അസമത്വം—യാതനകൾ നിയ​ന്ത്രി​ക്കൽ

മനുഷ്യൻ അതിയാ​യി വാഞ്‌ഛി​ക്കുന്ന സമത്വം സ്രഷ്ടാവ്‌ പെട്ടെ​ന്നു​തന്നെ സാക്ഷാ​ത്‌ക​രി​ക്കും. അതുവരെ, നമ്മെയും നമ്മുടെ കുടും​ബ​ങ്ങ​ളെ​യും ബാധി​ക്കുന്ന അസമത്വ​ത്തി​ന്റെ യാതന നിയ​ന്ത്രി​ക്കാ​നുള്ള പടിക​ളെ​ങ്കി​ലും നമുക്കു സ്വീക​രി​ക്കാം. ദക്ഷിണാ​ഫ്രി​ക്ക​യു​ടെ മുൻ പ്രസി​ഡന്റ്‌ നെൽസൻ മണ്ടേല അഭി​പ്രാ​യ​പ്പെ​ട്ട​തു​പോ​ലെ, “ഒരുവനെ മറ്റൊ​രു​വ​നിൽ നിന്നു വ്യത്യ​സ്‌ത​നാ​ക്കുന്ന സംഗതി, നമുക്കു നൽക​പ്പെ​ട്ട​വയല്ല, ഉള്ളതിൽ നിന്നും നാം ഉണ്ടാക്കി​യെ​ടു​ക്കു​ന്ന​വ​യാണ്‌.”

അദ്ദേഹ​ത്തി​ന്റെ വാക്കുകൾ സത്യ​മെന്നു ചരിത്രം സാക്ഷ്യ​പ്പെ​ടു​ത്തു​ന്നു. ജന്മനാ ലഭിച്ചതു തുച്ഛമാ​യി​രു​ന്നെ​ങ്കി​ലും, തങ്ങൾക്കു​ണ്ടാ​യി​രു​ന്നത്‌ ഉപയോ​ഗ​പ്പെ​ടു​ത്തി​ക്കൊണ്ട്‌, കഴിവുറ്റ സമപ്രാ​യ​ക്കാ​രിൽ നിന്നു തങ്ങളെ വ്യതി​രി​ക്ത​രാ​ക്കുന്ന വിജയങ്ങൾ കൊയ്‌ത സ്‌ത്രീ​പു​രു​ഷ​ന്മാർ കുറ​ച്ചൊ​ന്നു​മല്ല ഉള്ളത്‌. നേരെ മറിച്ച്‌, ജന്മനാ വളരെ ലഭിച്ച വ്യക്തികൾ തങ്ങൾക്കു​ള്ളതു ധൂർത്ത​ടിച്ച്‌, തങ്ങളുടെ കഴിവു​കൾ പൂർണ​മാ​യി വിനി​യോ​ഗി​ക്കാൻ പരാജ​യ​പ്പെട്ട കേസു​ക​ളു​മുണ്ട്‌.

നിങ്ങൾക്കു​ള്ളത്‌ പരമാ​വധി പ്രയോ​ജ​ന​പ്പെ​ടു​ത്തുക!

ബൈബിൾ പഠനത്തി​ലൂ​ടെ ദൈ​വോ​ദ്ദേ​ശ്യ​ങ്ങൾ സംബന്ധിച്ച പരിജ്ഞാ​നം നേടാൻ ആളുകളെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷി​കൾക്കു സന്തോ​ഷമേ ഉള്ളൂ. എന്നുവ​രി​കി​ലും, ബൈബി​ളി​ലുള്ള വിവര​ങ്ങ​ളിൽ നിന്നു പ്രയോ​ജനം നേടു​ന്ന​തിന്‌ ആളുകൾ സാക്ഷരർ ആയിരി​ക്ക​ണ​മെന്ന്‌ അവർ തിരി​ച്ച​റി​യു​ന്നു. അക്കാര​ണ​ത്താൽ, യഹോ​വ​യു​ടെ സാക്ഷികൾ പതിനാ​യി​ര​ക്ക​ണ​ക്കിന്‌ ആളുകളെ എഴുത്തും വായന​യും പഠിപ്പി​ച്ചി​ട്ടുണ്ട്‌. അതിൽ ഒരു പശ്ചിമ ആഫ്രിക്കൻ രാജ്യത്തെ 23,000 പേരും (1990-കളുടെ മധ്യത്തി​ലെ കണക്ക്‌) ഉൾപ്പെ​ടും. യഹോ​വ​യു​ടെ സാക്ഷികൾ അനുഷ്‌ഠി​ക്കുന്ന നല്ല സാമൂ​ഹിക സേവനത്തെ പരാമർശി​ച്ചു​കൊണ്ട്‌ സാൻ ഫ്രാൻസി​സ്‌കോ എക്‌സാ​മി​നർ ഇങ്ങനെ എഴുതി: “നിങ്ങൾക്ക്‌ അവരെ മാതൃകാ പൗരന്മാ​രാ​യി കരുതാ​വു​ന്ന​താണ്‌. അവർ കൃത്യ​മാ​യി നികു​തി​കൾ അടയ്‌ക്കു​ന്നു, രോഗി​കളെ പരിപാ​ലി​ക്കു​ന്നു, നിരക്ഷ​ര​ത​യ്‌ക്കെ​തി​രെ പോരാ​ടു​ന്നു.”

