വായന​ക്കാ​രിൽ നിന്നുള്ള ചോദ്യ​ങ്ങൾ

വന്ധ്യം​ക​രണം നടത്തിയ ശേഷവും സന്താ​നോ​ത്‌പാ​ദന ശേഷി കൈവ​രി​ക്കാൻ മാർഗങ്ങൾ ഉണ്ടെന്നു പറയ​പ്പെ​ടു​ന്ന​തി​നാൽ, ഒരു ക്രിസ്‌ത്യാ​നിക്ക്‌ അതിനെ ഒരു ജനന നിയന്ത്രണ ഉപാധി​യാ​യി വീക്ഷി​ക്കാ​മോ?

കുടും​ബാ​സൂ​ത്ര​ണ​ത്തി​നു പരക്കെ സ്വീക​രി​ക്കുന്ന ഒരു മാർഗ​മാ​യി​ത്തീർന്നി​രി​ക്കു​ന്നു വന്ധ്യം​ക​രണം. അനേകരെ സംബന്ധി​ച്ചി​ട​ത്തോ​ളം, സാമൂ​ഹി​ക​വും വിദ്യാ​ഭ്യാ​സ​പ​ര​വു​മായ പശ്ചാത്ത​ല​വും മതപര​മായ കാഴ്‌ച​പ്പാ​ടു​ക​ളു​മാണ്‌ അതു വേണമോ വേണ്ടയോ എന്ന തീരു​മാ​നത്തെ നിയ​ന്ത്രി​ക്കു​ന്നത്‌ എന്നു തോന്നു​ന്നു. യഹോ​വ​യു​ടെ സാക്ഷികൾ ഇക്കാര്യ​ത്തിൽ തങ്ങളുടെ മതവി​ശ്വാ​സം കണക്കി​ലെ​ടു​ക്കു​ന്നു. സങ്കീർത്ത​ന​ക്കാ​രൻ പ്രകട​മാ​ക്കിയ ആഗ്രഹ​മാണ്‌ അവർക്കു​ള്ളത്‌: “യഹോവേ, നിന്റെ വഴി എന്നെ കാണി​ക്കേ​ണമേ; എന്റെ ശത്രു​ക്കൾനി​മി​ത്തം നേരെ​യുള്ള പാതയിൽ എന്നെ നടത്തേ​ണമേ.” (സങ്കീർത്തനം 27:11) വന്ധ്യം​കരണ പ്രക്രി​യ​യിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌?

ജനന നിയ​ന്ത്ര​ണ​ത്തിന്‌ പുരു​ഷ​ന്മാ​രിൽ നടത്തുന്ന വന്ധ്യം​ക​ര​ണത്തെ വാസക്ടമി എന്നാണു വിളി​ക്കു​ന്നത്‌. വൃഷണ​സ​ഞ്ചി​യി​ലെ രണ്ടു ചെറിയ ബീജവാ​ഹി​കൾ അഥവാ കുഴലു​കൾ മുറിച്ച ശേഷം ബന്ധിക്കുന്ന രീതി​യാണ്‌ ഇത്‌. വ്യത്യസ്‌ത വൈദ്യ​ശാ​സ്‌ത്ര രീതി​ക​ളി​ലൂ​ടെ ഇതു ചെയ്യാ​വു​ന്ന​താണ്‌. ഇതിന്റെ ഉദ്ദേശ്യം വൃഷണ​ത്തിൽ നിന്നുള്ള ബീജ​പ്ര​വാ​ഹം തടയുക എന്നതാണ്‌. സ്‌ത്രീ​ക​ളിൽ നടത്തുന്ന വന്ധ്യം​ക​ര​ണത്തെ ട്യൂബ​ക്ടമി എന്നാണു വിളി​ക്കു​ന്നത്‌. അണ്ഡാശ​യ​ത്തിൽ നിന്നും ഗർഭാ​ശ​യ​ത്തി​ലേക്ക്‌ അണ്ഡങ്ങളെ വഹിച്ചു​കൊ​ണ്ടു പോകുന്ന അണ്ഡവാ​ഹി​നി​ക്കു​ഴ​ലു​കൾ മുറിച്ച ശേഷം കെട്ടി​യാണ്‌ (അല്ലെങ്കിൽ കരിച്ചു​ക​ള​ഞ്ഞാണ്‌) ഇതു സാധാ​ര​ണ​മാ​യി ചെയ്യു​ന്നത്‌.

