നിങ്ങൾക്ക്‌ അവസാ​ന​ത്തോ​ളം സഹിച്ചു​നിൽക്കാ​നാ​കും

“നമ്മുടെ മുമ്പാകെ വെച്ചി​രി​ക്കുന്ന ഓട്ടം നമുക്കു സഹിഷ്‌ണു​ത​യോ​ടെ ഓടാം.”—എബ്രായർ 12:1, NW.

1, 2. സഹിച്ചു​നിൽക്കുക എന്നാൽ അർഥ​മെന്ത്‌?

 “സഹിഷ്‌ണുത നിങ്ങൾക്കു ആവശ്യം,” അപ്പൊ​സ്‌ത​ല​നായ പൗലൊസ്‌ ഒന്നാം നൂറ്റാ​ണ്ടി​ലെ എബ്രായ ക്രിസ്‌ത്യാ​നി​കൾക്ക്‌ എഴുതി. (എബ്രായർ 10:36) ഈ ഗുണത്തി​ന്റെ പ്രാധാ​ന്യം ഊന്നി​പ്പ​റ​ഞ്ഞു​കൊണ്ട്‌ അപ്പൊ​സ്‌ത​ല​നായ പത്രൊസ്‌ ക്രിസ്‌ത്യാ​നി​കളെ സമാന​മാ​യി ഇങ്ങനെ ഉദ്‌ബോ​ധി​പ്പി​ച്ചു: “നിങ്ങളു​ടെ വിശ്വാ​സ​ത്തിന്‌ . . . സഹിഷ്‌ണുത . . . പ്രദാനം ചെയ്യുക.” (2 പത്രൊസ്‌ 1:5, 6, NW) എന്നാൽ, കൃത്യ​മാ​യും എന്താണ്‌ സഹിഷ്‌ണുത?

² “സഹിച്ചു​നിൽക്കുക” എന്നതിന്റെ ഗ്രീക്കു ക്രിയാ​പ​ദത്തെ ഒരു ഗ്രീക്ക്‌-ഇംഗ്ലീഷ്‌ നിഘണ്ടു “ഓടി​ര​ക്ഷ​പ്പെ​ടു​ന്ന​തി​നു പകരം അവി​ടെ​ത്തന്നെ തുടരുക . . ., ഉറച്ചു​നിൽക്കുക, കീഴട​ക്ക​പ്പെ​ടാ​തെ നില​കൊ​ള്ളുക” എന്നിങ്ങനെ നിർവ​ചി​ക്കു​ന്നു. “സഹിഷ്‌ണുത” എന്നതിന്റെ ഗ്രീക്കു നാമപ​ദത്തെ കുറിച്ച്‌ ഒരു പരാമർശ ഗ്രന്ഥം പറയുന്നു: “അതു കാര്യങ്ങൾ സഹിക്കാൻ കഴിവുള്ള മാനസി​ക​ഭാ​വ​മാണ്‌, വെറുതെ കീഴട​ങ്ങി​ക്കൊ​ണ്ടല്ല മറിച്ച്‌, തീക്ഷ്‌ണ​മായ പ്രത്യാ​ശ​യോ​ടെ . . . അത്‌ ഒരു മനുഷ്യ​നെ കാറ്റിന്‌ എതിരെ പിടി​ച്ചു​നിർത്തുന്ന ഗുണമാണ്‌. അത്‌ ഏറ്റവും കഠിന​മായ പരി​ശോ​ധ​നയെ മഹത്ത്വ​മാ​ക്കി മാറ്റാൻ കഴിയുന്ന സദ്‌ഗു​ണ​മാണ്‌, കാരണം അത്‌ വേദന​യ്‌ക്ക​പ്പു​റം ലക്ഷ്യം കാണുന്നു.” ആ സ്ഥിതിക്ക്‌, പ്രതി​ബ​ന്ധ​ങ്ങ​ളു​ടെ​യും കഷ്ടപ്പാ​ടു​ക​ളു​ടെ​യും മധ്യേ ഉറച്ചു​നിൽക്കാ​നും പ്രത്യാശ കൈ​വെ​ടി​യാ​തി​രി​ക്കാ​നും സഹിഷ്‌ണുത ഒരുവനെ പ്രാപ്‌ത​നാ​ക്കു​ന്നു. എന്നാൽ ആർക്കാണ്‌ വിശേ​ഷി​ച്ചും ഈ ഗുണം ആവശ്യ​മു​ള്ളത്‌?

