ആത്മീയ ബലഹീനത തിരി​ച്ച​റിഞ്ഞ്‌ അതു മറിക​ട​ക്കാ​വുന്ന വിധം

ഗ്രീക്കു പുരാണം അനുസ​രിച്ച്‌, ട്രോയ്‌ നഗരത്തി​നെ​തി​രെ നടത്തിയ ട്രോജൻ യുദ്ധത്തിൽ പങ്കെടുത്ത ഗ്രീക്കു പോരാ​ളി​ക​ളിൽ ഏറ്റവും ധീരൻ അക്കിലിസ്‌ ആയിരു​ന്നു. ഒരു ശിശു ആയിരു​ന്ന​പ്പോൾ അക്കിലി​സി​നെ അവന്റെ അമ്മ, സ്റ്റിക്‌സ്‌ നദീജ​ല​ത്തിൽ മുക്കി. അപ്പോൾ അവന്റെ അമ്മ അവനെ പിടി​ച്ചി​രു​ന്നി​ടം—അക്കിലി​സി​ന്റെ ഉപ്പൂറ്റി​കൾ—ഒഴി​കെ​യുള്ള ഭാഗങ്ങ​ളിൽ അവൻ ഹാനി​യേൽക്കാ​ത്തവൻ ആയിത്തീർന്നു എന്നാണ്‌ ഐതി​ഹ്യം. ട്രോയ്‌ രാജാ​വായ പ്രയാ​മി​ന്റെ മകൻ പാരിസ്‌, അക്കിലി​സി​ന്റെ ഉപ്പൂറ്റി​ക​ളിൽത്തന്നെ അമ്പെയ്‌ത്‌ അവനെ കൊല​പ്പെ​ടു​ത്തി.

ക്രിസ്‌ത്യാ​നി​കൾ ക്രിസ്‌തു​വി​ന്റെ ഭടന്മാ​രാണ്‌, അവർ ഒരു ആത്മീയ യുദ്ധത്തിൽ ഏർപ്പെ​ട്ടി​രി​ക്കു​ക​യാണ്‌. (2 തിമൊ​ഥെ​യൊസ്‌ 2:3) “നമുക്കു പോരാ​ട്ടം ഉള്ളതു ജഡരക്ത​ങ്ങ​ളോ​ടല്ല, വാഴ്‌ച​ക​ളോ​ടും അധികാ​ര​ങ്ങ​ളോ​ടും ഈ അന്ധകാ​ര​ത്തി​ന്റെ ലോകാ​ധി​പ​തി​ക​ളോ​ടും സ്വർല്ലോ​ക​ങ്ങ​ളി​ലെ ദുഷ്ടാ​ത്മ​സേ​ന​യോ​ടും അത്രേ” എന്ന്‌ പൗലൊസ്‌ അപ്പൊ​സ്‌തലൻ വിശദീ​ക​രി​ക്കു​ന്നു. പിശാ​ചായ സാത്താ​നും ഭൂതങ്ങ​ളു​മാ​ണു നമ്മുടെ ശത്രുക്കൾ.—എഫെസ്യർ 6:12.

തീർച്ച​യാ​യും, “യുദ്ധവീ​രൻ” എന്നു വിശേ​ഷി​പ്പി​ക്ക​പ്പെ​ട്ടി​ട്ടുള്ള യഹോ​വ​യാം ദൈവ​ത്തി​ന്റെ സഹായം ഇല്ലാത്ത​പക്ഷം അത്‌ ഏകപക്ഷീ​യ​മായ ഒരു യുദ്ധമാ​യി​രി​ക്കും. (പുറപ്പാ​ടു 15:3) ദുഷ്ട ശത്രു​ക്ക​ളിൽനി​ന്നു നമ്മെത്തന്നെ സംരക്ഷി​ക്കു​ന്ന​തി​നു നമുക്ക്‌ ഒരു ആത്മീയ പടച്ചട്ട ലഭിച്ചി​രി​ക്കു​ന്നു. അതു​കൊ​ണ്ടാണ്‌ പൗലൊസ്‌ അപ്പൊ​സ്‌തലൻ ഇങ്ങനെ ഉദ്‌ബോ​ധി​പ്പി​ച്ചത്‌: “പിശാ​ചി​ന്റെ തന്ത്രങ്ങ​ളോ​ടു എതിർത്തു​നി​ല്‌പാൻ കഴി​യേ​ണ്ട​തി​ന്നു ദൈവ​ത്തി​ന്റെ സർവ്വാ​യു​ധ​വർഗ്ഗം ധരിച്ചു​കൊൾവിൻ.”—എഫെസ്യർ 6:11.

നിസ്സം​ശ​യ​മാ​യും, യഹോ​വ​യാം ദൈവം നൽകുന്ന പടച്ചട്ട ഏറ്റവും മികച്ച​താണ്‌. ഏതുതരം ആത്മീയ ആക്രമ​ണ​ത്തെ​യും ചെറു​ത്തു​നിൽക്കാൻ അതിനു കഴിയും. പൗലൊസ്‌ നൽകിയ പട്ടിക പരി​ശോ​ധി​ക്കുക: അരപ്പട്ട​യാ​യി സത്യം; കവചമാ​യി നീതി; ചെരു​പ്പാ​യി സുവി​ശേഷം; വൻപരി​ച​യാ​യി വിശ്വാ​സം; ശിരോ​ക​വ​ച​മാ​യി രക്ഷ; വാളായി ആത്മാവ്‌. അതിലും മെച്ചമായ ഏത്‌ ഉപകര​ണ​ങ്ങ​ളാണ്‌ ഒരുവനു പ്രതീ​ക്ഷി​ക്കാ​നാ​കുക? അത്തരം പടച്ചട്ട ധരിക്കുന്ന ഒരു ക്രിസ്‌തീയ ഭടൻ വൻ പ്രതി​കൂല സാഹച​ര്യ​ങ്ങ​ളിൻ മധ്യേ പോലും വിജയി​ക്കാൻ സകല സാധ്യ​ത​യു​മുണ്ട്‌.—എഫെസ്യർ 6:13-17.

