നിങ്ങൾ ഓർമി​ക്കു​ന്നു​വോ?

വീക്ഷാ​ഗോ​പു​ര​ത്തി​ന്റെ അടുത്ത​കാ​ലത്തെ ലക്കങ്ങളു​ടെ വായന നിങ്ങൾ ആസ്വദി​ച്ചു​വോ? അങ്ങനെ​യെ​ങ്കിൽ, പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകാൻ നിങ്ങൾക്കാ​കു​മോ എന്നു കാണുക:

□ “ക്രിസ്‌തു​വി​ന്നു വേണ്ടി സ്ഥാനാ​പ​തി​ക​ളാ​യി” എന്ന പൗലൊ​സി​ന്റെ പ്രയോ​ഗം അഭിഷിക്ത ക്രിസ്‌ത്യാ​നി​കൾക്കു ചേരുന്ന ഒന്നായി​രി​ക്കു​ന്നത്‌ എന്തു​കൊണ്ട്‌? (2 കൊരി​ന്ത്യർ 5:20)

പുരാതന നാളു​ക​ളിൽ, മുഖ്യ​മാ​യും ശത്രു​ത​യു​ടെ കാലഘ​ട്ട​ങ്ങ​ളിൽ യുദ്ധം ഒഴിവാ​ക്കാ​നാ​കു​മോ എന്നറി​യാൻ ആയിരു​ന്നു പ്രധാ​ന​മാ​യും സ്ഥാനപ​തി​കളെ അയച്ചി​രു​ന്നത്‌. (ലൂക്കൊസ്‌ 14:31, 32) പാപി​ക​ളായ മനുഷ്യ​രു​ടെ ലോകം ദൈവ​ത്തിൽ നിന്ന്‌ അന്യ​പ്പെ​ട്ടി​രി​ക്കു​ന്ന​തു​കൊണ്ട്‌, ദൈവ​വു​മാ​യി സമാധാ​ന​ത്തിൽ ആകുന്ന​തിന്‌ ആളുകളെ ഉദ്‌ബോ​ധി​പ്പി​ച്ചു​കൊണ്ട്‌, അനുര​ഞ്‌ജ​ന​ത്തി​നുള്ള തന്റെ വ്യവസ്ഥകൾ അവരെ അറിയി​ക്കാൻ അവൻ തന്റെ അഭിഷിക്ത സ്ഥാനപ​തി​കളെ അയയ്‌ക്കു​ന്നു.—12/15, പേജ്‌ 18.

□ അബ്രാ​ഹാ​മി​ന്റെ വിശ്വാ​സത്തെ ബലിഷ്‌ഠ​മാ​ക്കിയ നാലു സംഗതി​കൾ ഏവ?

ഒന്ന്‌, യഹോവ സംസാ​രി​ച്ച​പ്പോൾ ശ്രദ്ധി​ച്ചു​കൊണ്ട്‌ അവൻ ദൈവ​ത്തിൽ വിശ്വാ​സം പ്രകട​മാ​ക്കി. (എബ്രായർ 11:8); രണ്ട്‌, അവന്റെ വിശ്വാ​സം പ്രത്യാ​ശ​യു​മാ​യി അടുത്തു ബന്ധപ്പെ​ട്ടി​രു​ന്നു. (റോമർ 4:18); മൂന്ന്‌, അബ്രാ​ഹാം പതിവാ​യി ദൈവ​ത്തോ​ടു സംസാ​രി​ച്ചു; നാല്‌, അബ്രാ​ഹാം ദിവ്യ മാർഗ​നിർദേശം പിൻപ​റ്റി​യ​പ്പോൾ യഹോവ അവനു പിന്തു​ണ​യേകി. ഇതേ കാര്യ​ങ്ങൾക്ക്‌ ഇന്നു നമ്മുടെ വിശ്വാ​സ​ത്തെ​യും ബലിഷ്‌ഠ​മാ​ക്കാ​നാ​കും.—1/1, പേജുകൾ 17, 18.

□ ‘ഞങ്ങളെ പരീക്ഷ​യിൽ [“പ്രലോ​ഭ​ന​ത്തിൽ,” NW] കടത്തരു​തേ’ എന്ന പ്രയോ​ഗം എന്ത്‌ അർഥമാ​ക്കു​ന്നു? (മത്തായി 6:13)

ദൈവത്തോട്‌ അനുസ​ര​ണ​ക്കേടു കാണി​ക്കാ​നുള്ള പ്രലോ​ഭനം ഉണ്ടാകു​മ്പോൾ നാം പരാജ​യ​മ​ട​യാൻ അനുവ​ദി​ക്ക​രു​തെന്ന്‌ അവനോട്‌ അപേക്ഷി​ക്കു​ക​യാണ്‌. നാം പ്രലോ​ഭ​ന​ങ്ങൾക്കു വഴി​പ്പെട്ട്‌ “ദുഷ്ട”നായ സാത്താ​നാൽ വഞ്ചിത​രാ​കാ​തി​രി​ക്കാൻ നമ്മെ നയിക്കു​ന്ന​തിന്‌ യഹോ​വ​യ്‌ക്കു കഴിയും. (1 കൊരി​ന്ത്യർ 10:13)—1/15, പേജ്‌ 14.

