പിശാച്‌ നമുക്കു രോഗം വരുത്തു​ന്നു​വോ?

രോഗം ഒരിക്ക​ലും ഉണ്ടായി​രി​ക്കേ​ണ്ടി​യി​രു​ന്നില്ല. പൂർണ ആരോ​ഗ്യ​ത്തോ​ടെ എന്നേക്കും ജീവി​ക്കു​ന്ന​തി​നാണ്‌ ദൈവം നമ്മെ സൃഷ്ടി​ച്ചത്‌. ഒരു ആത്മവ്യ​ക്തി​യായ സാത്താൻ നമ്മുടെ ആദ്യ മാതാ​പി​താ​ക്ക​ളായ ആദാമി​നെ​യും ഹവ്വയെ​യും പാപത്തി​ലേക്കു നയിച്ചു. അങ്ങനെ മനുഷ്യ​കു​ലത്തെ കഷ്ടപ്പെ​ടു​ത്തുന്ന രോഗ​ത്തി​നും വേദന​യ്‌ക്കും മരണത്തി​നും അവൻ കാരണ​ക്കാ​രൻ ആയിത്തീർന്നു.—ഉല്‌പത്തി 3:1-5, 17-19; റോമർ 5:12.

സകല രോഗ​ങ്ങ​ളും ആത്മലോ​ക​ത്തിൽനിന്ന്‌ നേരി​ട്ടുള്ള ഇടപെ​ട​ലി​ന്റെ ഫലമാ​ണെ​ന്നാ​ണോ അതിന്റെ അർഥം? മുൻ ലേഖന​ത്തിൽ കണ്ടതു​പോ​ലെ, ഇന്നു പലരും അങ്ങനെ ചിന്തി​ക്കു​ന്നു. ഓമാജി എന്ന പെൺകു​ട്ടി​യു​ടെ വല്യമ്മ​യും അങ്ങനെ​യാ​ണു വിചാ​രി​ച്ചത്‌. പക്ഷേ, ഓമാ​ജി​യു​ടെ അതിസാ​രം—മിക്ക​പ്പോ​ഴും ഉഷ്‌ണ​മേ​ഖലാ പ്രദേ​ശത്തെ കുട്ടി​കളെ ബാധി​ക്കുന്ന ഒരു മാരക രോഗം—യഥാർഥ​ത്തിൽ അദൃശ്യ ആത്മജീ​വി​കൾ നിമി​ത്ത​മാ​ണോ ഉണ്ടായത്‌?

സാത്താന്റെ പങ്ക്‌

ഈ ചോദ്യ​ത്തിന്‌ ബൈബിൾ വളരെ വ്യക്തമാ​യി ഉത്തരം നൽകുന്നു. ഒന്നാമ​താ​യി, നമ്മുടെ പൂർവി​ക​രു​ടെ ആത്മാക്കൾക്ക്‌ ജീവി​ച്ചി​രി​ക്കു​ന്ന​വ​രു​ടെ​മേൽ യാതൊ​രു സ്വാധീ​ന​വും ചെലു​ത്താ​നാ​വില്ല എന്ന്‌ അതു പ്രകട​മാ​ക്കു​ന്നു. മൃതാ​വ​സ്ഥ​യിൽ അവർ “ഒന്നും അറിയു​ന്നില്ല.” മരണത്തെ അതിജീ​വി​ക്കുന്ന ആത്മാക്കൾ അവർക്കില്ല. ‘പ്രവൃ​ത്തി​യോ സൂത്ര​മോ അറിവോ ജ്ഞാനമോ ഒന്നും ഇല്ലാത്ത’ ശവക്കു​ഴി​യിൽ അവർ നിദ്ര കൊള്ളു​ക​യാണ്‌. (സഭാ​പ്ര​സം​ഗി 9:5, 10) മരിച്ച​വർക്കു ജീവി​ച്ചി​രി​ക്കു​ന്ന​വരെ ഒരു വിധത്തി​ലും രോഗി​ക​ളാ​ക്കാ​നാ​വില്ല.

എന്നുവ​രി​കി​ലും, ദുഷ്ടാ​ത്മാ​ക്കൾ ഉണ്ടെന്നു​ത​ന്നെ​യാ​ണു ബൈബിൾ വെളി​പ്പെ​ടു​ത്തു​ന്നത്‌. ഇപ്പോൾ സാത്താൻ എന്നറി​യ​പ്പെ​ടുന്ന ആത്മവ്യക്തി ആയിരു​ന്നു മുഴു അഖിലാ​ണ്ഡ​ത്തി​ലെ​യും ആദ്യത്തെ മത്സരി. മറ്റുള്ള ആത്മജീ​വി​ക​ളും അവനോ​ടു ചേർന്നു, അവർ ഭൂതങ്ങൾ എന്ന്‌ അറിയ​പ്പെ​ടു​ന്നു. സാത്താ​നും ഭൂതങ്ങൾക്കും നമ്മെ രോഗി​ക​ളാ​ക്കാൻ സാധി​ക്കു​മോ? അങ്ങനെ സംഭവി​ച്ചി​ട്ടുണ്ട്‌. യേശു ചെയ്‌ത അത്ഭുത രോഗ​ശാ​ന്തി​ക​ളിൽ ഭൂതങ്ങളെ പുറത്താ​ക്കൽ ഉൾപ്പെ​ട്ടി​രു​ന്നു. (ലൂക്കൊസ്‌ 9:37-43; 13:10-16) എന്നിരു​ന്നാ​ലും, യേശു സൗഖ്യ​മാ​ക്കിയ രോഗ​ങ്ങ​ളിൽ അധിക​വും ഭൂതങ്ങൾ നേരിട്ടു വരുത്തി​യവ അല്ലായി​രു​ന്നു. (മത്തായി 12:15; 14:14; 19:2) സമാന​മാ​യി ഇന്നും പൊതു​വെ സ്വാഭാ​വിക കാരണ​ങ്ങ​ളാ​ലാ​ണു രോഗ​ങ്ങ​ളു​ണ്ടാ​കു​ന്നത്‌, അല്ലാതെ പ്രകൃ​ത്യ​തീത കാരണ​ങ്ങ​ളാൽ അല്ല.

