വായന​ക്കാ​രിൽ നിന്നുള്ള ചോദ്യ​ങ്ങൾ

ചില യഹോ​വ​യു​ടെ സാക്ഷി​കൾക്ക്‌ മത സ്ഥാപന​ങ്ങ​ളു​ടെ കെട്ടി​ട​ങ്ങ​ളി​ലോ ഭൂവി​ട​ത്തി​ലോ തൊഴിൽ ചെയ്യാൻ അവസരങ്ങൾ ലഭിച്ചി​ട്ടുണ്ട്‌. അത്തരം ജോലി​കൾ സംബന്ധിച്ച തിരു​വെ​ഴു​ത്തു​പ​ര​മായ വീക്ഷണം എന്ത്‌?

സ്വന്ത കുടും​ബ​ത്തി​നു​വേണ്ടി ഭൗതി​ക​മാ​യി കരുതു​ന്ന​തി​ന്റെ പ്രാധാ​ന്യ​ത്തിന്‌ ഊന്നൽ നൽകുന്ന 1 തിമൊ​ഥെ​യൊസ്‌ 5:8 ആത്മാർഥ​ത​യോ​ടെ ബാധക​മാ​ക്കാൻ ആഗ്രഹി​ക്കുന്ന ക്രിസ്‌ത്യാ​നി​കൾ അത്തരം പ്രശ്‌നത്തെ അഭിമു​ഖീ​ക​രി​ച്ചേ​ക്കാം. ക്രിസ്‌ത്യാ​നി​കൾ ആ ബുദ്ധി​യു​പ​ദേശം ബാധക​മാ​ക്കേ​ണ്ടത്‌ അനിവാ​ര്യ​മാ​ണെ​ങ്കി​ലും തൊഴി​ലി​ന്റെ സ്വഭാവം കണക്കി​ലെ​ടു​ക്കാ​തെ ഏതൊരു തൊഴി​ലും അല്ലെങ്കിൽ എല്ലാ തൊഴി​ലും സ്വീക​രി​ക്കു​ന്ന​തി​നെ അതു ന്യായീ​ക​രി​ക്കു​ന്നില്ല. ദൈ​വേ​ഷ്ട​ത്തി​ന്റെ മറ്റു വശങ്ങളും കണക്കി​ലെ​ടു​ക്കേ​ണ്ട​തി​ന്റെ ആവശ്യം ക്രിസ്‌ത്യാ​നി​കൾ തിരി​ച്ച​റി​യു​ന്നു. ഉദാഹ​ര​ണ​ത്തിന്‌, കുടും​ബത്തെ പോറ്റു​ന്ന​തി​നാ​യി ഒരുവൻ അധാർമി​ക​ത​യിൽ ഏർപ്പെ​ടു​ക​യോ കൊല​പാ​തകം നടത്തു​ക​യോ ചെയ്യു​ന്ന​തി​നെ ന്യായീ​ക​രി​ക്കാ​നാ​വില്ല. കാരണം, ബൈബിൾ അത്തരം പ്രവൃ​ത്തി​കളെ കുറ്റം വിധി​ക്കു​ന്നു. (ഉല്‌പത്തി 39:4-9 താരത​മ്യം ചെയ്യുക; യെശയ്യാ​വു 2:4; യോഹ​ന്നാൻ 17:14, 16) വ്യാജമത ലോക സാമ്രാ​ജ്യ​മായ മഹാബാ​ബി​ലോ​നിൽ നിന്നു പുറത്തു കടക്കാ​നുള്ള ആജ്ഞയ്‌ക്ക്‌ അനുസൃ​ത​മാ​യി ക്രിസ്‌ത്യാ​നി​കൾ പ്രവർത്തി​ക്കു​ന്ന​തും മർമ​പ്ര​ധാ​ന​മാണ്‌.—വെളി​പ്പാ​ടു 18:4, 5.

