ക്രിസ്‌തീയ സഭ—ശക്തീക​രി​ക്കുന്ന സഹായ​ത്തി​ന്റെ ഉറവ്‌

വീട്ടിലെ വേദനാ​ജ​ന​ക​മായ സാഹച​ര്യം 20-കളുടെ തുടക്ക​ത്തിൽ ആയിരുന്ന പോപ്പി​യെ നിരാ​ശി​ത​യാ​ക്കി. a അവൾക്ക്‌ മാതാ​പി​താ​ക്ക​ളു​മാ​യി തുറന്ന്‌ ആശയവി​നി​മയം നടത്താൻ സാധി​ച്ചി​രു​ന്നില്ല. ഒരു ക്രിസ്‌തീയ മൂപ്പ​നോ​ടും ഭാര്യ​യോ​ടും ഹൃദയം തുറന്നു സംസാ​രിച്ച ശേഷം, അവൾ അവർക്ക്‌ ഇങ്ങനെ എഴുതി: “എന്നോടു സംസാ​രി​ക്കാൻ സമയം ചെലവ​ഴി​ച്ച​തി​നു വളരെ നന്ദി. നിങ്ങൾ എനിക്കു​വേണ്ടി കരുതു​ന്നു എന്നത്‌ എന്നെ സംബന്ധി​ച്ചി​ട​ത്തോ​ളം എത്രമാ​ത്രം ആശ്വാ​സ​പ്രദം ആണെന്നു നിങ്ങൾക്ക്‌ അറിയില്ല. കാര്യങ്ങൾ വിശ്വ​സി​ച്ചു പറയാൻ കഴിയുന്ന ആളുകളെ എനിക്കു നൽകു​ന്ന​തിൽ ഞാൻ യഹോ​വ​യ്‌ക്കു നന്ദി പറയുന്നു.”

കൗമാര പ്രായ​ക്കാ​രായ രണ്ടു മക്കളുള്ള ടൂള അടുത്ത​യി​ടെ​യാണ്‌ വിധവ ആയിത്തീർന്നത്‌. ആകുലീ​ക​രി​ക്കുന്ന വൈകാ​രിക-സാമ്പത്തിക പ്രശ്‌ന​ങ്ങ​ളു​ടെ ഒരു ചതുപ്പിൽ താൻ അകപ്പെ​ട്ടി​രി​ക്കു​ന്ന​താ​യി അവർ മനസ്സി​ലാ​ക്കി. എന്നാൽ സഭയിൽ നിന്നുള്ള ഒരു ക്രിസ്‌തീയ ദമ്പതികൾ അവരെ​യും കുട്ടി​ക​ളെ​യും പതിവാ​യി സന്ദർശി​ച്ചത്‌ അവരെ ശക്തീക​രി​ച്ചു. തന്റെ സാഹച​ര്യം വിജയ​പ്ര​ദ​മാ​യി തരണം ചെയ്‌ത ശേഷം അവർ ആ ദമ്പതി​കൾക്കു പിൻവ​രുന്ന പ്രകാരം എഴുതിയ ഒരു കാർഡ്‌ അയച്ചു: “ഞാൻ നിങ്ങളെ എല്ലായ്‌പോ​ഴും പ്രാർഥ​ന​യിൽ ഓർമി​ക്കു​ന്നു. നിങ്ങൾ എന്നെ സഹായി​ക്കു​ക​യും പിന്തു​ണ​യ്‌ക്കു​ക​യും ചെയ്‌ത എണ്ണമറ്റ നിമി​ഷങ്ങൾ എനിക്കു മറക്കാ​നാ​കില്ല.”

ഈ ലോക​ത്തി​ലെ വർധി​ച്ചു​വ​രുന്ന സമ്മർദ​ങ്ങ​ളാൽ ‘ഭാര​പ്പെ​ടുന്ന’തായി നിങ്ങൾക്കു ചില​പ്പോ​ഴൊ​ക്കെ തോന്നാ​റു​ണ്ടോ? (മത്തായി 11:28) “കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും” നിങ്ങളു​ടെ ജീവി​തത്തെ വേദനാ​ജ​നകം ആക്കിയി​ട്ടു​ണ്ടോ? (സഭാ​പ്ര​സം​ഗി 9:11, NW) അങ്ങനെ​യെ​ങ്കിൽ നിങ്ങൾ ഒറ്റയ്‌ക്കല്ല. യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ സഭയിൽ നിങ്ങൾക്ക്‌ അർഥവ​ത്തായ സഹായം കണ്ടെത്താൻ കഴിയും. ദുരിതം അനുഭ​വി​ച്ചി​ട്ടുള്ള ആയിര​ക്ക​ണ​ക്കിന്‌ ആളുകൾ അതു മനസ്സി​ലാ​ക്കി കഴിഞ്ഞി​രി​ക്കു​ന്നു. തന്നെ സംബന്ധി​ച്ചി​ട​ത്തോ​ളം ചില സഹവി​ശ്വാ​സി​കൾ വിശേ​ഷാൽ “ശക്തീക​രി​ക്കുന്ന ഒരു സഹായം” ആയിരു​ന്നെന്ന്‌ പൊ.യു. ഒന്നാം നൂറ്റാ​ണ്ടിൽ അപ്പൊ​സ്‌ത​ല​നായ പൗലൊസ്‌ കണ്ടെത്തി. (കൊ​ലൊ​സ്സ്യർ 4:10, 11, NW) നിങ്ങൾക്കും സമാന​മായ ഒരു അനുഭവം ഉണ്ടായി​രി​ക്കാം.

