തന്റെ വാഗ്‌ദാ​നങ്ങൾ നിവർത്തി​ക്കാൻ ദൈവം താമസ​മു​ള്ള​വ​നല്ല

“ഓയ​ഹോ​വേ, ഞാൻ എത്ര​ത്തോ​ളം സഹായ​ത്തി​നാ​യി നിലവി​ളി​ക്കു​ക​യും നീ കേൾക്കാ​തി​രി​ക്കു​ക​യും ചെയ്യും?” പൊ.യു.മു. ഏഴാം നൂറ്റാ​ണ്ടിൽ ജീവി​ച്ചി​രുന്ന എബ്രായ പ്രവാ​ച​ക​നായ ഹബക്കൂ​ക്കി​ന്റെ വാക്കു​ക​ളാണ്‌ അവ. എന്നാൽ ഈ വാക്കുകൾ കേട്ടു പരിചയം ഉള്ളതു​പോ​ലെ തോന്നു​ന്നി​ല്ലേ? നാം അതിയാ​യി ആഗ്രഹി​ക്കുന്ന കാര്യങ്ങൾ ഉടൻതന്നെ, അല്ലെങ്കിൽ എത്രയും വേഗം ലഭിക്കാ​നുള്ള ആഗ്രഹം മാനു​ഷി​ക​മാണ്‌. ഇന്നത്തെ തത്‌ക്ഷണ സംതൃ​പ്‌തി​യു​ടെ യുഗത്തിൽ അതു വിശേ​ഷാൽ സത്യമാണ്‌.—ഹബക്കൂക്‌ 1:2.

ദൈവം തന്റെ വാഗ്‌ദാ​നങ്ങൾ കുറെ​ക്കൂ​ടി നേരത്തെ നിവർത്തി​ക്ക​ണ​മാ​യി​രു​ന്നു എന്നു കരുതിയ ചിലർ ഒന്നാം നൂറ്റാ​ണ്ടിൽ ഉണ്ടായി​രു​ന്നു​വെന്നു തോന്നു​ന്നു. വളരെ അക്ഷമരായ അവർ ദൈവം താമസ​മു​ള്ളവൻ അഥവാ മന്ദഗതി​ക്കാ​രൻ ആണെന്നു പോലും വിചാ​രി​ച്ചു. സമയം സംബന്ധിച്ച ദൈവ​ത്തി​ന്റെ വീക്ഷണം നമ്മു​ടേ​തിൽനി​ന്നു തികച്ചും വ്യത്യ​സ്‌തം ആണെന്നു പത്രൊസ്‌ അപ്പൊ​സ്‌ത​ലന്‌ അവരെ ഓർമി​പ്പി​ക്കേണ്ടി വന്നു. പത്രൊസ്‌ എഴുതു​ന്നു: “പ്രിയ​മു​ള്ള​വരേ, കർത്താ​വി​ന്നു ഒരു ദിവസം ആയിരം സംവത്സ​രം​പോ​ലെ​യും ആയിരം സംവത്സരം ഒരു ദിവസം​പോ​ലെ​യും ഇരിക്കു​ന്നു എന്നീ കാര്യം നിങ്ങൾ മറക്കരു​തു.”—2 പത്രൊസ്‌ 3:8.

ഈ വിധത്തിൽ സമയം തിട്ട​പ്പെ​ടു​ത്തു​മ്പോൾ, 80 വയസ്സുള്ള ഒരാൾ ഏകദേശം രണ്ടു മണിക്കൂ​റേ ജീവി​ച്ചി​രു​ന്നി​ട്ടു​ള്ളൂ. മനുഷ്യ​വർഗ​ത്തി​ന്റെ മൊത്തം ചരി​ത്ര​ത്തി​നാ​കട്ടെ  ഏകദേശം ആറു ദിവസത്തെ ദൈർഘ്യ​മേ ഉള്ളൂ. നാം കാര്യ​ങ്ങളെ ഈ വീക്ഷണ​കോ​ണിൽ നിന്നു നോക്കു​മ്പോൾ, നമ്മോ​ടുള്ള ദൈവ​ത്തി​ന്റെ ഇടപെടൽ രീതി മനസ്സി​ലാ​ക്കുക കൂടുതൽ എളുപ്പ​മാ​യി​ത്തീ​രു​ന്നു.

