നിങ്ങൾ ഓർമി​ക്കു​ന്നു​വോ?

വീക്ഷാ​ഗോ​പു​ര​ത്തി​ന്റെ അടുത്ത​കാ​ലത്തെ ലക്കങ്ങൾ വായി​ച്ചത്‌ നിങ്ങൾ ആസ്വദി​ച്ചു​വോ? അങ്ങനെ​യെ​ങ്കിൽ, പിൻവ​രു​ന്നത്‌ അനുസ്‌മ​രി​ക്കു​ന്നതു രസകര​മെന്നു നിങ്ങൾ കണ്ടെത്തും:

◻ മത്തായി 24:3, 27, 37, 39 എന്നീ വാക്യ​ങ്ങ​ളിൽ ഉപയോ​ഗി​ച്ചി​രി​ക്കുന്ന പറൂസിയ എന്ന ഗ്രീക്കു പദത്തിന്റെ അർഥ​മെന്ത്‌?

വൈനിന്റെ എക്‌സ്‌പോ​സി​റ്ററി ഡിക്‌ഷ്‌നറി ഓഫ്‌ ന്യൂ ടെസ്റ്റ​മെൻറ്‌ വേഡ്‌സ്‌ പറയുന്നു: “പറൂസിയ, . . . ഒരു ആഗമന​ത്തെ​യും അനന്തര​ഫ​ല​മാ​യി സാന്നി​ധ്യ​ത്തെ​യും സൂചി​പ്പി​ക്കു​ന്നു.” അതു​കൊണ്ട്‌, അത്‌ ആഗമന​നി​മി​ഷമല്ല, ആഗമനാ​നന്തര സാന്നി​ധ്യ​മാണ്‌.—8/15, പേജ്‌ 11.

◻ ഒന്നാം നൂറ്റാ​ണ്ടിൽ ‘ജഡം’ രക്ഷിക്ക​പ്പെ​ടു​ന്ന​തിന്‌ “ആ നാളുകൾ ചുരു”ക്കിയ​തെ​ങ്ങനെ, അതെങ്ങനെ വലിയ അളവിൽ സംഭവി​ക്കും? (മത്തായി 24:22)

യെരുശലേമിന്റെമേൽ ഏർപ്പെ​ടു​ത്തി​യി​രുന്ന ഉപരോ​ധം പൊ.യു. 66-ൽ റോമാ​ക്കാർ അപ്രതീ​ക്ഷി​ത​മാ​യി വെട്ടി​ച്ചു​രു​ക്കി. അങ്ങനെ ക്രിസ്‌തീയ “ജഡ”ത്തിനു രക്ഷപ്പെടൽ സാധ്യ​മാ​യി. അതു​പോ​ലെ, മഹാബാ​ബി​ലോ​ന്റെ​മേൽ വരാനി​രി​ക്കുന്ന ആക്രമണം ഏതോ വിധത്തിൽ വെട്ടി​ച്ചു​രു​ക്ക​പ്പെ​ടു​മെന്നു നാം പ്രതീ​ക്ഷി​ക്കു​ന്നു. അങ്ങനെ അഭിഷിക്ത ക്രിസ്‌ത്യാ​നി​ക​ളും അവരുടെ സഹകാ​രി​ക​ളും സാധ്യ​ത​യുള്ള നാശത്തിൽനി​ന്നു രക്ഷപ്പെ​ടും.—8/15, പേജുകൾ 18-20.

◻ സ്‌മാരക ചിഹ്നങ്ങ​ളിൽ ഒരു വ്യക്തി പങ്കുപ​റ്റാൻ തുടങ്ങു​ക​യോ പങ്കുപ​റ്റി​യി​രു​ന്നത്‌ നിർത്തു​ക​യോ ചെയ്യു​മ്പോൾ നമ്മുടെ പ്രതി​ക​രണം എന്തായി​രി​ക്കണം?

അതിൽ മറ്റു ക്രിസ്‌ത്യാ​നി​കൾ ഉത്‌ക​ണ്‌ഠ​പ്പെ​ടേ​ണ്ട​തില്ല. യേശു പറഞ്ഞു: ‘ഞാൻ നല്ല ഇടയൻ; ഞാൻ എനിക്കു​ള്ള​വയെ അറിയു​ന്നു.’ അതു​പോ​ലെ​തന്നെ ആത്മീയ പുത്ര​ന്മാ​രാ​യി താൻ യഥാർഥ​ത്തിൽ തിര​ഞ്ഞെ​ടു​ത്തി​രി​ക്കു​ന്ന​വരെ യഹോ​വ​യ്‌ക്കു തീർച്ച​യാ​യും അറിയാം. (യോഹ​ന്നാൻ 10:14; റോമർ 8:16, 17)—8/15, പേജ്‌ 31.