ഇത്‌ സ്ഥായി​യായ—അതായത്‌ വന്ധ്യം​ക​രണം നടത്തിയ ശേഷം സന്താ​നോ​ത്‌പാ​ദന ശേഷി വീണ്ടും കൈവ​രി​ക്കാൻ കഴിയു​ക​യി​ല്ലാത്ത—ഒരു നടപടി ആയിട്ടാണ്‌ വളരെ​ക്കാ​ല​മാ​യി കരുതി​പ്പോ​ന്നത്‌. എന്നിരു​ന്നാ​ലും, പുതിയ സാഹച​ര്യം നിമി​ത്ത​മോ വന്ധ്യം​ക​രണം ചെയ്‌ത​തി​ലുള്ള ഖേദം നിമി​ത്ത​മോ ചിലർ പ്രത്യു​ത്‌പാ​ദ​ന​ശേഷി വീണ്ടെ​ടു​ക്കാൻ വൈദ്യ​സ​ഹാ​യം തേടി​യി​ട്ടുണ്ട്‌. പ്രത്യേക ഉപകര​ണ​ങ്ങ​ളു​ടെ​യും മൈ​ക്രോ​സർജ​റി​യു​ടെ​യും ആവിർഭാ​വ​ത്തോ​ടെ, പ്രത്യു​ത്‌പാ​ദ​ന​ശേഷി വീണ്ടെ​ടു​ക്കുന്ന കാര്യ​ത്തിൽ കൂടുതൽ വിജയം കൈവ​രി​ക്കാ​നാ​യി​ട്ടുണ്ട്‌. തിര​ഞ്ഞെ​ടുത്ത ചിലരിൽ, ബന്ധമറ്റ സൂക്ഷ്‌മ കുഴലു​കൾ വീണ്ടും കൂട്ടി​യോ​ജി​പ്പി​ച്ചു​കൊണ്ട്‌ പുനരു​ത്‌പാ​ദ​ന​ശേഷി വീണ്ടെ​ടു​ക്കുന്ന കാര്യ​ത്തിൽ 50 മുതൽ 70 വരെ ശതമാനം വിജയം ഉണ്ടായ​താ​യി​ട്ടുള്ള വാർത്തകൾ സാധാ​ര​ണ​മാണ്‌. വന്ധ്യം​ക​രണം നടത്തിയ സ്‌ത്രീ​ക​ളിൽ പുനരു​ത്‌പാ​ദ​ന​ശേഷി വീണ്ടെ​ടു​ക്കു​ന്ന​തിൽ 60 മുതൽ 80 വരെ ശതമാനം വിജയി​ച്ച​താ​യുള്ള അവകാ​ശ​വാ​ദ​ങ്ങ​ളു​മുണ്ട്‌. ഇതു നിമിത്തം ചിലർ വന്ധ്യം​ക​ര​ണത്തെ സ്ഥായി​യായ ഒരു നടപടി​യാ​യി മേലാൽ വീക്ഷി​ക്കേ​ണ്ട​തില്ല എന്നു വിചാ​രി​ച്ചി​ട്ടുണ്ട്‌. ഗർഭധാ​രണം ആഗ്രഹി​ക്കു​മ്പോൾ വേണ്ടെന്നു വെക്കാ​വുന്ന ഗർഭനി​രോ​ധന ഗുളി​കകൾ, ഉറകൾ, ഡയഫ്ര​മു​കൾ തുടങ്ങിയ ഗർഭനി​രോ​ധന മാർഗ​ങ്ങളെ പോലെ തന്നെ വാസക്ട​മി​യെ​യും ട്യൂബ​ക്ട​മി​യെ​യും വീക്ഷി​ക്കാം എന്ന്‌ അവർ കരുതി​യേ​ക്കാം. എന്നിരു​ന്നാ​ലും, ഗൗരവ​മായ ചില വശങ്ങൾ തള്ളിക്ക​ള​യാൻ പാടില്ല.

