നമീബി​യ​യി​ലെ ജീവനുള്ള രത്‌നങ്ങൾ!

ആഫ്രി​ക്ക​യു​ടെ തെക്കു​പ​ടി​ഞ്ഞാ​റെ തീരത്ത്‌ 1,500 കിലോ​മീ​റ്റ​റോ​ളം നീളത്തിൽ വ്യാപി​ച്ചു​കി​ട​ക്കുന്ന ഒരു രാജ്യ​മാണ്‌ നമീബിയ. ആ രാജ്യ​ത്തി​ന്റെ തീര​പ്ര​ദേ​ശ​ത്തു​ട​നീ​ളം മണൽക്കൂ​ന​ക​ളും പാറകൾ നിറഞ്ഞ കുന്നു​ക​ളും വിസ്‌തൃ​ത​മായ ചരൽ സമതല​ങ്ങ​ളു​മാണ്‌ ഉള്ളത്‌. നമീബി​യ​യു​ടെ തീരത്തുള്ള ഉരുളൻ കല്ലുകൾക്കി​ട​യിൽ എല്ലാ നിറങ്ങ​ളി​ലു​മുള്ള രത്‌ന​ക്ക​ല്ലു​ക​ളുണ്ട്‌. അപൂർവ​മാ​യി വജ്രങ്ങ​ളും അവിടെ കണ്ടുവ​രു​ന്നു. എന്നാൽ ഈ കല്ലുക​ളെ​ക്കാൾ വില​യേ​റിയ ചിലത്‌ ആ രാജ്യ​ത്തുണ്ട്‌—ജീവനുള്ള രത്‌നങ്ങൾ. അതായത്‌, അനേകം ദേശീയ കൂട്ടങ്ങ​ളിൽ പെട്ട ആളുകൾ.

നമീബി​യ​യി​ലെ ആദിമ നിവാ​സി​കൾ കൊയ്‌സാൻ എന്നു പേരുള്ള ഒരു കൂട്ടം ഭാഷക​ളാ​ണു സംസാ​രി​ച്ചി​രു​ന്നത്‌. അവരുടെ സംസാരം ‘ക്ലിക്‌’ ശബ്ദത്തിന്‌ പേരു​കേ​ട്ട​താ​യി​രു​ന്നു. കൊയ്‌സാൻ സംസാ​രി​ക്കു​ന്ന​വ​രു​ടെ കൂടെ ഇന്ന്‌ കറുത്ത നിറമുള്ള ദാമാ​ര​ക​ളും ഇരുനി​റ​മുള്ള, പൊക്കം കുറഞ്ഞ നാമക​ളും പേരു​കേട്ട നാടോ​ടി വേട്ടക്കാ​രായ ബുഷ്‌മാ​ന്മാ​രും ഉണ്ട്‌. ഈ കഴിഞ്ഞ നൂറ്റാ​ണ്ടു​ക​ളിൽ അനേകം കറുത്ത ഗോ​ത്ര​ക്കാർ നമീബി​യ​യി​ലേക്കു  വന്നിട്ടുണ്ട്‌. ഇവരെ മൂന്ന്‌ പ്രധാന ദേശീയ കൂട്ടങ്ങ​ളാ​യാ​ണു തിരി​ച്ചി​രി​ക്കു​ന്നത്‌: ഓവാ​മ്പോ (നമീബി​യ​യി​ലെ ഏറ്റവും വലിയ വർഗം), ഹെരെ​റോ, കവാങ്കോ. 19-ാം നൂറ്റാ​ണ്ടി​ലാണ്‌ യൂറോ​പ്യ​ന്മാർ നമീബി​യ​യിൽ വാസമു​റ​പ്പി​ക്കാൻ തുടങ്ങി​യത്‌. മരുഭൂ​മി​യി​ലെ മണലിൽ വജ്രങ്ങൾ കണ്ടുപി​ടി​ക്ക​പ്പെ​ട്ട​തോ​ടെ അനേകർ അവി​ടേക്കു കുടി​യേറി.