പിന്തു​ണ​യും സഹായ​വും

ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ സഭ എന്ന പദം പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌ വിളി​ച്ചു​കൂ​ട്ട​പ്പെട്ട ഒരു സംഘം ആളുകൾ എന്ന്‌ അർഥമുള്ള എക്ലിസിയ എന്ന ഗ്രീക്കു വാക്കിൽനി​ന്നാണ്‌. ഐക്യ​ദാർഢ്യം, പരസ്‌പര പിന്തുണ എന്നീ ആശയങ്ങ​ളാണ്‌ ആ വാക്കിൽ അന്തർലീ​നം ആയിരി​ക്കു​ന്നത്‌.

ക്രിസ്‌തീ​യ സഭ ദൈവ​വചന സത്യം ഉയർത്തി​പ്പി​ടി​ക്കു​ക​യും ദൈവ​രാ​ജ്യ സുവാർത്ത ഘോഷി​ക്കു​ക​യും ചെയ്യുന്നു. (1 തിമൊ​ഥെ​യൊസ്‌ 3:15; 1 പത്രൊസ്‌ 2:9) കൂടാതെ സഭയോ​ടൊ​പ്പം സഹവസി​ക്കു​ന്ന​വർക്ക്‌ അത്‌ ആത്മീയ പിന്തു​ണ​യും സഹായ​വും പ്രദാനം ചെയ്യുന്നു. സമ്മർദം അനുഭ​വി​ക്കു​മ്പോ​ഴൊ​ക്കെ സഹായി​ക്കാ​നും ആശ്വസി​പ്പി​ക്കാ​നും മനസ്സൊ​രു​ക്ക​വും സന്നദ്ധത​യും കാട്ടുന്ന, സ്‌നേ​ഹ​വും പരിഗ​ണ​ന​യും കരുത​ലും ഉള്ളവരു​ടെ ഒരു കൂട്ടത്തെ ഒരുവന്‌ അവിടെ കണ്ടെത്താ​നാ​കും.—2 കൊരി​ന്ത്യർ 7:5-7.

യഹോ​വ​യു​ടെ ആരാധകർ എല്ലാ കാലത്തും അവന്റെ സഭയിൽ സംരക്ഷ​ണ​വും സുരക്ഷി​ത​ത്വ​വും കണ്ടെത്തി​യി​ട്ടുണ്ട്‌. ദൈവ​ത്തി​ന്റെ സമ്മേളിത ജനത്തി​നി​ട​യിൽ താൻ സന്തോ​ഷ​വും സുരക്ഷി​തത്വ ബോധ​വും അനുഭ​വി​ച്ചെന്ന്‌ സങ്കീർത്ത​ന​ക്കാ​രൻ സൂചി​പ്പി​ച്ചു. (സങ്കീർത്തനം 27:4, 5; 55:14; 122:1) സമാന​മാ​യി ഇന്ന്‌, അന്യോ​ന്യം പരിപു​ഷ്ടി​പ്പെ​ടു​ത്തു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുന്ന സഹവി​ശ്വാ​സി​ക​ളു​ടെ ഒരു സമൂഹ​മാണ്‌ ക്രിസ്‌തീയ സഭ.—സദൃശ​വാ​ക്യ​ങ്ങൾ 13:20; റോമർ 1:11, 12.

“എല്ലാവർക്കും, വിശേ​ഷാൽ സഹവി​ശ്വാ​സി​കൾക്കും നന്മ” ചെയ്യാൻ സഭാം​ഗങ്ങൾ പഠിപ്പി​ക്ക​പ്പെ​ടു​ന്നു. (ഗലാത്യർ 6:10) തങ്ങൾക്കു ലഭിക്കുന്ന ബൈബിൾ അധിഷ്‌ഠിത വിദ്യാ​ഭ്യാ​സം അന്യോ​ന്യം സഹോദര സ്‌നേ​ഹ​വും ആർദ്ര​പ്രി​യ​വും കാട്ടാൻ അവരെ പ്രേരി​പ്പി​ക്കു​ന്നു. (റോമർ 12:10; 1 പത്രൊസ്‌ 3:8) സഭയിലെ ആത്മീയ സഹോ​ദ​രീ​സ​ഹോ​ദ​ര​ന്മാർ ദയയും സമാധാ​ന​പ്രി​യ​വും ആർദ്രാ​നു​ക​മ്പ​യും ഉള്ളവരാ​യി​രി​ക്കാൻ പ്രേരി​പ്പി​ക്ക​പ്പെ​ടു​ന്നു. (എഫെസ്യർ 4:3) ചിട്ട​പ്ര​കാ​രം ആരാധന നടത്തു​ന്നവർ മാത്രം ആയിരി​ക്കു​ന്ന​തി​നു പകരം അവർ മറ്റുള്ള​വ​രോ​ടു സ്‌നേ​ഹ​പൂർവ​ക​മായ താത്‌പ​ര്യം കാണി​ക്കു​ന്നു.—യാക്കോബ്‌ 1:27.

