തിമൊ​ഥെ​യൊസ്‌—“വിശ്വാ​സ​ത്തിൽ ഒരു യഥാർഥ പുത്രൻ”

തിമൊ​ഥെ​യൊ​സി​നെ ക്രിസ്‌തീയ അപ്പൊ​സ്‌ത​ല​നായ പൗലൊസ്‌ തന്റെ സഞ്ചാര കൂട്ടാ​ളി​യാ​യി തിര​ഞ്ഞെ​ടു​ത്ത​പ്പോൾ അവൻ താരത​മ്യേന ചെറു​പ്പ​മാ​യി​രു​ന്നു. ഏകദേശം 15 വർഷം നീണ്ടു​നിന്ന ഒരു പങ്കാളി​ത്വ​ത്തിന്‌ അതു തുടക്കം കുറിച്ചു. പൗലൊ​സിന്‌ തിമൊ​ഥെ​യൊ​സി​നെ “കർത്താ​വിൽ വിശ്വ​സ്‌ത​നും എന്റെ പ്രിയ മകനു​മായ”വൻ എന്നും “വിശ്വാ​സ​ത്തിൽ എന്റെ യഥാർഥ പുത്ര​നായ”വൻ എന്നും വിളി​ക്കാൻ കഴിയ​ത്ത​ക്ക​വി​ധ​മുള്ള ഒരു ബന്ധം അവരുടെ ഇടയിൽ വളർന്നു​വന്നു.—1 കൊരി​ന്ത്യർ 4:17; 1 തിമൊ​ഥെ​യൊസ്‌ 1:2, ഓശാന ബൈബിൾ.

പൗലൊ​സിന്‌ പ്രിയം തോന്നാൻ ഇടയാ​ക്കിയ തിമൊ​ഥെ​യൊ​സി​ന്റെ വ്യക്തിത്വ സവി​ശേ​ഷ​തകൾ എന്തായി​രു​ന്നു? തിമൊ​ഥെ​യൊസ്‌ അത്തര​മൊ​രു ഉത്തമ സഹകാരി ആയിത്തീർന്നത്‌ എങ്ങനെ? തിമൊ​ഥെ​യൊ​സി​ന്റെ പ്രവർത്ത​ന​ങ്ങളെ കുറി​ച്ചുള്ള നിശ്വസ്‌ത രേഖയിൽ നിന്നും പ്രയോ​ജ​ന​ക​ര​മായ എന്തു പാഠം ഉൾക്കൊ​ള്ളാൻ നമുക്കു കഴിയും?

പൗലൊസ്‌ തിര​ഞ്ഞെ​ടു​ത്ത​വൻ

പൊ.യു 50-ലോ മറ്റോ തന്റെ രണ്ടാമത്തെ മിഷനറി യാത്രാ​വേ​ള​യിൽ ലുസ്‌ത്ര (ഇപ്പോ​ഴത്തെ ടർക്കി) സന്ദർശി​ച്ച​പ്പോ​ഴാണ്‌ പൗലൊസ്‌ യുവശി​ഷ്യ​നായ തിമൊ​ഥെ​യൊ​സി​നെ കണ്ടെത്തി​യത്‌. സാധ്യ​ത​യ​നു​സ​രിച്ച്‌, തന്റെ കൗമാ​ര​പ്രാ​യ​ത്തി​ന്റെ ഒടുവിൽ അല്ലെങ്കിൽ 20-കളുടെ തുടക്ക​ത്തിൽ ആയിരുന്ന തിമൊ​ഥെ​യൊ​സി​നെ കുറിച്ച്‌ ലുസ്‌ത്ര​യി​ലും ഇക്കോ​ന്യ​യി​ലും ഉള്ള ക്രിസ്‌ത്യാ​നി​കൾക്ക്‌ നല്ല അഭി​പ്രാ​യം ഉണ്ടായി​രു​ന്നു. (പ്രവൃ​ത്തി​കൾ 16:1-3) “ദൈവത്തെ ബഹുമാ​നി​ക്കു​ന്നവൻ” എന്നർഥ​മുള്ള തന്റെ പേരി​നൊ​പ്പം അവൻ ജീവിച്ചു. ബാല്യം മുതൽ അവന്റെ വല്യമ്മ ലോവീ​സും അമ്മ യൂനീ​ക്ക​യും തിരു​വെ​ഴു​ത്തു​ക​ളിൽനി​ന്നും അവനെ പഠിപ്പി​ച്ചി​രു​ന്നു. (2 തിമൊ​ഥെ​യൊസ്‌ 1:5; 3:14, 15) രണ്ടുവർഷം മുമ്പ്‌ അവരുടെ നഗരത്തി​ലെ പൗലൊ​സി​ന്റെ ഒന്നാമത്തെ സന്ദർശന സമയത്താ​കാം അവർ ക്രിസ്‌ത്യാ​നി​ത്വം സ്വീക​രി​ച്ചത്‌. ഇപ്പോൾ, പരിശു​ദ്ധാ​ത്മാ​വി​ന്റെ പ്രവർത്തനം മുഖാ​ന്തരം തിമൊ​ഥെ​യൊ​സി​ന്റെ ഭാവി എന്താകു​മെന്ന്‌ ഒരു പ്രവചനം സൂചി​പ്പി​ച്ചു. (1 തിമൊ​ഥെ​യൊസ്‌ 1:18) ആ മാർഗ​നിർദേ​ശ​ത്തി​നു ചേർച്ച​യിൽ, പൗലൊ​സും സഭയിലെ മൂപ്പന്മാ​രും ആ യുവാ​വി​ന്റെ മേൽ കൈ​വെച്ചു, അങ്ങനെ അവനെ ഒരു പ്രത്യേക സേവന​ത്തി​നാ​യി വേർതി​രി​ച്ചു, അപ്പൊ​സ്‌തലൻ അവനെ തന്റെ മിഷന​റി​വേ​ല​യി​ലെ സഹകാ​രി​യാ​യി തിര​ഞ്ഞെ​ടു​ക്കു​ക​യും ചെയ്‌തു.—1 തിമൊ​ഥെ​യൊസ്‌ 4:14; 2 തിമൊ​ഥെ​യൊസ്‌ 1:6.