◻ മോ​ശൈക ന്യായ​പ്ര​മാ​ണ​ത്തി​ന്റെ പ്രധാന ഉദ്ദേശ്യ​മെ​ന്താ​യി​രു​ന്നു?

മുഖ്യമായും, പാപപൂർണ അവസ്ഥയിൽനി​ന്നു തങ്ങളെ രക്ഷിക്കുന്ന മിശി​ഹാ​യെ ഇസ്രാ​യേ​ല്യർക്ക്‌ ആവശ്യ​മാ​ണെന്ന്‌ അത്‌ അവരെ പഠിപ്പി​ച്ചു. (ഗലാത്യർ 3:24) ന്യായ​പ്ര​മാ​ണം ദൈവിക ഭക്തിയും അനുസ​ര​ണ​വും പഠിപ്പി​ച്ചു. കൂടാതെ ചുറ്റു​പാ​ടു​മുള്ള ജനതക​ളു​ടെ ദുഷിച്ച ആചാര​ങ്ങ​ളിൽനി​ന്നു വേറി​ട്ടി​രി​ക്കാ​നും അത്‌ ഇസ്രാ​യേ​ല്യ​രെ സഹായി​ച്ചു. (ലേവ്യ​പു​സ്‌തകം 18:24, 25)—9/1, പേജ്‌ 9.

◻ പുതിയ ഉടമ്പടി​യു​ടെ ഉദ്ദേശ്യ​മെന്ത്‌? (യിരെ​മ്യാ​വു 31:31-34)

മുഴു മനുഷ്യ​വർഗ​ത്തെ​യും അനു​ഗ്ര​ഹി​ക്കാൻ രാജാ​ക്ക​ന്മാ​രും പുരോ​ഹി​ത​ന്മാ​രും അടങ്ങുന്ന ഒരു ജനതയെ ഉളവാ​ക്കുക എന്നതാണ്‌. (പുറപ്പാ​ടു 19:6; 1 പത്രൊസ്‌ 2:9; വെളി​പ്പാ​ടു 5:10)—9/1, പേജുകൾ 14, 15.

◻ നാം എന്തു​കൊ​ണ്ടു ക്ഷമാപണം നടത്തു​ക​യെന്ന കല അഭ്യസി​ക്കണം?

അപൂർണത ഹേതു​വാ​യി വരുത്തിയ വേദന കുറയ്‌ക്കാ​നും പൊട്ടി​യകന്ന ബന്ധങ്ങളെ അടുപ്പി​ക്കാ​നും ഒരു ക്ഷമാപ​ണ​ത്തി​നാ​വും. നാം നടത്തുന്ന ഓരോ ക്ഷമാപ​ണ​വും താഴ്‌മ​യു​ടെ ഒരു പാഠമാണ്‌. മറ്റുള്ള​വ​രു​ടെ വികാ​രങ്ങൾ സംബന്ധി​ച്ചു കൂടുതൽ ഉണർവു​ള്ള​വ​രാ​യി​ത്തീ​രാൻ അതു നമ്മെ പരിശീ​ലി​പ്പി​ക്കു​ക​യും ചെയ്യുന്നു.—9/15, പേജ്‌ 24.

◻ നോഹ​യു​ടെ നാളിലെ ആഗോ​ള​പ്ര​ളയം ഒരു ചരി​ത്ര​സം​ഭ​വ​മാ​ണോ?

അതേ. ഒരു ആഗോ​ള​പ്ര​ള​യ​ത്തെ​ക്കു​റി​ച്ചുള്ള പുരാതന വിവര​ണങ്ങൾ അമേരി​ക്ക​കൾമു​തൽ ഓസ്‌​ട്രേ​ലി​യ​വരെ ലോക​ത്തെ​വി​ടെ​യും കാണാം. ഈ വിഷയ​ത്തി​ന്റെ വ്യാപ​ക​മായ പ്രചാരം ബൈബി​ളിൽ റിപ്പോർട്ടു ചെയ്‌തി​രി​ക്കു​ന്ന​തു​പോ​ലെ ലോക​വ്യാ​പ​ക​മായ പ്രളയം നടന്നു​വെ​ന്ന​തി​നുള്ള വസ്‌തു​ത​യ്‌ക്കു കൂടു​ത​ലായ തെളി​വാണ്‌. (ഉല്‌പത്തി 7:11-20)—9/15, പേജ്‌ 25.

