ഫിലി​പ്പൊസ്‌—തീക്ഷ്‌ണ​ത​യുള്ള ഒരു സുവി​ശേ​ഷ​കൻ

അനുക​ര​ണ​യോ​ഗ്യ​മായ വിശ്വാ​സ​മു​ണ്ടാ​യി​രുന്ന സ്‌ത്രീ​പു​രു​ഷ​ന്മാ​രെ കുറി​ച്ചുള്ള അനേകം വിവര​ണങ്ങൾ തിരു​വെ​ഴു​ത്തു​ക​ളി​ലുണ്ട്‌. ഒന്നാം നൂറ്റാ​ണ്ടി​ലെ ക്രിസ്‌തീയ മിഷന​റി​യാ​യി​രുന്ന ഫിലി​പ്പൊ​സി​ന്റെ കാര്യ​മെ​ടു​ക്കുക. ഒരു അപ്പൊ​സ്‌തലൻ അല്ലാതി​രു​ന്നി​ട്ടും രാജ്യ​ദൂത്‌ വ്യാപി​പ്പി​ക്കു​ന്ന​തിൽ അവൻ ഏറെ നന്നായി ഉപയോ​ഗി​ക്ക​പ്പെട്ടു. യഥാർഥ​ത്തിൽ, ഫിലി​പ്പൊസ്‌ ‘സുവി​ശേ​ഷകൻ’ എന്ന്‌ അറിയ​പ്പെ​ടാൻ ഇടയായി. (പ്രവൃ​ത്തി​കൾ 21:8) ഫിലി​പ്പൊ​സിന്‌ അങ്ങനെ​യൊ​രു പേരു ലഭിച്ചത്‌ എന്തു​കൊ​ണ്ടാണ്‌? നമുക്ക്‌ അവനിൽ നിന്ന്‌ എന്തു പഠിക്കാൻ കഴിയും?

പൊ.യു. 33-ലെ പെന്തെ​ക്കൊ​സ്‌തി​നെ സംബന്ധിച്ച ബൈബിൾ രേഖയ്‌ക്കു തൊട്ടു​പി​ന്നാ​ലെ​യാണ്‌ ഫിലി​പ്പൊ​സി​നെ കുറിച്ചു നാം വായി​ക്കു​ന്നത്‌. അക്കാലത്ത്‌ ദിനം​പ്ര​തി​യുള്ള ഭക്ഷ്യവി​ത​ര​ണ​ത്തി​ന്റെ കാര്യ​ത്തിൽ തങ്ങളുടെ വിധവ​മാ​രെ അവഗണി​ക്കു​ന്നു എന്ന്‌ ഗ്രീക്കു സംസാ​രി​ക്കുന്ന യഹൂദ​ന്മാർ എബ്രായ സംസാ​രി​ക്കുന്ന യഹൂദ​ന്മാർക്കെ​തി​രെ പിറു​പി​റു​ത്തു. ഈ സംഗതി കൈകാ​ര്യം ചെയ്യാ​നാ​യി “നല്ല സാക്ഷ്യ​മുള്ള ഏഴു പുരു​ഷ​ന്മാ​രെ” അപ്പൊ​സ്‌ത​ല​ന്മാർ നിയോ​ഗി​ച്ചു. അവരിൽ ഫിലി​പ്പൊ​സും ഉണ്ടായി​രു​ന്നു.—പ്രവൃ​ത്തി​കൾ 6:1-6.

ഈ ഏഴു പുരു​ഷ​ന്മാർ ‘നല്ല സാക്ഷ്യ​മു​ള്ളവർ’ ആയിരു​ന്നു. ജയിംസ്‌ മോഫ​റ്റി​ന്റെ പരിഭാഷ അനുസ​രിച്ച്‌ അവർ “സത്‌കീർത്തി​യു​ള്ളവർ” ആയിരു​ന്നു. അവരുടെ നിയമന സമയത്ത്‌, പ്രാ​യോ​ഗിക ചിന്താ​പ്രാ​പ്‌തി​യുള്ള ആത്മീയ പുരു​ഷ​ന്മാർ എന്ന്‌ അറിയ​പ്പെ​ട്ടി​രു​ന്ന​വ​രാ​യി​രു​ന്നു അവർ. ഇന്ന്‌ ക്രിസ്‌തീയ മേൽവി​ചാ​ര​ക​ന്മാ​രാ​യി സേവി​ക്കു​ന്ന​വ​രു​ടെ കാര്യ​ത്തി​ലും ഇതു സത്യമാണ്‌. അത്തരം പുരു​ഷ​ന്മാ​രെ ധൃതി​പി​ടി​ച്ചല്ല നിയമി​ക്കു​ന്നത്‌. (1 തിമൊ​ഥെ​യൊസ്‌ 5:22) അവർ “പുറ​മെ​യു​ള്ള​വ​രിൽ നിന്നു നല്ല സാക്ഷ്യം ലഭിച്ചവ”രും അതു​പോ​ലെ​തന്നെ ന്യായ​യു​ക്ത​രും സുബോ​ധ​മു​ള്ള​വ​രു​മാ​യി സഹക്രി​സ്‌ത്യാ​നി​ക​ളു​ടെ ഇടയിൽ അറിയ​പ്പെ​ടു​ന്ന​വ​രും ആയിരി​ക്കണം.—1 തിമൊ​ഥെ​യൊസ്‌ 3:2, 3, 7, NW; ഫിലി​പ്പി​യർ 4:5.