അവന്റെ പിതാവ്‌ ഒരു അവിശ്വാ​സി​യായ ഗ്രീക്കു​കാ​രൻ ആയിരു​ന്ന​തു​കൊണ്ട്‌ തിമൊ​ഥെ​യൊ​സി​നെ പരി​ച്ഛേദന ചെയ്‌തി​രു​ന്നില്ല. വ്യക്തമാ​യും, അത്‌ ഒരു ക്രിസ്‌തീയ വ്യവസ്ഥ ആയിരു​ന്നി​ല്ല​താ​നും. എങ്കിലും, അവർ സന്ദർശി​ക്കാ​നി​രുന്ന യഹൂദ​ന്മാർക്ക്‌ ഒരു ഇടർച്ച​ക്കല്ല്‌ ആകാതി​രി​ക്കാൻ തിമൊ​ഥെ​യൊസ്‌ വേദനാ​ക​ര​മായ ഈ നടപടി​ക്കു വഴങ്ങി.—പ്രവൃ​ത്തി​കൾ 16:3.

തിമൊ​ഥെ​യൊ​സി​നെ നേരത്തെ ഒരു യഹൂദ​നാ​യി പരിഗ​ണി​ച്ചി​രു​ന്നോ? ചില പണ്ഡിത​ന്മാർ വാദി​ക്കു​ന്നത്‌ റബ്ബിമാ​രു​ടെ ആധികാ​രിക രേഖക​ള​നു​സ​രിച്ച്‌, “മിശ്ര​വി​വാ​ഹ​ത്തിൽ ജനിക്കുന്ന കുട്ടി​യു​ടെ വംശം മാതാ​വി​ന്റേത്‌ ആയിരി​ക്കും, പിതാ​വി​ന്റേതല്ല” എന്നാണ്‌. അതായത്‌, “ഒരു യഹൂദ സ്‌ത്രീ​ക്കു ജനിക്കുന്ന കുട്ടികൾ യഹൂദ​രാണ്‌.” എങ്കിലും, “വ്യക്തി​കളെ സംബന്ധിച്ച റബ്ബിമാ​രു​ടെ അത്തരം നിയമം പൊ.യു. ഒന്നാം നൂറ്റാ​ണ്ടിൽ നിലവി​ലി​രു​ന്നോ” എന്നതി​നെ​യും ഏഷ്യാ​മൈ​ന​റിൽ ഉള്ള യഹൂദർ അത്‌ അനുഷ്‌ഠി​ച്ചി​രു​ന്നോ എന്നതി​നെ​യും എഴുത്തു​കാ​ര​നായ ഷേ കോഹെൻ ചോദ്യം ചെയ്യുന്നു. ചരി​ത്ര​പ​ര​മായ തെളിവു പരി​ശോ​ധിച്ച ശേഷം അദ്ദേഹം ഇങ്ങനെ നിഗമനം ചെയ്യുന്നു: വിജാ​തീ​യ​രായ പുരു​ഷ​ന്മാർ ഇസ്രാ​യേല്യ സ്‌ത്രീ​കളെ വിവാഹം കഴിക്കു​മ്പോൾ “ആ ബന്ധത്തിൽ ഉണ്ടാകുന്ന കുട്ടികൾ ഇസ്രാ​യേ​ല്യ​രാ​യി പരിഗ​ണി​ക്ക​പ്പെ​ട്ടി​രു​ന്നത്‌ ആ കുടും​ബം ഇസ്രാ​യേ​ല്യ​രു​ടെ കൂടെ താമസി​ച്ചാൽ മാത്ര​മാ​യി​രു​ന്നു. അമ്മയുടെ രാജ്യ​ത്താ​യി​രു​ന്നെ​ങ്കിൽ വംശപ​രമ്പര തായ്‌വ​ഴി​യി​ലൂ​ടെ ആയിരു​ന്നു. തന്റെ പുറജാ​തീയ ഭർത്താ​വി​ന്റെ കൂടെ പാർക്കാൻ അവൾ പരദേ​ശ​ത്തേക്കു പോയാൽ അവളുടെ മക്കളെ പുറജാ​തീ​യ​രാ​യി കരുതി​യി​രു​ന്നു.” സംഗതി എന്തുതന്നെ ആയിരു​ന്നാ​ലും, തിമൊ​ഥെ​യൊ​സി​ന്റെ മാതാവ്‌ യിസ്രാ​യേ​ല്യ​യും പിതാവ്‌ ഗ്രീക്കു​കാ​ര​നും ആയിരു​ന്നത്‌ അവന്റെ പ്രസംഗ വേലയിൽ ഒരു മുതൽക്കൂ​ട്ടാ​യി​രു​ന്നി​രി​ക്കണം. യഹൂദ​ന്മാ​രു​മാ​യോ പുറജാ​തീ​യ​രു​മാ​യോ ഒത്തു​പോ​കു​ന്ന​തിൽ അവനു പ്രശ്‌ന​ങ്ങ​ളൊ​ന്നും ഉണ്ടായി​രി​ക്കു​മാ​യി​രു​ന്നില്ല. അവർക്കി​ട​യി​ലെ ഭിന്നതകൾ മറിക​ട​ക്കാൻ അത്‌ അവനെ പ്രാപ്‌ത​നാ​ക്കി​യി​രി​ക്കാം.

