ബൈബിൾ പ്രവച​ന​ത്തിൽ വിശ്വ​സി​ക്കാ​വു​ന്ന​തി​ന്റെ കാരണം

വടക്കു​പ​ടി​ഞ്ഞാ​റൻ ഗ്രീസി​ലെ ഇപ്പൈ​റ​സി​ന്റെ രാജാ​വായ പൈറസ്‌, റോമാ സാമ്രാ​ജ്യ​വു​മാ​യി ദീർഘ​കാല പോരാ​ട്ട​ത്തിൽ ആയിരു​ന്നു. യുദ്ധത്തി​ന്റെ അനന്തര​ഫലം എന്തായി​രി​ക്കും എന്ന്‌ അറിയാ​നുള്ള ഉത്‌ക​ട​മായ ആഗ്രഹം നിമിത്തം അദ്ദേഹം ഡെൽഫി​യി​ലെ ഭാവി​കഥന മന്ദിര​ത്തിൽ ചെന്നു. എന്നാൽ, അദ്ദേഹ​ത്തി​നു ലഭിച്ച ഉത്തരം പിൻവ​രുന്ന രണ്ടു വിധങ്ങ​ളി​ലും മനസ്സി​ലാ​ക്കാ​മാ​യി​രു​ന്നു: (1) “ആക്കൂസി​ന്റെ മകനായ നിനക്കു റോമാ​ക്കാ​രെ കീഴ്‌പ്പെ​ടു​ത്താ​നാ​കും എന്നു ഞാൻ പറയുന്നു. നീ യുദ്ധത്തി​നു പോയി മടങ്ങി​യെ​ത്തും, നീ ഒരിക്ക​ലും യുദ്ധത്തിൽ കൊല്ല​പ്പെ​ടു​ക​യില്ല.” (2) “ആക്കൂസി​ന്റെ മകനായ നിന്നെ റോമാ​ക്കാർ കീഴ്‌പ്പെ​ടു​ത്തും എന്നു ഞാൻ പറയുന്നു. നീ യുദ്ധത്തി​നു പോകും, ഒരിക്ക​ലും മടങ്ങി​യെ​ത്തു​ക​യില്ല. നീ യുദ്ധത്തിൽ കൊല്ല​പ്പെ​ടും.” വെളി​ച്ച​പ്പാ​ട​ത്തി​യു​ടെ കഥനത്തി​ന്റെ ആദ്യ അർഥത്തി​നു പ്രാധാ​ന്യം കൽപ്പിച്ച്‌ അദ്ദേഹം റോമാ​ക്കാർക്ക്‌ എതിരെ യുദ്ധം ചെയ്‌തു. യുദ്ധത്തിൽ പൈറസ്‌ തോറ്റു തുന്നം​പാ​ടി.

അത്തരം സംഭവങ്ങൾ നിമിത്തം, പുരാതന ഭാവി​ക​ഥ​നങ്ങൾ അവ്യക്ത​ത​യ്‌ക്കും അസ്‌പ​ഷ്ട​ത​യ്‌ക്കും കുപ്ര​സി​ദ്ധി​യാർജി​ച്ചി​രു​ന്നു. എന്നാൽ, ബൈബിൾ പ്രവച​ന​ത്തി​ന്റെ കാര്യ​മോ? ബൈബി​ളി​ലെ പ്രവച​നങ്ങൾ ഭാവി​ക​ഥ​ന​ങ്ങ​ളെ​ക്കാൾ ഒട്ടും മെച്ചമ​ല്ലെന്നു ചില വിമർശകർ അഭി​പ്രാ​യ​പ്പെ​ടു​ന്നു. സൂക്ഷ്‌മ​നി​രീ​ക്ഷണ പാടവ​മുള്ള തന്ത്രശാ​ലി​കൾ, പ്രത്യേ​കി​ച്ചും പുരോ​ഹി​ത​ന്മാർ, ഭാവി സംഭവ​ങ്ങളെ കുറിച്ചു വിദഗ്‌ധ​മാ​യി മുൻകൂ​ട്ടി പറഞ്ഞി​രി​ക്കുന്ന കാര്യങ്ങൾ മാത്ര​മാ​ണു  ബൈബിൾ പ്രവച​നങ്ങൾ എന്ന്‌ ആ വിമർശകർ അനുമാ​നി​ക്കു​ന്നു. വെറും അനുഭ​വ​പ​രി​ച​യ​ത്തി​ലൂ​ടെ​യോ പ്രത്യേക പിടി​പാ​ടു​ക​ളി​ലൂ​ടെ​യോ ഈ മനുഷ്യർ ചില കാര്യ​ങ്ങ​ളു​ടെ സ്വാഭാ​വിക പരിണതി മുൻകൂ​ട്ടി കണ്ടതാ​ണ​ത്രേ. ബൈബിൾ പ്രവച​ന​ങ്ങ​ളു​ടെ ചില സവി​ശേ​ഷ​ത​കളെ ഭാവി​ക​ഥ​ന​ത്തോ​ടു താരത​മ്യം ചെയ്‌തു​കൊ​ണ്ടു നമുക്ക്‌ ഉചിത​മായ നിഗമ​ന​ത്തിൽ എത്തി​ച്ചേ​രാ​നാ​കും.