□ തെറ്റു ചെയ്‌താൽ ദൈവ​ത്തി​ന്റെ ക്ഷമ ലഭിക്കാൻ ഒരുവൻ എന്തു ചെയ്യണം?

ദൈവത്തോടു തെറ്റുകൾ ഏറ്റുപ​റ​യു​ന്ന​തോ​ടൊ​പ്പം അനുതാ​പ​വും ‘മാനസാ​ന്ത​ര​ത്തി​നു യോഗ്യ​മായ ഫലങ്ങളും’ ആവശ്യ​മാണ്‌. (ലൂക്കൊസ്‌ 3:8) അനുതാപ മനോ​ഭാ​വ​വും തെറ്റു തിരു​ത്താ​നുള്ള ആഗ്രഹ​വും ക്രിസ്‌തീയ മൂപ്പന്മാ​രു​ടെ ആത്മീയ സഹായം തേടാൻ നമ്മെ പ്രേരി​പ്പി​ക്കും. (യാക്കോബ്‌ 5:13-15)—1/15, പേജ്‌ 19.

□ നാം താഴ്‌മ​യു​ള്ളവർ ആയിരി​ക്കേ​ണ്ടത്‌ എന്തു​കൊണ്ട്‌?

താഴ്‌മയുള്ളവൻ സഹിഷ്‌ണു​ത​യും ദീർഘ​ക്ഷ​മ​യും ഉള്ളവനാണ്‌, അയാൾ തന്നെത്തന്നെ വളരെ ഗൗരവ​മാ​യി എടുക്കില്ല. താഴ്‌മ, നിങ്ങളെ സ്‌നേ​ഹി​ക്കുന്ന യഥാർഥ സുഹൃ​ത്തു​ക്കളെ നിങ്ങളി​ലേക്ക്‌ ആകർഷി​ക്കും. അതിലു​പരി, അത്‌ യഹോ​വ​യു​ടെ അനു​ഗ്രഹം കൈവ​രു​ത്തു​ന്നു. (സദൃശ​വാ​ക്യ​ങ്ങൾ 22:4)—2/1, പേജ്‌ 7.

□ യേശു​വി​ന്റെ​യും ആദാമി​ന്റെ​യും മരണത്തിൽ കാര്യ​മായ എന്തു വ്യത്യാ​സ​മാണ്‌ ഉള്ളത്‌?

തന്റെ സ്രഷ്ടാ​വി​നോ​ടു മനഃപൂർവം അനുസ​ര​ണ​ക്കേടു കാണി​ച്ച​തു​കൊണ്ട്‌ ആദാം മരണത്തിന്‌ അർഹനാ​യി​രു​ന്നു. (ഉല്‌പത്തി 2:16, 17) നേരെ​മ​റിച്ച്‌, “[യേശു] പാപം ചെയ്‌തി​ട്ടില്ല” എന്നതി​നാൽ അവൻ മരണത്തിന്‌ തെല്ലും അർഹന​ല്ലാ​യി​രു​ന്നു. (1 പത്രൊസ്‌ 2:22) അതു​കൊണ്ട്‌, പാപി​യാ​യി​രുന്ന ആദാമി​നു മരണത്തി​ങ്കൽ ഇല്ലാതി​രുന്ന വളരെ വിലയുള്ള ഒരു സംഗതി—പൂർണ മനുഷ്യ ജീവനുള്ള അവകാശം—മരണത്തി​ങ്കൽ യേശു​വിന്‌ ഉണ്ടായി​രു​ന്നു. അങ്ങനെ, യേശു​വി​ന്റെ മരണത്തി​നു മനുഷ്യ​വർഗത്തെ വീണ്ടെ​ടു​ക്കാ​നുള്ള യാഗ മൂല്യം ഉണ്ടായി​രു​ന്നു.—2/15, പേജുകൾ 15, 16.

□ യെഹെ​സ്‌കേ​ലി​ന്റെ പ്രാവ​ച​നിക ദർശന​ത്തി​ലെ നഗരം എന്തിനെ ചിത്രീ​ക​രി​ച്ചു?