പൗലൊ​സി​ന്റെ ലുസ്‌ത്ര​യി​ലെ സന്ദർശനം തിമൊ​ഥെ​യൊ​സി​ന്റെ ജീവി​ത​ത്തിൽ ഒരു വഴിത്തി​രി​വാ​യി. പരിശു​ദ്ധാ​ത്മാ​വി​ന്റെ മാർഗ​നിർദേശം പിൻപ​റ്റാ​നും  ക്രിസ്‌തീയ മൂപ്പന്മാ​രോ​ടു താഴ്‌മ​യോ​ടെ സഹകരി​ക്കാ​നു​മുള്ള ആ ചെറു​പ്പ​ക്കാ​രന്റെ മനസ്സൊ​രു​ക്കം ഹേതു​വാ​യി അവനു മഹത്തായ അനു​ഗ്ര​ഹ​ങ്ങ​ളും സേവന പദവി​ക​ളും ലഭിച്ചു. ആ സമയത്ത്‌ തിമൊ​ഥെ​യൊസ്‌ മനസ്സി​ലാ​ക്കി​യി​രു​ന്നാ​ലും ഇല്ലെങ്കി​ലും, അവന്റെ സ്വദേ​ശത്തു നിന്ന്‌ സാമ്രാ​ജ്യ​ത്തി​ന്റെ തലസ്ഥാന നഗരി​യായ റോം വരെ​പോ​ലും ഉള്ള പ്രദേ​ശ​ങ്ങ​ളി​ലെ സുപ്ര​ധാ​ന​മായ ദിവ്യാ​ധി​പത്യ നിയമ​ന​ങ്ങ​ളിൽ പൗലൊ​സി​ന്റെ നിർദേ​ശ​ത്തിൻ കീഴിൽ അവൻ പിന്നീട്‌ ഉപയോ​ഗി​ക്ക​പ്പെ​ടു​മാ​യി​രു​ന്നു.