എന്നാൽ സമയത്തി​ന്റെ കാര്യ​ത്തിൽ ദൈവം ഉദാസീ​നൻ അല്ല. നേരെ​മ​റിച്ച്‌, അവൻ വളരെ സമയ​ബോ​ധം ഉള്ളവനാണ്‌. (പ്രവൃ​ത്തി​കൾ 1:7) അതു​കൊണ്ട്‌ പത്രൊസ്‌ തുടർന്ന്‌ ഇങ്ങനെ പറയുന്നു: “ചിലർ താമസം എന്നു വിചാ​രി​ക്കു​ന്ന​തു​പോ​ലെ കർത്താവു തന്റെ വാഗ്‌ദത്തം നിവർത്തി​പ്പാൻ താമസി​ക്കു​ന്നില്ല. ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​പ്പെ​ടു​വാൻ അവൻ ഇച്ഛിച്ചു നിങ്ങ​ളോ​ടു ദീർഘക്ഷമ കാണി​ക്കു​ന്ന​തേ​യു​ള്ളു.” (2 പത്രൊസ്‌ 3:9) മനുഷ്യ​രിൽനി​ന്നു വ്യത്യ​സ്‌ത​മാ​യി, സമയം തീർന്നു​പോ​കു​മ​ല്ലോ എന്ന്‌ ഓർത്ത്‌ കാര്യങ്ങൾ പെട്ടെന്നു ചെയ്‌തു തീർക്കാ​നുള്ള സമ്മർദം അവന്‌ അനുഭ​വ​പ്പെ​ടു​ന്നില്ല. “നിത്യ​രാ​ജാ​വായ” അവനു കാര്യാ​ദി​കൾ സംബന്ധിച്ച്‌ അതിശ​യ​ക​ര​മായ ഒരു ആകമാന വീക്ഷണ​മുണ്ട്‌. തന്റെ പ്രവർത്ത​നങ്ങൾ കാലത്തി​ന്റെ നീരൊ​ഴു​ക്കിൽ, ഉൾപ്പെ​ട്ടി​രി​ക്കുന്ന സകലർക്കും ഏറ്റവും ഗുണക​ര​മാ​യി​രി​ക്കു​ന്നത്‌ എപ്പോ​ഴെന്നു നിർണ​യി​ക്കാൻ അവനു കഴിയും.—1 തിമൊ​ഥെ​യൊസ്‌ 1:17.

ദൈവം താമസ​മു​ള്ള​വ​നാ​യി കാണ​പ്പെ​ടു​ന്ന​തി​ന്റെ കാരണം വിശദീ​ക​രിച്ച ശേഷം പത്രൊസ്‌ ഈ മുന്നറി​യി​പ്പു നൽകുന്നു: “കർത്താ​വി​ന്റെ ദിവസ​മോ കള്ളനെ​പ്പോ​ലെ വരും.” മറ്റു വാക്കു​ക​ളിൽ പറഞ്ഞാൽ, ആളുകൾ പ്രതീ​ക്ഷി​ക്കാത്ത സമയത്താ​യി​രി​ക്കും കണക്കു തീർപ്പി​ന്റെ ദിവസം വന്നെത്തു​ന്നത്‌. തുടർന്ന്‌ അടുത്ത വാക്യ​ത്തിൽ, “വിശു​ദ്ധ​ജീ​വ​ന​വും ഭക്തിയും ഉള്ളവർ”ക്കുള്ള അതിശ​യ​ക​ര​മായ പ്രത്യാ​ശ​യി​ലേക്ക്‌, അതായത്‌ അവർ അതിജീ​വിച്ച്‌ ദൈവം വാഗ്‌ദാ​നം ചെയ്‌തി​രി​ക്കുന്ന ‘പുതിയ ആകാശ​വും പുതിയ ഭൂമി​യും’ അവകാ​ശ​മാ​ക്കി​യേ​ക്കാം എന്ന സംഗതി​യി​ലേക്കു പത്രൊസ്‌ വിരൽ ചൂണ്ടുന്നു.—2 പത്രൊസ്‌ 3:10-13.