3, 4. (എ) ആർക്കാണ്‌ സഹിഷ്‌ണുത ആവശ്യ​മു​ള്ളത്‌? (ബി) നാം അവസാ​ന​ത്തോ​ളം സഹിച്ചു​നിൽക്കേ​ണ്ടത്‌ എന്തു​കൊണ്ട്‌?

³ ആലങ്കാ​രി​ക​മാ​യി പറഞ്ഞാൽ, എല്ലാ ക്രിസ്‌ത്യാ​നി​ക​ളും സഹിഷ്‌ണുത ആവശ്യ​മുള്ള ഒരു ഓട്ടത്തിൽ ഏർപ്പെ​ട്ടി​രി​ക്കു​ക​യാണ്‌. ഏകദേശം പൊ.യു. 65-ൽ അപ്പൊ​സ്‌ത​ല​നായ പൗലൊസ്‌ തന്റെ സഹപ്ര​വർത്ത​ക​നും വിശ്വസ്‌ത സഞ്ചാര കൂട്ടാ​ളി​യും ആയിരുന്ന തിമൊ​ഥെ​യൊ​സിന്‌ പിൻവ​രുന്ന, ഉറപ്പേ​കുന്ന വാക്കുകൾ എഴുതി: “ഞാൻ നല്ല പോർ പൊരു​തു, ഓട്ടം തികെച്ചു, വിശ്വാ​സം കാത്തു.” (2 തിമൊ​ഥെ​യൊസ്‌ 4:7) “ഓട്ടം തികെച്ചു” എന്ന പദപ്ര​യോ​ഗ​ത്തി​ലൂ​ടെ പൗലൊസ്‌, ക്രിസ്‌ത്യാ​നി എന്ന നിലയി​ലുള്ള തന്റെ ജീവി​തത്തെ ഒരു നിശ്ചിത ഗതിയും പൂർത്തീ​കരണ രേഖയു​മുള്ള ഒരു ഓട്ടമ​ത്സ​ര​ത്തോട്‌ ഉപമി​ക്കു​ക​യാ​യി​രു​ന്നു. ആ സമയത്ത്‌ പൗലൊസ്‌ ആ ഓട്ടത്തി​ന്റെ അവസാ​ന​ത്തോട്‌ വിജയ​പൂർവം അടുക്കു​ക​യാ​യി​രു​ന്നു, സമ്മാനം കരസ്ഥമാ​ക്കു​ന്ന​തി​ലേക്ക്‌ അവൻ ഉറപ്പോ​ടെ നോക്കി​പ്പാർത്തി​രി​ക്കു​ക​യാ​യി​രു​ന്നു. അവൻ തുടർന്ന്‌ ഇങ്ങനെ പറഞ്ഞു:  “ഇനി നീതി​യു​ടെ കിരീടം എനിക്കാ​യി വെച്ചി​രി​ക്കു​ന്നു; അതു നീതി​യുള്ള ന്യായാ​ധി​പ​തി​യായ കർത്താവു ആ ദിവസ​ത്തിൽ എനിക്കു നല്‌കും.” (2 തിമൊ​ഥെ​യൊസ്‌ 4:8) സമ്മാനം ലഭിക്കു​മെന്നു പൗലൊ​സിന്‌ ഉറപ്പാ​യി​രു​ന്നു. കാരണം അവൻ അവസാ​ന​ത്തോ​ളം സഹിച്ചു​നി​ന്നു. എന്നാൽ നമ്മുടെ കാര്യ​ത്തി​ലോ?

