വെൻഡ എന്ന ഫലഭൂ​യിഷ്‌ഠ ദേശം

കഴിഞ്ഞ പത്തു വർഷമാ​യി, ഞാനും ഭാര്യ​യും വെൻഡ​ക്കാ​രു​ടെ ഇടയിൽ മുഴു​സമയ സുവി​ശേ​ഷ​ക​രാ​യി പ്രവർത്തി​ക്കു​ന്നു. ദക്ഷിണാ​ഫ്രി​ക്ക​യു​ടെ വടക്കുള്ള ലിം​പോ​പോ നദിയു​ടെ തെക്കു ഭാഗത്താണ്‌ വെൻഡ​ക്കാർ വസിക്കു​ന്നത്‌. കഴിഞ്ഞ നൂറ്റാ​ണ്ടു​ക​ളിൽ ലിം​പോ​പോ കടന്നെ​ത്തിയ അനേകം ഗോ​ത്രങ്ങൾ ചേർന്നു​ണ്ടാ​യ​താണ്‌ ഈ ജനത. തങ്ങളുടെ പൂർവി​കർ ഇവിടെ വാസമു​റ​പ്പി​ച്ചിട്ട്‌ 1,000-ത്തിലധി​കം വർഷമാ​യെ​ന്നാ​ണു ചില വെൻഡ​ക്കാർ പറയു​ന്നത്‌.

വാസ്‌ത​വ​ത്തിൽ, പ്രാചീന സംസ്‌കാ​രം നിലവി​ലി​രുന്ന മാപ്പുൺഗു​ബ്‌വെ എന്ന രാജ്യ​ത്തി​ന്റെ ഭാഗമാ​യി​രു​ന്നു ഒരിക്കൽ ഈ പ്രദേശം. ദക്ഷിണാ​ഫ്രി​ക്ക​യി​ലെ ആദ്യത്തെ വലിയ നഗര അധിവാ​സിത പ്രദേ​ശ​മാ​യി​രു​ന്നു ഇവിടം. ഇവിടത്തെ ആളുകൾ, പടിഞ്ഞാറ്‌ ബോട്‌സ്വാ​ന മുതൽ കിഴക്ക്‌ മൊസാ​മ്പിക്ക്‌ വരെയുള്ള, വിശാ​ല​മായ ലിം​പോ​പോ നദീ താഴ്‌വ​ര​യു​ടെ​മേൽ നിയ​ന്ത്രണം പുലർത്തി​യി​രു​ന്നു. പൊ.യു. 900 മുതൽ 1100 വരെയുള്ള കാലയ​ള​വിൽ അറബി വാണി​ഭ​ക്കാർക്ക്‌ ആനക്കൊമ്പ്‌, കാണ്ടാ​മൃ​ഗ​ക്കൊമ്പ്‌, മൃഗ​ത്തോൽ, ചെമ്പ്‌ എന്നിവ​യും, സ്വർണം പോലും, ലഭിച്ചി​രു​ന്നത്‌ മാപ്പുൺഗു​ബ്‌വെ​യിൽ നിന്നാണ്‌. വിദഗ്‌ധ​മാ​യി കൊത്തി​യു​ണ്ടാ​ക്കി സ്വർണം പൂശിയ വസ്‌തു​ക്കൾ മാപ്പുൺഗു​ബ്‌വെ എന്നു വിളി​ക്ക​പ്പെ​ടുന്ന ഒരു രാജകീയ ശ്‌മശാ​ന​ക്കു​ന്നിൽനി​ന്നു കുഴി​ച്ചെ​ടു​ത്തി​ട്ടുണ്ട്‌. “ആഫ്രി​ക്ക​യു​ടെ തെക്കൻ പ്രദേ​ശത്തു സ്വർണ​ഖ​നനം നടന്നി​രു​ന്നു എന്നതിന്റെ ആദ്യകാല സൂചനക”ളിൽ പെടു​ന്ന​വ​യാണ്‌ ഇവയെന്ന്‌ ഒരു വിജ്ഞാ​ന​കോ​ശം പറയുന്നു.