ദൈവ​ത്തി​ന്റെ ന്യായ​വി​ധി ഇനിയും വന്നിട്ടില്ല എന്ന സംഗതി ഏറ്റവും വിലമ​തി​ക്കാൻ ഇതു നമ്മെ പ്രേരി​പ്പി​ക്കണം. അവന്റെ ഉദ്ദേശ്യം അറിയാ​നും അവൻ വാഗ്‌ദാ​നം ചെയ്‌തി​രി​ക്കുന്ന അനു​ഗ്ര​ഹങ്ങൾ പ്രാപി​ക്കാൻ തക്കവിധം നമ്മുടെ ജീവി​തത്തെ ക്രമ​പ്പെ​ടു​ത്താ​നും അവന്റെ ക്ഷമ നമുക്ക്‌ അവസര​മേ​കി​യി​രി​ക്കു​ന്നു. അപ്പോൾ, പത്രൊസ്‌ വാദി​ക്കു​ന്ന​തു​പോ​ലെ “നമ്മുടെ കർത്താ​വി​ന്റെ ദീർഘ​ക്ഷ​മയെ രക്ഷ” എന്നു നാം കരു​തേ​ണ്ട​തല്ലേ? (2 പത്രൊസ്‌ 3:14) എന്നാൽ ദൈവം ക്ഷമ പ്രകട​മാ​ക്കു​ന്ന​തി​നു മറ്റൊരു കാരണം കൂടി​യുണ്ട്‌.

അതി​ക്രമം ഒരു അളവോ​ളം പൂർത്തി​യാ​കേ​ണ്ടി​യി​രി​ക്കു​ന്നു

മെച്ച​പ്പെ​ടു​മെ​ന്നുള്ള സകല പ്രതീ​ക്ഷ​യും അസ്‌ത​മി​ക്കു​ന്നതു വരെ മിക്ക​പ്പോ​ഴും ദൈവം തന്റെ ന്യായ​വി​ധി നടപ്പാ​ക്കാ​തി​രു​ന്നി​ട്ടു​ണ്ടെന്ന്‌ മനുഷ്യ​വർഗ​ത്തോ​ടുള്ള അവന്റെ കഴിഞ്ഞ​കാല ഇടപെ​ട​ലു​കൾ പഠിക്കു​മ്പോൾ നാം മനസ്സി​ലാ​ക്കു​ന്നു. ദൃഷ്ടാ​ന്ത​ത്തിന്‌, കനാന്യ​രു​ടെ മേൽ ദൈവം നടത്തിയ ന്യായ​വി​ധി​യു​ടെ കാര്യ​ത്തിൽ, ദീർഘ​കാ​ലം മുമ്പു​തന്നെ അവൻ അവരുടെ പാപങ്ങളെ കുറിച്ച്‌ അബ്രാ​ഹാ​മി​നോ​ടു പറഞ്ഞി​രു​ന്നു. എന്നാൽ ന്യായ​വി​ധി നിർവ​ഹ​ണ​ത്തി​നുള്ള അവന്റെ സമയം അപ്പോ​ഴും എത്തിയി​രു​ന്നില്ല. എന്തു​കൊ​ണ്ടില്ല? എന്തെന്നാൽ, ബൈബിൾ പറയു​ന്നതു പോലെ, ‘അമോ​ര്യ​രു​ടെ [കനാന്യർ] അക്രമം അതുവരെ തികഞ്ഞി​ട്ടി​ല്ലാ’യിരുന്നു. അല്ലെങ്കിൽ നോക്‌സ്‌ വിവർത്തനം പറയു​ന്ന​തു​പോ​ലെ, ‘അമോ​ര്യ​രു​ടെ ദുഷ്ടത പൂർണ​മാ​യി​ട്ടി​ല്ലാ’യിരുന്നു.—ഉല്‌പത്തി 15:16. a