യഹോ​വ​യിൽ നിന്നുള്ള പടച്ചട്ട ഏറ്റവും ഉത്തമവും നമുക്കു സുരക്ഷി​ത​ത്വം നൽകു​ന്ന​തും ആണെങ്കി​ലും,  നാം അവയെ നിസ്സാ​ര​മാ​യി കാണരുത്‌. അജയ്യനാ​യി കരുത​പ്പെ​ട്ടി​രുന്ന അക്കിലി​സി​ന്റെ കാര്യം കണക്കി​ലെ​ടു​ക്കു​മ്പോൾ, നമുക്കും ഒരു ബലഹീന വശം ഉണ്ടായി​രു​ന്നേ​ക്കു​മോ? നാം ജാഗ്രത പുലർത്താ​ത്ത​പക്ഷം അതു മാരക​മെന്നു തെളി​ഞ്ഞേ​ക്കാം.

ആത്മീയ പടച്ചട്ട പരി​ശോ​ധി​ക്കു​ക

രണ്ടു പ്രാവ​ശ്യം ഒളിമ്പിക്‌ സ്വർണ മെഡൽ ജേതാ​വായ ഒരു ഐസ്‌ സ്‌കേറ്റർ, പ്രത്യ​ക്ഷ​ത്തിൽ ശാരീ​രി​ക​മായ യാതൊ​രു കുഴപ്പ​വും ഇല്ലാതി​രി​ക്കെ, പരിശീ​ലന സമയത്ത്‌ കുഴഞ്ഞു വീണു മരിച്ചു. അതിനു​ശേഷം അധിക​നാൾ കഴിയു​ന്ന​തി​നു മുമ്പ്‌, ദ ന്യൂ​യോർക്ക്‌ ടൈം​സിൽ ശ്രദ്ധേ​യ​മായ ഒരു വാർത്ത വന്നു: “ഓരോ വർഷവും ഹൃദയാ​ഘാ​തം ഉണ്ടാകുന്ന 6,00,000 അമേരി​ക്ക​ക്കാ​രിൽ നേരത്തേ അതിന്റെ യാതൊ​രു ലക്ഷണവും കാണാ​റില്ല.” വ്യക്തമാ​യും, നമുക്ക്‌ എങ്ങനെ തോന്നു​ന്നു എന്നതിനെ മാത്രം ആശ്രയിച്ച്‌ നമ്മുടെ ആരോ​ഗ്യാ​വ​സ്ഥയെ നിർണ​യി​ക്കാ​നാ​വില്ല.

നമ്മുടെ ആത്മീയ ക്ഷേമത്തി​ന്റെ കാര്യ​ത്തി​ലും അതു സത്യമാണ്‌. “താൻ നില്‌ക്കു​ന്നു എന്നു തോന്നു​ന്നവൻ വീഴാ​തി​രി​പ്പാൻ നോക്കി​ക്കൊ​ള്ളട്ടെ” എന്നു ബൈബിൾ ബുദ്ധി​യു​പ​ദേ​ശി​ക്കു​ന്നു. (1 കൊരി​ന്ത്യർ 10:12) ലഭ്യമായ ഏറ്റവും നല്ല പടച്ചട്ട​യാണ്‌ ഉള്ളതെ​ങ്കിൽ പോലും, നമുക്ക്‌ ഒരു ബലഹീന വശം ഉണ്ടായി​രു​ന്നേ​ക്കാം. നാം പാപി​ക​ളാ​യി ജനിക്കു​ന്നു എന്നതാണ്‌ അതിന്റെ കാരണം. പാപപൂർണ​മായ, അപൂർണ​മായ നമ്മുടെ പ്രകൃതം ദൈവ​ഹി​തം ചെയ്യാ​നുള്ള നമ്മുടെ തീരു​മാ​നത്തെ അടിച്ച​മർത്തി​യേ​ക്കാം. (സങ്കീർത്തനം 51:5) നമുക്കു നല്ല ഉദ്ദേശ്യ​ങ്ങൾ ഉള്ളപ്പോൾ പോലും, എളുപ്പ​ത്തിൽ നമ്മുടെ ബലഹീനത തള്ളിക്ക​ള​യാ​നും കുഴപ്പ​മൊ​ന്നു​മില്ല എന്നു തെറ്റായി നിഗമനം ചെയ്യാ​നും നമ്മെ പ്രേരി​പ്പി​ക്ക​ത്ത​ക്ക​വി​ധം വ്യാജ ന്യായ​വാ​ദ​ങ്ങ​ളും ഒഴിക​ഴി​വു​ക​ളും കെട്ടി​ച്ച​മ​ച്ചു​കൊണ്ട്‌ നമ്മുടെ വഞ്ചക ഹൃദയ​ത്തി​നു നമ്മെ ചതിക്കാൻ കഴിയും.—യിരെ​മ്യാ​വു 17:9; റോമർ 7:21-23.

മാത്രമല്ല, ശരിയും തെറ്റും സംബന്ധിച്ച്‌ ആശയക്കു​ഴ​പ്പ​വും അവ്യക്ത​ത​യും ഉള്ള ഒരു ലോക​ത്തി​ലാ​ണു നാം ജീവി​ക്കു​ന്നത്‌. ഒരുവൻ ഒരു സംഗതി ശരിയോ തെറ്റോ എന്നു നിർണ​യി​ക്കു​ന്നതു സ്വന്തം മനോ​ഭാ​വം അനുസ​രിച്ച്‌ ആയിരി​ക്കാം. പരസ്യ​ങ്ങ​ളും ജനപ്രിയ വിനോ​ദ​ങ്ങ​ളും മാധ്യ​മ​ങ്ങ​ളു​മെ​ല്ലാം അത്തരം ചിന്തയെ പ്രോ​ത്സാ​ഹി​പ്പി​ച്ചേ​ക്കാം. വ്യക്തമാ​യും, നാം ജാഗരൂ​ക​ര​ല്ലെ​ങ്കിൽ അത്തരം ചിന്താ​ഗ​തി​യി​ലേക്കു വഴുതി​വീ​ണേ​ക്കാം. അങ്ങനെ നമ്മുടെ ആത്മീയ പടച്ചട്ട ദുർബ​ല​മാ​യെ​ന്നും വരാം.

