യഹോവ വഴി ഒരുക്കു​ന്നു

‘രാജ്യ​ത്തി​ന്റെ ഈ സുവി​ശേഷം പ്രസം​ഗി​ക്ക​പ്പെ​ടും.’—മത്തായി 24:14.

1. ഒന്നും ഇരുപ​തും നൂറ്റാ​ണ്ടു​ക​ളി​ലെ പ്രസംഗ വേലയാൽ എന്തു നിർവ​ഹി​ക്ക​പ്പെ​ട്ടി​രി​ക്കു​ന്നു?

 യഹോവ സ്‌നേ​ഹ​ത്തി​ന്റെ ദൈവം ആയതി​നാൽ “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” അവൻ ആഗ്രഹി​ക്കു​ന്നു. (1 തിമൊ​ഥെ​യൊസ്‌ 2:4) ഇത്‌ ഒരു സാർവ​ദേ​ശീയ പ്രസംഗ-പഠിപ്പി​ക്കൽ പരിപാ​ടി ആവശ്യ​മാ​ക്കി​യി​രി​ക്കു​ന്നു. ഒന്നാം നൂറ്റാ​ണ്ടിൽ ഈ പ്രസം​ഗ​വേല ക്രിസ്‌തീയ സഭയെ “സത്യത്തി​ന്റെ തൂണും താങ്ങുമാ”ക്കി. (1 തിമൊ​ഥെ​യൊസ്‌ 3:15, NW) അതിനു​ശേഷം, സത്യത്തി​ന്റെ പ്രകാശം മങ്ങി​പ്പോ​കാൻ ഇടയായ വിശ്വാ​സ​ത്യാ​ഗ​ത്തി​ന്റെ ദീർഘ​മാ​യൊ​രു കാലഘട്ടം ഉണ്ടായി. ഈ അടുത്ത കാലത്ത്‌, അതായത്‌ ‘അന്ത്യകാ​ലത്ത്‌,’ ദശലക്ഷ​ക്ക​ണ​ക്കിന്‌ ആളുകൾക്കു നിത്യ രക്ഷയുടെ ബൈബിൾ അധിഷ്‌ഠിത പ്രത്യാശ പ്രദാനം ചെയ്‌തു​കൊണ്ട്‌ “യഥാർഥ പരിജ്ഞാ​നം” വീണ്ടും സമൃദ്ധ​മാ​യി തീർന്നി​രി​ക്കു​ന്നു.—ദാനീ​യേൽ 12:4, NW.

2. പ്രസംഗ പ്രവർത്ത​ന​ത്തോ​ടുള്ള ബന്ധത്തിൽ യഹോവ എന്തു ചെയ്‌തി​രി​ക്കു​ന്നു?

² ദൈ​വോ​ദ്ദേ​ശ്യ​ത്തെ പരാജ​യ​പ്പെ​ടു​ത്താ​നുള്ള സാത്താന്റെ അശ്രാന്ത പരി​ശ്രമം ഉണ്ടായി​രു​ന്നി​ട്ടും, സുവാർത്താ പ്രസംഗ പ്രവർത്ത​ന​ത്തിന്‌ ഒന്നും ഇരുപ​തും നൂറ്റാ​ണ്ടു​ക​ളിൽ അതിശ​യ​ക​ര​മായ വിജയം ഉണ്ടായി​ട്ടുണ്ട്‌. അത്‌ യെശയ്യാ​വി​ന്റെ പ്രവച​നത്തെ ഓർമി​പ്പി​ക്കു​ന്നു. യഹൂദ​യി​ലേ​ക്കുള്ള, യഹൂദ പ്രവാ​സി​ക​ളു​ടെ പൊ.യു.മു. ആറാം നൂറ്റാ​ണ്ടി​ലെ തിരിച്ചു വരവിനെ കുറിച്ച്‌ യെശയ്യാവ്‌ എഴുതി: “എല്ലാ താഴ്‌വ​ര​യും നികന്നും എല്ലാ മലയും കുന്നും താണും വരേണം; വളഞ്ഞതു ചൊവ്വാ​യും ദുർഘ​ടങ്ങൾ സമമാ​യും തീരേണം.” (യെശയ്യാ​വു 40:4) ഒന്നും ഇരുപ​തും നൂറ്റാ​ണ്ടു​ക​ളിൽ യഹോവ വലിയ പ്രസംഗ പരിപാ​ടി​കൾക്കുള്ള വഴി ഒരുക്കു​ക​യും നിരപ്പാ​ക്കു​ക​യും ചെയ്‌തു.

3. തന്റെ ഉദ്ദേശ്യ​ങ്ങൾ നിവർത്തി​ക്കാൻ യഹോവ ഏതു വിധങ്ങ​ളിൽ പ്രാപ്‌ത​നാണ്‌?

³ സുവാർത്താ പ്രസംഗം ഉന്നമി​പ്പി​ക്കാ​നാ​യി ഭൂമി​യി​ലെ  എല്ലാ സംഭവ​വി​കാ​സ​ങ്ങ​ളെ​യും യഹോവ നേരിട്ട്‌ സ്വാധീ​നി​ച്ചെ​ന്നോ സംഭവി​ക്കാ​നി​രുന്ന എല്ലാ കാര്യ​ങ്ങ​ളു​ടെ​യും കൃത്യ​മായ വിശദാം​ശങ്ങൾ അറിയാ​നാ​യി അവൻ മുൻകൂ​ട്ടി കാണാ​നുള്ള തന്റെ പ്രാപ്‌തി ഉപയോ​ഗി​ച്ചെ​ന്നോ ഇതിന്‌ അർഥമില്ല. ഭാവി സംഭവങ്ങൾ മുൻകൂ​ട്ടി കാണാ​നും അവയെ രൂപ​പ്പെ​ടു​ത്താ​നും അവൻ തീർച്ച​യാ​യും പ്രാപ്‌ത​നാണ്‌. (യെശയ്യാ​വു 46:9-11) എന്നാൽ സംഭവങ്ങൾ ഇതൾവി​രി​യവെ, അവയോ​ടു പ്രതി​ക​രി​ക്കാ​നും അവൻ പ്രാപ്‌ത​നാണ്‌. തന്റെ ആട്ടിൻകൂ​ട്ടത്തെ എങ്ങനെ നയിക്ക​ണ​മെ​ന്നും സംരക്ഷി​ക്ക​ണ​മെ​ന്നും അറിയാ​വുന്ന പരിചയ സമ്പന്നനായ ഒരു ഇടയ​നെ​പ്പോ​ലെ യഹോവ തന്റെ ജനത്തെ നയിക്കു​ന്നു. അവരുടെ ആത്മീയത സംരക്ഷി​ച്ചു​കൊ​ണ്ടും ലോക​വ്യാ​പക പ്രസംഗ പ്രവർത്ത​ന​ത്തി​ന്റെ വിജയത്തെ ഉന്നമി​പ്പി​ക്കുന്ന സാഹച​ര്യ​ങ്ങ​ളും സംഭവ​വി​കാ​സ​ങ്ങ​ളും പ്രയോ​ജ​ന​പ്പെ​ടു​ത്താൻ അവരെ പ്രേരി​പ്പി​ച്ചു​കൊ​ണ്ടും അവൻ അവരെ രക്ഷയി​ലേക്കു വഴിന​ട​ത്തു​ന്നു.—സങ്കീർത്തനം 23:1-4.