ഗോള​മെ​മ്പാ​ടും, ദൈവ​ജനം തൊഴി​ലു​മാ​യി ബന്ധപ്പെട്ട നിരവധി ബുദ്ധി​മു​ട്ടു​കൾ അനുഭ​വി​ക്കു​ന്നുണ്ട്‌. അവയെ​ല്ലാം പട്ടിക​പ്പെ​ടു​ത്തി ഓരോ​ന്നി​നെ കുറി​ച്ചും സുനി​ശ്ചിത നിയമങ്ങൾ ഉണ്ടാക്കാൻ ശ്രമി​ക്കു​ന്നതു നിരർഥ​ക​വും അസാധ്യ​വു​മാണ്‌. (2 കൊരി​ന്ത്യർ 1:24) തൊഴി​ലു​മാ​യി ബന്ധപ്പെട്ടു വ്യക്തി​പ​ര​മാ​യി തീരു​മാ​നങ്ങൾ എടുക്കു​മ്പോൾ ക്രിസ്‌ത്യാ​നി​കൾ കണക്കി​ലെ​ടു​ക്കേണ്ട ചില ഘടകങ്ങൾ നമുക്കു പരിചി​ന്തി​ക്കാം. 1983 മാർച്ച്‌ 1 ലക്കം വീക്ഷാ​ഗോ​പു​ര​ത്തിൽ, നമ്മുടെ ദൈവദത്ത മനസ്സാ​ക്ഷി​യിൽ നിന്നു പ്രയോ​ജനം നേടു​ന്ന​തി​നെ കുറി​ച്ചുള്ള ഒരു ലേഖന​ത്തിൽ, അവ ചർച്ച ചെയ്‌തി​രു​ന്നു. ആ ലേഖന​ത്തി​ലെ ഒരു ചതുരം രണ്ടു പ്രധാന ചോദ്യ​ങ്ങൾ ഉന്നയി​ച്ചിട്ട്‌ സഹായ​ക​മായ വിവരങ്ങൾ പ്രദാനം ചെയ്‌തി​രു​ന്നു.

ഒന്നാമത്തെ പ്രധാന ചോദ്യം: ബൈബിൾ ലൗകിക തൊഴി​ലി​നെ കുറ്റം വിധി​ക്കു​ന്നു​ണ്ടോ? അതേ കുറിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ മോഷണം, രക്തത്തിന്റെ ദുരു​പ​യോ​ഗം, വിഗ്ര​ഹാ​രാ​ധന എന്നിവയെ ബൈബിൾ കുറ്റം വിധി​ക്കു​ന്ന​താ​യി ആ വീക്ഷാ​ഗോ​പു​രം വ്യക്തമാ​ക്കി. ദൈവാം​ഗീ​കാ​രം ഇല്ലാത്ത അത്തരം പ്രവർത്ത​ന​ങ്ങളെ നേരിട്ടു പിന്തു​ണ​യ്‌ക്കുന്ന തൊഴി​ലു​ക​ളിൽ ഒരു ക്രിസ്‌ത്യാ​നി ഏർപ്പെ​ട​രുത്‌.

രണ്ടാമത്തെ ചോദ്യം: പ്രസ്‌തുത തൊഴിൽ ചെയ്യു​ന്നത്‌ കുറ്റം വിധി​ക്ക​പ്പെട്ട ഒരു നടപടി​യിൽ ഒരുവനെ പങ്കുകാ​ര​നാ​ക്കു​മോ? ഒരു ചൂതാട്ട കേന്ദ്ര​ത്തി​ലോ ഗർഭച്ഛി​ദ്ര ക്ലിനി​ക്കി​ലോ വേശ്യാ​ല​യ​ത്തി​ലോ ജോലി ചെയ്യുന്ന ഒരു വ്യക്തി, തിരു​വെ​ഴു​ത്തു വിരു​ദ്ധ​മായ നടപടി​ക്കു കൂട്ടു​നിൽക്കു​ക​യാ​കും ചെയ്യു​ന്നത്‌. അയാളു​ടെ അനുദിന ജോലി കേവലം അടിച്ചു​വാ​ര​ലോ ഫോണിൽ വിളി​ക്കു​ന്ന​വർക്കു മറുപടി പറയലോ ആയിരു​ന്നാ​ലും അത്തരം തൊഴി​ലിൽ ഏർപ്പെ​ടു​ക​വഴി അയാൾ ദൈവം കുറ്റം വിധി​ക്കുന്ന നടപടി​യെ പിന്തു​ണ​യ്‌ക്കു​ക​യാണ്‌.

മേൽപ്പറഞ്ഞ ചോദ്യ​ങ്ങളെ കുറിച്ച്‌ അപഗ്ര​ഥി​ക്കു​ന്നത്‌ വ്യക്തി​പ​ര​മായ തീരു​മാ​ന​ത്തി​ലെ​ത്താൻ സഹായി​ക്കു​ന്ന​താ​യി തൊഴിൽ സംബന്ധ​മായ തീരു​മാ​ന​ങ്ങളെ അഭിമു​ഖീ​ക​രി​ക്കുന്ന പല ക്രിസ്‌ത്യാ​നി​ക​ളും കണ്ടെത്തി​യി​ട്ടുണ്ട്‌.