⁴ ഓട്ടത്തിൽ ഏർപ്പെ​ട്ടി​രി​ക്കു​ന്ന​വരെ പ്രോ​ത്സാ​ഹി​പ്പി​ക്കാ​നാ​യി പൗലൊസ്‌ എഴുതി: “നമ്മുടെ മുമ്പാകെ വെച്ചി​രി​ക്കുന്ന ഓട്ടം നമുക്കു സഹിഷ്‌ണു​ത​യോ​ടെ ഓടാം.” (എബ്രായർ 12:1, NW) ക്രിസ്‌ത്യാ​നി​കൾ എന്ന നിലയിൽ, യഹോ​വ​യാം ദൈവ​ത്തിന്‌ യേശു​ക്രി​സ്‌തു​വി​ലൂ​ടെ നമ്മെത്തന്നെ സമർപ്പി​ക്കു​മ്പോൾ നാം സഹിഷ്‌ണുത ആവശ്യ​മുള്ള ഈ ഓട്ടത്തിൽ പ്രവേ​ശി​ക്കു​ന്നു. ശിഷ്യ​ത്വ​ത്തി​ന്റെ ഗതിയിൽ നല്ലൊരു തുടക്കം പ്രധാ​ന​മാണ്‌. എന്നാൽ ആത്യന്തി​ക​മാ​യി കണക്കി​ലെ​ടു​ക്കു​ന്നത്‌, നാം ആ ഗതി പൂർത്തി​യാ​ക്കു​ന്നു​വോ എന്നതാണ്‌. യേശു ഇങ്ങനെ പ്രഖ്യാ​പി​ച്ചു: “എന്നാൽ അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും.” (മത്തായി 24:13) ഓട്ടം വിജയ​ക​ര​മാ​യി പൂർത്തി​യാ​ക്കു​ന്ന​വരെ കാത്തി​രി​ക്കുന്ന സമ്മാനം നിത്യ​ജീ​വ​നാണ്‌! അതു​കൊണ്ട്‌, ഒരു ലക്ഷ്യം മനസ്സിൽ പിടി​ച്ചു​കൊണ്ട്‌ നാം അവസാ​ന​ത്തോ​ളം സഹിച്ചു നിൽക്കണം. ആ ലക്ഷ്യം നേടാൻ നമ്മെ എന്തു സഹായി​ക്കും?

ശരിയായ പോഷണം—അത്യന്താ​പേ​ക്ഷി​തം

5, 6. (എ) ജീവനു​വേ​ണ്ടി​യുള്ള ഓട്ടത്തിൽ സഹിച്ചു​നിൽക്ക​ണ​മെ​ങ്കിൽ നാം എന്തിനു ശ്രദ്ധ കൊടു​ക്കണം? (ബി) ഏത്‌ ആത്മീയ കരുത​ലു​കൾ നാം പ്രയോ​ജ​ന​പ്പെ​ടു​ത്തണം, എന്തു​കൊണ്ട്‌?