അതു​കൊ​ണ്ടു​ത​ന്നെ, മർദി​ത​രായ ആളുകൾ സഭയിൽ ഊഷ്‌മ​ള​മായ ഒരു കുടുംബ സമാന അന്തരീക്ഷം കണ്ടെത്തു​ന്നു. (മർക്കൊസ്‌ 10:29, 30) ഐകമ​ത്യ​വും സ്‌നേ​ഹ​വും ഉള്ള ഒരു കൂട്ടത്തി​ന്റെ ഭാഗമാ​ണെന്ന ചിന്ത അവരെ ശക്തീക​രി​ക്കു​ന്നു. (സങ്കീർത്തനം 133:1-3) സഭയി​ലൂ​ടെ “വിശ്വ​സ്‌ത​നും വിവേ​കി​യു​മായ അടിമ” പരിപു​ഷ്ടി​പ്പെ​ടു​ത്തുന്ന ആത്മീയ “ആഹാരം  തക്ക സമയത്ത്‌” പ്രദാനം ചെയ്യുന്നു.—മത്തായി 24:45, NW.

സ്‌നേ​ഹ​നി​ധി​ക​ളായ മേൽവി​ചാ​ര​ക​ന്മാ​രിൽ നിന്നുള്ള സഹായം

ആത്മീയ പിന്തു​ണ​യും പ്രോ​ത്സാ​ഹ​ന​വും നൽകുന്ന സ്‌നേ​ഹ​നി​ധി​ക​ളും സഹാനു​ഭൂ​തി​യു​ള്ള​വ​രും യോഗ്യ​രു​മായ ഇടയന്മാ​രെ ക്രിസ്‌തീയ സഭയിലെ അംഗങ്ങൾക്ക്‌ സഭയിൽ കണ്ടെത്താ​നാ​കും. അത്തരം ഗുണങ്ങൾ ഉള്ള ഇടയന്മാർ “കാറ്റിൽനി​ന്നുള്ള ഒരു ഒളിയി​ട​വും ഇടിമ​ഴ​യിൽനി​ന്നുള്ള ഒരു സങ്കേത​വും” പോ​ലെ​യാണ്‌. (യെശയ്യാ​വു 32:1, 2, NW) ആത്മനി​യ​മിത മൂപ്പന്മാർ അഥവാ മേൽവി​ചാ​ര​ക​ന്മാർ ചെമ്മരി​യാ​ടു തുല്യ​രായ ദൈവ ജനത്തിനു വേണ്ടി കരുതു​ക​യും രോഗി​ക​ളും വിഷാ​ദ​ചി​ത്ത​രും ആയവരെ പ്രോ​ത്സാ​ഹി​പ്പി​ക്കു​ക​യും വഴി​തെ​റ്റി​പ്പോ​കു​ന്ന​വരെ യഥാസ്ഥാ​ന​പ്പെ​ടു​ത്താൻ ശ്രമി​ക്കു​ക​യും ചെയ്യുന്നു.—സങ്കീർത്തനം 100:3; 1 പത്രൊസ്‌ 5:2, 3.

തീർച്ച​യാ​യും, സഭയിലെ മൂപ്പന്മാ​രു​ടെ സംഘം സഹവി​ശ്വാ​സി​കൾക്കു നേരി​ടുന്ന ശാരീ​രി​ക​മോ മാനസി​ക​മോ ആയ രോഗങ്ങൾ സൗഖ്യ​മാ​ക്കാൻ കഴിവുള്ള ചികി​ത്സ​ക​രു​ടെ​യോ ആരോഗ്യ പരിപാ​ല​ക​രു​ടെ​യോ ഒരു സംഘമല്ല. ഈ വ്യവസ്ഥി​തി​യിൽ രോഗി​കൾക്ക്‌ ‘വൈദ്യ​നെ ആവശ്യ​മുണ്ട്‌.’ (ലൂക്കൊസ്‌ 5:31) എന്നാൽ അത്തരം ഇടയന്മാർക്ക്‌ ആത്മീയ ആവശ്യ​ങ്ങ​ളു​ള്ള​വരെ സഹായി​ക്കാ​നാ​കും. (യാക്കോബ്‌ 5:14, 15) സാധ്യ​മാ​കു​മ്പോ​ഴെ​ല്ലാം മൂപ്പന്മാർ മറ്റു സഹായ​ങ്ങ​ളും ക്രമീ​ക​രി​ക്കു​ന്നു.—യാക്കോബ്‌ 2:15, 16.

ആരാണ്‌ അത്തരം സ്‌നേ​ഹ​പൂർവ​ക​മായ ക്രമീ​ക​ര​ണ​ത്തി​ന്റെ പിന്നിൽ? യഹോ​വ​യാം ദൈവം തന്നെ! യഹോവ ഇപ്രകാ​രം പറയു​ന്ന​താ​യി പ്രവാ​ച​ക​നായ യെഹെ​സ്‌കേൽ വിവരി​ക്കു​ന്നു: “ഞാൻ തന്നേ എന്റെ ആടുകളെ തിരഞ്ഞു​നോ​ക്കും. . . . ചിതറി​പ്പോയ സകലസ്ഥ​ല​ങ്ങ​ളി​ലും​നി​ന്നു അവയെ വിടു​വി​ക്കും. ഞാൻ തന്നേ എന്റെ ആടുകളെ മേയി​ക്ക​യും കിടത്തു​ക​യും  ചെയ്യും.” ആരോ​ഗ്യ​മി​ല്ലാത്ത ആടുകളെ കുറി​ച്ചും അവനു കരുത​ലുണ്ട്‌.—യെഹെ​സ്‌കേൽ 34:11, 12, 15, 16.