ദുഷ്‌ക​ര​മായ ഒരു നിയമനം

4, 5. സുവാർത്താ പ്രസംഗം വെല്ലു​വി​ളി നിറഞ്ഞ ഒരു നിയമനം ആയിരു​ന്നി​ട്ടു​ള്ളത്‌ എന്തു​കൊണ്ട്‌?

⁴ നോഹ​യു​ടെ നാളിലെ പെട്ടകം പണിയു​ടെ കാര്യ​ത്തിൽ എന്നപോ​ലെ, ഒന്നാം നൂറ്റാ​ണ്ടി​ലും ആധുനിക കാലത്തും രാജ്യ പ്രസംഗം അതിബൃ​ഹ​ത്തായ ഒരു പദ്ധതി ആയിരു​ന്നി​ട്ടുണ്ട്‌. ഏതൊരു സന്ദേശ​വും സകലരു​ടെ​യും പക്കൽ എത്തിക്കുക എന്നത്‌ വളരെ ബുദ്ധി​മു​ട്ടുള്ള കാര്യ​മാണ്‌. എന്നാൽ ഈ രാജ്യ​പ്ര​സംഗ വേല വിശേ​ഷാൽ വെല്ലു​വി​ളി നിറഞ്ഞ​താ​യി​രു​ന്നു. ഒന്നാം നൂറ്റാ​ണ്ടിൽ ശിഷ്യ​ന്മാർ താരത​മ്യേന ചുരു​ക്ക​മാ​യി​രു​ന്നു. അവരുടെ നായക​നായ യേശു​വി​നെ രാജ്യ​ദ്രോഹ കുറ്റം ചുമത്തി വധിച്ചു. യഹൂദ മതം സുസ്ഥാ​പി​ത​മാ​യി​രു​ന്നു. പ്രൗഢ​മായ ഒരു ആലയം യെരൂ​ശ​ലേ​മിൽ സ്ഥിതി ചെയ്‌തി​രു​ന്നു. ക്ഷേത്ര​ങ്ങ​ളും പൂജാ​രി​ക​ളു​മൊ​ക്കെ​യുള്ള യഹൂ​ദേതര മതങ്ങളും മെഡി​റ്റ​റേ​നി​യൻ പ്രദേ​ശത്തു സുസ്ഥാ​പി​ത​മാ​യി​രു​ന്നു. സമാന​മാ​യി 1914-ൽ ‘അന്ത്യകാ​ലം’ തുടങ്ങി​യ​പ്പോൾ, അഭിഷിക്ത ക്രിസ്‌ത്യാ​നി​കൾ ചുരു​ക്ക​മാ​യി​രു​ന്നു. ദൈവത്തെ സേവി​ക്കു​ന്നു​വെന്ന്‌ അവകാ​ശ​പ്പെ​ട്ടി​രുന്ന മറ്റു മതക്കാർ അനേക​രു​ണ്ടാ​യി​രു​ന്നു​താ​നും.—ദാനീ​യേൽ 12:9.

⁵ തന്റെ അനുഗാ​മി​കൾ പീഡി​പ്പി​ക്ക​പ്പെ​ടു​മെന്ന്‌ യേശു അവർക്കു മുന്നറി​യി​പ്പു നൽകി​യി​രു​ന്നു. അവൻ പറഞ്ഞു: “അന്നു അവർ നിങ്ങളെ ഉപദ്ര​വ​ത്തി​ന്നു ഏല്‌പി​ക്ക​യും കൊല്ലു​ക​യും ചെയ്യും; എന്റെ നാമം നിമിത്തം സകലജാ​തി​ക​ളും നിങ്ങളെ പകെക്കും.” (മത്തായി 24:9) അത്തരം പ്രശ്‌ന​ങ്ങൾക്കു പുറമേ, വിശേ​ഷി​ച്ചും “അന്ത്യനാ​ളു​ക​ളിൽ,” “ഇടപെ​ടാൻ പ്രയാ​സ​മായ ദുർഘ​ട​സ​മയങ്ങ”ളെ ക്രിസ്‌ത്യാ​നി​കൾ അഭിമു​ഖീ​ക​രി​ക്കേണ്ടി വരുമാ​യി​രു​ന്നു. (2 തിമൊ​ഥെ​യൊസ്‌ 3:1, NW) വേലയു​ടെ ബാഹു​ല്യം, പീഡനം ഉണ്ടാകു​മെന്ന ഉറപ്പ്‌, കാലത്തി​ന്റേ​തായ ബുദ്ധി​മു​ട്ടു​കൾ എന്നിവ പ്രസംഗ പ്രവർത്ത​നത്തെ വെല്ലു​വി​ളി​പ​ര​വും പ്രയാ​സ​ക​ര​വും ആക്കിയി​രി​ക്കു​ന്നു. ശക്തമായ വിശ്വാ​സം എല്ലായ്‌പോ​ഴും ആവശ്യ​മാ​യി​രു​ന്നി​ട്ടുണ്ട്‌.

6. യഹോവ തന്റെ ജനത്തിനു വിജയം സംബന്ധിച്ച്‌ എന്ത്‌ ഉറപ്പു നൽകി?

⁶ പ്രയാ​സങ്ങൾ ഉണ്ടാകു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. എന്നാൽ യാതൊ​ന്നും ആ വേലയെ നിറു​ത്തി​ക്ക​ള​യി​ല്ലെ​ന്നും അവന്‌ അറിയാ​മാ​യി​രു​ന്നു. ഒന്നും ഇരുപ​തും നൂറ്റാ​ണ്ടു​ക​ളിൽ ശ്രദ്ധേ​യ​മായ നിവൃത്തി ഉണ്ടായി​രു​ന്നി​ട്ടുള്ള വിഖ്യാ​ത​മായ ഒരു പ്രവച​ന​ത്തിൽ ഈ വിജയം മുൻകൂ​ട്ടി പറഞ്ഞി​രു​ന്നു: “രാജ്യ​ത്തി​ന്റെ ഈ സുവി​ശേഷം . . . ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.)—മത്തായി 24:14.

7. ഒന്നാം നൂറ്റാ​ണ്ടി​ലെ പ്രസംഗ പ്രവർത്തനം എത്ര വ്യാപ​ക​മാ​യി​രു​ന്നു?

⁷ വിശ്വാ​സ​വും പരിശു​ദ്ധാ​ത്മാ​വും നിറഞ്ഞ​വ​രാ​യി ഒന്നാം നൂറ്റാ​ണ്ടി​ലെ ദൈവ​ദാ​സ​ന്മാർ തങ്ങളുടെ നിയമനം നിവർത്തി​ക്കാൻ പുറ​പ്പെട്ടു. വ്യക്തമാ​യും യഹോവ അവരോ​ടു കൂടെ ഉണ്ടായി​രു​ന്ന​തി​നാൽ ഒരുപക്ഷേ തങ്ങൾ പ്രതീ​ക്ഷി​ച്ച​തി​ലും വളരെ​യേറെ വിജയം അവർ നേടി. യേശു മരിച്ച്‌ 27 വർഷം കഴിഞ്ഞ്‌, പൗലൊസ്‌ കൊ​ലൊ​സ്സ്യർക്ക്‌ എഴുതി​യ​പ്പോൾ, സുവാർത്ത “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ ഘോഷി​ച്ചു”വെന്ന്‌ അവനു പറയാൻ കഴിഞ്ഞു. (കൊ​ലൊ​സ്സ്യർ 1:23) സമാന​മാ​യി, ഇരുപ​താം നൂറ്റാ​ണ്ടി​ന്റെ ഈ അവസാന ഘട്ടത്തിൽ സുവാർത്ത 233 രാജ്യ​ങ്ങ​ളിൽ പ്രസം​ഗി​ക്ക​പ്പെ​ടു​ന്നു.