പരിചി​ന്തി​ച്ച ഈ രണ്ടു ചോദ്യ​ങ്ങ​ളിൽ നിന്നും, ഒരു സത്യാ​രാ​ധകൻ വ്യാജമത സംഘട​ന​യിൽ നേരിട്ട്‌—ഒരു പള്ളിയി​ലോ പള്ളിക്കു​വേ​ണ്ടി​യോ—തൊഴിൽ ചെയ്യരു​താ​ത്ത​തി​ന്റെ കാരണം ഒരുവനു മനസ്സി​ലാ​ക്കാ​വു​ന്ന​താണ്‌. ‘എന്റെ ജനമാ​യു​ള്ളോ​രേ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യി​രി​പ്പാൻ അവളെ വിട്ടു​പോ​രു​വിൻ’ എന്നു വെളി​പ്പാ​ടു 18:4 കൽപ്പി​ക്കു​ന്നു. വ്യാജാ​രാ​ധന ഉന്നമി​പ്പി​ക്കുന്ന ഒരു മതസ്ഥാ​പ​ന​ത്തിൽ സ്ഥിരമാ​യി ജോലി ചെയ്യുന്ന ഒരു വ്യക്തി, മഹാബാ​ബി​ലോ​ന്റെ പ്രവൃ​ത്തി​ക​ളി​ലും പാപങ്ങ​ളി​ലും പങ്കാളി ആയിത്തീ​രും. പ്രസ്‌തുത വ്യക്തി ഉദ്യാ​ന​പാ​ല​ക​നോ കെട്ടി​ട​ത്തി​ന്റെ ചുമതല വഹിക്കു​ന്ന​യാ​ളോ അറ്റകു​റ്റ​പ്പ​ണി​ക്കാ​ര​നോ കണക്കെ​ഴു​ത്തു​കാ​ര​നോ ആയിട്ടാ​ണു ജോലി നോക്കു​ന്ന​തെ​ങ്കി​ലും അയാളു​ടെ ജോലി സത്യമ​ത​ത്തി​നു വിരു​ദ്ധ​മായ ആരാധ​ന​യു​ടെ ഉന്നമന​ത്തിന്‌ ഇടയാ​ക്കും. തന്നെയു​മല്ല, പള്ളി മനോ​ഹ​ര​മാ​ക്കു​ന്ന​തോ അതിന്റെ അറ്റകുറ്റ പണികൾ ചെയ്യു​ന്ന​തോ മതപരി​പാ​ടി​കൾക്കു പിന്തുണ നൽകു​ന്ന​തോ കാണു​മ്പോൾ അയാൾ ആ മതവു​മാ​യി ബന്ധപ്പെട്ട വ്യക്തി​യാ​ണെന്നേ ആളുകൾ സ്വാഭാ​വി​ക​മാ​യും നിഗമനം ചെയ്യൂ.

എന്നാൽ, ഒരു പള്ളിയി​ലോ മതസ്ഥാ​പ​ന​ത്തി​ലോ സ്ഥിരം ജോലി​ക്കാ​രൻ അല്ലാത്ത ഒരാളു​ടെ കാര്യ​മോ? ഒരുപക്ഷേ അയാളെ പള്ളിയു​ടെ ബേസ്‌മെ​ന്റി​ലുള്ള, പൊട്ടി​പ്പോയ പൈപ്പു നന്നാക്കാൻ അടിയ​ന്തി​ര​മാ​യി വിളി​ച്ച​താ​കാം. അത്‌, പള്ളിയു​ടെ മച്ച്‌ മോടി​പി​ടി​പ്പി​ക്കു​ന്നതു പോലുള്ള കോൺട്രാ​ക്‌റ്റ്‌ വേലയിൽനി​ന്നു വ്യത്യ​സ്‌ത​മാ​യി​രി​ക്കി​ല്ലേ?

വീണ്ടും, പല തരത്തി​ലുള്ള സ്ഥിതി​വി​ശേ​ഷങ്ങൾ ഉയർന്നു​വ​ന്നേ​ക്കാം. അതു​കൊണ്ട്‌ ആ വീക്ഷാ​ഗോ​പു​രം ചർച്ച​ചെയ്‌ത കൂടു​ത​ലായ അഞ്ചു ഘടകങ്ങൾ നമുക്കു പരി​ശോ​ധി​ക്കാം:

