ലഹരി​പാ​നീ​യങ്ങൾ സംബന്ധി​ച്ചു നിങ്ങൾക്ക്‌ ഒരു ദൈവിക വീക്ഷണ​മു​ണ്ടോ?

ഇരുപ​തോ​ളം വർഷങ്ങൾക്കു മുമ്പ്‌, മണ്ണു കുഴി​ച്ചു​ചെന്ന പുരാ​വ​സ്‌തു​ഗ​വേ​ഷകർ ഇറാനി​ലെ ഊർമിയ എന്ന പട്ടണത്തി​ന​ടുത്ത്‌, മണ്ണിഷ്ടി​ക​കൊ​ണ്ടു നിർമിച്ച ഒരു പഴയ കെട്ടിടം കണ്ടെത്തു​ക​യു​ണ്ടാ​യി. അതിനു​ള്ളിൽ ഒരു മൺഭര​ണി​യു​ണ്ടാ​യി​രു​ന്നു. ശാസ്‌ത്ര​ജ്ഞ​രു​ടെ അഭി​പ്രാ​യ​പ്ര​കാ​രം, ആയിര​ക്ക​ണ​ക്കി​നു വർഷത്തെ പഴക്കമുള്ള അത്‌ വളരെ പ്രാചീ​ന​മായ ചില ആദിമ ഗ്രാമങ്ങൾ സ്ഥാപി​ത​മായ കാലഘ​ട്ട​ത്തി​ലേ​താണ്‌. ആ ഭരണി​യെ​ക്കു​റി​ച്ചു വിശക​ലനം നടത്താൻ അടുത്ത​കാ​ലത്ത്‌ ഏറ്റവും ആധുനി​ക​മായ സാങ്കേ​തി​ക​വി​ദ്യ ഉപയു​ക്ത​മാ​ക്കി. അതിനു​ള്ളിൽ വീഞ്ഞു​നിർമാ​ണ​ത്തി​ന്റെ ഏറ്റവും പഴക്കമുള്ള രാസപ​ര​മായ തെളി​വു​കൾ കണ്ടതിൽ ശാസ്‌ത്രജ്ഞർ അമ്പരന്നു​പോ​യി.

പ്രാചീന കാലം​മു​തൽക്കേ, വീഞ്ഞ്‌, ബിയർ എന്നിവ​യും മറ്റു തരത്തി​ലുള്ള ലഹരി​പാ​നീ​യ​ങ്ങ​ളും ഉപഭോ​ഗ​ത്തി​ലു​ണ്ടാ​യി​രു​ന്ന​താ​യി ബൈബി​ളും വ്യക്തമാ​യി പ്രകട​മാ​ക്കു​ന്നു. (ഉല്‌പത്തി 27:25; സഭാ​പ്ര​സം​ഗി 9:7; നഹൂം 1:10) മറ്റു ഭക്ഷ്യസാ​ധ​ന​ങ്ങ​ളു​ടെ കാര്യ​ത്തി​ലെ​ന്ന​പോ​ലെ, വ്യക്തി​ക​ളെ​ന്ന​നി​ല​യിൽ നമുക്കു യഹോവ ഒരു തിര​ഞ്ഞെ​ടു​പ്പു തരുന്നു—ലഹരി​പാ​നീ​യങ്ങൾ കുടി​ക്കാം, കുടി​ക്കാ​തി​രി​ക്കാം. യേശു പലപ്പോ​ഴും ഭക്ഷണ​ത്തോ​ടൊ​പ്പം വീഞ്ഞു കുടി​ച്ചി​രു​ന്നു. സ്‌നാ​പ​ക​യോ​ഹ​ന്നാൻ ലഹരി​പാ​നീ​യങ്ങൾ വർജി​ച്ചി​രു​ന്നു.—മത്തായി 11:18, 19.

മദ്യപാ​ന​ത്തി​ലെ അമിത​ത്വം ബൈബിൾ വിലക്കുന്ന ഒരു സംഗതി​യാണ്‌. മദ്യാ​സക്തി ദൈവ​ത്തി​നെ​തി​രെ​യുള്ള ഒരു പാപമാണ്‌. (1 കൊരി​ന്ത്യർ 6:9-11) ഇതി​നോ​ടു ചേർച്ച​യിൽ, യഹോ​വ​യു​ടെ സാക്ഷികൾ അനുതാ​പ​മി​ല്ലാത്ത കുടി​യ​ന്മാ​രാ​യി​ത്തീ​രു​ന്ന​വരെ ക്രിസ്‌തീയ സഭയിൽ തുടരാൻ അനുവ​ദി​ക്കു​ന്നില്ല. സഭയി​ലു​ള്ള​വ​രിൽ ലഹരി​പാ​നീ​യങ്ങൾ കുടി​ക്കാൻ തീരു​മാ​നി​ക്കു​ന്നവർ മിതമാ​യി​ട്ടാ​യി​രി​ക്കണം അങ്ങനെ ചെയ്യേ​ണ്ടത്‌.—തീത്തൊസ്‌ 2:2, 3.

