തങ്ങളുടെ സ്രഷ്ടാ​വി​നെ ഓർക്കുന്ന യുവജ​ന​ങ്ങൾ

“നിന്റെ യൌവ​ന​കാ​ലത്തു നിന്റെ സ്രഷ്ടാ​വി​നെ ഓർത്തു​കൊൾക.”—സഭാ​പ്ര​സം​ഗി 12:1.

1. ഒരു 11 വയസ്സു​കാ​രന്റെ ഏതു വാക്കുകൾ നമ്മുടെ സ്രഷ്ടാവ്‌ അവനു യഥാർഥ​മാ​ണെന്നു വെളി​പ്പെ​ടു​ത്തു​ന്നു?

 യഹോ​വ​യാം ദൈവത്തെ, തങ്ങൾ സ്‌തു​തി​ക്കു​ക​യും പ്രസാ​ദി​പ്പി​ക്കാ​നാ​ഗ്ര​ഹി​ക്കു​ക​യും ചെയ്യുന്ന ഒരു യഥാർഥ വ്യക്തി​യാ​യി വീക്ഷി​ക്കു​ന്നു​വെന്നു പ്രകട​മാ​ക്കും​വി​ധം കുട്ടികൾ സംസാ​രി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌ എത്ര നല്ലതാണ്‌! ഒരു 11 വയസ്സു​കാ​രൻ പറഞ്ഞു: “ഞാൻ ഒറ്റയ്‌ക്കി​രു​ന്നു ജനലി​ലൂ​ടെ പുറ​ത്തേക്കു നോക്കു​മ്പോ​ഴൊ​ക്കെ​യും യഹോ​വ​യു​ടെ സൃഷ്ടികൾ എത്ര അത്ഭുത​ക​ര​മാ​ണെന്നു ഞാൻ മനസ്സി​ലാ​ക്കു​ന്നു. പിന്നെ ഭാവി​യി​ലെ പറുദീ​സ​യു​ടെ മനോ​ഹാ​രി​ത​യും അന്നു ഞാൻ മൃഗങ്ങളെ സ്‌പർശി​ക്കു​ന്ന​തും വിഭാവന ചെയ്യാ​റുണ്ട്‌.” (യെശയ്യാ​വു 11:6-9) അവൻ കൂട്ടി​ച്ചേർത്തു: “തനിച്ചാ​യി​രി​ക്കു​മ്പോൾ ഞാൻ യഹോ​വ​യോ​ടു പ്രാർഥി​ക്കു​ന്നു. എനിക്ക​റി​യാം, എപ്പോ​ഴും അവനോട്‌ സംസാ​രി​ക്കു​ന്ന​തു​കൊണ്ട്‌ അവനൊ​രു ശല്യവും തോന്നു​ക​യി​ല്ലെന്ന്‌. അവനെ​പ്പോ​ഴും എന്നെ വീക്ഷി​ക്കു​ന്നു​ണ്ടെന്ന്‌ എനിക്ക​റി​യാം.” നമ്മുടെ സ്രഷ്ടാവ്‌ ഈ ബാലന്‌ യഥാർഥ​മാ​യി​രി​ക്കു​ന്ന​തു​പോ​ലെ അവൻ നിങ്ങൾക്കു യഥാർഥ​മാ​ണോ?

ദൈവം നിങ്ങൾക്ക്‌ എത്ര യഥാർഥ​മാണ്‌?

2. (എ) നിങ്ങളു​ടെ സ്രഷ്ടാവ്‌ നിങ്ങൾക്കെ​ങ്ങനെ യഥാർഥ​മാ​യി​ത്തീ​രും? (ബി) ദൈവം ഒരു യഥാർഥ വ്യക്തി​യാ​ണെന്നു മനസ്സി​ലാ​ക്കാൻ കുട്ടി​കളെ സഹായി​ക്കു​ന്ന​തിൽ മാതാ​പി​താ​ക്കൾക്ക്‌ എന്തു പങ്കുണ്ട്‌?

² യഹോ​വ​യും അവന്റെ വാഗ്‌ദ​ത്ത​ങ്ങ​ളും നിങ്ങൾക്കു യഥാർഥ​മാ​യി​രി​ക്ക​ണ​മെ​ങ്കിൽ, നിങ്ങൾ ആദ്യം അവനെ​യും ബൈബിൾ വർണി​ക്കുന്ന നീതി​നി​ഷ്‌ഠ​മായ പുതിയ ലോക​ത്തിൽ അവൻ വെച്ചു​നീ​ട്ടുന്ന മഹത്തായ ഭാവി​യെ​യും കുറിച്ചു പഠിക്കണം. (വെളി​പ്പാ​ടു 21:3-5എ) ഈ സംഗതി​ക​ളെ​ക്കു​റി​ച്ചു മാതാ​പി​താ​ക്കൾ നിങ്ങളെ പഠിപ്പി​ച്ചി​ട്ടു​ണ്ടെ​ങ്കിൽ, കൃതജ്ഞ​ത​യു​ള്ള​വ​രാ​യി​രി​ക്കാൻ നിങ്ങൾക്കു കാരണ​മുണ്ട്‌. എന്തെന്നാൽ ഇതു നിങ്ങളെ “നിന്റെ സ്രഷ്ടാ​വി​നെ ഓർത്തു​കൊൾക” എന്ന നിശ്വസ്‌ത കൽപ്പന അനുസ​രി​ക്കാൻ പ്രാപ്‌ത​രാ​ക്കു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (സഭാ​പ്ര​സം​ഗി 12:1) തനിക്കു മാതാ​പി​താ​ക്ക​ളിൽനി​ന്നു ലഭിച്ച ആദ്യകാല പരിശീ​ല​ന​ത്തെ​ക്കു​റിച്ച്‌ ഒരു യുവതി പറഞ്ഞു: “എന്തിലും അവർ എപ്പോ​ഴും യഹോ​വയെ ഉൾപ്പെ​ടു​ത്തു​മാ​യി​രു​ന്നു. എന്റെ സ്രഷ്ടാ​വി​നെ ഓർക്കു​ന്ന​തി​നുള്ള മുഖ്യ​സം​ഗ​തി​യാ​യി​രു​ന്നു ഇത്‌.” മറ്റൊരു യുവതി അഭി​പ്രാ​യ​പ്പെട്ടു: “യഹോവ ഒരു യഥാർഥ വ്യക്തി​യാ​ണെന്ന്‌ എന്നെ പഠിപ്പി​ച്ച​തി​നു ഞാനെന്റെ മാതാ​പി​താ​ക്ക​ളോട്‌ എന്നെന്നും കൃതജ്ഞ​ത​യു​ള്ള​വ​ളാ​യി​രി​ക്കും. അവനെ എങ്ങനെ സ്‌നേ​ഹി​ക്ക​ണ​മെന്ന്‌ അവർ എന്നെ കാണി​ച്ചു​ത​രു​ക​യും മുഴു​സ​മയം അവനെ സേവി​ക്കു​ന്ന​തി​ലെ സന്തോ​ഷ​ത്തെ​ക്കു​റിച്ച്‌ എന്നോടു പറയു​ക​യും ചെയ്‌തു.”

3, 4. യഹോ​വയെ ഒരു യഥാർഥ വ്യക്തി​യാ​യി കരുതാൻ നിങ്ങളെ എന്തു സഹായി​ക്കും?