വിരു​ദ്ധാ​ശ​യ​ങ്ങൾ

അസ്‌പഷ്ടത ഭാവി​ക​ഥ​ന​ത്തി​ന്റെ മുഖമു​ദ്ര ആയിരു​ന്നു. ഉദാഹ​ര​ണ​ത്തിന്‌, ദുർഗ്ര​ഹ​മായ രീതി​യി​ലാ​ണു ഡെൽഫി​യി​ലെ മന്ദിര​ത്തിൽ ചോദ്യ​ങ്ങൾക്ക്‌ ഉത്തരം ലഭിച്ചി​രു​ന്നത്‌. തന്നിമി​ത്തം, പുരോ​ഹി​ത​ന്മാർ അവ വിശദീ​ക​രി​ക്കവെ വിപരീത വ്യാഖ്യാ​ന​വും സാധ്യ​മാ​ക്കുന്ന വാക്കുകൾ ചമയ്‌ക്കേ​ണ്ടത്‌ ആവശ്യ​മാ​യി വന്നു. ലിഡി​യ​യി​ലെ രാജാ​വാ​യി​രുന്ന ക്രിസ​സി​നു ലഭിച്ച ഉത്തരം അതിന്‌ ഒരു ഉദാഹ​ര​ണ​മാണ്‌. വെളി​ച്ച​പ്പാ​ട​ത്തി​യെ സന്ദർശി​ച്ച​പ്പോൾ അവനോട്‌ ഇങ്ങനെ പറയ​പ്പെട്ടു: “ഹേലിസ്‌ കുറുകെ കടക്കു​ന്ന​പക്ഷം ക്രിസസ്‌ ശക്തമായ ഒരു സാമ്രാ​ജ്യ​ത്തെ നശിപ്പി​ക്കും.” വാസ്‌ത​വ​ത്തിൽ, നശിപ്പി​ക്ക​പ്പെട്ട ‘ശക്തമായ സാമ്രാ​ജ്യം’ അവന്റേ​തു​തന്നെ ആയിരു​ന്നു! കപ്പദൊ​ക്യ​യെ ആക്രമി​ക്കാ​നാ​യി ഹേലിസ്‌ നദി കുറുകെ കടന്ന ക്രിസ​സി​നെ പാർസി രാജാ​വായ കോരശ്‌ (സൈറസ്‌) തോൽപ്പി​ച്ചു.

പുറജാ​തീ​യ ഭാവി​ക​ഥ​ന​ത്തി​നു കടകവി​രു​ദ്ധ​മാ​യി, ബൈബിൾ പ്രവച​നങ്ങൾ കൃത്യ​ത​യു​ടെ​യും വ്യക്തത​യു​ടെ​യും കാര്യ​ത്തിൽ ശ്രദ്ധേ​യ​മാണ്‌. അതിന്‌ ഒരു ദൃഷ്ടാ​ന്ത​മാണ്‌ യെശയ്യാ​വു എന്ന ബൈബിൾ പുസ്‌ത​ക​ത്തിൽ രേഖ​പ്പെ​ടു​ത്തി​യി​രി​ക്കുന്ന ബാബി​ലോ​ന്റെ പതനത്തെ കുറി​ച്ചുള്ള പ്രവചനം. പ്രസ്‌തുത സംഭവം നടക്കു​ന്ന​തിന്‌ 200 വർഷം മുമ്പു പ്രവാ​ച​ക​നായ യെശയ്യാവ്‌, ബാബി​ലോ​നെ മേദോ-പേർഷ്യ​കീ​ഴ​ട​ക്കു​മെന്നു വിശദ​മാ​യും കൃത്യ​മാ​യും മുൻകൂ​ട്ടി​പ്പ​റ​ഞ്ഞി​രു​ന്നു. ജേതാ​വി​ന്റെ പേരു കോരശ്‌ എന്നായി​രി​ക്കു​മെ​ന്നും അവൻ വെള്ളമുള്ള പ്രതി​രോധ കിടങ്ങു​കൾ വറ്റിച്ച്‌, തുറന്ന കവാട​ങ്ങ​ളി​ലൂ​ടെ കോട്ട​കെട്ടി ഉറപ്പിച്ച നഗരത്തിൽ പ്രവേ​ശി​ക്കു​മെ​ന്നും പ്രവചനം വ്യക്തമാ​ക്കി. ഇതെല്ലാം കൃത്യ​മാ​യി​ത്തന്നെ നിറ​വേറി. (യെശയ്യാ​വു 44:27-45:2) അവിടം ആൾപ്പാർപ്പി​ല്ലാ​തെ സമ്പൂർണ​മാ​യി പാഴാ​യി​കി​ട​ക്കു​മെ​ന്നും കൃത്യ​മാ​യി പ്രവചി​ക്ക​പ്പെട്ടു.—യെശയ്യാ​വു 13:17-22.