ഭക്തികെട്ട ഒരു വീക്ഷണം

ലഹരി​പാ​നീ​യങ്ങൾ സംബന്ധിച്ച്‌ ഇന്നു പല ആളുകൾക്കും ദൈവി​ക​മായ ഒരു വീക്ഷണ​മില്ല. ഈ പുരാതന ഉത്‌പ​ന്നത്തെ ദുരു​പ​യോ​ഗം ചെയ്യാൻ സാത്താൻ പ്രോ​ത്സാ​ഹി​പ്പി​ക്കു​ക​യാ​ണെന്നു കാണുക എളുപ്പ​മാണ്‌. ഉദാഹ​ര​ണ​ത്തിന്‌, ദക്ഷിണ പസഫി​ക്കി​ലെ ചില ദ്വീപു​ക​ളിൽ, വീട്ടി​ലു​ണ്ടാ​ക്കിയ ലഹരി​പാ​നീ​യങ്ങൾ ധാരാളം കുടി​ക്കു​ന്നത്‌ പുരു​ഷ​ന്മാ​രു​ടെ ഒരു ആചാര​മാണ്‌. മണിക്കൂ​റു​കൾ നീണ്ടു​നി​ന്നേ​ക്കാ​വുന്ന ഈ പരിപാ​ടി കൂടെ​ക്കൂ​ടെ നടത്തി​യേ​ക്കാം—പല പുരു​ഷ​ന്മാ​രും ഈ ആചാര​ത്തിൽ ദിവസേന ഏർപ്പെ​ടു​ന്നു. അതു തങ്ങളുടെ സംസ്‌കാ​ര​ത്തി​ന്റെ ഭാഗമാ​യി ചിലർ കരുതു​ന്നു. ചില​പ്പോൾ, പ്രാ​ദേ​ശി​ക​മാ​യി വീട്ടി​ലു​ണ്ടാ​ക്കിയ ലഹരി​പാ​നീ​യ​ത്തി​നു പകരം—അല്ലെങ്കിൽ  അതിനു പുറമേ—ബിയറും ചാരാ​യ​വും കുടി​ക്കു​ന്നു. മദ്യാ​സ​ക്തി​യാ​യി​രി​ക്കും മിക്ക​പ്പോ​ഴും ഫലം.

മറ്റൊരു പസഫിക്‌ ദേശത്ത്‌, പുരു​ഷ​ന്മാർ മിതമാ​യി ലഹരി​പാ​നീ​യം ഉപയോ​ഗി​ക്കുന്ന രീതി സാധാ​ര​ണ​മാ​യില്ല. പൊതു​വേ പറഞ്ഞാൽ, അവർ ലക്കു കെടു​ന്ന​തു​വരെ കുടി​ക്കു​ന്നു. സാധാ​ര​ണ​ഗ​തി​യിൽ, ഒരു കൂട്ടം പുരു​ഷ​ന്മാർ ഒന്നിച്ചു​കൂ​ടി, ഓരോ​ന്നി​ലും 24 കുപ്പികൾ അടങ്ങുന്ന പല ബിയർ കാർട്ട​നു​കൾ വാങ്ങുന്നു. ബിയർ തീരു​ന്ന​തു​വരെ അവർ കുടി​ക്കും. തത്‌ഫ​ല​മാ​യി, പരസ്യ​മാ​യുള്ള കുടി​ച്ചു​കൂ​ത്താ​ട്ടം വളരെ സാധാ​ര​ണ​മാണ്‌.

കള്ളും പ്രാ​ദേ​ശി​ക​മാ​യി ഉണ്ടാക്കുന്ന മറ്റു മദ്യങ്ങ​ളും പോലുള്ള ലഹരി​പാ​നീ​യങ്ങൾ പരമ്പരാ​ഗ​ത​മാ​യി ആഫ്രിക്കൻ രാജ്യ​ങ്ങ​ളിൽ ഉപയോ​ഗി​ച്ചു​പോ​രു​ന്നു. അതിഥി​കളെ സത്‌ക​രി​ക്കു​മ്പോൾ മദ്യം നൽകണ​മെ​ന്ന​താണ്‌ ചിലയി​ട​ങ്ങ​ളി​ലുള്ള പാരമ്പ​ര്യം. സത്‌കാ​ര​പ്രി​യ​നായ ആതി​ഥേയൻ സന്ദർശ​കന്‌ ആവശ്യ​മു​ള്ള​തി​ലും കൂടുതൽ കൊടു​ക്കു​ന്നത്‌ ഒരാചാ​ര​മാണ്‌. ഓരോ സന്ദർശ​ക​ന്റെ​യും മുമ്പിൽ 12 വീഞ്ഞു​കു​പ്പി​കൾ വെക്കുന്ന പാരമ്പ​ര്യ​മുള്ള സ്ഥലം പോലു​മുണ്ട്‌.

ജപ്പാനി​ലെ പല കമ്പനി​ക​ളും അവരുടെ ജോലി​ക്കാർക്കാ​യി ബസ്സ്‌ യാത്രകൾ സംഘടി​പ്പി​ക്കാ​റുണ്ട്‌. ആ സന്ദർഭ​ത്തിൽ ധാരാളം ലഹരി​പാ​നീ​യങ്ങൾ വാങ്ങുന്നു, വളരെ​യ​ധി​കം കുടി​ക്കു​ന്ന​തിൽ കുഴപ്പ​മി​ല്ല​താ​നും. ചില കമ്പനികൾ നടത്തുന്ന ഈ ടൂറു​കൾക്കു രണ്ടോ മൂന്നോ ദിവസ​മെ​ടു​ത്തേ​ക്കാം. ജപ്പാനി​ലെ ഏഷ്യാ​വീക്ക്‌ മാഗസിൻ പറയു​ന്ന​ത​നു​സ​രിച്ച്‌, “നെൽകൃ​ഷി ചെയ്യു​ന്ന​വർമു​തൽ സമ്പന്നരായ രാഷ്‌ട്രീ​യ​ക്കാർവരെ പരമ്പരാ​ഗ​ത​മാ​യി പുരു​ഷ​ത്വ​ത്തി​ന്റെ അളവു​കോ​ലാ​യി കണക്കാ​ക്കു​ന്നത്‌ ഒരുവനു കുടി​ക്കാൻ കഴിയുന്ന ലഹരി​പാ​നീ​യ​ത്തി​ന്റെ അളവാണ്‌.” മറ്റു ചില ഏഷ്യൻ രാജ്യ​ങ്ങ​ളി​ലും സമാന​മായ പ്രവണ​തകൾ കാണാ​വു​ന്ന​താണ്‌. “ലോക​ത്തിൽ മറ്റെവി​ടെ​യു​മുള്ള മദ്യപാ​നി​ക​ളെ​ക്കാൾ കൂടുതൽ ചാരായം കുടി​ക്കു​ന്നവർ ദക്ഷിണ കൊറി​യ​ക്കാ​രാണ്‌.”