ക്ഷുദ്ര​പ്ര​യോ​ഗ​ത്തി​ന്റെ കാര്യ​മോ? സദൃശ​വാ​ക്യ​ങ്ങൾ 18:10 പിൻവ​രുന്ന പ്രകാരം ഉറപ്പു നൽകുന്നു: “യഹോ​വ​യു​ടെ നാമം ബലമുള്ള ഗോപു​രം; നീതി​മാൻ അതി​ലേക്കു ഓടി​ച്ചെന്നു അഭയം പ്രാപി​ക്കു​ന്നു.” യാക്കോബ്‌ 4:7 ഇങ്ങനെ പറയുന്നു: “ആകയാൽ നിങ്ങൾ ദൈവ​ത്തി​ന്നു കീഴട​ങ്ങു​വിൻ; പിശാ​ചി​നോ​ടു എതിർത്തു​നി​ല്‌പിൻ; എന്നാൽ അവൻ നിങ്ങളെ വിട്ടു ഓടി​പ്പോ​കും.” അതേ, ദൈവ​ത്തിന്‌ തന്റെ വിശ്വ​സ്‌തരെ ക്ഷുദ്ര​പ്ര​യോ​ഗ​ത്തിൽ നിന്നും മറ്റു നിഗൂഢ ശക്തിക​ളിൽ നിന്നും സംരക്ഷി​ക്കാൻ കഴിയും. ‘സത്യം നിങ്ങളെ സ്വത​ന്ത്ര​ന്മാ​രാ​ക്കും’ എന്നു പറഞ്ഞ​പ്പോൾ യേശു അർഥമാ​ക്കിയ ഒരു കാര്യം അതാണ്‌.—യോഹ​ന്നാൻ 8:32.

‘അപ്പോൾ ഇയ്യോ​ബി​ന്റെ കാര്യ​മോ?’ എന്നു ചിലർ ചോദി​ച്ചേ​ക്കാം. ‘അവനെ രോഗി​യാ​ക്കി​യത്‌ ഒരു ദുരാ​ത്മാ​വല്ലേ?’ അതേ, ഇയ്യോ​ബി​നെ രോഗ​ബാ​ധി​ത​നാ​ക്കി​യതു സാത്താ​നാ​യി​രു​ന്നു എന്നാണ്‌ ബൈബിൾ പറയു​ന്നത്‌. എന്നാൽ ഇയ്യോ​ബി​ന്റേത്‌ അസാധാ​ര​ണ​മായ ഒരു സംഗതി ആയിരു​ന്നു. ഭൂതങ്ങ​ളു​ടെ നേരി​ട്ടുള്ള ആക്രമ​ണ​ങ്ങ​ളിൽ നിന്നും ഇയ്യോ​ബി​നു വളരെ​ക്കാ​ല​മാ​യി ദിവ്യ സംരക്ഷണം ലഭിച്ചി​രു​ന്നു. പിന്നീട്‌, ഇയ്യോ​ബി​നെ ദണ്ഡിപ്പി​ക്കാൻ സാത്താൻ യഹോ​വയെ വെല്ലു​വി​ളി​ച്ചു, കാരണം അതിൽ വലിയ വിവാ​ദ​വി​ഷ​യങ്ങൾ ഉൾപ്പെ​ട്ടി​രു​ന്നു. ഈ ഒരു പ്രത്യേക സാഹച​ര്യ​ത്തിൽ, യഹോവ തന്റെ ആരാധ​കനു നൽകി​യി​രുന്ന സംരക്ഷ​ണത്തെ ഭാഗി​ക​മാ​യി പിൻവ​ലി​ച്ചു.

എങ്കിലും ദൈവം പരിധി​കൾ വെച്ചു. ഇയ്യോ​ബി​നെ കഷ്ടപ്പെ​ടു​ത്താൻ ദൈവം സാത്താനെ അനുവ​ദി​ച്ച​പ്പോൾ, കുറേ കാല​ത്തേക്ക്‌ ഇയ്യോ​ബി​നെ രോഗി​യാ​ക്കാൻ അവനു  കഴി​ഞ്ഞെ​ങ്കി​ലും കൊല്ലാൻ കഴിഞ്ഞില്ല. (ഇയ്യോബ്‌ 2:5, 6) കാല​ക്ര​മ​ത്തിൽ, ഇയ്യോ​ബി​ന്റെ യാതന​കൾക്ക്‌ അറുതി വന്നു. അവന്റെ വിശ്വ​സ്‌ത​തയെ പ്രതി ദൈവം അവനെ സമൃദ്ധ​മാ​യി അനു​ഗ്ര​ഹി​ച്ചു. (ഇയ്യോബ്‌ 42:10-17) ഇയ്യോ​ബി​ന്റെ വിശ്വ​സ്‌ത​ത​യാൽ തെളി​യി​ക്ക​പ്പെട്ട തത്ത്വങ്ങൾ ബൈബി​ളിൽ രേഖ​പ്പെ​ടു​ത്തി​യി​ട്ടു വളരെ​ക്കാ​ലം ആയിരി​ക്കു​ന്നു, അത്‌ എല്ലാവർക്കും അറിയു​ക​യും ചെയ്യാം. അത്തരം മറ്റൊരു പരി​ശോ​ധ​ന​യു​ടെ ആവശ്യം ഇനി ഇല്ല.