തിമൊ​ഥെ​യൊസ്‌ രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ച്ചു

തിമൊ​ഥെ​യൊ​സി​ന്റെ പ്രവർത്ത​നങ്ങൾ സംബന്ധിച്ച ഭാഗി​ക​മായ വിവര​ങ്ങളേ നമുക്കു​ള്ളൂ. എന്നിരു​ന്നാ​ലും രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കാ​നാ​യി അവൻ വ്യാപ​ക​മായ യാത്രകൾ നടത്തി​യ​താ​യി നമുക്ക്‌ അറിയാം. പൊ.യു. 50-ൽ പൗലൊ​സി​നോ​ടും ശീലാ​സി​നോ​ടും ഒപ്പമുള്ള തിമൊ​ഥെ​യൊ​സി​ന്റെ ഒന്നാമത്തെ യാത്ര​യിൽ അവൻ ഏഷ്യാ​മൈ​ന​റിൽ ഉടനീളം സഞ്ചരിച്ചു, യൂറോ​പ്പി​ലും എത്തി. അവിടെ അവൻ ഫിലി​പ്പി​യി​ലും തെസ്സ​ലൊ​നീ​ക്യ​യി​ലും ബെരോ​വ​യി​ലും സുവാർത്താ പ്രസംഗ പ്രവർത്ത​ന​ത്തിൽ ഏർപ്പെട്ടു. എതിർപ്പു നിമിത്തം പൗലൊ​സിന്‌ ഏഥൻസി​ലേക്കു പോ​കേ​ണ്ടി​വന്നു. ബെരോ​വ​യിൽ രൂപീ​കൃ​ത​മായ ഒരു കൂട്ടം ശിഷ്യ​ന്മാ​രു​ടെ ആത്മീയാ​വ​ശ്യ​ങ്ങൾക്കു ശ്രദ്ധ കൊടു​ക്കാ​നാ​യി തിമൊ​ഥെ​യൊ​സും ശീലാ​സും അവിടെ തങ്ങി. (പ്രവൃ​ത്തി​കൾ 16:6-17:14) പിന്നീട്‌, തെസ്സ​ലൊ​നീ​ക്യ​യി​ലുള്ള പുതിയ സഭയെ ബലപ്പെ​ടു​ത്താ​നാ​യി പൗലൊസ്‌ തിമൊ​ഥെ​യൊ​സി​നെ അങ്ങോ​ട്ട​യച്ചു. കൊരി​ന്തിൽവെച്ച്‌ പൗലൊ​സി​നെ കണ്ടുമു​ട്ടു​മ്പോൾ സഭയുടെ പുരോ​ഗതി സംബന്ധിച്ച നല്ല വാർത്ത​ക​ളാണ്‌ തിമൊ​ഥെ​യൊ​സി​നു പറയാ​നു​ണ്ടാ​യി​രു​ന്നത്‌.—പ്രവൃ​ത്തി​കൾ 18:5; 1 തെസ്സ​ലൊ​നീ​ക്യർ 3:1-7.

തിമൊ​ഥെ​യൊസ്‌ കൊരി​ന്ത്യ​രോ​ടൊ​പ്പം എത്ര നാൾ താമസി​ച്ചെന്നു തിരു​വെ​ഴു​ത്തു​കൾ പറയു​ന്നില്ല. (2 കൊരി​ന്ത്യർ 1:19) എന്നുവ​രി​കി​ലും, കൊരി​ന്ത്യ​രു​ടെ അവസ്ഥയെ കുറിച്ച്‌ അലോ​സ​ര​പ്പെ​ടു​ത്തുന്ന വാർത്തകൾ ലഭിച്ച​തി​നെ തുടർന്ന്‌ പൊ.യു. 55-ൽ ആയിരി​ക്കാം തിമൊ​ഥെ​യൊ​സി​നെ അവരുടെ അടുക്ക​ലേക്ക്‌ അയയ്‌ക്കുന്ന കാര്യം പൗലൊസ്‌ പരിചി​ന്തി​ച്ചത്‌. (1 കൊരി​ന്ത്യർ 4:17; 16:10) പിന്നെ, എരസ്‌തൊ​സി​നോ​ടു കൂടെ തിമൊ​ഥെ​യൊ​സി​നെ എഫെസൂ​സിൽ നിന്നും മക്കെ​ദോ​ന്യ​യി​ലേക്ക്‌ അയച്ചു. പൗലൊസ്‌ കൊരി​ന്തിൽ നിന്നു റോമർക്കുള്ള തന്റെ ലേഖന​മെ​ഴു​തുന്ന അവസര​ത്തി​ലും അവനോ​ടു കൂടെ തിമൊ​ഥെ​യൊസ്‌ ഉണ്ടായി​രു​ന്നു.—പ്രവൃ​ത്തി​കൾ 19:22; റോമർ 16:21.