ഐക്യ​നാ​ടു​ക​ളി​ലെ കോ​ളെജ്‌ കാമ്പസു​ക​ളിൽ നടമാ​ടുന്ന ഒന്നാണ്‌ അമിത കുടി (binge drinking). ദ ജേണൽ ഓഫ്‌ ദി അമേരി​ക്കൻ മെഡിക്കൽ അസോ​സി​യേഷൻ പറയു​ന്ന​പ്ര​കാ​രം, “അമിത കുടി​യി​ലേർപ്പെ​ടുന്ന മിക്കവ​രും, തങ്ങൾക്കു മദ്യാ​സക്തി ഉള്ളതായി കരുതു​ന്നില്ല.” a ഇത്‌ അമ്പരപ്പി​ക്കേ​ണ്ട​തില്ല. കാരണം, മദ്യപാ​നം സാഹസി​ക​വും ഫാഷനും അഭിജ്ഞർ ചെയ്യു​ന്ന​തു​മായ ഒരു സംഗതി​യാ​യി​ട്ടാണ്‌ പല രാജ്യ​ങ്ങ​ളി​ലെ​യും മാധ്യ​മങ്ങൾ അതിനെ എടുത്തു​കാ​ട്ടു​ന്നത്‌. പലപ്പോ​ഴും ഈ പ്രചാ​ര​ണ​ത്തി​ന്റെ പ്രത്യേക ലക്ഷ്യങ്ങൾ ചെറു​പ്പ​ക്കാ​രാണ്‌.

20 വർഷത്തെ ഒരു കാലയ​ള​വു​കൊണ്ട്‌ ബ്രിട്ട​നിൽ കുടി​ക്കുന്ന ബിയറി​ന്റെ അളവ്‌ ഇരട്ടി​യാ​യി​രി​ക്കു​ന്നു. കുടി​ക്കുന്ന ലഹരി കൂടിയ മദ്യത്തി​ന്റെ അളവ്‌ മൂന്നി​ര​ട്ടി​യാ​യും വർധി​ച്ചി​രി​ക്കു​ന്നു. കുടി​ച്ചു​തു​ട​ങ്ങു​ന്നവർ പ്രായം കുറഞ്ഞ​വ​രാണ്‌, കുടി​ക്കുന്ന സ്‌ത്രീ​ക​ളു​ടെ എണ്ണവും കൂടു​ക​യാണ്‌. പൂർവ​യൂ​റോ​പ്യൻ രാജ്യ​ങ്ങ​ളി​ലും ലാറ്റി​ന​മേ​രി​ക്കൻ രാജ്യ​ങ്ങ​ളി​ലും സമാന​മായ പ്രവണ​തകൾ കാണാ​വു​ന്ന​താണ്‌. മദ്യാ​സ​ക്തി​യു​ടെ നിരക്കും മദ്യപാ​ന​ത്തോ​ടു ബന്ധപ്പെട്ട വാഹന അപകട​ങ്ങ​ളും ആനുപാ​തി​ക​മാ​യി വർധി​ച്ചി​രി​ക്കു​ന്ന​തിൽനിന്ന്‌ ഇതു കാണാം. ലോക​വ്യാ​പ​ക​മാ​യി ലഹരി​പാ​നീ​യം തീർച്ച​യാ​യും ദുരു​പ​യോ​ഗം ചെയ്യ​പ്പെ​ടു​ന്നു എന്നതു സ്‌പഷ്ടം.

എത്രയ​ധി​ക​മാ​ണു വളരെ​യ​ധി​കം?

ലഹരി​പാ​നീ​യങ്ങൾ സംബന്ധിച്ച ബൈബി​ളി​ന്റെ വീക്ഷണം സന്തുലി​ത​മാണ്‌. ഒരു വശത്ത്‌, ‘വീഞ്ഞ്‌’ യഹോ​വ​യാം ദൈവ​ത്തിൽനി​ന്നുള്ള ഒരു ദാനമാ​ണെ​ന്നും അതു ‘മമനു​ഷ്യ​ന്റെ ഹൃദയത്തെ സന്തോ​ഷി​പ്പി​ക്കു​ന്നു​വെ​ന്നും’ തിരു​വെ​ഴു​ത്തു​കൾ പറയുന്നു. (സങ്കീർത്തനം 104:1, 15) മറുവ​ശത്ത്‌, അമിത​ത്വ​ത്തെ കുറ്റം വിധി​ക്കു​മ്പോൾ ‘അതിമ​ദ്യ​പാ​നം,’ ‘വീഞ്ഞു​കു​ടി, വെറി​ക്കൂത്ത്‌, മദ്യപാ​നം,’ ‘ധാരാളം വീഞ്ഞു​കു​ടി​ക്കു​ന്നവർ,’ ‘വീഞ്ഞിന്‌ അടിമ​പ്പെ​ടു​ന്നവർ’ എന്നിങ്ങ​നെ​യുള്ള പദപ്ര​യോ​ഗങ്ങൾ അത്‌ ഉപയോ​ഗി​ക്കു​ക​യും ചെയ്യുന്നു. (ലൂക്കൊസ്‌ 21:34; 1 പത്രൊസ്‌ 4:3, NW; 1 തിമൊ​ഥെ​യൊസ്‌ 3:8; തീത്തൊസ്‌ 2:3) എന്നാൽ എത്ര​ത്തോ​ളം കുടി​ക്കു​മ്പോ​ഴാ​ണു ‘ധാരാളം വീഞ്ഞു കുടി​ക്കു​ന്നവ’രാകു​ന്നത്‌? ലഹരി​പാ​നീ​യങ്ങൾ സംബന്ധിച്ച ദൈവിക വീക്ഷണം തരുന്നത്‌ എന്താ​ണെന്ന്‌ ഒരു ക്രിസ്‌ത്യാ​നിക്ക്‌ എങ്ങനെ തിട്ട​പ്പെ​ടു​ത്താം?