◻ അതിഥി​സ​ത്‌കാ​ര​പ്രി​യം ഉള്ളവരാ​യി​രി​ക്കു​ന്ന​തിൽ എന്തുൾപ്പെ​ട്ടി​രി​ക്കു​ന്നു? (റോമർ 12:13)

“സ്‌നേഹം,” “അപരി​ചി​തൻ” എന്നീ രണ്ടു മൂലപ​ദങ്ങൾ ചേർന്ന ഒരു ഗ്രീക്കു​പ​ദ​ത്തെ​യാണ്‌ അതിഥി​സ​ത്‌കാ​ര​പ്രി​യം എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. അതു​കൊണ്ട്‌, അതിഥി​സ​ത്‌കാ​ര​പ്രി​യം അടിസ്ഥാ​ന​പ​ര​മാ​യി “അപരി​ചി​ത​രോ​ടുള്ള സ്‌നേഹം” എന്ന്‌ അർഥമാ​ക്കു​ന്നു. എന്നാൽ കർത്തവ്യ​ബോ​ധം നിമിത്തം കാണി​ക്കുന്ന, തത്ത്വാ​ധി​ഷ്‌ഠിത സ്‌നേ​ഹ​ത്തെ​ക്കാ​ള​ധി​കം അതിലുൾപ്പെ​ടു​ന്നു. അത്‌ യഥാർഥ വാത്സല്യം, ആർദ്ര​പ്രി​യം, സൗഹൃദം എന്നിവ​യിൽ അധിഷ്‌ഠി​ത​മാണ്‌.—10/1, പേജ്‌ 9.

◻ കൊരി​ന്ത്യർക്കുള്ള തന്റെ ഒന്നാമത്തെ ലേഖനം 7-ാം അധ്യാ​യ​ത്തിൽ പൗലൊസ്‌ വിവാ​ഹ​വും ഏകാകി​ത്വ​വും സംബന്ധിച്ച്‌ എന്തു വാദഗതി ഉന്നയി​ക്കു​ന്നു?

വിവാഹം നിയമാ​നു​സൃ​ത​മാണ്‌, ചില സന്ദർഭ​ങ്ങ​ളിൽ ചിലർക്ക്‌ അഭികാ​മ്യ​വും. എന്നാൽ ഏറ്റവും കുറഞ്ഞ ശ്രദ്ധാ​ശൈ​ഥി​ല്യ​ത്തോ​ടെ യഹോ​വയെ സേവി​ക്കാൻ ആഗ്രഹി​ക്കുന്ന ക്രിസ്‌തീയ പുരു​ഷ​നോ സ്‌ത്രീ​ക്കോ അനി​ഷേ​ധ്യ​മാം​വി​ധം പ്രയോ​ജ​ന​കരം ഏകാകി​ത്വം​ത​ന്നെ​യാണ്‌.—10/15, പേജ്‌ 13.

◻ ഒരു മൂപ്പൻ ‘സ്വന്തകു​ടും​ബ​ക്കാർക്കു വേണ്ടി കരുതു’ന്നതെങ്ങനെ? (1 തിമൊ​ഥെ​യൊസ്‌ 5:8)

ഒരു മൂപ്പൻ ‘സ്വന്തകു​ടും​ബ​ക്കാർക്കു വേണ്ടി’—ഭാര്യ​യ്‌ക്കും കുട്ടി​കൾക്കും​വേണ്ടി—ഭൗതി​ക​മാ​യും ആത്മീയ​മാ​യും വൈകാ​രി​ക​മാ​യും ‘കരുത’ണം.—10/15, പേജ്‌ 22.

◻ യഹോവ തന്റെ ദാസന്മാർക്ക്‌ ആശ്വാസം പ്രദാനം ചെയ്യു​ന്ന​തെ​ങ്ങനെ?