തക്കസമ​യത്തെ യഥാർഥ സഹായം

ക്രിസ്‌തീയ സഭയിൽ, യഥാർഥ സഹായം വാസ്‌ത​വ​ത്തിൽ ലഭ്യമാ​ണോ? ഉവ്വ്‌. സഭ ഒരു സഹായ​മാ​ണെന്നു തെളി​യുന്ന വിഭിന്ന സാഹച​ര്യ​ങ്ങളെ ചിത്രീ​ക​രി​ക്കു​ന്ന​വ​യാണ്‌ പിൻവ​രുന്ന ദൃഷ്ടാ​ന്തങ്ങൾ.

◆ പ്രിയ​പ്പെട്ട ഒരാളു​ടെ മരണം. അന്നായു​ടെ ഭർത്താവ്‌ ഒരു തീരാ​വ്യാ​ധി പിടി​പെട്ടു മരിച്ചു. “അന്നുമു​തൽ ക്രിസ്‌തീയ സഹോദര വർഗത്തിൽനിന്ന്‌ എനിക്ക്‌ ഊഷ്‌മ​ള​മായ സ്‌നേഹം ലഭിച്ചി​ട്ടുണ്ട്‌,” അന്നാ പറയുന്നു. “പിന്തു​ണ​യും പ്രോ​ത്സാ​ഹ​ന​വും ഏകി​ക്കൊണ്ട്‌ എന്റെ സഹാരാ​ധ​ക​രിൽ നിന്നു തുടർച്ച​യാ​യി ലഭിച്ച ദയാ വചനങ്ങ​ളും അവരുടെ ഹൃദയം​ഗ​മ​മായ ആശ്ലേഷ​ങ്ങ​ളും വിഷാ​ദ​ത്തി​ന്റെ പടുകു​ഴി​യിൽ വീഴാതെ പ്രോ​ത്സാ​ഹി​ത​യാ​യി നില​കൊ​ള്ളാൻ എന്നെ സഹായി​ച്ചു. അതിന്‌ ഞാൻ യഹോ​വ​യ്‌ക്കു നന്ദി പറയുന്നു. ഏറെ പിന്തു​ണ​യും അത്യന്തം ഉണർവും ആർദ്ര​മായ കരുത​ലും എനിക്ക്‌ അനുഭ​വ​പ്പെ​ടാൻ അവരുടെ സ്‌നേഹം കാരണ​മാ​യി.” പ്രിയ​പ്പെട്ട ഒരാളെ മരണത്തിൽ നഷ്ടമാ​യ​തി​ന്റെ മാനസി​കാ​ഘാ​തം നിങ്ങളും അനുഭ​വി​ച്ചി​ട്ടു​ണ്ടാ​യി​രി​ക്കാം. അത്തരം അവസര​ങ്ങ​ളിൽ അത്യന്തം അനിവാ​ര്യ​മാ​യി​രി​ക്കുന്ന ആശ്വാ​സ​വും വൈകാ​രിക പിന്തു​ണ​യും നൽകാൻ സഭാം​ഗ​ങ്ങൾക്കു സാധി​ക്കും.

◆ രോഗം. പോള​ണ്ടിൽ നിന്നുള്ള ഒരു സഞ്ചാര മേൽവി​ചാ​ര​ക​നായ ആർഥർ, മധ്യേ​ഷ്യ​യി​ലെ സഭകളെ ആത്മീയ​മാ​യി ശക്തി​പ്പെ​ടു​ത്താൻ വേണ്ടി ആ സഭകൾ പതിവാ​യി സന്ദർശി​ച്ചി​രു​ന്നു. അത്തര​മൊ​രു സന്ദർശന വേളയിൽ അദ്ദേഹം തീർത്തും രോഗി​യാ​യി, ചികിത്സ വിഷമ​ക​ര​മാ​ക്കുന്ന അനേകം ആരോ​ഗ്യ​പ്ര​ശ്‌നങ്ങൾ അദ്ദേഹ​ത്തിന്‌ ഉണ്ടായി​രു​ന്നു. അദ്ദേഹം ആഴമായ വിലമ​തി​പ്പോ​ടെ ഇപ്രകാ​രം ഓർമി​ക്കു​ന്നു: “[കസാഖ്‌സ്ഥാ​നി​ലെ ഒരു നഗരത്തി​ലുള്ള] സഹോ​ദ​രീ​സ​ഹോ​ദ​ര​ന്മാർ എന്നെ പരിപാ​ലി​ച്ചത്‌ എങ്ങനെ​യെന്നു നിങ്ങ​ളോ​ടു പറയാൻ ഞാൻ ആഗ്രഹി​ക്കു​ന്നു. സഹോ​ദ​രീ​സ​ഹോ​ദ​ര​ന്മാർ, എന്തിന്‌ താത്‌പ​ര്യ​ക്കാർപോ​ലും പണവും ആഹാര സാധന​ങ്ങ​ളും മരുന്നും കൊണ്ടു​വന്നു, അവരിൽ അനേക​രെ​യും ഞാൻ അറിയു​ക​പോ​ലും ഇല്ലായി​രു​ന്നു. . . . വലിയ സന്തോ​ഷ​ത്തോ​ടെ ആയിരു​ന്നു അവർ അതു ചെയ്‌തത്‌.