8. ഏതെല്ലാം സാഹച​ര്യ​ങ്ങ​ളി​ലാണ്‌ അനേകർ സുവാർത്ത സ്വീക​രി​ച്ചി​ട്ടു​ള്ളത്‌? ഉദാഹ​ര​ണങ്ങൾ നൽകുക.

⁸ അടുത്ത കാലത്ത്‌ ദശലക്ഷ​ക്ക​ണ​ക്കിന്‌ ആളുകൾ സുവാർത്ത സ്വീക​രി​ച്ചി​ട്ടുണ്ട്‌. അവരിൽ അനേക​രും അതു ചെയ്‌തി​ട്ടു​ള്ളത്‌ യുദ്ധം, നിരോ​ധനം, കടുത്ത പീഡനം എന്നിങ്ങ​നെ​യുള്ള പ്രതി​കൂല സാഹച​ര്യ​ങ്ങ​ളി​ലാണ്‌. ഒന്നാം നൂറ്റാ​ണ്ടി​ലും അതു സത്യമാ​യി​രു​ന്നു. ഒരു അവസര​ത്തിൽ പൗലൊ​സി​നെ​യും ശീലാ​സി​നെ​യും വടി​കൊ​ണ്ടു മൃഗീ​യ​മാ​യി അടിച്ച​ശേഷം തടവി​ലാ​ക്കി. ശിഷ്യരെ ഉളവാ​ക്കാൻ എത്ര അസാധ്യ​മായ ഒരു സാഹച​ര്യം! എന്നിട്ടും, യഹോവ ആ സാഹച​ര്യം അതിനാ​യി ഉപയോ​ഗി​ച്ചു. പൗലൊ​സും ശീലാ​സും വിടു​വി​ക്ക​പ്പെട്ടു. കാരാ​ഗൃ​ഹ​പ്ര​മാ​ണി​യും കുടും​ബ​വും വിശ്വാ​സി​കൾ ആയിത്തീ​രു​ക​യും ചെയ്‌തു. (പ്രവൃ​ത്തി​കൾ 16:19-33) സുവാർത്തയെ എതിർക്കു​ന്ന​വർക്ക്‌ അതിനെ നിശബ്ദ​മാ​ക്കാൻ കഴിയി​ല്ലെന്ന്‌ അത്തരം അനുഭ​വങ്ങൾ പ്രകട​മാ​ക്കു​ന്നു. (യെശയ്യാ​വു 54:17) എങ്കിലും, ക്രിസ്‌ത്യാ​നി​ത്വ​ത്തി​ന്റെ ചരി​ത്ര​ത്തിൽ  എക്കാല​ത്തും നിരന്ത​ര​മായ എതിർപ്പും പീഡന​വും ഉണ്ടായി​രു​ന്നി​ട്ടില്ല. ഒന്നും ഇരുപ​തും നൂറ്റാ​ണ്ടു​ക​ളിൽ സുവാർത്ത​യു​ടെ വിജയ​പ്ര​ദ​മായ പ്രസം​ഗ​ത്തി​നുള്ള വഴി നിരപ്പു​ള്ള​താ​ക്കാൻ സഹായിച്ച ചില അനുകൂ​ല​മായ സംഭവ​വി​കാ​സ​ങ്ങ​ളിൽ നമുക്കു ശ്രദ്ധ കേന്ദ്രീ​ക​രി​ക്കാം.

മതപര​മായ ചുറ്റു​പാട്‌

9, 10. ഒന്നും ഇരുപ​തും നൂറ്റാ​ണ്ടു​ക​ളിൽ യഹോവ സുവാർത്താ പ്രസം​ഗ​ത്തി​നാ​യുള്ള പ്രതീക്ഷ ഉളവാ​ക്കി​യത്‌ എങ്ങനെ?

⁹ ആഗോള പ്രസംഗ പരിപാ​ടി​യു​ടെ സമയത്തെ കുറിച്ചു പരിചി​ന്തി​ക്കുക. ഒന്നാം നൂറ്റാ​ണ്ടി​ലെ പശ്ചാത്തലം സംബന്ധി​ച്ചാ​ണെ​ങ്കിൽ, ദാനീ​യേൽ 9:24-27-ൽ കാണുന്ന വർഷങ്ങ​ളു​ടെ 70 ആഴ്‌ച​വ​ട്ടത്തെ കുറി​ച്ചുള്ള പ്രവചനം മിശിഹാ പ്രത്യ​ക്ഷ​പ്പെ​ടേ​ണ്ടി​യി​രുന്ന വർഷമായ പൊ.യു. 29-ലേക്കു വിരൽചൂ​ണ്ടി. ഒന്നാം നൂറ്റാ​ണ്ടി​ലെ യഹൂദ​ന്മാർക്ക്‌ കാര്യ​ങ്ങ​ളു​ടെ കൃത്യ സമയം മനസ്സി​ലാ​യി​ല്ലെ​ങ്കി​ലും, അവർക്കു പ്രതീക്ഷ ഉണ്ടായി​രു​ന്നു. അവർ മിശി​ഹാ​യെ കാത്തി​രി​ക്കു​ക​യാ​യി​രു​ന്നു. (ലൂക്കൊസ്‌ 3:15) ഫ്രഞ്ച്‌ മാനുവൽ ബിബ്ലിക്‌ ഇപ്രകാ​രം പ്രസ്‌താ​വി​ക്കു​ന്നു: “ദാനീ​യേൽ വ്യക്തമാ​യി പ്രസ്‌താ​വിച്ച വർഷങ്ങ​ളു​ടെ എഴുപത്‌ ആഴ്‌ചകൾ അവസാ​ന​ത്തോട്‌ അടുക്കു​ക​യാ​ണെന്ന്‌ ആളുകൾക്ക്‌ അറിയാ​മാ​യി​രു​ന്നു; ദൈവ​രാ​ജ്യം സമീപി​ച്ചി​രി​ക്കു​ന്നു എന്ന്‌ സ്‌നാപക യോഹ​ന്നാൻ പ്രഖ്യാ​പി​ക്കു​ന്നത്‌ കേട്ട്‌ ആരും അത്ഭുത​പ്പെ​ട്ടില്ല.”