എന്നാൽ, ഏകദേശം 400 വർഷം കഴിഞ്ഞ​പ്പോൾ ദൈവം ന്യായ​വി​ധി നടപ്പാക്കി. അബ്രാ​ഹാ​മി​ന്റെ പിൻത​ല​മു​റ​ക്കാ​രായ ഇസ്രാ​യേ​ല്യർ ആ ദേശം കൈവ​ശ​മാ​ക്കി. രാഹാ​ബി​നെ​യും ഗിബെ​യോ​ന്യ​രെ​യും പോലുള്ള ചില കനാന്യർ തങ്ങളുടെ മനോ​ഭാ​വ​ത്തി​ന്റെ​യും പ്രവൃ​ത്തി​ക​ളു​ടെ​യും ഫലമായി രക്ഷിക്ക​പ്പെട്ടു. എന്നാൽ ആധുനി​ക​കാല പുരാ​വ​സ്‌തു ഖനനങ്ങൾ വെളി​പ്പെ​ടു​ത്തി​യി​രി​ക്കു​ന്നതു പോലെ, ബഹുഭൂ​രി​പക്ഷം കനാന്യ​രും അങ്ങേയറ്റം അശുദ്ധ​രാ​യി തീർന്നി​രു​ന്നു. അവർ ലിംഗാ​രാ​ധ​ന​യും ക്ഷേത്ര വേശ്യാ​വൃ​ത്തി​യും ശിശു​ബ​ലി​യും നടത്തി​യി​രു​ന്നു. ഹാലീസ്‌ ബൈബിൾ ഹാൻഡ്‌ബുക്ക്‌ ഇങ്ങനെ പ്രസ്‌താ​വി​ക്കു​ന്നു: “ദൈവം കനാന്യ​രെ നേര​ത്തെ​തന്നെ നശിപ്പി​ക്കാ​ഞ്ഞത്‌ എന്തു​കൊ​ണ്ടെന്ന്‌ അവരുടെ നഗരങ്ങ​ളി​ലെ നാശാ​വ​ശി​ഷ്ട​ങ്ങ​ളിൽ ഖനനം നടത്തിയ പുരാ​വ​സ്‌തു ശാസ്‌ത്രജ്ഞർ അതിശ​യി​ക്കു​ന്നു.” ഒടുവിൽ, കനാന്യ​രു​ടെ ‘പാപം തികഞ്ഞു;’ അവരുടെ ദുഷ്ടത “പൂർണ​മാ​യി.” ദൈവം ആ ദേശത്തെ ശുദ്ധീ​ക​രി​ക്കു​ക​യും അതേസ​മയം ശരിയായ മനോ​ഭാ​വം കാട്ടി​യ​വരെ നശിപ്പി​ക്കാ​തി​രി​ക്കു​ക​യും ചെയ്‌ത​പ്പോൾ അത്‌ അവന്റെ ഭാഗത്ത്‌ അന്യായം ആയിരു​ന്നെന്ന്‌ ആർക്കും ന്യായ​മാ​യി കുറ്റ​പ്പെ​ടു​ത്താൻ കഴിയു​മാ​യി​രു​ന്നില്ല.

