പണ്ഡിത​ന്മാ​രു​ടെ സുവി​ശേ​ഷം

“‘ഞാൻ ആരാ​ണെ​ന്നാണ്‌ ജനങ്ങൾ പറയു​ന്നത്‌?’” (ലൂക്കൊസ്‌ 9:18, ഓശാന ബൈബിൾ) ഏതാണ്ടു രണ്ടു സഹസ്രാ​ബ്ദം മുമ്പ്‌ യേശു തന്റെ ശിഷ്യ​ന്മാ​രോട്‌ അങ്ങനെ ചോദി​ച്ചു. ആ ചോദ്യം അന്നു തർക്കവി​ഷ​യ​മാ​യി​രു​ന്നു. ഇന്നത്‌, അന്നത്തെ​ക്കാൾ വലിയ തർക്കവി​ഷ​യ​മാ​യി തോന്നി​ക്കു​ന്നു. വിശേ​ഷി​ച്ചും, യേശു​വി​നെ കേന്ദ്രീ​ക​രി​ച്ചി​രി​ക്കേ​ണ്ട​തെന്നു കരുത​പ്പെ​ടുന്ന ക്രിസ്‌മസ്‌ കാലത്ത്‌. യേശു, മനുഷ്യ​വർഗത്തെ വീണ്ടെ​ടു​ക്കാൻ സ്വർഗ​ത്തിൽനിന്ന്‌ അയയ്‌ക്ക​പ്പെ​ട്ട​വ​നാ​യി​രു​ന്നു​വെന്ന്‌ അനേകർ വിശ്വ​സി​ക്കു​ന്നു. അങ്ങനെ​യാ​ണോ നിങ്ങൾ കരുതു​ന്നത്‌?

ചില പണ്ഡിത​ന്മാർ മറ്റൊ​ര​ഭി​പ്രാ​യം അവതരി​പ്പി​ക്കു​ന്നു. “ലോക​ത്തി​ന്റെ പാപങ്ങൾക്കാ​യി മരി​ക്കേ​ണ്ടി​യി​രുന്ന ദൈവ​പു​ത്ര​നാ​ണു താനെന്നു പഠിപ്പി​ച്ച​വ​നെന്ന നിലയി​ലുള്ള യേശു​വി​ന്റെ പ്രതി​ച്ഛായ ചരിത്ര വസ്‌തു​തയല്ല” എന്ന്‌ മത, സാംസ്‌കാ​രിക പ്രൊ​ഫ​സ​റായ മാർക്കസ്‌ ജെ. ബോർഗ്‌ അവകാ​ശ​പ്പെ​ടു​ന്നു.

യഥാർഥ യേശു നാം ബൈബി​ളിൽ വായി​ക്കുന്ന യേശു​വിൽനി​ന്നു വ്യത്യ​സ്‌ത​നാ​യി​രു​ന്നു​വെന്നു മറ്റുചില പണ്ഡിത​ന്മാർ അവകാ​ശ​പ്പെ​ടു​ന്നു. സുവി​ശേ​ഷ​ങ്ങ​ളെ​ല്ലാം എഴുത​പ്പെ​ട്ടത്‌ യേശു​വി​ന്റെ മരണ​ശേഷം നാലോ അതില​ധി​ക​മോ ദശകങ്ങൾക്കു ശേഷമാ​യ​തി​നാൽ അതി​നോ​ടകം യേശു​വി​ന്റെ യഥാർഥ താദാ​ത്മ്യ​ത്തോ​ടു പൊടി​പ്പും തൊങ്ങ​ലും ചേർക്ക​പ്പെ​ട്ട​താ​യി ചിലർ വിശ്വ​സി​ക്കു​ന്നു. സുവി​ശേഷ എഴുത്തു​കാ​രു​ടെ ഓർമ​ക്കു​റ​വാ​യി​രു​ന്നില്ല പ്രശ്‌നം, മറിച്ച്‌ അവരുടെ വ്യാഖ്യാ​ന​മാ​ണു പ്രശ്‌ന​മു​ണ്ടാ​ക്കി​യ​തെന്നു പണ്ഡിത​ന്മാർ ഉറപ്പി​ച്ചു​പ​റ​യു​ന്നു. യേശു​വി​ന്റെ മരണ​ശേഷം ശിഷ്യ​ന്മാർ അവനെ വ്യത്യ​സ്‌ത​മാ​യി, ദൈവ​പു​ത്ര​നും രക്ഷിതാ​വും മിശി​ഹാ​യു​മാ​യി, വീക്ഷി​ക്കാൻ തുടങ്ങി. യേശു അലഞ്ഞു​തി​രി​ഞ്ഞു നടന്ന ഒരു യോഗീ​വ​ര്യ​നോ ഒരു സാമൂ​ഹിക പരിഷ്‌കർത്താ​വോ മാത്ര​മാ​യി​രു​ന്നു​വെന്നു ചിലർ സധൈ​ര്യം അവകാ​ശ​പ്പെ​ടു​ന്നു. സുവി​ശേ​ഷ​സ​ത്യം അതാ​ണെ​ന്നാ​ണു പണ്ഡിത​മതം.

