ഗിലെ​യാ​ദി​ന്റെ 101-ാമത്തെ ക്ലാസ്സ്‌—സത്‌പ്ര​വൃ​ത്തി​ക​ളിൽ ശുഷ്‌കാ​ന്തി​യു​ള്ളവർ

നമ്മുടെ സ്രഷ്ടാ​വായ യഹോ​വ​യാം ദൈവം സത്‌പ്ര​വൃ​ത്തി​ക​ളിൽ ശുഷ്‌കാ​ന്തി​യു​ള്ള​വ​നാണ്‌. അതു​പോ​ലെ​തന്നെ അവന്റെ പുത്ര​നായ യേശു​ക്രി​സ്‌തു​വും. നമ്മുടെ മാതൃ​കാ​പു​രു​ഷ​നായ യേശു, തന്റെ ദൈവദത്ത നിയമനം നിർവ​ഹി​ച്ചു​കൊ​ണ്ടു ശുഷ്‌കാ​ന്തി പ്രകടി​പ്പി​ച്ചു. അവൻ, “സൽപ്ര​വൃ​ത്തി​ക​ളിൽ ശുഷ്‌കാ​ന്തി​യു​ള്ളോ​രു സ്വന്തജ​ന​മാ​യി തനിക്കു ശുദ്ധീ​ക​രി​ക്കേ​ണ്ട​തി​ന്നു തന്നെത്താൻ നമുക്കു​വേണ്ടി കൊടുത്ത”തും അതിൽ ഉൾപ്പെ​ടു​ന്നു. (തീത്തൊസ്‌ 2:14) വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 101-ാമത്തെ ക്ലാസ്സിലെ 48 അംഗങ്ങ​ളും തീർച്ച​യാ​യും സത്‌പ്ര​വൃ​ത്തി​ക​ളിൽ ശുഷ്‌കാ​ന്തി പ്രകടി​പ്പി​ച്ചു. ന്യൂ​യോർക്കി​ലെ പാറ്റേ​ഴ്‌സ​ണി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽവെച്ച്‌ 1996 സെപ്‌റ്റം​ബർ 7-നായി​രു​ന്നു ഈ മിഷന​റി​മാർക്കുള്ള ബിരു​ദ​ദാന പരിപാ​ടി.

ശുഷ്‌കാ​ന്തി​യു​ള്ള​വ​രാ​യി നില​കൊ​ള്ളു​ന്ന​തി​നുള്ള പ്രാ​യോ​ഗിക ബുദ്ധ്യു​പ​ദേ​ശം

70-ലധികം വർഷത്തെ മുഴു​സമയ ശുശ്രൂ​ഷ​യുള്ള, ഭരണസം​ഘാം​ഗ​മായ ക്യാരി ബാർബർ ആയിരു​ന്നു ബിരു​ദ​ദാന പരിപാ​ടി​യു​ടെ അധ്യക്ഷൻ. തന്റെ പ്രാരംഭ പ്രസം​ഗ​ത്തിൽ ബാർബർ സഹോ​ദരൻ, ‘ലോക​ത്തി​ന്റെ വെളിച്ചം ആയിരുന്ന’ യേശു​വി​ന്റെ പ്രസംഗ-പഠിപ്പി​ക്കൽ പ്രവർത്ത​ന​ത്തി​ലേക്കു ശ്രദ്ധ ക്ഷണിച്ചു. (യോഹ​ന്നാൻ 8:12) മഹത്ത്വ​മാർന്ന ആ സ്ഥാനം യേശു തനിക്കു മാത്ര​മാ​യി മാറ്റി​വെ​ച്ചില്ല. മറിച്ച്‌, തങ്ങളുടെ വെളിച്ചം പ്രകാ​ശി​പ്പി​ക്കാൻ അവൻ തന്റെ ശിഷ്യ​ന്മാ​രോട്‌ ആഹ്വാനം ചെയ്‌തു. (മത്തായി 5:14-16) ഈ സേവന​പ​ദവി ഒരു ക്രിസ്‌ത്യാ​നി​യു​ടെ ജീവി​ത​ത്തിന്‌ അർഥം പകരുന്നു. ഒപ്പംതന്നെ അത്‌, “വെളി​ച്ച​ത്തി​ലു​ള്ള​വ​രാ​യി നട”ക്കുന്ന സകലരു​ടെ​യും തോളിൽ ഒരു ഭാരിച്ച ഉത്തരവാ​ദി​ത്വ​വും വെച്ചി​രി​ക്കു​ന്നു.—എഫെസ്യർ 5:8.