1. ആ ജോലി ബൈബിൾപ​ര​മാ​യി തെറ്റല്ലാത്ത ഒരു പൊതു സേവന​മാ​ണോ? ഒരു പോസ്റ്റു​മാ​ന്റെ കാര്യ​മെ​ടു​ക്കാം. തൊഴി​ലി​ന്റെ ഭാഗമാ​യി തപാൽ എത്തിക്കുന്ന ഒരു കെട്ടിടം പള്ളിയോ ഗർഭച്ഛി​ദ്ര ക്ലിനി​ക്കോ ആണെങ്കിൽ കുറ്റം വിധി​ക്ക​പ്പെ​ടുന്ന ഒരു നടപടി​യിൽ അദ്ദേഹം പങ്കുപ​റ്റു​ന്ന​താ​യി അത്‌ അർഥമാ​ക്കു​ന്നില്ല. പള്ളിയോ അത്തരം ഒരു ക്ലിനി​ക്കോ ഉൾപ്പെടെ എല്ലാ കെട്ടി​ട​ങ്ങ​ളു​ടെ​യും ജാലക​ങ്ങ​ളി​ലൂ​ടെ സൂര്യ​പ്ര​കാ​ശം കടന്നു​വ​രാൻ ദൈവം അനുവ​ദി​ക്കു​ന്നു. (പ്രവൃ​ത്തി​കൾ 14:16, 17) താൻ ദിനം തോറും സകലർക്കും ഒരു പൊതു​സേ​വനം അനുഷ്‌ഠി​ക്കു​ന്നു എന്നു പോസ്റ്റു​മാ​നായ ഒരു ക്രിസ്‌ത്യാ​നി നിഗമനം ചെയ്‌തേ​ക്കാം. ഒരു അടിയ​ന്തിര സേവന​ത്തിൽ ഏർപ്പെ​ടുന്ന ഒരു ക്രിസ്‌ത്യാ​നി​യു​ടെ കാര്യ​ത്തി​ലും ഇതുത​ന്നെ​യാ​ണു വാസ്‌തവം. പള്ളിയി​ലെ പൈപ്പി​ന്റെ ചോർച്ച പരിഹ​രി​ക്കാൻ ഒരു പ്ലംബറെ വിളി​ക്കു​ക​യോ പള്ളി ശുശ്രൂ​ഷ​യ്‌ക്കി​ട​യിൽ തലകറങ്ങി വീഴുന്ന ഒരാളെ ആശുപ​ത്രി​യിൽ എത്തിക്കാൻ ഒരു ആംബു​ലൻസു​കാ​രനെ വിളി​ക്കു​ക​യോ ചെയ്യു​ന്ന​തു​പോ​ലെ​യാണ്‌ ഇത്‌. ആകസ്‌മി​ക​മായ ഒരു മനുഷ്യ​ത്വ സേവനം മാത്ര​മാ​യി അതിനെ കരുതി​യാൽ മതിയാ​കും.

2. ചെയ്യ​പ്പെ​ടുന്ന കാര്യ​ത്തിൽ ഒരു വ്യക്തിക്ക്‌ എത്ര​ത്തോ​ളം അധികാ​ര​മുണ്ട്‌? ഒരു കട സ്വന്തമാ​യുള്ള ക്രിസ്‌ത്യാ​നി വിഗ്ര​ഹങ്ങൾ, ആത്മവി​ദ്യ​യു​മാ​യി ബന്ധപ്പെട്ട രക്ഷാക​വ​ചങ്ങൾ, സിഗര​റ്റു​കൾ, രക്തത്തിൽ നിന്ന്‌ ഉണ്ടാക്കുന്ന സോ​സേ​ജു​കൾ എന്നിവ വിൽക്കു​ക​യോ അവയ്‌ക്ക്‌ ഓർഡർ ചെയ്യു​ക​യോ ഇല്ല. കടയുടമ എന്ന നിലയിൽ കാര്യങ്ങൾ അദ്ദേഹ​ത്തി​ന്റെ നിയ​ന്ത്ര​ണ​ത്തി​ലാണ്‌. സിഗര​റ്റു​ക​ളോ വിഗ്ര​ഹ​ങ്ങ​ളോ വിറ്റു ലാഭമു​ണ്ടാ​ക്കാൻ ആളുകൾ അദ്ദേഹ​ത്തി​ന്റെ​മേൽ സമ്മർദം ചെലു​ത്തി​യേ​ക്കാം. എന്നാൽ, അദ്ദേഹം എപ്പോ​ഴും തിരു​വെ​ഴുത്ത്‌ അധിഷ്‌ഠി​ത​മായ തന്റെ വിശ്വാ​സ​ത്തി​നു ചേർച്ച​യി​ലേ പ്രവർത്തി​ക്കു​ക​യു​ള്ളൂ. നേരെ​മ​റിച്ച്‌, ഒരു ക്രിസ്‌ത്യാ​നി ഭക്ഷണ സാധനങ്ങൾ വിൽക്കുന്ന  ഒരു വലിയ കടയിലെ ജോലി​ക്കാ​രൻ മാത്ര​മാ​ണെ​ങ്കിൽ അദ്ദേഹ​ത്തി​നു പണം സ്വീക​രി​ക്കാ​നോ തറ മിനു​ക്കാ​നോ വരവു ചെലവു കണക്കുകൾ സൂക്ഷി​ക്കാ​നോ ഉള്ള ജോലി ലഭി​ച്ചെന്നു വരാം. ഓർഡർ ചെയ്യു​ന്ന​തോ വിൽക്കു​ന്ന​തോ ആയ ഉത്‌പ​ന്ന​ങ്ങ​ളു​ടെ കാര്യ​ങ്ങ​ളി​ലൊ​ന്നും—അതിൽ സിഗര​റ്റു​ക​ളും മത വിശേഷ ദിനങ്ങൾക്കാ​യുള്ള വസ്‌തു​ക്ക​ളും പോലെ ചോദ്യം ചെയ്യത്തക്ക ചില വസ്‌തു​ക്കൾ ഉൾപ്പെ​ട്ടി​രു​ന്നാ​ലും—അദ്ദേഹ​ത്തി​നു യാതൊ​രു നിയ​ന്ത്ര​ണ​വു​മില്ല. a (ലൂക്കൊസ്‌ 7:8-ഉം 17:7, 8-ഉം താരത​മ്യം ചെയ്യുക.) ഇത്‌ അടുത്ത ആശയവു​മാ​യി ബന്ധപ്പെ​ട്ടി​രി​ക്കു​ന്നു.