മദ്യാ​സ​ക്തി​യെ തിരി​ച്ച​റി​യുക ദുഷ്‌ക​രമല്ല. അതിന്റെ പരിണ​ത​ഫ​ലങ്ങൾ ഈ വാക്കു​ക​ളിൽ ബൈബി​ളിൽ വിവരി​ച്ചി​രി​ക്കു​ന്നു: “ആർക്കു കഷ്ടം, ആർക്കു സങ്കടം, ആർക്കു കലഹം? ആർക്കു ആവലാതി, ആർക്കു അനാവ​ശ്യ​മായ മുറി​വു​കൾ, ആർക്കു കൺചു​വപ്പു? വീഞ്ഞു കുടി​ച്ചു​കൊ​ണ്ടു നേരം വൈകി​ക്കു​ന്ന​വർക്കും മദ്യം രുചി​നോ​ക്കു​വാൻ പോകു​ന്ന​വർക്കും തന്നേ. . . . നിന്റെ കണ്ണു പരസ്‌ത്രീ​കളെ നോക്കും; നിന്റെ ഹൃദയം വക്രത പറയും.”—സദൃശ​വാ​ക്യ​ങ്ങൾ 23:29-33.

വളരെ​യ​ധി​കം ലഹരി​പാ​നീ​യങ്ങൾ കുടി​ക്കു​ന്നത്‌ ആശയക്കു​ഴ​പ്പ​ത്തി​നും മിഥ്യാ​ബോ​ധ​ത്തി​നും അബോ​ധാ​വ​സ്ഥ​യ്‌ക്കും മനസ്സി​നും ശരീര​ത്തി​നു​മു​ണ്ടാ​കുന്ന മറ്റു വൈക​ല്യ​ങ്ങൾക്കും കാരണ​മാ​കാം. മദ്യത്തി​ന്റെ സ്വാധീ​ന​ത്തിൻ കീഴിൽ, തന്റെ പെരു​മാ​റ്റം സംബന്ധിച്ച്‌ ഒരു വ്യക്തിക്കു നിയ​ന്ത്രണം നഷ്ടമാ​യേ​ക്കാം. അത്‌ അയാൾക്കും മറ്റുള്ള​വർക്കും ഹാനി വരുത്തു​ന്നു. ഭോഷ​ത്ത​പ​ര​മോ ഉപദ്ര​വ​ക​ര​മോ അധാർമി​ക​മോ ആയ നടത്തയിൽ മദ്യപ​ന്മാർ ഏർപ്പെ​ടു​ന്ന​താ​യി അറിവാ​യി​ട്ടുണ്ട്‌.

മേൽപ്പറഞ്ഞ പരിണ​ത​ഫ​ലങ്ങൾ പ്രത്യ​ക്ഷ​മാ​ക​ത്ത​ക്ക​വണ്ണം മത്തുപി​ടി​ക്കുന്ന ഘട്ടത്തോ​ളം കുടി​ക്കു​ന്നത്‌ തീർച്ച​യാ​യും അമിത കുടി​യാണ്‌. എന്നിരു​ന്നാ​ലും, മദ്യാ​സ​ക്തി​യു​ടെ ഈ സാധാരണ ലക്ഷണങ്ങൾ കാണി​ക്കാ​തെ​തന്നെ മിതത്വ​മി​ല്ലായ്‌മ ഒരു വ്യക്തിക്കു പ്രകട​മാ​ക്കാൻ സാധി​ക്കും. അതു​കൊണ്ട്‌, ഒരു വ്യക്തി വളരെ​യ​ധി​കം കുടി​ച്ചി​ട്ടു​ണ്ടോ എന്നതിനു പല അഭി​പ്രാ​യ​ങ്ങ​ളു​ണ്ടാ​വാം. മിതത്വ​ത്തി​നും അമിത​ത്വ​ത്തി​നും ഇടയ്‌ക്കുള്ള അതിർവ​രമ്പ്‌ എവി​ടെ​യാണ്‌?

നിങ്ങളു​ടെ ചിന്താ​പ്രാ​പ്‌തി​കൾ കാത്തു​കൊ​ള്ളു​ക

രക്തത്തിലെ മദ്യത്തി​ന്റെ അനുപാ​തം നൽകി​ക്കൊ​ണ്ടോ മറ്റേ​തെ​ങ്കി​ലും അളവു വെച്ചു​കൊ​ണ്ടോ ബൈബിൾ പരിധി​യൊ​ന്നും കൽപ്പി​ക്കു​ന്നില്ല. മദ്യത്തി​ന്റെ ഫലങ്ങളെ ചെറു​ത്തു​നിൽക്കാ​നുള്ള കരുത്ത്‌ ഓരോ വ്യക്തി​യി​ലും വ്യത്യ​സ്‌ത​മാണ്‌. എങ്കിലും, ബൈബിൾ തത്ത്വങ്ങൾ എല്ലാ ക്രിസ്‌ത്യാ​നി​കൾക്കും ബാധക​മാണ്‌. ലഹരി​പാ​നീ​യങ്ങൾ സംബന്ധിച്ച ഒരു ദൈവിക വീക്ഷണം വളർത്തി​യെ​ടു​ക്കാൻ അവയ്‌ക്കു നമ്മെ സഹായി​ക്കാ​നാ​കും.