ആമുഖ പ്രസം​ഗ​ത്തി​നു​ശേഷം, ബ്രുക്ക്‌ളിൻ ആസ്ഥാനത്തെ എക്‌സി​ക്യൂ​ട്ടിവ്‌ ഓഫീ​സി​ലുള്ള ഡോൺ ആഡംസി​നെ പരിച​യ​പ്പെ​ടു​ത്തി. “മുന്നോ​ട്ടു കുതി​ക്കു​ന്നു, പിന്നോ​ട്ടല്ല” എന്ന വിഷയത്തെ അധിക​രിച്ച്‌ അദ്ദേഹം സംസാ​രി​ച്ചു. ഗിലെ​യാദ്‌ സ്‌കൂ​ളി​ലേ​ക്കും സുവാർത്താ പ്രസംഗം അന്യ​ദേ​ശ​ങ്ങ​ളി​ലേക്കു വ്യാപി​പ്പി​ക്കുക എന്ന അതിന്റെ ഉദ്ദേശ്യ​ത്തി​ലേ​ക്കും ആഡംസ്‌ സഹോ​ദരൻ ശ്രദ്ധയാ​കർഷി​ച്ചു. ലോക​വ്യാ​പ​ക​മാ​യി 300-ലധികം ഭാഷക​ളിൽ ബൈബിൾ സാഹി​ത്യ​ങ്ങൾ പ്രസി​ദ്ധീ​ക​രി​ച്ചി​രി​ക്കുന്ന ദൈവ​സ്ഥാ​പ​ന​ത്തി​ന്റെ മുന്നേ​റ്റ​ത്തെ​ക്കു​റിച്ച്‌ അദ്ദേഹം സംസാ​രി​ച്ചു. 1995-ൽ പ്രസി​ദ്ധീ​ക​രിച്ച നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌തകം ഇപ്പോൾ 111 ഭാഷക​ളിൽ ലഭ്യമാണ്‌. കൂടുതൽ ഭാഷക​ളിൽ അച്ചടി​ക്കാൻ പട്ടിക​പ്പെ​ടു​ത്തി​യി​രി​ക്കു​ന്നു. ഏതാനും മാസങ്ങൾകൊ​ണ്ടു സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടിയി​ലെ​ത്താൻ അത്‌ യേശു​വി​ന്റെ പുതിയ ശിഷ്യ​ന്മാ​രെ ഇപ്പോൾത്തന്നെ സഹായി​ച്ചി​രി​ക്കു​ന്നു. തന്മൂലം, പുതിയ മിഷന​റി​മാർക്ക്‌ ഏറ്റവും പുതിയ ബൈബി​ള​ധ്യ​യന സഹായി തങ്ങളുടെ വേലയിൽ ലഭ്യമാണ്‌.