പൗലൊസ്‌ യെരൂ​ശ​ലേ​മി​ലേക്കു യാത്ര തിരി​ച്ച​പ്പോൾ തിമൊ​ഥെ​യൊ​സും മറ്റുചി​ല​രും അവനോ​ടൊ​പ്പം കൊരി​ന്തു വിട്ടു, ത്രോ​വാസ്‌ വരെ​യെ​ങ്കി​ലും അവർ അപ്പൊ​സ്‌ത​ല​ന്റെ​കൂ​ടെ പോയി​രി​ക്കാം. തിമൊ​ഥെ​യൊസ്‌ യെരൂ​ശ​ലേ​മി​ലേക്കു പോയോ എന്ന്‌ അറിയില്ല. പൗലൊസ്‌ റോമിൽ തടവി​ലാ​യി​രി​ക്കെ, സാധ്യ​ത​യ​നു​സ​രിച്ച്‌ പൊ.യു. 60-61 കാലയ​ള​വിൽ അവൻ എഴുതിയ മൂന്ന്‌ ലേഖന​ങ്ങ​ളു​ടെ​യും തുടക്ക​ത്തിൽ തിമൊ​ഥെ​യൊ​സി​ന്റെ പേരു കാണാം. a (പ്രവൃ​ത്തി​കൾ 20:4; ഫിലി​പ്പി​യർ 1:1; കൊ​ലൊ​സ്സ്യർ 1:1; ഫിലേ​മോൻ 1) തിമൊ​ഥെ​യൊ​സി​നെ റോമിൽ നിന്നും ഫിലി​പ്പി​യി​ലേക്ക്‌ അയയ്‌ക്കാ​നുള്ള ഉദ്ദേശ്യം പൗലൊ​സിന്‌ ഉണ്ടായി​രു​ന്നു. (ഫിലി​പ്പി​യർ 2:19) പൗലൊസ്‌ തടവിൽ നിന്നു വിടു​വി​ക്ക​പ്പെ​ട്ട​ശേഷം അപ്പൊ​സ്‌ത​ലന്റെ നിർദേ​ശ​പ്ര​കാ​രം തിമൊ​ഥെ​യൊസ്‌ എഫെസൂ​സിൽ തന്നെ തങ്ങി.—1 തിമൊ​ഥെ​യൊസ്‌ 1:4.

ഒന്നാം നൂറ്റാ​ണ്ടി​ലെ യാത്ര എളുപ്പ​മോ സുഖക​ര​മോ അല്ലാഞ്ഞ​തി​നാൽ, സഭകൾക്കു വേണ്ടി അനവധി യാത്രകൾ നടത്താ​നുള്ള തിമൊ​ഥെ​യൊ​സി​ന്റെ സന്നദ്ധത യഥാർഥ​ത്തിൽ അഭിന​ന്ദ​നാർഹ​മാ​യി​രു​ന്നു. (1996 ആഗസ്റ്റ്‌ 15 വീക്ഷാ​ഗോ​പു​ര​ത്തി​ന്റെ 29-ാം പേജിലെ ചതുരം കാണുക.) തിമൊ​ഥെ​യൊസ്‌ നടത്തിയ ഒരു യാത്ര​യെ​യും അത്‌ അവനെ കുറിച്ച്‌ നൽകുന്ന സന്ദേശ​ത്തെ​യും പറ്റി പരിചി​ന്തി​ക്കുക.

തിമൊ​ഥെ​യൊ​സി​ന്റെ വ്യക്തി​ത്വം സംബന്ധിച്ച ഗ്രാഹ്യം

ഫിലി​പ്പി​യിൽ പീഡന​മ​നു​ഭ​വി​ക്കുന്ന ക്രിസ്‌ത്യാ​നി​കൾക്ക്‌ തടവി​ലാ​യി​രുന്ന പൗലൊസ്‌ അപ്പൊ​സ്‌തലൻ പിൻവ​രുന്ന പ്രകാരം എഴുതി​യ​പ്പോൾ തിമൊ​ഥെ​യൊസ്‌ അവന്റെ കൂടെ ഉണ്ടായി​രു​ന്നു: “എന്നാൽ നിങ്ങളു​ടെ വസ്‌തുത അറിഞ്ഞി​ട്ടു എനിക്കും മനം തണു​ക്കേ​ണ്ട​തി​ന്നു തിമൊ​ഥെ​യോ​സി​നെ വേഗത്തിൽ അങ്ങോട്ടു അയക്കാം എന്നു കർത്താ​വായ യേശു​വിൽ ഞാൻ ആശിക്കു​ന്നു. നിങ്ങളെ സംബന്ധി​ച്ചു പരമാർത്ഥ​മാ​യി കരുതു​വാൻ തുല്യ​ചി​ത്ത​നാ​യി എനിക്കു മററാ​രു​മില്ല. യേശു​ക്രി​സ്‌തു​വി​ന്റെ കാര്യമല്ല സ്വന്ത കാര്യ​മ​ത്രേ എല്ലാവ​രും നോക്കു​ന്നു. അവനോ മകൻ അപ്പന്നു ചെയ്യു​ന്ന​തു​പോ​ലെ എന്നോ​ടു​കൂ​ടെ സുവി​ശേ​ഷ​ഘോ​ഷ​ണ​ത്തിൽ സേവ​ചെ​യ്‌തു എന്നുള്ള അവന്റെ സിദ്ധത നിങ്ങൾ അറിയു​ന്നു​വ​ല്ലോ.”—ഫിലി​പ്പി​യർ 1:1, 13, 28-30; 2:19-22.