⁵ പുരാതന നാളു​ക​ളി​ലെ വിഖ്യാ​ത​മായ ഇസ്‌മി​യൻ കായിക മത്സരങ്ങൾ നടന്നി​രുന്ന സ്ഥലം ഗ്രീസി​ലെ കൊരി​ന്ത്യ നഗരത്തിന്‌ അടുത്താ​യി​രു​ന്നു. അവിടെ നടന്നി​രുന്ന അത്‌ല​റ്റിക്‌ മത്സരങ്ങളെ കുറി​ച്ചും മറ്റും കൊരി​ന്ത്യ ക്രിസ്‌ത്യാ​നി​കൾക്ക്‌ അറിയാ​മാ​യി​രു​ന്നെന്നു പൗലൊ​സി​നു തീർച്ച​യാ​യും ബോധ്യ​മു​ണ്ടാ​യി​രു​ന്നു. അവരുടെ ആ അറിവി​നെ അടിസ്ഥാ​ന​പ്പെ​ടു​ത്തി, അവർ ഏർപ്പെ​ട്ടി​രുന്ന ജീവനു​വേ​ണ്ടി​യുള്ള ഓട്ടത്തെ കുറിച്ച്‌ അവൻ അവരെ ഓർമി​പ്പി​ച്ചു: “ഓട്ടക്ക​ള​ത്തിൽ ഓടു​ന്നവർ എല്ലാവ​രും ഓടുന്നു എങ്കിലും ഒരുവനേ വിരുതു പ്രാപി​ക്കു​ന്നു​ള്ളു എന്നു അറിയു​ന്നി​ല്ല​യോ? നിങ്ങളും പ്രാപി​പ്പാ​ന്ത​ക്ക​വണ്ണം ഓടു​വിൻ.” ഓട്ടത്തിൽ നിന്നു പിന്മാ​റാ​തെ അവസാനം വരെ മുന്നോ​ട്ടു കുതി​ക്കേ​ണ്ട​തി​ന്റെ പ്രാധാ​ന്യം പൗലൊസ്‌ ഊന്നി​പ്പ​റഞ്ഞു. എന്നാൽ അതിന്‌ അവരെ എന്തു സഹായി​ക്കു​മാ​യി​രു​ന്നു? “അങ്കം പൊരു​ന്നവൻ ഒക്കെയും സകലത്തി​ലും വർജ്ജനം ആചരി​ക്കു​ന്നു” എന്ന്‌ അവൻ കൂട്ടി​ച്ചേർത്തു. അതെ, പുരാതന കാലത്ത്‌ മത്സര കളിക​ളിൽ പങ്കെടു​ത്തി​രു​ന്നവർ ജയിക്കാൻ വേണ്ടി സ്വയം കഠിന​മായ പരിശീ​ല​ന​ത്തിന്‌ വിധേ​യ​രാ​കു​ക​യും ഭക്ഷണപാ​നീ​യ​ങ്ങ​ളു​ടെ കാര്യ​ത്തിൽ അതീവ ശ്രദ്ധപു​ലർത്തു​ക​യും തങ്ങളുടെ എല്ലാ പ്രവർത്ത​ന​ങ്ങ​ളി​ലും നിയ​ന്ത്രണം പാലി​ക്കു​ക​യും ചെയ്‌തി​രു​ന്നു.—1 കൊരി​ന്ത്യർ 9:24, 25.

⁶ ക്രിസ്‌ത്യാ​നി​കൾ ഏർപ്പെ​ട്ടി​രി​ക്കുന്ന ഓട്ടത്തി​ന്റെ കാര്യ​മോ? “ജീവനു​വേ​ണ്ടി​യുള്ള ഓട്ടത്തിൽ സഹിച്ചു​നിൽക്ക​ണ​മെ​ങ്കിൽ ആത്മീയ പോഷ​ണ​ത്തി​നു ശ്രദ്ധ കൊടു​ക്കണം” എന്ന്‌ യഹോ​വ​യു​ടെ സാക്ഷി​ക​ളു​ടെ സഭയിലെ ഒരു മൂപ്പൻ പറയുന്നു. “സഹിഷ്‌ണുത നൽകുന്ന ദൈവ”മായ യഹോവ എന്ത്‌ ആത്മീയ ആഹാര​മാ​ണു പ്രദാനം ചെയ്‌തി​രി​ക്കു​ന്നത്‌ എന്നു പരിഗ​ണി​ക്കുക. (റോമർ 15:5, 6, NW) നമ്മുടെ ആത്മീയ പോഷ​ണ​ത്തി​ന്റെ മുഖ്യ ഉറവ്‌ അവന്റെ വചനമായ ബൈബിൾ ആണ്‌. നല്ലൊരു ബൈബിൾ വായനാ പട്ടിക നാം പിൻപ​റ്റേ​ണ്ട​തല്ലേ? കൂടാതെ, “വിശ്വ​സ്‌ത​നും വിവേ​കി​യു​മായ അടിമ”യിലൂടെ യഹോവ സമയോ​ചിത മാസി​ക​ക​ളായ വീക്ഷാ​ഗോ​പു​ര​വും ഉണരുക!യും മറ്റു ബൈബിൾ അധിഷ്‌ഠിത പ്രസി​ദ്ധീ​ക​ര​ണ​ങ്ങ​ളും പ്രദാനം ചെയ്‌തി​രി​ക്കു​ന്നു. (മത്തായി 24:45, NW) ഇവ ഉത്സാഹ​പൂർവം പഠിക്കു​ന്നത്‌ നമ്മെ ആത്മീയ​മാ​യി ബലിഷ്‌ഠ​രാ​ക്കും. അതു​കൊണ്ട്‌ വ്യക്തി​പ​ര​മായ പഠനത്തി​നു നാം സമയം എടു​ക്കേ​ണ്ട​തുണ്ട്‌. അതെ, ‘സമയം തക്കത്തിൽ ഉപയോ​ഗി​ക്കേ​ണ്ട​തുണ്ട്‌.’—എഫെസ്യർ 5:16.