സാത്താൻ എങ്ങനെ പ്രവർത്തി​ക്കു​ന്നു?

മിക്ക കേസു​ക​ളി​ലും, സാത്താ​നും മനുഷ്യ​നെ ബാധി​ക്കുന്ന രോഗ​വും തമ്മിലുള്ള ഒരേ​യൊ​രു ബന്ധം സാത്താൻ ആദിമ ജോഡി​കളെ പ്രലോ​ഭി​പ്പി​ക്കു​ക​യും അവർ പാപത്തിൽ വീഴു​ക​യും ചെയ്‌തു എന്നുള്ള​താണ്‌. അവനോ അവന്റെ ഭൂതങ്ങ​ളോ ഓരോ രോഗ​ത്തി​ന്റെ​യും നേരി​ട്ടുള്ള കാരണ​ക്കാർ അല്ല. എന്നിരു​ന്നാ​ലും, നമ്മുടെ വിശ്വാ​സ​ത്തി​നു കോട്ടം വരുത്തി​യേ​ക്കാ​വുന്ന ജ്ഞാനപൂർവ​മ​ല്ലാത്ത തീരു​മാ​നങ്ങൾ എടുപ്പി​ക്കാ​നോ നമ്മുടെ വിശ്വാ​സ​ത്തിൽ വിട്ടു​വീഴ്‌ച വരുത്തി​ക്കാ​നോ സാത്താൻ ശ്രമി​ക്കാ​തി​രി​ക്കു​ന്നില്ല. അവൻ ആദാമി​ന്റെ​യോ ഹവ്വായു​ടെ​യോ മേൽ മന്ത്രം പ്രയോ​ഗി​ക്കു​ക​യോ അവരെ കൊല്ലു​ക​യോ രോഗ​ബാ​ധി​ത​രാ​ക്കു​ക​യോ ചെയ്‌തില്ല. ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ അവൻ ഹവ്വായെ പ്രേരി​പ്പി​ച്ചു. ആ അനുസ​ര​ണ​ക്കേ​ടി​ന്റെ ഗതി ആദാമും പിൻപറ്റി. രോഗ​വും മരണവും അതിന്റെ അനന്തര​ഫ​ല​ങ്ങ​ളു​ടെ ഭാഗമാ​യി​രു​ന്നു.—റോമർ 5:19.

മോവാ​ബി​ന്റെ അതിർത്തി​ക​ളിൽ ഭീതി​ദ​മാം​വി​ധം തമ്പടി​ച്ചി​രുന്ന ഇസ്രാ​യേൽ ജനതയെ ശപിക്കാൻ മോവാ​ബ്യ​രാ​ജാവ്‌ ബിലെ​യാം എന്ന അവിശ്വസ്‌ത പ്രവാ​ച​കനെ ഒരിക്കൽ കൂലി​ക്കെ​ടു​ത്തു. ഇസ്രാ​യേ​ലി​നെ ശപിക്കാൻ ബിലെ​യാം ശ്രമി​ച്ചെ​ങ്കി​ലും നടന്നില്ല. കാരണം ആ ജനത യഹോ​വ​യു​ടെ സംരക്ഷ​ണ​യിൽ ആയിരു​ന്നു. അടുത്ത​താ​യി, മോവാ​ബ്യർ ഇസ്രാ​യേ​ലി​നെ വിഗ്ര​ഹാ​രാ​ധ​ന​യി​ലേ​ക്കും ലൈം​ഗിക അധാർമി​ക​ത​യി​ലേ​ക്കും വശീക​രി​ക്കാൻ തുടങ്ങി. ആ തന്ത്രം ഫലിച്ചു, അതോടെ ഇസ്രാ​യേ​ലി​നു യഹോ​വ​യു​ടെ സംരക്ഷ​ണ​വും നഷ്ടപ്പെട്ടു.—സംഖ്യാ​പു​സ്‌തകം 22:5, 6, 12, 35; 24:10; 25:1-9; വെളി​പ്പാ​ടു 2:14.