അത്തരം അപകട​ക​ര​മായ സാഹച​ര്യ​ത്തിൽ ചെന്നു​ചാ​ടു​ന്ന​തി​നു പകരം, നാം ബൈബി​ളി​ന്റെ ഈ ബുദ്ധി​യു​പ​ദേ​ശ​ത്തി​നു ചെവി കൊടു​ക്കണം: “നിങ്ങൾ വിശ്വാ​സ​ത്തിൽ ഇരിക്കു​ന്നു​വോ എന്നു നിങ്ങ​ളെ​ത്തന്നേ പരീക്ഷി​പ്പിൻ; നിങ്ങ​ളെ​ത്തന്നേ ശോധന ചെയ്‌വിൻ.” (2 കൊരി​ന്ത്യർ 13:5) നാം അങ്ങനെ ചെയ്യു​മ്പോൾ, ഒരുപക്ഷേ ഉണ്ടായി​രു​ന്നേ​ക്കാ​വുന്ന ബലഹീന വശം കാണാ​നും, നമ്മുടെ ശത്രുക്കൾ അതു കണ്ടെത്തി നമ്മെ ആക്രമി​ക്കു​ന്ന​തി​നു മുമ്പ്‌, അതു പരിഹ​രി​ക്കാൻ ആവശ്യ​മായ നടപടി​കൾ സ്വീക​രി​ക്കാ​നും നമുക്കു കഴിയും. എന്നാൽ, അത്തരം ഒരു പരി​ശോ​ധന എങ്ങനെ​യാ​ണു നടത്തുക? ആത്മപരി​ശോ​ധന നടത്തു​മ്പോൾ ബലഹീനത സംബന്ധി​ച്ചു നാം നോക്കേണ്ട ചില ലക്ഷണങ്ങൾ ഏവയാണ്‌?

ലക്ഷണങ്ങൾ തിരി​ച്ച​റി​യൽ

ആത്മീയ ബലഹീ​ന​തയെ സൂചി​പ്പി​ച്ചേ​ക്കാ​വുന്ന പൊതു​വായ ഒരു ലക്ഷണമാ​ണു വ്യക്തി​പ​ര​മായ പഠനശീ​ല​ങ്ങ​ളി​ലുള്ള മാന്ദ്യം. ചിലർക്കു കൂടു​ത​ലാ​യി പഠിക്ക​ണ​മെന്ന്‌ ആഗ്രഹ​മു​ണ്ടെ​ങ്കി​ലും, അതിന്‌ ആവശ്യ​മായ സമയം കണ്ടെത്താൻ കഴിയാ​ത്തതു പോലെ തോന്നു​ന്നു. ഇന്നത്തെ തിര​ക്കേ​റിയ ജീവി​ത​ത്തിൽ അത്തരം മോശ​മായ ഒരു സ്ഥിതി​വി​ശേ​ഷ​ത്തിൽ ചെന്നു​ചാ​ടുക എളുപ്പ​മാണ്‌. സാധി​ക്കു​മ്പോ​ഴൊ​ക്കെ ബൈബിൾ പ്രസി​ദ്ധീ​ക​ര​ണങ്ങൾ വായി​ക്കു​ക​യും ചില ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ക​യും ചെയ്യു​ന്ന​തി​നാൽ തങ്ങൾ അത്ര മോശ​മായ സ്ഥിതി​വി​ശേ​ഷ​ത്തിൽ അല്ല എന്ന്‌ ആളുകൾ മിക്ക​പ്പോ​ഴും കരുതു​ന്നു എന്നതാണ്‌ ഏറെ സങ്കടക​ര​മായ സംഗതി.

അത്തരം ന്യായ​വാ​ദം ഒരുതരം ആത്മവഞ്ച​ന​യാണ്‌. ആഹാരം കഴിക്കാൻ സാധി​ക്കാത്ത വിധം താൻ വളരെ തിരക്കി​ലാ​ണെന്നു കരുതുന്ന ഒരു മനുഷ്യ​ന്റെ കാര്യം പോലെ ആയിരി​ക്കും അത്‌. അതിനാൽ, പലതും ചെയ്യു​ന്ന​തി​നി​ടെ അൽപ്പ​മെ​ന്തെ​ങ്കി​ലും അയാൾ കഴിക്കു​ന്നു. അയാൾ പട്ടിണി​യിൽ അല്ലെങ്കി​ലും, ഭാവി​യിൽ ആരോ​ഗ്യ​പ്ര​ശ്‌നങ്ങൾ ഉടലെ​ടു​ത്തേ​ക്കാം. സമാന​മാ​യി, പരിപു​ഷ്ടി​പ്പെ​ടു​ത്തുന്ന ആത്മീയ ഭക്ഷണം ക്രമമാ​യി കഴിക്കാ​ത്ത​പക്ഷം നമ്മുടെ ആത്മീയ പടച്ചട്ട​യു​ടെ ഏതെങ്കി​ലും ഒരു ഭാഗം ബലഹീ​ന​മാ​യേ​ക്കാം. ലൗകിക ആശയ​പ്ര​ചാ​ര​ണ​ങ്ങ​ളു​ടെ​യും മനോ​ഭാ​വ​ങ്ങ​ളു​ടെ​യും നിരന്തര ആക്രമണം ഉള്ളതി​നാൽ, സാത്താന്റെ മാരക​മായ ആക്രമ​ണ​ങ്ങൾക്കു നാം എളുപ്പം വിധേ​യ​രാ​യേ​ക്കാം.

 നമ്മുടെ ആത്മീയ ക്ഷേമത്തി​ന്റെ കാര്യ​ത്തിൽ അടിയ​ന്തി​ര​താ​ബോ​ധം നഷ്ടപ്പെ​ടു​ന്നെ​ങ്കിൽ, അത്‌ ആത്മീയ ബലഹീ​ന​ത​യു​ടെ മറ്റൊരു ലക്ഷണമാണ്‌. ഒരു പട്ടാള​ക്കാ​രനു യുദ്ധസ​മ​യത്തെ പിരി​മു​റു​ക്ക​വും അപകട ഭീഷണി​യും സമാധാ​ന​കാ​ലത്ത്‌ ഉണ്ടാകാ​റില്ല. അതു​കൊണ്ട്‌, സജ്ജനാ​യി​രി​ക്കേ​ണ്ട​തി​ന്റെ അടിയ​ന്തി​രത അയാൾക്കു തോന്നു​ക​യി​ല്ലാ​യി​രി​ക്കാം. തന്നെ സേവന​ത്തി​നാ​യി പെട്ടെന്നു വിളി​ക്കു​ന്ന​പക്ഷം അയാൾ സജ്ജനല്ലാത്ത അവസ്ഥയിൽ ആയിരി​ക്കാം. ആത്മീയ​മാ​യും അതുതന്നെ സത്യമാണ്‌. അടിയ​ന്തി​ര​താ​ബോ​ധം നഷ്ടമാ​കാൻ അനുവ​ദി​ക്കു​ന്നെ​ങ്കിൽ, നേരി​ട്ടേ​ക്കാ​വുന്ന ആക്രമ​ണ​ങ്ങളെ ചെറു​ത്തു​നിൽക്കാൻ നമുക്കു കഴിയാ​തെ വന്നേക്കാം.