കൂടാതെ, യോനാ പ്രവാ​ചകൻ പ്രഖ്യാ​പിച്ച ഈ മുന്നറി​യി​പ്പി​ന്റെ വ്യക്തത​യും പരിചി​ന്തി​ക്കുക: “ഇനി നാല്‌പതു ദിവസം കഴിഞ്ഞാൽ നീനെവേ ഉന്മൂല​മാ​കും.” (യോനാ 3:4) ഇവിടെ തെല്ലും അസ്‌പഷ്ടത ഇല്ല! ആ സന്ദേശം അത്യന്തം ഫലപ്ര​ദ​വും സുവ്യ​ക്ത​വും ആയിരു​ന്നു. തന്മൂലം, നീനെ​വേ​ക്കാർ ഉടനടി “ദൈവ​ത്തിൽ വിശ്വ​സി​ച്ചു ഒരു ഉപവാസം പരസ്യം ചെയ്‌തു വലിയ​വ​രും ചെറി​യ​വ​രും ഒരു​പോ​ലെ രട്ടുടു​ത്തു.” നീനെ​വേ​ക്കാർ അനുത​പി​ച്ചതു നിമിത്തം യഹോവ അവരു​ടെ​മേൽ ആ സന്ദർഭ​ത്തിൽ നാശം വരുത്തി​യില്ല.—യോനാ 3:5-10.

രാഷ്‌ട്രീ​യ സ്വാധീ​ന​ത്തി​നുള്ള ഒരു ഉപാധി​യാ​യും ഭാവി​ക​ഥ​നത്തെ ഉപയോ​ഗി​ച്ചി​രു​ന്നു. ഭരണാ​ധി​പ​ന്മാ​രും സേനാ​പ​തി​ക​ളും സ്വന്തം താത്‌പ​ര്യ​ങ്ങ​ളും പദ്ധതി​ക​ളും ഉന്നമി​പ്പി​ക്കു​ന്ന​തി​നു മിക്ക​പ്പോ​ഴും, തങ്ങൾക്കു പ്രിയ​മുള്ള വ്യാഖ്യാ​നത്തെ പരാമർശി​ച്ചു​കൊണ്ട്‌ അതിന്‌ ഒരു “ദിവ്യ​പ​രി​വേഷം” നൽകി​യി​രു​ന്നു. എന്നാൽ, വ്യക്തി താത്‌പ​ര്യ​ങ്ങൾക്ക്‌ അനുസൃ​ത​മാ​യല്ല ദൈവ​ത്തി​ന്റെ പ്രാവ​ച​നിക സന്ദേശങ്ങൾ നൽക​പ്പെ​ട്ടത്‌.

ദൃഷ്ടാ​ന്ത​ത്തിന്‌: തെറ്റു ചെയ്‌ത ദാവീദ്‌ രാജാ​വി​നെ ശാസി​ക്കു​ന്ന​തിൽ നിന്നു നാഥാൻ പ്രവാ​ചകൻ പിന്മാ​റി​നി​ന്നില്ല. (2 ശമൂവേൽ 12:1-12) പത്തു ഗോത്ര രാജ്യ​മാ​യി​രുന്ന ഇസ്രാ​യേ​ലിൽ യൊ​രോ​ബെ​യാം രണ്ടാമൻ വാഴ്‌ച നടത്തവെ, മത്സരി​യായ ആ രാജാ​വി​നെ​യും പിന്തു​ണ​ക്കാ​രെ​യും അവരുടെ വിശ്വാ​സ​ത്യാ​ഗ​വും ദൈവ​നി​ന്ദാ​പ​ര​മായ നടത്തയും നിമിത്തം പ്രവാ​ച​ക​ന്മാ​രായ ഹോ​ശേ​യ​യും ആമോ​സും നിശി​ത​മാ​യി വിമർശി​ച്ചു. (ഹോശേയ 5:1-7; ആമോസ്‌ 2:6-8) ആമോസ്‌ പ്രവാ​ചകൻ മുഖാ​ന്തരം ആ രാജാ​വി​നു യഹോ​വ​യു​ടെ വളരെ കർശന​മായ മുന്നറി​യി​പ്പു നൽക​പ്പെട്ടു: “ഞാൻ യൊ​രോ​ബെ​യാം​ഗൃ​ഹ​ത്തോ​ടു വാളു​മാ​യി എതിർത്തു​നി​ല്‌ക്കും.” (ആമോസ്‌ 7:9) യൊ​രോ​ബെ​യാ​മി​ന്റെ ഗൃഹം ഉന്മൂല​മാ​ക്ക​പ്പെട്ടു.—1 രാജാ​ക്ക​ന്മാർ 15:25-30; 2 ദിനവൃ​ത്താ​ന്തം 13:20.