“നിന്റെ ദൈവ​മായ കർത്താ​വി​നെ നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം” എന്നതാണ്‌ ഒന്നാമത്തെ കൽപ്പന എന്ന്‌ യേശു പറഞ്ഞു. (മത്തായി 22:37, 38) മദ്യത്തിന്‌ മനസ്സി​ന്മേൽ ശക്തമായ ഒരു സ്വാധീ​ന​മുണ്ട്‌. അതു​കൊണ്ട്‌ അമിത​മാ​യി കുടി​ക്കു​ന്നത്‌ ഏറ്റവും വലിയ കൽപ്പന അനുസ​രി​ക്കു​ന്ന​തിൽ വിഘ്‌നം വരുത്തി​യേ​ക്കാം. അത്‌ ന്യായ​ബോ​ധ​ത്തി​നും പ്രശ്‌നങ്ങൾ പരിഹ​രി​ക്കാ​നുള്ള പ്രാപ്‌തി​ക്കും ആത്മസം​യ​മനം പാലി​ക്കു​ന്ന​തി​നും മനസ്സിന്റെ മറ്റു പ്രധാ​ന​പ്പെട്ട പ്രവർത്ത​ന​ങ്ങൾക്കും തടസ്സം സൃഷ്ടി​ച്ചേ​ക്കാം. തിരു​വെ​ഴു​ത്തു​കൾ നമ്മെ ഇങ്ങനെ ഉദ്‌ബോ​ധി​പ്പി​ക്കു​ന്നു: “മകനേ, ജ്ഞാനവും വകതി​രി​വും [“ചിന്താ​പ്രാ​പ്‌തി​യും,” NW] കാത്തു​കൊൾക; . . . അവ നിനക്കു ജീവനും നിന്റെ കഴുത്തി​ന്നു അലങ്കാ​ര​വും ആയിരി​ക്കും.”—സദൃശ​വാ​ക്യ​ങ്ങൾ 3:21, 22.

പൗലൊസ്‌ അപ്പോ​സ്‌തലൻ ക്രിസ്‌ത്യാ​നി​ക​ളോട്‌ ഇങ്ങനെ അഭ്യർഥി​ക്കു​ന്നു: “നിങ്ങൾ ബുദ്ധി​യുള്ള [“ന്യായ​ബോ​ധ​ത്തോ​ടു​കൂ​ടിയ,” NW] ആരാധ​ന​യാ​യി നിങ്ങളു​ടെ ശരീര​ങ്ങളെ ജീവനും വിശു​ദ്ധി​യും ദൈവ​ത്തി​ന്നു പ്രസാ​ദ​വു​മുള്ള യാഗമാ​യി സമർപ്പി​പ്പിൻ.” (റോമർ 12:1) ‘ന്യായ​ബോ​ധം’ കൈ​വെ​ടി​യുന്ന ഘട്ടത്തോ​ളം മദ്യപി​ക്കുന്ന ഒരു ക്രിസ്‌ത്യാ​നി ‘ദൈവ​ത്തി​നു പ്രസാ​ദ​മുള്ള’വനായി​രി​ക്കു​മോ? സാധാ​ര​ണ​മാ​യി, അമിത​മാ​യി കുടി​ക്കുന്ന ഒരു വ്യക്തി എത്ര കുടി​ച്ചാ​ലും തനിക്ക്‌ കുഴപ്പ​മി​ല്ലെന്ന മനോ​ഭാ​വം വളർത്തി​യെ​ടു​ക്കു​ന്നു. അയാളെ സംബന്ധി​ച്ചി​ട​ത്തോ​ളം, അയാളു​ടെ അമിത കുടി മത്തുപി​ടി​ക്കുന്ന ഘട്ടത്തി​ന​ടു​ത്തു​വരെ മാത്രമേ എത്തുന്നു​ള്ളൂ​വെന്ന്‌ അയാൾ വിചാ​രി​ച്ചേ​ക്കാം. എന്നാൽ, ലഹരി​പാ​നീ​യ​ത്തി​ന്മേ​ലുള്ള അനാ​രോ​ഗ്യ​ക​ര​മായ ഒരു ആശ്രയ​ത്വം അയാൾ വളർത്തി​യെ​ടു​ക്കു​ക​യാ​യി​രി​ക്കാം. അത്തര​മൊ​രു വ്യക്തിക്ക്‌ ‘ജീവനും വിശു​ദ്ധി​യു​മുള്ള യാഗമാ​യി’ തന്റെ ശരീരത്തെ സമർപ്പി​ക്കാൻ കഴിയു​മോ?

ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം ‘ജ്ഞാന​ത്തെ​യും ചിന്താ​പ്രാ​പ്‌തി​യെ​യും’ വികല​മാ​ക്കുന്ന അളവോ​ളം മദ്യപി​ക്കു​ന്നു​വെ​ങ്കിൽ അതു വളരെ​യ​ധി​ക​മാണ്‌.

ലഹരി​പാ​നീ​യങ്ങൾ സംബന്ധിച്ച നിങ്ങളു​ടെ വീക്ഷണത്തെ രൂപ​പ്പെ​ടു​ത്തു​ന്ന​തെന്ത്‌?

നിലവി​ലുള്ള പ്രവണ​ത​ക​ളും പാരമ്പ​ര്യ​ങ്ങ​ളും മദ്യപാ​നം സംബന്ധിച്ച തന്റെ മനോ​ഭാ​വത്തെ സ്വാധീ​നി​ക്കു​ന്നു​ണ്ടോ​യെന്ന്‌ ഒരു ക്രിസ്‌ത്യാ​നി വിലയി​രു​ത്തേ​ണ്ട​താണ്‌. ലഹരി​പാ​നീ​യ​ങ്ങ​ളു​ടെ കാര്യം വരു​മ്പോൾ, നിങ്ങളു​ടെ തിര​ഞ്ഞെ​ടു​പ്പു​കൾ നിലവി​ലുള്ള പ്രവണ​ത​ക​ളി​ലും മാധ്യമ പ്രചാ​ര​ണ​ങ്ങ​ളി​ലും അധിഷ്‌ഠി​ത​മാ​ക്കാൻ നിങ്ങൾ തീർച്ച​യാ​യും ആഗ്രഹി​ക്കു​ക​യില്ല. നമ്മുടെ സ്വന്തം മനോ​ഭാ​വം വിലയി​രു​ത്തി​നോ​ക്കു​മ്പോൾ ഇങ്ങനെ സ്വയം ചോദി​ക്കുക, ‘സമൂഹ​ത്തിൽ സ്വീകാ​ര്യ​മാ​യി​രി​ക്കു​ന്നു എന്നതാ​ണോ അതിനെ സ്വാധീ​നി​ക്കു​ന്നത്‌? അതോ എന്റെ മദ്യപാ​നത്തെ നിയ​ന്ത്രി​ക്കു​ന്നത്‌ ബൈബിൾ തത്ത്വങ്ങ​ളാ​ണോ?’