“ഒരു കവറിൽ കുറച്ചു പണത്തോ​ടൊ​പ്പം പിൻവ​രുന്ന കത്തു കിട്ടി​യ​പ്പോ​ഴത്തെ എന്റെ വികാ​രങ്ങൾ ഒന്ന്‌ വിഭാവന ചെയ്യൂ. ആ കത്ത്‌ ഇപ്രകാ​ര​മാ​യി​രു​ന്നു: ‘പ്രിയ സഹോ​ദരാ, ഊഷ്‌മ​ള​മായ ആശംസകൾ. ഐസ്‌ക്രീം വാങ്ങാൻ മമ്മി എനിക്കു തന്ന പണം മരുന്നു വാങ്ങാ​നാ​യി സഹോ​ദ​രന്‌ അയച്ചു തരാൻ ഞാൻ തീരു​മാ​നി​ച്ചു. സഹോ​ദരൻ വേഗം സുഖം പ്രാപി​ച്ചു വരണം. യഹോ​വ​യ്‌ക്കു നമ്മെ വളരെ​ക്കാ​ലം ആവശ്യ​മാണ്‌. ശുഭാ​ശം​സകൾ. നല്ലതും പ്രബോ​ധ​നാ​ത്മ​ക​വു​മായ കുറച്ചു കഥകൾ കൂടെ ഞങ്ങൾക്കു പറഞ്ഞു​ത​രണം. വോവ.’” അതേ, ഈ അനുഭ​വ​ത്തി​ലേതു പോലെ, രോഗാ​വ​സ്ഥ​യിൽ ശക്തി​പ്പെ​ടു​ത്തുന്ന സഹായം പ്രദാനം ചെയ്യാൻ സഭയിലെ കുട്ടി​കൾക്കും മുതിർന്ന​വർക്കും സാധി​ക്കും.—ഫിലി​പ്പി​യർ 2:25-29.

◆ വിഷാദം. ഒരു പയനിയർ അഥവാ മുഴു​സമയ രാജ്യ​ഘോ​ഷ​ക​യാ​യി സേവി​ക്കാൻ ടെറിക്ക്‌ ഹൃദയം​ഗ​മ​മായ ആഗ്രഹം ഉണ്ടായി​രു​ന്നു. എന്നാൽ പ്രയാ​സങ്ങൾ നിമിത്തം അവൾക്കു പയനി​യ​റിങ്‌ നിർത്തേ​ണ്ടി​വന്നു. “ഈ സേവന​ത്തിൽ ഏർപ്പെ​ടാൻ ശ്രമിച്ച്‌ ഒരു വർഷം പോലും പൂർത്തി​യാ​ക്കാൻ കഴിയാ​ഞ്ഞ​തിൽ എനിക്ക്‌ ഏറെ കുറ്റ​ബോ​ധം തോന്നി,” അവൾ പറയുന്നു. യഹോ​വ​യു​ടെ അംഗീ​കാ​രം അവനുള്ള തന്റെ സേവന​ത്തി​ന്റെ അളവിൽ മാത്ര​മാണ്‌ അധിഷ്‌ഠി​തം ആയിരി​ക്കു​ന്ന​തെന്ന്‌ ടെറി തെറ്റായി വിശ്വ​സി​ച്ചു. (മർക്കൊസ്‌ 12:41-44 വിപരീത താരത​മ്യം ചെയ്യുക.) ആകെ നിരാ​ശി​ത​യായ അവൾ സ്വയം ഒറ്റപ്പെ​ടു​ത്തി. എന്നാൽ, അപ്പോൾ സഭയിൽനിന്ന്‌ നവോ​ന്മേ​ഷ​പ്ര​ദ​മായ സഹായം എത്തി.

ടെറി അനുസ്‌മ​രി​ക്കു​ന്നു: “പ്രായ​മുള്ള ഒരു പയനിയർ സഹോ​ദരി എന്റെ സഹായ​ത്തിന്‌ എത്തി. ഞാൻ എന്റെ വികാ​രങ്ങൾ തുറന്നു പറഞ്ഞ​പ്പോൾ അവർ ശ്രദ്ധിച്ചു. അവരുടെ വീട്ടിൽനി​ന്നു മടങ്ങവെ, വലി​യൊ​രു ഭാരം തലയിൽനിന്ന്‌ എടുത്തു മാറ്റ​പ്പെ​ട്ട​തു​പോ​ലെ എനിക്കു തോന്നി. അന്നുമു​തൽ ആ പയനിയർ സഹോ​ദ​രി​യും സഭയിലെ ഒരു മൂപ്പനായ അവരുടെ ഭർത്താ​വും മൂല്യ​വ​ത്തായ സഹായം പ്രദാനം ചെയ്‌തു. ക്ഷേമാ​ന്വേ​ഷണം നടത്തി​ക്കൊണ്ട്‌ അവർ ദിവസ​വും എനിക്കു ഫോൺ ചെയ്യു​മാ​യി​രു​ന്നു. . . . തങ്ങളുടെ കുടുംബ അധ്യയ​ന​ങ്ങ​ളിൽ അവർ ചില​പ്പോ​ഴൊ​ക്കെ എന്നെയും ഉൾപ്പെ​ടു​ത്തി​യി​രു​ന്നു. കുടും​ബാം​ഗങ്ങൾ തമ്മിൽ ഉറ്റ ബന്ധം പുലർത്തേ​ണ്ട​തി​ന്റെ പ്രാധാ​ന്യം വിലമ​തി​ക്കാൻ അത്‌ എന്നെ സഹായി​ച്ചു.”