³ എന്നിട്ടും തങ്ങളിൽ താത്‌പ​ര്യ​മുള്ള ഒരു യഥാർഥ  വ്യക്തി​യാ​യി ദൈവ​ത്തെ​ക്കു​റി​ച്ചു ചിന്തി​ക്കാൻ അനേകർക്കും ബുദ്ധി​മു​ട്ടു തോന്നു​ന്നു. നിങ്ങൾക്കോ? ഒരു യുവാ​വി​നെ ദൈവ​ത്തെ​ക്കു​റി​ച്ചു വ്യക്തി​പ​ര​മായ വിധത്തിൽ ചിന്തി​ക്കാൻ സഹായി​ച്ചത്‌ വീക്ഷാ​ഗോ​പു​ര​ത്തി​ലെ ഈ പ്രസ്‌താ​വ​ന​യാ​യി​രു​ന്നു: “യഹോ​വ​യു​ടെ ആകൃതി എത്ര വലുപ്പ​മു​ള്ള​താ​ണെന്നു നമുക്ക​റി​യില്ല.” തീർച്ച​യാ​യും, ആ വീക്ഷാ​ഗോ​പു​ര​ത്തി​ന്റെ അടുത്ത വാക്യം പറയു​ന്ന​തു​പോ​ലെ, യഹോ​വ​യു​ടെ ശ്രേഷ്‌ഠത ആശ്രയി​ച്ചി​രി​ക്കു​ന്നത്‌ അവന്റെ ആകൃതി​യെ​യോ രൂപ​ത്തെ​യോ അല്ല: “അവന്റെ യഥാർഥ മാഹാ​ത്മ്യം അവൻ ഏതുതരം ദൈവ​മാണ്‌ എന്നതി​ലാണ്‌,” തീർച്ച​യാ​യും അവൻ വിശ്വ​സ്‌ത​നും അനുക​മ്പ​യു​ള്ള​വ​നും സ്‌നേ​ഹ​സ​മ്പ​ന്ന​നും ക്ഷമിക്കു​ന്ന​വ​നു​മായ ദൈവ​മാണ്‌. a (പുറപ്പാ​ടു 34:6; ആവർത്ത​ന​പു​സ്‌തകം 32:4; സങ്കീർത്തനം 86:5; യാക്കോബ്‌ 5:11) യഹോ​വയെ അത്തരത്തി​ലുള്ള ഒരു വ്യക്തി​യാ​യിട്ട്‌, നിങ്ങൾക്ക്‌ ഒരമൂല്യ ബന്ധമു​ണ്ടാ​യി​രി​ക്കാ​നാ​വുന്ന ഒരു സുഹൃ​ത്താ​യിട്ട്‌ ആണോ നിങ്ങൾ വീക്ഷി​ക്കു​ന്നത്‌?—യെശയ്യാ​വു 41:8; യാക്കോബ്‌ 2:23.

⁴ ദൈവ​വു​മാ​യി വ്യക്തി​പ​ര​മാ​യൊ​രു ബന്ധം ആസ്വദി​ക്കു​ന്ന​തി​നു യേശു തന്റെ ആദിമ അനുഗാ​മി​കളെ സഹായി​ച്ചു. അങ്ങനെ, യോഹ​ന്നാൻ അപ്പോ​സ്‌തലൻ സ്വർഗീയ ജീവനി​ലേക്കു താൻ പ്രതീ​ക്ഷി​ക്കുന്ന പുനരു​ത്ഥാ​ന​ത്തെ​ക്കു​റിച്ച്‌ എഴുതി​യ​പ്പോൾ, ഇങ്ങനെ പ്രസ്‌താ​വി​ച്ചു: “നാം [ദൈവത്തെ] താൻ ഇരിക്കും​പോ​ലെ തന്നേ കാണു​ന്ന​താ​ക​കൊ​ണ്ടു അവനോ​ടു സദൃശ​ന്മാർ ആകും എന്നു നാം അറിയു​ന്നു.” (1 യോഹ​ന്നാൻ 3:2; 1 കൊരി​ന്ത്യർ 15:44) ദൈവത്തെ ഒരു യഥാർഥ വ്യക്തി​യാ​യി, വ്യക്തി​പ​ര​മാ​യി അവനെ കാണാ​നാ​വി​ല്ലെ​ങ്കി​ലും തങ്ങൾക്ക്‌ അടുത്ത്‌ അറിയാ​വു​ന്ന​വ​നാ​യി വീക്ഷി​ക്കാൻ യുവജ​ന​ങ്ങളെ ഇന്നും സഹായി​ക്കാ​വു​ന്ന​താണ്‌. ഒരു യുവാവ്‌ പറഞ്ഞു: “‘യഹോവ എന്തു പറയും? സ്വന്തം വാക്കു​ക​ളിൽ നീ അത്‌ എങ്ങനെ വിശദീ​ക​രി​ക്കും? അതിന്റെ അർഥ​മെ​ന്താണ്‌?’ എന്നിങ്ങ​നെ​യുള്ള അനേകം ചോദ്യ​ങ്ങൾ ചോദി​ച്ചു​കൊണ്ട്‌ യഹോ​വയെ ഓർക്കാൻ എന്റെ മാതാ​പി​താ​ക്കൾ എന്നെ സഹായി​ച്ചു.” ഇതു​പോ​ലുള്ള ചോദ്യ​ങ്ങൾ ദൈവ​വു​മാ​യുള്ള നമ്മുടെ വ്യക്തി​പ​ര​മായ ബന്ധത്തെ​ക്കു​റി​ച്ചു നമ്മെ ചിന്തി​പ്പി​ക്കു​ന്നി​ല്ലേ?

ഓർമി​ക്കു​ക​യെ​ന്ന​തി​ന്റെ അർഥം

5. ആരെ​യെ​ങ്കി​ലും ഓർക്കു​ന്ന​തിൽ അയാളു​ടെ പേർ അനുസ്‌മ​രി​ക്കു​ന്ന​തി​നെ​ക്കാ​ള​ധി​കം ഉൾപ്പെ​ടു​ന്നു​വെന്ന്‌ ഏതെല്ലാം ബൈബിൾ ദൃഷ്ടാ​ന്തങ്ങൾ പ്രകട​മാ​ക്കു​ന്നു?

⁵ “നിന്റെ സ്രഷ്ടാ​വി​നെ ഓർത്തു​കൊൾക” എന്ന കൽപ്പന അനുസ​രി​ക്കു​ക​യെ​ന്നാൽ യഹോ​വ​യെ​ക്കു​റി​ച്ചു കേവലം ചിന്തി​ക്കു​ന്ന​തി​ലു​മ​ധി​കം അർഥമാ​ക്കു​ന്നുണ്ട്‌. അതിൽ പ്രവൃത്തി, അവനെ പ്രീതി​പ്പെ​ടു​ത്തു​ന്നതു ചെയ്യൽ ഉൾപ്പെ​ടു​ന്നു. “നീ രാജത്വം പ്രാപി​ച്ചു വരു​മ്പോൾ എന്നെ ഓർത്തു​കൊ​ള്ളേ​ണമേ” എന്നു കുറ്റവാ​ളി യേശു​വി​നോ​ടു കേണ​പേ​ക്ഷി​ച്ച​പ്പോൾ യേശു തന്റെ നാമം ഓർക്കു​ന്ന​തി​നെ​ക്കാ​ള​ധി​കം ചെയ്യണ​മെന്ന്‌ അവൻ ആഗ്രഹി​ച്ചു. (ചെരി​ച്ചെ​ഴു​ത്തു ഞങ്ങളു​ടേത്‌.) യേശു പ്രവർത്തി​ക്ക​ണ​മെന്ന്‌, തന്നെ ഉയിർപ്പി​ക്ക​ണ​മെന്ന്‌ അവൻ ആഗ്രഹി​ച്ചു. (ലൂക്കൊസ്‌ 23:42) അതു​പോ​ലെ, തടവി​ലാ​ക്ക​പ്പെട്ട യോ​സേഫ്‌ ഫറവോ​ന്റെ പാനപാ​ത്ര​വാ​ഹ​ക​നോ​ടു ഫറവോ​ന്റെ അടുക്ക​ലാ​യി​രി​ക്കു​മ്പോൾ തന്നെ ഓർക്ക​ണ​മെന്ന്‌ അഭ്യർഥി​ച്ച​പ്പോൾ അവൻ തനിക്കു​വേണ്ടി എന്തെങ്കി​ലും പ്രവർത്തി​ക്കാൻ പ്രതീ​ക്ഷി​ച്ചു. ‘എന്നെ ഓർക്ക​ണമേ’ എന്ന്‌ ഇയ്യോബ്‌ ദൈവ​ത്തോ​ടു യാചി​ച്ച​പ്പോൾ, ഭാവി​യിൽ ഏതോ ഒരു സമയത്തു ദൈവം തന്നെ ഉയിർപ്പി​ക്ക​ണ​മെന്ന്‌ അവൻ അപേക്ഷി​ക്കു​ക​യാ​യി​രു​ന്നു.—ഇയ്യോബ്‌ 14:13; ഉല്‌പത്തി 40:14, 23.