ദൈവത്തിന്റെ പരിശു​ദ്ധാ​ത്മാവ്‌ ഒരു “ആശ്വാ​സകൻ” ആയി പ്രവർത്തി​ക്കു​ന്നു. (യോഹ​ന്നാൻ 14:16, NW അടിക്കു​റിപ്പ്‌) ദൈവം ആശ്വാസം പ്രദാനം ചെയ്യുന്ന മറ്റൊരു വിധം ബൈബി​ളി​ലൂ​ടെ​യാണ്‌. (റോമർ 15:4) നമ്മുടെ വ്യക്തി​പ​ര​മായ ആവശ്യങ്ങൾ ദൈവ​ത്തി​ന​റി​യാം. കൊരി​ന്ത്യ സഭയെ​ക്കു​റി​ച്ചുള്ള തീത്തൊ​സി​ന്റെ റിപ്പോർട്ടി​ലൂ​ടെ പൗലൊ​സിന്‌ ആശ്വാസം ലഭിച്ച​തു​പോ​ലെ, പരസ്‌പരം ആശ്വസി​പ്പി​ക്കു​ന്ന​തി​നു നമ്മെ ഉപയോ​ഗി​ക്കാൻ ദൈവ​ത്തി​നാ​വും. (2 കൊരി​ന്ത്യർ 7:11-13)—11/1, പേജുകൾ 10, 12.

◻ 2 കൊരി​ന്ത്യർ 1:3-ൽ പൗലൊസ്‌ യഹോ​വയെ “മനസ്സലി​വുള്ള പിതാവു” എന്നു വർണി​ക്കു​ന്ന​തി​ന്റെ അർഥ​മെന്ത്‌?

“മനസ്സലി​വു” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു നാമം വരുന്നത്‌ മറ്റൊ​രാ​ളു​ടെ കഷ്ടപ്പാ​ടിൽ ദുഃഖം പ്രകടി​പ്പി​ക്കാൻ ഉപയോ​ഗി​ക്കുന്ന പദത്തിൽനി​ന്നാണ്‌. അതു​കൊണ്ട്‌, പീഡന​മ​നു​ഭ​വി​ക്കുന്ന തന്റെ വിശ്വസ്‌ത ദാസന്മാ​രെ​ല്ലാ​വ​രോ​ടും ദൈവ​ത്തി​നുള്ള ആർദ്ര​വി​കാ​രങ്ങൾ വർണി​ക്കു​ക​യാണ്‌ പൗലൊസ്‌.—11/1, പേജ്‌ 13.

◻ വാർഷിക പാപപ​രി​ഹാര ദിവസ​ത്തിൽ ഇസ്രാ​യേ​ല്യർ നടത്തിയ ഉപവാ​സം​കൊണ്ട്‌ എന്തു നേട്ടമു​ണ്ടാ​യി? (ലേവ്യ​പു​സ്‌തകം 16:29-31; 23:27)

ഉപവാസ ആചരണം ഇസ്രാ​യേൽ ജനത്തിനു തങ്ങളുടെ പാപപൂർണ അവസ്ഥ​യെ​യും വീണ്ടെ​ടു​പ്പി​ന്റെ ആവശ്യ​ക​ത​യെ​യും സംബന്ധി​ച്ചു കൂടു​ത​ലായ ബോധം വരുത്തി. അതിനാൽ അവർ ദൈവ​മു​മ്പാ​കെ തങ്ങളുടെ പാപങ്ങ​ളെ​പ്ര​തി​യുള്ള ദുഃഖ​വും അനുതാ​പ​വും പ്രകടി​പ്പി​ച്ചു.—11/15, പേജ്‌ 5.

◻ “നിന്റെ സ്രഷ്ടാ​വി​നെ ഓർത്തു​കൊൾക” എന്ന യുവജ​ന​ങ്ങൾക്കാ​യുള്ള ആഹ്വാ​ന​ത്താൽ എന്ത്‌ അർഥമാ​ക്ക​പ്പെ​ടു​ന്നു? (സഭാ​പ്ര​സം​ഗി 12:1)

“ഓർക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദം പലപ്പോ​ഴും “മനസ്സിന്റെ ആർദ്ര​ത​യെ​യും ഓർമ​യെ​ത്തു​ടർന്നുള്ള പ്രവൃ​ത്തി​യെ​യും” അർഥമാ​ക്കു​ന്നു​വെന്ന്‌ ഒരു പ്രാമാ​ണിക ഉറവിടം പറയുന്നു. അതു​കൊണ്ട്‌ ഈ കൽപ്പന ചെവി​ക്കൊ​ള്ളു​ക​യെ​ന്നാൽ യഹോ​വ​യെ​ക്കു​റി​ച്ചു കേവലം ചിന്തി​ക്കു​ന്ന​തി​നെ​ക്കാ​ള​ധി​കം അർഥമാ​ക്കു​ന്നു. അതിൽ പ്രവൃത്തി, അവനെ പ്രീതി​പ്പെ​ടു​ത്തു​ന്നതു ചെയ്യു​ന്നത്‌ ഉൾപ്പെ​ടു​ന്നു.—12/1, പേജ്‌ 16.