7. (എ) അടിസ്ഥാന ക്രിസ്‌തീയ ഉപദേ​ശങ്ങൾ കൊണ്ടു മാത്രം നാം തൃപ്‌ത​രാ​യി​രി​ക്ക​രു​താ​ത്തത്‌ എന്തു​കൊണ്ട്‌? (ബി) നമുക്കു “പരിജ്ഞാ​ന​പൂർത്തി പ്രാപി​പ്പാൻ” കഴിയു​ന്നത്‌ എങ്ങനെ?

⁷ ക്രിസ്‌തീയ ശിഷ്യ​ത്വ​ത്തി​ന്റെ ഗതിയിൽ നിലനിൽക്കു​ന്ന​തിന്‌, നാം അടിസ്ഥാ​ന​പ​ര​മായ “ആദ്യവചന”ത്തിന്‌ അപ്പുറം പോയി “പരിജ്ഞാ​ന​പൂർത്തി പ്രാപി”ക്കേണ്ടതുണ്ട്‌. (എബ്രായർ 6:1, 2) അതു​കൊണ്ട്‌, നാം സത്യത്തി​ന്റെ “വീതി​യും നീളവും ഉയരവും ആഴവും” ഗ്രഹി​ക്കു​ന്ന​തി​ലും “പക്വമ​തി​കൾക്കുള്ള കട്ടിയായ  ആഹാര”ത്തിൽ നിന്നു പോഷണം ഉൾക്കൊ​ള്ളു​ന്ന​തി​ലും താത്‌പ​ര്യം വളർത്തി​യെ​ടു​ക്കണം. (എഫെസ്യർ 3:18; എബ്രായർ 5:12-14, NW) ദൃഷ്ടാ​ന്ത​ത്തിന്‌, യേശു​വി​ന്റെ ഭൗമിക ജീവി​തത്തെ കുറി​ച്ചുള്ള, മത്തായി, മർക്കൊസ്‌, ലൂക്കൊസ്‌, യോഹ​ന്നാൻ എന്നിവ​രു​ടെ ആശ്രയ​യോ​ഗ്യ​മായ നാലു സുവി​ശേഷ വിവര​ണ​ങ്ങ​ളു​ടെ കാര്യ​മെ​ടു​ക്കുക. ഈ സുവി​ശേഷ വിവര​ണ​ങ്ങ​ളു​ടെ ശ്രദ്ധാ​പൂർവ​ക​മായ ഒരു പഠനത്തി​ലൂ​ടെ യേശു​വി​ന്റെ പ്രവൃ​ത്തി​ക​ളും അവൻ ഏതുതരം ആളായി​രു​ന്നു എന്നതും മാത്രമല്ല, പകരം അവന്റെ പ്രവർത്ത​ന​ങ്ങൾക്കു പ്രചോ​ദ​ന​മേ​കിയ ചിന്താ​രീ​തി​യും നാം ഗ്രഹി​ക്കും. അങ്ങനെ നമുക്ക്‌ “ക്രിസ്‌തു​വി​ന്റെ മനസ്സുള്ളവ”രാകാൻ സാധി​ക്കും.—1 കൊരി​ന്ത്യർ 2:16.