നഗരം സ്ഥിതി ചെയ്യു​ന്നത്‌ “മലിന” (അപവിത്ര) ദേശത്തി​നു നടുവി​ലാ​യ​തി​നാൽ അതു ഭൗമി​ക​മായ എന്തെങ്കി​ലും ആയിരി​ക്കണം. അതിനാൽ ഈ നഗരം ചിത്രീ​ക​രി​ക്കു​ന്നതു നീതി​യുള്ള ഭൗമിക സമുദാ​യ​ത്തി​ന്റെ ഭാഗമായ എല്ലാവർക്കും പ്രയോ​ജനം ചെയ്യുന്ന ഭൗമിക ഭരണ​ത്തെ​യാ​കാം.—3/1, പേജ്‌ 18.

□ പൊ.യു. 33-ൽ പെസഹ ആചരണ വേളയിൽ യേശു തന്റെ ശിഷ്യ​ന്മാ​രു​ടെ പാദങ്ങൾ കഴുകി​യ​തി​നു കാരണ​മെന്ത്‌?

യേശു പാദം കഴുകൽ എന്നൊരു അനുഷ്‌ഠാ​നം ഏർപ്പെ​ടു​ത്തുക ആയിരു​ന്നില്ല. മറിച്ച്‌, പുതി​യൊ​രു മനോ​ഭാ​വം, തങ്ങളുടെ സഹോ​ദ​ര​ന്മാർക്കു വേണ്ടി ഏറ്റവും താഴ്‌ന്ന ജോലി​കൾ ചെയ്യാ​നുള്ള താഴ്‌മ​യും മനസ്സൊ​രു​ക്ക​വും ഉള്ള ഒരു മനോ​ഭാ​വം, കൈ​ക്കൊ​ള്ളാൻ അവൻ തന്റെ അപ്പൊ​സ്‌ത​ല​ന്മാ​രെ സഹായി​ക്കുക ആയിരു​ന്നു.—3/1, പേജ്‌ 30.

□ മറ്റുള്ള​വരെ പഠിപ്പി​ക്കുന്ന കാര്യ​ത്തിൽ സ്വതസ്സി​ദ്ധ​മായ പ്രാപ്‌തി​ക​ളെ​ക്കാൾ പ്രാധാ​ന്യം അർഹി​ക്കു​ന്നത്‌ എന്താണ്‌?

നമുക്ക്‌ എന്തെല്ലാം ഗുണങ്ങ​ളുണ്ട്‌, വിദ്യാർഥി​കൾക്ക്‌ അനുക​രി​ക്കാൻ കഴിയുന്ന ഏതെല്ലാം ആത്മീയ ശീലങ്ങൾ നാം വളർത്തി​യെ​ടു​ത്തി​ട്ടുണ്ട്‌ എന്നിങ്ങ​നെ​യുള്ള കാര്യങ്ങൾ. (ലൂക്കൊസ്‌ 6:40; 2 പത്രൊസ്‌ 3:11)—3/15, പേജുകൾ 11, 12.

□ പരസ്യ പ്രസം​ഗ​കർക്കു തിരു​വെ​ഴു​ത്തു​കൾ വായി​ക്കുന്ന കാര്യ​ത്തിൽ എങ്ങനെ മെച്ച​പ്പെ​ടാ​നാ​കും?

പരിശീലനത്താൽ. അതേ, ഒഴു​ക്കോ​ടെ വായി​ക്കാൻ കഴിയു​ന്ന​തു​വരെ ഉച്ചത്തിൽ വീണ്ടും വീണ്ടും വായി​ക്കു​ന്ന​തി​നാൽ.—3/15, പേജ്‌ 20.

□ ഒരു വ്യക്തി മരിക്കു​മ്പോൾ “ആത്മാവു അതിനെ നല്‌കിയ ദൈവ​ത്തി​ന്റെ അടുക്ക​ലേക്കു മടങ്ങി​പ്പോ​കു”ന്നത്‌ എങ്ങനെ? (സഭാ​പ്ര​സം​ഗി 12:7)

ആത്മാവ്‌ എന്നതു ജീവശക്തി ആയതി​നാൽ അതു “ദൈവ​ത്തി​ന്റെ അടുക്ക​ലേക്കു മടങ്ങി​പ്പോ​കും” എന്നു പറയു​മ്പോൾ, പ്രസ്‌തുത വ്യക്തി​യു​ടെ ഭാവി​ജീ​വന്റെ പ്രതീക്ഷ പൂർണ​മാ​യും ദൈവ​ത്തിൽ നിക്ഷി​പ്‌ത​മാ​യി​രി​ക്കു​ന്നു എന്ന്‌ അത്‌ അർഥമാ​ക്കു​ന്നു. ഒരു വ്യക്തിയെ ജീവനി​ലേക്കു വരാൻ ഇടയാ​ക്കി​ക്കൊണ്ട്‌ ആത്മാവി​നെ അഥവാ ജീവശ​ക്തി​യെ പുനഃ​സ്ഥി​തീ​ക​രി​ക്കാൻ ദൈവ​ത്തി​നു മാത്രമേ കഴിയൂ. (സങ്കീർത്തനം 104:30)—4/1, പേജ്‌ 17.