ഭാവി​ക​ഥ​ന​ത്തി​ലൂ​ടെ വിവരങ്ങൾ ലഭിക്കു​ന്ന​തി​നു മിക്ക​പ്പോ​ഴും പണം നൽകണ​മാ​യി​രു​ന്നു. കൂടുതൽ പണം കൊടു​ക്കു​ന്ന​യാൾക്ക്‌ അയാളു​ടെ ഇഷ്ടാനു​സ​ര​ണ​മുള്ള വിവരങ്ങൾ ലഭിക്കും. ഡെൽഫി​യി​ലെ ഭാവി​കഥന മന്ദിരം സന്ദർശി​ക്കു​ന്നവർ പ്രയോ​ജ​ന​ര​ഹി​ത​മായ വിവര​ങ്ങൾക്കു വേണ്ടി ഗണ്യമായ തുക ചെലവ​ഴി​ച്ചി​രു​ന്നു. അങ്ങനെ, അപ്പോ​ളോ ക്ഷേത്ര​ത്തി​ലും മറ്റു മന്ദിര​ങ്ങ​ളി​ലും പണം കുന്നു​കൂ​ടി. അതിനു നേരെ വിപരീ​ത​മാ​യി, ബൈബിൾ പ്രവച​ന​ങ്ങ​ളും മുന്നറി​യി​പ്പു​ക​ളും നൽക​പ്പെ​ട്ടി​രു​ന്നത്‌ തെല്ലും പണച്ചെ​ല​വോ യാതൊ​രു മുഖപ​ക്ഷ​മോ ഇല്ലാതെ, വ്യക്തി​യു​ടെ സ്ഥാനമാ​ന​ങ്ങ​ളോ സമ്പത്തോ ഗണ്യമാ​ക്കാ​തെ​യാണ്‌. കാരണം, ഒരു യഥാർഥ പ്രവാ​ച​കനെ കോഴ കൊടു​ത്തു പാട്ടി​ലാ​ക്കാൻ സാധി​ക്കു​മാ​യി​രു​ന്നില്ല. പ്രവാ​ച​ക​നും ന്യായാ​ധി​പ​നും ആയിരുന്ന ശമൂ​വേ​ലിന്‌ ആത്മാർഥ​മാ​യി ഇങ്ങനെ ചോദി​ക്കാൻ സാധിച്ചു: “ഞാൻ വല്ലവ​ന്റെ​യും കയ്യിൽനി​ന്നു കൈക്കൂ​ലി വാങ്ങി എന്റെ കണ്ണു കുരു​ടാ​ക്കീ​ട്ടു​ണ്ടോ?”—1 ശമൂവേൽ 12:3.

ഭാവി​ക​ഥ​നം ചില പ്രത്യേക ഇടങ്ങളിൽ മാത്രമേ നടത്ത​പ്പെ​ട്ടി​രു​ന്നു​ള്ളൂ. തന്മൂലം, അതിനാ​യി അവിടം  വരെ യാത്ര ചെയ്യു​ന്ന​തിൽ കാര്യ​മായ ശ്രമം ഉൾപ്പെ​ട്ടി​രു​ന്നു. ഇപ്പൈ​റ​സി​ലെ റ്റൊമാ​റസ്‌ പർവത​ത്തി​ലുള്ള ഡൊ​ഡോ​ണ​യി​ലും പർവത​പ്ര​ദേ​ശ​മായ മധ്യ​ഗ്രീ​സി​ലെ ഡെൽഫി​യി​ലും ഒക്കെ ആയിരു​ന്നു അത്തരം സ്ഥലങ്ങൾ എന്നതി​നാൽ ഒരു സാധാരണ വ്യക്തിയെ സംബന്ധി​ച്ചി​ട​ത്തോ​ളം അവിട​ങ്ങ​ളിൽ എത്തി​ച്ചേ​രു​ന്നതു വളരെ പ്രയാ​സ​കരം ആയിരു​ന്നു. സാധാ​ര​ണ​ഗ​തി​യിൽ, ധനിക​രും പ്രബല​രു​മായ ആളുകൾക്കേ അത്തരം ഭാവി​കഥന മന്ദിര​ങ്ങ​ളിൽ ദൈവ​ങ്ങ​ളു​മാ​യി ആലോചന കഴിക്കാൻ സാധി​ച്ചി​രു​ന്നു​ള്ളൂ. തന്നെയു​മല്ല, വർഷത്തിൽ ഏതാനും ദിവസ​ങ്ങ​ളിൽ മാത്രമേ “ദൈവ​ങ്ങ​ളു​ടെ ഹിതം” വെളി​പ്പെ​ടു​ത്തി​യി​രു​ന്നു​ള്ളൂ. നേരെ മറിച്ച്‌, യഹോ​വ​യാം ദൈവം ജനങ്ങളെ പ്രവച​നങ്ങൾ അറിയി​ക്കേ​ണ്ട​തി​നു തന്റെ പ്രവാ​ച​ക​ന്മാ​രെ അവരുടെ ഇടയി​ലേക്കു നേരിട്ട്‌ അയച്ചി​രു​ന്നു. ഉദാഹ​ര​ണ​ത്തിന്‌, യഹൂദ​രു​ടെ ബാബി​ലോ​ന്യ പ്രവാ​സ​കാ​ലത്തു കുറഞ്ഞ​പക്ഷം മൂന്നു പ്രവാ​ച​ക​ന്മാ​രെ​യെ​ങ്കി​ലും തന്റെ ജനത്തിന്‌ ഇടയി​ലേക്കു ദൈവം അയച്ചു—യിരെ​മ്യാവ്‌ യെരൂ​ശ​ലേ​മി​ലും യെഹെ​സ്‌കേൽ പ്രവാ​സി​ക​ളോ​ടൊ​പ്പ​വും ദാനീ​യേൽ ബാബി​ലോ​ന്യ സാമ്രാ​ജ്യ​ത്തി​ന്റെ തലസ്ഥാന നഗരി​യി​ലും സേവിച്ചു.—യിരെ​മ്യാ​വു 1:1, 2; യെഹെ​സ്‌കേൽ 1:1; ദാനീ​യേൽ 2:48.