6. “ഓർക്കുക” എന്ന എബ്രായ പദം ഓർക്കുന്ന സംഗതി​യോ​ടോ വ്യക്തി​യോ​ടോ ഉള്ള ആർദ്ര​തയെ അർഥമാ​ക്കു​ന്ന​തെ​ങ്ങനെ?

⁶ “ഓർക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദം പലപ്പോ​ഴും “മനസ്സിന്റെ ആർദ്ര​ത​യെ​യും ഓർമ​യെ​ത്തു​ടർന്നുള്ള പ്രവൃ​ത്തി​യെ​യും” അർഥമാ​ക്കു​ന്നു​വെന്ന്‌ ഒരു പ്രാമാ​ണിക ഉറവിടം പറയുന്നു. “ഓർക്കുക” എന്ന പദത്തിലെ “ആർദ്രത”യുടെ ധ്വനി മരുഭൂ​മി​യിൽവെച്ച്‌ “സമ്മിശ്ര ജാതി” ഇങ്ങനെ കരഞ്ഞു​പ​റ​ഞ്ഞ​തിൽ കാണാം: ‘ഞങ്ങൾ മിസ്ര​യീ​മിൽവെച്ചു തിന്നി​ട്ടുള്ള മത്സ്യം ഞങ്ങൾ ഓർക്കു​ന്നു!’ തന്നെ പ്രീതി​യോ​ടെ ഓർക്ക​ണ​മെന്ന്‌ ഇയ്യോബ്‌ ദൈവ​ത്തോ​ടു യാചി​ച്ച​തു​പോ​ലെ, ഹിസ്‌കീ​യാ​വും നെഹെ​മ്യാ​വും ദാവീ​ദും കൂടാതെ ഒരു അജ്ഞാത സങ്കീർത്ത​ന​ക്കാ​ര​നും തങ്ങളുടെ വിശ്വ​സ്‌തത നിമിത്തം യഹോവ തങ്ങളെ പ്രീതി​യോ​ടെ ഓർക്ക​ണ​മെന്നു യാചി​ക്കു​ക​യു​ണ്ടാ​യി.—സംഖ്യാ​പു​സ്‌തകം 11:4, 5; 2 രാജാ​ക്ക​ന്മാർ 20:3; നെഹെ​മ്യാ​വു 5:19; 13:31; സങ്കീർത്തനം 25:7; 106:4.

7. ദൈവത്തെ നാം ആർദ്ര​ത​യോ​ടെ ഓർക്കു​ന്നെ​ങ്കിൽ, ഇതു നമ്മുടെ നടത്തയെ എങ്ങനെ ബാധി​ക്കും?

⁷ അതു​കൊണ്ട്‌, ‘നാം നമ്മുടെ സ്രഷ്ടാ​വി​നെ ആർദ്ര​ത​യോ​ടെ ഓർക്കു​ക​യും വ്രണ​പ്പെ​ടു​ത്തു​ന്ന​തോ അവനു വേദന​യു​ണ്ടാ​ക്കു​ന്ന​തോ ആയ എന്തും ഒഴിവാ​ക്കു​ക​യും ചെയ്യു​ന്നു​ണ്ടോ?’ എന്നു നമുക്കു ചോദി​ക്കാ​വു​ന്ന​താണ്‌. ഒരു യുവതി അഭി​പ്രാ​യ​പ്പെട്ടു: “യഹോ​വ​യ്‌ക്കു വികാ​ര​ങ്ങ​ളു​ണ്ടെന്നു തിരി​ച്ച​റി​യാൻ അമ്മ എന്നെ സഹായി​ച്ചു. എന്റെ പ്രവൃ​ത്തി​കൾ അവനെ ബാധി​ക്കു​ന്നു​ണ്ടെന്നു ചെറു​പ്പ​ത്തിൽത്തന്നെ എനിക്ക​റി​യാ​മാ​യി​രു​ന്നു.” (സങ്കീർത്തനം 78:40-42) മറ്റൊ​രു​വൾ പറഞ്ഞു: “സാത്താൻ യഹോ​വ​യു​ടെ മുമ്പാകെ നടത്തിയ വെല്ലു​വി​ളിക്ക്‌ ഉത്തരം കൊടു​ക്കു​ന്ന​തിന്‌ എന്റെ പ്രവൃ​ത്തി​കൾ സഹായ​ക​മോ തടസ്സമോ ആകുന്നു​ണ്ടെന്ന്‌ എനിക്ക​റി​യാ​മാ​യി​രു​ന്നു. ഞാൻ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാൻ ആഗ്രഹി​ച്ചു. അങ്ങനെ അതെന്നെ സഹായി​ച്ചു, ഇന്ന്‌ എന്നെ സഹായി​ക്കു​ന്ന​തിൽ തുടരു​ക​യും ചെയ്യുന്നു.—സദൃശ​വാ​ക്യ​ങ്ങൾ 27:11.

8. (എ) നാം യഹോ​വയെ ആർദ്ര​ത​യോ​ടെ ഓർക്കു​ന്നു​വെന്ന്‌ ഏത്‌ അനുധാ​വനം സൂചി​പ്പി​ക്കും? (ബി) യുവജ​നങ്ങൾ ഏതു ചോദ്യം ബുദ്ധി​പൂർവം പരിചി​ന്തി​ക്കും?

⁸ ഈ ദുഷ്ട​ലോ​ക​ത്തിൽ, യഹോ​വയെ പ്രീതി​പ്പെ​ടു​ത്തുന്ന പ്രവർത്ത​ന​ത്തിൽ പൂർണ​മാ​യി പങ്കെടു​ത്തു​കൊണ്ട്‌ അവനെ ഓർക്കു​ന്നത്‌ എല്ലായ്‌പോ​ഴും എളുപ്പ​മ​ല്ലെന്നു സമ്മതി​ക്കു​ന്നു. എന്നാലും പയനിയർ ശുശ്രൂ​ഷകൻ എന്നനി​ല​യിൽ ക്രിസ്‌തീയ മുഴു​സമയ സേവനം പിൻപ​റ്റി​ക്കൊണ്ട്‌, ഇന്നത്തെ ദൈവ​ഭ​ക്ത​രായ ആയിര​ക്ക​ണ​ക്കി​നു യുവാ​ക്ക​ളെ​പ്പോ​ലെ, ഒന്നാം നൂറ്റാ​ണ്ടി​ലെ യുവ തിമൊ​ഥെ​യൊ​സി​നെ നിങ്ങൾക്ക്‌ അനുക​രി​ക്കാ​നാ​കു​മെ​ങ്കിൽ അത്‌ എത്ര നല്ലതാണ്‌! (പ്രവൃ​ത്തി​കൾ 16:1-3; 1 തെസ്സ​ലൊ​നീ​ക്യർ 3:2) എന്നിരു​ന്നാ​ലും, ഈ ചോദ്യ​ങ്ങൾ ചോദി​ക്കാ​വു​ന്ന​താണ്‌: പയനിയർ ശുശ്രൂ​ഷ​യിൽ നിങ്ങ​ളെ​ത്തന്നെ പിന്തു​ണ​യ്‌ക്കാ​നുള്ള പ്രാപ്‌തി​യു​ണ്ടോ നിങ്ങൾക്ക്‌? നിങ്ങൾ വിവാഹം കഴിക്കു​ന്നെ​ങ്കിൽത്തന്നെ, നിങ്ങളു​ടെ കുടും​ബ​ത്തി​നാ​യി കരുതു​ന്ന​തി​നുള്ള വൈദ​ഗ്‌ധ്യ​ങ്ങൾ നിങ്ങൾക്കു​ണ്ടാ​യി​രി​ക്കു​മോ? (1 തിമൊ​ഥെ​യൊസ്‌ 5:8) ഇവയെ​ല്ലാം പ്രധാ​ന​പ്പെട്ട ചോദ്യ​ങ്ങ​ളാണ്‌. ഇവയ്‌ക്കു ഗൗരവ​മായ ചിന്ത കൊടു​ക്കു​ന്നത്‌ മർമ​പ്ര​ധാ​ന​മാണ്‌.