ആ പുരാതന സംഭവ​ത്തിൽനി​ന്നും നമു​ക്കൊ​രു സുപ്ര​ധാന പാഠം പഠിക്കാൻ കഴിയും. അതായത്‌, ദുഷ്ടാ​ത്മാ​ക്ക​ളു​ടെ നേരി​ട്ടുള്ള ആക്രമ​ണ​ത്തിൽ നിന്നും വിശ്വസ്‌ത ദൈവാ​രാ​ധ​കർക്കു സംരക്ഷ​ണ​മേ​കു​ന്നതു ദിവ്യ സഹായ​മാണ്‌. എന്നിരു​ന്നാ​ലും, തങ്ങളുടെ വിശ്വാ​സത്തെ അനുര​ഞ്‌ജ​ന​പ്പെ​ടു​ത്താൻ വ്യക്തി​കളെ പ്രേരി​പ്പി​ക്കു​ന്ന​തി​നു സാത്താൻ ശ്രമി​ച്ചേ​ക്കാം. അധാർമി​ക​ത​യിൽ ഏർപ്പെ​ടാൻ ആളുകളെ വശീക​രി​ക്കു​ന്ന​തിന്‌ അവൻ ശ്രമി​ച്ചേ​ക്കാം. അല്ലെങ്കിൽ അലറുന്ന ഒരു സിംഹ​ത്തെ​പ്പോ​ലെ, ആളുകൾക്കു ദിവ്യ​സം​ര​ക്ഷണം നഷ്ടപ്പെ​ടുന്ന വിധത്തിൽ പ്രവർത്തി​ക്കാൻ തക്കവണ്ണം അവൻ അവരെ ഭയപ്പെ​ടു​ത്തി​യേ​ക്കാം. (1 പത്രൊസ്‌ 5:8) അതു​കൊ​ണ്ടാണ്‌ അപ്പൊ​സ്‌ത​ല​നായ പൗലൊസ്‌ “മരണത്തി​ന്റെ അധികാ​രി” എന്നു പിശാ​ചായ സാത്താനെ വിളി​ക്കു​ന്നത്‌.—എബ്രായർ 2:14.

രോഗം വരാതി​രി​ക്കാ​നുള്ള ഒരു സംരക്ഷ​ണ​മാ​യി മന്ത്രത്ത​കി​ടു​ക​ളും ഏലസ്സു​ക​ളും ഉപയോ​ഗി​ക്കാൻ ഓമാ​ജി​യു​ടെ വല്യമ്മ, ഹാവയെ പ്രേരി​പ്പി​ച്ചു. ഹാവ അതിനു വഴി​പ്പെ​ട്ടി​രു​ന്നെ​ങ്കിൽ എന്തു സംഭവി​ച്ചേനെ? യഹോ​വ​യാം ദൈവ​ത്തി​ലുള്ള പരിപൂർണ ആശ്രയ​ത്തി​ന്റെ അഭാവ​മാ​യി​രി​ക്കും അവൾ പ്രകടി​പ്പി​ക്കു​മാ​യി​രു​ന്നത്‌, മാത്രമല്ല ദൈവ​ത്തി​ന്റെ സംരക്ഷണം ലഭിക്കു​മെന്ന്‌ അവൾക്കു മേലാൽ ഉറപ്പു​ണ്ടാ​യി​രി​ക്കാ​നും കഴിയു​മാ​യി​രു​ന്നില്ല.—പുറപ്പാ​ടു 20:5; മത്തായി 4:10; 1 കൊരി​ന്ത്യർ 10:21.

ഇയ്യോ​ബി​ന്റെ കാര്യ​ത്തി​ലും സാത്താൻ പ്രേരണ ഉപയോ​ഗി​ച്ചു. അവന്റെ കുടും​ബാം​ഗ​ങ്ങളെ കൊന്നു, സമ്പത്ത്‌ അപഹരി​ച്ചു, കൂടാതെ ആരോ​ഗ്യം ക്ഷയിപ്പി​ച്ചു. ഭാര്യ അവനു പിൻവ​രുന്ന പ്രകാ​ര​മുള്ള മോശ​മായ ഉപദേ​ശ​ങ്ങ​ളും കൊടു​ത്തു: “ദൈവത്തെ ത്യജി​ച്ചു​പ​റഞ്ഞു മരിച്ചു​കളക.” (ഇയ്യോബ്‌ 2:9) പിന്നെ മൂന്നു “സ്‌നേ​ഹി​ത​ന്മാർ” ഇയ്യോ​ബി​നെ സന്ദർശിച്ച്‌ അവനു രോഗം ബാധി​ച്ചതു സ്വന്തം കുറ്റം കൊണ്ടാ​ണെന്നു ബോധ്യ​പ്പെ​ടു​ത്താൻ കൂട്ടായ ശ്രമം നടത്തി. (ഇയ്യോബ്‌ 19:1-3) ഈ വിധത്തിൽ ഇയ്യോ​ബി​നെ നിരു​ത്സാ​ഹി​ത​നാ​ക്കാ​നും യഹോ​വ​യു​ടെ നീതി​യി​ലുള്ള അവന്റെ വിശ്വാ​സത്തെ ദുർബ​ല​പ്പെ​ടു​ത്താ​നും അവന്റെ പരിക്ഷീ​ണാ​വ​സ്ഥയെ സാത്താൻ ഉപയോ​ഗി​ച്ചു. എങ്കിലും, തന്റെ ഏക പ്രത്യാ​ശ​യെന്ന നിലയിൽ ഇയ്യോബ്‌ തുടർന്നും യഹോ​വ​യിൽ ആശ്രയി​ച്ചു.—സങ്കീർത്തനം 55:22 താരത​മ്യം ചെയ്യുക.