ഫിലി​പ്പൊസ്‌ യെരൂ​ശ​ലേ​മിൽ തന്റെ ശുശ്രൂഷ നല്ല വിധത്തിൽ നിർവ​ഹി​ച്ചെന്നു വ്യക്തമാണ്‌. എന്നിരു​ന്നാ​ലും, പെട്ടെ​ന്നു​തന്നെ കടുത്ത പീഡന​ത്തി​ന്റെ അലകൾ ആഞ്ഞടി​ക്കു​ക​യും ക്രിസ്‌തു​വി​ന്റെ അനുഗാ​മി​കൾ ചിതറി​ക്ക​പ്പെ​ടു​ക​യും ചെയ്‌തു. മറ്റനേ​ക​രെ​യും പോലെ ഫിലി​പ്പൊ​സും പട്ടണം വിട്ടു, എന്നാൽ അവന്റെ ശുശ്രൂഷ പൂർത്തി​യാ​യി​രു​ന്നില്ല. ഏറെ താമസി​യാ​തെ അവൻ ഒരു പുതിയ പ്രദേ​ശത്ത്‌—ശമര്യ​യിൽ—തിര​ക്കോ​ടെ പ്രസം​ഗി​ക്കാൻ തുടങ്ങി.—പ്രവൃ​ത്തി​കൾ 8:1-5.

പുതിയ പ്രദേ​ശ​ങ്ങ​ളിൽ പ്രവർത്തനം തുടങ്ങു​ന്നു

“യെരൂ​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും” തന്റെ ശിഷ്യ​ന്മാർ സുവാർത്ത പ്രസം​ഗി​ക്കു​മെന്ന്‌ യേശു മുൻകൂ​ട്ടി​പ്പ​റ​ഞ്ഞി​രു​ന്നു.  (പ്രവൃ​ത്തി​കൾ 1:8) ശമര്യ​യിൽ പ്രസം​ഗി​ച്ച​തി​ലൂ​ടെ ആ വാക്കു​ക​ളു​ടെ നിവൃ​ത്തി​യിൽ ഫിലി​പ്പൊസ്‌ പങ്കു​കൊ​ള്ളു​ക​യാ​യി​രു​ന്നു. യഹൂദ​ന്മാർ ശമര്യ​ക്കാ​രെ അവജ്ഞ​യോ​ടെ​യാ​ണു വീക്ഷി​ച്ചി​രു​ന്നത്‌. എന്നാൽ ഫിലി​പ്പൊസ്‌ ഇവരെ മുൻവി​ധി​യോ​ടെ വീക്ഷി​ച്ചില്ല. അവന്റെ പക്ഷപാ​ത​രാ​ഹി​ത്യ​ത്തിന്‌ അനു​ഗ്രഹം ലഭിക്കു​ക​യും ചെയ്‌തു. വാസ്‌ത​വ​ത്തിൽ, അനേകം ശമര്യ​ക്കാർ സ്‌നാ​പ​ന​മേറ്റു. അവരിൽ, മുമ്പ്‌ ആഭിചാ​ര​ക​നാ​യി​രുന്ന ശിമോ​നും ഉണ്ടായി​രു​ന്നു.—പ്രവൃ​ത്തി​കൾ 8:6-13.