അത്തര​മൊ​രു അവസ്ഥയി​ലേക്കു നാം വീണു​പോ​യി​രി​ക്കു​ന്നു​വോ എന്ന്‌ എങ്ങനെ പറയാൻ കഴിയും? കാര്യ​ങ്ങ​ളു​ടെ യഥാർഥ അവസ്ഥ വെളി​പ്പെ​ടു​ത്തി​യേ​ക്കാ​വുന്ന ചില ചോദ്യ​ങ്ങൾ നമുക്കു സ്വയം ചോദി​ക്കാ​വു​ന്ന​താണ്‌: ഒരു വിനോദ പരിപാ​ടി​ക്കു പോകുന്ന അത്രയും ശുഷ്‌കാ​ന്തി വയൽ സേവന​ത്തി​നു പോകുന്ന കാര്യ​ത്തിൽ എനിക്കു​ണ്ടോ? ടിവി കാണു​ന്ന​തി​ലുള്ള അത്രയും താത്‌പ​ര്യം യോഗ​ങ്ങൾക്കു തയ്യാറാ​കുന്ന കാര്യ​ത്തിൽ ഉണ്ടോ? ഒരു ക്രിസ്‌ത്യാ​നി ആയപ്പോൾ ഉപേക്ഷിച്ച കാര്യ​ങ്ങ​ളെ​യും അവസര​ങ്ങ​ളെ​യും കുറിച്ച്‌ എനിക്കു നഷ്ടബോ​ധം തോന്നു​ന്നു​ണ്ടോ? മറ്റുള്ള​വ​രു​ടെ സുഖജീ​വി​ത​ത്തിൽ ഞാൻ അസൂയാ​ലു ആണോ? സ്വയം വിലയി​രു​ത്താൻ സഹായി​ക്കുന്ന ഈ ചോദ്യ​ങ്ങൾ നമ്മുടെ ആത്മീയ പടച്ചട്ട​യിൽ ഉണ്ടായി​രി​ക്കാ​വുന്ന ബലഹീന വശം കാണാൻ സഹായി​ക്കും.

നമുക്കുള്ള സംരക്ഷ​ണാ​ത്മക പടച്ചട്ട ആത്മീയ​മാ​യ​തി​നാൽ, നമ്മുടെ ജീവി​ത​ത്തിൽ ദൈവ​ത്തി​ന്റെ പരിശു​ദ്ധാ​ത്മാവ്‌ സ്വത​ന്ത്ര​മാ​യി ഒഴു​കേ​ണ്ടത്‌ അനിവാ​ര്യ​മാണ്‌. നമ്മുടെ എല്ലാ പ്രവർത്ത​ന​ങ്ങ​ളി​ലും ദൈവാ​ത്മാ​വി​ന്റെ ഫലം എത്ര​ത്തോ​ളം ഉണ്ട്‌ എന്നതിൽ ഇതു പ്രതി​ഫ​ലി​ച്ചി​രി​ക്കു​ന്നു. മറ്റുള്ളവർ നിങ്ങൾക്ക്‌ ഇഷ്ടമി​ല്ലാത്ത എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​മ്പോൾ നിങ്ങൾ പെട്ടെന്ന്‌ അസ്വസ്ഥ​നോ ആകുല​ചി​ത്ത​നോ ആകുന്നു​വോ? ബുദ്ധി​യു​പ​ദേശം സ്വീക​രി​ക്കാൻ നിങ്ങൾക്കു ബുദ്ധി​മു​ട്ടു​ണ്ടോ, അതോ മറ്റുള്ളവർ എപ്പോ​ഴും നിങ്ങളു​ടെ​മേൽ കുതിര കയറാൻ ശ്രമി​ക്കു​ന്നു​വെന്നു നിങ്ങൾ കരുതു​ന്നു​വോ? മറ്റുള്ള​വ​രു​ടെ അനു​ഗ്ര​ഹ​ങ്ങ​ളി​ലും നേട്ടങ്ങ​ളി​ലും നിങ്ങൾ അങ്ങേയറ്റം അസൂയ ഉള്ളവനാ​ണോ? മറ്റുള്ള​വ​രു​മാ​യി, പ്രത്യേ​കിച്ച്‌ നിങ്ങളു​ടെ സമപ്രാ​യ​ക്കാ​രു​മാ​യി, ഒത്തു​പോ​കാൻ നിങ്ങൾക്കു ബുദ്ധി​മു​ട്ടു​ണ്ടോ? നമ്മുടെ ജീവിതം ദൈവാ​ത്മാ​വി​ന്റെ ഫലം നിറഞ്ഞ​താ​ണോ അതോ നാം അറിയാ​തെ​തന്നെ ജഡത്തിന്റെ പ്രവൃ​ത്തി​കൾ നമ്മുടെ ഉള്ളിൽ വേരു പിടി​ക്കു​ന്നു​വോ എന്നു മനസ്സി​ലാ​ക്കാൻ സത്യസ​ന്ധ​മായ ഒരു വിലയി​രു​ത്തൽ നടത്തു​ന്ന​തി​ലൂ​ടെ സാധി​ക്കും.—ഗലാത്യർ 5:22-26; എഫെസ്യർ 4:22-27.