നോഹ​യു​ടെ നാളി​ലും സമാന​മാ​യൊ​രു സാഹച​ര്യം നമുക്കു കാണാം. പ്രളയ​ത്തി​നു മുമ്പു​ണ്ടാ​യി​രുന്ന ജനതതി ദുഷ്ടമാ​യി​രു​ന്നെ​ങ്കി​ലും, അവരുടെ കാലം 120 വർഷം കൂടെ തുടരട്ടെ എന്നു ദൈവം കരുണാ​പൂർവം തീരു​മാ​നി​ച്ചു. ആ കാലഘ​ട്ട​ത്തിൽ കുറെ​ക്കാ​ലം നോഹ ഒരു “നീതി​പ്ര​സം​ഗി”യായി സേവിച്ചു. (2 പത്രൊസ്‌ 2:5) കാലം കടന്നു​പോ​യ​തോ​ടെ, അവരുടെ ദുഷ്ടത വ്യക്തമാ​യും അതിന്റെ പാരമ്യ​ത്തിൽ എത്തി. “ദൈവം ഭൂമിയെ നോക്കി, അതു വഷളായി എന്നു കണ്ടു; സകലജ​ഡ​വും ഭൂമി​യിൽ തന്റെ വഴി വഷളാ​ക്കി​യി​രു​ന്നു.” (ഉല്‌പത്തി 6:3, 12) അവരുടെ ‘പാപം തികഞ്ഞി​രു​ന്നു;’ കാലച​ക്രം മുന്നോ​ട്ടു  തിരി​യവെ, അവരുടെ തെറ്റായ ചായ്‌വു​കൾ പരകോ​ടി​യിൽ എത്തിയി​രു​ന്നു. ദൈവം നടപടി സ്വീക​രി​ച്ചത്‌ തികച്ചും ന്യായ​മായ സംഗതി ആയിരു​ന്നു. ദൈവ​ദൃ​ഷ്ടി​യിൽ നീതി​മാ​ന്മാ​രാ​യി കണ്ടെത്ത​പ്പെ​ട്ടത്‌ വെറും എട്ടുപേർ മാത്ര​മാണ്‌. അവൻ അവരെ രക്ഷിക്കു​ക​യും ചെയ്‌തു.

ഇസ്രാ​യേ​ല്യ​രോ​ടു ദൈവം ഇടപെ​ട്ട​തും സമാന​മായ രീതി​യി​ലാണ്‌. അവർ അവിശ്വ​സ്‌ത​വും അധമവു​മായ വിധത്തിൽ പ്രവർത്തി​ച്ചെ​ങ്കി​ലും നൂറു​ക​ണ​ക്കി​നു വർഷങ്ങൾ ദൈവം അവരോ​ടു ക്ഷമ കാണിച്ചു. തിരു​വെ​ഴു​ത്തു രേഖ ഇങ്ങനെ പറയുന്നു: “യഹോ​വെക്കു തന്റെ ജനത്തോ​ടു. . . സഹതാപം തോന്നീ​ട്ടു അവൻ ജാഗ്ര​ത​യോ​ടെ [“വീണ്ടും വീണ്ടും,” NW] തന്റെ ദൂതന്മാ​രെ അവരുടെ അടുക്കൽ അയച്ചു. അവരോ . . . അവന്റെ വാക്കു​കളെ നിരസി​ച്ചു ഉപശാ​ന്തി​യി​ല്ലാ​താ​കും​വണ്ണം യഹോ​വ​യു​ടെ കോപം തന്റെ ജനത്തിന്നു നേരെ ഉജ്ജ്വലി​ക്കു​വോ​ളം അവന്റെ പ്രവാ​ച​ക​ന്മാ​രെ നിന്ദി​ച്ചു​ക​ളഞ്ഞു.” (2 ദിനവൃ​ത്താ​ന്തം 36:15, 16) ജനം മെച്ച​പ്പെ​ടാൻ കഴിയാത്ത ഒരു ഘട്ടത്തിൽ എത്തി​ച്ചേർന്നി​രു​ന്നു. യിരെ​മ്യാ​വും മറ്റു ചുരുക്കം ചിലരും മാത്രമേ രക്ഷിക്ക​പ്പെ​ട്ടു​ള്ളൂ. ശേഷി​ച്ച​വ​രു​ടെ മേൽ ദൈവം ഒടുവിൽ ന്യായ​വി​ധി നടപ്പാ​ക്കി​യ​പ്പോൾ അത്‌ അന്യാ​യ​മാ​യി​രു​ന്നെന്ന്‌ ആർക്കും പറയാൻ സാധി​ക്കു​മാ​യി​രു​ന്നില്ല.