അതിൽ ഒരു സംഗതി, പുനരു​ത്‌പാ​ദ​ന​ശേഷി വീണ്ടും കൈവ​രി​ക്കാ​നുള്ള പ്രതീ​ക്ഷ​കൾക്കു ഭംഗം വരുത്താൻ പോന്ന പിൻവ​രുന്ന തരത്തി​ലുള്ള ഘടകങ്ങ​ളാണ്‌. വന്ധ്യം​ക​രണം നടത്തി​യ​പ്പോൾ ട്യൂബു​കൾക്ക്‌ ഉണ്ടായ കേടു​പാ​ടു​കൾ, ട്യൂബ്‌ എത്ര​ത്തോ​ളം മുറിച്ചു മാറ്റി, അതിന്‌ എത്ര​ത്തോ​ളം ക്ഷതമേറ്റു, വന്ധ്യം​ക​രണം ചെയ്‌തിട്ട്‌ എത്ര വർഷമാ​യി, വാസക്ട​മി​യു​ടെ കാര്യ​ത്തിൽ പുരുഷ ബീജത്തെ ചെറു​ക്കുന്ന പ്രതി​വ​സ്‌തു​ക്കൾ (antibodies) ഉണ്ടായി​ട്ടു​ണ്ടോ എന്നിവ​യൊ​ക്കെ അവയിൽ ഉൾപ്പെ​ടു​ന്നു. മൈ​ക്രോ​സർജറി നടത്താ​നുള്ള സൗകര്യ​ങ്ങൾ എല്ലാ സ്ഥലങ്ങളി​ലും ലഭ്യമല്ല എന്ന സംഗതി​യും അതിനു വരുന്ന ഭീമമായ ചെലവും വിസ്‌മ​രി​ക്കാ​വു​ന്നതല്ല. തന്മൂലം, പ്രത്യു​ത്‌പാ​ദ​ന​ശേഷി വീണ്ടും കൈവ​രി​ക്കാൻ അത്യധി​കം ആഗ്രഹി​ച്ചേ​ക്കാ​വുന്ന അനേകർക്ക്‌ അതു സാധി​ക്കു​ക​യില്ല. വാസ്‌ത​വ​ത്തിൽ അവരുടെ വന്ധ്യം​ക​രണം സ്ഥായി​യായ ഒന്നാണ്‌. a അതു​കൊണ്ട്‌ പ്രത്യു​ത്‌പാ​ദ​ന​ശേഷി വീണ്ടെ​ടു​ക്കു​ന്നതു സംബന്ധിച്ച്‌ മുകളിൽ കൊടു​ത്തി​രി​ക്കുന്ന കണക്കുകൾ വാസ്‌ത​വ​ത്തിൽ തത്ത്വത്തിൽ മാത്ര​മു​ള്ള​താണ്‌, അവ ആശ്രയ​യോ​ഗ്യ​മല്ല.

