സകലരും സ്വാത​ന്ത്ര്യം കാംക്ഷി​ക്കു​ന്നു

“സ്വത​ന്ത്ര​നാ​യി ജനിച്ച മനുഷ്യൻ എവി​ടെ​യും ബന്ധനത്തിൽ ആണ്‌,” 1762-ൽ ഫ്രഞ്ച്‌ തത്ത്വചി​ന്ത​ക​നായ ഷാൻ-ഷാക്‌ റൂസോ എഴുതി. സ്വത​ന്ത്ര​നാ​യി ജനിക്കുക. എത്ര നല്ല ആശയം! എങ്കിലും റൂസോ അഭി​പ്രാ​യ​പ്പെട്ട പ്രകാരം, ചരി​ത്ര​ത്തിൽ ഉടനീളം കോടി​ക്ക​ണ​ക്കിന്‌ ആളുകൾ ഒരിക്ക​ലും സ്വാത​ന്ത്ര്യം അനുഭ​വി​ച്ചി​ട്ടില്ല. നേരെ​മ​റിച്ച്‌, അവർ ജീവിതം ചെലവ​ഴി​ച്ചി​രി​ക്കു​ന്നത്‌ “ബന്ധനത്തിൽ” ആണ്‌, ജീവി​ത​ത്തിൽ നിന്ന്‌ നിലനിൽക്കുന്ന സന്തുഷ്ടി​യും സംതൃ​പ്‌തി​യും കവർന്നെ​ടു​ക്കുന്ന ഒരു വ്യവസ്ഥി​തി​യു​ടെ തടവു​കാ​രാണ്‌ അവർ.

‘മനുഷ്യൻ മനുഷ്യ​ന്റെ​മേൽ അവന്റെ ദോഷ​ത്തി​നാ​യി അധികാ​രം നടത്തി​യി​രി​ക്കു​ന്നു’ എന്നതാണ്‌ ഇന്നും കോടി​ക്ക​ണ​ക്കിന്‌ ആളുക​ളു​ടെ അനുഭവം. (സഭാ​പ്ര​സം​ഗി 8:9) അധികാര ദാഹി​ക​ളും അത്യാ​ഗ്ര​ഹി​ക​ളു​മായ ആളുകൾ മറ്റുള്ള​വ​രു​ടെ സ്വാത​ന്ത്ര്യ​ത്തെ നിഷ്‌ക​രു​ണം ചവിട്ടി​മെ​തി​ക്കു​ന്നു. “അക്രമി സംഘം 21 പേരെ കൊ​ന്നൊ​ടു​ക്കി” എന്നതു പോലുള്ള റിപ്പോർട്ടു​കൾ സാധാ​ര​ണ​മാണ്‌. മറ്റൊരു റിപ്പോർട്ട്‌ സുരക്ഷാ സേനകൾ നടത്തിയ “അരും​കൊല”യെ കുറിച്ചു പറയുന്നു. അവർ ‘ചെറു​ക്കാൻ ശേഷി​യി​ല്ലാത്ത, നിസ്സഹാ​യ​രായ സ്‌ത്രീ​ക​ളെ​യും കുട്ടി​ക​ളെ​യും വൃദ്ധ​രെ​യും കൊ​ന്നൊ​ടു​ക്കു​ക​യും ആളുക​ളു​ടെ കഴുത്ത​റു​ക്കു​ക​യും തടവു​കാ​രു​ടെ തലയ്‌ക്കു വെടി​വെ​ക്കു​ക​യും ചെയ്‌തു. തുടർന്ന്‌, അവർ ഷെൽവർഷം നടത്തു​ക​യും ഗ്രാമങ്ങൾ ചുട്ടു ചാമ്പലാ​ക്കു​ക​യും ചെയ്‌തു.’

മർദിതർ സ്വാത​ന്ത്ര്യം കാംക്ഷി​ക്കു​ക​യും അതിനാ​യി പോരാ​ടു​ക​യും ചെയ്യു​ന്ന​തിൽ തെല്ലും അതിശ​യി​ക്കാ​നില്ല! എന്നാൽ, സ്വാത​ന്ത്ര്യ​ത്തി​നു വേണ്ടി​യുള്ള ഒരാളു​ടെ പോരാ​ട്ട​ത്തിൽ ഒട്ടുമി​ക്ക​പ്പോ​ഴും മറ്റൊ​രാ​ളു​ടെ അവകാ​ശ​ങ്ങ​ളും സ്വാത​ന്ത്ര്യ​വും ചവിട്ടി മെതി​ക്ക​പ്പെ​ടു​ന്നു എന്നതാണു ദുഃഖ​ക​ര​മായ യാഥാർഥ്യം. ഈ പ്രക്രി​യ​യിൽ നിർദോ​ഷി​ക​ളായ സ്‌ത്രീ​പു​രു​ഷ​ന്മാ​രും കുട്ടി​ക​ളും ബലിയാ​ടു​കൾ ആകുന്നു. അവർ മരണത്തിന്‌ അർഹരാണ്‌ എന്നു പ്രഖ്യാ​പി​ച്ചു​കൊണ്ട്‌ ആ കൊല​പാ​ത​കങ്ങൾ “ന്യായീ​ക​രി​ക്ക​പ്പെ​ടു​ന്നു.” പോയ വർഷം അയർലൻഡിൽ നടന്ന ഒരു സംഭവം ഉദാഹ​ര​ണ​മാ​യെ​ടു​ക്കാം. ഓമാ എന്ന ഗ്രാമീണ പട്ടണത്തിൽ, “സ്വാത​ന്ത്ര്യ സമര സേനാ​നി​കൾ” കാറിൽ സ്ഥാപി​ച്ചി​രുന്ന ബോംബു പൊട്ടി​ത്തെ​റിച്ച്‌ നിരപ​രാ​ധി​ക​ളായ 29 പേർ കൊല്ല​പ്പെട്ടു, നൂറു കണക്കിന്‌ ആളുകൾക്കു പരിക്കു പറ്റി.