ഇപ്പോൾ ഇവിടെ സ്വർണ​ഖ​നനം നടക്കു​ന്നില്ല. ഇന്ന്‌ വെൻഡ ഫലഭൂ​യി​ഷ്‌ഠ​ത​യ്‌ക്കു പ്രസി​ദ്ധ​മാണ്‌. സോട്ട്‌പാൻസ്‌ബർഗ്‌ പർവത​നി​ര​കൾക്കു തെക്കായി സസ്യങ്ങൾ തഴച്ചു​വ​ള​രുന്ന ഒരു താഴ്‌വര കാണാം. അവോ​ക്കാ​ഡോ, വാഴപ്പഴം, മാമ്പഴം, പേരയ്‌ക്ക തുടങ്ങി​യവ ഇവിടെ സമൃദ്ധ​മാ​യി ഉണ്ടാകു​ന്നു. പീക്കൻ, മെക്കാ​ഡ​മിയ എന്നീ കായ്‌കൾക്കു പുറമേ പച്ചക്കറി​ക​ളും ഇവിടെ സുലഭ​മാണ്‌. ഇവയിൽ ചീരയു​ടേതു പോലെ രുചി​യുള്ള, തദ്ദേശീ​യർക്കു വളരെ പ്രിയ​ങ്ക​ര​മായ കാട്ടു മുറൊ​ഹൊ​യും ഉൾപ്പെ​ടു​ന്നു.

വെൻഡ​ക്കാർ സമാധാ​ന​കാം​ക്ഷി​ക​ളും അതിഥി​പ്രി​യ​രും ആണ്‌. അപ്രതീ​ക്ഷി​ത​മാ​യി എത്തുന്ന അതിഥി​ക്കു പോലും കോഴി​ക്കറി ഉണ്ടാക്കി​ക്കൊ​ടു​ക്കാൻ കുടും​ബ​നാ​ഥൻ ആവശ്യ​പ്പെ​ടുക സാധാ​ര​ണ​മാണ്‌. എന്നിട്ട്‌ ചോളം കൊണ്ട്‌ ഉണ്ടാക്കുന്ന തദ്ദേശീ​യ​രു​ടെ പ്രധാന ഭക്ഷണമായ ബുസ്‌വ​യോ​ടൊ​പ്പം അതു കഴിക്കും. മടങ്ങി​പ്പോ​കു​മ്പോൾ, കുടും​ബ​നാ​ഥൻ അതിഥി​യോ​ടൊ​പ്പം കുറെ ദൂരം ചെല്ലും. സന്ദർശ​ക​നോട്‌ ആദരവു പ്രകട​മാ​ക്കുന്ന ഒരു പരമ്പരാ​ഗത മാർഗ​മാണ്‌ ഇത്‌. തല കുമ്പിട്ട്‌, ഒരു കൈ മറ്റേ കൈമേൽ കുറുകെ വെച്ചു തെന്നി​ച്ചു​കൊണ്ട്‌ ഊഷ്‌മ​ള​മായ വിധത്തിൽ സന്ദർശ​കനെ അഭിവാ​ദ്യം ചെയ്യാൻ കുട്ടി​കളെ പഠിപ്പി​ക്കു​ന്നു. വെൻഡ​ക്കാ​രായ രണ്ടു സ്‌ത്രീ​കൾ ഈ പരമ്പരാ​ഗത രീതി​യിൽ പരസ്‌പരം അഭിവാ​ദനം ചെയ്യു​ന്നത്‌ നിങ്ങൾക്ക്‌ ഈ പേജിൽ കാണാം.

ബുദ്ധി​മു​ട്ടുള്ള ഭാഷ

യൂറോ​പ്യൻ വംശജർക്ക്‌ അത്ര എളുപ്പം വശമാ​ക്കാൻ കഴിയു​ന്നതല്ല വെൻഡ ഭാഷ. പല വാക്കു​ക​ളും എഴുതു​ന്നത്‌ ഒരു​പോ​ലെ ആണെങ്കി​ലും ഉച്ചരി​ക്കു​ന്നതു പല വിധങ്ങ​ളി​ലാണ്‌. അതാണ്‌ ഒരു ബുദ്ധി​മുട്ട്‌. ഒരിക്കൽ, വെൻഡ​യി​ലെ യഹോ​വ​യു​ടെ സാക്ഷി​ക​ളു​ടെ ഒരു സഭയിൽ ഞാനൊ​രു ബൈബി​ള​ധി​ഷ്‌ഠിത  പ്രസംഗം നടത്തു​ക​യാ​യി​രു​ന്നു. എല്ലാ വ്യക്തി​ക​ളോ​ടും സംസാ​രി​ക്കു​ന്ന​തി​നു സദസ്യരെ പ്രോ​ത്സാ​ഹി​പ്പി​ക്കാൻ ഞാൻ ശ്രമിച്ചു. സദസ്സി​ലി​രുന്ന ഒരാൾക്കു ചിരി​യ​ട​ക്കാൻ കഴിഞ്ഞില്ല. കാരണം, “എല്ലാ വ്യക്തി​ക​ളോ​ടും” എന്നതിനു പകരം “എല്ലാ വിരലു​ക​ളോ​ടും” എന്നാണു ഞാൻ പറഞ്ഞത്‌.