കൂടാതെ, പ്രസംഗ പരിശീ​ലന പരിപാ​ടി​യി​ലൂ​ടെ, പൊതു​വേ​ദി​ക​ളിൽ ഒഴു​ക്കോ​ടെ സംസാ​രി​ക്കാൻ പ്രാപ്‌ത​രായ നല്ല പ്രാസം​ഗി​ക​രാ​യി​ത്തീ​രാൻ യഹോ​വ​യു​ടെ സാക്ഷികൾ ലക്ഷക്കണ​ക്കി​നാ​ളു​കളെ പരിശീ​ലി​പ്പി​ച്ചി​ട്ടുണ്ട്‌. സാരമായ സംസാര വൈക​ല്യം ഉണ്ടായി​രു​ന്ന​വ​രും ഈ ആയിര​ങ്ങ​ളിൽ പെടുന്നു. ദക്ഷിണാ​ഫ്രി​ക്ക​യി​ലെ ഒരാളു​ടെ കാര്യ​മെ​ടു​ക്കാം. അദ്ദേഹം ഇങ്ങനെ എഴുതു​ന്നു: “എന്റെ കടുത്ത വിക്ക്‌ നിമിത്തം ഞാൻ എന്നി​ലേ​ക്കു​തന്നെ ഒതുങ്ങി​ക്കൂ​ടി. മിക്ക​പ്പോ​ഴും എനിക്കു​വേണ്ടി സംസാ​രി​ക്കാൻ ഞാൻ വേറെ ആരെ​യെ​ങ്കി​ലും ആശ്രയി​ച്ചി​രു​ന്നു. . . . ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ ചേർന്ന എനിക്ക്‌ ഒരു ചെറിയ സദസ്സിന്റെ മുമ്പാകെ ബൈബിൾ വായന നടത്തേ​ണ്ടി​വന്നു . . . നിയമിത സമയത്തു പരിപാ​ടി തീർക്കാൻ പറ്റാത്ത​വി​ധം അത്രയ്‌ക്കു ഗുരു​ത​ര​മാ​യി​രു​ന്നു അപ്പോ​ഴത്തെ എന്റെ വിക്ക്‌ . . . യോഗ​ത്തി​നു ശേഷം [ബുദ്ധി​യു​പ​ദേ​ശകൻ] എനിക്കു ദയാപു​ര​സ്സരം പ്രാ​യോ​ഗിക നിർദേ​ശങ്ങൾ തന്നു. ഉറക്കെ വായിച്ചു ശീലി​ക്കാൻ അദ്ദേഹം എന്നോടു പറഞ്ഞു. ഓരോ ദിവസ​വും ബൈബി​ളും വീക്ഷാ​ഗോ​പു​രം മാസി​ക​യും ഉറക്കെ വായി​ച്ചു​കൊണ്ട്‌ ഞാൻ അതു ചെയ്‌തു.” ഈ വ്യക്തി ഇപ്പോൾ നൂറു​ക​ണ​ക്കിന്‌, എന്തിന്‌ ആയിര​ക്ക​ണ​ക്കിന്‌, ആളുക​ളുള്ള സദസ്സിനു മുമ്പാകെ പരസ്യ പ്രസം​ഗങ്ങൾ നടത്തുന്ന അളവോ​ളം പുരോ​ഗ​മി​ച്ചി​രി​ക്കു​ന്നു.