ആത്മീയ ബലഹീനത മറിക​ട​ക്കാൻ ക്രിയാ​ത്മക പടികൾ

ആത്മീയ ബലഹീ​ന​ത​യു​ടെ ലക്ഷണങ്ങൾ തിരി​ച്ച​റി​യു​ന്നത്‌ ഒരു സംഗതി; അവ നേരി​ടു​ന്ന​തും തിരു​ത്താ​നുള്ള നടപടി​കൾ സ്വീക​രി​ക്കു​ന്ന​തും മറ്റൊരു സംഗതി. ഒഴിക​ഴി​വു​കൾ പറയാൻ, വ്യാജ​മായ കാരണങ്ങൾ നിരത്താൻ, പ്രശ്‌നത്തെ ചെറു​താ​ക്കി കാണാൻ, അല്ലെങ്കിൽ ഒരു പ്രശ്‌ന​വും ഇല്ലെന്നു വാദി​ക്കാൻ കാട്ടുന്ന പ്രവണത ഖേദക​ര​മാണ്‌. അത്‌ എത്രയോ അപകട​ക​ര​മാണ്‌—എല്ലാ ഘടകങ്ങ​ളും ഇല്ലാത്ത ഒരു പടച്ചട്ട ധരിച്ചു​കൊണ്ട്‌ യുദ്ധത്തി​നു പോകു​ന്നതു പോ​ലെ​യാണ്‌ അത്‌! അത്തര​മൊ​രു ഗതി സാത്താന്റെ ആക്രമ​ണ​ത്തിൽ നാം പരാജ​യ​പ്പെ​ടാൻ ഇടയാ​ക്കി​യേ​ക്കാം. മറിച്ച്‌, ശ്രദ്ധയിൽ പെടുന്ന കുറവു​കൾ പരിഹ​രി​ക്കാൻ നാം സത്വരം ക്രിയാ​ത്മ​ക​മായ നടപടി​കൾ സ്വീക​രി​ക്കണം. നമുക്ക്‌ എന്തു ചെയ്യാൻ കഴിയും?—റോമർ 8:13; യാക്കോബ്‌ 1:22-25.

നാം ആത്മീയ യുദ്ധത്തിൽ—ക്രിസ്‌ത്യാ​നി​യു​ടെ മനസ്സി​ന്റെ​യും ഹൃദയ​ത്തി​ന്റെ​യും മേലുള്ള നിയ​ന്ത്രണം ഉൾപ്പെ​ടുന്ന പോരാ​ട്ട​ത്തിൽ—ഏർപ്പെ​ട്ടി​രി​ക്കു​ന്ന​തി​നാൽ, സഹജമായ കഴിവു​കൾ സംരക്ഷി​ക്കാ​നാ​വ​ശ്യ​മായ സകലവും നാം ചെയ്യേ​ണ്ട​തുണ്ട്‌. ഹൃദയത്തെ സംരക്ഷി​ക്കുന്ന “നീതി എന്ന കവച”വും ചിന്തകളെ സംരക്ഷി​ക്കുന്ന “രക്ഷ എന്ന ശിരസ്‌ത്ര​വും” നമ്മുടെ ആത്മീയ പടച്ചട്ട​യു​ടെ ഭാഗമാ​ണെന്ന്‌ ഓർക്കുക. ഇവ ഫലപ്ര​ദ​മാ​യി ഉപയോ​ഗി​ക്കാൻ പഠിക്കു​ന്ന​തി​നെ ആശ്രയി​ച്ചാ​യി​രി​ക്കും വിജയ​വും പരാജ​യ​വും.—എഫെസ്യർ 6:14-17; സദൃശ​വാ​ക്യ​ങ്ങൾ 4:23; റോമർ 12:2.

“നീതി എന്ന കവചം” ഉചിത​മാ​യി ധരിക്കു​ന്ന​തി​നു നീതി​യോ​ടുള്ള നമ്മുടെ സ്‌നേ​ഹ​വും അധർമ​ത്തോ​ടുള്ള വെറു​പ്പും സംബന്ധി​ച്ചു നാം നിരന്തരം നമ്മെത്തന്നെ പരി​ശോ​ധി​ക്കേ​ണ്ട​തുണ്ട്‌. (സങ്കീർത്തനം 45:7; 97:10; ആമോസ്‌ 5:15) നമ്മുടെ നിലവാ​രങ്ങൾ ലോക​ത്തി​ന്റെ നിലവാ​ര​ങ്ങ​ളി​ലേക്കു താണു​പോ​യി​രി​ക്കു​ന്നു​വോ? യഥാർഥ ജീവി​ത​ത്തിൽ ഉള്ളതാ​യി​രു​ന്നാ​ലും ശരി, ടിവി​യി​ലോ സിനി​മ​ക​ളി​ലോ പുസ്‌ത​ക​ങ്ങ​ളി​ലോ മാസി​ക​ക​ളി​ലോ ഉള്ളതാ​യി​രു​ന്നാ​ലും ശരി, ഒരിക്കൽ നമ്മെ ഞെട്ടി​ച്ചി​രു​ന്ന​തോ അസ്വസ്ഥ​മാ​ക്കി​യി​രു​ന്ന​തോ ആയ സംഗതി​കൾ ഇപ്പോൾ രസകര​മാ​യി നമുക്കു തോന്നു​ന്നു​വോ? സ്വാത​ന്ത്ര്യ​വും പുരോ​ഗ​തി​യും എന്നു ലോകം വാഴ്‌ത്തി​പ്പാ​ടുന്ന സംഗതി​കൾ, വാസ്‌ത​വ​ത്തിൽ തിരി​ച്ച​റി​യാൻ ബുദ്ധി​മു​ട്ടുള്ള വിധത്തിൽ അവതരി​പ്പി​ക്ക​പ്പെ​ടുന്ന കുത്തഴിഞ്ഞ നടത്തയും വഞ്ചനയും ആണെന്നു കാണാൻ നീതി​യോ​ടുള്ള സ്‌നേഹം നമ്മെ സഹായി​ക്കും.—റോമർ 13:13, 14; തീത്തൊസ്‌ 2:12.