ഉദ്ദേശ്യ​ത്തോ​ടെ​യുള്ള വിദ്യാ​ഭ്യാ​സം

9. ലൗകിക വിദ്യാ​ഭ്യാ​സ​ത്തി​ന്റെ കാര്യ​ത്തിൽ യുവജ​നങ്ങൾ ഏതു തീരു​മാ​നം അഭിമു​ഖീ​ക​രി​ക്കു​ന്നു?

⁹ മനുഷ്യ സമൂഹം അധിക​മ​ധി​കം സങ്കീർണ​മാ​കു​ന്ന​തോ​ടെ, പയനി​യർവേ​ല​യിൽ നിങ്ങളെ പിന്തു​ണ​യ്‌ക്കു​ന്ന​തി​നു പറ്റിയ തൊഴിൽ നേടാൻ കൂടുതൽ വിദ്യാ​ഭ്യാ​സം ആവശ്യ​മാ​യി​രി​ക്കാം. ഇന്നു തൊഴി​ലു​ട​മകൾ വിലകൽപ്പി​ക്കുന്ന പുതിയ വൈദ​ഗ്‌ധ്യ​ങ്ങൾ നേടു​ന്ന​തിന്‌ ഒരു സർവക​ലാ​ശാ​ലാ വിദ്യാ​ഭ്യാ​സ​മുള്ള ചിലർക്കു​പോ​ലും കൂടു​ത​ലായ വിദ്യാ​ഭ്യാ​സം ആവശ്യ​മാ​ണെന്നു നിങ്ങൾ ശ്രദ്ധി​ച്ചി​ട്ടു​ണ്ടാ​വും. അതു​കൊണ്ട്‌ ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കുന്ന ചെറു​പ്പ​ക്കാ​രായ നിങ്ങൾ എത്രകണ്ട്‌ സ്‌കൂൾ വിദ്യാ​ഭ്യാ​സം തേടണം? “നിന്റെ സ്രഷ്ടാ​വി​നെ ഓർത്തു​കൊൾക”എന്ന നിശ്വസ്‌ത കൽപ്പന മനസ്സിൽപ്പി​ടി​ച്ചു​കൊ​ണ്ടുള്ള ഒരു തീരു​മാ​നം ഉചിത​മാ​യി കൈ​ക്കൊ​ള്ളേ​ണ്ട​താണ്‌.

10. നമുക്കു സ്വീക​രി​ക്കാ​വുന്ന ഏറ്റവും നല്ല വിദ്യാ​ഭ്യാ​സം ഏത്‌?

¹⁰ തീർച്ച​യാ​യും, ഏറ്റവും നല്ല വിദ്യാ​ഭ്യാ​സ​മെന്ന്‌ അനേകം ലൗകിക പ്രാമാ​ണി​കർപോ​ലും കരുതു​ന്നത്‌—ദൈവ​വ​ച​ന​ത്തി​ന്റെ ശ്രദ്ധാ​പൂർവ​ക​മായ പഠനത്തിൽനി​ന്നു സാക്ഷാ​ത്‌ക​രി​ക്ക​പ്പെ​ടുന്ന ഒന്ന്‌—നിങ്ങൾ പിന്തു​ട​രാൻ ആഗ്രഹി​ക്കും. ജർമൻ എഴുത്തു​കാ​ര​നായ യോഹാൻ വൂൾഫ്‌ഗാങ്‌ വോൺ ഗോഥെ പ്രസ്‌താ​വി​ച്ചു: “[ഒരു ജനത്തി]ന്റെ ബൗദ്ധിക പുരോ​ഗതി വർധി​ക്കു​ന്ന​ത​നു​സ​രിച്ച്‌, വിദ്യാ​ഭ്യാ​സ​ത്തി​ന്റെ അടിസ്ഥാ​ന​വും ഉപാധി​യും എന്നനി​ല​യിൽ ബൈബിൾ കൂടുതൽ തികവിൽ ഉപയോ​ഗ​ത്തി​ലാ​കു​ന്ന​തി​നു സാധ്യ​ത​യേ​റും.” അതേ, വേറെ ഏതൊരു വിദ്യാ​ഭ്യാ​സ​ത്തെ​ക്കാ​ളു​മ​ധി​കം ബൈബിൾ പഠനം നിങ്ങളെ ജീവി​ത​ത്തി​നാ​യി സജ്ജരാ​ക്കും!—സദൃശ​വാ​ക്യ​ങ്ങൾ 2:6-17; 2 തിമൊ​ഥെ​യൊസ്‌ 3:14-17.

11. (എ) നമുക്കു ചെയ്യാ​വുന്ന ഏറ്റവും പ്രധാ​ന​പ്പെട്ട വേല​യേത്‌? (ബി) അടിസ്ഥാ​ന​വി​ദ്യാ​ഭ്യാ​സ​ത്തി​നു​ശേഷം കുറച്ചു​കൂ​ടി വിദ്യാ​ഭ്യാ​സം വേണ​മെന്ന്‌ ഒരു യുവതി തീരു​മാ​നി​ച്ചത്‌ എന്തു​കൊണ്ട്‌?

¹¹ ദൈവ​ത്തെ​ക്കു​റി​ച്ചുള്ള പരിജ്ഞാ​നം ജീവദാ​യ​ക​മാ​യ​തു​കൊണ്ട്‌, നിങ്ങൾക്കി​ന്നു ചെയ്യാ​വുന്ന ഏറ്റവും പ്രധാ​ന​പ്പെട്ട വേല ആ പരിജ്ഞാ​നം മറ്റുള്ള​വ​രു​മാ​യി  പങ്കു​വെ​ക്കു​ക​യാണ്‌. (സദൃശ​വാ​ക്യ​ങ്ങൾ 3:13-18; യോഹ​ന്നാൻ 4:34; 17:3) എന്നിരു​ന്നാ​ലും ഇതു ഫലപ്ര​ദ​മാ​യി ചെയ്യു​ന്ന​തിന്‌, അടിസ്ഥാന വിധങ്ങ​ളിൽ നിങ്ങൾക്കു വിദ്യാ​ഭ്യാ​സം ലഭി​ക്കേ​ണ്ട​തുണ്ട്‌. നിങ്ങൾ വ്യക്തമാ​യി ചിന്തി​ക്കു​ക​യും യുക്തി​പൂർവം സംസാ​രി​ക്കു​ക​യും നന്നായി എഴുതാ​നും വായി​ക്കാ​നു​മുള്ള പ്രാപ്‌തി—സ്‌കൂ​ളിൽ പഠിപ്പി​ക്ക​പ്പെ​ടുന്ന വൈദ​ഗ്‌ധ്യ​ങ്ങൾ—നേടു​ക​യും ചെയ്യേ​ണ്ട​തുണ്ട്‌. അതു​കൊ​ണ്ടു യു.എസ്‌.എ.-യിലെ ഫ്‌ളോ​റി​ഡ​യി​ലെ ഒരു യുവതി​യായ ട്രേസി ചെയ്‌ത​തു​പോ​ലെ, നിങ്ങളു​ടെ സ്‌കൂൾ കോഴ്‌സു​കൾ ഗൗരവ​മാ​യി​ട്ടെ​ടു​ക്കുക. കലാലയ ബഹുമ​തി​ക​ളോ​ടെ ഹൈസ്‌കൂൾ ബിരുദം നേടിയ അവൾ തന്റെ പ്രത്യാശ പ്രകടി​പ്പി​ച്ചു: “എന്റെ ദൈവ​മായ യഹോ​വ​യു​ടെ ഒരു മുഴു​സമയ ശുശ്രൂ​ഷക ആയിത്തീ​രു​ക​യെ​ന്ന​താ​യി​രു​ന്നു എന്നും എന്റെ ലക്ഷ്യം. ഈ ലക്ഷ്യത്തി​ലെ​ത്താൻ എന്റെ വിദ്യാ​ഭ്യാ​സം എന്നെ സഹായി​ക്കു​മെ​ന്നാണ്‌ എന്റെ പ്രതീക്ഷ.”