അടുത്ത​താ​യി, വെളി​പ്പാ​ടു 7:15-നെ അടിസ്ഥാ​ന​മാ​ക്കി, “യഹോ​വ​യ്‌ക്കു നിങ്ങളു​ടെ വിശുദ്ധ സേവനം അർപ്പി​ക്കു​ന്ന​തിൽ തുടരുക” എന്ന ശീർഷ​ക​ത്തി​ലുള്ള പ്രസംഗം നടത്തി​യതു ഭരണസം​ഘാം​ഗ​മായ ലൈമൻ സ്വിംഗൾ ആയിരു​ന്നു. യഹോ​വ​ത​ന്നെ​യും സന്തുഷ്ട​നായ ദൈവ​മാ​ക​യാൽ അവനെ തുടർച്ച​യാ​യി സേവി​ക്കു​ന്ന​താണ്‌ ഒരുവനെ സന്തുഷ്ട​നാ​ക്കു​ന്നത്‌. (1 തിമൊ​ഥെ​യൊസ്‌ 1:11) ഈ സന്തുഷ്ട സേവന​ത്തി​ന്റെ ഫലമായി ഭൂമി​യു​ടെ എല്ലാ ഭാഗങ്ങ​ളിൽനി​ന്നു​മുള്ള ഒരു മഹാപു​രു​ഷാ​രം അവനെ ആരാധി​ക്കാൻ ഇടയാ​യി​രി​ക്കു​ന്നു. വർഷങ്ങ​ളി​ലു​ട​നീ​ളം, സത്യത്തി​ന്റെ സൂക്ഷ്‌മ പരിജ്ഞാ​നം ലഭിക്കു​ന്ന​തിന്‌ അവരി​ല​നേ​ക​രെ​യും സഹായി​ക്കു​ന്ന​തിൽ ഗിലെ​യാദ്‌ സ്‌കൂ​ളിൽ പരിശീ​ലനം ലഭിച്ച​വർക്കു പങ്കുണ്ടാ​യി​രു​ന്നു. മഹാപു​രു​ഷാ​ര​ത്തി​ന്റെ വർധി​ച്ചു​വ​രുന്ന സംഖ്യ​യോ​ടു കൂടുതൽ ആളുകളെ കൂട്ടി​ച്ചേർക്കാൻ ഇപ്പോൾ അയയ്‌ക്കു​ന്ന​വ​രെ​യും യഹോവ അനു​ഗ്ര​ഹി​ക്കു​മെന്നു വിശ്വ​സി​ക്കാൻ നമുക്കു സകല കാരണ​വു​മുണ്ട്‌.

“യഹോ​വ​യി​ങ്കലെ സന്തോഷം പ്രതി​ഫ​ലി​പ്പി​ക്കൽ” എന്നതാ​യി​രു​ന്നു ഭരണസം​ഘാം​ഗ​മായ ഡാനി​യേൽ സിഡ്‌ലിക്‌ വിശേ​ഷ​വ​ത്‌ക​രിച്ച വിഷയം. ദൈവ​ദാ​സർക്കെ​ല്ലാം, പുതിയ മിഷന​റി​മാർ ഉൾപ്പെടെ, നിത്യ​ജീ​വ​നി​ലേ​ക്കുള്ള മാർഗ​ത്തെ​ക്കു​റി​ച്ചും ഇപ്പോൾ ജീവിതം പരമാ​വധി പ്രയോ​ജ​ന​പ്പെ​ടു​ത്തു​ന്ന​തി​നുള്ള മാർഗ​ത്തെ​ക്കു​റി​ച്ചും ആളുകളെ പഠിപ്പി​ക്കു​ക​യെന്ന പദവി​യുണ്ട്‌. “പഠിപ്പി​ക്കൽ പഠിപ്പി​ക്കു​ന്ന​വർക്കു​തന്നെ  പ്രയോ​ജനം ചെയ്യുന്ന വേലയാണ്‌. അത്‌ പഠിപ്പി​ക്കു​ക​യും പഠിക്കു​ക​യും ചെയ്യു​ന്ന​വ​രു​ടെ മുഖങ്ങ​ളിൽ പ്രതി​ഫ​ലി​ക്കു​ന്നു,” സിഡ്‌ലിക്‌ സഹോ​ദരൻ പ്രസ്‌താ​വി​ച്ചു. (സങ്കീർത്തനം 16:8-11) എസ്‌തോ​ണി​യ​യി​ലുള്ള ഒരു മിഷന​റി​യെ ഉദ്ധരി​ച്ചു​കൊണ്ട്‌ അദ്ദേഹം പറഞ്ഞു: “ഭൂമു​ഖ​ത്തി​ലേ​ക്കും​വെച്ച്‌ ഏറ്റവും മഹത്തായ സന്ദേശ​മാ​ണു നമുക്കു​ള്ളത്‌. നമ്മുടെ മുഖമാണ്‌ അതു വ്യക്തമാ​ക്കു​ന്നത്‌.” നമ്മുടെ മുഖഭാ​വം, പലരും ചെവി​ചാ​യ്‌ക്കു​ന്ന​തി​നും താത്‌പ​ര്യം കാട്ടു​ന്ന​തി​നും അവസരം തുറ​ന്നേ​ക്കാം. യഹോ​വ​യു​ടെ ദാസരെ സന്തുഷ്ട​രാ​ക്കു​ന്നത്‌ എന്താ​ണെ​ന്ന​റി​യാൻ ആളുകൾ ആഗ്രഹി​ക്കു​ന്നു. “അതു​കൊണ്ട്‌, നിങ്ങളു​ടെ മുഖഭാ​വ​ത്തി​നു ശ്രദ്ധ കൊടു​ക്കുക,” സിഡ്‌ലിക്‌ സഹോ​ദരൻ ബുദ്ധ്യു​പ​ദേ​ശി​ച്ചു. “സന്തോ​ഷ​മു​ള്ള​വരെ കാണു​ന്നത്‌ ആളുകൾക്ക്‌ ഇഷ്ടമാണ്‌.”