ചില വസ്‌തു​തകൾ യാഥാർഥ്യ​ങ്ങളെ എടുത്തു​കാ​ണി​ക്കു​ന്നു. 12,000 ഡോളർ ചെലവുള്ള ശസ്‌ത്ര​ക്രി​യ​യ്‌ക്കു വിധേ​യ​രായ ശേഷം, “പ്രത്യു​ത്‌പാ​ദന ശേഷി വീണ്ടു​കി​ട്ടി​യത്‌ 63 ശതമാനം പേർക്കു മാത്ര​മാണ്‌” എന്ന്‌ പുരു​ഷ​ന്മാ​രിൽ പ്രത്യു​ത്‌പാ​ദ​ന​ശേഷി വീണ്ടെ​ടു​ക്കു​ന്നതു സംബന്ധിച്ച്‌ ഐക്യ​നാ​ടു​ക​ളിൽ പ്രസി​ദ്ധീ​ക​രിച്ച ഒരു ലേഖനം അഭി​പ്രാ​യ​പ്പെട്ടു. കൂടാതെ, “വാസക്ട​മി​ക്കു വിധേ​യ​രായ പുരു​ഷ​ന്മാ​രിൽ ആറു ശതമാനം പേരേ പിന്നീട്‌ പ്രത്യു​ത്‌പാ​ദ​ന​ശേഷി വീണ്ടെ​ടു​ക്കാ​നുള്ള ശസ്‌ത്ര​ക്രി​യ​യ്‌ക്കു വിധേ​യ​രാ​കു​ന്നു​ള്ളൂ.” മധ്യയൂ​റോ​പ്പി​നെ കുറിച്ച്‌ ജർമനി​യിൽ നടത്തിയ ഒരു പഠനം, വന്ധ്യം​ക​ര​ണ​ത്തി​നു വിധേ​യ​രായ പുരു​ഷ​ന്മാ​രിൽ ഏതാണ്ട്‌ 3 ശതമാ​നമേ വന്ധ്യം​കരണ ബദൽ ശസ്‌ത്ര​ക്രി​യ​യ്‌ക്കു വിധേ​യ​രാ​യു​ള്ളൂ എന്നു കാണി​ക്കു​ന്നു. ആ ശ്രമത്തിൽ പകുതി വിജയി​ച്ചാൽതന്നെ, 98.5 ശതമാനം പേരെ സംബന്ധി​ച്ചി​ട​ത്തോ​ളം വാസക്ടമി സ്ഥായി​യായ വന്ധ്യം​ക​ര​ണ​ത്തി​നു തുല്യ​മാ​യി​രി​ക്കും എന്നർഥം. മൈ​ക്രോ​സർജ​ന്മാർ വളരെ കുറവുള്ള അല്ലെങ്കിൽ ഒട്ടും​തന്നെ ഇല്ലാത്ത രാജ്യ​ങ്ങ​ളിൽ ഈ നിരക്ക്‌ അതിലും കൂടു​ത​ലാണ്‌.

താത്‌കാ​ലി​ക ജനനനി​യ​ന്ത്രണ മാർഗ​മാ​യി പുരു​ഷ​ന്മാ​രു​ടെ​യോ സ്‌ത്രീ​ക​ളു​ടെ​യോ വന്ധ്യം​ക​ര​ണത്തെ  ലാഘവ​ത്തോ​ടെ കാണു​ന്നതു ബുദ്ധി​യാ​യി​രി​ക്കില്ല. ഇനി, ആത്മാർഥ ക്രിസ്‌ത്യാ​നി​ക​ളു​ടെ കാര്യ​ത്തിൽ പരിചി​ന്തി​ക്കേണ്ട മറ്റു വശങ്ങളു​മുണ്ട്‌.