ദൈവം തന്റെ പുത്രനെ ആർക്കു നിത്യ​ജീ​വന്റെ വഴി തുറന്നു കൊടു​ക്കാ​നാ​യി അയച്ചു​വോ ആ മനുഷ്യ​വർഗ​ത്തി​ന്റെ ഭാഗമാ​യ​തി​നാൽ നമീബി​യ​യി​ലെ നിവാ​സി​കൾ വില​യേ​റി​യ​വ​രാണ്‌. (യോഹ​ന്നാൻ 3:16) അനേകം ഗോ​ത്ര​ങ്ങ​ളിൽ പെട്ട നൂറു​ക​ണ​ക്കിന്‌ നമീബി​യ​ക്കാർ രക്ഷാസ​ന്ദേ​ശ​ത്തോട്‌ ഇപ്പോൾത്തന്നെ പ്രതി​ക​രി​ച്ചി​രി​ക്കു​ന്നു. ഇവരെ ജീവനുള്ള രത്‌ന​ക്ക​ല്ലു​കൾ എന്നു വിളി​ക്കാൻ കഴിയും. കാരണം, യഹോ​വ​യു​ടെ ആരാധ​നാ​ല​യ​ത്തി​ലേക്ക്‌ ഇപ്പോൾ കൂട്ടി​ച്ചേർക്ക​പ്പെ​ടുന്ന “സകല ജാതി​ക​ളു​ടെ​യും മനോ​ഹ​ര​വ​സ്‌തു”ക്കളിൽ പെട്ടവ​രാണ്‌ അവർ.—ഹഗ്ഗായി 2:7.

ആത്മീയ ഖനനം തുടങ്ങു​ന്നു

1928-ലാണ്‌ നമീബി​യ​യി​ലെ ആത്മീയ രത്‌ന​ങ്ങ​ളു​ടെ ഖനനത്തി​നു തുടക്കം കുറി​ക്ക​പ്പെ​ട്ടത്‌. നമീബി​യ​യിൽ ഉടനീളം ചിതറി​പ്പാർക്കുന്ന ജനങ്ങൾക്കു വേണ്ടി ആ വർഷം വാച്ച്‌ ടവർ സൊ​സൈ​റ്റി​യു​ടെ ദക്ഷിണാ​ഫ്രിക്ക ബ്രാഞ്ച്‌ 50,000 ബൈബിൾ സാഹിത്യ ഇനങ്ങൾ അവി​ടേക്കു കയറ്റി അയച്ചു. അടുത്ത വർഷം ദക്ഷിണാ​ഫ്രി​ക്ക​യി​ലെ ലിനി തെറോൺ എന്ന ഒരു അഭിഷിക്ത ക്രിസ്‌ത്യാ​നി താത്‌പ​ര്യ​ക്കാ​രെ സന്ദർശി​ച്ചു. നാലു മാസം​കൊണ്ട്‌ വിസ്‌തൃ​ത​മായ ആ രാജ്യത്ത്‌ ആ സഹോ​ദരി ഒറ്റയ്‌ക്കു സഞ്ചരിച്ച്‌ ആഫ്രി​ക്കാൻസ്‌, ഇംഗ്ലീഷ്‌, ജർമൻ എന്നീ ഭാഷക​ളി​ലാ​യി 6,000-ത്തിലധി​കം ബൈബിൾ പഠന സഹായി​കൾ വിതരണം ചെയ്‌തു. ഈ വേല​യൊ​ന്നും പാഴാ​യില്ല.