3. വ്യക്തി എത്ര​ത്തോ​ളം ഉൾപ്പെ​ട്ടി​രി​ക്കു​ന്നു? നമുക്കു വീണ്ടും ഒരു കടയുടെ കാര്യ​മെ​ടു​ക്കാം. ഒരു കാഷ്യ​റാ​യി ജോലി ചെയ്യു​ക​യോ സാധനങ്ങൾ അടുക്കി​വെ​ക്കു​ക​യോ ചെയ്യുന്ന ഒരു ജോലി​ക്കാ​രൻ വല്ലപ്പോ​ഴു​മൊ​ക്കെ സിഗര​റ്റു​ക​ളോ മതപര​മായ വസ്‌തു​ക്ക​ളോ കൈകാ​ര്യം ചെയ്‌തെന്നു വരാം. എന്നാൽ അത്‌ അദ്ദേഹ​ത്തി​ന്റെ ജോലി​യു​ടെ ഒരു ചെറിയ അംശം മാത്ര​മാണ്‌. അതേ കടയിൽ പുകയില വിൽക്കുന്ന കൗണ്ടറിൽ ജോലി ചെയ്യുന്ന ജോലി​ക്കാ​ര​നിൽ നിന്ന്‌ എത്രയോ വ്യത്യ​സ്‌തം! മുഴു​ദി​വ​സ​വും അയാളു​ടെ തൊഴിൽ അതാണ്‌—ക്രിസ്‌തീയ വിശ്വാ​സ​ങ്ങൾക്കു നേരെ വിപരീ​ത​മാ​ണത്‌. (2 കൊരി​ന്ത്യർ 7:1) തൊഴി​ലി​നെ കുറിച്ചു പരിചി​ന്തി​ക്കു​മ്പോൾ പ്രസ്‌തുത തൊഴി​ലിൽ ഒരു വ്യക്തി എത്ര​ത്തോ​ളം ഉൾപ്പെ​ടേണ്ടി വരുന്നു അല്ലെങ്കിൽ അതുമാ​യി ബന്ധപ്പെ​ടേണ്ടി വരുന്നു എന്ന വസ്‌തുത പരിചി​ന്തി​ക്കേ​ണ്ട​തി​ന്റെ പ്രാധാ​ന്യം ഇതു വ്യക്തമാ​ക്കു​ന്നു.