1949-ൽ 12-ാമത്തെ ക്ലാസ്സു മുതൽ ഗിലെ​യാദ്‌ വിദ്യാർഥി​കൾക്കു പ്രബോ​ധ​ന​മേ​കു​ന്ന​തിൽ പങ്കുപ​റ്റി​യി​രി​ക്കുന്ന യു​ളൈ​സിസ്‌ ഗ്ലാസ്‌, “ക്ഷമയോ​ടെ നിങ്ങളു​ടെ ദേഹി​കളെ കാത്തു​കൊ​ള്ളു​വിൻ” എന്ന വിഷയ​ത്തിൽ സദസ്സിനെ അഭിസം​ബോ​ധന ചെയ്‌തു. എന്താണു ക്ഷമ? എന്തി​നെ​ങ്കി​ലും​വേണ്ടി ശാന്തത​യോ​ടെ കാത്തി​രി​ക്കൽ, പ്രകോ​പ​ന​മോ സമ്മർദ​മോ ഉള്ളപ്പോൾ സംയമനം പ്രകട​മാ​ക്കൽ എന്ന ആശയം അതു ധ്വനി​പ്പി​ക്കു​ന്നു. ക്ഷമാശീ​ലൻ ശാന്തനാ​യി​രി​ക്കു​ന്നു; എന്നാൽ ക്ഷമാര​ഹി​തൻ തിടു​ക്ക​വും നീരസ​വും പ്രകടി​പ്പി​ക്കും. “ക്ഷമ പ്രകട​മാ​ക്കു​ന്നത്‌ ബലഹീനത അല്ലെങ്കിൽ തീരു​മാ​ന​ശേ​ഷി​യി​ല്ലായ്‌മ ആണെന്നാ​ണു പലരു​ടെ​യും ചിന്ത.” എന്നാൽ “കരുത്തി​ന്റെ​യും ഉദ്ദേശ്യ​ത്തി​ന്റെ​യും ലക്ഷണമാ​യി​ട്ടാ​ണു യഹോവ അതിനെ കാണു​ന്നത്‌,” ഗ്ലാസ്‌ സഹോ​ദരൻ പ്രസ്‌താ​വി​ച്ചു. (സദൃശ​വാ​ക്യ​ങ്ങൾ 16:32) ക്ഷമകൊ​ണ്ടുള്ള നേട്ടങ്ങൾ എന്തെല്ലാ​മാണ്‌? “ദേഷ്യം​പൂ​ണ്ടി​രി​ക്കുന്ന ഒരു നിമി​ഷ​ത്തി​ലെ ക്ഷമ നൂറു ദിവസത്തെ വ്യഥ ഒഴിവാ​ക്കും,” ഒരു ചൈനീസ്‌ പഴഞ്ചൊല്ല്‌ പറയുന്നു. “ക്ഷമ ഒരുവന്റെ വ്യക്തി​ത്വ​ത്തി​നു മാറ്റു കൂട്ടുന്നു,” ഗ്ലാസ്‌ സഹോ​ദരൻ അഭി​പ്രാ​യ​പ്പെട്ടു. “ഫലത്തിൽ, അതു മറ്റ്‌ ഉത്തമ ഗുണങ്ങളെ സദാ കാത്തു​സൂ​ക്ഷി​ക്കു​ന്നു. അതു വിശ്വാ​സത്തെ അഭികാ​മ്യ​മാ​ക്കു​ന്നു, സമാധാ​നത്തെ ഈടു​റ്റ​താ​ക്കു​ന്നു, സ്‌നേ​ഹത്തെ അചഞ്ചല​മാ​ക്കു​ന്നു.”