ഒരിക്കൽ, പരസ്യ സാക്ഷീ​കരണ വേലയിൽ ഞാൻ വെൻഡ ഭാഷയിൽ സംസാ​രി​ച്ച​പ്പോൾ, “എനിക്ക്‌ ഇംഗ്ലീഷ്‌ അറിയില്ല” എന്ന്‌ ഒരു സ്‌ത്രീ പറഞ്ഞു. ഞാൻ സംസാ​രി​ച്ചതു സാമാ​ന്യം ഭേദപ്പെട്ട വെൻഡ ആണെന്നാ​യി​രു​ന്നു എന്റെ വിചാരം, എന്നാൽ അവർ കരുതി​യ​തോ അത്‌ ഇംഗ്ലീഷ്‌ ആണെന്നും! മറ്റൊരു അവസര​ത്തിൽ വീട്ടിലെ കുടും​ബ​നാ​ഥ​നോ​ടു സംസാ​രി​ക്കാൻ ആഗ്രഹി​ക്കു​ന്നു എന്നു ഞാൻ അവിടത്തെ ഒരു കുട്ടി​യോ​ടു പറഞ്ഞു. വെൻഡ​യിൽ കുടും​ബ​നാ​ഥൻ എന്നതിന്‌ തോഹൊ എന്നാണു പറയു​ന്നത്‌. എന്നാൽ അബദ്ധവ​ശാൽ ഞാൻ തൊഹോ എന്നു പറഞ്ഞു​പോ​യി. അതിന്റെ അർഥം വീട്ടിലെ കുരങ്ങ​നോ​ടു സംസാ​രി​ക്കണം എന്നും! ഇതു​പോ​ലുള്ള അബദ്ധങ്ങൾ ചില​പ്പോ​ഴൊ​ക്കെ എന്നെ നിരു​ത്സാ​ഹി​ത​നാ​ക്കി​യെ​ങ്കി​ലും, സ്ഥിരോ​ത്സാ​ഹ​ത്തി​ന്റെ ഫലമായി എനിക്കും ഭാര്യ​ക്കും ഇപ്പോൾ ഒരു വിധം നല്ല രീതി​യിൽ വെൻഡ സംസാ​രി​ക്കാൻ കഴിയു​ന്നു.

ആത്മീയ ഫലങ്ങൾ

ആത്മീയ അർഥത്തി​ലും വെൻഡ ഫലഭൂ​യി​ഷ്‌ഠ​മെന്നു തെളി​യു​ക​യാണ്‌. മെസിന പട്ടണത്തി​ലെ ഒരു ചെമ്പു​ഖ​നി​യിൽ ജോലി​ക്കാ​യി അയൽരാ​ജ്യ​ങ്ങ​ളിൽനി​ന്നു വന്ന കുടി​യേ​റ്റ​ക്കാ​രു​ടെ ഇടയിൽ 1950-കളിൽ യഹോ​വ​യു​ടെ സാക്ഷി​ക​ളു​ടെ ഒരു സഭ രൂപീ​കൃ​ത​മാ​യി. അവരുടെ തീക്ഷ്‌ണ​മായ പ്രവർത്തന ഫലമായി അനേകം വെൻഡ​ക്കാർ ബൈബിൾ സത്യം അറിയാ​നി​ട​യാ​യി. ഒരു പതിറ്റാ​ണ്ടു പിന്നി​ട്ട​പ്പോൾ, ഒരു കൂട്ടം വെൻഡ സാക്ഷികൾ സിബാസ എന്ന ഗ്രാമ​ത്തി​ലെ ഒരു സ്വകാര്യ ഭവനത്തിൽ യോഗങ്ങൾ നടത്താൻ തുടങ്ങി.