സാധാ​ര​ണ​മാ​യി, രഹസ്യ​മാ​യി​ട്ടാ​ണു ഭാവി​ക​ഥനം നടത്തി​യി​രു​ന്നത്‌. തന്മൂലം, ആളുകൾക്കു സ്വന്തം നേട്ടങ്ങൾക്കാ​യി അവയെ വളച്ചൊ​ടി​ക്കാൻ സാധി​ക്കു​മാ​യി​രു​ന്നു. നേരെ മറിച്ച്‌, ബൈബിൾ പ്രവച​നങ്ങൾ മിക്ക​പ്പോ​ഴും പരസ്യ​മാ​യി​ട്ടാ​ണു നൽക​പ്പെ​ട്ടത്‌. തന്മൂലം എല്ലാവർക്കും അതു കേൾക്കാ​നും അതിന്റെ ആന്തരാർഥങ്ങൾ മനസ്സി​ലാ​ക്കാ​നും സാധി​ക്കു​മാ​യി​രു​ന്നു. തന്റെ സന്ദേശം മത നേതാ​ക്ക​ന്മാർക്കും നഗര വാസി​കൾക്കും അപ്രി​യ​മാ​ണെന്ന്‌ അറിയാ​മാ​യി​രു​ന്നി​ട്ടും യിരെ​മ്യാ പ്രവാ​ചകൻ പലവട്ടം യെരൂ​ശ​ലേ​മിൽ പരസ്യ​മാ​യി പ്രവചി​ച്ചു.—യിരെ​മ്യാ​വു 7:1, 2.

ഇന്നു ഭാവി​ക​ഥനം പുരാതന ചരി​ത്ര​ത്തി​ന്റെ ഭാഗമാ​യി മാത്രം വീക്ഷി​ക്ക​പ്പെ​ടു​ന്നു. ദുഷ്‌ക​ര​മായ നമ്മുടെ കാലത്തു ജീവി​ക്കുന്ന ആളുകൾക്ക്‌ അതു​കൊണ്ട്‌ യാതൊ​രു പ്രയോ​ജ​ന​വും ഇല്ല. നമ്മുടെ നാളി​നെ​യോ ഭാവി​യെ​യോ സംബന്ധിച്ച്‌ ഈ ഭാവി​ക​ഥ​നങ്ങൾ ഒന്നും​തന്നെ പറയു​ന്നില്ല. എന്നാൽ അവയിൽനി​ന്നു വ്യത്യ​സ്‌ത​മാ​യി, ബൈബിൾ പ്രവച​നങ്ങൾ “ജീവനും ചൈത​ന്യ​വു​മുള്ള” ‘ദൈവ​വ​ച​ന​ത്തി​ന്റെ’ ഭാഗമാ​ണെ​ന്നതു ശ്രദ്ധേ​യ​മാണ്‌. (എബ്രായർ 4:12) ഇതി​നോ​ടകം നിവൃ​ത്തി​യേ​റി​യി​രി​ക്കുന്ന ബൈബിൾ പ്രവച​നങ്ങൾ, ജനങ്ങളു​മാ​യുള്ള യഹോ​വ​യു​ടെ ഇടപെ​ട​ലി​ന്റെ ഒരു ദൃഷ്ടാ​ന്ത​മാണ്‌. അത്‌ അവന്റെ ഉദ്ദേശ്യ​ങ്ങ​ളെ​യും വ്യക്തി​ത്വ​ത്തെ​യും കുറിച്ചു മർമ​പ്ര​ധാ​ന​മായ വിശദാം​ശങ്ങൾ നൽകു​ക​യും ചെയ്യുന്നു. കൂടാതെ, പ്രധാ​ന​പ്പെട്ട ബൈബിൾ പ്രവച​നങ്ങൾ സമീപ ഭാവി​യിൽ നിവൃ​ത്തി​യേ​റാ​നി​രി​ക്കു​ക​യാണ്‌. അടുത്തു​തന്നെ സംഭവി​ക്കാൻ പോകു​ന്ന​തി​നെ കുറിച്ചു പത്രൊസ്‌ അപ്പൊ​സ്‌തലൻ ഇങ്ങനെ എഴുതി: “നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും [സ്വർഗീയ മിശി​ഹൈക രാജ്യം] പുതിയ ഭൂമി​ക്കു​മാ​യി​ട്ടു [നീതി​യുള്ള മനുഷ്യ സമൂഹം] കാത്തി​രി​ക്കു​ന്നു.”—2 പത്രൊസ്‌ 3:13.