“തന്റെ സ്ഥാപനം മുഖേന യഹോ​വ​യാം ദൈവ​ത്തിൽനിന്ന്‌ ഒരു നിയമനം ലഭിക്കു​ന്നത്‌ ഒരു പദവി​യാണ്‌” എന്ന്‌ കെനി​യ​യിൽ 11 വർഷം മിഷന​റി​യാ​യി സേവിച്ച, ഇപ്പോൾ ഗിലെ​യാദ്‌ അധ്യാ​പ​ക​നാ​യി സേവി​ക്കുന്ന മാർക്ക്‌ നൂമർ പ്രസ്‌താ​വി​ച്ചു. “വിശ്വാ​സ​മി​ല്ലെ​ങ്കിൽ നിങ്ങൾ അധിക​നാൾ തുടരു​ക​യില്ല” എന്ന വിഷയം വികസി​പ്പി​ച്ചെ​ടു​ക്കവേ നൂമർ സഹോ​ദരൻ, യഹൂദ​യി​ലെ ആഹാസ്‌ രാജാ​വി​ന്റെ ദൃഷ്ടാന്തം ശ്രദ്ധയിൽപ്പെ​ടു​ത്തി. യെശയ്യാവ്‌ ആ രാജാ​വിന്‌ അവന്റെ നിയമ​ന​ത്തിൽ യഹോ​വ​യു​ടെ പിന്തുണ ഉറപ്പേകി. എന്നാൽ ആഹാസ്‌ യഹോ​വയെ ആശ്രയി​ക്കു​ന്ന​തിൽ പരാജ​യ​പ്പെട്ടു. (യെശയ്യാ​വു 7:2-9) ദിവ്യാ​ധി​പത്യ നിയമ​ന​ങ്ങ​ളിൽ നീണ്ടകാ​ലം നിലനിൽക്കു​ന്ന​തി​നു മിഷന​റി​മാർക്ക്‌, വാസ്‌ത​വ​ത്തിൽ നമു​ക്കേ​വർക്കും, യഹോ​വ​യിൽ വിശ്വാ​സ​മു​ണ്ടാ​യി​രി​ക്കേ​ണ്ടത്‌ ആവശ്യ​മാ​ണെന്നു നൂമർ സഹോ​ദരൻ ചൂണ്ടി​ക്കാ​ട്ടി. മിഷനറി നിയമ​ന​ത്തി​ലുള്ള പ്രത്യേ​ക​തരം വെല്ലു​വി​ളി​കൾ ശക്തമായ വിശ്വാ​സം ആവശ്യ​മാ​ക്കി​ത്തീർക്കു​ന്നു. “ഈ വ്യവസ്ഥി​തി​യിൽ പൂർണ​മായ ഒരു സാഹച​ര്യ​മി​ല്ലെന്ന്‌ എല്ലായ്‌പോ​ഴും മനസ്സിൽപ്പി​ടി​ക്കുക,” നൂമർ സഹോ​ദരൻ പ്രസ്‌താ​വി​ച്ചു.