രോഗി​ക​ളാ​യി​ത്തീ​രു​മ്പോൾ നമ്മു​ടെ​യും മനസ്സി​ടി​ഞ്ഞേ​ക്കാം. അത്തരം സാഹച​ര്യ​ങ്ങൾ മുത​ലെ​ടു​ത്തു​കൊണ്ട്‌ വിശ്വാ​സ​ത്തിൽ വിട്ടു​വീഴ്‌ച ചെയ്യാൻ ഇടയാ​ക്കും വിധം നമ്മെ​ക്കൊ​ണ്ടു കാര്യങ്ങൾ ചെയ്യി​ക്കാൻ സാത്താൻ ശ്രമി​ച്ചേ​ക്കാം. അതു​കൊണ്ട്‌ നാം രോഗി​ക​ളാ​കു​മ്പോൾ, നമ്മുടെ കഷ്ടപ്പാ​ടു​ക​ളു​ടെ അടിസ്ഥാന കാരണം അവകാ​ശ​പ്പെ​ടു​ത്തിയ അപൂർണത ആണെന്നും അല്ലാതെ ഏതെങ്കി​ലും പ്രകൃ​ത്യ​തീത സ്വാധീ​ന​മ​ല്ലെ​ന്നും മനസ്സിൽ പിടി​ക്കു​ന്നത്‌ പ്രധാ​ന​മാണ്‌. തന്റെ മരണത്തി​നു മുമ്പ്‌ കുറേ വർഷങ്ങ​ളോ​ളം വിശ്വ​സ്‌ത​നായ യിസ്‌ഹാക്ക്‌ അന്ധനാ​യി​രു​ന്നു എന്ന്‌ ഓർക്കുക. (ഉല്‌പത്തി 27:1) അതിനു കാരണം ദുഷ്ടാ​ത്മാ​ക്ക​ളാ​യി​രു​ന്നില്ല, മറിച്ച്‌ വാർധ​ക്യ​മാ​യി​രു​ന്നു. പ്രസവ​സ​മ​യത്ത്‌  റാഹേൽ മരിച്ചു​പോ​യ​തി​നു കാരണം സാത്താൻ ആയിരു​ന്നില്ല, പകരം ശാരീ​രിക ദൗർബ​ല്യ​മാ​യി​രു​ന്നു. (ഉല്‌പത്തി 35:17-19) കാല​ക്ര​മ​ത്തിൽ, പുരാതന വിശ്വ​സ്‌ത​രെ​ല്ലാം മരിച്ചു—കൂടോ​ത്ര​ങ്ങ​ളോ ശാപങ്ങ​ളോ നിമി​ത്ത​മാ​യി​രു​ന്നില്ല, പകരം അവകാ​ശ​പ്പെ​ടു​ത്തിയ അപൂർണത നിമി​ത്ത​മാ​യി​രു​ന്നു.

നമ്മെ ബാധി​ക്കുന്ന ഓരോ രോഗ​ത്തി​ന്റെ കാര്യ​ത്തി​ലും അദൃശ്യാ​ത്മാ​ക്കൾ നേരിട്ടു സ്വാധീ​നി​ക്കു​ന്നു എന്നു ചിന്തി​ക്കു​ന്നത്‌ ഒരു കെണി​യാണ്‌. ആത്മജീ​വി​കളെ കുറിച്ച്‌ അനാ​രോ​ഗ്യ​ക​ര​മായ ഭയം ഉടലെ​ടു​ക്കാൻ അത്‌ ഇടയാ​ക്കി​യേ​ക്കാം. അത്‌, നാം രോഗി​ക​ളാ​കു​മ്പോൾ, ഭൂതങ്ങ​ളിൽ നിന്ന്‌ അകന്നു നിൽക്കു​ന്ന​തി​നു പകരം അവരെ പ്രസാ​ദി​പ്പി​ക്കാൻ നമ്മെ പ്രേരി​പ്പി​ച്ചേ​ക്കാം. നമ്മെ ഭയപ്പെ​ടു​ത്തി ആത്മവി​ദ്യാ​ചാ​രങ്ങൾ ചെയ്യി​ക്കാൻ സാത്താനു കഴിയു​ന്നെ​ങ്കിൽ അതിലൂ​ടെ സത്യ​ദൈ​വ​മായ യഹോ​വ​യോ​ടുള്ള നമ്മുടെ അവിശ്വ​സ്‌തത ആയിരി​ക്കും പ്രകട​മാ​കുക. (2 കൊരി​ന്ത്യർ 6:15) നമ്മെ നയി​ക്കേ​ണ്ടത്‌ ദൈവ​ത്തോ​ടുള്ള ആദര​വോ​ടു​കൂ​ടിയ ഭയമാണ്‌, അല്ലാതെ അവന്റെ എതിരാ​ളി​യെ സംബന്ധിച്ച അന്ധവി​ശ്വാ​സ​പ​ര​മായ ഭയമല്ല.—വെളി​പ്പാ​ടു 14:7.

ഓമാജി എന്ന പെൺകു​ട്ടിക്ക്‌ ദുഷ്ടത്മാ​ക്കൾക്കെ​തി​രെ സാധ്യ​മായ ഏറ്റവും നല്ല സംരക്ഷണം ഉണ്ട്‌. അപ്പൊ​സ്‌ത​ല​നായ പൗലൊസ്‌ പറയു​ന്ന​ത​നു​സ​രിച്ച്‌, ദൈവം അവളെ ‘വിശുദ്ധ’ ആയാണു കണക്കാ​ക്കു​ന്നത്‌. കാരണം അവൾക്കു വിശ്വാ​സി​യായ അമ്മയുണ്ട്‌, അവളു​ടെ​മേൽ പരിശു​ദ്ധാ​ത്മാവ്‌ മുഖാ​ന്ത​ര​മുള്ള ദിവ്യ​സം​ര​ക്ഷണം ഉണ്ടായി​രി​ക്കു​ന്ന​തിന്‌ അമ്മയ്‌ക്കു ദൈവ​ത്തോ​ടു പ്രാർഥി​ക്കാൻ കഴിയും. (1 കൊരി​ന്ത്യർ 7:14) അത്തരം സൂക്ഷ്‌മ പരിജ്ഞാ​ന​ത്താൽ അനുഗൃ​ഹീ​ത​യായ ഹാവ, ഓമാ​ജി​ക്കു വേണ്ടി ഫലപ്ര​ദ​മായ വൈദ്യ​ചി​കിത്സ തേടി. അവൾ ആശ്രയി​ച്ചത്‌ ഏലസ്സു​ക​ളിൽ ആയിരു​ന്നില്ല.