4. ശമ്പളം എവി​ടെ​നിന്ന്‌, ജോലി ചെയ്യുന്ന സ്ഥലം ഏത്‌? രണ്ടു സാഹച​ര്യ​ങ്ങൾ പരിചി​ന്തി​ക്കുക. പൊതു ജനങ്ങളു​ടെ മുമ്പാകെ തങ്ങളുടെ പ്രതി​ച്ഛായ മെച്ച​പ്പെ​ടു​ത്തു​ന്ന​തിന്‌ ഒരു ഗർഭച്ഛി​ദ്ര ക്ലിനിക്‌, ചുറ്റു​വ​ട്ട​ത്തുള്ള തെരു​വു​കൾ വൃത്തി​യാ​ക്കാൻ ഒരു മനുഷ്യ​നെ കൂലിക്കു വിളി​ക്കു​ന്നു. അയാൾക്കു വേതനം ലഭിക്കു​ന്നതു ഗർഭച്ഛി​ദ്ര ക്ലിനി​ക്കിൽ നിന്നാ​ണെ​ങ്കി​ലും അദ്ദേഹം അവിടു​ത്തെ ജോലി​ക്കാ​രനല്ല. മാത്രമല്ല, ജോലി​സ​മ​യത്ത്‌ ആരും അദ്ദേഹത്തെ ക്ലിനി​ക്കിൽ കാണു​ന്നു​മില്ല. അദ്ദേഹം തിരു​വെ​ഴു​ത്തു വിരു​ദ്ധ​മ​ല്ലാത്ത ഒരു പൊതു പ്രവർത്തനം നടത്തു​ന്ന​താ​യി​ട്ടാണ്‌ ആളുകൾ വീക്ഷി​ക്കു​ന്നത്‌—ആരു വേതനം നൽകുന്നു എന്നതു പ്രസക്തമല്ല. ഇനി മറ്റൊരു സാഹച​ര്യം പരിചി​ന്തി​ക്കുക. വ്യഭി​ചാ​രം നിയമ​പ​ര​മാ​ക്കിയ ഒരു രാഷ്‌ട്ര​ത്തിൽ ലൈം​ഗി​ക​മാ​യി സംക്ര​മി​ക്കുന്ന രോഗ​ത്തി​ന്റെ വ്യാപനം കുറയ്‌ക്കു​ന്ന​തി​നു വേശ്യാ​ല​യ​ങ്ങ​ളിൽ ചെന്നു സേവനം അനുഷ്‌ഠി​ക്കാൻ പൊതു ആരോഗ്യ സേവന വകുപ്പ്‌ ഒരു നേഴ്‌സി​നെ നിയോ​ഗിച്ച്‌ അവർക്കു തക്ക വേതനം നൽകുന്നു. അവർക്കു വേതനം നൽകു​ന്നത്‌ പൊതു ആരോഗ്യ സേവന വകുപ്പാ​ണെ​ങ്കി​ലും അവരുടെ വേല മുഴു​സ​മ​യ​വും വേശ്യാ​ല​യ​ത്തി​ലാണ്‌, മാത്രമല്ല അവർ അധാർമി​കത കൂടുതൽ സുരക്ഷി​ത​വും സ്വീകാ​ര്യ​വും ആക്കിത്തീർക്കു​ക​യും ചെയ്യുന്നു. ഒരു വ്യക്തിക്ക്‌ എവി​ടെ​നി​ന്നു വേതനം ലഭിക്കു​ന്നു എന്നതും അയാൾ എവിടെ ജോലി ചെയ്യുന്നു എന്നതും കണക്കി​ലെ​ടു​ക്കേ​ണ്ട​തി​ന്റെ കാരണം ഈ ഉദാഹ​ര​ണങ്ങൾ വ്യക്തമാ​ക്കു​ന്നു.

5. ചില ജോലി​കൾ ചെയ്യു​ന്ന​തി​ന്റെ ഫലം എന്താണ്‌; അതു സ്വന്തം മനസ്സാ​ക്ഷി​യെ മുറി​പ്പെ​ടു​ത്തു​മോ അല്ലെങ്കിൽ മറ്റുള്ള​വർക്ക്‌ ഇടർച്ച വരുത്തു​മോ? നമ്മു​ടെ​യും മറ്റുള്ള​വ​രു​ടെ​യും മനസ്സാക്ഷി പരിഗ​ണി​ക്കേ​ണ്ട​തുണ്ട്‌. ഒരു തൊഴിൽ (അത്‌ എവിടെ ചെയ്യുന്നു എന്നതും വേതന​ത്തി​ന്റെ ഉറവി​ട​വും) മിക്ക ക്രിസ്‌ത്യാ​നി​കൾക്കും ഒരു പ്രശ്‌ന​മാ​യി തോന്നു​ന്നി​ല്ലെ​ങ്കി​ലും അതു തന്റെ വ്യക്തി​പ​ര​മായ മനസ്സാ​ക്ഷി​യെ ബാധി​ക്കും എന്ന്‌ ഒരാൾ വിചാ​രി​ച്ചേ​ക്കാം. ഉത്തമ മാതൃക വെച്ച പൗലൊസ്‌ അപ്പൊ​സ്‌തലൻ ഇങ്ങനെ പ്രസ്‌താ​വി​ച്ചു. “നല്ലവരാ​യി നടപ്പാൻ ഇച്ഛിക്ക​കൊ​ണ്ടു ഞങ്ങൾക്കു നല്ല മനസ്സാക്ഷി ഉണ്ടെന്നു ഞങ്ങൾ ഉറച്ചി​രി​ക്കു​ന്നു.” (എബ്രായർ 13:18) നമ്മെ അസ്വസ്ഥ​രാ​ക്കുന്ന പ്രവർത്ത​ന​ങ്ങ​ളിൽ ഏർപ്പെ​ടു​ന്നത്‌ ഒഴിവാ​ക്കണം; എങ്കിലും മറ്റൊ​രാ​ളു​ടെ മനസ്സാ​ക്ഷി​യെ നാം കുറ്റം വിധി​ക്ക​രുത്‌. ഒരു പ്രത്യേക ജോലി ചെയ്യു​ന്നതു ബൈബി​ളി​നു വിരു​ദ്ധമല്ല എന്ന്‌ ഒരു ക്രിസ്‌ത്യാ​നി​ക്കു തോന്നി​യേ​ക്കാം. എന്നാൽ അതു സഭയിൽ അനേകർക്കും സമൂഹ​ത്തി​ലുള്ള ജനങ്ങൾക്കും അസ്വസ്ഥത ഉളവാ​ക്കും എന്ന്‌ അദ്ദേഹം തിരി​ച്ച​റി​യേ​ണ്ട​തുണ്ട്‌. “ശുശ്രൂ​ഷെക്കു ആക്ഷേപം വരാതി​രി​ക്കേ​ണ്ട​തി​ന്നു ഞങ്ങൾ ഒന്നിലും ഇടർച്ചെക്കു ഹേതു കൊടു​ക്കാ​തെ സകലത്തി​ലും ഞങ്ങളെ​ത്തന്നേ ദൈവ​ത്തി​ന്റെ ശുശ്രൂ​ഷ​ക​ന്മാ​രാ​യി കാണി​ക്കു​ന്നു” എന്നു പറഞ്ഞ​പ്പോൾ പൗലൊസ്‌ ശരിയായ മനോ​ഭാ​വം പ്രതി​ഫ​ലി​പ്പി​ക്കുക ആയിരു​ന്നു.—2 കൊരി​ന്ത്യർ 6:3, 4.