പുനരു​ത്‌പാ​ദന പ്രാപ്‌തി​കൾ നമ്മുടെ സ്രഷ്ടാ​വിൽ നിന്നുള്ള ഒരു ദാനമാണ്‌ എന്നതാണു പ്രധാ​ന​പ്പെട്ട ഒരു സംഗതി. പൂർണ മനുഷ്യർ ‘ഭൂമി​യിൽ നിറഞ്ഞു അതിനെ അടക്കേ​ണ്ട​തിന്‌’ അവർ പ്രത്യു​ത്‌പാ​ദനം നടത്തണം എന്നായി​രു​ന്നു ദൈവ​ത്തി​ന്റെ ആദിമ ഉദ്ദേശ്യം. (ഉല്‌പത്തി 1:28) ജലപ്ര​ളയം ഭൂമി​യി​ലെ ജനസം​ഖ്യ​യെ വെറും എട്ടു പേരാക്കി ചുരു​ക്കി​യ​പ്പോൾ ദൈവം ആ അടിസ്ഥാന നിർദേ​ശങ്ങൾ ആവർത്തി​ച്ചു. (ഉല്‌പത്തി 9:1) ദൈവം ഇസ്രാ​യേ​ല്യ​രോട്‌ ആ കൽപ്പന ആവർത്തി​ച്ചി​ല്ലെ​ങ്കി​ലും, സന്താനങ്ങൾ ഉണ്ടായി​രി​ക്കു​ന്നത്‌ വളരെ അഭികാ​മ്യ​മായ ഒന്നായി അവർ വീക്ഷി​ച്ചി​രു​ന്നു.—1 ശമൂവേൽ 1:1-11; സങ്കീർത്തനം 128:3.

മനുഷ്യ പുനരു​ത്‌പാ​ദ​നത്തെ ദൈവം ആദരി​ക്കു​ന്നു എന്നതിന്റെ സൂചനകൾ ഇസ്രാ​യേ​ല്യ​രോ​ടുള്ള ദൈവ​ത്തി​ന്റെ ന്യായ​പ്ര​മാ​ണ​ത്തിൽ കാണാം. ഉദാഹ​ര​ണ​ത്തിന്‌, വിവാ​ഹി​ത​നായ ഒരാൾ ഒരു പുത്രനു ജന്മമേ​കു​ന്ന​തി​നു മുമ്പ്‌ മരിച്ചു പോയാൽ അയാളു​ടെ വംശപ​രമ്പര നിലനിർത്താൻ അയാളു​ടെ സഹോ​ദരൻ ദേവര​ധർമ​ത്തി​ലൂ​ടെ ഒരു മകനെ ജനിപ്പി​ക്ക​ണ​മാ​യി​രു​ന്നു. (ആവർത്ത​ന​പു​സ്‌തകം 25:5) അടിപി​ടി കൂടു​മ്പോൾ ഭർത്താ​വി​നെ സഹായി​ക്കാൻ ശ്രമി​ക്കുന്ന ഭാര്യ​യെ​ക്കു​റി​ച്ചുള്ള നിയമ​മാ​യി​രു​ന്നു ഏറ്റവും പ്രധാ​ന​പ്പെട്ട ഒന്ന്‌. തന്റെ ഭർത്താ​വി​ന്റെ എതിരാ​ളി​യു​ടെ ഗുപ്‌താം​ഗം പിടി​ച്ചാൽ അവളുടെ കൈ വെട്ടി​ക്ക​ള​യ​ണ​മാ​യി​രു​ന്നു. കണ്ണിനു പകരം കണ്ണ്‌ എന്നതു പോലുള്ള നിബന്ധന അവളു​ടെ​യോ ഭർത്താ​വി​ന്റെ​യോ പുനരു​ത്‌പാ​ദന അവയവ​ങ്ങ​ളു​ടെ കാര്യ​ത്തിൽ ദൈവം ആവശ്യ​പ്പെ​ട്ടില്ല എന്നതു ശ്രദ്ധേ​യ​മാണ്‌. (ആവർത്ത​ന​പു​സ്‌തകം 25:11, 12) വ്യക്തമാ​യും, ഈ നിയമം പ്രത്യു​ത്‌പാ​ദന അവയവ​ങ്ങ​ളോട്‌ ആദരവ്‌ ഉളവാ​ക്കു​മാ​യി​രു​ന്നു; അനാവ​ശ്യ​മാ​യി അവ നശിപ്പി​ക്കാൻ പാടി​ല്ലാ​യി​രു​ന്നു. b