¹⁰ ആധുനിക കാലത്തെ പശ്ചാത്ത​ല​ത്തി​ന്റെ കാര്യ​മോ? സ്വർഗ​ത്തിൽ യേശു സിംഹാ​സ​നാ​രോ​ഹണം ചെയ്‌ത​താ​യി​രു​ന്നു ഒരു സുപ്ര​ധാന സംഭവ​വി​കാ​സം. രാജ്യ അധികാ​ര​ത്തി​ലുള്ള അവന്റെ സാന്നി​ധ്യ​ത്തിന്‌ അതു തുടക്കം കുറിച്ചു. 1914-ൽ ആണ്‌ അതു സംഭവി​ച്ച​തെന്ന്‌ ബൈബിൾ പ്രവചനം പ്രകട​മാ​ക്കു​ന്നു. (ദാനീ​യേൽ 4:13-17) ഈ സംഭവ​ത്തി​ലുള്ള അതിയായ താത്‌പ​ര്യം പ്രതീ​ക്ഷാ​നിർഭ​ര​രാ​യി​രി​ക്കാൻ ആധുനിക കാലത്ത്‌ ചില മതഭക്തരെ പ്രേരി​പ്പി​ച്ചു. ഈ മാസിക 1879-ൽ സീയോ​ന്റെ വീക്ഷാ​ഗോ​പു​ര​വും ക്രിസ്‌തു​സാ​ന്നി​ദ്ധ്യ ഘോഷ​ക​നും എന്ന പേരിൽ പ്രസി​ദ്ധീ​ക​രി​ക്കാൻ തുടങ്ങിയ ആത്മാർഥ​രായ ബൈബിൾ വിദ്യാർഥി​ക​ളു​ടെ ഇടയി​ലും അത്തരം പ്രതീക്ഷ ഉണ്ടായി​രു​ന്നു. അങ്ങനെ, ഒന്നാം നൂറ്റാ​ണ്ടി​ലും ആധുനിക നാളി​ലും ആളുക​ളു​ടെ മതപര​മായ പ്രതീ​ക്ഷകൾ സുവാർത്ത പ്രസം​ഗി​ക്കാൻ പറ്റിയ ഒരു സ്ഥിതി​വി​ശേ​ഷ​ത്തി​നു വഴി​യൊ​രു​ക്കി. a

11. സുവാർത്താ പ്രസം​ഗ​ത്തി​നു സഹായ​ക​മാ​യി വർത്തിച്ച മതപര​മായ അടിസ്ഥാ​നങ്ങൾ ഏവ?

¹¹ അനേകർക്ക്‌ വിശുദ്ധ തിരു​വെ​ഴു​ത്തു​കൾ പരിചി​ത​മാ​യി​രു​ന്നു എന്നതാണ്‌ ക്രിസ്‌ത്യാ​നി​ക​ളു​ടെ പ്രവർത്ത​നത്തെ രണ്ടു യുഗങ്ങ​ളി​ലും സഹായിച്ച മറ്റൊരു ഘടകം. ഒന്നാം നൂറ്റാ​ണ്ടിൽ യഹൂദർ ചുറ്റു​മുള്ള വിജാ​തീയ ദേശങ്ങ​ളി​ലാ​യി ചിതറി​പ്പാർത്തി​രു​ന്നു. തിരു​വെ​ഴു​ത്തു​കൾ വായിച്ചു ചർച്ച ചെയ്യു​ന്നതു കേൾക്കാ​നാ​യി ആളുകൾ പതിവാ​യി കൂടി​വ​ന്നി​രുന്ന സിന്ന​ഗോ​ഗു​കൾ ആ യഹൂദ​ന്മാർക്ക്‌ ഉണ്ടായി​രു​ന്നു. അതു​കൊണ്ട്‌, ആളുകൾക്ക്‌ അപ്പോൾത്തന്നെ ഉണ്ടായി​രുന്ന മതപര​മായ അറിവി​നെ ഒരു അടിസ്ഥാ​ന​മാ​യി ഉപയോ​ഗി​ക്കാൻ ആദിമ ക്രിസ്‌ത്യാ​നി​കൾക്കു കഴിഞ്ഞു. (പ്രവൃ​ത്തി​കൾ 8:28-36; 17:1, 2) നമ്മുടെ കാലഘ​ട്ട​ത്തി​ന്റെ തുടക്ക​ത്തിൽ, അനേകം രാജ്യ​ങ്ങ​ളിൽ യഹോ​വ​യു​ടെ ജനം സമാന​മായ ഒരു സ്ഥിതി​വി​ശേഷം ആസ്വദി​ച്ചു. ക്രൈ​സ്‌ത​വ​ലോക രാജ്യ​ങ്ങ​ളിൽ ഉടനീളം ബൈബിൾ സുലഭ​മാ​യി​രു​ന്നു, വിശേ​ഷി​ച്ചും പ്രൊ​ട്ട​സ്റ്റന്റ്‌ രാജ്യ​ങ്ങ​ളിൽ. അനേകം പള്ളിക​ളിൽ അതു വായി​ച്ചി​രു​ന്നു, ദശലക്ഷ​ക്ക​ണ​ക്കിന്‌ ആളുകൾക്ക്‌ അതിന്റെ ഒരു പ്രതി​യും ഉണ്ടായി​രു​ന്നു. എങ്കിലും അതിലെ കാര്യങ്ങൾ മനസ്സി​ലാ​ക്കാൻ അവർക്കു സഹായം ആവശ്യ​മാ​യി​രു​ന്നു.

നിയമ​ത്തി​ന്റെ പ്രയോ​ജ​ന​ങ്ങൾ

12. ഒന്നാം നൂറ്റാ​ണ്ടിൽ റോമൻ നിയമം പൊതു​വെ ഒരു സംരക്ഷണം ആയിരു​ന്നത്‌ എങ്ങനെ?