ബൈബിൾ പ്രവച​ന​ങ്ങ​ളെ​യും വ്യാജമത ഭാവി​ക​ഥ​ന​ങ്ങ​ളെ​യും കുറി​ച്ചുള്ള ഹ്രസ്വ​മായ ഈ താരതമ്യ പരിചി​ന്തനം, മഹത്തായ ആശയങ്ങൾ (ഇംഗ്ലീഷ്‌) എന്ന പുസ്‌ത​ക​ത്തിൽ പറഞ്ഞി​രി​ക്കു​ന്ന​തി​നോ​ടു സമാന​മായ നിഗമ​ന​ത്തിൽ എത്തി​ച്ചേ​രു​ന്ന​തി​ലേക്കു നിങ്ങളെ നയി​ച്ചേ​ക്കാം: “മർത്ത്യ മനുഷ്യ​ന്റെ മുന്നറി​വി​നുള്ള പ്രാപ്‌തി കണക്കി​ലെ​ടു​ക്കു​ക​യാ​ണെ​ങ്കിൽ, എബ്രായ പ്രവാ​ച​ക​ന്മാർ അതുല്യ​രാ​യി കാണ​പ്പെ​ടു​ന്നു. പുറജാ​തി ആഭിചാ​ര​ക​രിൽ നിന്നും ലക്ഷണം പറച്ചി​ലു​കാ​രിൽ നിന്നും ഭിന്നമാ​യി, . . . ദിവ്യ രഹസ്യങ്ങൾ അറിയു​ന്ന​തിന്‌ അവർക്കു കർമങ്ങ​ളോ മന്ത്രോ​പ​ക​ര​ണ​ങ്ങ​ളോ ഉപയോ​ഗി​ക്കേ​ണ്ട​തില്ല. . . . കാരണം  അവരുടെ പ്രാവ​ച​നിക ഭാഷണ​ങ്ങ​ളിൽ അധിക​വും, വിജാ​തീയ ഭാവി​ക​ഥ​ന​ങ്ങ​ളിൽ നിന്നു വ്യത്യ​സ്‌ത​മാ​യി, വളരെ വ്യക്തത​യു​ള്ള​താ​യി കാണ​പ്പെ​ടു​ന്നു. കുറഞ്ഞ​പക്ഷം, ദിവ്യ മാർഗ​നിർദേ​ശ​ത്തി​ന്റെ ഗതി മനുഷ്യർ മുൻകൂ​ട്ടി കാണാൻ ദൈവം ആഗ്രഹി​ക്കു​ന്ന​തു​കൊണ്ട്‌ കാര്യ​ങ്ങളെ സംബന്ധിച്ച അവന്റെ ഉദ്ദേശ്യം മറച്ചു​വെ​ക്കു​കയല്ല, വെളി​പ്പെ​ടു​ത്തു​ക​യാണ്‌ അവയുടെ ലക്ഷ്യം എന്നു കാണ​പ്പെ​ടു​ന്നു.”

നിങ്ങൾ ബൈബിൾ പ്രവച​ന​ത്തിൽ വിശ്വ​സി​ക്കു​മോ?

നിങ്ങൾക്കു ബൈബിൾ പ്രവച​ന​ത്തിൽ വിശ്വ​സി​ക്കാ​നാ​കും. വാസ്‌ത​വ​ത്തിൽ, നിങ്ങൾക്ക്‌ യഹോ​വ​യെ​യും അവന്റെ പ്രാവ​ച​നിക വചനത്തി​ന്റെ നിവൃ​ത്തി​യെ​യും കേന്ദ്രീ​ക​രി​ച്ചു ജീവിതം പടുത്തു​യർത്താ​നാ​കും. ബൈബിൾ പ്രവചനം ഇതി​നോ​ടകം നിവൃ​ത്തി​യേ​റി​യി​രി​ക്കുന്ന ഭാവി​ക​ഥ​ന​ങ്ങ​ളു​ടെ മൃത വൃത്താ​ന്തമല്ല. തിരു​വെ​ഴു​ത്തു​ക​ളിൽ കാണുന്ന പല പ്രവച​ന​ങ്ങ​ളും നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാണ്‌ അല്ലെങ്കിൽ സമീപ ഭാവി​യിൽ നിവൃ​ത്തി​യേ​റാ​നി​രി​ക്കു​ക​യാണ്‌. അവയും നിവൃ​ത്തി​യേ​റു​മെന്നു ഗതകാ​ലത്തെ ആസ്‌പ​ദ​മാ​ക്കി നമുക്കു പൂർണ ഉറപ്പോ​ടെ പറയാ​നാ​കും. അത്തരം പ്രവച​നങ്ങൾ നമ്മുടെ നാളു​കളെ കേന്ദ്രീ​ക​രി​ക്കു​ന്ന​തി​നാ​ലും അവ നമ്മുടെ ഭാവി​യു​മാ​യി ബന്ധപ്പെ​ട്ടി​രി​ക്കു​ന്ന​തി​നാ​ലും നാം അവയെ ഗൗരവ​മാ​യി കണക്കാ​ക്കണം.