പിൽക്കാ​ലത്ത്‌, യെരൂ​ശ​ലേ​മിൽ നിന്നു ഗസെക്കുള്ള മരുവ​ഴി​യി​ലൂ​ടെ പോകാൻ യഹോ​വ​യു​ടെ ദൂതൻ ഫിലി​പ്പൊ​സി​നോട്‌ ആവശ്യ​പ്പെട്ടു. യെശയ്യാ​വി​ന്റെ പ്രവചനം ഉറക്കെ വായി​ക്കുന്ന എത്യോ​പ്യ​നായ ഒരു ഉദ്യോ​ഗസ്ഥൻ ഇരിക്കുന്ന രഥം ഫിലി​പ്പൊസ്‌ അവിടെ കണ്ടു. ഫിലി​പ്പൊസ്‌ രഥത്തോ​ടു ചേർന്ന്‌ ഓടി ആ ഉദ്യോ​ഗ​സ്ഥ​നു​മാ​യി ഒരു സംഭാ​ഷണം ആരംഭി​ച്ചു. ഈ എത്യോ​പ്യൻ ദൈവ​ത്തെ​യും തിരു​വെ​ഴു​ത്തു​ക​ളെ​യും കുറിച്ച്‌ കുറ​ച്ചൊ​ക്കെ അറിവു​ണ്ടാ​യി​രുന്ന ഒരു മതപരി​വർത്തി​തൻ ആയിരു​ന്നി​ട്ടും താൻ വായി​ച്ചു​കൊ​ണ്ടി​രു​ന്നത്‌ മനസ്സി​ലാ​ക്കാൻ സഹായം വേണ​മെന്നു താഴ്‌മ​യോ​ടെ സമ്മതിച്ചു. അതു​കൊണ്ട്‌ രഥത്തിൽ കയറി തന്നോ​ടൊ​പ്പം ഇരിക്കാൻ അവൻ ഫിലി​പ്പൊ​സി​നെ ക്ഷണിച്ചു. ഒരു സാക്ഷ്യം കൊടു​ത്ത​ശേഷം അവർ വെള്ളമുള്ള ഒരു സ്ഥലത്തെത്തി. “സ്‌നാ​പ​ന​മേൽക്കു​ന്ന​തിൽ നിന്ന്‌ എന്നെ തടയു​ന്ന​തെന്ത്‌?” എന്ന്‌ ആ എത്യോ​പ്യൻ ചോദി​ച്ചു. പെട്ടെ​ന്നു​തന്നെ ഫിലി​പ്പൊസ്‌ അദ്ദേഹത്തെ സ്‌നാ​പ​ന​പ്പെ​ടു​ത്തി. സന്തോ​ഷ​ഭ​രി​ത​നാ​യി തന്റെ വഴിക്കു പോയ ആ പുതു​ശി​ഷ്യൻ തന്റെ മാതൃ​ദേ​ശത്ത്‌ സുവാർത്ത പ്രചരി​പ്പി​ച്ചി​രി​ക്കാൻ സാധ്യ​ത​യുണ്ട്‌.—പ്രവൃ​ത്തി​കൾ 8:26-39.

ശമര്യ​ക്കാ​രും എത്യോ​പ്യ​നായ ഉദ്യോ​ഗ​സ്ഥ​നും പ്രയോ​ജനം അനുഭ​വിച്ച ഫിലി​പ്പൊ​സി​ന്റെ ശുശ്രൂ​ഷ​യിൽ നിന്നു നമു​ക്കെന്തു പഠിക്കാൻ കഴിയും? ഒരു പ്രത്യേക ജനവി​ഭാ​ഗ​ത്തി​ലോ വർഗത്തി​ലോ സമൂഹ​ത്തി​ലോ പെട്ട ആളുകൾ സുവാർത്ത​യിൽ താത്‌പ​ര്യം കാട്ടില്ല എന്നു നാം ഒരിക്ക​ലും ചിന്തി​ക്ക​രുത്‌. നേരെ​മ​റിച്ച്‌, നാം ‘എല്ലാവ​രോ​ടും’ രാജ്യ​സ​ന്ദേശം പ്രഖ്യാ​പി​ക്കണം. (1 കൊരി​ന്ത്യർ 9:19-23) എല്ലാവ​രോ​ടും പ്രസം​ഗി​ക്കാൻ നാം നമ്മെത്തന്നെ ലഭ്യരാ​ക്കു​ന്നെ​ങ്കിൽ, ഈ ദുഷ്ട വ്യവസ്ഥി​തി​യു​ടെ അന്ത്യം ആഗതമാ​കു​ന്ന​തി​നു മുമ്പ്‌ ‘സകല ജനതക​ളി​ലു​മുള്ള ആളുകളെ ശിഷ്യ​രാ​ക്കു​ക​യെന്ന വേലയിൽ’ യഹോ​വ​യ്‌ക്കു നമ്മെ ഉപയോ​ഗി​ക്കാൻ കഴിയും.—മത്തായി 28:19 20.