¹² ഗവൺമെന്റ്‌ നിയമം മിക്ക​പ്പോ​ഴും ക്രിസ്‌തീയ പ്രസം​ഗ​ത്തി​നു ഗുണക​ര​മാ​യി​രു​ന്നി​ട്ടുണ്ട്‌. ഒന്നാം നൂറ്റാ​ണ്ടി​ലെ ലോക​ത്തിൽ റോമാ സാമ്രാ​ജ്യം ആധിപ​ത്യം പുലർത്തി​യി​രു​ന്നു. അതിന്റെ ലിഖിത നിയമ​ങ്ങൾക്ക്‌ ആളുക​ളു​ടെ അനുദിന ജീവി​ത​ത്തിൽ ആഴമായ സ്വാധീ​നം ഉണ്ടായി​രു​ന്നു. ആ നിയമങ്ങൾ സംരക്ഷണം പ്രദാനം ചെയ്‌തി​രു​ന്നു. ആദിമ ക്രിസ്‌ത്യാ​നി​കൾ അതിൽനി​ന്നു പ്രയോ​ജനം അനുഭ​വി​ച്ചു. ദൃഷ്ടാ​ന്ത​ത്തിന്‌, പൗലൊസ്‌ റോമൻ നിയമാ​നു​സ​രണം അപ്പീൽ നൽകി​യ​തി​ന്റെ ഫലമായി അവൻ തടവിൽനി​ന്നു വിടു​വി​ക്ക​പ്പെ​ടു​ക​യും ചാട്ടവാ​റ​ടി​യിൽനി​ന്നു മുക്തനാ​കു​ക​യും ചെയ്‌തു. (പ്രവൃ​ത്തി​കൾ 16:37-39; 22:25, 29) റോമൻ നിയമ വ്യവസ്ഥ​യി​ലെ വകുപ്പു​കളെ പരാമർശി​ച്ചത്‌ എഫെ​സൊ​സി​ലെ ക്രോ​ധാ​കു​ല​രായ ഒരു ജനക്കൂ​ട്ടത്തെ ശാന്തരാ​ക്കാൻ സഹായി​ച്ചു. (പ്രവൃ​ത്തി​കൾ 19:35-41) ഒരിക്കൽ, പൗലൊസ്‌ ഒരു റോമൻ പൗരനാ​യി​രു​ന്നതു നിമിത്തം യെരൂ​ശ​ലേ​മി​ലെ അക്രമ​ത്തിൽനി​ന്നു വിടു​വി​ക്ക​പ്പെട്ടു. (പ്രവൃ​ത്തി​കൾ 23:27) പിന്നീട്‌, കൈസ​റു​ടെ മുമ്പാകെ തന്റെ വിശ്വാ​സ​ത്തി​നു വേണ്ടി വാദി​ക്കാൻ റോമൻ നിയമം അവനെ അനുവ​ദി​ച്ചു. (പ്രവൃ​ത്തി​കൾ 25:11, 12) പല കൈസർമാ​രും സ്വേച്ഛാ​ധി​പ​തി​ക​ളാ​യി​ട്ടാ​ണു വാണ​തെ​ങ്കി​ലും, ഒന്നാം നൂറ്റാ​ണ്ടി​ലെ നിയമങ്ങൾ പെതുവെ ‘സുവാർത്ത​യ്‌ക്കു വേണ്ടി പ്രതി​വാ​ദം നടത്താ​നും അതു നിയമ​പ​ര​മാ​യി സ്ഥാപി​ക്കാ​നും’ സഹായ​ക​മാ​യി​രു​ന്നു.—ഫിലി​പ്പി​യർ 1:7, NW.

13. നമ്മുടെ കാലത്തെ പ്രസംഗ വേലയ്‌ക്കു മിക്ക​പ്പോ​ഴും നിയമ​ത്തി​ന്റെ പ്രയോ​ജനം ലഭിച്ചി​ട്ടു​ള്ളത്‌ എങ്ങനെ?

¹³ അനേകം രാജ്യ​ങ്ങ​ളിൽ ഇന്നും അതു സത്യമാണ്‌. “ഉത്തരവു​ക​ളാൽ ദുരി​ത​മു​ണ്ടാ​ക്കുന്ന”വർ ഉണ്ടായി​രു​ന്നി​ട്ടു​ണ്ടെ​ങ്കി​ലും ബഹുഭൂ​രി​പക്ഷം രാജ്യ​ങ്ങ​ളി​ലെ​യും ലിഖിത നിയമങ്ങൾ മതസ്വാ​ത​ന്ത്ര്യ​ത്തെ ഒരു അടിസ്ഥാന അവകാ​ശ​മാ​യി പരിഗ​ണി​ക്കു​ന്നു. (സങ്കീർത്തനം 94:20, ഓശാന ബൈബിൾ) യഹോ​വ​യു​ടെ സാക്ഷികൾ സാമൂ​ഹിക വ്യവസ്ഥി​തി​ക്കു യാതൊ​രു ഭീഷണി​യും ഉയർത്തു​ന്നി​ല്ലെന്നു തിരി​ച്ച​റി​യുന്ന അനേകം ഭരണകൂ​ടങ്ങൾ നമുക്കു നിയമാം​ഗീ​കാ​രം നൽകി​യി​ട്ടുണ്ട്‌. സാക്ഷി​ക​ളു​ടെ അച്ചടി കൂടു​ത​ലാ​യും നടന്നി​ട്ടുള്ള ഐക്യ​നാ​ടു​ക​ളി​ലെ നിയമങ്ങൾ 120 വർഷമാ​യി വീക്ഷാ​ഗോ​പു​രം മാസിക തുടർച്ച​യാ​യി പ്രസി​ദ്ധീ​ക​രി​ക്കാൻ സഹായി​ച്ചി​രി​ക്കു​ന്നു. ആ മാസിക ലോക​വ്യാ​പ​ക​മാ​യി വായി​ക്ക​പ്പെ​ടു​ന്നു.

സമാധാ​ന​ത്തി​ന്റെ​യും സഹിഷ്‌ണു​ത​യു​ടെ​യും കാലഘ​ട്ട​ങ്ങൾ

14, 15. ഒന്നാം നൂറ്റാ​ണ്ടിൽ പൊതു​വെ ഉണ്ടായി​രുന്ന സാമൂ​ഹിക സുസ്ഥിരത പ്രസംഗ പ്രവർത്ത​ന​ത്തി​നു സഹായ​ക​മാ​യി വർത്തി​ച്ചത്‌ എങ്ങനെ?

¹⁴ താരത​മ്യേന സമാധാ​ന​മുള്ള കാലഘ​ട്ട​ങ്ങ​ളും പ്രസംഗ പ്രവർത്ത​ന​ത്തി​നു ഗുണക​ര​മാ​യി​രു​ന്നി​ട്ടുണ്ട്‌. ഒന്നാം നൂറ്റാ​ണ്ടി​ലും നമ്മുടെ കാലത്തും ‘രാജ്യം രാജ്യ​ത്തോട്‌ എതിർക്കു’മെന്ന്‌ യേശു കൃത്യ​മാ​യി മുൻകൂ​ട്ടി പറഞ്ഞെ​ങ്കി​ലും, തീവ്ര​മായ രാജ്യ​പ്ര​സം​ഗം സാധ്യ​മാ​ക്കി​ത്തീർത്ത സ്ഥിരത​യുള്ള കാലഘ​ട്ട​ങ്ങ​ളും ഉണ്ടായി​രു​ന്നു. (മത്തായി 24:7) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ പാക്‌സ്‌ റൊമാ​ന​യു​ടെ, അഥവാ റോമൻ സമാധാ​ന​ത്തി​ന്റെ, കാലത്താ​യി​രു​ന്നു ജീവി​ച്ചി​രു​ന്നത്‌. ഒരു ചരി​ത്ര​കാ​രൻ ഇങ്ങനെ എഴുതി: “മെഡി​റ്റ​നേ​റി​യൻ ലോക​ത്തി​ലെ ജനതയെ റോം പൂർണ​മാ​യി​ത്തന്നെ കീഴടക്കി. അങ്ങനെ അവരെ സംബന്ധി​ച്ചി​ട​ത്തോ​ളം ഏറെക്കു​റെ നിരന്ത​ര​മാ​യി​രുന്ന യുദ്ധത്തി​ന്റെ നാളു​കൾക്ക്‌ അത്‌ അറുതി വരുത്തി.” ആദിമ ക്രിസ്‌ത്യാ​നി​കൾക്കു റോമൻ ലോകത്ത്‌ ഉടനീളം താരത​മ്യേന സുരക്ഷി​ത​മാ​യി യാത്ര ചെയ്യാൻ ഈ സ്ഥിതി​വി​ശേഷം അവസര​മേകി.