ഉദാഹ​ര​ണ​ത്തിന്‌, ഒരു ജർമൻ ഖനി​ത്തൊ​ഴി​ലാ​ളി​യായ ബെൻഹാർട്ട്‌ ബേഡെ​യു​ടെ കാര്യം പരിചി​ന്തി​ക്കുക. 1929-ൽ അദ്ദേഹം ഒരു കൃഷി​ക്കാ​ര​നിൽ നിന്ന്‌ മുട്ട വാങ്ങി​യി​രു​ന്നു. ഓരോ മുട്ടയും ഒരു വാച്ച്‌ ടവർ പ്രസി​ദ്ധീ​ക​ര​ണ​ത്തി​ന്റെ ഓരോ താളിൽ പൊതി​ഞ്ഞാണ്‌ അദ്ദേഹ​ത്തി​നു കിട്ടി​യി​രു​ന്നത്‌. ആ താളുകൾ ആകാം​ക്ഷ​യോ​ടെ വായി​ക്കു​മാ​യി​രുന്ന ബെൻഹാർട്ടിന്‌ പുസ്‌ത​ക​ത്തി​ന്റെ എഴുത്തു​കാ​രൻ ആരാ​ണെന്ന്‌ ഒരു പിടി​യും കിട്ടി​യില്ല. അങ്ങനെ​യി​രി​ക്കെ അദ്ദേഹ​ത്തിന്‌ അവസാന താളും കിട്ടി, അതിൽ വാച്ച്‌ ടവർ സൊ​സൈ​റ്റി​യു​ടെ ജർമനി​യി​ലെ മേൽവി​ലാ​സം ഉണ്ടായി​രു​ന്നു. ബെൻഹാർട്ട്‌ കൂടുതൽ സാഹി​ത്യ​ങ്ങൾക്കാ​യി എഴുതി. അങ്ങനെ, നമീബി​യ​യിൽ സത്യത്തി​നു​വേണ്ടി നിലപാ​ടു സ്വീക​രിച്ച ആദ്യത്തെ വക്തി ആയിത്തീർന്നു അദ്ദേഹം.

മുഴു​സമയ പ്രവർത്തകർ എത്തി​ച്ചേ​രു​ന്നു

വാച്ച്‌ ടവർ ബൈബിൾ ഗിലെ​യാദ്‌ സ്‌കൂ​ളിൽനി​ന്നു പരിശീ​ലനം നേടിയ നാലു മിഷന​റി​മാർ 1950-ൽ നമീബി​യ​യിൽ എത്തി. 1953 ആയപ്പോ​ഴേ​ക്കും അവിടത്തെ മിഷന​റി​മാ​രു​ടെ എണ്ണം എട്ടായി. അവരിൽ ഇപ്പോ​ഴും അവിടെ വിശ്വ​സ്‌ത​മാ​യി സേവി​ക്കുന്ന ഓസ്‌​ട്രേ​ലി​യൻ ദമ്പതി​ക​ളായ ഡിക്ക്‌ വാൾഡ്ര​ണും കോറ​ലി​യും ഉൾപ്പെ​ടു​ന്നു. നമീബി​യ​യി​ലെ ആത്മീയ രത്‌നങ്ങൾ കുഴി​ച്ചെ​ടു​ക്കു​ന്ന​തിൽ ദക്ഷിണാ​ഫ്രി​ക്ക​യി​ലെ​യും വിദേ​ശ​ത്തെ​യും മറ്റനേകം മുഴു​സമയ രാജ്യ ഘോഷകർ പങ്കെടു​ത്തി​ട്ടുണ്ട്‌. അവരെ കൂടാതെ മിഷന​റി​മാ​രെ​യും ശുശ്രൂ​ഷാ പരിശീ​ലന സ്‌കൂൾ ബിരു​ദ​ധാ​രി​ക​ളെ​യും നമീബി​യ​യി​ലേക്ക്‌ അയച്ചി​ട്ടുണ്ട്‌.

നമീബി​യ​യി​ലെ ആത്മീയ വളർച്ചയെ സഹായിച്ച മറ്റൊരു ഘടകം, ഹെരെ​രോ, ക്വാങ്കാ​ളി, ക്വാന്യാ​മ, നാമ/ദമാര, ഡോങ്ക എന്നീ പ്രമുഖ പ്രാ​ദേ​ശിക ഭാഷക​ളി​ലേക്ക്‌ ബൈബിൾ സാഹി​ത്യ​ങ്ങൾ പരിഭാഷ ചെയ്‌തു പ്രസി​ദ്ധീ​ക​രി​ച്ച​താണ്‌. 1990 മുതൽ തലസ്ഥാന നഗരി​യായ വിൻഹു​ക്കിൽ ഒരു പരിഭാ​ഷാ ഓഫീസ്‌ പ്രവർത്തി​ച്ചു​വ​രു​ന്നു, മുഴു​സമയ സ്വമേ​ധയാ പ്രവർത്ത​കർക്കാ​യുള്ള താമസ​സൗ​ക​ര്യ​വും അവി​ടെ​യുണ്ട്‌. നമീബി​യ​യു​ടെ പല ഭാഗങ്ങ​ളി​ലും ഭർത്താ​വി​നോ​ടൊത്ത്‌ മുഴു​സമയ സുവി​ശേഷ വേലയിൽ ഏർപ്പെ​ട്ടി​ട്ടുള്ള കാരെൻ ഡെപ്പിഷ്‌ ഇങ്ങനെ പറയുന്നു: “ഞങ്ങളിൽ നിന്നു മാതൃ​ഭാ​ഷ​യി​ലുള്ള സാഹി​ത്യ​ങ്ങൾ ലഭിക്കുന്ന അനേക​രും അത്ഭുതം കൂറുന്നു. കാരണം, ആ പ്രത്യേക ഭാഷയിൽ വളരെ വിരള​മാ​യേ ഏതെങ്കി​ലും പുസ്‌ത​കങ്ങൾ ലഭ്യമാ​കാ​റു​ള്ളൂ”.

