അസമത്വം ഇപ്പോ​ഴത്തെ യാതനകൾ

“സകല മനുഷ്യ​രും തുല്യ​രാ​യി സൃഷ്ടി​ക്ക​പ്പെ​ട്ടി​രി​ക്കു​ന്നു​വെന്ന, സ്രഷ്ടാവ്‌ അവർക്ക്‌ അലംഘ്യ​മായ ചില അവകാ​ശങ്ങൾ നൽകി​യി​രി​ക്കു​ന്നു​വെന്ന, ജീവി​ക്കാ​നും സ്വാത​ന്ത്ര്യം ഉണ്ടായി​രി​ക്കാ​നും സന്തോഷം കണ്ടെത്താ​നു​മുള്ള അവകാശം അവയിൽ ഉൾപ്പെ​ടു​ന്നു​വെന്ന, സ്വയം​സി​ദ്ധ​മായ സത്യങ്ങൾ ഞങ്ങൾ അംഗീ​ക​രി​ക്കു​ന്നു.”—സ്വാത​ന്ത്ര്യ പ്രഖ്യാ​പനം, 1776-ൽ ഐക്യ​നാ​ടു​കൾ അംഗീ​ക​രി​ച്ചത്‌.

“സകല മനുഷ്യ​രും സ്വാത​ന്ത്ര്യ​ത്തോ​ടും തുല്യാ​വ​കാ​ശ​ങ്ങ​ളോ​ടും കൂടെ​യാ​ണു ജനിക്കു​ന്നത്‌.”—മനുഷ്യ-പൗര അവകാശ പ്രഖ്യാ​പനം, 1789-ൽ ഫ്രാൻസി​ലെ ദേശീയ സഭ അംഗീ​ക​രി​ച്ചത്‌.

“സ്വത​ന്ത്ര​രും അതു​പോ​ലെ മാന്യ​ത​യി​ലും അവകാ​ശ​ങ്ങ​ളി​ലും തുല്യ​രും ആയാണ്‌ സകല മനുഷ്യ​രും ജനിക്കു​ന്നത്‌.”—സാർവ​ത്രിക മനുഷ്യാ​വ​കാശ പ്രഖ്യാ​പനം, ഐക്യ​രാ​ഷ്‌ട്ര പൊതു സഭ 1948-ൽ അംഗീ​ക​രി​ച്ചത്‌.

ഈ കാര്യം സംബന്ധിച്ച്‌ ഒരു സംശയ​വു​മില്ല. സമത്വ​ത്തി​നാ​യുള്ള മനുഷ്യ​ന്റെ ആഗ്രഹം സാർവ​ത്രി​ക​മാണ്‌. എന്നാൽ സങ്കടക​ര​മെന്നു പറയട്ടെ, മനുഷ്യ സമത്വം എന്ന ആശയം കൂടെ​ക്കൂ​ടെ ആവർത്തി​ക്കേ​ണ്ടി​വ​ന്നി​രി​ക്കു​ന്നു എന്ന വസ്‌തു​ത​തന്നെ സമത്വം കൈവ​രി​ക്കാൻ മനുഷ്യന്‌ ഇതുവരെ കഴിഞ്ഞി​ട്ടില്ല എന്നു തെളി​യി​ക്കു​ന്നു.

20-ാം നൂറ്റാണ്ട്‌ അസ്‌ത​മി​ക്കാൻ പോകുന്ന ഇക്കാലത്ത്‌ കാര്യങ്ങൾ മെച്ച​പ്പെ​ട്ടി​ട്ടുണ്ട്‌ എന്ന്‌ ആർക്കെ​ങ്കി​ലും ആത്മാർഥ​മാ​യി വാദി​ക്കാൻ കഴിയു​മോ? ഐക്യ​നാ​ടു​ക​ളി​ലെ​യും ഫ്രാൻസി​ലെ​യും എല്ലാ പൗരന്മാ​രും അല്ലെങ്കിൽ ഐക്യ​രാ​ഷ്‌ട്ര​ങ്ങ​ളിൽ അംഗത്വ​മുള്ള 185 രാഷ്‌ട്ര​ങ്ങ​ളിൽ ഏതെങ്കി​ലും ഒരു  രാജ്യ​ത്തുള്ള സകലരും, തങ്ങൾക്കു ജന്മനാ ഉണ്ടെന്ന്‌ അവകാ​ശ​പ്പെ​ടുന്ന തുല്യാ​വ​കാ​ശങ്ങൾ വാസ്‌ത​വ​ത്തിൽ ആസ്വദി​ക്കു​ന്നു​ണ്ടോ?