അനേകർക്കും—സമർപ്പിത ക്രിസ്‌ത്യാ​നി​കൾക്കു പോലും​വി​ഷാ​ദ​മോ നിരു​ത്സാ​ഹ​മോ ഏകാന്ത​ത​യോ ഒക്കെ അനുഭ​വ​പ്പെ​ടാ​റുണ്ട്‌. ദൈവ​ത്തി​ന്റെ സഭയിൽ സ്‌നേ​ഹ​പൂർവ​ക​വും നിസ്വാർഥ​വു​മായ സഹായം ലഭ്യമാ​യി​രി​ക്കു​ന്ന​തിൽ നമുക്ക്‌ എത്ര നന്ദിയു​ള്ളവർ ആയിരി​ക്കാൻ കഴിയും!—1 തെസ്സ​ലൊ​നീ​ക്യർ 5:14.

◆ അത്യാ​ഹി​ത​ങ്ങ​ളും അപകട​ങ്ങ​ളും. വീടു കത്തിച്ചാ​മ്പ​ലാ​യി സകല സ്വത്തു​ക്ക​ളും നഷ്ടമായ ഒരു നാലംഗ കുടും​ബ​ത്തി​ന്റെ സ്ഥാനത്ത്‌ നിങ്ങൾ ആയിരി​ക്കു​ന്ന​താ​യി സങ്കൽപ്പി​ക്കുക. “ഞങ്ങളെ എക്കാല​ത്തും തൊട്ടു​ണർത്തു​ന്ന​തും യഹോ​വ​യു​ടെ ജനത്തി​നി​ട​യി​ലെ യഥാർഥ സ്‌നേഹം ബോധ്യ​പ്പെ​ടു​ത്തി​യ​തു​മായ പ്രോ​ത്സാ​ഹ​ജ​ന​ക​മായ അനുഭവം” എന്ന്‌ അവർ വിളിച്ച ഒരു സംഭവം ഉടൻതന്നെ ഉണ്ടായി. അവർ വിവരി​ക്കു​ന്നു: “പെട്ടെ​ന്നു​തന്നെ, സഹായം വാഗ്‌ദാ​നം ചെയ്‌തു​കൊ​ണ്ടും സഹാനു​ഭൂ​തി പ്രകടി​പ്പി​ച്ചു​കൊ​ണ്ടും ആത്മീയ സഹോ​ദ​രീ​സ​ഹോ​ദ​ര​ന്മാർ നടത്തിയ ആത്മാർഥ​മായ ഫോൺ വിളി​ക​ളു​ടെ പ്രളയം ഞങ്ങളെ വികാ​രാ​ധീ​ന​രാ​ക്കി. ഫോൺ തുടർച്ച​യാ​യി  ശബ്ദിച്ചു​കൊ​ണ്ടി​രു​ന്നു. കൃതജ്ഞ​ത​യാൽ ഞങ്ങളുടെ കണ്ണുകൾ ഈറന​ണി​യി​ക്കാൻ പോന്ന​വി​ധം അത്ര ഹൃദയ​സ്‌പർശി​യാ​യി​രു​ന്നു എല്ലാവ​രു​ടെ​യും ആത്മാർഥ​മായ താത്‌പ​ര്യ​വും സ്‌നേ​ഹ​വും.”

അധികം താമസി​യാ​തെ, സഭയിലെ മൂപ്പന്മാർ വലി​യൊ​രു കൂട്ടം സഹോ​ദ​ര​ന്മാ​രെ സംഘടി​പ്പിച്ച്‌ ഏതാനും ദിവസം​കൊണ്ട്‌ ആ കുടും​ബ​ത്തിന്‌ ഒരു പുതിയ വീട്‌ ഉണ്ടാക്കി കൊടു​ത്തു. ഒരു അയൽക്കാ​രി ഇങ്ങനെ പറഞ്ഞു: “അതു കാണേണ്ട കാഴ്‌ച​ത​ന്നെ​യാണ്‌! അവിടെ ജോലി ചെയ്യാൻ എല്ലാത്തരം ആളുക​ളും, പുരു​ഷ​ന്മാ​രും സ്‌ത്രീ​ക​ളും കറുത്ത​വ​രും സ്‌പെ​യിൻകാ​രും എല്ലാം ഉണ്ട്‌!” സഹോദര സ്‌നേ​ഹ​ത്തി​ന്റെ വ്യക്തമായ തെളി​വാ​യി​രു​ന്നു അത്‌.—യോഹ​ന്നാൻ 13:35.