സഹവി​ശ്വാ​സി​ക​ളോ​ടുള്ള തിമൊ​ഥെ​യൊ​സി​ന്റെ താത്‌പ​ര്യ​ത്തെ​യാണ്‌ ആ വാക്കുകൾ ഊന്നി​പ്പ​റ​യു​ന്നത്‌. പൗലൊസ്‌ പരാമർശിച്ച ആ യാത്ര, അവൻ ഒരു ബോട്ടിൽ പോകാ​ത്ത​പക്ഷം, റോമിൽ നിന്നും ഫിലി​പ്പി​യി​ലേ​ക്കുള്ള 40 ദിവസത്തെ കാൽന​ട​യാ​ത്ര ആയിരു​ന്നു. അതിൽ അഡ്രി​യാ​റ്റിക്‌ കടലിന്റെ കുറച്ചു ഭാഗം കുറുകെ കടക്കു​ന്ന​തും ഉൾപ്പെ​ട്ടി​രു​ന്നു. റോമി​ലേ​ക്കുള്ള മടക്കയാ​ത്ര​യ്‌ക്കും വേണമാ​യി​രു​ന്നു അത്രയും തന്നെ ദിവസം. സഹോ​ദ​ര​ങ്ങളെ സേവി​ക്കാ​നാ​യി അതെല്ലാം ചെയ്യാൻ തിമൊ​ഥെ​യൊസ്‌ തയ്യാറാ​യി​രു​ന്നു.

വ്യാപ​ക​മാ​യി യാത്രകൾ നടത്തി​യെ​ങ്കി​ലും ചില​പ്പോ​ഴൊ​ക്കെ അവന്റെ ആരോ​ഗ്യ​നില മോശ​മാ​യി​രു​ന്നു. അവന്‌ വയറ്റി​ല​സു​ഖ​വും “കൂടെ​ക്കൂ​ടെ ഉണ്ടാകാ​റുള്ള രോഗ​ങ്ങ​ളും” ഉണ്ടായി​രു​ന്നു. (1 തിമൊ​ഥെ​യൊസ്‌ 5: 23, ഓശാന ബൈബിൾ) എന്നിട്ടും സുവാർത്ത​യ്‌ക്കു​വേണ്ടി അവൻ കഠിന​വേല ചെയ്‌തു. പൗലൊ​സിന്‌ അവനു​മാ​യി ഒരു ഉറ്റബന്ധം ഉണ്ടായി​രു​ന്ന​തിൽ അതിശ​യ​മില്ല!

പൗലൊ​സി​ന്റെ രക്ഷാകർത്തൃ​ത്വ​ത്തിൽ ആയിരു​ന്ന​പ്പോ​ഴും അവന്റെ കൂടെ പ്രവർത്തി​ച്ച​പ്പോ​ഴും പൗലൊ​സി​ന്റെ വ്യക്തി​ത്വ​ത്തെ തിമൊ​ഥെ​യൊസ്‌ വ്യക്തമാ​യും പ്രതി​ഫ​ലി​പ്പി​ച്ചി​രി​ക്കണം. അതു​കൊണ്ട്‌, പൗലൊ​സിന്‌ അവനെ കുറിച്ചു പിൻവ​രുന്ന പ്രകാരം പറയാൻ കഴിഞ്ഞു: “നീയോ എന്റെ ഉപദേശം, നടപ്പു, ഉദ്ദേശം, വിശ്വാ​സം, ദീർഘക്ഷമ, സ്‌നേഹം, സഹിഷ്‌ണുത എന്നിവ​യും അന്ത്യൊ​ക്ക്യ​യി​ലും ഇക്കൊ​ന്യ​യി​ലും ലുസ്‌ത്ര​യി​ലും എനിക്കു സംഭവിച്ച ഉപദ്ര​വ​വും കഷ്ടാനു​ഭ​വ​വും കണ്ടറി​ഞ്ഞി​രി​ക്കു​ന്നു.” തിമൊ​ഥെ​യൊസ്‌ പൗലൊ​സി​നോ​ടൊ​പ്പം കണ്ണുനീർ പൊഴി​ച്ചി​രു​ന്നു, തിമൊ​ഥെ​യൊ​സി​നു വേണ്ടി പൗലൊസ്‌ പ്രാർഥി​ച്ചി​രു​ന്നു, രാജ്യ താത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി തിമൊ​ഥെ​യൊസ്‌ അവനോ​ടൊത്ത്‌ അക്ഷീണം പ്രവർത്തി​ക്കു​ക​യും ചെയ്‌തി​രു​ന്നു.—2 തിമൊ​ഥെ​യൊസ്‌ 1:3, 4; 3:10, 11.