രത്‌ന​ക്ക​ല്ലു​കൾ മിനു​ക്കി​യെ​ടു​ക്കൽ

ആയിര​ക്ക​ണ​ക്കി​നു വർഷങ്ങൾകൊണ്ട്‌ തിരമാ​ല​ക​ളു​ടെ​യും മണൽത്ത​രി​ക​ളു​ടെ​യും സ്‌പർശ​ന​ത്താ​ലാണ്‌  നമീബി​യ​യി​ലെ ചില അക്ഷരീയ രത്‌ന​ങ്ങൾക്കു മിനുക്കം ലഭിച്ചി​രി​ക്കു​ന്നത്‌. എന്നാൽ, പ്രകൃ​തി​യി​ലെ അത്തരം പ്രവർത്ത​ന​ങ്ങ​ളു​ടെ ഫലമായി ജീവനുള്ള രത്‌നങ്ങൾ ഉണ്ടാകാ​റില്ല. “പഴയ വ്യക്തി​ത്വം ഉപേക്ഷി​ച്ചു” ക്രിസ്‌തു സമാന​മായ പുതിയ വ്യക്തി​ത്വം ധരിക്കാൻ അപൂർണ മനുഷ്യർക്കു ശ്രമം ആവശ്യ​മാണ്‌. (എഫെസ്യർ 4:20-24) ഉദാഹ​ര​ണ​ത്തിന്‌, നമീബി​യ​യി​ലെ പല ഗോ​ത്ര​ങ്ങ​ളി​ലും പ്രബല​മാ​യി​രി​ക്കുന്ന ഒരു പാരമ്പര്യ ആചാര​മാണ്‌ പൂർവി​കാ​രാ​ധന. പൂർവി​കാ​രാ​ധന ക്രിയകൾ ചെയ്യാ​ത്ത​വരെ കുടും​ബാം​ഗ​ങ്ങ​ളും അയൽവാ​സി​ക​ളും ഒക്കെ പീഡി​പ്പി​ക്കാ​റുണ്ട്‌. “മരിച്ച​വ​രോ ഒന്നും അറിയു​ന്നില്ല” എന്നു ബൈബി​ളിൽ നിന്നു മനസ്സി​ലാ​ക്കു​ന്ന​വർക്ക്‌ ഒരു പരി​ശോ​ധയെ നേരി​ടേണ്ടി വരുന്നു. (സഭാ​പ്ര​സം​ഗി 9:5) ഏതു വിധത്തിൽ?