രോഗ​ത്തി​ന്റെ നാനാ കാരണങ്ങൾ

മിക്ക ആളുക​ളും ആത്മാക്ക​ളിൽ വിശ്വ​സി​ക്കു​ന്നില്ല. രോഗം ബാധി​ക്കു​മ്പോൾ അവർ ഡോക്ടറെ സമീപി​ക്കു​ന്നു—ചെലവു താങ്ങാ​നാ​കു​മെ​ങ്കിൽ. തീർച്ച​യാ​യും, ഒരു രോഗി ഡോക്ടറെ സമീപി​ച്ചാ​ലും രോഗം ഭേദമാ​കാ​തി​രു​ന്നേ​ക്കാം. ഡോക്ടർമാർക്ക്‌ അത്ഭുത​ങ്ങ​ളൊ​ന്നും ചെയ്യാ​നാ​വില്ല. എന്നാൽ, ഭേദമാ​ക്കാ​വുന്ന രോഗ​മുള്ള അന്ധവി​ശ്വാ​സി​ക​ളായ പലരും രോഗം മൂർച്ഛിച്ച ശേഷം മാത്ര​മാ​ണു ഡോക്ടറെ സമീപി​ക്കു​ന്നത്‌. ആദ്യം അവർ ആത്മവി​ദ്യാ​പ​ര​മായ ചികി​ത്സാ​രീ​തി​ക​ളൊ​ക്കെ പരീക്ഷി​ച്ചു​നോ​ക്കി​യേ​ക്കാം, അതു ഫലിക്കാ​തെ വരു​മ്പോ​ഴുള്ള അറ്റകൈ ആണ്‌ ഡോക്ടർ. പലരും അകാല മരണത്തിന്‌ ഇരകളാ​കു​ന്നു.

മറ്റു ചിലർ അകാല​മ​ര​ണ​ത്തിന്‌ ഇരകളാ​കു​ന്നത്‌ അജ്ഞത നിമി​ത്ത​മാണ്‌. രോഗ​ല​ക്ഷ​ണങ്ങൾ എന്തൊ​ക്കെ​യാ​ണെ​ന്നോ രോഗം വരാതി​രി​ക്കാൻ ഏതു പ്രയോ​ഗിക നടപടി​കൾ സ്വീക​രി​ക്ക​ണ​മെ​ന്നോ അവർക്ക​റി​യില്ല. അനാവശ്യ ദുരി​തങ്ങൾ ഒഴിവാ​ക്കാൻ അറിവു സഹായി​ക്കു​ന്നു. സാക്ഷര​രായ അമ്മമാ​രു​ടെ കുട്ടി​കളെ അപേക്ഷിച്ച്‌ നിരക്ഷ​ര​രായ അമ്മമാ​രു​ടെ കുട്ടി​ക​ളാണ്‌ രോഗം നിമിത്തം കൂടു​ത​ലും മരണമ​ട​യു​ന്നത്‌ എന്നതു ശ്രദ്ധാർഹ​മാണ്‌. അതേ, അജ്ഞതയ്‌ക്ക്‌ മാരക​മായ ഫലം ഉളവാ​ക്കാൻ കഴിയും.

അനാസ്ഥ​യാണ്‌ മറ്റൊരു രോഗ​കാ​രണം. ഉദാഹ​ര​ണ​ത്തിന്‌, ഭക്ഷണം തയ്യാർ ചെയ്യുന്ന ആൾ അതിനു മുമ്പ്‌ കൈകൾ കഴുകാ​ത്ത​തി​നാ​ലോ കീടങ്ങൾ ഭക്ഷണത്തിൽ വന്നിരി​ക്കു​ന്നത്‌ നിമി​ത്ത​മോ പലരും രോഗി​ക​ളാ​കു​ന്നുണ്ട്‌. മലമ്പനി ബാധിത പ്രദേ​ശ​ങ്ങ​ളിൽ കൊതു​കു​വല ഉപയോ​ഗി​ക്കാ​തെ ഉറങ്ങു​ന്ന​തും അപകട​ക​ര​മാണ്‌. a ആരോ​ഗ്യ​ത്തി​ന്റെ കാര്യ​ത്തിൽ “പ്രതി​രോ​ധം ചികി​ത്സ​യെ​ക്കാൾ ഉത്തമം” എന്നത്‌ മിക്ക​പ്പോ​ഴും സത്യമാണ്‌.