¹⁵ ജനങ്ങളെ തങ്ങളുടെ കരുത്തുറ്റ കൈക്കീ​ഴിൽ ഒന്നിച്ചു നിർത്താൻ റോമാ സാമ്രാ​ജ്യം കഠിന​മാ​യി യത്‌നി​ച്ചു. ഈ നയം ഹേതു​വാ​യി സഞ്ചാര​ത്തി​നും സഹിഷ്‌ണു​ത​യ്‌ക്കും ആശയ കൈമാ​റ്റ​ത്തി​നും അതു​പോ​ലെ​തന്നെ സാർവ​ദേ​ശീയ സാഹോ​ദ​ര്യം എന്ന ആശയത്തി​നും ഉന്നമനം ലഭിച്ചു. സംസ്‌കാ​ര​ത്തി​ലേ​ക്കുള്ള പാത (ഇംഗ്ലീഷ്‌) എന്ന പുസ്‌തകം പറയുന്നു: “[റോമാ] സാമ്രാ​ജ്യ​ത്തി​ന്റെ ഐക്യം [ക്രിസ്‌തീയ പ്രസം​ഗ​ത്തി​നുള്ള] പ്രവർത്തന മണ്ഡലത്തെ അനുകൂ​ല​മായ ഒന്നാക്കി​ത്തീർത്തു. ദേശീയ അതിർവ​ര​മ്പു​കൾ തകർന്നി​രു​ന്നു. റോമാ പൗരൻ ലോക പൗരനാ​യി​രു​ന്നു. . . . അതിനു പുറമേ, സാർവ​ലൗ​കിക പൗരത്വം എന്ന ആശയം വികസി​പ്പി​ച്ചെ​ടുത്ത ഒരു രാഷ്‌ട്ര​ത്തിൽ മാനവ സാഹോ​ദ​ര്യം പഠിപ്പി​ച്ചി​രുന്ന ഒരു മതം അംഗീ​ക​രി​ക്ക​പ്പെ​ടു​മാ​യി​രു​ന്നു.”—പ്രവൃ​ത്തി​കൾ 10:34, 35; 1 പത്രൊസ്‌ 2:17 എന്നിവ താരത​മ്യം ചെയ്യുക.

16, 17. ആധുനിക കാലങ്ങ​ളിൽ സമാധാ​നത്തെ ഉന്നമി​പ്പി​ക്കാ​നുള്ള ശ്രമങ്ങൾക്കു പ്രചോ​ദ​ന​മേ​കി​യി​രി​ക്കു​ന്നത്‌ എന്താണ്‌, അനേകർ ഏതു നിഗമ​ന​ത്തിൽ എത്തി​ച്ചേർന്നി​രി​ക്കു​ന്നു?

¹⁶ നമ്മുടെ കാലത്തി​ന്റെ കാര്യ​മോ? ചരി​ത്ര​ത്തി​ലെ ഏറ്റവും നാശക​ര​മായ യുദ്ധങ്ങൾക്ക്‌ ഇരുപ​താം നൂറ്റാണ്ട്‌ സാക്ഷ്യം വഹിച്ചി​രി​ക്കു​ന്നു. പ്രാ​ദേ​ശിക യുദ്ധങ്ങൾ ചില രാജ്യ​ങ്ങ​ളിൽ ഇപ്പോ​ഴും കൊടു​മ്പി​രി​കൊ​ള്ളു​ന്നു. (വെളി​പ്പാ​ടു 6:4) എന്നിട്ടും, താരത​മ്യേന സമാധാ​ന​മുള്ള കാലഘ​ട്ട​ങ്ങ​ളും ഉണ്ടായി​രു​ന്നി​ട്ടുണ്ട്‌. കഴിഞ്ഞ 50 വർഷങ്ങ​ളിൽ ലോക​ത്തി​ലെ പ്രമുഖ ശക്തികൾ ഒരു സമഗ്ര യുദ്ധത്തിൽ പരസ്‌പരം ഏറ്റുമു​ട്ടി​യി​ട്ടില്ല. ഈ സാഹച​ര്യം പ്രസ്‌തുത രാജ്യ​ങ്ങ​ളിൽ സുവാർത്താ പ്രസം​ഗ​ത്തി​നു വളരെ​യേറെ സഹായ​ക​മാ​യി​രു​ന്നി​ട്ടുണ്ട്‌.

¹⁷ ഇരുപ​താം നൂറ്റാ​ണ്ടി​ലെ യുദ്ധത്തി​ന്റെ ഭീകര​തകൾ ഒരു ലോക ഗവൺമെ​ന്റി​ന്റെ ആവശ്യം അനേകം ആളുകൾ തിരി​ച്ച​റി​യാൻ ഇടയാ​ക്കി​യി​രി​ക്കു​ന്നു. ലോക യുദ്ധത്തെ കുറി​ച്ചുള്ള ഭീതി സർവരാ​ജ്യ സഖ്യത്തി​ന്റെ​യും ഐക്യ​രാ​ഷ്‌ട്ര​ങ്ങ​ളു​ടെ​യും രൂപീ​ക​ര​ണ​ത്തി​ലേക്കു നയിച്ചു. (വെളി​പ്പാ​ടു 13:14) സാർവ​ദേ​ശീയ സഹകര​ണ​വും സമാധാ​ന​വും ഉന്നമി​പ്പി​ക്കുക എന്നതാണ്‌ ഈ രണ്ടു സംഘട​ന​ക​ളു​ടെ​യും ഒരു പ്രഖ്യാ​പിത ലക്ഷ്യം. അത്തരം ഒരു ആവശ്യം മനസ്സി​ലാ​ക്കുന്ന ആളുകൾ, ശാശ്വ​ത​മായ യഥാർഥ സമാധാ​നം കൈവ​രു​ത്തുന്ന ലോക ഗവൺമെ​ന്റായ ദൈവ​രാ​ജ്യ​ത്തെ കുറി​ച്ചുള്ള സുവാർത്ത​യോ​ടു മിക്ക​പ്പോ​ഴും അനുകൂ​ല​മാ​യി പ്രതി​ക​രി​ക്കു​ന്നു.

18. മതത്തോ​ടുള്ള ഏതു മനോ​ഭാ​വ​മാണ്‌ പ്രസംഗ വേലയ്‌ക്ക്‌ അനുകൂ​ല​മാ​യി​രു​ന്നി​ട്ടു​ള്ളത്‌?