സഹക്രി​സ്‌ത്യാ​നി​കൾ ആ കുടും​ബ​ത്തിന്‌ വീടു​മാ​ത്രമല്ല വസ്‌ത്ര​വും ആഹാര​വും പണവും നൽകി. ആ കുടും​ബ​ത്തി​ലെ പിതാവ്‌ പറയുന്നു: “എല്ലാവ​രും സമ്മാനങ്ങൾ നൽകുന്ന ക്രിസ്‌തു​മസ്സ്‌ കാലയ​ള​വിൽ ആയിരു​ന്നു ഇതു സംഭവി​ച്ചത്‌. എന്നാൽ മറ്റാരും ആസ്വദി​ക്കാഞ്ഞ തരത്തി​ലുള്ള ആത്മാർഥ​വും അളവറ്റ​തു​മായ ഔദാ​ര്യ​മാണ്‌ ഞങ്ങൾക്കു ലഭിച്ച​തെന്ന്‌ സത്യസ​ന്ധ​മാ​യി പറയാൻ ഞങ്ങൾക്കു കഴിയും.” അവർ ഇങ്ങനെ കൂട്ടി​ച്ചേർത്തു: “തീപി​ടി​ത്തത്തെ കുറി​ച്ചുള്ള ഓർമകൾ സാവധാ​നം മാഞ്ഞു പോകു​ക​യാണ്‌, ദയാ പ്രവൃ​ത്തി​ക​ളെ​യും നല്ല സുഹൃ​ത്തു​ക്ക​ളെ​യും കുറി​ച്ചുള്ള മധുര സ്‌മര​ണകൾ ആ സ്ഥാനം കൈയ​ട​ക്കു​ന്നു. സഹോ​ദ​ര​ങ്ങ​ളു​ടെ അത്ഭുത​ക​ര​വും ഏകീകൃ​ത​വു​മായ അത്തര​മൊ​രു കുടും​ബം ഭൂമി​യിൽ ഉള്ളതിന്‌ ഞങ്ങൾ സ്‌നേ​ഹ​വാ​നായ സ്വർഗീയ പിതാ​വായ യഹോ​വ​യ്‌ക്കു നന്ദി കരേറ്റു​ന്നു, ആ കുടും​ബ​ത്തി​ന്റെ ഭാഗമാ​യി​രി​ക്കു​ന്ന​തിൽ ഞങ്ങൾ അത്യന്തം കൃതജ്ഞ​ത​യു​ള്ള​വ​രാണ്‌!”

തീർച്ച​യാ​യും, അത്തരത്തി​ലുള്ള എല്ലാ ദുരന്ത​ങ്ങ​ളി​ലും സമാന​മായ ഇടപെടൽ സാധ്യ​മോ പ്രതീ​ക്ഷി​ക്കാ​വു​ന്ന​തോ അല്ല. എന്നാൽ സഭ നൽകി​യേ​ക്കാ​വുന്ന പിന്തു​ണയെ ഈ ദൃഷ്ടാന്തം നിശ്ചയ​മാ​യും ചിത്രീ​ക​രി​ക്കു​ന്നു.

ഉയരത്തിൽനി​ന്നുള്ള ജ്ഞാനം

ക്രിസ്‌തീയ സഭയിൽ മറ്റൊരു തരം സഹായ​ത്തി​ന്റെ​യും ശക്തിയു​ടെ​യും ഉറവ്‌ അനേകർ കണ്ടെത്തി​യി​രി​ക്കു​ന്നു. അത്‌ എന്താണ്‌? “വിശ്വ​സ്‌ത​നും വിവേ​കി​യു​മായ അടിമ” തയ്യാറാ​ക്കുന്ന പ്രസി​ദ്ധീ​ക​ര​ണങ്ങൾ. അവയിൽ പ്രമുഖം വീക്ഷാ​ഗോ​പു​രം, ഉണരുക! മാസി​കകൾ ആണ്‌. ഉൾക്കാ​ഴ്‌ച​യോ​ടു കൂടിയ ബുദ്ധി​യു​പ​ദേ​ശ​വും പ്രാ​യോ​ഗിക പ്രബോ​ധ​ന​വും നൽകാ​നാ​യി ഈ പ്രസി​ദ്ധീ​ക​ര​ണങ്ങൾ ആശ്രയി​ക്കു​ന്നതു മുഖ്യ​മാ​യും ബൈബി​ളിൽ കാണ​പ്പെ​ടുന്ന ദിവ്യ ജ്ഞാനത്തി​ലാണ്‌. (സങ്കീർത്തനം 119:105) തിരു​വെ​ഴു​ത്തു​പ​ര​മായ വിവര​ങ്ങൾക്കു പുറമേ, വിഷാദം, ദ്രോ​ഹ​ങ്ങ​ളിൽനി​ന്നു സുഖം​പ്രാ​പി​ക്കൽ, സാമൂ​ഹി​ക​വും സാമ്പത്തി​ക​വു​മായ അനേകം പ്രശ്‌നങ്ങൾ, യുവജ​നങ്ങൾ അഭിമു​ഖീ​ക​രി​ക്കുന്ന വെല്ലു​വി​ളി​കൾ, വികസ്വര രാജ്യ​ങ്ങ​ളു​ടെ തനതായ പ്രശ്‌നങ്ങൾ തുടങ്ങിയ വിഷയ​ങ്ങ​ളിൽ ഉത്തരവാ​ദി​ത്വ ബോധ​ത്തോ​ടെ നടത്തിയ ഔദ്യോ​ഗിക ഗവേഷണ ഫലങ്ങളും അവയിൽ പ്രസി​ദ്ധീ​ക​രി​ക്ക​പ്പെ​ടു​ന്നു. എല്ലാറ്റി​ലും ഉപരി, ഈ പ്രസി​ദ്ധീ​ക​ര​ണങ്ങൾ ദൈവിക മാർഗത്തെ ഏറ്റവും മെച്ചപ്പെട്ട ജീവമാർഗ​മാ​യി ഉയർത്തി​ക്കാ​ട്ടു​ന്നു.—യെശയ്യാ​വു 30:20, 21.