യേശു​വി​നെ​ക്കു​റി​ച്ചുള്ള “പണ്ഡി​തോ​ചിത” വീക്ഷണം

തങ്ങളുടെ “പണ്ഡി​തോ​ചിത” വീക്ഷണത്തെ സാധൂ​ക​രി​ക്കാൻ, യേശു​വി​നോ​ടുള്ള ബന്ധത്തിൽ പ്രകൃ​ത്യ​തീ​ത​മായ എന്തും തള്ളിക്ക​ള​യു​ന്ന​തിൽ വിമർശകർ ഉത്സുക​രാ​യി കാണ​പ്പെ​ടു​ന്നു. ഉദാഹ​ര​ണ​ത്തിന്‌, യേശു കന്യക​യിൽനി​ന്നു പിറന്നു​വെ​ന്നത്‌ അവന്റെ ജാരജ​ന​നത്തെ മൂടി​വ​യ്‌ക്കു​ന്ന​തി​നുള്ള ശ്രമഫ​ല​മാ​ണെന്നു ചിലർ പറയുന്നു. യെരു​ശ​ലേ​മി​ന്റെ നാശ​ത്തെ​ക്കു​റി​ച്ചുള്ള യേശു​വി​ന്റെ പ്രവച​നങ്ങൾ, അവയുടെ “നിവൃത്തി”ക്കുശേഷം സുവി​ശേ​ഷ​ങ്ങ​ളിൽ ചേർത്ത​താ​ണെന്നു വാദി​ച്ചു​കൊണ്ട്‌ മറ്റുചി​ലർ അവയെ നിരാ​ക​രി​ക്കു​ന്നു. യേശു​വി​ന്റെ സൗഖ്യ​മാ​ക്ക​ലു​കൾ തികച്ചും മനോ​ജ​ന്യ​മാണ്‌—കേവലം മനസ്സിനു വരുത്തുന്ന മാറ്റം മൂലമാണ്‌—എന്നു​പോ​ലും ചിലർ പറയുന്നു. അത്തരം പ്രസ്‌താ​വ​നകൾ യുക്തി​സ​ഹ​മെന്നു നിങ്ങൾക്കു തോന്നു​ന്നു​ണ്ടോ, അതോ അപഹാ​സ്യ​മെ​ന്നോ?

തങ്ങളുടെ പ്രസ്ഥാനം തറപറ്റാ​തി​രി​ക്കാൻ യേശു​വി​ന്റെ ശിഷ്യ​ന്മാർ കെട്ടി​ച്ച​മ​ച്ച​താ​ണു പുനരു​ത്ഥാ​ന​മെ​ന്നു​പോ​ലും ചില പണ്ഡിത​ന്മാർ അവകാ​ശ​പ്പെ​ടു​ന്നു. എന്തുത​ന്നെ​യാ​ണെ​ങ്കി​ലും, യേശു​വി​ന്റെ ശിഷ്യ​ന്മാർ അവനെ​ക്കൂ​ടാ​തെ അശക്തരാ​യി​രു​ന്നെ​ന്നും അതു​കൊണ്ട്‌ അവർ തങ്ങളുടെ യജമാ​നനെ കഥയി​ലേക്കു വലിച്ചി​ഴ​ച്ചെ​ന്നും പണ്ഡിത​ന്മാർ ന്യായ​വാ​ദം ചെയ്യുന്നു. ഫലത്തിൽ, ഉയിർപ്പി​ക്ക​പ്പെ​ട്ടത്‌ ക്രിസ്‌ത്യാ​നി​ത്വ​മാ​യി​രു​ന്നു, ക്രിസ്‌തു​വല്ല. അതു പണ്ഡിത​ന്മാ​രു​ടെ പക്ഷത്തു​നി​ന്നുള്ള വസ്‌തു​ത​യു​ടെ വളച്ചൊ​ടി​ക്ക​ലാ​ണെന്നു തോന്നി​ക്കു​ന്നെ​ങ്കിൽ, യേശു ഒരിക്ക​ലും വധിക്ക​പ്പെ​ട്ടില്ല എന്നു പ്രസ്‌താ​വി​ക്കുന്ന ദൈവ​ശാ​സ്‌ത്ര​ജ്ഞ​യായ ബാർബറ തെറി​ങ്ങി​ന്റെ പ്രസ്‌താ​വന സംബന്ധി​ച്ചെന്ത്‌? യേശു കഴുമ​രത്തെ അതിജീ​വിച്ച്‌, രണ്ടു പ്രാവ​ശ്യം വിവാ​ഹി​ത​നാ​യി, മൂന്നു കുട്ടി​ക​ളു​ടെ പിതാ​വാ​യെന്ന്‌ അവർ വിശ്വ​സി​ക്കു​ന്നു.