ഈ വർധനവു ത്വരി​ത​പ്പെ​ടു​ത്താൻ, വാച്ച്‌ ടവർ സൊ​സൈ​റ്റി​യു​ടെ ദക്ഷിണാ​ഫ്രിക്ക ബ്രാഞ്ച്‌ ഫലപ്ര​ദ​മായ ആ വയലി​ലേക്കു മുഴു​സമയ സുവി​ശേ​ഷ​കരെ അയച്ചു. പെട്ടെ​ന്നു​തന്നെ സിബാ​സ​യി​ലെ ആ കൂട്ടം ഒരു വലിയ സഭ ആയിത്തീർന്നു. അന്നൊക്കെ ക്രിസ്‌തീയ യോഗങ്ങൾ നടത്തി​യി​രു​ന്നത്‌ ഒരു ക്ലാസ്സ്‌ മുറി​യിൽ വെച്ചാ​യി​രു​ന്നു. എന്നാൽ, ഏകദേശം 160 കിലോ​മീ​റ്റർ തെക്കുള്ള പീറ്റേ​ഴ്‌സ്‌ബർഗ്‌ പട്ടണത്തി​ലെ യഹോ​വ​യു​ടെ സാക്ഷി​ക​ളു​ടെ സഹായ​ത്തോ​ടെ സമീപ പട്ടണമായ തൊ​ഹൊ​യാൻദൗ​വിൽ ഒരു രാജ്യ​ഹാൾ നിർമി​ക്ക​പ്പെട്ടു.

ദക്ഷിണാ​ഫ്രി​ക്ക​യു​ടെ തെക്കു ഭാഗത്ത്‌ വെൻഡ സംസാ​രി​ക്കുന്ന 5,00,000-ത്തിലധി​കം ആളുക​ളുണ്ട്‌. 1950-കളിൽ ഇവിടെ രാജ്യ​പ്ര​സംഗ വേല തുടങ്ങി​യ​പ്പോൾ വെൻഡ​ക്കാ​രായ സാക്ഷികൾ ആരും ഉണ്ടായി​രു​ന്നില്ല, ഇപ്പോ​ഴാ​കട്ടെ 150-ലധികം പേരുണ്ട്‌. എങ്കിലും, അവിടെ ഒരിക്കൽ പോലും പ്രവർത്തി​ക്കാത്ത പ്രദേ​ശങ്ങൾ ഇനിയും ഉണ്ടെന്ന​തി​നാൽ ധാരാളം വേല അവശേ​ഷി​ക്കു​ന്നു. വെൻഡ​യി​ലെ ഹാമുറ്റ്‌ഷ എന്ന ഗ്രാമം ഞങ്ങൾ ആദ്യമാ​യി സന്ദർശി​ച്ചത്‌ 1989-ൽ ആണ്‌. അന്ന്‌ അവിടെ ഒരു സാക്ഷി മാത്രമേ ഉണ്ടായി​രു​ന്നു​ള്ളൂ. ഇപ്പോൾ ആ ഗ്രാമ​ത്തിൽ 40-ലധികം രാജ്യ​ഘോ​ഷ​ക​രുണ്ട്‌. ഞങ്ങൾ രാജ്യ​ഹാ​ളി​ന്റെ പണി പൂർത്തി​യാ​ക്കുന്ന തിരക്കി​ലാണ്‌. അതിനു പീറ്റേ​ഴ്‌സ്‌ബർഗ്‌ പ്രദേ​ശത്തെ സാക്ഷി​ക​ളു​ടെ സഹായ​വും സമ്പന്ന ദേശങ്ങ​ളി​ലെ സഹോ​ദ​ര​ങ്ങ​ളു​ടെ സാമ്പത്തിക പിന്തു​ണ​യും ഞങ്ങൾക്കുണ്ട്‌.