സഹോ​ദ​ര​ങ്ങൾക്കി​ട​യിൽ സമത്വം ആസ്വദി​ക്കൽ

വിദ്യാ​ഭ്യാ​സം, ആരോഗ്യ രക്ഷ, സാമ്പത്തിക-സാമൂ​ഹിക നില എന്നിവ​യു​ടെ കാര്യ​ത്തിൽ യഹോ​വ​യു​ടെ സാക്ഷി​ക​ളു​ടെ ഇടയിലെ സാഹച​ര്യ​ങ്ങൾക്കു വളരെ​യ​ധി​കം വ്യത്യാ​സ​മുണ്ട്‌. എന്നാൽ ഈ വ്യത്യാ​സങ്ങൾ അവർ ജീവി​ക്കുന്ന ലോക​ത്തി​ലെ അപൂർണ അവസ്ഥക​ളു​ടെ ഒരു പ്രതി​ഫ​ലനം മാത്ര​മാണ്‌. മറ്റു മതവി​ഭാ​ഗ​ങ്ങ​ളിൽ നിന്നു തികച്ചും വ്യത്യ​സ്‌ത​മാ​യി, അവരുടെ ഇടയിൽ നിന്ന്‌ വർഗീയ, സാമൂ​ഹിക, സാമ്പത്തിക മുൻവി​ധി​കൾ ഏതാണ്ട്‌ പൂർണ​മാ​യി​ത്തന്നെ ഇല്ലായ്‌മ ചെയ്യ​പ്പെ​ട്ടി​ട്ടുണ്ട്‌.

ബൈബി​ളിൽ നിന്നു പഠിച്ചതു ബാധക​മാ​ക്കാൻ തങ്ങളാ​ലാ​വതു ചെയ്യു​ന്നതു നിമി​ത്ത​മാണ്‌ അവർക്ക്‌ അതിനു കഴിഞ്ഞി​രി​ക്കു​ന്നത്‌. പിൻവ​രു​ന്നവ പോലുള്ള ബൈബിൾ തത്ത്വങ്ങൾ അവർ മുഴു​ഹൃ​ദയാ സ്വീക​രി​ക്കു​ന്നു: “മനുഷ്യൻ നോക്കു​ന്ന​തു​പോ​ലെയല്ല; മനുഷ്യൻ കണ്ണിന്നു കാണു​ന്നതു നോക്കു​ന്നു; യഹോ​വ​യോ ഹൃദയത്തെ നോക്കു​ന്നു.” (1 ശമൂവേൽ 16:7) “ദൈവ​ത്തി​ന്നു മുഖപ​ക്ഷ​മില്ല . . . ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു.” (പ്രവൃ​ത്തി​കൾ 10:34, 35) “ആർക്കും തിന്മെക്കു പകരം, തിന്മ ചെയ്യാതെ സകലമ​നു​ഷ്യ​രു​ടെ​യും മുമ്പിൽ യോഗ്യ​മാ​യതു മുൻക​രു​തി, കഴിയു​മെ​ങ്കിൽ നിങ്ങളാൽ ആവോളം സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ.”—റോമർ  12:17, 18; 1 തിമൊ​ഥെ​യൊസ്‌ 6:17-19-ഉം യാക്കോബ്‌ 2:5, 9-ഉം കൂടി കാണുക.

ഐക്യം ഉന്നമി​പ്പി​ക്കുന്ന ഈ ബൈബിൾ തത്ത്വങ്ങ​ളോട്‌ അടുത്തു പറ്റിനിൽക്കു​ന്ന​തി​നാൽ, തങ്ങൾക്കി​ട​യിൽ വർഗീ​യ​മോ സാമൂ​ഹി​ക​മോ സാമ്പത്തി​ക​മോ ആയ വ്യത്യാ​സ​ങ്ങ​ളു​ടെ അടിസ്ഥാ​ന​ത്തി​ലുള്ള യാതൊ​രു വിധ അസമത്വ​ങ്ങ​ളും വെച്ചു​കൊ​ണ്ടി​രി​ക്കാൻ യഹോ​വ​യു​ടെ സാക്ഷികൾ അനുവ​ദി​ക്കു​ന്നില്ല. ഉദാഹ​ര​ണ​ത്തിന്‌, ക്രിസ്‌തീയ സഭയിലെ സേവന പദവികൾ ആർക്കു നൽകണം എന്ന തീരു​മാ​ന​ത്തിൽ ഈ ഘടകങ്ങൾക്ക്‌ ഒരു പങ്കുമില്ല. പഠിപ്പി​ക്ക​ലും മേൽവി​ചാ​ര​ണ​യും പോലുള്ള ഉത്തരവാ​ദി​ത്വ സ്ഥാനങ്ങൾ ആത്മീയ യോഗ്യ​ത​കളെ അടിസ്ഥാ​ന​മാ​ക്കി മാത്ര​മാ​ണു നൽകു​ന്നത്‌.—1 തിമൊ​ഥെ​യൊസ്‌ 3:1-13; തീത്തൊസ്‌ 1:5-9.