യെശയ്യാ​വു 2:2, 3-ൽ കാണുന്ന ബൈബിൾ പ്രവച​ന​ത്തിൽ നിങ്ങൾക്കു തീർച്ച​യാ​യും വിശ്വ​സി​ക്കാ​നാ​കും: ‘അന്ത്യകാ​ലത്തു യഹോ​വ​യു​ടെ ആലയമുള്ള പർവ്വതം പർവ്വത​ങ്ങ​ളു​ടെ ശിഖര​ത്തിൽ സ്ഥാപിതം ആയിരി​ക്കും; അനേക​വം​ശ​ങ്ങ​ളും ചെന്നു: വരുവിൻ, നമുക്കു യഹോ​വ​യു​ടെ പർവ്വത​ത്തി​ലേക്കു, കയറി​ച്ചെ​ല്ലാം; അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും എന്നു പറയും.’ ഇന്നു ദശലക്ഷ​ക്ക​ണ​ക്കിന്‌ ആളുകൾ യഹോ​വ​യു​ടെ ഉന്നത ആരാധ​ന​യിൽ ഏർപ്പെ​ടു​ക​യും അവന്റെ പാതക​ളിൽ നടക്കാൻ പഠിക്കു​ക​യും ചെയ്യുന്നു. ദൈവ​ത്തി​ന്റെ വഴികളെ കുറിച്ചു കൂടുതൽ അറിയാ​നും അവന്റെ പാതക​ളിൽ നടക്കു​ന്ന​തിന്‌ അവനെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു സൂക്ഷ്‌മ​മായ അറിവു നേടാ​നും ലഭിക്കുന്ന അവസരം നിങ്ങൾ പ്രയോ​ജ​ന​പ്പെ​ടു​ത്തു​മോ?—യോഹ​ന്നാൻ 17:3.

ബൈബി​ളി​ലെ മറ്റൊരു പ്രവച​ന​ത്തി​ന്റെ നിവൃത്തി നമ്മുടെ ഭാഗത്ത്‌ അടിയ​ന്തിര നടപടി ആവശ്യ​മാ​ക്കി​ത്തീർക്കു​ന്നു. സമീപ ഭാവിയെ കുറിച്ചു സങ്കീർത്ത​ന​ക്കാ​രൻ പ്രാവ​ച​നി​ക​മാ​യി ഇങ്ങനെ പാടി: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; . . . കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല.” (സങ്കീർത്തനം 37:9, 10) ബൈബിൾ പ്രവച​ന​ങ്ങളെ പുച്ഛിച്ചു തള്ളുന്നവർ ഉൾപ്പെ​ടെ​യുള്ള ദുഷ്ടന്മാ​രു​ടെ ആസന്നമായ നാശത്തെ അതിജീ​വി​ക്കാൻ ആവശ്യ​മാ​യി​രി​ക്കു​ന്നത്‌ എന്താ​ണെ​ന്നാ​ണു നിങ്ങൾക്കു തോന്നു​ന്നത്‌? ആ സങ്കീർത്ത​നം​തന്നെ ഉത്തരം നൽകുന്നു: “യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും.” (സങ്കീർത്തനം 37:9) യഹോ​വയെ പ്രത്യാ​ശി​ക്കുക എന്നതിന്റെ അർഥം അവന്റെ വാഗ്‌ദാ​ന​ങ്ങ​ളിൽ പൂർണ​മാ​യി വിശ്വ​സി​ക്കു​ക​യും അവന്റെ നിലവാ​ര​ങ്ങൾക്കൊ​ത്തു  നമ്മുടെ ജീവിതം ക്രമ​പ്പെ​ടു​ത്തു​ക​യും ചെയ്യുക എന്നാണ്‌.—സദൃശ​വാ​ക്യ​ങ്ങൾ 2:21, 22.