പ്രവർത്തി​ക്കാ​നുള്ള ദൈവ​ത്തി​ന്റെ സമയം ആസന്നമാ​യി​രി​ക്കു​ന്നു

ഈ വ്യവസ്ഥി​തി​യു​ടെ മേലുള്ള ന്യായ​വി​ധി, ഉചിത​മായ സമയം വന്നെത്തു​ന്നതു വരെ മാത്രമേ ദൈവം നടപ്പാ​ക്കാ​തി​രി​ക്കു​ക​യു​ള്ളൂ എന്ന്‌ ഈ ദൃഷ്ടാ​ന്ത​ങ്ങ​ളിൽ നിന്നു നമുക്കു കാണാൻ കഴിയും. ദൈവ​ത്തി​ന്റെ പ്രതീ​കാ​ത്മക വധനിർവാ​ഹ​കനു നൽകപ്പെട്ട കൽപ്പന​യിൽ ഇതു പ്രകട​മാണ്‌: “‘നിന്റെ മൂർച്ച​യുള്ള അരിവാൾ എടുത്തു ഭൂമി​യി​ലെ മുന്തി​രി​വ​ള്ളി​യിൽനി​ന്നു മുന്തി​രി​ക്കു​ലകൾ ശേഖരി​ക്കുക, മുന്തി​രി​ങ്ങാ പാകമാ​യി​രി​ക്കു​ന്നു.’ . . . ദൂതൻ അരിവാൾ ഭൂമി​യി​ലേക്ക്‌ എറിഞ്ഞ്‌ ഭൂമി​യി​ലെ മുന്തി​രി​ക്കു​ലകൾ ശേഖരി​ച്ചു ദൈവ​ക്രോ​ധ​ത്തി​ന്റെ വലിയ ചക്കിൽ ഇട്ടു.” മനുഷ്യ​വർഗ​ത്തി​ന്റെ ദുഷ്ടത “പാകമാ​യി​രി​ക്കു​ന്നു,” അതായത്‌ മെച്ച​പ്പെ​ടാ​നുള്ള സകല സാധ്യ​ത​യും അസ്‌ത​മിച്ച ഒരു ഘട്ടത്തിൽ എത്തി​ച്ചേർന്നി​രി​ക്കു​ന്നു എന്നതു ശ്രദ്ധി​ക്കുക. ദൈവം ന്യായ​വി​ധി നടപ്പാ​ക്കു​മ്പോൾ, അവന്റെ ആ ഇടപെടൽ നീതി​പൂർവകം ആയിരി​ക്കും എന്നതിനു തെല്ലും സംശയ​മില്ല.—വെളി​പ്പാ​ടു 14:18, 19, ന്യൂ ഇൻഡ്യാ ബൈബിൾ വേർഷൻ.

മേൽ പ്രസ്‌താ​വി​ച്ചതു പരിഗ​ണി​ക്കു​മ്പോൾ, ലോക​ത്തിന്‌ എതി​രെ​യുള്ള ദൈവ​ത്തി​ന്റെ ന്യായ​വി​ധി ആസന്നമാ​ണെന്നു വ്യക്തമാണ്‌. കാരണം, മുൻകാ​ല​ങ്ങ​ളിൽ ദൈവ​ത്തി​ന്റെ ന്യായ​വി​ധി അനിവാ​ര്യ​മാ​ക്കിയ അവസ്ഥയിൽ ഈ ലോകം എത്തി​ച്ചേർന്നി​രി​ക്കു​ന്നു.  എവിടെ നോക്കി​യാ​ലും, നോഹ​യു​ടെ കാലത്തെ ജലപ്ര​ള​യ​ത്തി​നു മുമ്പ​ത്തേതു പോലെ ഭൂമി അതി​ക്ര​മം​കൊ​ണ്ടു നിറഞ്ഞി​രി​ക്കു​ന്നു. ആളുക​ളു​ടെ മനോ​ഭാ​വങ്ങൾ പൂർവാ​ധി​കം ഉല്‌പത്തി 6:5-ൽ വിവരി​ച്ചി​രി​ക്കു​ന്നതു പോലെ ആകുക​യാണ്‌: “[മനുഷ്യ​ന്റെ] ഹൃദയ​വി​ചാ​ര​ങ്ങ​ളു​ടെ നിരൂ​പ​ണ​മൊ​ക്കെ​യും എല്ലായ്‌പോ​ഴും ദോഷ​മു​ള്ള​ത​ത്രേ.” കനാന്യർക്ക്‌ എതിരെ ദൈവ​ത്തി​ന്റെ ന്യായ​വി​ധി ക്ഷണിച്ചു വരുത്തിയ കടുത്ത പാപങ്ങൾ പോലും ഇന്നു സർവസാ​ധാ​ര​ണ​മാണ്‌.