മുൻവി​ധി നിറഞ്ഞ ഒരു ലോക​ത്തി​ലെ അസമത്വ​ങ്ങൾ സഹിച്ചി​ട്ടു​ള്ള​വരെ സംബന്ധി​ച്ചി​ട​ത്തോ​ളം, തങ്ങളെ സ്രഷ്ടാ​വി​ന്റെ മുമ്പാകെ തുല്യ നിലയുള്ള സഹോ​ദരീ സഹോ​ദ​ര​ന്മാ​രാ​യി വീക്ഷി​ക്കുന്ന ആളുകൾ ഉണ്ടായി​രി​ക്കു​ന്നത്‌ എത്രയോ നവോ​ന്മേ​ഷ​പ്ര​ദ​മാണ്‌! മാർട്ടി​ന​യു​ടെ അനുഭവം അതാണു തെളി​യി​ക്കു​ന്നത്‌. പിതാവ്‌ കുടും​ബത്തെ ഉപേക്ഷി​ച്ചു പോയ​ശേഷം, അവൾ വളർന്നു​വ​ന്നത്‌ അമ്മ മാത്ര​മുള്ള, പാവപ്പെട്ട ഒരു കുടും​ബ​ത്തി​ലാണ്‌. ഒരു സാമൂ​ഹിക ഭ്രഷ്ട​യോട്‌ എന്നപോ​ലെ​യാണ്‌ ആളുകൾ അവളോട്‌ ഇടപെ​ട്ടി​രു​ന്നത്‌. ആത്മാഭി​മാ​നം നഷ്ടപ്പെട്ട അവൾ മറ്റുള്ള​വ​രു​മാ​യി ഒത്തു​പോ​കാൻ ബുദ്ധി​മു​ട്ടു​ള്ള​താ​യി കണ്ടെത്തി. അവളിൽ ഒരു നിസ്സംഗ മനോ​ഭാ​വം വളർന്നു​വന്നു. എന്നിരു​ന്നാ​ലും അവൾ ബൈബിൾ പഠിച്ച്‌ ഒരു യഹോ​വ​യു​ടെ സാക്ഷി ആയിത്തീർന്ന​പ്പോ​ഴാണ്‌ കാര്യ​ങ്ങൾക്കു മാറ്റം ഭവിച്ചത്‌. അവൾ ഇങ്ങനെ പറയുന്നു: “ഇപ്പോ​ഴും എനിക്ക്‌ നിഷേ​ധാ​ത്മക ചിന്ത​യോ​ടു പോരാ​ടേ​ണ്ട​തു​ണ്ടെ​ങ്കി​ലും, പ്രശ്‌ന​ങ്ങളെ മെച്ചമാ​യി കൈകാ​ര്യം ചെയ്യാൻ കഴിയു​ന്നുണ്ട്‌. എന്റെ ആത്മാഭി​മാ​നം മെച്ച​പ്പെട്ടു, കൂടുതൽ ആത്മവി​ശ്വാ​സ​ത്തോ​ടെ എനിക്കു സംസാ​രി​ക്കാ​നും കഴിയു​ന്നു. സത്യം എനിക്ക്‌ ഒരു ഉത്തരവാ​ദി​ത്വ​ബോ​ധം പകർന്നു​ത​ന്നി​രി​ക്കു​ന്നു. യഹോവ എന്നെ സ്‌നേ​ഹി​ക്കു​ന്നു​വെ​ന്നും ആസ്വദി​ക്കാൻ തക്ക അത്ര മൂല്യ​മുള്ള ഒന്നാണ്‌ ജീവിതം എന്നും എനിക്ക്‌ ഇപ്പോൾ ബോധ്യ​മാ​യി​രി​ക്കു​ന്നു.”