12. കൂടു​ത​ലായ ലൗകിക വിദ്യാ​ഭ്യാ​സം വേണ​മെന്നു തീരു​മാ​നി​ക്കു​ന്ന​പക്ഷം, അത്‌ ഏത്‌ ഉദ്ദേശ്യം നിവർത്തി​ക്കു​ന്ന​തിന്‌ സഹായി​ക്കും?

¹² എന്തിന്‌ സ്‌കൂ​ളിൽ പോക​ണ​മെന്നു നിങ്ങൾ ചിന്തി​ച്ചി​ട്ടു​ണ്ടോ? മുഖ്യ​മാ​യും അതു യഹോ​വ​യു​ടെ ഒരു ഫലപ്ര​ദ​നായ ശുശ്രൂ​ഷ​ക​നാ​യി​ത്തീ​രാൻ നിങ്ങളെ സജ്ജനാ​ക്കു​ന്ന​തി​നു​വേ​ണ്ടി​യാ​ണോ? അങ്ങനെ​യെ​ങ്കിൽ, നിങ്ങളു​ടെ വിദ്യാ​ഭ്യാ​സം​കൊണ്ട്‌ ഈ ഉദ്ദേശ്യം എത്ര നന്നായി നിറ​വേ​റു​ന്നു​വെന്നു ഗൗരവ​മാ​യി പരിഗ​ണി​ക്കാൻ നിങ്ങൾ ആഗ്രഹി​ക്കും. നിങ്ങളു​ടെ മാതാ​പി​താ​ക്ക​ളു​മാ​യി കൂടി​യാ​ലോ​ചി​ച്ചിട്ട്‌, നിയമം ആവശ്യ​പ്പെ​ടുന്ന അടിസ്ഥാന സ്‌കൂൾവി​ദ്യാ​ഭ്യാ​സ​ത്തി​നു​ശേ​ഷ​വും പഠനം തുടരാ​മെന്നു നിങ്ങൾക്കു തീരു​മാ​നി​ക്കാ​വു​ന്ന​താണ്‌. കൂടു​ത​ലായ അത്തരം വിദ്യാ​ഭ്യാ​സം, നിങ്ങളെ പിന്തു​ണ​യ്‌ക്കു​ന്ന​തി​നും രാജ്യ​പ്ര​വർത്ത​ന​ത്തിൽ പൂർണ​മാ​യി പങ്കു​കൊ​ള്ളു​ന്ന​തി​നുള്ള സമയവും ഊർജ​വും ലഭിക്കു​ന്ന​തി​നും പര്യാ​പ്‌ത​മായ തൊഴിൽ ലഭിക്കാൻ സഹായി​ക്കു​ന്ന​താണ്‌.—മത്തായി 6:33.

13. കൂടു​ത​ലായ വിദ്യാ​ഭ്യാ​സം തേടിയ രണ്ടു റഷ്യൻ ക്രിസ്‌ത്യാ​നി​കൾ ജീവി​ത​ത്തി​ലെ ഉദ്ദേശ്യം പ്രകട​മാ​ക്കി​യ​തെ​ങ്ങനെ?

¹³ അനുബന്ധ വിദ്യാ​ഭ്യാ​സ​ത്തി​നാ​യി പോകുന്ന ചിലർ കൂടു​ത​ലായ വിദ്യാ​ഭ്യാ​സം നടത്തി​ക്കൊ​ണ്ടി​രി​ക്കെ​ത്തന്നെ മുഴു​സമയ ശുശ്രൂ​ഷ​യിൽ ഏർപ്പെ​ടു​ന്നു. റഷ്യയി​ലെ മോസ്‌കോ​യി​ലുള്ള നാദിയ, മറീന എന്നീ രണ്ടു കൗമാ​ര​പ്രാ​യ​ക്കാ​രായ പെൺകു​ട്ടി​ക​ളു​ടെ കാര്യം പരിചി​ന്തി​ക്കുക. 1994 ഏപ്രി​ലിൽ സ്‌നാ​പ​ന​മേറ്റ രണ്ടു​പേ​രും സഹായ​പ​യ​നി​യർ ശുശ്രൂ​ഷ​ക​രാ​യി സേവി​ക്കാൻ തുടങ്ങി. അതിനു​ശേഷം താമസി​യാ​തെ സ്‌കൂ​ളിൽനി​ന്നു ബിരു​ദം​നേ​ടിയ അവർ ദ്വിവർഷ അക്കൗണ്ടിങ്‌ കോഴ്‌സി​നു ചേർന്നു. 1995 മേയിൽ അവർ നിരന്തര പയനി​യ​റിങ്‌ തുടങ്ങി. എന്നിട്ടും അവർ അക്കൗണ്ടിങ്‌ ക്ലാസ്സിൽ ഒന്നാം ഗ്രേഡ്‌ നിലനിർത്തി. മാത്ര​വു​മല്ല, സ്‌കൂ​ളിൽ പോകു​മ്പോൾത്തന്നെ അവർക്കു രണ്ടു​പേർക്കും​കൂ​ടി വാരം​തോ​റും ശരാശരി 14 അധ്യയ​നങ്ങൾ നടത്താൻ കഴിഞ്ഞു. മുഴു​സമയ ശുശ്രൂ​ഷ​യിൽ തങ്ങളെ പിന്തു​ണ​യ്‌ക്കാ​നാ​വുന്ന നല്ലൊരു തൊഴിൽ കണ്ടെത്താൻ അക്കൗണ്ടിങ്‌ കോഴ്‌സ്‌ തങ്ങളെ സഹായി​ക്കു​മെ​ന്നാണ്‌ ഈ പെൺകു​ട്ടി​ക​ളു​ടെ പ്രതീക്ഷ.

14. നാം എത്ര​ത്തോ​ളം ലൗകിക വിദ്യാ​ഭ്യാ​സം തിര​ഞ്ഞെ​ടു​ത്താ​ലും, നമ്മുടെ ജീവി​ത​ത്തി​ലെ ഏറ്റവും പ്രധാ​ന​പ്പെട്ട സംഗതി എന്തായി​രി​ക്കണം?

¹⁴ നിയമം ആവശ്യ​പ്പെ​ടു​ന്ന​പ്ര​കാ​ര​മുള്ള അടിസ്ഥാന വിദ്യാ​ഭ്യാ​സ​ത്തെ​ക്കാൾ കൂടു​ത​ലായ വിദ്യാ​ഭ്യാ​സം നിങ്ങൾ തേടു​ന്നെ​ങ്കിൽ, അങ്ങനെ ചെയ്യു​ന്ന​തി​നുള്ള കാരണം ജ്ഞാനപൂർവം പരി​ശോ​ധി​ക്കുക. അതു നിങ്ങൾക്കാ​യി​ത്തന്നെ ഒരു പേരു സമ്പാദി​ക്കാ​നാ​ണോ ഭൗതിക സമ്പത്ത്‌ ഉണ്ടാക്കാ​നാ​ണോ? (യിരെ​മ്യാ​വു 45:5; 1 തിമൊ​ഥെ​യൊസ്‌ 6:17) അല്ലെങ്കിൽ യഹോ​വ​യു​ടെ സേവന​ത്തിൽ കൂടുതൽ തിക​വോ​ടെ പങ്കെടു​ക്കു​ന്ന​തിന്‌ അനുബന്ധ വിദ്യാ​ഭ്യാ​സം ഉപയോ​ഗി​ക്കു​ക​യാ​ണോ നിങ്ങളു​ടെ ലക്ഷ്യം? കൂടു​ത​ലായ വിദ്യാ​ഭ്യാ​സം തേടാൻ തീരു​മാ​നിച്ച യുവതി​യായ ലിഡിയ ഇങ്ങനെ പറഞ്ഞു​കൊണ്ട്‌ ആത്മീയ കാര്യ​ങ്ങ​ളിൽ താൻ ഉത്തമ ശ്രദ്ധ കേന്ദ്രീ​ക​രി​ക്കു​ന്നു​വെന്നു പ്രകടി​പ്പി​ച്ചു: “മറ്റുള്ളവർ ഉന്നത വിദ്യാ​ഭ്യാ​സം തേടുന്നു. എന്നാൽ ഭൗതി​കത്വ ചിന്താ​ഗതി അവർക്കു തടസ്സമാ​യി​ത്തീർന്ന്‌ അവർ ദൈവത്തെ വിട്ടു​ക​ള​ഞ്ഞി​രി​ക്കു​ന്നു. എനിക്ക്‌ ഏറ്റവും പ്രധാ​ന​പ്പെട്ട സംഗതി വ്യക്തി​പ​ര​മാ​യി ദൈവ​വു​മാ​യുള്ള എന്റെ ബന്ധമാണ്‌.” നമു​ക്കെ​ല്ലാ​വർക്കും വേണ്ട എത്ര പ്രശം​സ​നീയ മനോ​ഭാ​വം!

15. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കി​ട​യിൽ ഏതെല്ലാം വ്യത്യസ്‌ത വിദ്യാ​ഭ്യാ​സ പശ്ചാത്ത​ല​ങ്ങ​ളു​ണ്ടാ​യി​രു​ന്നു?

¹⁵ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കു വിപു​ല​മായ വ്യത്യസ്‌ത വിദ്യാ​ഭ്യാ​സ പശ്ചാത്ത​ല​ങ്ങ​ളു​ണ്ടാ​യി​രു​ന്നു​വെ​ന്നത്‌ ശ്രദ്ധേ​യ​മാണ്‌. ഉദാഹ​ര​ണ​ത്തിന്‌, അപ്പോ​സ്‌ത​ല​ന്മാ​രായ പത്രൊ​സും യോഹ​ന്നാ​നും. റബിനിക്‌ സ്‌കൂ​ളു​ക​ളിൽ പരിശീ​ലനം ലഭിച്ചി​ട്ടി​ല്ലാ​തി​രു​ന്ന​തി​നാൽ അവരെ “പഠിപ്പി​ല്ലാ​ത്ത​വ​രും സാമാ​ന്യ​രു”മായാണ്‌ വീക്ഷി​ച്ചി​രു​ന്നത്‌. (പ്രവൃ​ത്തി​കൾ 4:13) അതേസ​മയം, ഇന്നത്തെ ഒരു സർവക​ലാ​ശാല ബിരു​ദ​ത്തോ​ടു താരത​മ്യം ചെയ്യാ​വുന്ന വിദ്യാ​ഭ്യാ​സം പൗലൊസ്‌ അപ്പോ​സ്‌ത​ലനു ലഭിച്ചി​രു​ന്നു. എന്നിട്ടും, തന്നി​ലേ​ക്കു​തന്നെ ശ്രദ്ധയാ​കർഷി​ക്കാ​നാ​യി​രു​ന്നില്ല പൗലൊസ്‌ ആ വിദ്യാ​ഭ്യാ​സത്തെ ഉപയോ​ഗി​ച്ചത്‌; മറിച്ച്‌ അവൻ വ്യത്യസ്‌ത ജീവി​ത​തു​റ​ക​ളി​ലുള്ള ആളുക​ളോ​ടു പ്രസം​ഗി​ച്ച​പ്പോൾ അതൊരു മുതൽക്കൂ​ട്ടാ​യി​രു​ന്നു. (പ്രവൃ​ത്തി​കൾ 22:3; 1 കൊരി​ന്ത്യർ 9:19-23; ഫിലി​പ്പി​യർ 1:7) അതു​പോ​ലെ, “ഹെരോ​ദാ​വി​നോ​ടു​കൂ​ടെ വിദ്യാ​ഭ്യാ​സം നേടിയ ഡിസ്‌ട്രി​ക്‌റ്റ്‌ ഭരണാ​ധി​പ​നായ” മനായേൻ അന്ത്യോ​ക്യ സഭയിൽ നേതൃ​ത്വ​മെ​ടു​ത്ത​വ​രിൽ ഒരുവ​നാ​യി​രു​ന്നു.—പ്രവൃ​ത്തി​കൾ 13:1, NW.

പണം ബുദ്ധി​പൂർവം ചെലവ​ഴി​ക്കേ​ണ്ട​തെ​ന്തു​കൊണ്ട്‌?

16. (എ) നാം കടത്തി​ലാ​കു​ന്നെ​ങ്കിൽ, നമ്മുടെ സ്രഷ്ടാ​വി​നെ ഓർക്കു​ന്നത്‌ ബുദ്ധി​മു​ട്ടാ​യി​ത്തീ​രാ​വു​ന്നത്‌ എന്തു​കൊണ്ട്‌? (ബി) യേശു​വി​ന്റെ ഒരു ദൃഷ്ടാന്തം, ചെലവ​ഴി​ക്കും​മു​മ്പെ ആലോ​ചി​ക്കേ​ണ്ട​തി​ന്റെ പ്രാധാ​ന്യം വെളി​പ്പെ​ടു​ത്തു​ന്ന​തെ​ങ്ങനെ?

¹⁶ നിങ്ങളു​ടെ പണം ബുദ്ധി​പൂർവം ചെലവ​ഴി​ക്കാൻ പരാജ​യ​പ്പെ​ടു​ന്നെ​ങ്കിൽ, സ്രഷ്ടാ​വി​നെ പ്രീതി​പ്പെ​ടു​ത്തു​ന്നതു ചെയ്‌തു​കൊണ്ട്‌ അവനെ ഓർമി​ക്കാൻ ബുദ്ധി​മു​ട്ടാ​വും. കാരണം നിങ്ങൾ കടത്തി​ലാ​കു​ന്നെ​ങ്കിൽ, നിങ്ങൾക്കു മറ്റൊരു യജമാനൻ ഉണ്ടായി​രി​ക്കു​ന്നു​വെന്നു പറയാ​നാ​വും. “കടം മേടി​ക്കു​ന്നവൻ കടം കൊടു​ക്കു​ന്ന​വന്നു ദാസൻ” എന്നു ബൈബിൾ വിശദ​മാ​ക്കു​ന്നു. (സദൃശ​വാ​ക്യ​ങ്ങൾ 22:7) ചെലവാ​ക്കും​മു​മ്പേ ചിന്തി​ക്കേ​ണ്ട​തി​ന്റെ പ്രാധാ​ന്യം എടുത്തു​കാ​ട്ടു​ന്ന​താ​ണു യേശു​വി​ന്റെ ഒരു ദൃഷ്ടാ​ന്തം​തന്നെ. യേശു പറഞ്ഞു: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ? അല്ലെങ്കിൽ അടിസ്ഥാ​നം ഇട്ടശേഷം തീർപ്പാൻ വകയില്ല എന്നു വന്നേക്കാം. കാണു​ന്നവൻ എല്ലാം: ഈ മനുഷ്യൻ പണിവാൻ തുടങ്ങി, തീർപ്പാ​നോ വകയില്ല എന്നു പരിഹ​സി​ക്കു​മ​ല്ലോ.”—ലൂക്കൊസ്‌ 14:28-30.

