും വിവിധ തരത്തി​ലുള്ള ക്രമീ​ക​ര​ണങ്ങൾ നാം നടത്തേ​ണ്ട​തു​ണ്ടാ​യി​രി​ക്കാം. ഒരു കർഷകനു കൊയ്‌ത്തു​കാ​ലം എങ്ങനെ​യി​രി​ക്കു​മെ​ന്ന​തി​നോ​ടു നമുക്കി​തു താരത​മ്യം ചെയ്യാ​വു​ന്ന​താണ്‌. കർഷകർ സാധാ​ര​ണ​യിൽ കൂടുതൽ പ്രയത്‌നി​ക്കാ​നും കൂടുതൽ ദിവസം ജോലി ചെയ്യാ​നും പ്രതീ​ക്ഷി​ക്ക​പ്പെ​ടുന്ന, പ്രത്യേക പ്രവർത്ത​ന​ത്തി​നുള്ള കാലമാ​ണത്‌. കാരണം? ഒരു നിശ്ചിത കാലയ​ള​വി​നു​ള്ളിൽ വിളവു ശേഖരി​ക്കേ​ണ്ട​താണ്‌.

ഇന്നത്തെ ദുഷ്ടവ്യ​വ​സ്ഥി​തി​ക്കു വളരെ പരിമി​ത​മായ സമയമേ അവശേ​ഷി​ക്കു​ന്നു​ള്ളൂ. ഇപ്പോൾ, എന്നത്തേ​ക്കാ​ളു​മു​പ​രി​യാ​യി ഒരു യഥാർഥ ക്രിസ്‌ത്യാ​നി യേശു​വി​ന്റെ മാതൃക പിന്തു​ട​രാ​നും അവന്റെ കാലടി​ക​ളിൽ ചരിക്കാ​നും കഠിന​മാ​യി പ്രവർത്തി​ക്കേ​ണ്ട​തി​ന്റെ ആവശ്യ​മുണ്ട്‌. തനിക്ക്‌ ഏറ്റവും പ്രാധാ​ന്യ​മുള്ള സംഗതി​യേ​തെന്ന്‌ ഭൂമി​യി​ലെ അവന്റെ ജീവി​ത​രീ​തി വ്യക്തമാ​യും പ്രകട​മാ​ക്കി. അവൻ പറഞ്ഞു: “എന്നെ അയച്ചവന്റെ പ്രവൃത്തി പകൽ ഉള്ളേട​ത്തോ​ളം നാം ചെയ്യേ​ണ്ട​താ​കു​ന്നു; ആർക്കും പ്രവർത്തി​ച്ചു​കൂ​ടാത്ത രാത്രി വരുന്നു.” (യോഹ​ന്നാൻ 9:4) രാത്രി വരുന്നു എന്നു പറയു​ക​വഴി, തന്റെ ഭൗമി​ക​ശു​ശ്രൂഷ അവസാ​നി​ക്കു​ക​യും  അങ്ങനെ തന്റെ സ്വർഗീയ പിതാ​വി​ന്റെ പ്രവർത്ത​ന​ങ്ങ​ളിൽ ഏർപ്പെ​ടാൻ സാധി​ക്കാ​തെ വരുക​യും ചെയ്യുന്ന, തന്റെ പീഡാ​നു​ഭ​വ​ത്തി​ന്റെ​യും സ്‌തം​ഭ​ത്തി​ലേ​റ്റ​ലി​ന്റെ​യും മരണത്തി​ന്റെ​യും സമയ​ത്തെ​ക്കു​റി​ച്ചു പ്രതി​പാ​ദി​ക്കു​ക​യാ​യി​രു​ന്നു.