¹⁸ ക്രിസ്‌ത്യാ​നി​കൾ ചില​പ്പോ​ഴൊ​ക്കെ മൃഗീ​യ​മാ​യി പീഡി​പ്പി​ക്ക​പ്പെ​ട്ടി​ട്ടു​ണ്ടെ​ങ്കി​ലും, ഒന്നും ഇരുപ​തും നൂറ്റാ​ണ്ടു​ക​ളിൽ മതപര​മായ സഹിഷ്‌ണുത പ്രകട​മാ​യി​രുന്ന കാലഘ​ട്ടങ്ങൾ ഉണ്ടായി​രു​ന്നി​ട്ടുണ്ട്‌. (യോഹ​ന്നാൻ 15:20; പ്രവൃ​ത്തി​കൾ 9:31) റോമാ​ക്കാർ തങ്ങൾ കീഴട​ക്കിയ ജനതക​ളു​ടെ ദേവീ​ദേ​വ​ന്മാ​രെ യഥേഷ്ടം സ്വീക​രി​ക്കു​ക​യും അവയോ​ടു പൊരു​ത്ത​പ്പെ​ടു​ക​യും ചെയ്‌തു. പ്രൊ​ഫസർ റോഡ്‌നി സ്റ്റാർക്ക്‌ എഴുതി: “അനേക വിധങ്ങ​ളിൽ റോം വർധിച്ച അളവി​ലുള്ള മതസ്വാ​ത​ന്ത്ര്യം നൽകി​യി​രു​ന്നു, പിന്നീട്‌ അമേരി​ക്കൻ വിപ്ലവ​ത്തി​നു ശേഷം മാത്ര​മാണ്‌ അത്രയ​ധി​കം മതസ്വാ​ത​ന്ത്ര്യം ലഭ്യമാ​യത്‌.” ആധുനിക കാലങ്ങ​ളിൽ  പല ദേശങ്ങ​ളി​ലെ​യും ആളുകൾ മറ്റുള്ള​വ​രു​ടെ വീക്ഷണങ്ങൾ പരി​ശോ​ധി​ച്ചു​നോ​ക്കാൻ കൂടുതൽ ചായ്‌വു കാണി​ച്ചി​ട്ടുണ്ട്‌. തത്‌ഫ​ല​മാ​യി, യഹോ​വ​യു​ടെ സാക്ഷികൾ പ്രസം​ഗി​ക്കുന്ന ബൈബിൾ സന്ദേശം ശ്രവി​ക്കാൻ അവർ മനസ്സൊ​രു​ക്കം ഉള്ളവരാ​യി​രു​ന്നി​ട്ടുണ്ട്‌.

സാങ്കേ​തി​ക​വി​ദ്യ​യു​ടെ പങ്ക്‌

19. ആദിമ ക്രിസ്‌ത്യാ​നി​കൾ കോഡ​ക്‌സ്‌ പ്രയോ​ജ​ന​പ്പെ​ടു​ത്തി​യത്‌ എങ്ങനെ?

¹⁹ അവസാ​ന​മാ​യി, സാങ്കേ​തി​ക​വി​ദ്യ​യി​ലെ പുരോ​ഗ​തി​ക​ളിൽ നിന്നു പ്രയോ​ജനം അനുഭ​വി​ക്കാൻ യഹോവ തന്റെ ജനത്തെ പ്രാപ്‌ത​രാ​ക്കി​യി​രി​ക്കു​ന്നത്‌ എങ്ങനെ​യെന്നു നോക്കുക. സാങ്കേ​തി​ക​വി​ദ്യ ത്വരി​ത​ഗ​തി​യിൽ മുന്നേ​റി​യി​രുന്ന ഒരു കാലഘ​ട്ട​ത്തി​ലല്ല ആദിമ ക്രിസ്‌ത്യാ​നി​കൾ ജീവി​ച്ചി​രു​ന്നത്‌ എങ്കിലും, അവർ തീർച്ച​യാ​യും ഉപയോ​ഗ​പ്പെ​ടു​ത്തിയ ഒരു കണ്ടുപി​ടി​ത്ത​മാ​യി​രു​ന്നു കോഡ​ക്‌സ്‌ അഥവാ താളു​ക​ളോ​ടു​കൂ​ടിയ കൈ​യെ​ഴു​ത്തു​പു​സ്‌തകം. വളരെ ഭാരമുള്ള ചുരു​ളി​ന്റെ സ്ഥാനത്ത്‌ കോഡ​ക്‌സ്‌ കടന്നു​വന്നു. കോഡ​ക്‌സി​ന്റെ പിറവി (ഇംഗ്ലീഷ്‌) എന്ന ഗ്രന്ഥം പറയുന്നു: “ലൗകിക സാഹി​ത്യ​രം​ഗത്ത്‌ ചുരു​ളു​ക​ളു​ടെ സ്ഥാനം കോഡ​ക്‌സ്‌ കയ്യടക്കി​യത്‌ വളരെ സാവധാ​ന​ത്തി​ലാ​യി​രു​ന്നു. എന്നാൽ, ക്രിസ്‌ത്യാ​നി​കൾ ത്വരി​ത​ഗ​തി​യി​ലും വ്യാപ​ക​മാ​യും കോഡ​ക്‌സ്‌ ഉപയോ​ഗി​ച്ച​താ​യി തോന്നു​ന്നു.” ഈ ആധികാ​രിക ഗ്രന്ഥം ഇങ്ങനെ​യും പറയുന്നു: “കോഡ​ക്‌സ്‌ രംഗത്തു വന്നത്‌ ഏ.ഡി. 100-ന്‌ വളരെ മുമ്പ്‌ ആയിരി​ക്കണം, കാരണം രണ്ടാം നൂറ്റാ​ണ്ടിൽ ക്രിസ്‌ത്യാ​നി​കൾ അതു വ്യാപ​ക​മാ​യി ഉപയോ​ഗി​ച്ചി​രു​ന്നു.” ചുരു​ളി​നെ അപേക്ഷിച്ച്‌ കോഡ​ക്‌സ്‌ ഉപയോ​ഗി​ക്കാൻ എളുപ്പ​മാ​യി​രു​ന്നു. തിരു​വെ​ഴു​ത്തു​കൾ എളുപ്പം കണ്ടുപി​ടി​ക്കാൻ കഴിയു​മാ​യി​രു​ന്നു. തിരു​വെ​ഴു​ത്തു​കൾ വിശദീ​ക​രി​ക്കുക മാത്രമല്ല, തങ്ങൾ പഠിപ്പി​ച്ചി​രുന്ന കാര്യങ്ങൾ ‘പരാമർശ​ന​ങ്ങ​ളി​ലൂ​ടെ തെളി​യി​ക്കു​ക​യും’ ചെയ്‌തി​രുന്ന പൗലൊ​സി​നെ പോലുള്ള ആദിമ ക്രിസ്‌ത്യാ​നി​കളെ അതു തീർച്ച​യാ​യും സഹായി​ച്ചു.—പ്രവൃ​ത്തി​കൾ 17:2, 3, NW.

20. ആഗോള പ്രസംഗ പ്രവർത്ത​ന​ത്തിൽ ദൈവ​ജനം ആധുനിക സാങ്കേ​തി​ക​വി​ദ്യ പ്രയോ​ജ​ന​പ്പെ​ടു​ത്തി​യി​രി​ക്കു​ന്നത്‌ എങ്ങനെ, എന്തു​കൊണ്ട്‌?