ഫിലി​പ്പൊ​സി​ന്റെ കൂടു​ത​ലായ പദവികൾ

എത്യോ​പ്യ ഉദ്യോ​ഗ​സ്ഥ​നോ​ടു പ്രസം​ഗി​ച്ച​ശേഷം ഫിലി​പ്പൊസ്‌ അസ്‌തോ​ദിൽ സാക്ഷീ​ക​രി​ച്ചു. “അവൻ സഞ്ചരിച്ചു എല്ലാപ​ട്ട​ണ​ങ്ങ​ളി​ലും സുവി​ശേഷം അറിയി​ച്ചു​കൊ​ണ്ടു കൈസ​ര്യ​യിൽ എത്തി.” (പ്രവൃ​ത്തി​കൾ 8:40) ഒന്നാം നൂറ്റാ​ണ്ടിൽ ഈ രണ്ടു നഗരങ്ങ​ളി​ലും ധാരാളം വിജാ​തീ​യർ ഉണ്ടായി​രു​ന്നു. കൈസ​ര്യ​യി​ലേ​ക്കുള്ള യാത്ര​യ്‌ക്കി​ട​യിൽ അവൻ പ്രമുഖ യഹൂദ കേന്ദ്ര​ങ്ങ​ളാ​യി​രുന്ന ലുദ്ദയി​ലും യോപ്പ​യി​ലും പ്രസം​ഗി​ച്ചി​രി​ക്കാൻ സാധ്യ​ത​യുണ്ട്‌. ആ പ്രദേ​ശ​ങ്ങ​ളിൽ പിൽക്കാ​ലത്തു ശിഷ്യ​ന്മാർ ഉണ്ടായി​രു​ന്ന​തി​നു കാരണം ഒരുപക്ഷേ ഇതായി​രി​ക്കാം.—പ്രവൃ​ത്തി​കൾ 9:32-43.

ഫിലി​പ്പൊ​സി​നെ അവസാ​ന​മാ​യി പരാമർശി​ക്കു​ന്നത്‌ ഏതാണ്ട്‌ 20 വർഷത്തി​നു ശേഷമാണ്‌. പൗലൊസ്‌ തന്റെ മൂന്നാം മിഷനറി പര്യട​ന​ത്തി​ന്റെ ഒടുവിൽ പ്‌തൊ​ലെ​മാ​യി​സിൽ എത്തി. പൗലൊ​സി​ന്റെ സഹയാ​ത്രി​ക​നാ​യി​രുന്ന ലൂക്കൊസ്‌ ഇങ്ങനെ പറയുന്നു: “പിറെ​റ​ന്നാൾ ഞങ്ങൾ പുറ​പ്പെട്ടു കൈസ​ര്യ​യിൽ എത്തി, . . .ഫിലി​പ്പൊസ്‌ എന്ന സുവി​ശേ​ഷ​കന്റെ വീട്ടിൽ ചെന്നു.” ആ കാലമാ​യ​പ്പോ​ഴേ​ക്കും, ഫിലി​പ്പൊ​സിന്‌ “കന്യക​മാ​രും പ്രവചി​ക്കു​ന്ന​വ​രു​മായ നാലു പുത്രി​മാർ” ഉണ്ടായി​രു​ന്നു.—പ്രവൃ​ത്തി​കൾ 21:8, 9.

ഫിലി​പ്പൊസ്‌ കൈസ​ര്യ​യിൽ സ്ഥിരതാ​മ​സ​മാ​ക്കി​യി​രു​ന്നു എന്നു വ്യക്തമാണ്‌. എങ്കിലും അവന്‌ അപ്പോ​ഴും ഒരു മിഷനറി ആത്മാവ്‌ ഉണ്ടായി​രു​ന്നു. കാരണം, ലൂക്കൊസ്‌ അവനെ “സുവി​ശേ​ഷകൻ” എന്നാണു വിളി​ക്കു​ന്നത്‌. ഈ പദപ്ര​യോ​ഗം മിക്ക​പ്പോ​ഴും സൂചി​പ്പി​ക്കു​ന്നത്‌ പ്രവർത്തി​ച്ചി​ട്ടി​ല്ലാത്ത പ്രദേ​ശ​ങ്ങ​ളിൽ സുവാർത്ത പ്രസം​ഗി​ക്കാൻ തന്റെ വീടു വിട്ടു പോകുന്ന ഒരു വ്യക്തി​യെ​യാണ്‌. ഫിലി​പ്പൊ​സിന്‌ പ്രവാ​ച​കി​മാ​രായ നാലു പുത്രി​മാർ ഉണ്ടായി​രു​ന്നു എന്ന വസ്‌തുത സൂചി​പ്പി​ക്കു​ന്നത്‌ അവർ തീക്ഷ്‌ണ​മ​തി​യാ​യി​രുന്ന പിതാ​വി​ന്റെ മാതൃക പിൻപ​റ്റി​യെ​ന്നാണ്‌.