യഹോ​വ​യു​ടെ സാക്ഷികൾ പൊതു​സം​സ്‌കാ​ര​രീ​തി​കൾക്ക്‌ എതിര​ല്ലെ​ങ്കി​ലും, ഇന്നു പൊതു​വേ അംഗീ​ക​രി​ക്കുന്ന പല ആചാര​ങ്ങ​ളെ​യും യഹോവ വെറു​ക്കു​ന്നു​വെന്ന്‌ അവർ മനസ്സി​ലാ​ക്കു​ന്നു. ചില സമുദാ​യങ്ങൾ ഗർഭച്ഛി​ദ്രം, രക്തപ്പകർച്ച, സ്വവർഗ​രതി, അല്ലെങ്കിൽ ബഹുഭാ​ര്യ​ത്വം വെച്ചു​പൊ​റു​പ്പി​ക്കു​ന്നു. എന്നാൽ, ക്രിസ്‌ത്യാ​നി​കൾ ഇത്തരം കാര്യങ്ങൾ സംബന്ധിച്ച ദൈവിക വീക്ഷണ​ത്തി​ന​നു​സൃ​ത​മാ​യി ജീവി​ക്കു​ന്നു. അത്തരം ആചാരങ്ങൾ സംസ്‌കാ​ര​ത്തി​ന്റെ ഭാഗമാ​ണെ​ങ്കി​ലും അല്ലെങ്കി​ലും ദൈവിക വീക്ഷണം അവയെ വെറു​ക്കാൻ ഒരു ക്രിസ്‌ത്യാ​നി​യെ പ്രേരി​പ്പി​ക്കും.—സങ്കീർത്തനം 97:10.

“ജാതി​ക​ളു​ടെ ഇഷ്ട”ത്തിന്റെ ഭാഗമാ​യാ​ണു ബൈബിൾ ‘വീഞ്ഞു​കു​ടി​യെ​യും വെറി​ക്കൂ​ത്തി​നെ​യും’ പരാമർശി​ക്കു​ന്നത്‌. ‘വെറി​ക്കൂത്ത്‌’ എന്ന പ്രയോ​ഗം, കൂടിയ അളവിൽ മദ്യം കുടി​ക്കുക എന്ന സ്‌പഷ്ട​മായ ഉദ്ദേശ്യ​ത്തോ​ടെ സംഘടി​പ്പി​ക്കുന്ന കൂടി​വ​ര​വു​കൾ എന്ന ആശയമാ​ണു നൽകു​ന്നത്‌. ബൈബിൾകാ​ല​ങ്ങ​ളിൽ, വളരെ​യ​ധി​കം കുടി​ക്കാൻ തങ്ങൾക്കു പ്രാപ്‌തി​യു​ണ്ടെന്ന്‌ അഹങ്കരി​ച്ചി​രുന്ന ചിലർ മറ്റുള്ള​വ​രെ​ക്കാൾ കൂടുതൽ കുടി​ക്കാൻ ശ്രമി​ച്ചി​രു​ന്നു, അല്ലെങ്കിൽ ഏറ്റവും കൂടുതൽ ആരാണു കുടി​ക്കു​ന്ന​തെ​ന്ന​റി​യാൻ അവർ ശ്രമി​ച്ചി​രു​ന്നു. അത്തരത്തി​ലുള്ള നടത്തയെ അപ്പോ​സ്‌ത​ല​നായ പത്രൊസ്‌ പരാമർശി​ക്കു​ന്നത്‌ ‘ദുർന്ന​ട​പ്പി​ന്റെ കവിച്ചൽ’ എന്നാണ്‌, അനുതാ​പ​മുള്ള ക്രിസ്‌ത്യാ​നി​കൾ മേലാൽ അതിൽ പങ്കെടു​ക്കു​ന്നില്ല.—1 പത്രൊസ്‌ 4:3, 4.

 തനിക്കു മത്തുപി​ടി​ക്കാ​തി​രി​ക്കു​ന്നി​ട​ത്തോ​ളം​കാ​ലം എവി​ടെ​വെച്ച്‌, എപ്പോൾ, എത്ര​ത്തോ​ളം താൻ കുടി​ച്ചു​വെ​ന്നത്‌ വാസ്‌ത​വ​ത്തിൽ പ്രധാ​ന​മ​ല്ലെന്ന വീക്ഷണം കൈ​ക്കൊ​ള്ളു​ന്നത്‌ ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം ന്യായ​യു​ക്ത​മാ​യി​രി​ക്കു​മോ? നമുക്ക്‌ ഇങ്ങനെ ചോദി​ക്കാം, അതൊരു ദൈവിക വീക്ഷണ​മാ​ണോ? ബൈബിൾ ഇങ്ങനെ പറയുന്നു: “നിങ്ങൾ തിന്നാ​ലും കുടി​ച്ചാ​ലും എന്തു​ചെ​യ്‌താ​ലും എല്ലാം ദൈവ​ത്തി​ന്റെ മഹത്വ​ത്തി​ന്നാ​യി ചെയ്‌വിൻ.” (1 കൊരി​ന്ത്യർ 10:31) വലിയ അളവിൽ മദ്യപി​ക്കു​ന്ന​തി​നു വേണ്ടി കൂടി​വ​രുന്ന ഒരു കൂട്ടം പുരു​ഷ​ന്മാർ എല്ലാവ​രും മത്തരാ​ക​ണ​മെ​ന്നില്ല. എന്നാൽ, അവരുടെ പെരു​മാ​റ്റം യഹോ​വ​യ്‌ക്കു മഹത്ത്വം കരേറ്റു​മോ? ബൈബി​ളി​ന്റെ ഉദ്‌ബോ​ധനം ഇതാണ്‌: “ഈ ലോക​ത്തി​ന്നു അനുരൂ​പ​മാ​കാ​തെ നന്മയും പ്രസാ​ദ​വും പൂർണ്ണ​ത​യു​മുള്ള ദൈവ​ഹി​തം ഇന്നതെന്നു തിരി​ച്ച​റി​യേ​ണ്ട​തി​ന്നു മനസ്സു പുതുക്കി രൂപാ​ന്ത​ര​പ്പെ​ടു​വിൻ.”—റോമർ 12:2.