നമുക്ക്‌ അറിയാ​വു​ന്ന​തു​പോ​ലെ, ക്രിസ്‌ത്യാ​നി​കൾ ഇസ്രാ​യേല്യ ന്യായ​പ്ര​മാ​ണ​ത്തിൻ കീഴിലല്ല. അതു​കൊണ്ട്‌ ആവർത്ത​ന​പു​സ്‌തകം 25:11, 12-ലെ നിയമം അവർക്കു ബാധകമല്ല. തന്റെ ശിഷ്യ​ന്മാർ നിശ്ചയ​മാ​യും വിവാ​ഹി​ത​രാ​യി കഴിയു​ന്ന​ത്ര​യും കുട്ടി​കളെ ജനിപ്പി​ക്ക​ണ​മെന്ന്‌ യേശു കൽപ്പി​ക്കു​ക​യോ അർഥമാ​ക്കു​ക​യോ ചെയ്‌തില്ല. ഏതെങ്കി​ലും ജനനനി​യ​ന്ത്രണ രീതി അവലം​ബി​ക്ക​ണ​മോ എന്നു തീരു​മാ​നി​ക്കു​മ്പോൾ അനേകം ദമ്പതി​ക​ളും ഈ വസ്‌തുത പരിഗ​ണി​ച്ചി​ട്ടുണ്ട്‌. (മത്തായി 19:10-12) ഭോഗാ​സ​ക്ത​രായ ‘ഇളയ വിധവ​മാർ വിവാഹം കഴിച്ച്‌ പുത്ര​സ​മ്പ​ത്തു​ണ്ടാ​ക്കാൻ’ പൗലൊസ്‌ പ്രോ​ത്സാ​ഹി​പ്പി​ച്ചു. (1 തിമൊ​ഥെ​യൊസ്‌ 5:11-14) തങ്ങളുടെ സന്താ​നോ​ത്‌പാ​ദ​ന​ശേഷി മനഃപൂർവം ബലിക​ഴി​ച്ചു​കൊണ്ട്‌ ക്രിസ്‌ത്യാ​നി​കൾ സ്ഥായി​യാ​യി വന്ധ്യം​ക​ര​ണ​ത്തി​നു വിധേ​യ​രാ​കു​ന്ന​തി​നെ കുറിച്ച്‌ അവൻ പരാമർശി​ച്ചില്ല.

തങ്ങളുടെ പുനരു​ത്‌പാ​ദന പ്രാപ്‌തി​യെ ദൈവം മൂല്യ​വ​ത്താ​യി കണക്കാ​ക്കു​ന്നു എന്ന അത്തരം സൂചനകൾ ക്രിസ്‌ത്യാ​നി​കൾ സശ്രദ്ധം വിലയി​രു​ത്തു​ന്നതു നന്നായി​രി​ക്കും. ഉചിത​മായ കുടും​ബാ​സൂ​ത്രണ മാർഗങ്ങൾ അവലം​ബി​ക്ക​ണ​മോ, വേണ​മെ​ങ്കിൽ എപ്പോൾ വേണം എന്നിവ​യൊ​ക്കെ ഓരോ ദമ്പതി​ക​ളും തീരു​മാ​നി​ക്കേണ്ട സംഗതി​ക​ളാണ്‌. അമ്മയു​ടെ​യോ കുഞ്ഞി​ന്റെ​യോ ആരോ​ഗ്യ​ത്തിന്‌ ഗുരു​ത​ര​മായ അപകടം നേരി​ടു​മെ​ന്നോ ഇനി ഗർഭധാ​രണം ഉണ്ടായാൽ മരണസാ​ധ്യത പോലു​മു​ണ്ടെ​ന്നോ ഡോക്ടർമാർ ഉറപ്പു പറഞ്ഞാൽ, അവരുടെ അത്തര​മൊ​രു തീരു​മാ​നം വിശേ​ഷാൽ പ്രസക്ത​മാ​യി​രി​ക്കും. (ഇപ്പോൾത്തന്നെ കുട്ടികൾ ഉണ്ടായി​രു​ന്നേ​ക്കാ​വുന്ന) ഒരു അമ്മയു​ടെ​യോ അല്ലെങ്കിൽ ജീവനു ഭീഷണി​യായ ഒരു ആരോഗ്യ പ്രശ്‌ന​ത്തോ​ടെ ജനി​ച്ചേ​ക്കാ​വുന്ന കുഞ്ഞി​ന്റെ​യോ ജീവന്‌ ഒരു ഗർഭധാ​രണം ഭീഷണി ഉയർത്തില്ല എന്ന്‌ ഉറപ്പു വരുത്താൻ ചിലർ പ്രസ്‌തുത സാഹച​ര്യ​ത്തിൽ നേരത്തെ വിവരി​ച്ച​തു​പോ​ലെ വന്ധ്യം​ക​ര​ണ​ത്തി​നു മനസ്സി​ല്ലാ​മ​ന​സ്സോ​ടെ വഴങ്ങി​യി​ട്ടുണ്ട്‌.