ഈ അവകാ​ശ​വാ​ദ​ങ്ങ​ളെ​ല്ലാം യേശു​വി​നെ, നിരവധി പണ്ഡിത​ന്മാർക്കും സ്വീകാ​ര്യ​മാ​യി​രി​ക്കുന്ന ഒരു സ്ഥാന​ത്തേക്കു താഴ്‌ത്തി​ക്കെ​ട്ടും: ഒരു ജ്ഞാനി, നാമധേയ യഹൂദൻ, സാമൂ​ഹിക പരിഷ്‌കർത്താവ്‌—‘അനേകർക്കു​വേണ്ടി തന്റെ ജീവനെ മറുവി​ല​യാ​യി കൊടു​പ്പാൻ വന്ന’ ദൈവ​പു​ത്രൻ എന്നതൊ​ഴി​കെ മറ്റെന്തും.—മത്തായി 20:28.

ഒരുപക്ഷേ, യേശു പുൽത്തൊ​ട്ടി​യിൽ ജനിച്ചു​വെന്നു വിവരി​ക്കു​ന്ന​തു​പോ​ലുള്ള സുവി​ശേഷ ഭാഗങ്ങൾ വർഷത്തി​ന്റെ ഈ സമയം നിങ്ങൾ ബൈബി​ളിൽ വായി​ച്ചി​രി​ക്കാം. അല്ലെങ്കിൽ അത്തരം വിവരങ്ങൾ പള്ളിയിൽ  വായി​ക്കു​ന്നതു നിങ്ങൾ കേട്ടി​രി​ക്കാം. നിങ്ങൾ സുവി​ശേഷ വിവര​ണ​ങ്ങളെ വിലയു​ള്ള​തും വിശ്വ​സ​നീ​യ​വു​മാ​യി സ്വീക​രി​ച്ചു​വോ? എങ്കിൽ, ഞെട്ടി​ക്കുന്ന ഈ സ്ഥിതി​വി​ശേ​ഷ​ത്തെ​ക്കു​റി​ച്ചു പരിചി​ന്തി​ക്കുക. 1985 മുതൽ വർഷത്തിൽ രണ്ടു തവണ ജീസസ്‌ സെമി​നാർ എന്നു വിളി​ക്ക​പ്പെ​ടുന്ന യോഗ​ത്തിൽ ഒരു കൂട്ടം പണ്ഡിത​ന്മാർ കൂടി​വ​രു​ക​യു​ണ്ടാ​യി. യേശു​വി​ന്റെ വാക്കു​ക​ളു​ടെ വിശ്വാ​സ്യത തിട്ട​പ്പെ​ടു​ത്താ​നാ​യി​രു​ന്നു അത്‌. യേശു​വി​ന്റെ വാക്കു​ക​ളാ​യി ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളൊ​ക്കെ അവൻ വാസ്‌ത​വ​മാ​യും പറഞ്ഞതാ​ണോ? സെമി​നാ​റിൽ പങ്കെടുത്ത അംഗങ്ങൾ യേശു​വി​ന്റെ ഓരോ വാക്കി​നും, വർണമു​ത്തു​കൾകൊണ്ട്‌ വോട്ടി​ട്ടു. ചെമപ്പു​നി​റ​മുള്ള മുത്ത്‌ ഒരു പ്രസ്‌താ​വന വാസ്‌ത​വ​മാ​യും യേശു പറഞ്ഞതാ​ണെന്ന്‌ അർഥമാ​ക്കി; പിങ്ക്‌നി​റ​ത്തി​ലുള്ള മുത്ത്‌ ഒരുപക്ഷേ യേശു അതു പറഞ്ഞി​രി​ക്കാ​മെന്ന്‌ അർഥമാ​ക്കി; ചാരനി​റ​ത്തി​ലുള്ള മുത്ത്‌ സംശയം ദ്യോ​തി​പ്പി​ച്ചു; കറുപ്പു നിറമുള്ള മുത്ത്‌ അതു വ്യാജ​മാ​ണെന്നു സൂചി​പ്പി​ച്ചു.