മറ്റുള്ള​വരെ ഇടറി​ക്കാ​തി​രി​ക്കുക

രസാവ​ഹ​മെന്നു പറയട്ടെ, അമിത​ത്വ​ത്തെ വെച്ചു​പൊ​റു​പ്പി​ക്കുന്ന സംസ്‌കാ​ര​ത്തിൽപ്പെട്ട ആളുകൾതന്നെ, ഒരു ദൈവ​ശു​ശ്രൂ​ഷകൻ അമിത​മാ​യി കുടി​ക്കു​മ്പോൾ അതിനെ അംഗീ​ക​രി​ക്കു​ന്നില്ല. ദക്ഷിണ പസഫി​ക്കി​ലെ ഒരു കൊച്ചു സമൂഹ​ത്തി​ലെ ഒരു നിരീ​ക്ഷകൻ ഇങ്ങനെ പറഞ്ഞു: “എനിക്കു നിങ്ങ​ളോ​ടു മതിപ്പുണ്ട്‌. നിങ്ങൾ സത്യം പ്രസം​ഗി​ക്കു​ന്നു. എന്നാൽ ഞങ്ങൾ കാണുന്ന പ്രശ്‌ന​മി​താണ്‌, നിങ്ങളു​ടെ പുരു​ഷ​ന്മാർ വളരെ​യ​ധി​കം മദ്യം കഴിക്കു​ന്നു.” റിപ്പോർട്ട​നു​സ​രിച്ച്‌, ആ വ്യക്തികൾ കുടിച്ചു മത്തരാ​യില്ല. എന്നാൽ, അതു സമൂഹ​ത്തി​ലെ പലർക്കും വ്യക്തമ​ല്ലാ​യി​രു​ന്നു. മദ്യപാ​ന​പ​രി​പാ​ടി​ക​ളിൽ ഏർപ്പെ​ടുന്ന മറ്റു പുരു​ഷ​ന്മാ​രെ​പ്പോ​ലെ​തന്നെ സാക്ഷി​ക​ളും കുടിച്ചു മത്തരാ​കു​ന്നു​വെന്നു നിരീ​ക്ഷ​കർക്ക്‌ എളുപ്പം നിഗമനം ചെയ്യാൻ കഴിഞ്ഞു. ദീർഘ​മായ മദ്യപാന പരിപാ​ടി​ക​ളിൽ ഏർപ്പെ​ടുന്ന ഒരു ക്രിസ്‌തീയ ശുശ്രൂ​ഷ​കനു സത്‌പേര്‌ നിലനിർത്താ​നും സംസാ​ര​സ്വാ​ത​ന്ത്ര്യ​ത്തോ​ടെ തന്റെ പരസ്യ​ശു​ശ്രൂഷ നിർവ​ഹി​ക്കാ​നും കഴിയു​മോ?—പ്രവൃ​ത്തി​കൾ 28:31.

ചില സഹോ​ദ​രീ​സ​ഹോ​ദ​ര​ന്മാർ രാജ്യ​ഹാ​ളിൽ വരു​മ്പോൾ അവരുടെ നിശ്വാ​സ​ത്തി​നു മദ്യത്തി​ന്റെ രൂക്ഷഗ​ന്ധ​മു​ള്ള​താ​യി യൂറോ​പ്പി​ലെ ഒരു രാജ്യ​ത്തു​നി​ന്നുള്ള റിപ്പോർട്ടു സൂചി​പ്പി​ക്കു​ന്നു. ഇതു മറ്റുള്ള​വ​രു​ടെ മനസ്സാ​ക്ഷി​യെ അസ്വസ്ഥ​മാ​ക്കി​യി​ട്ടുണ്ട്‌. ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: “മാംസം തിന്നാ​തെ​യും വീഞ്ഞു കുടി​ക്കാ​തെ​യും സഹോ​ദ​രന്നു ഇടർച്ച വരുത്തുന്ന യാതൊ​ന്നും ചെയ്യാ​തെ​യും ഇരിക്കു​ന്നതു നല്ലതു.” (റോമർ 14:21) ലഹരി​പാ​നീ​യങ്ങൾ സംബന്ധിച്ച ഒരു ദൈവിക വീക്ഷണം, മറ്റുള്ള​വ​രു​ടെ മനസ്സാക്ഷി സംബന്ധിച്ച്‌ ഉണർവു​ള്ള​വ​നാ​യി​രി​ക്കാൻ ഒരു ക്രിസ്‌ത്യാ​നി​യെ പ്രേരി​പ്പി​ക്കും. അതിന്റെ അർഥം ചില സാഹച​ര്യ​ങ്ങ​ളിൽ മദ്യത്തിൽനിന്ന്‌ ഒഴിഞ്ഞി​രി​ക്ക​ണ​മെ​ന്നാണ്‌.