17. ചെലവ​ഴി​ക്കൽ നിയ​ന്ത്രി​ക്കു​ന്നത്‌ ഒരുവനു പലപ്പോ​ഴും പ്രയാ​സ​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹⁷ അതു​കൊണ്ട്‌, “അന്യോ​ന്യം സ്‌നേ​ഹി​ക്കു​ന്നതു അല്ലാതെ ആരോ​ടും ഒന്നും കടമ്പെ​ട്ടി​രി​ക്ക​രു​തു” എന്ന തിരു​വെ​ഴു​ത്തു തത്ത്വത്തി​നു ചേർച്ച​യിൽ ജീവി​ക്കാൻ ബുദ്ധി​പൂർവം നിങ്ങൾ ശ്രമി​ക്കും. (റോമർ 13:8) എന്നാൽ നിങ്ങൾക്കു ശരിക്കും ആവശ്യ​മു​ണ്ടെന്നു പരസ്യ​ക്കാർ അവകാ​ശ​പ്പെ​ടുന്ന പുതിയ ഉത്‌പ​ന്ന​ങ്ങ​ളു​ടെ കുത്തൊ​ഴു​ക്കു​ള്ള​പ്പോൾ വിശേ​ഷി​ച്ചും ഇതു ചെയ്യുക ബുദ്ധി​മു​ട്ടാണ്‌. വിവേചന ഉപയോ​ഗി​ക്കാൻ തന്റെ കുട്ടി​കളെ സഹായി​ക്കാൻ ശ്രമി​ച്ചി​ട്ടുള്ള ഒരു പിതാവ്‌ അഭി​പ്രാ​യ​പ്പെട്ടു: “ഒരു ആവശ്യ​വും ഒരു ആഗ്രഹ​വും എന്താ​ണെ​ന്ന​തി​നെ​ക്കു​റി​ച്ചു കാര്യ​മാ​യി സമയ​മെ​ടു​ത്തു​തന്നെ ഞങ്ങൾ ചർച്ച ചെയ്‌തി​ട്ടുണ്ട്‌.” ഉത്തരവാ​ദി​ത്വ​ത്തോ​ടെ പണം കൈകാ​ര്യം ചെയ്യേണ്ട വിധം സംബന്ധിച്ച്‌ കാര്യ​മായ പ്രബോ​ധനം കൊടു​ക്കാ​തെ സ്‌കൂ​ളു​കൾ അത്തരം സംഗതി​കൾ പഠിപ്പി​ക്കാൻ പൊതു​വേ പരാജ​യ​പ്പെ​ട്ടി​രി​ക്കു​ക​യാണ്‌. “എങ്ങനെ പണം ലാഭി​ക്കാ​നാ​വു​മെ​ന്ന​തി​നെ​ക്കാൾ സമദ്വി​ഭു​ജ​ത്രി​കോ​ണ​ത്തെ​ക്കു​റി​ച്ചുള്ള കൂടു​ത​ലായ അറി​വോ​ടെ​യാണ്‌ ഞങ്ങൾ സ്‌കൂ​ളിൽനി​ന്നു ബിരു​ദം​നേടി പുറത്തു​വ​രു​ന്നത്‌,” ഒരു സാമൂ​ഹിക പ്രവർത്തക അഭി​പ്രാ​യ​പ്പെട്ടു. അപ്പോൾ ബുദ്ധി​പൂർവം ചെലവ​ഴി​ക്കാൻ നിങ്ങളെ എന്തിനു സഹായി​ക്കാ​നാ​വും?

18. പണം ബുദ്ധി​പൂർവം കൈകാ​ര്യം ചെയ്യു​ന്ന​തി​നുള്ള ഒരു മുഖ്യ​ഘ​ടകം എന്ത്‌, എന്തു​കൊണ്ട്‌?

¹⁸ “നിന്റെ സ്രഷ്ടാ​വി​നെ ഓർത്തു​കൊൾക” എന്ന ഉദ്‌ബോ​ധ​ന​ത്തി​നു ചെവി കൊടു​ക്കു​ന്നത്‌ നിങ്ങളു​ടെ പണം ബുദ്ധി​പൂർവം ഉപയോ​ഗി​ക്കു​ന്ന​തി​നുള്ള ഒരു മുഖ്യ​ഘ​ട​ക​മാണ്‌. അതിനു കാരണം, നിങ്ങൾ ആ കൽപ്പന അനുസ​രി​ക്കു​മ്പോൾ, നിങ്ങൾ യഹോ​വയെ പ്രീതി​പ്പെ​ടു​ത്തു​ന്ന​തി​നു മുൻതൂ​ക്കം കൊടു​ക്കു​ക​യും അവനോ​ടുള്ള നിങ്ങളു​ടെ പ്രീതി​വാ​ത്സ​ല്യം നിങ്ങൾ  നിങ്ങളു​ടെ പണം ചെലവ​ഴി​ക്കുന്ന വിധത്തെ സ്വാധീ​നി​ക്കു​ക​യും ചെയ്യും എന്നതാണ്‌. തദനു​സ​രണം, ദൈവ​ത്തി​നു മുഴു​ദേ​ഹി​യോ​ടെ​യുള്ള ഭക്തി കൊടു​ക്കു​ന്ന​തി​നു വ്യക്തി​പ​ര​മായ ആഗ്രഹങ്ങൾ തടസ്സമാ​കാ​തി​രി​ക്കാൻ നിങ്ങൾ ശ്രദ്ധി​ക്കും. (മത്തായി 16:24-26) നിങ്ങൾ നിങ്ങളു​ടെ കണ്ണു “ചൊവ്വുള്ള”താക്കി നിർത്താൻ യത്‌നി​ക്കും, അതായത്‌ ദൈവ​രാ​ജ്യ​ത്തെ​യും അവന്റെ ഹിതം ചെയ്യു​ന്ന​തി​നെ​യും വ്യക്തമാ​യി കേന്ദ്രീ​ക​രി​ച്ചു നിർത്തും. (മത്തായി 6:22-24) അങ്ങനെ ‘യഹോ​വയെ നിന്റെ ധനം​കൊണ്ട്‌ ബഹുമാ​നിക്ക’ എന്ന ദിവ്യ അനുശാ​സ​നത്തെ സന്തോ​ഷ​പൂർണ​മായ ഒരു പദവി​യാ​യി നിങ്ങൾ വീക്ഷി​ക്കാ​നി​ട​വ​രും.—സദൃശ​വാ​ക്യ​ങ്ങൾ 3:9.

അനുക​ര​ണ​യോ​ഗ്യ​രായ യുവജ​ന​ങ്ങൾ

19. കഴിഞ്ഞ കാലങ്ങ​ളിൽ യുവജ​നങ്ങൾ തങ്ങളുടെ സ്രഷ്ടാ​വി​നെ ഓർത്തി​ട്ടു​ള്ള​തെ​ങ്ങനെ?

¹⁹ സന്തോ​ഷ​ക​ര​മെന്നു പറയട്ടെ, കഴിഞ്ഞ​കാ​ല​ത്തെ​യും ഇപ്പോ​ഴ​ത്തെ​യും അനേകം യുവജ​ന​ങ്ങ​ളും തങ്ങളുടെ സൃഷ്ടാ​വി​നെ ഓർത്തി​ട്ടുണ്ട്‌. തന്നോ​ടൊ​പ്പം സേവി​ച്ചി​രു​ന്ന​വ​രു​ടെ അധാർമിക സ്വാധീ​ന​മു​ണ്ടാ​യി​രു​ന്നി​ട്ടും ബാലനായ ശമൂവേൽ സമാഗ​മ​ന​കൂ​ടാ​ര​ത്തി​ലെ സേവന​ത്തിൽ അചഞ്ചല​നാ​യി നില​കൊ​ണ്ടു. (1 ശമൂവേൽ 2:12-26) പോത്തീ​ഫ​റു​ടെ ഭാര്യ മോഹി​നി​യാ​യി യോ​സേ​ഫി​നെ പരസം​ഗ​ത്തി​ലേക്കു വശീക​രി​ക്കാൻ ശ്രമി​ച്ചെ​ങ്കി​ലും, വിജയി​ച്ചില്ല. (ഉല്‌പത്തി 39:1-12) ‘ബാലനാ’യിരു​ന്നി​ട്ടു​പോ​ലും, യിരെ​മ്യാ​വു കഠിന​മായ എതിർപ്പി​നു​മു​ന്നി​ലും സധൈ​ര്യം പ്രസം​ഗി​ച്ചു. (യിരെ​മ്യാ​വു 1:6-8) ഒരു കൊച്ചു ഇസ്രാ​യേല്യ ബാലിക നിർഭയം ശക്തനായ സിറിയൻ സൈന്യാ​ധി​പനെ, യഹോ​വ​യെ​ക്കു​റി​ച്ചു പഠിച്ച്‌ സഹായം തേടാ​വു​ന്നി​ട​മായ ഇസ്രാ​യേ​ലി​ലേക്കു പറഞ്ഞു​വി​ട്ടു. (2 രാജാ​ക്ക​ന്മാർ 5:1-4) യുവാ​വായ ദാനീ​യേ​ലും കൂട്ടു​കാ​രും ഭക്ഷണക്രമ സംബന്ധ​മായ ദൈവ​നി​യ​മ​ങ്ങ​ളു​ടെ കാര്യ​ത്തിൽ പരി​ശോ​ധി​ക്ക​പ്പെ​ട്ട​പ്പോൾ അവർ തങ്ങളുടെ വിശ്വാ​സം കാത്തു. ശദ്രക്‌, മേശക്‌, അബേദ്‌നെ​ഗോ എന്നീ യുവാക്കൾ ഒരു പ്രതി​മയെ ആരാധി​ച്ചു​കൊണ്ട്‌ ദൈവ​ത്തോ​ടുള്ള തങ്ങളുടെ വിശ്വ​സ്‌ത​ത​യു​ടെ കാര്യ​ത്തിൽ വിട്ടു​വീഴ്‌ച ചെയ്യു​ന്ന​തി​നു​പ​കരം തീച്ചൂ​ള​യി​ലേക്ക്‌ എറിയ​പ്പെ​ടു​ന്നതു തിര​ഞ്ഞെ​ടു​ത്തു.—ദാനീ​യേൽ 1:8, 17; 3:16-18; പുറപ്പാ​ടു 20:5.