യഹോ​വ​യിൽ പ്രത്യാ​ശി​ക്കു​ന്നവർ ഭൂമിയെ കൈവ​ശ​മാ​ക്കു​മ്പോൾ ജീവിതം എങ്ങനെ​യി​രി​ക്കും? അനുസ​ര​ണ​മുള്ള മനുഷ്യ​വർഗ​ത്തി​നു മഹത്തായ ഭാവി കൈവ​രു​മെന്നു ബൈബിൾ പറയുന്നു. യെശയ്യാ പ്രവാ​ചകൻ എഴുതി: “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും; മരുഭൂ​മി​യിൽ വെള്ളവും നിർജ്ജ​ന​പ്ര​ദേ​ശത്തു തോടു​ക​ളും പൊട്ടി പുറ​പ്പെ​ടും.” (യെശയ്യാ​വു 35:5, 6) യോഹ​ന്നാൻ അപ്പൊ​സ്‌തലൻ ഉറപ്പേ​കുന്ന ഈ വാക്കുകൾ രേഖ​പ്പെ​ടു​ത്തി: “അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി; സിംഹാ​സ​ന​ത്തിൽ ഇരിക്കു​ന്നവൻ: . . . എഴുതുക, ഈ വചനം വിശ്വാ​സ​യോ​ഗ്യ​വും സത്യവും ആകുന്നു എന്നും . . . കല്‌പി​ച്ചു.”—വെളി​പ്പാ​ടു 21:4, 5.

വിശ്വാ​സ​യോ​ഗ്യ​മായ പ്രവച​നങ്ങൾ അടങ്ങിയ ഗ്രന്ഥമാ​ണു ബൈബിൾ എന്ന്‌ യഹോ​വ​യു​ടെ സാക്ഷി​കൾക്ക്‌ അറിയാം. അവർ അപ്പൊ​സ്‌ത​ല​നായ പത്രൊ​സി​ന്റെ പിൻവ​രുന്ന ഉദ്‌ബോ​ധ​ന​ത്തോ​ടു പൂർണ​മാ​യും യോജി​ക്കു​ന്നു: “പ്രവാ​ച​ക​വാ​ക്യ​വും അധികം സ്ഥിരമാ​യി​ട്ടു നമുക്കു​ണ്ടു. നേരം വെളു​ക്കു​ക​യും നിങ്ങളു​ടെ ഹൃദയ​ങ്ങ​ളിൽ ഉദയന​ക്ഷ​ത്രം ഉദിക്ക​യും ചെയ്‌വോ​ളം ഇരുണ്ട സ്ഥലത്തു പ്രകാ​ശി​ക്കുന്ന വിളക്കു​പോ​ലെ അതിനെ കരുതി​ക്കൊ​ണ്ടാൽ നന്നു.” (2 പത്രൊസ്‌ 1:19) ഭാവി സംബന്ധി​ച്ചു ബൈബിൾ പ്രവച​നങ്ങൾ വെച്ചു​നീ​ട്ടുന്ന മഹത്തായ പ്രത്യാ​ശകൾ നിങ്ങളെ പുളകി​ത​രാ​ക്കു​മെന്നു ഞങ്ങൾ ആത്മാർഥ​മാ​യി പ്രതീ​ക്ഷി​ക്കു​ന്നു!

[6-ാം പേജിലെ ചതുരം/ചിത്രങ്ങൾ]

ഡെൽഫിയിലെ ഭാവി​കഥന മന്ദിരം ആയിരു​ന്നു പുരാതന ഗ്രീസിൽ ഏറ്റവും വിഖ്യാ​ത​മാ​യി​രു​ന്നത്‌.

വെളിച്ചപ്പാടത്തികൾ മുക്കാ​ലി​യിൽ ഇരുന്ന്‌ ഭാവി​ക​ഥനം നടത്തി​യി​രു​ന്നു

[ചിത്രങ്ങൾ]

മത്തു പിടി​പ്പി​ക്കുന്ന ധൂമം വെളി​ച്ച​പ്പാ​ട​ത്തി​ക്കു ഹർഷോ​ന്മാ​ദം പകർന്നി​രു​ന്നു

അവൾ ഉരുവി​ട്ടി​രുന്ന വാക്കു​ക​ളിൽ അപ്പോ​ളോ ദേവന്റെ വെളി​പാ​ടു​കൾ അടങ്ങി​യി​രു​ന്ന​താ​യി കരുത​പ്പെ​ട്ടി​രു​ന്നു

[കടപ്പാട]

മുക്കാലി: From the book Dictionary of Greek and Roman Antiquities; അപ്പോളോ: The Complete Encyclopedia of Illustration/J. G. Heck

[7-ാം പേജിലെ ചിത്രം]

ഡെൽഫിയിലെ മന്ദിര​ത്തിൽ നടത്ത​പ്പെ​ട്ടി​രുന്ന ഭാവി​ക​ഥ​നങ്ങൾ ഒട്ടും ആശ്രയ​യോ​ഗ്യം ആയിരു​ന്നി​ല്ല

[കടപ്പാട]

Delphi, Greece

[8-ാം പേജിലെ ചിത്രം]

പുതിയ ലോകത്തെ കുറി​ച്ചുള്ള ബൈബിൾ പ്രവച​ന​ത്തിൽ നിങ്ങൾക്കു പൂർണ​മാ​യി വിശ്വ​സി​ക്കാ​നാ​കും