ക്രിസ്‌ത്യാ​നി​കൾ വ്യക്തമാ​യും വിഭി​ന്ന​രാണ്‌

ലഹരി​പാ​നീ​യങ്ങൾ ഉൾപ്പെടെ മനുഷ്യ​വർഗ​ത്തി​നു ദൈവം നൽകി​യി​ട്ടുള്ള നല്ല കാര്യ​ങ്ങളെ ദുരു​പ​യോ​ഗം ചെയ്യു​ക​വഴി ഈ ലോകം യഹോ​വയെ വേദനി​പ്പി​ച്ചി​രി​ക്കു​ന്നു എന്നത്‌ ദുഃഖ​ക​ര​മാണ്‌. ഓരോ സമർപ്പിത ക്രിസ്‌ത്യാ​നി​യും വ്യാപ​ക​മായ അഭക്ത വീക്ഷണങ്ങൾ ഒഴിവാ​ക്കാൻ കഠിന​ശ്രമം ചെയ്യണം. അങ്ങനെ, “നീതി​മാ​നും ദുഷ്ടനും തമ്മിലും ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലുള്ള വ്യത്യാ​സം” ആളുകൾ “കാണും.”—മലാഖി 3:18.

ലഹരി​പാ​നീ​യ​ങ്ങ​ളു​ടെ കാര്യ​ത്തിൽ, യഹോ​വ​യു​ടെ സാക്ഷി​ക​ളും ലോക​വും തമ്മിലുള്ള “വ്യത്യാ​സം” വ്യക്തമാ​യി​രി​ക്കണം. യഥാർഥ ക്രിസ്‌ത്യാ​നി​ക​ളു​ടെ ജീവി​ത​ത്തി​ലെ മുഖ്യ സംഗതി​യല്ല ലഹരി​പാ​നീ​യങ്ങൾ കുടി​ക്കു​ന്നത്‌. മത്തുപി​ടി​ക്കുന്ന ഘട്ടത്തോ​ളം അപകട​ക​ര​മാ​യി എത്തി​ക്കൊണ്ട്‌ ലഹരി​പാ​നീ​യം എത്ര​ത്തോ​ളം കുടി​ക്കാ​മെ​ന്ന​തി​ന്റെ പരിധി​കൾ അവർ പരീക്ഷി​ച്ചു​നോ​ക്കു​ന്നില്ല; ദൈവത്തെ മുഴു​ദേ​ഹി​യോ​ടെ​യും ശുദ്ധമായ ഒരു മനസ്സോ​ടെ​യും സേവി​ക്കു​ന്ന​തി​നു വൈക​ല്യം വരുത്താ​നോ ഏതെങ്കി​ലും തരത്തിൽ അതിനു വിഘ്‌നം സൃഷ്ടി​ക്കാ​നോ അവർ ലഹരി​പാ​നീ​യ​ങ്ങളെ അനുവ​ദി​ക്കു​ന്നില്ല.

ഒരു കൂട്ടമെന്ന നിലയിൽ, ലഹരി​പാ​നീ​യങ്ങൾ സംബന്ധിച്ച്‌ യഹോ​വ​യു​ടെ സാക്ഷി​കൾക്ക്‌ ഒരു ദൈവിക വീക്ഷണ​മാ​ണു​ള്ളത്‌. നിങ്ങളെ സംബന്ധി​ച്ചോ? ‘ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു ഈ ലോക​ത്തിൽ സുബോ​ധ​ത്തോ​ടും നീതി​യോ​ടും ദൈവ​ഭ​ക്തി​യോ​ടും​കൂ​ടെ ജീവി​ച്ചു​പോ​രുക’ എന്ന ബൈബി​ളി​ന്റെ ഉദ്‌ബോ​ധനം പിൻപ​റ്റവേ നമു​ക്കോ​രോ​രു​ത്തർക്കും യഹോ​വ​യു​ടെ അനു​ഗ്ര​ഹങ്ങൾ സംബന്ധിച്ച്‌ ഉറപ്പു​ള്ള​വ​രാ​യി​രി​ക്കാൻ കഴിയും.—തീത്തൊസ്‌ 2:13.

[അടിക്കു​റിപ്പ്‌]

 [28-ാം പേജിലെ ചതുരം/ചിത്രം]

നിങ്ങളുടെ പ്രിയ​പ്പെ​ട്ടവർ പറയു​ന്നതു ശ്രദ്ധി​ക്കു​ക

മിക്ക​പ്പോ​ഴും, തനി​ക്കൊ​രു പ്രശ്‌ന​മു​ണ്ടെന്ന്‌ അവസാനം തിരി​ച്ച​റി​യു​ന്ന​യാൾ അമിത​മാ​യി മദ്യപി​ക്കുന്ന വ്യക്തി​ത​ന്നെ​യാണ്‌. മിതത്വ​മി​ല്ലാത്ത പ്രിയ​പ്പെ​ട്ട​വർക്കു സഹായം നൽകാൻ ബന്ധുക്ക​ളും സ്‌നേ​ഹി​ത​രും ക്രിസ്‌തീയ മൂപ്പന്മാ​രും മടിക്ക​രുത്‌. നേരേ​മ​റിച്ച്‌, നിങ്ങളു​ടെ മദ്യപാന ശീലങ്ങ​ളിൽ പ്രിയ​പ്പെ​ട്ടവർ അസ്വസ്ഥത പ്രകടി​പ്പി​ക്കു​ക​യാ​ണെ​ങ്കിൽ, അവർക്ക്‌ അതിനു നല്ല കാരണ​മു​ണ്ടാ​യി​രി​ക്കാം. അവർ പറയു​ന്നത്‌ എന്തെന്നു പരിചി​ന്തി​ക്കുക.—സദൃശ​വാ​ക്യ​ങ്ങൾ 19:20; 27:6.