20. ഇന്ന്‌ അനേകം യുവജ​നങ്ങൾ തങ്ങളുടെ സ്രഷ്ടാ​വി​നെ ഓർത്തി​ട്ടു​ള്ള​തെ​ങ്ങനെ?

²⁰ ഇന്നു യു.എസ്‌.എ.-യിലെ ന്യൂ​യോർക്കി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്ത്‌ 19-നും 25-നുമി​ട​യിൽ പ്രായ​മുള്ള 2,000-ത്തിലധി​കം യുവജ​നങ്ങൾ സേവി​ക്കു​ന്നുണ്ട്‌. തങ്ങളുടെ സ്രഷ്ടാ​വി​നെ ഓർക്കുന്ന ലോക​വ്യാ​പ​ക​മാ​യുള്ള പതിനാ​യി​ര​ക്ക​ണ​ക്കി​നു യുവജ​ന​ങ്ങ​ളിൽ ഒരു ചെറിയ ഭാഗം​മാ​ത്ര​മാണ്‌ അവർ. പുരാതന കാലത്തെ യോ​സേ​ഫി​നെ​പ്പോ​ലെ, അവർ തങ്ങളുടെ ധാർമിക ശുദ്ധി​യു​ടെ കാര്യ​ത്തിൽ വിട്ടു​വീഴ്‌ച ചെയ്യാൻ വിസമ്മ​തി​ച്ചി​രി​ക്കു​ന്നു. തങ്ങൾ ആരെ സേവി​ക്ക​ണ​മെന്നു തീരു​മാ​നി​ക്കാൻ നിർബ​ന്ധി​ത​രാ​യ​പ്പോൾ അനേക​രും മനുഷ്യ​രെ​ക്കാൾ അധിക​മാ​യി ദൈവത്തെ അനുസ​രി​ച്ചി​രി​ക്കു​ന്നു. (പ്രവൃ​ത്തി​കൾ 5:29) 1946-ൽ പോള​ണ്ടിൽ, മതപര​മായ ഒരു വിഗ്ര​ഹാ​രാ​ധ​ന​പ്ര​വൃ​ത്തി ചെയ്യാൻ വിസമ്മ​തി​ച്ച​തിന്‌ 15 വയസ്സു​കാ​രി ഹെൻട്രിക ഷൂർ കഠിന​മാ​യി പീഡി​പ്പി​ക്ക​പ്പെട്ടു. “ഉള്ളി​ന്റെ​യു​ള്ളിൽ നിനക്കി​ഷ്ട​മു​ള്ളതു വിശ്വ​സി​ച്ചോ​ളൂ, എന്നാൽ കത്തോ​ലി​ക്ക​രു​ടെ കുരി​ശ​ട​യാ​ള​മി​ടാ​തെ തരമില്ല” പീഡക​രിൽ ഒരാൾ നിർദേ​ശി​ച്ചു. അവൾ വിസമ്മ​തി​ച്ച​തു​കൊണ്ട്‌, അവളെ കാട്ടി​ലേക്കു വലിച്ചി​ഴ​ച്ചു​കൊ​ണ്ടു​പോ​യി വെടി​വെ​ച്ചു​കൊ​ന്നു. പക്ഷേ തകർക്കാ​നാ​വാഞ്ഞ ഒന്നുണ്ട്‌, അവൾക്ക്‌ ഉറപ്പു​ണ്ടാ​യി​രുന്ന നിത്യ​ജീ​വന്റെ പ്രതീക്ഷ! b

21. ഏത്‌ ആഹ്വാനം സ്വീക​രി​ക്കു​ന്നതു ബുദ്ധി​പൂർവ​ക​മാണ്‌, അനന്തര​ഫലം എന്തായി​രി​ക്കും?

²¹ നൂറ്റാ​ണ്ടു​ക​ളി​ലെ​ല്ലാം തന്നെ ഓർത്തി​ട്ടുള്ള യുവജ​ന​ങ്ങൾനി​മി​ത്തം യഹോ​വ​യു​ടെ ഹൃദയം എത്ര ആഹ്ലാദി​ച്ചി​ട്ടു​ണ്ടാ​വും! “നിന്റെ സ്രഷ്ടാ​വി​നെ ഓർത്തു​കൊൾക” എന്ന ആഹ്വാ​ന​ത്തോ​ടു നിങ്ങൾ പ്രതി​ക​രി​ക്കു​മോ? സത്യമാ​യും അവൻ നിങ്ങളു​ടെ ഓർമ​യ്‌ക്കു യോഗ്യ​നാണ്‌! അവൻ നിങ്ങൾക്കു ചെയ്‌തി​ട്ടു​ള്ള​തും ഇനി ചെയ്യാ​നി​രി​ക്കു​ന്ന​തു​മായ സകല സംഗതി​ക​ളെ​യും കുറിച്ച്‌ ദിവസേന ചിന്തി​ക്കുക, എന്നിട്ട്‌ ഈ ആഹ്വാനം സ്വീക​രി​ക്കുക: “മകനേ, എന്നെ നിന്ദി​ക്കു​ന്ന​വ​നോ​ടു ഞാൻ ഉത്തരം പറയേ​ണ്ട​തി​ന്നു നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പിക്ക.”—സദൃശ​വാ​ക്യ​ങ്ങൾ 27:11.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ദൈവത്തെ ഒരു യഥാർഥ വ്യക്തി​യാ​യി വീക്ഷി​ക്കു​ന്ന​തി​നു യുവജ​ന​ങ്ങളെ എങ്ങനെ സഹായി​ക്കാം?

◻ നിങ്ങളു​ടെ സ്രഷ്ടാ​വി​നെ ഓർക്കു​ക​യെ​ന്ന​തി​ന്റെ അർഥ​മെന്ത്‌?

◻ നമ്മുടെ വിദ്യാ​ഭ്യാ​സം ഏത്‌ ഉദ്ദേശ്യം നിവർത്തി​ക്കണം?

◻ നമ്മുടെ പണം ബുദ്ധി​പൂർവം കൈകാ​ര്യം ചെയ്യു​ന്നത്‌ മർമ​പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ ഏതു യുവജ​നങ്ങൾ മാതൃ​കാ​യോ​ഗ്യ​രാണ്‌?

[അധ്യയന ചോദ്യ​ങ്ങൾ]

 [17-ാം പേജിലെ ചിത്രം]

എന്തിനു സ്‌കൂ​ളിൽ പോക​ണ​മെന്നു നിങ്ങൾ ചിന്തി​ച്ചി​ട്ടു​ണ്ടോ?

[18-ാം പേജിലെ ചിത്രം]

നിങ്ങൾ പണം ബുദ്ധി​പൂർവം കൈകാ​ര്യം ചെയ്യാൻ പഠിക്കു​ന്നു​ണ്ടോ?