ഇപ്പോൾ നമുക്ക്‌, പള്ളി​ക്കെ​ട്ടി​ട​ത്തിൽ ജോലി ചെയ്യു​ന്നതു സംബന്ധിച്ച ചോദ്യ​ത്തി​ലേക്കു മടങ്ങാം. പുതിയ ജനാലകൾ പിടി​പ്പി​ക്കുക, കാർപ്പെ​റ്റു​കൾ വൃത്തി​യാ​ക്കുക, ചൂളയു​ടെ കേടു​തീർക്കുക തുടങ്ങി​യ​വ​യു​ടെ കാര്യ​ത്തിൽ മേൽപ്പറഞ്ഞ ഘടകങ്ങൾ എങ്ങനെ ഉൾപ്പെ​ട്ടി​രി​ക്കു​ന്നു?

അധികാ​രം സംബന്ധിച്ച സംഗതി അനുസ്‌മ​രി​ക്കുക. അത്തരം പള്ളി ജോലി​കൾ ഏറ്റെടു​ത്തു നടത്തണോ എന്നു തീരു​മാ​നി​ക്കാൻ അധികാ​ര​മുള്ള ഉടമയോ മാനേ​ജ​രോ ആണോ പ്രസ്‌തുത ക്രിസ്‌ത്യാ​നി? വ്യാജാ​രാ​ധ​ന​യു​ടെ ഉന്നമന​ത്തി​നാ​യി ചില മതങ്ങളെ സഹായി​ക്കുന്ന ജോലി​യി​ലോ കോൺട്രാ​ക്‌റ്റ്‌ വേലയി​ലോ ഏർപ്പെ​ട്ടു​കൊണ്ട്‌ മഹാബാ​ബി​ലോ​നു​മാ​യുള്ള പങ്കാളി​ത്ത​ത്തിന്‌ ഒരു ക്രിസ്‌ത്യാ​നി തന്റെ അധികാ​രം വിനി​യോ​ഗി​ക്കു​മോ? സ്വന്തം കടയിൽ സിഗര​റ്റു​ക​ളോ വിഗ്ര​ഹ​ങ്ങ​ളോ വിൽക്കാൻ തീരു​മാ​നി​ക്കു​ന്ന​തി​നു തുല്യ​മാ​യി​രി​ക്കി​ല്ലേ അത്‌?—2 കൊരി​ന്ത്യർ 6:14-16.