മൂന്നര വർഷത്തെ തന്റെ ശുശ്രൂ​ഷ​യു​ടെ സമയത്ത്‌, അത്ഭുതങ്ങൾ പ്രവർത്തി​ക്കാ​നും രോഗി​കളെ സൗഖ്യ​മാ​ക്കാ​നും യേശു തന്റെ സമയത്തിൽ കുറച്ചു ഭാഗം ചെലവ​ഴി​ച്ചു എന്നതു ശരിതന്നെ. എന്നാൽ, തന്റെ സമയത്തി​ന്റെ ഏറിയ പങ്കും, രാജ്യ​സ​ന്ദേശം പ്രഖ്യാ​പി​ക്കാ​നും വ്യാജ​മ​ത​ത്തി​ന്റെ ‘ബദ്ധന്മാർക്കു വിടുതൽ’ നൽകു​വാ​നും അവൻ ഉപയോ​ഗി​ച്ചു. (ലൂക്കൊസ്‌ 4:18; മത്തായി 4:17) ശുശ്രൂ​ഷ​യിൽ യേശു കാര്യ​മായ ശ്രമം ചെയ്‌തു. കൂടാതെ, താൻ ഇട്ട അടിസ്ഥാ​ന​ത്തി​ന്മേൽ കെട്ടി​പ്പ​ടു​ക്കാ​നും പ്രസം​ഗ​വേല ഫലപ്ര​ദ​മാ​യി മുന്നോ​ട്ടു​കൊ​ണ്ടു​പോ​കാ​നും കഴി​യേ​ണ്ട​തിന്‌ അവരെ പരിശീ​ലി​പ്പി​ക്കാൻ അവൻ സമയ​മെ​ടു​ക്കു​ക​യും ചെയ്‌തു. രാജ്യ​താ​ത്‌പ​ര്യ​ങ്ങളെ ഉന്നമി​പ്പി​ക്കാൻ എല്ലാ അവസര​വും അവൻ തക്കത്തിൽ വിനി​യോ​ഗി​ച്ചു. തന്റെ ശിഷ്യ​ന്മാ​രും അങ്ങനെ​തന്നെ ചെയ്യണ​മെന്ന്‌ അവൻ ആഗ്രഹി​ച്ചു.—മത്തായി 5:14-16; യോഹ​ന്നാൻ 8:12.

യേശു​വി​നെ​പ്പോ​ലെ, അവന്റെ ആധുനി​ക​കാല അനുഗാ​മി​ക​ളായ നാം മനുഷ്യ​വർഗ​ത്തി​ന്റെ സാഹച​ര്യ​ത്തെ യഹോ​വ​യാം ദൈവം കാണുന്ന വിധത്തിൽ കാണേ​ണ്ട​താണ്‌. ഈ വ്യവസ്ഥി​തി​ക്കുള്ള സമയം അവസാ​നി​ക്കാ​റാ​യി​രി​ക്കു​ന്നു. രക്ഷ പ്രാപി​ക്കാ​നുള്ള അവസരം എല്ലാവർക്കും ലഭിക്കാൻ ദൈവം കരുണാ​പൂർവം ആഗ്രഹി​ക്കു​ന്നു. (2 പത്രൊസ്‌ 3:9) അതു​കൊണ്ട്‌, മറ്റെല്ലാ അനുധാ​വ​ന​ങ്ങൾക്കും യഹോ​വ​യു​ടെ ഇഷ്ടം ചെയ്യു​ന്നതു കഴിഞ്ഞുള്ള സ്ഥാനം നൽകു​ന്ന​താ​യി​രി​ക്കു​ക​യി​ല്ലേ ബുദ്ധി? (മത്തായി 6:25-33) വിശിഷ്യ ഇതു​പോ​ലുള്ള ഒരു പ്രത്യേക സമയത്ത്‌, പ്രാധാ​ന്യ​മേ​റി​യ​തെന്നു സാധാരണ കരുത​പ്പെ​ടു​ന്നത്‌, ക്രിസ്‌ത്യാ​നി​ക​ളെന്ന നിലയി​ലുള്ള നമ്മുടെ ജീവി​ത​ത്തിൽ പ്രാധാ​ന്യം കുറഞ്ഞ​താ​കാ​നുള്ള നല്ല സാധ്യ​ത​യുണ്ട്‌.