എല്ലാവർക്കും ഇടയിൽ സമത്വം ഉണ്ടായി​രി​ക്കുക എന്ന ആശയം “സ്വയം​സിദ്ധ”മാണെ​ങ്കി​ലും, “ജീവി​ക്കാ​നും സ്വാത​ന്ത്ര്യം ഉണ്ടായി​രി​ക്കാ​നും സന്തോഷം കണ്ടെത്താ​നു​മുള്ള” അവകാ​ശങ്ങൾ എല്ലാ മനുഷ്യ​രും തുല്യ​മാ​യി ആസ്വദി​ക്കു​ന്നില്ല. ഉദാഹ​ര​ണ​ത്തിന്‌, ആഫ്രി​ക്ക​യിൽ ഒരു കുട്ടിയെ ചികി​ത്സി​ക്കുന്ന ഒരു ഡോക്ടർക്ക്‌ വേറെ 2,569 പേരെ കൂടി ചികി​ത്സി​ക്കേ​ണ്ടി​വ​രു​ന്നു. അതേസ​മയം യൂറോ​പ്പി​ലാ​കട്ടെ, ഒരു കുട്ടിയെ ചികി​ത്സി​ക്കുന്ന ഡോക്ടർക്കു വേറെ 289 പേരെ മാത്രം ചികി​ത്സി​ച്ചാൽ മതി. ഇത്തര​മൊ​രു സാഹച​ര്യ​ത്തിൽ, ജീവി​ക്കാ​നുള്ള അവകാശം സംബന്ധിച്ച്‌ എന്ത്‌ സമത്വ​മാ​ണു​ള്ളത്‌? അല്ലെങ്കിൽ, ഇന്ത്യയി​ലെ ഏതാണ്ട്‌ മൂന്നിൽ ഒന്ന്‌ ആൺകു​ട്ടി​ക​ളും മൂന്നിൽ രണ്ടു പെൺകു​ട്ടി​ക​ളും നിരക്ഷ​ര​രാ​യി വളർന്നു വരുക​യും അതേസ​മയം, ജപ്പാനി​ലെ​യും ജർമനി​യി​ലെ​യും ഗ്രേറ്റ്‌ ബ്രിട്ട​നി​ലെ​യും എല്ലാ കുട്ടി​കൾക്കും​തന്നെ വിദ്യാ​ഭ്യാ​സം ഉറപ്പു​ല​ഭി​ക്കു​ക​യും ചെയ്യു​മ്പോൾ സ്വാത​ന്ത്ര്യം ഉണ്ടായി​രി​ക്കാ​നും സന്തോഷം കണ്ടെത്താ​നു​മുള്ള അവകാ​ശ​ങ്ങ​ളു​ടെ കാര്യ​ത്തിൽ എന്തു സമത്വ​മാ​ണു​ള്ളത്‌?

1,380 ഡോളർ പ്രതി​ശീർഷ വരുമാ​ന​മുള്ള മധ്യ അമേരി​ക്കൻ രാജ്യ​ങ്ങ​ളി​ലെ ജനങ്ങൾക്ക്‌, 24,990 ഡോളർ പ്രതി​ശീർഷ വരുമാ​ന​മുള്ള ഫ്രാൻസി​ലെ ആളുകൾക്കുള്ള അതേ ‘മാന്യ​ത​യും അവകാ​ശ​ങ്ങ​ളും’ ഉണ്ടോ? വടക്കേ അമേരി​ക്ക​യിൽ ജനിക്കുന്ന ഒരു പെൺകു​ഞ്ഞി​നുള്ള 76 വർഷത്തെ ആയുർപ്ര​തീ​ക്ഷ​യോ​ടുള്ള താരത​മ്യ​ത്തിൽ 65 വർഷത്തെ ആയുർപ്ര​തീ​ക്ഷ​യോ​ടെ ജനിക്കുന്ന ഒരു ആഫ്രിക്കൻ പെൺകു​ഞ്ഞിന്‌ എന്തു സമത്വ​മാണ്‌ ഉള്ളത്‌?

അസമത്വ​ത്തി​നു പല മുഖങ്ങ​ളുണ്ട്‌, അവയെ​ല്ലാം വിരൂ​പ​ങ്ങ​ളാണ്‌. ജീവിത നിലവാ​രങ്ങൾ, ആരോ​ഗ്യ​ര​ക്ഷ​യ്‌ക്കും വിദ്യാ​ഭ്യാ​സ​ത്തി​നു​മുള്ള അവസരങ്ങൾ എന്നിവ​യി​ലെ അസമത്വം അവയിൽ ചിലതു മാത്ര​മാണ്‌. ചില​പ്പോൾ, ആളുക​ളു​ടെ രാഷ്‌ട്രീ​യ​വും വർഗീ​യ​വും മതപര​വു​മായ വ്യത്യാ​സങ്ങൾ നിമിത്തം അവർക്കു മാന്യ​ത​യും സ്വാത​ന്ത്ര്യ​വും ലഭിക്കാ​തെ പോകു​ന്നു. ആളുകൾ സമത്വ​ത്തെ​ക്കു​റി​ച്ചു ധാരാളം സംസാ​രി​ക്കു​ന്നു​ണ്ടെ​ങ്കി​ലും, അസമത്വ​ത്തി​ന്റെ ഒരു ലോക​ത്തി​ലാ​ണു നാം ജീവി​ക്കു​ന്നത്‌. ഒരു ബാധ—“വ്യാപ​ക​മോ വൻതോ​തി​ലോ ഉള്ള കഷ്ടതയ്‌ക്കി​ട​യാ​ക്കുന്ന ഒരു സംഗതി” എന്ന്‌ അതു നിർവ​ചി​ക്ക​പ്പെ​ട്ടി​രി​ക്കു​ന്നു—കണക്കെ മനുഷ്യ സമൂഹത്തെ ഒന്നടങ്കം അസമത്വം ഗ്രസി​ച്ചി​രി​ക്കു​ന്നു. ദാരി​ദ്ര്യം, രോഗം, നിരക്ഷരത, തൊഴി​ലി​ല്ലായ്‌മ, വിവേ​ചനം എന്നിവ അതിന്റെ ദാരുണ ഫലങ്ങളിൽ ചിലതു മാത്ര​മാണ്‌.

“സകല മനുഷ്യ​രും തുല്യ​രാ​യി സൃഷ്ടി​ക്ക​പ്പെ​ട്ടി​രി​ക്കു​ന്നു.” എത്ര മഹത്തായ ഒരു ആശയം! എന്നാൽ, യാഥാർഥ്യം നേർ വിപരീ​ത​മാ​ണെ​ന്നത്‌ എത്രയോ ദുഃഖ​കരം!

[3-ാം പേജിലെ ചിത്ര​ത്തിന്‌ കടപ്പാട]

UN PHOTO 152113/SHELLEY ROTNER