ഒരു സാർവ​ദേ​ശീയ ക്രിസ്‌തീയ സമൂഹ​മെന്ന നിലയിൽ യഹോ​വ​യു​ടെ സാക്ഷികൾ 230-ലധികം രാജ്യ​ങ്ങ​ളിൽ ഒരളവു​വരെ സമത്വം ആസ്വദി​ക്കു​ന്നു. അത്‌ ഇന്നത്തെ ലോക​ത്തിൽ അനന്യ​സാ​ധാ​ര​ണ​മാണ്‌. മറ്റ്‌ ഏതെങ്കി​ലും ഒരു മതസം​ഘ​ട​ന​യ്‌ക്ക്‌ തെളി​വു​ക​ളു​ടെ പിൻബ​ല​ത്തോ​ടെ സമാന​മാ​യി അവകാ​ശ​പ്പെ​ടാ​നാ​കു​മോ?

തീർച്ച​യാ​യും യഹോ​വ​യു​ടെ സാക്ഷികൾ യാഥാർഥ്യ​ബോ​ധം ഉള്ളവരാണ്‌. അപൂർണ വ്യവസ്ഥി​തി​യിൽ ആയിരി​ക്കു​ന്ന​തി​നാൽ, നൂറ്റാ​ണ്ടു​ക​ളി​ലു​ട​നീ​ളം മാനുഷ അസമത്വം ഇല്ലായ്‌മ ചെയ്യാൻ പരി​ശ്ര​മി​ച്ചു പരാജ​യ​പ്പെട്ട മറ്റാളു​ക​ളെ​ക്കാൾ അധിക​മൊ​ന്നും തങ്ങൾക്കു ചെയ്യാ​നാ​വില്ല എന്ന്‌ അവർ സമ്മതി​ക്കു​ന്നു. എന്നിരു​ന്നാ​ലും, തങ്ങളുടെ ഇടയിൽ അസമത്വ​ത്തി​ന്റെ കടുത്ത യാതനകൾ നിയ​ന്ത്രി​ക്കാൻ വളരെ കാര്യങ്ങൾ ചെയ്‌തി​രി​ക്കു​ന്നു എന്നത്‌ അവർക്കു സന്തോ​ഷ​മേ​കു​ന്നു. ദൈവ​ത്തി​ന്റെ വാഗ്‌ദാ​ന​ത്തി​ലുള്ള അടിയു​റച്ച വിശ്വാ​സ​ത്തോ​ടെ, നീതി കളിയാ​ടുന്ന, മേലാൽ അസമത്വം ഇല്ലാതി​രി​ക്കുന്ന ഒരു ലോക​ത്തി​നാ​യി അവർ പ്രത്യാ​ശാ​പൂർവം കാത്തി​രി​ക്കു​ന്നു.

അതേ, സ്രഷ്ടാവ്‌ ആദിയിൽ മനുഷ്യർക്കു വേണ്ടി ഉദ്ദേശി​ച്ചി​രുന്ന “മാന്യ​ത​യി​ലും അവകാ​ശ​ങ്ങ​ളി​ലും” ഉള്ള സമത്വം അനുസ​ര​ണ​മുള്ള എല്ലാവർക്കും പെട്ടെ​ന്നു​തന്നെ ലഭിക്കും. എത്ര നല്ല ആശയം! അത്‌ യാഥാർഥ്യ​മാ​കു​ക​തന്നെ ചെയ്യും!

 [7-ാം പേജിലെ ചിത്രം]

പതിനായിരക്കണക്കിന്‌ ആളുകളെ എഴുത്തും വായന​യും പഠിപ്പി​ച്ചു​കൊണ്ട്‌ യഹോ​വ​യു​ടെ സാക്ഷികൾ നിരക്ഷ​ര​ത​യ്‌ക്കെ​തി​രെ പോരാ​ടു​ന്നു

[8-ാം പേജിലെ ചിത്രം]

വർഗീയ, സാമൂ​ഹിക, സാമ്പത്തിക മുൻവി​ധി​കൾ ഇല്ലായ്‌മ ചെയ്യാൻ ബൈബിൾ സത്യം സഹായി​ക്കു​ന്നു