‘ആരും നിന്റെ യൗവനം തുച്ഛീ​ക​രി​ക്കാ​തി​രി​ക്കട്ടെ’ എന്നു പൗലൊസ്‌ തിമൊ​ഥെ​യൊ​സി​നെ പ്രോ​ത്സാ​ഹി​പ്പി​ച്ചു. തന്റെ അധികാ​രം ശക്തമായി ഉപയോ​ഗി​ക്കു​ന്ന​തിൽ മടിയു​ള്ള​വ​നും ഏറെക്കു​റെ നാണം​കു​ണു​ങ്ങി​യു​മായ ഒരുവ​നാ​യി​രു​ന്നു തിമൊ​ഥെ​യൊസ്‌ എന്നായി​രി​ക്കാം ഇതു സൂചി​പ്പി​ക്കു​ന്നത്‌. (1 തിമൊ​ഥെ​യൊസ്‌ 4:12; 1 കൊരി​ന്ത്യർ 16:10, 11) എന്നുവ​രി​കി​ലും, പരസഹാ​യം കൂടാതെ കാര്യങ്ങൾ നിർവ​ഹി​ക്കാൻ അവൻ പ്രാപ്‌ത​നാ​യി​രു​ന്നു. ഉത്തരവാ​ദി​ത്വ​മേ​റിയ ദൗത്യ​ങ്ങൾക്കാ​യി അവനെ പൂർണ​ബോ​ധ്യ​ത്തോ​ടെ അയയ്‌ക്കാൻ പൗലൊ​സി​നു സാധി​ക്കു​ക​യും ചെയ്‌തി​രു​ന്നു. (1 തെസ്സ​ലൊ​നീ​ക്യർ 3:1, 2) എഫെസൂ​സി​ലെ സഭയ്‌ക്ക്‌ ശക്തമായ ദിവ്യാ​ധി​പത്യ മേൽവി​ചാ​ര​ണ​യു​ടെ ആവശ്യ​മു​ണ്ടെന്നു പൗലൊസ്‌ തിരി​ച്ച​റി​ഞ്ഞ​പ്പോൾ ‘അന്യഥാ ഉപദേ​ശി​ക്ക​രു​തെന്ന്‌ ചില​രോട്‌ ആജ്ഞാപി​ക്കാൻ’ അവിടെ താമസി​ക്കാൻ അവൻ തിമൊ​ഥെ​യൊ​സി​നെ പ്രോ​ത്സാ​ഹി​പ്പി​ച്ചു. (1 തിമൊ​ഥെ​യൊസ്‌ 1:3) അനേകം ഉത്തരവാ​ദി​ത്വ​ങ്ങൾ ഭരമേൽപ്പി​ക്ക​പ്പെ​ട്ടെ​ങ്കി​ലും തിമൊ​ഥെ​യൊസ്‌ വിനയ​മു​ള്ളവൻ ആയിരു​ന്നു. കുറെ​യൊ​ക്കെ ലജ്ജാശീ​ല​മുള്ള വ്യക്തി ആയിരു​ന്നെ​ങ്കി​ലും അവൻ ധൈര്യ​മു​ള്ളവൻ ആയിരു​ന്നു. ഉദാഹ​ര​ണ​ത്തിന്‌, വിശ്വാ​സത്തെ പ്രതി വിചാരണ ചെയ്യ​പ്പെ​ടുന്ന പൗലൊ​സി​നെ സഹായി​ക്കാൻ അവൻ റോമി​ലേക്കു പോയി. വാസ്‌ത​വ​ത്തിൽ, മിക്കവാ​റും അതേ കാരണ​ത്താൽ തിമൊ​ഥെ​യൊ​സും കുറെ​ക്കാ​ലം തടവിൽ കഴിഞ്ഞു.—എബ്രായർ 13:23.

തിമൊ​ഥെ​യൊസ്‌ വളരെ കാര്യങ്ങൾ പൗലൊ​സിൽ നിന്നും പഠിച്ചു എന്നതിനു സംശയ​മില്ല. തന്റെ സഹപ്ര​വർത്ത​ക​നോട്‌ അപ്പൊ​സ്‌ത​ല​നു​ണ്ടാ​യി​രുന്ന മതിപ്പി​ന്റെ മതിയായ തെളി​വാണ്‌ ദിവ്യ​നി​ശ്വ​സ്‌ത​മായ രണ്ടു ലേഖനങ്ങൾ അവൻ തിമൊ​ഥെ​യൊ​സിന്‌ എഴുതി എന്ന വസ്‌തുത. ഇന്ന്‌ അവ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ ഭാഗമാണ്‌. തന്റെ രക്തസാ​ക്ഷി​ത്വം ആസന്നമാ​ണെന്നു തിരി​ച്ച​റിഞ്ഞ പൗലൊസ്‌ സാധ്യ​ത​യ​നു​സ​രിച്ച്‌ പൊ.യു. 65-ൽ തിമൊ​ഥെ​യൊ​സി​നെ തന്റെ അടുക്ക​ലേക്കു വീണ്ടും വിളിച്ചു. (2 തിമൊ​ഥെ​യൊസ്‌ 4:6, 9) അപ്പൊ​സ്‌തലൻ വധിക്ക​പ്പെ​ടു​ന്ന​തി​നു മുമ്പു തിമൊ​ഥെ​യൊസ്‌ അവനെ കണ്ടോ ഇല്ലയോ എന്നു തിരു​വെ​ഴു​ത്തു​കൾ പറയു​ന്നില്ല.