കുത്തഴിഞ്ഞ ജീവി​ത​രീ​തി​യു​ടെ ഫലമായി ദശലക്ഷ​ക്ക​ണ​ക്കി​നാ​ളു​കൾ രോഗി​ക​ളാ​കു​ക​യും അകാല​ത്തിൽ മൃതി​യ​ട​യു​ക​യും ചെയ്യുന്നു. മദ്യപാ​നം, ലൈം​ഗിക അധാർമി​കത, മയക്കു​മ​രു​ന്നു​ക​ളു​ടെ ദുരു​പ​യോ​ഗം, പുകവലി എന്നിവ ഒട്ടനവധി പേരുടെ ആരോ​ഗ്യം തകർത്തി​ട്ടുണ്ട്‌. ഇത്തരം ദുശ്ശീ​ലങ്ങൾ മൂലം ആരെങ്കി​ലും രോഗി​ക​ളാ​കു​ന്നെ​ങ്കിൽ അത്‌ ആരെങ്കി​ലും അയാൾക്കെ​തി​രെ കൂടോ​ത്രം ചെയ്‌ത​തി​നാ​ലോ ഒരു ആത്മജീവി അയാളെ ആക്രമി​ച്ച​തി​നാ​ലോ ആണോ? ഒരിക്ക​ലു​മല്ല. അയാളു​ടെ രോഗ​ത്തിന്‌ അയാൾത​ന്നെ​യാണ്‌ ഉത്തരവാ​ദി. ആത്മജീ​വി​കളെ പഴിക്കു​ന്നത്‌ കുത്തഴിഞ്ഞ ജീവിതം നയിച്ച​തി​ന്റെ ഉത്തരവാ​ദി​ത്വം തിരസ്‌ക​രി​ക്ക​ലാണ്‌.

ചില കാര്യങ്ങൾ നമുക്കു നിയ​ന്ത്രി​ക്കാ​നാ​വില്ല എന്നതു സത്യം​തന്നെ. ഉദാഹ​ര​ണ​ത്തിന്‌, നാം മലിനീ​ക​ര​ണ​ത്തി​നോ രോഗാ​ണു​ക്കൾക്കോ വിധേ​യ​രാ​യേ​ക്കാം. ഓമാ​ജി​ക്കു സംഭവി​ച്ചത്‌ അതാണ്‌. അവളുടെ അമ്മയ്‌ക്ക്‌ അതിസാ​ര​ത്തി​ന്റെ കാരണം അറിയി​ല്ലാ​യി​രു​ന്നു. വീടും പരിസ​ര​വും വൃത്തി​യാ​യി സൂക്ഷി​ക്കു​ക​യും പാചക​ത്തി​നു മുമ്പ്‌ എല്ലായ്‌പോ​ഴും കൈകൾ കഴുകു​ക​യും ചെയ്‌തി​രു​ന്ന​തി​നാൽ മറ്റു കുട്ടി​കളെ പോലെ മിക്ക​പ്പോ​ഴും അവളുടെ കുട്ടി​കളെ രോഗം ബാധി​ച്ചി​രു​ന്നില്ല. എന്നാൽ എല്ലാ കുട്ടി​കൾക്കും ചില​പ്പോ​ഴൊ​ക്കെ രോഗം ബാധി​ക്കാ​റുണ്ട്‌. അതിസാ​ര​ത്തി​നു കാരണ​മാ​കുന്ന 25-ഓളം അണുക്കൾ ഉണ്ട്‌. ഓമാ​ജി​യു​ടെ രോഗ​കാ​രി ഇതിൽ ഏത്‌ അണു ആയിരു​ന്നെന്ന്‌ ആരും ഒരിക്ക​ലും അറിയാൻ പോകു​ന്നില്ല.

ദീർഘ​കാല പരിഹാ​രം

രോഗം വരുന്നതു ദൈവ​ത്തി​ന്റെ കുറ്റം കൊണ്ടല്ല. “ദൈവം ദോഷ​ങ്ങ​ളാൽ പരീക്ഷി​ക്ക​പ്പെ​ടാ​ത്തവൻ ആകുന്നു; താൻ ആരെയും പരീക്ഷി​ക്കു​ന്ന​തു​മില്ല.” (യാക്കോബ്‌ 1:13) തന്റെ ഒരു ആരാധകൻ രോഗി​യാ​കു​ന്നെ​ങ്കിൽ യഹോവ അവനെ ആത്മീയ​മാ​യി പുലർത്തു​ന്നു. “യഹോവ അവനെ രോഗ​ശ​യ്യ​യിൽ താങ്ങും. ദീനത്തിൽ നീ അവന്റെ കിടക്ക എല്ലാം മാററി​വി​രി​ക്കു​ന്നു.” (സങ്കീർത്തനം 41:3) അതേ, ദൈവ​ത്തിന്‌ അനുക​മ്പ​യുണ്ട്‌. നമ്മെ  സഹായി​ക്കാ​നാണ്‌ അവൻ ആഗ്രഹി​ക്കു​ന്നത്‌, ദ്രോ​ഹി​ക്കാ​നല്ല.

