യേശു​ക്രി​സ്‌തു​വിൽ വിശ്വ​സി​ക്കേ​ണ്ടത്‌ എന്തു​കൊണ്ട്‌?

“അവൻ മഹാനും ജ്ഞാനി​യു​മായ ഒരു പ്രബോ​ധകൻ ആയിരു​ന്നു എന്ന്‌ ക്രിസ്‌ത്യാ​നി​കൾ അല്ലാത്ത അനേകർ പോലും വിശ്വ​സി​ക്കു​ന്നു. തീർച്ച​യാ​യും, മറ്റുള്ള​വ​രു​ടെ​മേൽ ഇന്നോളം സ്വാധീ​നം ചെലു​ത്തി​യി​ട്ടുള്ള അഗ്രഗ​ണ്യ​രിൽ ഒരുവ​നാണ്‌ അവൻ.” (ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ) “അവൻ” ആരാണ്‌? ക്രിസ്‌ത്യാ​നി​ത്വ​ത്തി​ന്റെ സ്ഥാപക​നായ യേശു​ക്രി​സ്‌തു.

എൻ​സൈ​ക്ലോ​പീ​ഡിയ അങ്ങനെ പറയു​ന്നു​ണ്ടെ​ങ്കി​ലും, പൗരസ്‌ത്യ ദേശങ്ങ​ളി​ലും മറ്റു പലയി​ട​ങ്ങ​ളി​ലു​മുള്ള കോടി​ക്ക​ണ​ക്കിന്‌ ആളുകൾക്ക്‌, യേശു​ക്രി​സ്‌തു എന്നതു സ്‌കൂൾ പാഠപു​സ്‌ത​ക​ങ്ങ​ളിൽ നിന്നു പഠിച്ച ഒരു പേരു മാത്ര​മാണ്‌. ക്രൈ​സ്‌ത​വ​ലോ​ക​ത്തി​ലെ സഭകളിൽ പോലും യേശു​വി​നെ ശരിക്ക്‌ അറിഞ്ഞു കൂടെന്നു പറയുന്ന, അവന്റെ ജീവി​തത്തെ കുറിച്ചു ബൈബി​ളി​ലുള്ള നാലു വൃത്താ​ന്ത​ങ്ങ​ളു​ടെ (സുവി​ശേ​ഷ​ങ്ങ​ളു​ടെ) പരമാർഥ​തയെ സംശയി​ക്കുന്ന പുരോ​ഹി​ത​ന്മാ​രും ദൈവ​ശാ​സ്‌ത്ര​ജ്ഞ​ന്മാ​രും ഉണ്ട്‌.

സുവി​ശേഷ എഴുത്തു​കാർ യേശു​വി​ന്റെ ജീവി​തകഥ കെട്ടി​ച്ച​മ​ച്ച​താ​യി​രി​ക്കു​മോ? ഒരിക്ക​ലു​മല്ല! സുവി​ശേഷ വൃത്താ​ന്തങ്ങൾ വിശക​ലനം ചെയ്‌ത ശേഷം വിഖ്യാത ചരി​ത്ര​കാ​ര​നായ വിൽ ഡ്യൂറന്റ്‌ എഴുതി: “ഇത്ര ശക്തനും ആകർഷ​ണീ​യ​നും ആയ ഒരു വ്യക്തിയെ, ഇത്ര ഉയർന്ന ഒരു ധർമശാ​സ്‌ത്രത്തെ, മനുഷ്യ സാഹോ​ദ​ര്യ​ത്തി​ന്റെ ഇത്ര പ്രചോ​ദ​ക​മായ ഒരു ദർശനത്തെ ഒരു തലമു​റ​കൊ​ണ്ടു സാധാ​ര​ണ​ക്കാ​രായ ഏതാനും ചില മനുഷ്യർ ഭാവന​യിൽ സൃഷ്ടി​ച്ചെ​ടു​ത്ത​താണ്‌ എങ്കിൽ അത്‌ സുവി​ശേ​ഷ​ങ്ങ​ളിൽ രേഖ​പ്പെ​ടു​ത്തി​യി​ട്ടുള്ള ഏതൊരു അത്ഭുത​ത്തെ​ക്കാ​ളും അങ്ങേയറ്റം അവിശ്വ​സ​നീ​യ​മായ ഒരു അത്ഭുത​മാ​യി​രി​ക്കും. രണ്ടു നൂറ്റാണ്ടു കാലത്തെ അതികൃ​ത്തി​പ്പി​നു ശേഷവും ക്രിസ്‌തു​വി​ന്റെ ജീവിതം, സ്വഭാവം, പഠിപ്പി​ക്ക​ലു​കൾ എന്നിവയെ കുറി​ച്ചുള്ള വിവരങ്ങൾ യുക്ത്യാ​നു​സൃ​ത​വും വ്യക്തവു​മാ​യി നില​കൊ​ള്ളു​ന്നു. അതു പാശ്ചാ​ത്യ​രു​ടെ ചരി​ത്രത്തെ അങ്ങേയറ്റം സ്വാധീ​നി​ച്ചി​രി​ക്കു​ന്നു.”

എങ്കിലും, യേശു​ക്രി​സ്‌തു​വി​ന്റെ അനുഗാ​മി​കൾ എന്ന്‌ അവകാ​ശ​പ്പെ​ട്ടവർ കാട്ടി​ക്കൂ​ട്ടിയ കാര്യങ്ങൾ നിമിത്തം അവനെ കുറിച്ചു പരിചി​ന്തി​ക്കാൻ കൂട്ടാ​ക്കാത്ത പലരും ഉണ്ട്‌. ‘ജപ്പാനി​ലെ മിക്ക നഗരങ്ങ​ളി​ലും ഉണ്ടായി​രു​ന്ന​തി​നെ​ക്കാൾ ക്രിസ്‌ത്യാ​നി​കൾ നാഗസാ​ക്കി​യിൽ ഉണ്ടായി​രു​ന്നി​ട്ടും അവർ അവിടെ ആറ്റം ബോംബ്‌ ഇട്ടു’ എന്നു ജപ്പാനി​ലുള്ള ചിലർ പറയും. എന്നാൽ, ഡോക്ട​റു​ടെ മാർഗ​നിർദേശം അനുസ​രി​ക്കാത്ത ഒരാളു​ടെ രോഗം മാറാ​ത്ത​തി​നു ഡോക്ടറെ കുറ്റം പറയാ​നാ​കു​മോ? ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടുന്ന മിക്കവ​രും, മനുഷ്യ​വർഗത്തെ ബാധി​ച്ചി​രി​ക്കുന്ന രോഗ​ത്തിന്‌ യേശു വിധിച്ച പ്രതി​വി​ധി​യെ ദീർഘ​കാ​ല​മാ​യി അവഗണി​ച്ചി​രി​ക്കു​ന്നു. എങ്കിലും, നമ്മുടെ അനുദിന ജീവിത പ്രശ്‌ന​ങ്ങൾക്കും ലോക​വ്യാ​പ​ക​മാ​യുള്ള മനുഷ്യ​വർഗ​ത്തി​ന്റെ യാതന​കൾക്കും യേശു പ്രതി​വി​ധി നിർദേ​ശി​ച്ചു. അതു​കൊ​ണ്ടാണ്‌ തുടർന്നുള്ള ലേഖനം വായി​ച്ചു​കൊണ്ട്‌ അവൻ എങ്ങനെ ഉള്ളവ​നെന്നു മനസ്സി​ലാ​ക്കാൻ ഞങ്ങൾ നിങ്ങളെ ക്ഷണിക്കു​ന്നത്‌.