ജീവി​ത​ത്തിൽ ദൈ​വേഷ്ടം ഒന്നാമതു വെക്കു​ന്ന​തു​കൊ​ണ്ടു നമ്മിലാർക്കെ​ങ്കി​ലും എപ്പോ​ഴെ​ങ്കി​ലും ഖേദി​ക്കേ​ണ്ടി​വ​രു​മോ? തീർച്ച​യാ​യു​മില്ല. കാരണം, ആത്മത്യാ​ഗ​ത്തി​ന്റേ​തായ ക്രിസ്‌തീയ ഗതി അത്ഭുത​ക​ര​മായ വിധത്തിൽ പ്രതി​ഫ​ല​ദാ​യ​ക​മാണ്‌. ഉദാഹ​ര​ണ​ത്തിന്‌, യേശു തന്റെ ശിഷ്യ​ന്മാ​രോ​ടു പറഞ്ഞു: “എന്റെ നിമി​ത്ത​വും സുവി​ശേഷം നിമി​ത്ത​വും വീടോ സഹോ​ദ​ര​ന്മാ​രെ​യോ സഹോ​ദ​രി​ക​ളെ​യോ അമ്മയെ​യോ അപ്പനെ​യോ മക്കളെ​യോ നിലങ്ങ​ളെ​യോ വിട്ടാൽ, ഈ ലോക​ത്തിൽ തന്നേ, ഉപദ്ര​വ​ങ്ങ​ളോ​ടും​കൂ​ടെ നൂറു മടങ്ങു വീടു​ക​ളെ​യും സഹോ​ദ​ര​ന്മാ​രെ​യും സഹോ​ദ​രി​ക​ളെ​യും അമ്മമാ​രെ​യും മക്കളെ​യും നിലങ്ങ​ളെ​യും വരുവാ​നുള്ള ലോക​ത്തിൽ നിത്യ​ജീ​വ​നെ​യും പ്രാപി​ക്കാ​ത്തവൻ ആരുമില്ല എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.”—മർക്കൊസ്‌ 10:29, 30.

യഹോ​വ​യെ സ്‌തു​തി​ക്കാ​നും രാജ്യ​സ​ന്ദേശം പ്രഖ്യാ​പി​ക്കാ​നും തങ്ങളുടെ സമയം ഉപയോ​ഗി​ക്കു​ന്നവർ ആസ്വദി​ക്കുന്ന പ്രതി​ഫ​ല​ങ്ങൾക്കു പണപര​മായ മൂല്യം കൽപ്പി​ക്കാൻ ആർക്കും സാധ്യമല്ല. അവർ അനേകം അനു​ഗ്ര​ഹങ്ങൾ ആസ്വദി​ക്കു​ന്നു! യഥാർഥ സ്‌നേ​ഹി​ത​ന്മാർ, ദൈ​വേഷ്ടം ചെയ്യു​ന്ന​തിൽ നിന്നു ലഭിക്കുന്ന സംതൃ​പ്‌തി, ദൈവാം​ഗീ​കാ​ര​ത്തി​ന്റേ​തായ പുഞ്ചിരി, നിത്യ​ജീ​വന്റെ പ്രത്യാശ എന്നിവ ഇതിൽ ഉൾപ്പെ​ടു​ന്നു. (വെളി​പ്പാ​ടു 21:3, 4) ആളുകളെ ആത്മീയ​മാ​യി സഹായി​ക്കു​ന്ന​തും യഹോ​വ​യു​ടെ സാക്ഷി​ക​ളെ​ന്ന​നി​ല​യിൽ അവന്റെ വിശുദ്ധ നാമത്തി​നു ബഹുമതി കരേറ്റു​ന്ന​തും എന്തൊ​ര​നു​ഗ്ര​ഹ​മാണ്‌! “സമയം തക്കത്തിൽ ഉപയോ​ഗി”ക്കുന്നത്‌ ശരിക്കും ബുദ്ധി​പൂർവ​വും പ്രതി​ഫ​ല​ദാ​യ​ക​വു​മായ ഒരു ഗതിയാ​ണെ​ന്ന​തിൽ തർക്കമില്ല. ദൈവ​രാ​ജ്യ​ത്തെ​ക്കു​റി​ച്ചുള്ള സുവി​ശേഷം പ്രഖ്യാ​പി​ക്കു​ന്ന​തിൽ പൂർവാ​ധി​കം പങ്കുപ​റ്റാ​നുള്ള സമയം ഇപ്പോ​ഴാണ്‌. അസാധാ​ര​ണ​മായ ഈ അവസരത്തെ നിങ്ങൾ തക്കത്തിൽ വിനി​യോ​ഗി​ക്കു​ക​യും അതു മുറു​കെ​പ്പി​ടി​ക്കു​ക​യും ചെയ്യു​മോ?

[അടിക്കു​റിപ്പ്‌]