നിങ്ങ​ളെ​ത്തന്നെ ലഭ്യരാ​ക്കുക!

തിമൊ​ഥെ​യൊ​സി​ന്റെ നല്ല മാതൃ​ക​യിൽ നിന്നും ഒട്ടനവധി കാര്യങ്ങൾ പഠിക്കാൻ കഴിയും. പൗലൊ​സു​മാ​യുള്ള സഹവാ​സ​ത്തിൽ നിന്നും അവൻ വളരെ​യ​ധി​കം പ്രയോ​ജനം അനുഭ​വി​ച്ചു, ഒരു നാണം​കു​ണു​ങ്ങി യുവാ​വാ​യി​രുന്ന അവൻ ഒരു മേൽവി​ചാ​ര​ക​നാ​യി പുരോ​ഗതി പ്രാപി​ച്ചു. ചെറു​പ്പ​ക്കാ​രായ ക്രിസ്‌തീയ സ്‌ത്രീ​പു​രു​ഷ​ന്മാർക്ക്‌ ഇക്കാലത്ത്‌ സമാന​മായ സഹവാ​സ​ത്തിൽ നിന്നും അനവധി പ്രയോ​ജ​നങ്ങൾ നേടാൻ സാധി​ക്കും. യഹോ​വ​യു​ടെ സേവന​ത്തിന്‌ അവർ തങ്ങളുടെ ജീവി​ത​ത്തിൽ മുന്തിയ സ്ഥാനം കൊടു​ക്കു​ന്നെ​ങ്കിൽ, മൂല്യ​വ​ത്തായ ധാരാളം വേല ചെയ്യാൻ അവർക്കു​ണ്ടാ​യി​രി​ക്കും. (1 കൊരി​ന്ത്യർ 15:58) അവർ തങ്ങളുടെ മാതൃ​സ​ഭ​യിൽ പയനി​യർമാ​രോ മുഴു​സമയ പ്രസം​ഗ​ക​രോ ആയിത്തീർന്നേ​ക്കാം, അല്ലെങ്കിൽ രാജ്യ​ഘോ​ഷ​കരെ കൂടുതൽ ആവശ്യ​മുള്ള സ്ഥലങ്ങളിൽ പോയി സേവി​ക്കാൻ അവർക്കു കഴി​ഞ്ഞേ​ക്കാം. മറ്റൊരു രാജ്യ​ത്തുള്ള മിഷനറി വേല, വാച്ച്‌ ടവർ സൊ​സൈ​റ്റി​യു​ടെ ലോക ആസ്ഥാന​ത്തോ ഒരു ബ്രാഞ്ചി​ലോ ഉള്ള സേവനം തുടങ്ങി അനേകം സേവന അവസരങ്ങൾ അതിൽ ഉൾപ്പെ​ട്ടേ​ക്കാം. തീർച്ച​യാ​യും, യഹോ​വ​യ്‌ക്കു മുഴു ദേഹി​യോ​ടെ സേവന​മർപ്പി​ച്ചു​കൊണ്ട്‌ എല്ലാ ക്രിസ്‌ത്യാ​നി​കൾക്കും തിമൊ​ഥെ​യൊസ്‌ പ്രകട​മാ​ക്കിയ അതേ ആത്മാവ്‌ പ്രകടി​പ്പി​ക്കാ​നാ​വും.

ആത്മീയ​മാ​യി വളരു​ന്ന​തിൽ തുടരാൻ, യഹോവ ഉചിത​മെന്നു കരുതുന്ന നിലക​ളിൽ സേവി​ച്ചു​കൊണ്ട്‌ അവന്റെ സംഘട​ന​യ്‌ക്ക്‌ ഒരു മുതൽക്കൂട്ട്‌ ആയിരി​ക്കാൻ നിങ്ങൾക്ക്‌ ആഗ്രഹ​മു​ണ്ടോ? എങ്കിൽ തിമൊ​ഥെ​യൊ​സി​നെ പോലെ പ്രവർത്തി​ക്കുക. സാധ്യ​മാ​കു​ന്നി​ട​ത്തോ​ളം നിങ്ങ​ളെ​ത്തന്നെ ലഭ്യരാ​ക്കുക. ഭാവി​യിൽ ഏതൊക്കെ സേവന​പ​ദ​വി​ക​ളാണ്‌ നിങ്ങൾക്കു ലഭിക്കാൻ പോകു​ന്ന​തെന്ന്‌ ആർക്കറി​യാം?

[അടിക്കു​റി​പ്പു​കൾ]

[31-ാം പേജിലെ ചിത്രം]

“തുല്യ​ചി​ത്ത​നാ​യി എനിക്കു മററാ​രു​മില്ല”