ശുഷ്‌കാ​ന്തി​യുള്ള പ്രവർത്ത​നത്തെ പ്രോ​ത്സാ​ഹി​പ്പി​ക്കുന്ന അനുഭ​വ​ങ്ങൾ

ഗിലെ​യാദ്‌ സ്‌കൂൾ പരിശീ​ല​ന​വേ​ള​യിൽ വിദ്യാർഥി​കൾ ഓരോ വാരാ​ന്ത​ത്തി​ലും പരസ്യ​ശു​ശ്രൂ​ഷ​യിൽ സമയം ചെലവ​ഴി​ച്ചു. അവരുടെ മിഷനറി നിയമ​ന​ങ്ങ​ളി​ലെ​യും മുഖ്യ വശം അതുത​ന്നെ​യാ​യി​രി​ക്കും. ഗിലെ​യാദ്‌ അധ്യാ​പ​ക​വൃ​ന്ദ​ത്തിൽ ഒരുവ​നായ വാലസ്‌ ലിവെ​റൻസ്‌ 15 വിദ്യാർഥി​ക​ളു​മാ​യി അഭിമു​ഖം നടത്തി. അവർ തങ്ങളുടെ അനുഭ​വങ്ങൾ പങ്കു​വെച്ചു. അടുത്ത​താ​യി, സേവന വിഭാഗം കമ്മിറ്റി അംഗമായ ലിയോൺ വീവറും ബെഥേൽ ഓപ്പ​റേ​ഷൻസ്‌ കമ്മിറ്റി അംഗമായ ലോൺ ഷില്ലി​ങ്ങും ആഫ്രി​ക്ക​യി​ലും ലാറ്റി​ന​മേ​രി​ക്ക​യി​ലും​നി​ന്നുള്ള ബ്രാഞ്ച്‌ കമ്മറ്റി​യം​ഗ​ങ്ങ​ളു​മാ​യി അഭിമു​ഖം നടത്തി. അവർ മിഷനറി വയലിൽനി​ന്നുള്ള അനുഭ​വങ്ങൾ പങ്കിടുക മാത്രമല്ല, ബിരുദം നേടുന്ന മിഷന​റി​മാർക്കു ചില ഉത്തമ ബുദ്ധ്യു​പ​ദേശം നൽകു​ക​യും ചെയ്‌തു. 1995-ൽ സീയെറ ലിയോ​ണിൽ സ്‌നാ​പ​ന​മേ​റ്റ​വ​രിൽ ഏതാണ്ടു 90 ശതമാ​ന​വും മിഷന​റി​മാർ സഹായ​മേ​കി​യ​വ​രാ​ണെന്നു ചൂണ്ടി​ക്കാ​ട്ടു​ക​യു​ണ്ടാ​യി. ശുഷ്‌കാ​ന്തി​യുള്ള പ്രവർത്ത​ന​ത്തി​ന്റെ എത്ര നല്ല വൃത്താന്തം!

ഒടുവിൽ, സൊ​സൈ​റ്റി​യു​ടെ പ്രസി​ഡൻറ്‌ മിൽട്ടൺ ഹെൻഷൽ 2,734 പേരട​ങ്ങുന്ന സദസ്സിനെ അഭിസം​ബോ​ധന ചെയ്‌തു. “യഹോ​വ​യു​ടെ ദൃശ്യ​സ്ഥാ​പനം അനുപ​മ​മാണ്‌” എന്നതാ​യി​രു​ന്നു അദ്ദേഹ​ത്തി​ന്റെ വിഷയം.  ദൈവ​സ്ഥാ​പ​നത്തെ അതുല്യ​മാ​ക്കു​ന്നത്‌ എന്താണ്‌? അതിന്റെ വലുപ്പ​മോ ശക്തിയോ അല്ല, മറിച്ച്‌ ദൈവ​ത്തി​ന്റെ നീതി​നി​ഷ്‌ഠ​മായ നിയമ​ങ്ങ​ളാ​ലും നീതി​ന്യാ​യ തീർപ്പു​ക​ളാ​ലും അതു നയിക്ക​പ്പെ​ടു​ന്നു എന്ന വസ്‌തു​ത​യാണ്‌. പുരാതന കാലങ്ങ​ളിൽ, യഹോ​വ​യു​ടെ വിശുദ്ധ അരുള​പ്പാ​ടു​കൾ ഭരമേൽപ്പി​ച്ചി​രു​ന്നത്‌ അവന്റെ ജനമാ​യി​രുന്ന ഇസ്രാ​യേൽ ജനത​യെ​യാ​യി​രു​ന്നു. അത്‌ ആ ജനതയെ അനുപ​മ​മാ​ക്കി​ത്തീർത്തു. (റോമർ 3:1, 2) ഇന്ന്‌, യഹോ​വ​യു​ടെ സ്ഥാപനം യേശു​ക്രി​സ്‌തു​വി​ന്റെ മാർഗ​ദർശ​ന​ത്തിൻ കീഴിൽ ഏകീകൃ​ത​മാ​യി പ്രവർത്തി​ക്കു​ന്നു. (മത്തായി 28:19, 20) അത്‌ അഭിവൃ​ദ്ധി​പ്രാ​പി​ക്കു​ക​യും വളർന്നു​കൊ​ണ്ടി​രി​ക്കു​ക​യു​മാണ്‌. സുപ്ര​ധാന തീരു​മാ​ന​ങ്ങ​ളെ​ടു​ക്കു​ന്ന​തി​നു മുമ്പു ദൈവ​വ​ച​ന​മായ ബൈബി​ളി​ന്റെ ബുദ്ധ്യു​പ​ദേശം ആരായുന്ന ഭരണസം​ഘ​മുള്ള മറ്റൊരു സ്ഥാപനം ഇന്നു ഭൂമു​ഖ​ത്തു​ണ്ടോ? ഈ വിധങ്ങ​ളി​ലും മറ്റു വിധങ്ങ​ളി​ലും യഹോ​വ​യു​ടെ ദൃശ്യ​സ്ഥാ​പനം വാസ്‌ത​വ​മാ​യും അനുപ​മ​മാണ്‌.