8. ജീവനു​വേ​ണ്ടി​യുള്ള ഓട്ടത്തിൽ സഹിച്ചു​നിൽക്കാൻ ക്രിസ്‌തീയ യോഗങ്ങൾ നമ്മെ സഹായി​ക്കു​ന്നത്‌ എങ്ങനെ?

⁸ പൗലൊസ്‌ സഹക്രി​സ്‌ത്യാ​നി​കളെ ഇങ്ങനെ ഉദ്‌ബോ​ധി​പ്പി​ച്ചു: “ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.” (എബ്രായർ 10:24, 25) പ്രോ​ത്സാ​ഹ​ന​ത്തി​ന്റെ എന്തൊരു ഉറവാണ്‌ ക്രിസ്‌തീയ യോഗങ്ങൾ! നമ്മിൽ താത്‌പ​ര്യം ഉള്ളവരും അവസാ​ന​ത്തോ​ളം സഹിച്ചു​നിൽക്കാൻ നമ്മെ സഹായി​ക്കാൻ ആഗ്രഹി​ക്കു​ന്ന​വ​രു​മായ, സ്‌നേ​ഹ​നി​ധി​ക​ളായ സഹോ​ദ​രീ​സ​ഹോ​ദ​ര​ന്മാ​രോട്‌ ഒപ്പമാ​യി​രി​ക്കു​ന്നത്‌ എത്ര നവോ​ന്മേ​ഷ​പ്ര​ദ​മാണ്‌! യഹോ​വ​യിൽ നിന്നുള്ള ഈ സ്‌നേ​ഹ​പൂർവ​ക​മായ കരുതൽ നിസ്സാ​ര​മാ​യെ​ടു​ക്കു​ന്നത്‌ ഹാനി​ക​ര​മാ​യി​രി​ക്കും. ഉത്സാഹ​പൂർവം വ്യക്തി​പ​ര​മാ​യി പഠിച്ചു​കൊ​ണ്ടും ക്രമമാ​യി യോഗ​ങ്ങ​ളിൽ സംബന്ധി​ച്ചു​കൊ​ണ്ടും നമുക്കു “ഗ്രഹണ​പ്രാ​പ്‌തി​ക​ളിൽ പൂർണ വളർച്ച പ്രാപി​ച്ചവർ” ആയിത്തീ​രാം.—1 കൊരി​ന്ത്യർ 14:20, NW.

പ്രചോ​ദ​ന​മേ​കാൻ കാഴ്‌ച​ക്കാർ

9, 10. (എ) സഹിഷ്‌ണുത ആവശ്യ​മുള്ള ഒരു ഓട്ടത്തിൽ കാഴ്‌ച​ക്കാർക്ക്‌ പ്രോ​ത്സാ​ഹ​ന​ത്തി​ന്റെ ഉറവി​ട​മാ​യി​രി​ക്കാൻ കഴിയു​ന്ന​തെ​ങ്ങനെ? (ബി) എബ്രായർ 12:1-ൽ പറഞ്ഞി​രി​ക്കുന്ന ‘നമുക്കു ചുറ്റു​മുള്ള വലിയ മേഘം’ എന്താണ്‌?