ലോക​ത്തി​ന്റെ പകിട്ടി​നാ​ലോ പ്രതാ​പ​ത്താ​ലോ വഴി​തെ​റ്റി​പ്പോ​കാൻ സ്വയം അനുവ​ദി​ക്കാ​തെ മുന്നി​ലുള്ള അത്ഭുത​ക​ര​മായ അനു​ഗ്ര​ഹങ്ങൾ വ്യക്തമാ​യി മനസ്സിൽ പിടി​ക്കു​ന്നത്‌ ‘രക്ഷ എന്ന ശിരസ്‌ത്രം’ ധരിക്കു​ന്ന​തിൽ ഉൾപ്പെ​ടു​ന്നു. (എബ്രായർ 12:2, 3; 1 യോഹ​ന്നാൻ 2:16) ഭൗതി​ക​മോ വ്യക്തി​പ​ര​മോ ആയ നേട്ടങ്ങ​ളെ​ക്കാൾ ആത്മീയ താത്‌പ​ര്യ​ങ്ങൾ ഒന്നാമതു വെക്കാൻ ഈ വീക്ഷണം നമ്മെ സഹായി​ക്കും. (മത്തായി 6:33) അതു​കൊണ്ട്‌ പടച്ചട്ട​യു​ടെ ഈ ഭാഗം യഥാസ്ഥാ​ന​ത്തു​തന്നെ ഉണ്ടെന്ന്‌ ഉറപ്പു വരുത്താൻ നാം സത്യസ​ന്ധ​മാ​യി ഇങ്ങനെ ചോദി​ക്കണം: ഞാൻ ജീവി​ത​ത്തിൽ എന്തിനെ അനുധാ​വനം ചെയ്യുന്നു? എനിക്കു വ്യക്തമായ ആത്മീയ ലക്ഷ്യങ്ങൾ ഉണ്ടോ? അവ എത്തിപ്പി​ടി​ക്കാൻ ഞാൻ എന്താണു ചെയ്യു​ന്നത്‌? അഭിഷിക്ത ശേഷി​പ്പിൽ പെട്ടവർ ആയിരു​ന്നാ​ലും വർധി​ച്ചു​വ​രുന്ന “മഹാപു​രു​ഷാര”ത്തിൽ പെട്ടവർ ആയിരു​ന്നാ​ലും, പിൻവ​രുന്ന പ്രകാരം പറഞ്ഞ പൗലൊ​സി​നെ നാം അനുക​രി​ക്കണം: “ഞാൻ പിടി​ച്ചി​രി​ക്കു​ന്നു എന്നു നിരൂ​പി​ക്കു​ന്നില്ല. ഒന്നു ഞാൻ ചെയ്യുന്നു: പിമ്പി​ലു​ള്ളതു മറന്നും മുമ്പി​ലു​ള്ള​തി​ന്നു ആഞ്ഞും​കൊ​ണ്ടു ക്രിസ്‌തു​യേ​ശു​വിൽ ദൈവ​ത്തി​ന്റെ പരമവി​ളി​യു​ടെ വിരു​തി​ന്നാ​യി ലാക്കി​ലേക്ക്‌ ഓടുന്നു.”—വെളി​പ്പാ​ടു 7:9; ഫിലി​പ്പി​യർ 3:13, 14.

നമ്മുടെ ആത്മീയ പടച്ചട്ട സംബന്ധിച്ച പൗലൊ​സി​ന്റെ വിവര​ണ​ത്തിൽ പിൻവ​രുന്ന ബുദ്ധി​യു​പ​ദേ​ശ​വും അടങ്ങുന്നു: “സകല​പ്രാർത്ഥ​ന​യാ​ലും യാചന​യാ​ലും ഏതു നേരത്തും ആത്മാവിൽ പ്രാർത്ഥി​ച്ചും അതിന്നാ​യി ജാഗരി​ച്ചും​കൊ​ണ്ടു സകലവി​ശു​ദ്ധൻമാർക്കും എനിക്കും​വേണ്ടി പ്രാർത്ഥ​ന​യിൽ പൂർണ്ണ​സ്ഥി​രത കാണി​പ്പിൻ.” (എഫെസ്യർ 6:18) ഏതെങ്കി​ലും ആത്മീയ ബലഹീനത ഉണ്ടെങ്കിൽ അതു തടയു​ന്ന​തിന്‌ അല്ലെങ്കിൽ മറിക​ട​ക്കു​ന്ന​തി​നു നമുക്കു സ്വീക​രി​ക്കാൻ കഴിയുന്ന രണ്ടു ക്രിയാ​ത്മക നടപടി​കൾ  ഈ വാക്യം സൂചി​പ്പി​ക്കു​ന്നു: ദൈവ​വു​മാ​യി നല്ല ഒരു ബന്ധം വളർത്തി​യെ​ടു​ക്കുക, സഹ ക്രിസ്‌ത്യാ​നി​ക​ളു​മാ​യി ഉറ്റബന്ധം നിലനിർത്തുക.

“ഏതു നേരത്തും” (പരസ്യ​മാ​യും സ്വകാ​ര്യ​മാ​യും വ്യക്തി​പ​ര​മാ​യും തോന്നു​മ്പോ​ഴൊ​ക്കെ​യും ഉള്ള) “സകല” പ്രാർഥ​ന​യാ​ലും (പാപങ്ങൾ ഏറ്റുപ​റയൽ, ക്ഷമയ്‌ക്കാ​യി അപേക്ഷി​ക്കൽ, മാർഗ​നിർദേശം തേടൽ, അനു​ഗ്ര​ഹ​ങ്ങൾക്കു നന്ദി നൽകൽ, ഹൃദയ​ത്തിൽനി​ന്നുള്ള സ്‌തുതി അർപ്പിക്കൽ) യഹോ​വ​യി​ലേക്കു തിരി​യുന്ന ഒരു ശീലം ഉണ്ടെങ്കിൽ, നമുക്കു യഹോ​വ​യോ​ടുള്ള അടുപ്പം വർധി​ക്കും. അതാണു നമുക്ക്‌ ഉണ്ടായി​രി​ക്കാൻ കഴിയുന്ന ഏറ്റവും വലിയ സംരക്ഷണം.—റോമർ 8:31; യാക്കോബ്‌ 4:7, 8.