വിശേ​ഷി​ച്ചും, ഒന്നാം ലോക​മ​ഹാ​യു​ദ്ധ​ത്തി​നു ശേഷം മനുഷ്യ​വർഗം ഭയാന​ക​മായ മാറ്റങ്ങൾക്കു വിധേ​യ​മാ​യി​രി​ക്കു​ന്നു. ഭൂമി കോടി​ക്ക​ണ​ക്കിന്‌ ആളുക​ളു​ടെ രക്തം​കൊണ്ട്‌ കുതിർന്നി​രി​ക്കു​ന്നു. യുദ്ധം, വംശഹത്യ, ഭീകര​പ്ര​വർത്തനം, കുറ്റകൃ​ത്യം, നിയമ​രാ​ഹി​ത്യം എന്നിവ​യു​ടെ നിരക്കു ലോക​വ്യാ​പ​ക​മാ​യി കുതി​ച്ചു​യർന്നി​രി​ക്കു​ന്നു. ക്ഷാമവും രോഗ​വും അധാർമി​ക​ത​യും നമ്മുടെ ഭൂഗോ​ളത്തെ വിഴു​ങ്ങി​യി​രി​ക്കു​ന്നു. “ഇതൊ​ക്കെ​യും സംഭവി​ക്കു​വോ​ളം ഈ തലമുറ ഒഴിഞ്ഞു​പോ​ക​യില്ല” എന്ന്‌ യേശു പറഞ്ഞ ദുഷ്ട തലമു​റ​യി​ലാ​ണു നാം ജീവി​ക്കു​ന്ന​തെന്ന്‌ എല്ലാ തെളി​വു​ക​ളും സൂചി​പ്പി​ക്കു​ന്നു. (മത്തായി 24:34) ലോകം ഇപ്പോൾ അതിന്റെ “പാപത്തി​ന്റെ അളവ്‌” തികയ്‌ക്കു​ക​യാണ്‌. “ഭൂമി​യി​ലെ മുന്തി​രി​ക്കു​ലകൾ” വിള​വെ​ടു​പ്പി​നു പാകമാ​കു​ക​യാണ്‌.

നിങ്ങൾക്കു പ്രവർത്തി​ക്കാ​നുള്ള സമയം

ന്യായ​വി​ധി​യു​ടെ കാലം അടുത്തു​വ​രവേ, രണ്ടു തരത്തി​ലുള്ള പാകമാ​കൽ ഉണ്ടാകു​മെന്ന്‌ അപ്പൊ​സ്‌ത​ല​നായ യോഹ​ന്നാ​നോ​ടു പറയ​പ്പെട്ടു. ഒരു വശത്ത്‌, “അനീതി ചെയ്യു​ന്നവൻ ഇനിയും അനീതി ചെയ്യട്ടെ; അഴുക്കു​ള്ളവൻ ഇനിയും അഴുക്കാ​കട്ടെ.” എന്നാൽ മറുവ​ശത്ത്‌, “നീതി​മാൻ ഇനിയും നീതി​ചെ​യ്യട്ടെ; വിശുദ്ധൻ ഇനിയും തന്നെ വിശു​ദ്ധീ​ക​രി​ക്കട്ടെ.” (വെളി​പ്പാ​ടു 22:10, 11) ഈ രണ്ടാമത്തെ സംഭവ വികാസം, യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക ബൈബിൾ വിദ്യാ​ഭ്യാ​സ വേല​യോ​ടുള്ള ബന്ധത്തിൽ സംഭവി​ക്കു​ന്നു. നിത്യ​ജീ​വൻ പ്രാപി​ക്കാൻ യോഗ്യ​ത​യു​ള്ള​വ​രാ​യി കണക്കാ​ക്ക​പ്പെ​ടാൻ കഴി​യേ​ണ്ട​തിന്‌, ദൈവം തങ്ങളിൽനിന്ന്‌ ആവശ്യ​പ്പെ​ടു​ന്നത്‌ എന്തെന്ന്‌ ആളുകളെ പഠിപ്പി​ക്കു​ക​യാണ്‌ ആ വേലയു​ടെ ലക്ഷ്യം. ഏകദേശം 87,000 സഭകളി​ലൂ​ടെ, ഇപ്പോൾ 233 ദേശങ്ങ​ളിൽ ഈ പ്രവർത്തനം നടക്കുന്നു.