വാസ്‌ത​വ​ത്തിൽ, രോഗ​ങ്ങ​ളു​ടെ കാര്യ​ത്തിൽ നിലനിൽക്കുന്ന ഒരു പരിഹാ​രം ദൈവ​ത്തി​ന്റെ പക്കലുണ്ട്‌—യേശു​വി​ന്റെ മരണവും പുനരു​ത്ഥാ​ന​വും. യേശു​ക്രി​സ്‌തു​വി​ന്റെ മറുവി​ല​യാ​ഗം മുഖാ​ന്തരം പരമാർഥ​ഹൃ​ദയർ തങ്ങളുടെ പാപാ​വ​സ്ഥ​യിൽ നിന്നും വിടു​വി​ക്ക​പ്പെട്ട്‌ പറുദീ​സാ​ഭൂ​മി​യി​ലെ പൂർണ ആരോ​ഗ്യ​വും നിത്യ​ജീ​വ​നും ആസ്വദി​ക്കും. (മത്തായി 5:5; യോഹ​ന്നാൻ 3:16) ദൈവ​രാ​ജ്യം കൈവ​രു​ത്താൻ പോകുന്ന യഥാർഥ രോഗ​ശാ​ന്തി​യു​ടെ മുൻനി​ഴ​ലാ​യി​രു​ന്നു യേശു​വി​ന്റെ അത്ഭുതങ്ങൾ. ദൈവം സാത്താ​നെ​യും അവന്റെ ഭൂതങ്ങ​ളെ​യും നശിപ്പി​ക്കു​ക​തന്നെ ചെയ്യും. (റോമർ 16:20) തന്നിൽ വിശ്വാ​സം പ്രകട​മാ​ക്കു​ന്ന​വർക്കാ​യി അത്ഭുത​ക​ര​മായ കാര്യ​ങ്ങ​ളാണ്‌ യഹോവ കരുതി വെച്ചി​രി​ക്കു​ന്നത്‌. നാം സഹിഷ്‌ണു​ത​യോ​ടെ അതിനാ​യി കാത്തി​രി​ക്കു​കയേ വേണ്ടൂ.

അതേസ​മ​യം, ബൈബി​ളി​ലൂ​ടെ​യും വിശ്വസ്‌ത ആരാധ​ക​രു​ടെ ലോക​വ്യാ​പക സഹോ​ദ​ര​വർഗം മുഖാ​ന്ത​ര​വും ദൈവം പ്രാ​യോ​ഗിക ജ്ഞാനവും ആത്മീയ മാർഗ​നിർദേ​ശ​വും നൽകുന്നു. ആരോഗ്യ പ്രശ്‌ന​ങ്ങൾക്കി​ട​യാ​ക്കുന്ന ദുശ്ശീ​ലങ്ങൾ ഒഴിവാ​ക്കേണ്ട വിധം അവൻ നമുക്കു കാട്ടി​ത്ത​രു​ന്നു. പ്രശ്‌ന​ങ്ങൾക്കു മധ്യേ സഹായ​മേ​കുന്ന യഥാർഥ സുഹൃ​ത്തു​ക്ക​ളെ​യും അവൻ നമുക്കു പ്രദാനം ചെയ്യുന്നു.

നമുക്ക്‌ ഇയ്യോ​ബി​ലേക്കു തിരി​ച്ചു​വ​രാം. ഒരു മന്ത്രവാ​ദി​യു​ടെ അടുക്കൽ പോകു​ന്നത്‌ ഇയ്യോ​ബി​നെ സംബന്ധി​ച്ചി​ട​ത്തോ​ളം ഏറ്റവും ഹീനമായ സംഗതി ആയിരി​ക്കു​മാ​യി​രു​ന്നു! അതു ദൈവ​ത്തി​ന്റെ സംരക്ഷ​ണ​വും കഠിന പരി​ശോ​ധ​ന​യ്‌ക്കു ശേഷം അവനു ലഭിക്കാ​നി​രുന്ന സകല അനു​ഗ്ര​ഹ​ങ്ങ​ളും നഷ്ടപ്പെ​ടു​ത്തു​മാ​യി​രു​ന്നു. ദൈവം ഇയ്യോ​ബി​നെ മറന്നില്ല, നമ്മെയും മറക്കില്ല. “യോബി​ന്റെ സഹിഷ്‌ണുത നിങ്ങൾ കേട്ടും കർത്താവു വരുത്തിയ അവസാനം കണ്ടുമി​രി​ക്കു​ന്നു” എന്നു ശിഷ്യ​നായ യാക്കോബ്‌ പറഞ്ഞു. (യാക്കോബ്‌ 5:11) തളർന്നു പോകാ​തി​രു​ന്നാൽ ദൈവ​ത്തി​ന്റെ തക്ക സമയത്ത്‌ നമുക്കും അത്ഭുത​ക​ര​മായ അനു​ഗ്ര​ഹങ്ങൾ ലഭിക്കും.

ഓമാജി എന്ന പെൺകു​ട്ടിക്ക്‌ എന്തു സംഭവി​ച്ചു? പുനർജ​ലീ​കരണ ചികി​ത്സ​യെ​ക്കു​റിച്ച്‌ വീക്ഷാ​ഗോ​പു​ര​ത്തി​ന്റെ കൂട്ടു​മാ​സിക ആയ ഉണരുക!യിൽ വന്ന ഒരു ലേഖനം അവളുടെ അമ്മ ഓർമി​ച്ചു. b അവൾ അതിലെ നിർദ്ദേ​ശ​പ്ര​കാ​രം ഓമാ​ജി​ക്കു കുടി​ക്കാൻവേണ്ടി ഒരു ലായനി തയ്യാറാ​ക്കി. ഇപ്പോൾ ആ കൊച്ചു പെൺകു​ട്ടി സന്തുഷ്ട​യും ആരോ​ഗ്യ​വ​തി​യും ആണ്‌.

[അടിക്കു​റി​പ്പു​കൾ]

[7-ാം പേജിലെ ചിത്രങ്ങൾ]

രോഗനിവാരണത്തിനായി യഹോ​വ​യു​ടെ പക്കൽ ഒരു ശാശ്വത പരിഹാ​രം ഉണ്ട്‌