തങ്ങളുടെ കുട്ടി​ക​ളാണ്‌ ഏറ്റവും പ്രധാ​ന​പ്പെട്ട ശിഷ്യ​രെന്ന്‌ ഇന്നത്തെ ക്രിസ്‌തീയ മാതാ​പി​താ​ക്കൾ മനസ്സിൽ പിടി​ക്കണം. കുടുംബ ഉത്തരവാ​ദി​ത്വ​ങ്ങൾ നിമിത്തം അവരിൽ ചിലർക്ക്‌ ചില ദിവ്യാ​ധി​പത്യ പദവികൾ വേണ്ടെന്നു വെക്കേ​ണ്ട​താ​യി വന്നിട്ടു​ണ്ടെ​ങ്കിൽ പോലും, അവർക്കു ഫിലി​പ്പൊ​സി​നെ​പ്പോ​ലെ ദൈവ​ത്തി​ന്റെ അർപ്പിത ദാസരും മാതൃ​കാ​യോ​ഗ്യ​രായ മാതാ​പി​താ​ക്ക​ളും ആയിരി​ക്കാൻ കഴിയും.—എഫെസ്യർ 6:4.

പൗലൊ​സി​ന്റെ​യും അദ്ദേഹ​ത്തി​ന്റെ കൂട്ടു​കാ​രു​ടെ​യും സന്ദർശനം ഫിലി​പ്പൊ​സി​ന്റെ കുടും​ബ​ത്തിന്‌ ആതിഥ്യം പ്രകടി​പ്പി​ക്കാ​നുള്ള ഒരു നല്ല അവസരം പ്രദാനം ചെയ്‌തു. എന്തോരു പ്രോ​ത്സാ​ഹന കൈമാ​റ്റം ആയിരി​ക്കാം അതു കൈവ​രു​ത്തി​യി​ട്ടു​ള്ളത്‌! ഈ അവസര​ത്തി​ലാ​യി​രി​ക്കാം പ്രവൃ​ത്തി​കൾ 6-ഉം 8-ഉം അധ്യാ​യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കുന്ന ഫിലി​പ്പൊ​സി​ന്റെ പ്രവർത്ത​ന​ത്തെ​ക്കു​റി​ച്ചുള്ള വിശദാം​ശങ്ങൾ ലൂക്കൊസ്‌ ശേഖരി​ച്ചത്‌.

രാജ്യ താത്‌പ​ര്യ​ങ്ങൾ ഉന്നമി​പ്പി​ക്കാൻ യഹോ​വ​യാം ദൈവം ഫിലി​പ്പൊ​സി​നെ ഫലപ്ര​ദ​മാ​യി ഉപയോ​ഗി​ച്ചു. പുതിയ സ്ഥലങ്ങളിൽ സുവാർത്ത വ്യാപി​പ്പി​ക്കാ​നും തന്റെ ഭവനത്തിൽ ഒരു ആത്മീയ അന്തരീക്ഷം വളർത്താ​നും ഫിലി​പ്പൊ​സി​നെ പ്രാപ്‌ത​നാ​ക്കി​യത്‌ അവന്റെ തീക്ഷ്‌ണ​ത​യാ​യി​രു​ന്നു. സമാന​മായ പദവി​ക​ളും അനു​ഗ്ര​ഹ​ങ്ങ​ളും ആസ്വദി​ക്കാൻ നിങ്ങൾക്ക്‌ ആഗ്രഹ​മു​ണ്ടോ? അങ്ങനെ​യെ​ങ്കിൽ സുവി​ശേ​ഷ​ക​നായ ഫിലി​പ്പൊസ്‌ പ്രകട​മാ​ക്കിയ ഗുണങ്ങൾ അനുക​രി​ക്കു​ന്നതു നിങ്ങൾക്കു പ്രയോ​ജനം ചെയ്യും.