‘സകലവി​ശു​ദ്ധൻമാർക്കും വേണ്ടി,’ അതായത്‌ നമ്മുടെ സഹ വിശ്വാ​സി​കൾക്കു വേണ്ടി, പ്രാർഥി​ക്കാ​നും നമ്മെ ഉദ്‌ബോ​ധി​പ്പി​ച്ചി​രി​ക്കു​ന്നു. പീഡന​മോ മറ്റു കഷ്ടതക​ളോ സഹിക്കുന്ന, വിദൂര ദേശങ്ങ​ളി​ലെ നമ്മുടെ ആത്മീയ സഹോ​ദ​ര​ന്മാ​രെ നാം പ്രാർഥ​ന​യിൽ ഓർക്കു​ന്നു​ണ്ടാ​കും. എന്നാൽ നാം ദിവസ​വും സഹവസി​ക്കുന്ന, കൂടെ ജോലി ചെയ്യുന്ന സഹോ​ദ​ര​ങ്ങ​ളു​ടെ കാര്യ​മോ? യേശു തന്റെ ശിഷ്യ​ന്മാർക്കു വേണ്ടി പ്രാർഥി​ച്ച​തു​പോ​ലെ, അവർക്കു വേണ്ടി പ്രാർഥി​ക്കു​ന്ന​തും ഉചിത​മാണ്‌. (യോഹ​ന്നാൻ 17:9; യാക്കോബ്‌ 5:16) അത്തരം പ്രാർഥ​നകൾ നമ്മുടെ പരസ്‌പര അടുപ്പം വർധി​പ്പി​ക്കു​ക​യും “ദുഷ്ടന്റെ” ആക്രമ​ണ​ങ്ങളെ ചെറു​ത്തു​നിൽക്കാൻ നമ്മെ ബലിഷ്‌ഠ​രാ​ക്കു​ക​യും ചെയ്യും.—2 തെസ്സ​ലൊ​നീ​ക്യർ 3:1-3.

പത്രൊസ്‌ അപ്പൊ​സ്‌ത​ലന്റെ പിൻവ​രുന്ന സ്‌നേ​ഹ​മ​സൃ​ണ​മായ ബുദ്ധി​യു​പ​ദേശം സദാ മനസ്സിൽ അടുപ്പി​ച്ചു നിർത്തു​ക​യും ചെയ്യുക: “എല്ലാറ​റി​ന്റെ​യും അവസാനം സമീപി​ച്ചി​രി​ക്കു​ന്നു; ആകയാൽ പ്രാർത്ഥ​നെക്കു സുബോ​ധ​മു​ള്ള​വ​രും നിർമ്മ​ദ​രു​മാ​യി​രി​പ്പിൻ. സകലത്തി​ന്നും മുമ്പെ തമ്മിൽ ഉററ സ്‌നേഹം ഉള്ളവരാ​യി​രി​പ്പിൻ. സ്‌നേഹം പാപങ്ങ​ളു​ടെ ബഹുത്വ​ത്തെ മറെക്കു​ന്നു.” (1 പത്രൊസ്‌ 4:7, 8) മറ്റുള്ള​വ​രു​ടെ​യും നമ്മു​ടെ​ത​ന്നെ​യും മാനു​ഷിക അപൂർണ​തകൾ മനസ്സി​ലേ​ക്കും ഹൃദയ​ത്തി​ലേ​ക്കും കടന്നു​വ​രാൻ അനുവ​ദി​ച്ചാൽ അവ പ്രതി​ബ​ന്ധ​മാ​യി, ഇടർച്ച​ക്ക​ല്ലാ​യി തീരുക എളുപ്പ​മാണ്‌. മനുഷ്യ​ന്റെ ഈ ബലഹീനത സാത്താനു നന്നായി അറിയാം. അവന്റെ കുടില തന്ത്രങ്ങ​ളിൽ ഒന്ന്‌ ഭിന്നി​പ്പി​ച്ചു പിടി​ച്ച​ട​ക്കുക എന്നതാണ്‌. അതു​കൊണ്ട്‌, അന്യോ​ന്യ​മുള്ള ഉറ്റ സ്‌നേ​ഹം​കൊണ്ട്‌ അത്തരം പാപങ്ങൾ നാം ക്ഷണത്തിൽ മൂടി​ക്ക​ള​യു​ക​യും ‘പിശാ​ചിന്‌ ഇടം കൊടു’ക്കാതി​രി​ക്കു​ക​യും വേണം.—എഫെസ്യർ 4:25-27.

ഇപ്പോൾ ആത്മീയ​മാ​യി ബലിഷ്‌ഠ​രാ​യി​രി​ക്കുക

നിങ്ങളു​ടെ മുടി പാറി​പ്പ​റന്നു കിടക്കു​ന്ന​തോ വസ്‌ത്രം ശരിയാം​വണ്ണം അല്ലാതി​രി​ക്കു​ന്ന​തോ കണ്ടാൽ, നിങ്ങൾ എന്തു ചെയ്യും? സാധ്യ​ത​യ​നു​സ​രിച്ച്‌, ഉടനെ​തന്നെ നിങ്ങൾ അതു നേരെ​യാ​ക്കും. അത്തരം ക്രമ​ക്കേ​ടു​ക​ളൊ​ന്നും കുഴപ്പ​മില്ല എന്നു കരുതി അതു ശരിയാ​ക്കാ​തെ വിടു​ന്നവർ വിരള​മാ​യി​രി​ക്കും. അതു​പോ​ലെ, നമ്മുടെ ആത്മീയ ബലഹീ​ന​ത​യു​ടെ കാര്യ​ത്തിൽ നമുക്കു സത്വരം പ്രതി​ക​രി​ക്കാം. ബാഹ്യ​മായ കുറവു​കൾ, ആളുകൾ അനിഷ്ട​ത്തോ​ടെ നമ്മെ വീക്ഷി​ക്കാൻ ഇടയാ​ക്കി​യേ​ക്കാം. എന്നാൽ, തിരു​ത്താ​തെ വിട്ടു​ക​ള​യുന്ന ആത്മീയ കുറവു​കൾ യഹോ​വ​യു​ടെ അപ്രീ​തി​ക്കാ​യി​രി​ക്കും ഇടവരു​ത്തു​ന്നത്‌.—1 ശമൂവേൽ 16:7.