ഓരോ വർഷവും, വിലമ​തി​പ്പു പ്രകടി​പ്പി​ച്ചു​കൊ​ണ്ടുള്ള ആയിര​ക്ക​ണ​ക്കി​നു കത്തുകൾ വാച്ച്‌ ടവർ സൊ​സൈ​റ്റി​ക്കു ലഭിക്കു​ന്നു. ദൃഷ്ടാ​ന്ത​ത്തിന്‌, ആത്മഹത്യ​യെ കുറി​ച്ചുള്ള ഒരു ഉണരുക! ലേഖനത്തെ സംബന്ധിച്ച്‌ റഷ്യയിൽനി​ന്നുള്ള ഒരു യുവാവ്‌ എഴുതി: “എന്റെ വിഷാദ പ്രവണത കാരണം . . . ഞാൻ നിരവധി തവണ ആത്മഹത്യ ചെയ്യു​ന്ന​തി​നെ കുറിച്ചു ചിന്തി​ച്ചി​ട്ടുണ്ട്‌. പ്രശ്‌ന​ങ്ങളെ നേരി​ടാൻ ദൈവം എന്നെ സഹായി​ക്കു​മെ​ന്നുള്ള എന്റെ വിശ്വാ​സത്തെ ഈ ലേഖനം ബലിഷ്‌ഠ​മാ​ക്കി. ഞാൻ ജീവി​ക്കാൻ അവൻ ആഗ്രഹി​ക്കു​ന്നു. ഈ ലേഖന​ത്തി​ലൂ​ടെ അവൻ നൽകിയ പിന്തു​ണ​യ്‌ക്കു ഞാൻ അവനു നന്ദി പറയുന്നു.”

ഈ പ്രക്ഷുബ്ധ ലോക​ത്തി​ലെ നിരന്ത​ര​മായ പ്രശ്‌ന​ങ്ങളെ നേരി​ടാൻ വളരെ ബുദ്ധി​മു​ട്ടാ​ണെന്നു തോന്നു​ന്നെ​ങ്കിൽ, ക്രിസ്‌തീയ സഭയിൽ സുരക്ഷി​ത​മാ​യൊ​രു അഭയസ്ഥാ​നം ഉണ്ടെന്ന്‌ നിങ്ങൾ ഉറപ്പ്‌ ഉണ്ടായി​രി​ക്കാ​വു​ന്ന​താണ്‌. അങ്ങേയറ്റം വരണ്ട ഒരു മരുഭൂ​മി​യായ ഈ സ്‌നേ​ഹ​ര​ഹിത വ്യവസ്ഥി​തി നിങ്ങളു​ടെ ശക്തി ചോർത്തി​ക്ക​ള​യു​ന്നു എങ്കിൽ യഹോ​വ​യു​ടെ സംഘട​ന​യിൽ പുനരു​ജ്ജീ​വി​പ്പി​ക്കുന്ന ഒരു മരുപ്പച്ച നിങ്ങൾക്കു കണ്ടെത്താ​വു​ന്ന​താണ്‌. അത്തരം പിന്തുണ അനുഭ​വി​ച്ച​റി​യു​മ്പോൾ, ഭർത്താ​വി​ന്റെ കടുത്ത രോഗ​ബാ​ധ​യു​ടെ നാളു​കളെ വിജയ​ക​ര​മാ​യി നേരിട്ട ഒരു ക്രിസ്‌തീയ വനിത​യു​ടെ വികാ​രങ്ങൾ നിങ്ങളും പ്രതി​ഫ​ലി​പ്പി​ച്ചേ​ക്കാം. അവർ ഇങ്ങനെ എഴുതി: “ഈ പ്രതി​സന്ധി ഘട്ടത്തിൽ യഹോവ ഞങ്ങളെ തന്റെ ഉള്ളങ്കയ്യിൽ വഹിച്ചതു പോലെ തോന്നാൻ ഞങ്ങൾക്കു ലഭിച്ച സ്‌നേ​ഹ​വും കരുത​ലും ഇടയാക്കി. യഹോ​വ​യു​ടെ മഹോ​ന്ന​ത​മായ സംഘട​ന​യു​ടെ ഭാഗം ആയിരി​ക്കു​ന്ന​തിൽ ഞാൻ എത്ര നന്ദിയു​ള്ള​വ​ളാ​ണെ​ന്നോ!”

[അടിക്കു​റി​പ്പു​കൾ]

[26-ാം പേജിലെ ചിത്രം]

രോഗികൾക്കും വിരഹാർത്തർക്കും മറ്റും ശക്തീക​രി​ക്കുന്ന സഹായം പ്രദാനം ചെയ്യാൻ നമുക്കു സാധി​ക്കും