ദൈവം താമസ​മു​ള്ള​വനല്ല. എന്നാൽ, അവന്റെ വാഗ്‌ദാ​ന​ങ്ങ​ളിൽനി​ന്നു പ്രയോ​ജനം അനുഭ​വി​ക്കാൻ തക്കവണ്ണം ആളുകൾ “പുതിയ വ്യക്തി​ത്വം ധരി”ക്കുന്നതിന്‌ ആവശ്യ​മായ സമയം അവർക്കു ക്ഷമാപൂർവം അനുവ​ദി​ച്ചി​രി​ക്കു​ന്നു. (എഫെസ്യർ 4:24, NW) ഇന്ന്‌, ലോക​ത്തി​ലെ അവസ്ഥകൾ ഒന്നി​നൊ​ന്നു വഷളാ​കു​ക​യാ​ണെ​ങ്കി​ലും ദൈവം ഇപ്പോ​ഴും കാത്തി​രി​ക്കു​ന്നു. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം തങ്ങളുടെ അയൽക്കാ​രു​മാ​യി പങ്കു​വെ​ക്കാൻ ന്യായ​മാ​യും തങ്ങൾക്കു സാധി​ക്കു​ന്ന​തെ​ല്ലാം യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ചെയ്‌തു​കൊ​ണ്ടി​രി​ക്കു​ന്നു. (യോഹ​ന്നാൻ 17:3, 17) സന്തോ​ഷ​ക​ര​മെന്നു പറയട്ടെ, ഓരോ വർഷവും 3,00,000 ആളുകൾ അതി​നോ​ടു പ്രതി​ക​രി​ച്ചു​കൊ​ണ്ടു സ്‌നാ​പനം ഏൽക്കുന്നു.

ഇപ്പോൾ നിത്യ​ജീ​വൻ ദൃഷ്ടി​പ​ഥ​ത്തിൽ ആയിരി​ക്കെ, ഇത്‌ വെറുതെ ഇരിക്കാ​നുള്ള സമയമല്ല, മറിച്ചു പ്രവർത്തി​ക്കാ​നുള്ള സമയമാണ്‌. എന്തെന്നാൽ യേശു​വി​ന്റെ പിൻവ​രുന്ന വാഗ്‌ദാ​ന​ത്തി​ന്റെ നിവൃത്തി നാം അൽപ്പകാ​ല​ത്തി​നു​ള്ളിൽ കാണും: “ജീവി​ച്ചി​രു​ന്നു എന്നിൽ വിശ്വ​സി​ക്കു​ന്നവൻ ഒരുനാ​ളും മരിക്ക​യില്ല.”—യോഹ​ന്നാൻ 11:26.

[അടിക്കു​റി​പ്പു​കൾ]

[6-ാം പേജിലെ ചിത്രം]

ഭൂമിയിലെ മുന്തി​രിങ്ങ പാകമാ​കു​മ്പോൾ ദൈവ നിയമിത വധനിർവാ​ഹ​ക​നോട്‌ അരിവാൾ എറിയാൻ ആവശ്യ​പ്പെ​ട്ടി​രി​ക്കു​ന്നു

[7-ാം പേജിലെ ചിത്രം]

ദൈവത്തിന്റെ നിത്യാ​നു​ഗ്രങ്ങൾ പ്രാപി​ക്കാ​നുള്ള അർഹത നേടാൻ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ആളുകളെ സഹായി​ക്കു​ന്നു