ഇപ്പോ​ഴും “ബന്ധനത്തിൽ”

പോരാ​ട്ടം കൊണ്ടുള്ള നേട്ടം എന്താണ്‌? പോരാ​ട്ട​ങ്ങ​ളിൽ ജയിക്കു​മ്പോൾ “സ്വാത​ന്ത്ര്യ സമര സേനാ​നി​കൾ” പരിമി​ത​മായ സ്വാത​ന്ത്ര്യം കൈവ​രി​ച്ചേ​ക്കാം. എന്നാൽ,  അവർ യഥാർഥ​ത്തിൽ സ്വത​ന്ത്ര​രാ​ണോ? സ്വാത​ന്ത്ര്യം ഉണ്ടെന്നു പറയ​പ്പെ​ടുന്ന ഇന്നത്തെ ലോക​ത്തിൽ, അങ്ങേയറ്റം സ്വാത​ന്ത്ര്യം ആസ്വദി​ക്കു​ന്നു എന്നു പറയുന്ന സമൂഹ​ങ്ങ​ളിൽ പോലും ആളുകൾ ഇപ്പോ​ഴും ദാരി​ദ്ര്യം, അപൂർണത, രോഗം, മരണം എന്നീ ക്രൂര യജമാ​ന​ന്മാ​രു​ടെ “ബന്ധനത്തിൽ” അല്ലേ? അത്തരം കാര്യങ്ങൾ ഒരു വ്യക്തിയെ തുടർന്നും അടിമ​ത്ത​ത്തിൽ ആക്കുന്നി​ട​ത്തോ​ളം കാലം അയാൾക്ക്‌ എങ്ങനെ സ്വത​ന്ത്ര​നാണ്‌ എന്നു പറയാൻ കഴിയും?

പുരാതന കാലത്തെ ബൈബിൾ എഴുത്തു​കാ​ര​നായ മോശ, ആളുക​ളു​ടെ ജീവി​താ​വ​സ്ഥയെ കുറിച്ചു കൃത്യ​മാ​യി വർണിച്ചു. ചരി​ത്ര​ത്തിൽ ഉടനീളം അത്‌ അങ്ങനെ ആയിരു​ന്നി​ട്ടുണ്ട്‌, ഇപ്പോ​ഴും അതിനു മാറ്റമില്ല. നാം 70-ഓ 80-ഓ വയസ്സു വരെ ജീവി​ച്ചേ​ക്കാ​മെ​ങ്കി​ലും “അതിന്റെ പ്രതാപം പ്രയാ​സ​വും ദുഃഖ​വു​മ​ത്രേ” എന്ന്‌ അവൻ പറഞ്ഞു. (സങ്കീർത്തനം 90:10) ഈ സ്ഥിതി​വി​ശേ​ഷ​ത്തിന്‌ എന്നെങ്കി​ലും മാറ്റമു​ണ്ടാ​കു​മോ? ഇന്ന്‌ അനേക​രും അനുഭ​വി​ക്കു​ന്ന​തിൽ നിന്നു വ്യത്യ​സ്‌ത​മാ​യി വേദന​യും ഭീതി​യും ഇല്ലാത്ത, തികച്ചും സംതൃ​പ്‌തി​ദാ​യ​ക​മായ ജീവിതം നയിക്കാൻ നമുക്ക്‌ ഏവർക്കും എന്നെങ്കി​ലും സാധി​ക്കു​മോ?

സാധി​ക്കും എന്നു ബൈബിൾ പറയുന്നു! “ദൈവ​മ​ക്ക​ളു​ടെ തേജസ്സാ​കുന്ന [“മഹത്തായ,” NW] സ്വാത​ന്ത്ര്യ”ത്തെ കുറിച്ച്‌ അതു പറയുന്നു. (റോമർ 8:20) ഒന്നാം നൂറ്റാ​ണ്ടിൽ റോമി​ലെ ക്രിസ്‌ത്യാ​നി​കൾക്കു പൗലൊസ്‌ അപ്പൊ​സ്‌തലൻ എഴുതിയ ലേഖന​ത്തിൽ പരാമർശി​ച്ചി​രി​ക്കുന്ന ആ സ്വാത​ന്ത്ര്യ​ത്തെ കുറിച്ചു നമു​ക്കൊന്ന്‌ അടുത്തു പരിചി​ന്തി​ക്കാം. നമുക്ക്‌ ഓരോ​രു​ത്തർക്കും യഥാർഥ​ത്തി​ലുള്ള, നിലനിൽക്കുന്ന ‘മഹത്തായ സ്വാത​ന്ത്ര്യം’ എങ്ങനെ പ്രാപി​ക്കാ​നാ​കും എന്നു പ്രസ്‌തുത ലേഖന​ത്തിൽ പൗലൊസ്‌ വ്യക്തമാ​യി വിശദീ​ക​രി​ക്കു​ന്നു.

[3-ാം പേജിലെ ചിത്ര​ത്തിന്‌ കടപ്പാട]

From the book Beacon Lights of History, Vol. XIII