ഏതു ജോലി ഏറ്റെടു​ക്കണം എന്നു തീരു​മാ​നി​ക്കാൻ അധികാ​ര​മി​ല്ലാത്ത ഒരു ജോലി​ക്കാ​ര​നാ​ണു ക്രിസ്‌ത്യാ​നി എങ്കിൽ എവിടെ ജോലി ചെയ്യേണ്ടി വരുന്നു, എത്ര​ത്തോ​ളം അതിൽ ഉൾപ്പെ​ടേണ്ടി വരുന്നു എന്നിങ്ങനെ മറ്റു കാര്യ​ങ്ങ​ളും പരിചി​ന്തി​ക്കേ​ണ്ട​തുണ്ട്‌. ഒരു പ്രത്യേക ചടങ്ങിൽ ഉപയോ​ഗി​ക്കു​ന്ന​തി​നു പുതിയ കസേരകൾ എത്തിക്കാ​നോ യഥാസ്ഥാ​നത്തു ക്രമീ​ക​രി​ക്കാ​നോ അല്ലെങ്കിൽ പള്ളിയിൽ ഉണ്ടായ തീപി​ടു​ത്തം പടരു​ന്ന​തി​നു മുമ്പ്‌ അതു കെടു​ത്തി​ക്ക​ള​യു​ന്നതു പോലുള്ള മനുഷ്യ​ത്വ​പ​ര​മായ സേവനങ്ങൾ അനുഷ്‌ഠി​ക്കാ​നോ തൊഴി​ലു​ടമ ജോലി​ക്കാ​ര​നോട്‌ ആവശ്യ​പ്പെ​ടു​ന്നെ​ങ്കി​ലോ? അത്‌ ബിസി​ന​സിൽ ഏർപ്പെ​ട്ടി​രി​ക്കുന്ന ഒരാൾ, പള്ളി​ക്കെ​ടി​ടം പെയി​ന്റ​ടി​ക്കു​ക​യോ അതിന്റെ ഭംഗി വർധി​പ്പി​ക്കാൻ ദിവസേന ഉദ്യാ​ന​പ​രി​പാ​ലനം നടത്തു​ക​യോ ചെയ്‌തു​കൊണ്ട്‌ ദീർഘ​നേരം ചെലവി​ടു​ന്ന​തിൽ നിന്നു വ്യത്യ​സ്‌തം ആയിരി​ക്കു​ന്ന​താ​യി അനേക​രും മനസ്സി​ലാ​ക്കും. പതിവായ അല്ലെങ്കിൽ ദീർഘ​കാ​ലം നീണ്ടു​നിൽക്കുന്ന തരം തൊഴി​ലു​കൾ, താൻ യാതൊ​രു ബന്ധവും പുലർത്തു​ന്നി​ല്ലെന്ന്‌ അവകാ​ശ​പ്പെ​ടുന്ന ഒരു മതവു​മാ​യി അനേക​രും ആ ക്രിസ്‌ത്യാ​നി​യെ ബന്ധപ്പെ​ടു​ത്താൻ  ഇടയാ​ക്കി​യേ​ക്കും. മാത്രമല്ല, അനേകർക്കും അത്‌ ഇടർച്ച​യ്‌ക്കും കാരണ​മാ​യേ​ക്കാം.—മത്തായി 13:41; 18:6, 7.

തൊഴി​ലു​മാ​യി ബന്ധപ്പെട്ടു നാം പ്രധാ​ന​പ്പെട്ട നിരവധി കാര്യങ്ങൾ പരിചി​ന്തി​ച്ചു. വ്യാജ​മ​ത​വു​മാ​യി ബന്ധപ്പെട്ട ഒരു പ്രത്യേക ചോദ്യ​ത്തിന്‌ ഉത്തരം നൽകു​ന്ന​തി​നാ​യി​രു​ന്നു അത്‌. എങ്കിലും മറ്റു തൊഴി​ലു​ക​ളോ​ടുള്ള ബന്ധത്തി​ലും അതു ബാധക​മാ​ക്കാ​വു​ന്ന​താണ്‌. ഓരോ തൊഴി​ലി​ന്റെ​യും കാര്യ​ത്തിൽ തനതായ സാഹച​ര്യ​ത്തി​നു ചേർച്ച​യിൽ പ്രാർഥ​നാ​പൂർവ​ക​മായ പരിചി​ന്തനം ആവശ്യ​മാണ്‌. മേൽപ​രാ​മർശിച്ച വസ്‌തു​തകൾ യഹോ​വ​യു​ടെ മുമ്പാകെ നേരായ മാർഗ​ത്തിൽ നടക്കാ​നുള്ള തങ്ങളുടെ ആത്മാർഥ​മായ ആഗ്രഹ​ത്തി​നു ചേർച്ച​യിൽ മനഃസാ​ക്ഷി​പൂർവം തീരു​മാ​ന​മെ​ടു​ക്കാൻ നിരവധി ക്രിസ്‌ത്യാ​നി​കളെ സഹായി​ച്ചി​ട്ടുണ്ട്‌.—സദൃശ​വാ​ക്യ​ങ്ങൾ 3:5, 6; യെശയ്യാ​വു 2:3; എബ്രായർ 12:12-14.

[അടിക്കു​റി​പ്പു​കൾ]