ഒരു ഹെരെ​രോ സാക്ഷി വിശദീ​ക​രി​ക്കു​ന്നു: “സത്യം അനുസ​രി​ക്കുക എന്നത്‌ വലി​യൊ​രു വെല്ലു​വി​ളി ആയിരു​ന്നു. യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിച്ചു​കൊ​ണ്ടി​രുന്ന എനിക്ക്‌ ആ കാര്യങ്ങൾ ബാധക​മാ​ക്കാൻ കുറെ സമയം വേണ്ടി​വന്നു. ആദ്യമാ​യി, പാരമ്പര്യ വിശ്വാ​സങ്ങൾ അനുഷ്‌ഠി​ക്കാ​തി​രു​ന്നാൽ എന്തെങ്കി​ലും കുഴപ്പം ഉണ്ടാകു​മോ എന്ന്‌ എനിക്കു പരീക്ഷി​ക്ക​ണ​മാ​യി​രു​ന്നു. ഉദാഹ​ര​ണ​ത്തിന്‌, നമീബി​യ​യി​ലെ ചില സ്ഥലങ്ങളിൽ കുഴി​മാ​ട​ത്തിൽ ഒരു കല്ല്‌ എടുത്തി​ടാ​നോ പരേതരെ തൊപ്പി വീശി അഭിവാ​ദനം ചെയ്യാ​നോ നിൽക്കാ​തെ ഞാൻ വേഗത്തിൽ വാഹന​മോ​ടി​ച്ചു പോകു​മാ​യി​രു​ന്നു. പിതൃ​ക്കളെ ആരാധി​ക്കാ​തി​രു​ന്നാൽ യാതൊ​ന്നും സംഭവി​ക്കി​ല്ലെന്ന്‌ എനിക്കു ക്രമേണ ബോധ്യ​മാ​യി. എന്റെ കുടും​ബ​ക്കാ​രെ​യും താത്‌പ​ര്യ​ക്കാ​രെ​യും സത്യം പഠിക്കാൻ സഹായി​ക്കാ​നുള്ള എന്റെ ശ്രമങ്ങളെ യഹോവ അനു​ഗ്ര​ഹി​ച്ച​തിൽ ഞാൻ എത്രയോ സന്തുഷ്ട​നാണ്‌!”

ആത്മീയ ഖനി​ത്തൊ​ഴി​ലാ​ളി​ക​ളു​ടെ ആവശ്യം

മിഷന​റി​മാർ 1950-ൽ എത്തി​ച്ചേ​രു​ന്ന​തി​നു മുമ്പ്‌ സുവാർത്ത​യു​ടെ ഒരു പ്രസാ​ധ​കനേ നമീബി​യ​യിൽ ഉണ്ടായി​രു​ന്നു​ള്ളൂ. അത്‌ ഒന്നി​നൊ​ന്നു വർധിച്ച്‌ 995 എന്ന അത്യു​ച്ച​ത്തിൽ എത്തിയി​രി​ക്കു​ന്നു. എങ്കിലും ഇനിയും ധാരാളം വേല ചെയ്യാ​നുണ്ട്‌. വാസ്‌ത​വ​ത്തിൽ, ചില പ്രദേ​ശ​ങ്ങ​ളിൽ ഇതുവരെ പ്രവർത്തി​ച്ചി​ട്ടേ​യില്ല. തീക്ഷ്‌ണ​ത​യുള്ള രാജ്യ​ഘോ​ഷ​കരെ കൂടു​ത​ലാ​യി ആവശ്യ​മുള്ള സ്ഥലങ്ങളിൽ സേവി​ക്കാൻ നിങ്ങൾക്കാ​കു​മോ? അങ്ങനെ​യെ​ങ്കിൽ, നമീബി​യ​യി​ലേക്ക്‌ കടന്നു​വന്നു കൂടുതൽ ആത്മീയ രത്‌നങ്ങൾ കണ്ടെത്തി മിനു​ക്കി​യെ​ടു​ക്കാൻ ദയവായി ഞങ്ങളെ സഹായി​ക്കുക.—പ്രവൃ​ത്തി​കൾ 16:9 താരത​മ്യം ചെയ്യുക.

[26-ാം പേജിലെ ഭൂപടം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ആഫ്രിക്ക

നമീബിയ

[ചിത്രങ്ങൾ]

മനോഹരമായ രത്‌ന​ക്ക​ല്ലു​ക​ളു​ടെ ഒരു രാജ്യ​മാണ്‌ നമീബിയ

[കടപ്പാട]

ഭൂപടങ്ങൾ: Mountain High Maps® Copyright © 1997 Digital Wisdom, Inc.; വജ്രങ്ങൾ: Courtesy Namdek Diamond Corporation

[26-ാം പേജിലെ ചിത്രം]

നമീബിയയിലെ എല്ലാ വംശീയ കൂട്ടങ്ങ​ളോ​ടും സുവാർത്ത പ്രസം​ഗി​ക്ക​പ്പെ​ടു​ക​യാണ്‌

[28-ാം പേജിലെ ചിത്രം]

കൂടുതൽ രാജ്യ​ഘോ​ഷ​കരെ ആവശ്യ​മുള്ള സ്ഥലങ്ങളിൽ സേവി​ക്കാൻ നിങ്ങൾക്കാ​കു​മോ?