ഞങ്ങളുടെ താമസം ഒരു കൃഷി​യി​ട​ത്തിൽ ഇട്ടിരി​ക്കുന്ന ട്രെയ്‌ല​റിൽ ആണ്‌. ലളിത​മായ ജീവിതം നയിക്കു​ന്ന​തി​നാൽ തദ്ദേശീ​യ​രു​ടെ അടുക്കൽ സുവാർത്ത എത്തിക്കാൻ ഞങ്ങൾക്കു കൂടുതൽ സമയം ലഭിക്കു​ന്നു. (മർക്കൊസ്‌ 13:10) തത്‌ഫ​ല​മാ​യി, ജീവിതം യഹോ​വ​യാം ദൈവ​ത്തി​നു സമർപ്പി​ക്കാൻ അനേകരെ സഹായി​ക്കു​ക​യെന്ന വലിയ പദവി ഞങ്ങൾ ആസ്വദി​ച്ചി​രി​ക്കു​ന്നു. മൈക്കിൾ അതിന്‌ ഒരു ഉദാഹ​ര​ണ​മാണ്‌. ഒരു സ്‌നേ​ഹി​തന്റെ വീട്ടിൽ വെച്ച്‌ അദ്ദേഹം നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം കാണാ​നി​ട​യാ​യി. a വായിച്ചു തുടങ്ങിയ ഉടനെ അതിൽ സത്യം അടങ്ങി​യി​രി​ക്കു​ന്നു​വെന്ന്‌ അദ്ദേഹം തിരി​ച്ച​റി​ഞ്ഞു. അതു​കൊണ്ട്‌ കൂടുതൽ ബൈബിൾ സാഹി​ത്യ​ങ്ങൾ ആവശ്യ​പ്പെ​ട്ടു​കൊണ്ട്‌ അദ്ദേഹം വാച്ച്‌ ടവർ സൊ​സൈ​റ്റിക്ക്‌ എഴുതി. താൻ ഒരു പ്രാ​ദേ​ശിക അപ്പൊ​സ്‌ത​ലിക സഭയുടെ അംഗമാ​യി സ്‌നാ​പ​ന​മേ​റ്റിട്ട്‌ അധിക​മാ​യി​ല്ലെന്നു മൈക്കിൾ ആ കത്തിൽ വിശദീ​ക​രി​ച്ചി​രു​ന്നു. അദ്ദേഹം പറഞ്ഞു: “ഞാൻ ദൈവ​രാ​ജ്യ​ത്തി​ലേ​ക്കുള്ള ശരിയായ പാതയിൽ അല്ലെന്നു തിരി​ച്ച​റി​ഞ്ഞി​രി​ക്കു​ന്നു. നിങ്ങളു​ടെ സംഘട​ന​യു​ടെ ഒരു അംഗമാ​കാ​നാണ്‌ എന്റെ തീരു​മാ​നം. എന്നാൽ, അതിന്‌ എന്തു ചെയ്യണ​മെന്ന്‌ എനിക്ക്‌ അറിയില്ല.” തന്നെ സഹായി​ക്കാൻ ഒരു യഹോ​വ​യു​ടെ സാക്ഷിയെ അയയ്‌ക്ക​ണ​മെന്ന്‌ അഭ്യർഥി​ച്ചു​കൊണ്ട്‌ അദ്ദേഹം തന്റെ വിലാസം നൽകി​യി​രു​ന്നു. മൈക്കി​ളി​നെ കണ്ടെത്താൻ എനിക്കു സാധിച്ചു, അങ്ങനെ ബൈബിൾ അധ്യയനം ആരംഭി​ച്ചു. ഇന്ന്‌ അദ്ദേഹം യഹോ​വയെ വിശ്വ​സ്‌ത​മാ​യി സേവി​ക്കുന്ന സ്‌നാ​പ​ന​മേറ്റ ഒരു സാക്ഷി​യാണ്‌.

1997 ഡിസം​ബ​റിൽ തൊ​ഹൊ​യാൻദൗ​വി​ലെ സ്‌പോർട്‌സ്‌ സ്റ്റേഡി​യ​ത്തിൽ നടന്ന യഹോ​വ​യു​ടെ സാക്ഷി​ക​ളു​ടെ “ദൈവ​വചന വിശ്വാ​സം” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ഞങ്ങൾ സംബന്ധി​ച്ചു. 634 പേർ ഹാജരാ​യി. 12 പേർ പുതു​താ​യി സ്‌നാ​പ​ന​മേറ്റു. വെൻഡ ഭാഷയിൽ രണ്ടു പ്രസം​ഗങ്ങൾ നടത്താ​നുള്ള പദവി എനിക്കു ലഭിച്ചു. ഈ ഫലഭൂ​യിഷ്‌ഠ ദേശത്തു ഞങ്ങൾ ചെലവിട്ട സന്തുഷ്ട ദശകത്തി​ലെ ഒരു നാഴി​ക​ക്ക​ല്ലാ​യി​രു​ന്നു ആ കൺ​വെൻ​ഷൻ.—സംഭാവന ചെയ്യ​പ്പെ​ട്ടത്‌.

[അടിക്കു​റി​പ്പു​കൾ]