യേശു പറഞ്ഞതാ​യി കരുതുന്ന 82 ശതമാനം വാക്കു​ക​ളും അവൻ പറഞ്ഞി​രി​ക്കാ​നി​ട​യി​ല്ലാ​ത്ത​താ​യി ജീസസ്‌ സെമി​നാർ പ്രഖ്യാ​പി​ച്ചു​വെ​ന്നതു നിങ്ങളെ അസ്വസ്ഥ​രാ​ക്കി​യേ​ക്കാം. മർക്കൊ​സിൽനി​ന്നുള്ള ഒരു ഉദ്ധരണി മാത്രമേ വിശ്വാ​സ​യോ​ഗ്യ​മാ​യി കണക്കാ​ക്ക​പ്പെ​ട്ടു​ള്ളൂ. ലൂക്കൊ​സി​ന്റെ സുവി​ശേഷം നിറയെ “നിർണ​യാ​തീ​ത​മായ” ആശയ​പ്ര​ചാ​രണം ഉൾക്കൊ​ണ്ടി​രി​ക്കു​ന്ന​താ​യി പറയ​പ്പെട്ടു. യോഹ​ന്നാ​ന്റെ സുവി​ശേ​ഷ​ത്തിൽ, മൂന്നു വരിക​ളൊ​ഴി​കെ ബാക്കി​യെ​ല്ലാം വ്യാജ​മാ​ണെന്നു സൂചി​പ്പി​ക്കുന്ന കറുപ്പു നിറമുള്ള മുത്തുകൾ കൊണ്ട്‌ അടയാ​ള​പ്പെ​ടു​ത്തി. ആ മൂന്നു വരികൾക്കു ചാരനി​റ​മുള്ള മുത്തു​കൊണ്ട്‌ അടയാ​ള​മി​ട്ടു.

പണ്ഡിത​സി​ദ്ധാ​ന്ത​ങ്ങ​ളി​ലു​മ​ധി​കം

നിങ്ങൾ പണ്ഡിത​ന്മാ​രോ​ടു യോജി​ക്കു​ന്നു​വോ? യേശു​വി​നെ​ക്കു​റി​ച്ചു ബൈബി​ളി​ലു​ള്ള​തി​നെ​ക്കാൾ കൃത്യ​ത​യുള്ള ചിത്ര​മാ​ണോ അവർ നമുക്കു നൽകു​ന്നത്‌? ഈ ചോദ്യ​ങ്ങൾ പണ്ഡിത​വാ​ദ​ഗ​തി​കൾക്കുള്ള വിഷയ​ത്തെ​ക്കാൾ കവിഞ്ഞ​താണ്‌. ബൈബിൾ പറയു​ന്ന​പ്ര​കാ​രം, “പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു” ദൈവം യേശു​വി​നെ അയച്ചതാ​ണെന്നു വർഷത്തി​ന്റെ ഈ സമയത്തു നിങ്ങൾ ഓർമി​ക്കാൻ ഇടവ​ന്നേ​ക്കാം.—യോഹ​ന്നാൻ 3:16.

നമുക്കു കാര്യ​മാ​യൊ​ന്നും അറിഞ്ഞു​കൂ​ടാത്ത, അലഞ്ഞു​തി​രി​ഞ്ഞു നടന്ന ഒരു യോഗീ​വ​ര്യൻ മാത്ര​മാ​യി​രു​ന്നു യേശു​വെ​ങ്കിൽ അവനിൽ ‘വിശ്വ​സി​ക്കു​ന്ന​തിൽ’ യാതൊ​രു കഴമ്പു​മില്ല. നേരേ​മ​റിച്ച്‌, യേശു​വി​നെ​ക്കു​റി​ച്ചു ബൈബിൾ നൽകുന്ന ചിത്രം വിശ്വാ​സ​യോ​ഗ്യ​മാ​ണെ​ങ്കിൽ നമ്മുടെ നിത്യരക്ഷ അതിൽ ഉൾപ്പെ​ട്ടി​രി​ക്കു​ന്നു. അതു​കൊണ്ട്‌, നാമിത്‌ അറിഞ്ഞേ പറ്റൂ: ബൈബി​ളിൽ യേശു​വി​നെ​ക്കു​റി​ച്ചുള്ള സത്യം അടങ്ങി​യി​രി​ക്കു​ന്നു​വോ?