എന്നാൽ, അസാധാ​ര​ണ​വും സ്‌പഷ്ട​വു​മായ അത്തരം അപകട​ഭീ​ഷണി അഭിമു​ഖീ​ക​രി​ക്കാത്ത ക്രിസ്‌ത്യാ​നി​കൾ ‘സുബോ​ധം’ കാട്ടാ​നും തങ്ങളുടെ ചിന്തക​ളെ​യും പ്രവർത്ത​ന​ങ്ങ​ളെ​യും ദൈവ​ത്തി​നു പ്രത്യു​ത്‌പാ​ദ​ന​ശേ​ഷി​യോ​ടുള്ള വിലമ​തി​പ്പി​നോ​ടു ചേരുന്ന വിധം രൂപ​പ്പെ​ടു​ത്താ​നും തീർച്ച​യാ​യും ആഗ്രഹി​ക്കും. (1 തിമൊ​ഥെ​യൊസ്‌ 3:2; തീത്തൊസ്‌ 1:8; 2:2, 5-8) അവർ തിരു​വെ​ഴു​ത്തു സൂചന​കകൾ പക്വത​യോ​ടെ കണക്കി​ലെ​ടു​ക്കു​ന്നു എന്ന്‌ അതു വ്യക്തമാ​ക്കും. എങ്കിലും, ഒരു ക്രിസ്‌ത്യാ​നി ദൈവിക മൂല്യങ്ങൾ മനഃപൂർവം അവഗണി​ച്ചു എന്നു പരസ്യ​മാ​യി​ത്തീർന്നു എങ്കിലോ? ബൈബിൾ തത്ത്വങ്ങൾക്കു ചേർച്ച​യിൽ തീരു​മാ​നങ്ങൾ എടുക്കു​ന്ന​തി​നു ഖ്യാതി​യുള്ള ഒരു നല്ല മാതൃ​ക​യാ​ണോ പ്രസ്‌തുത വ്യക്തി വെച്ച​തെന്ന്‌ മറ്റുള്ളവർ സംശയി​ക്കു​ക​യി​ല്ലേ? അജ്ഞത നിമി​ത്ത​മ​ല്ലാ​തെ ഈ നടപടി കൈ​ക്കൊ​ള്ളുന്ന ഒരുവന്റെ സത്‌പേ​രി​നു വരുന്ന അത്തര​മൊ​രു കളങ്കം, തീർച്ച​യാ​യും പ്രത്യേക സേവന പദവി​കൾക്കുള്ള ആ ശുശ്രൂ​ഷ​കന്റെ യോഗ്യ​തയെ ബാധി​ച്ചേ​ക്കാം.—1 തിമൊ​ഥെ​യൊസ്‌ 3:7.

[അടിക്കു​റി​പ്പു​കൾ]