ആത്മീയ ബലഹീനത ഒഴിവാ​ക്കി കരുത്തു​റ്റ​വ​രാ​യി നില​കൊ​ള്ളാൻ നമ്മെ സഹായി​ക്കാൻ ആവശ്യ​മായ സകല സംഗതി​ക​ളും യഹോവ സ്‌നേ​ഹ​പൂർവം നമുക്കു തന്നിട്ടുണ്ട്‌. ക്രിസ്‌തീയ യോഗ​ങ്ങ​ളും ബൈബിൾ പ്രസി​ദ്ധീ​ക​ര​ണ​ങ്ങ​ളും വഴിയും അതു​പോ​ലെ​തന്നെ പക്വത​യും കരുത​ലു​മുള്ള സഹ ക്രിസ്‌ത്യാ​നി​കൾ മുഖാ​ന്ത​ര​വും നാം എന്തു ചെയ്യണം എന്നതു സംബന്ധിച്ച്‌ അവൻ നിരന്തര ഓർമി​പ്പി​ക്ക​ലു​ക​ളും നിർദേ​ശ​ങ്ങ​ളും നൽകുന്നു. അതു സ്വീക​രി​ച്ചു ബാധക​മാ​ക്കേണ്ട ഉത്തരവാ​ദി​ത്വം നമുക്കാണ്‌. അതിനു ശ്രമവും ആത്മശി​ക്ഷ​ണ​വും ആവശ്യ​മാണ്‌. എന്നാൽ, പൗലൊസ്‌ അപ്പൊ​സ്‌തലൻ സത്യസ​ന്ധ​മാ​യി പറഞ്ഞ കാര്യം ശ്രദ്ധി​ക്കുക: “ഞാൻ നിശ്ചയ​മി​ല്ലാ​ത്ത​വ​ണ്ണമല്ല ഓടു​ന്നതു; ആകാശത്തെ കുത്തു​ന്നതു പോ​ലെയല്ല ഞാൻ മുഷ്ടി​യു​ദ്ധം ചെയ്യു​ന്നതു. മററു​ള്ള​വ​രോ​ടു പ്രസം​ഗി​ച്ച​ശേഷം ഞാൻ തന്നേ കൊള്ള​രു​താ​ത്ത​വ​നാ​യി പോകാ​തി​രി​ക്കേ​ണ്ട​തി​ന്നു എന്റെ ശരീരത്തെ ദണ്ഡിപ്പി​ച്ചു അടിമ​യാ​ക്കു​ക​യ​ത്രേ ചെയ്യു​ന്നതു.”—1 കൊരി​ന്ത്യർ 9:26, 27.

ജാഗ്രത പുലർത്തുക. ആത്മീയ​മായ അർഥത്തിൽ, നമുക്ക്‌ അക്കിലി​സി​ന്റെ ഉപ്പൂറ്റി​കൾ പോലെ ബലഹീ​ന​മായ ഒരു വശം ഉണ്ടാകാൻ അനുവ​ദി​ക്കാ​തി​രി​ക്കാം. പകരം, നമുക്ക്‌ ഉണ്ടായി​രു​ന്നേ​ക്കാ​വുന്ന ആത്മീയ ബലഹീനത തിരി​ച്ച​റി​ഞ്ഞു താഴ്‌മ​യോ​ടെ​യും ധൈര്യ​ത്തോ​ടെ​യും അതു മറിക​ട​ക്കാൻ ആവശ്യ​മായ സംഗതി​കൾ ചെയ്യാം.

[19-ാം പേജിലെ ആകർഷ​ക​വാ​ക്യം]

“നിങ്ങൾ വിശ്വാ​സ​ത്തിൽ ഇരിക്കു​ന്നു​വോ എന്നു നിങ്ങ​ളെ​ത്തന്നേ പരീക്ഷി​പ്പിൻ; നിങ്ങ​ളെ​ത്തന്നേ ശോധ​ന​ചെ​യ്‌വിൻ.”—2 കൊരി​ന്ത്യർ 13:5.

 [21-ാം പേജിലെ ആകർഷ​ക​വാ​ക്യം]

‘പ്രാർത്ഥ​നെക്കു സുബോ​ധ​മു​ള്ളവർ ആയിരി​പ്പിൻ. സകലത്തി​ന്നും മുമ്പെ തമ്മിൽ ഉററ സ്‌നേഹം ഉള്ളവരാ​യി​രി​പ്പിൻ. സ്‌നേഹം പാപങ്ങ​ളു​ടെ ബഹുത്വ​ത്തെ മറെക്കു​ന്നു.’—1 പത്രൊസ്‌ 4:7, 8.

[20-ാം പേജിലെ ചതുരം/ചിത്രം]

സ്വയം ചോദി​ക്കുക . . .

◆ എനിക്ക്‌ ടിവി കാണു​ന്ന​തി​ലുള്ള അത്രയും താത്‌പ​ര്യം യോഗ​ങ്ങൾക്കു തയ്യാറാ​കുന്ന കാര്യ​ത്തിൽ ഉണ്ടോ?

◆ മറ്റുള്ള​വ​രു​ടെ സുഖജീ​വി​ത​ത്തിൽ ഞാൻ അസൂയാ​ലു ആണോ?

◆ മറ്റുള്ളവർ എനിക്ക്‌ ഇഷ്ടമി​ല്ലാത്ത എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​മ്പോൾ ഞാൻ പെട്ടെന്ന്‌ അസ്വസ്ഥ​നോ ആകുല​ചി​ത്ത​നോ ആകുന്നു​വോ?

◆ ബുദ്ധി​യു​പ​ദേശം സ്വീക​രി​ക്കാൻ എനിക്കു ബുദ്ധി​മു​ട്ടു​ണ്ടോ, അതോ മറ്റുള്ളവർ എപ്പോ​ഴും എന്റെമേൽ കുതിര കയറാൻ ശ്രമി​ക്കു​ന്നു​വെന്നു ഞാൻ കരുതു​ന്നു​വോ?

◆ മറ്റുള്ള​വ​രു​മാ​യി ഒത്തു​പോ​കാൻ എനിക്കു ബുദ്ധി​മു​ട്ടു​ണ്ടോ?

◆ എന്റെ നിലവാ​രങ്ങൾ ലോക​ത്തി​ന്റെ നിലവാ​ര​ങ്ങ​ളി​ലേക്കു താണു​പോ​യി​രി​ക്കു​ന്നു​വോ?

◆ എനിക്കു വ്യക്തമായ ആത്മീയ ലക്ഷ്യങ്ങൾ ഉണ്ടോ?

◆ ആത്മീയ ലക്ഷ്യങ്ങൾ എത്തിപ്പി​ടി​ക്കാൻ ഞാൻ എന്താണു ചെയ്യു​ന്നത്‌?

[18-ാം പേജിലെ ചിത്ര​ത്തിന്‌ കടപ്പാട]

അക്കിലിസ്‌: From the book Great Men and Famous Women; റോമൻ പടയാ​ളി​ക​ളും 21-ാം പേജിലെ ചിത്രങ്ങളും: Historic Costume in Pictures/Dover Publications, Inc., New York