²⁰ നമ്മുടെ നൂറ്റാ​ണ്ടിൽ സാങ്കേ​തി​ക​വി​ദ്യ​യിൽ ഉണ്ടായ മുന്നേ​റ്റങ്ങൾ വിസ്‌മ​യാ​വ​ഹ​മാണ്‌. ബൈബിൾ സാഹി​ത്യ​ങ്ങൾ അനേകം ഭാഷക​ളിൽ ഒരേ സമയത്തു പ്രസി​ദ്ധീ​ക​രി​ക്കാൻ അതിവേഗ അച്ചടി​യ​ന്ത്രങ്ങൾ സഹായി​ച്ചി​ട്ടുണ്ട്‌. ആധുനിക സാങ്കേ​തി​ക​വി​ദ്യ ബൈബിൾ പരിഭാ​ഷാ വേലയെ ത്വരി​ത​പ്പെ​ടു​ത്തി​യി​രി​ക്കു​ന്നു. ട്രക്കുകൾ, ട്രെയി​നു​കൾ, കപ്പലുകൾ, വിമാ​നങ്ങൾ എന്നിവ​യു​ടെ സഹായ​ത്താൽ ബൈബിൾ സാഹി​ത്യം ഭൂമി​യിൽ എല്ലായി​ട​ത്തും വളരെ വേഗം എത്തിക്കാൻ കഴിയു​ന്നു. ടെല​ഫോ​ണു​ക​ളും  ഫാക്‌സ്‌ മെഷീ​നു​ക​ളും തത്സമയ ആശയവി​നി​മയം യാഥാർഥ്യ​മാ​ക്കി​യി​രി​ക്കു​ന്നു. ലോക​ത്തെ​ങ്ങും സുവാർത്ത വ്യാപി​പ്പി​ക്കാ​നാ​യി അത്തരം സാങ്കേ​തി​ക​വി​ദ്യ​യെ പ്രാ​യോ​ഗി​ക​മാ​യി പ്രയോ​ജ​ന​പ്പെ​ടു​ത്താൻ തന്റെ ആത്മാവ്‌ മുഖാ​ന്തരം യഹോവ തന്റെ ദാസന്മാ​രെ പ്രേരി​പ്പി​ച്ചി​രി​ക്കു​ന്നു. ഈ ലോക​ത്തി​ലെ ഏറ്റവും പുതിയ സാങ്കേ​തി​ക​വി​ദ്യ​കൾ മനസ്സി​ലാ​ക്കാ​നും പ്രയോ​ഗ​ത്തിൽ കൊണ്ടു​വ​രാ​നു​മുള്ള ആഗ്രഹം നിമി​ത്തമല്ല അവർ അവ ഉപയോ​ഗി​ക്കു​ന്നത്‌. പകരം, ഏറ്റവും ഫലപ്ര​ദ​മാ​യി തങ്ങളുടെ പ്രസംഗ നിയമനം നിറ​വേ​റ്റു​ന്ന​തിൽ തങ്ങളെ സഹായി​ക്കുന്ന കാര്യ​ങ്ങ​ളി​ലാണ്‌ അവരുടെ മുഖ്യ താത്‌പ​ര്യം.

21. എന്തു സംബന്ധി​ച്ചു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും?

²¹ “രാജ്യ​ത്തി​ന്റെ ഈ സുവി​ശേഷം . . . ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും” എന്ന്‌ യേശു മുൻകൂ​ട്ടി പറഞ്ഞു. (മത്തായി 24:14) ആദിമ ക്രിസ്‌ത്യാ​നി​കൾ ആ പ്രവച​ന​ത്തി​ന്റെ ഒരു നിവൃത്തി കണ്ടതു​പോ​ലെ, ഇന്നു നാം അതു വ്യാപ​ക​മായ അളവിൽ കാണുന്നു. വേലയു​ടെ ബാഹു​ല്യ​വും വൈഷ​മ്യ​വും ഗണ്യമാ​ക്കാ​തെ, അനുകൂല കാലത്തും പ്രതി​കൂല കാലത്തും, മാറി​ക്കൊ​ണ്ടി​രി​ക്കുന്ന നിയമ​ങ്ങ​ളു​ടെ​യും മനോ​ഭാ​വ​ങ്ങ​ളു​ടെ​യും മധ്യേ​യും, യുദ്ധകാ​ല​ത്തും സമാധാ​ന​കാ​ല​ത്തും, സങ്കേതി​ക​വി​ദ്യ​യു​ടെ സകലതരം മുന്നേ​റ്റ​ങ്ങ​ളു​ടെ മധ്യേ​യും സുവാർത്ത പ്രസം​ഗി​ക്ക​പ്പെ​ട്ടി​ട്ടുണ്ട്‌, ഇപ്പോൾ പ്രസം​ഗി​ക്ക​പ്പെ​ടു​ക​യും ചെയ്യുന്നു. ഇത്‌ യഹോ​വ​യു​ടെ ജ്ഞാന​ത്തെ​യും ഭാവി മുൻകൂ​ട്ടി കാണാ​നുള്ള ആശ്ചര്യ​ക​ര​മായ പ്രാപ്‌തി​യെ​യും കുറി​ച്ചുള്ള ആദരാ​തി​ശ​യങ്ങൾ നിങ്ങളിൽ നിറയ്‌ക്കു​ന്നി​ല്ലേ? പ്രസംഗ പ്രവർത്തനം ദൈവ​ത്തി​ന്റെ സമയപ്പ​ട്ടിക അനുസ​രി​ച്ചു പൂർത്തി​യാ​കു​മെ​ന്നും നീതി​മാ​ന്മാ​രു​ടെ അനു​ഗ്ര​ഹ​ത്തി​നാ​യി അവന്റെ സ്‌നേ​ഹ​പൂർവ​ക​മായ ഉദ്ദേശ്യം നിവൃ​ത്തി​യേ​റു​മെ​ന്നും നമുക്കു പൂർണ​മാ​യി ഉറപ്പു​ള്ള​വ​രാ​യി​രി​ക്കാം. അവർ ഭൂമിയെ കൈവ​ശ​മാ​ക്കി അതിൽ എന്നേക്കും ജീവി​ക്കും. (സങ്കീർത്തനം 37:29; ഹബക്കൂക്‌ 2:3) യഹോ​വ​യു​ടെ ഉദ്ദേശ്യ​ത്തി​നു ചേർച്ച​യിൽ ജീവിതം നയിക്കു​ന്നെ​ങ്കിൽ നാമും അവരോ​ടൊ​പ്പം ഉണ്ടായി​രി​ക്കും.—1 തിമൊ​ഥെ​യൊസ്‌ 4:16.

[അടിക്കു​റി​പ്പു​കൾ]

പുനര​വ​ലോ​കന ആശയങ്ങൾ

□ സുവാർത്താ പ്രസംഗ വേല വെല്ലു​വി​ളി നിറഞ്ഞ ഒരു നിയമനം ആയിരു​ന്നി​ട്ടു​ള്ളത്‌ എന്തു​കൊണ്ട്‌?

□ ഗവൺമെന്റ്‌ ക്രമീ​ക​ര​ണ​ങ്ങ​ളും പൊതു​വെ​യുള്ള സാമൂ​ഹിക സുസ്ഥി​ര​ത​യും ക്രിസ്‌ത്യാ​നി​ക​ളു​ടെ വേലയ്‌ക്ക്‌ ഗുണക​ര​മാ​യി​രു​ന്നി​ട്ടു​ള്ളത്‌ ഏതു വിധങ്ങ​ളിൽ?

□ പ്രസംഗ പ്രവർത്ത​ന​ത്തി​ന്മേ​ലുള്ള യഹോ​വ​യു​ടെ അനു​ഗ്രഹം ഏതു ഭാവി സംഭവ​വി​കാ​സങ്ങൾ സംബന്ധി​ച്ചു നമുക്ക്‌ ഉറപ്പേ​കു​ന്നു?

[അധ്യയന ചോദ്യ​ങ്ങൾ]