ഡിപ്ലോ​മ​കൾ വിതരണം ചെയ്‌തു​കൊ​ണ്ടും പ്രത്യേക പരിശീ​ല​ന​ത്തിൽ വിലമ​തി​പ്പു പ്രകടി​പ്പി​ച്ചു​കൊ​ണ്ടുള്ള ക്ലാസ്സിന്റെ ഒരു കത്തു വായി​ച്ചു​കൊ​ണ്ടും ആസ്വാ​ദ്യ​മായ ആ പരിപാ​ടി ഉപസം​ഹ​രി​ച്ചു.

[22-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണക്ക്‌

പ്രതിനിധീകരിച്ച രാജ്യ​ങ്ങ​ളു​ടെ എണ്ണം: 9

നിയമിക്കപ്പെട്ട രാജ്യ​ങ്ങ​ളു​ടെ എണ്ണം: 12

വിദ്യാർഥികളുടെ എണ്ണം: 48

ശരാശരി വയസ്സ്‌: 31.7

സത്യത്തിലായിരുന്ന ശരാശരി വർഷങ്ങൾ: 13.8

മുഴുസമയ ശുശ്രൂ​ഷ​യി​ലാ​യി​രുന്ന ശരാശരി വർഷങ്ങൾ: 9.8

[23-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 101-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്റ്റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) സ്വിൻറ്‌, എച്ച്‌.; സെസിൻസ്‌കി, എ.; ഹൈഫീൽഡ്‌, എൽ.; മെർക്കാ​ഡോ, എസ്‌.; ഡിൽ, എ.; ഷവസ്‌, വി.; സ്‌മിത്ത്‌, ജെ.; സെലീ​നി​യസ്‌, എസ്‌. (2) കൂർട്‌സ്‌, ഡി.; ക്ലാർക്ക്‌, സി.; ലിസ്‌ബോൺ, ജെ.; മൊർട്ടെൻസെൻ, ഡബ്ലിയു.; ബ്രോ​മി​ലി, എ.; ടോയ്‌ക്കാ, എൽ.; മാർട്ടിൻ, എ.; സ്‌മിത്ത്‌, ഡി. (3) സെസിൻസ്‌കി, ഡി.; ബ്യെർഗൊർ, എൽ.; ഗാരാ​ഫ​ലോ, ബി.; കൽഡൽ, എൽ.; ഷവസ്‌, ഇ.; ഫ്രോ​ഡിങ്‌, എസ്‌.; ഖാൻ, ആർ.; സെലീ​നി​യസ്‌, ആർ. (4) സ്വിൻറ്‌, ബി.; ബ്യെർഗൊർ, എം.; ഗാരാ​ഫ​ലോ, പി.; ഹോൾമ്പ്‌ളാഡ്‌, എൽ.; കൈസെർ, എം.; ഫ്രോ​ഡിങ്‌, റ്റി.; പോൾഫ്രി​മൻ, ജെ.; പോൾഫ്രി​മൻ, ഡി. (5) മിങ്ക്വാസ്‌, എൽ.; ലിസ്‌ബോൺ, എം.; മെർക്കാ​ഡോ, എം.; കൂർട്‌സ്‌, എം.; ഡിൽ, എച്ച്‌.; ടോയ്‌ക്കാ, ജെ.; ക്ലാർക്ക്‌, എസ്‌.; ഖാൻ, എ. (6) മിങ്ക്വാസ്‌, എഫ്‌.; മാർട്ടിൻ, ബി.; ഹൈഫീൽഡ്‌, എൽ.; ഹോൾമ്പ്‌ളാഡ്‌, ബി.; ബ്രോ​മി​ലി, കെ.; കൽഡൽ, എച്ച്‌.; മൊർട്ടെൻസെൻ, പി.; കൈസെർ, ആർ.