⁹ ഓട്ടക്കാ​രൻ എത്ര സജ്ജനാ​ണെ​ങ്കി​ലും, അയാൾ ഇടറി​വീ​ഴാൻ ഇടയാ​ക്കി​യേ​ക്കാ​വുന്ന കാര്യങ്ങൾ ഓട്ടത്തി​നി​ട​യിൽ സംഭവി​ച്ചേ​ക്കാം. “നിങ്ങൾ നന്നായി ഓടി​യി​രു​ന്നു; സത്യം അനുസ​രി​ക്കാ​തി​രി​പ്പാൻ നിങ്ങളെ ആർ തടുത്തു​ക​ളഞ്ഞു?” എന്ന്‌ പൗലൊസ്‌ ചോദി​ച്ചു. (ഗലാത്യർ 5:7) തെളി​വ​നു​സ​രിച്ച്‌ ചില ഗലാത്യ ക്രിസ്‌ത്യാ​നി​കൾ മോശ​മായ സഹവാ​സ​ത്തിൽ ഉൾപ്പെ​ടു​ക​യും തത്‌ഫ​ല​മാ​യി ജീവനു​വേ​ണ്ടി​യുള്ള ഓട്ടത്തിൽ അവർക്കു ശ്രദ്ധ പതറു​ക​യും ചെയ്‌തു. അതേസ​മയം, മറ്റുള്ള​വ​രിൽനി​ന്നുള്ള പിന്തു​ണ​യും പ്രോ​ത്സാ​ഹ​ന​വും ഓട്ടത്തിൽ തുടരുക എളുപ്പ​മാ​ക്കു​ന്നു. കളിക്കാ​രു​ടെ​മേൽ കാണി​കൾക്കുള്ള സ്വാധീ​നം പോ​ലെ​യാ​ണത്‌. ഉത്സാഹ​ഭ​രി​ത​രായ ജനക്കൂട്ടം ആവേശം വർധി​പ്പി​ക്കു​ന്നു. അത്‌ കളിക്കാ​രെ തുടക്കം മുതൽ ഒടുക്കം വരെ ഉത്തേജി​ത​രാ​ക്കി നിർത്തു​ന്നു. മിക്ക​പ്പോ​ഴും ഉച്ചത്തി​ലുള്ള സംഗീ​ത​ത്തോ​ടും കരഘോ​ഷ​ത്തോ​ടും കൂടിയ, കാണി​ക​ളു​ടെ ഹർഷാ​രവം മത്സരത്തിൽ പങ്കെടു​ക്കു​ന്ന​വർക്കു കൂടുതൽ പ്രചോ​ദ​ന​മേ​കു​ന്നു. പൂർത്തീ​ക​ര​ണ​ത്തോട്‌ അടുക്കു​ന്തോ​റും അത്‌ അവർക്ക്‌ ആവശ്യ​മാ​ണു​താ​നും. സഹാനു​ഭൂ​തി​യുള്ള കാണി​കൾക്കു കളിക്കാ​രു​ടെ​മേൽ തീർച്ച​യാ​യും ഒരു ക്രിയാ​ത്മക സ്വാധീ​നം ചെലു​ത്താ​നാ​കും.

¹⁰ ക്രിസ്‌ത്യാ​നി​കൾ ഏർപ്പെ​ട്ടി​രി​ക്കുന്ന ജീവനു​വേ​ണ്ടി​യുള്ള ഓട്ടത്തി​ലെ കാണികൾ ആരാണ്‌? എബ്രായർ 11-ാം അധ്യാ​യ​ത്തിൽ, യഹോ​വ​യു​ടെ വിശ്വസ്‌ത ക്രിസ്‌തീ​യ​പൂർവ സാക്ഷി​കളെ കുറിച്ചു വിവരിച്ച ശേഷം പൗലൊസ്‌ എഴുതി: “ആകയാൽ സാക്ഷി​ക​ളു​ടെ ഇത്ര വലി​യോ​രു മേഘം നമുക്കു ചുറ്റും ഉള്ളതി​നാൽ . . . നമുക്കു മുമ്പിൽ വെച്ചി​രി​ക്കുന്ന ഓട്ടം നമുക്കു സഹിഷ്‌ണു​ത​യോ​ടെ ഓടാം.” (എബ്രായർ 12:1, NW) ഒരു മേഘത്തെ കുറി​ച്ചുള്ള അലങ്കാരം ഉപയോ​ഗി​ച്ച​പ്പോൾ, സുനി​ശ്ചിത വലിപ്പ​വും രൂപവു​മുള്ള മേഘത്തെ പരാമർശി​ക്കുന്ന ഗ്രീക്കു പദമല്ല പൗലൊസ്‌ ഉപയോ​ഗി​ച്ചത്‌. പകരം, നിഘണ്ടു കർത്താ​വായ ഡബ്ലിയു. ഇ. വൈൻ പറയു​ന്ന​ത​നു​സ​രിച്ച്‌, “ആകാശത്തെ മൂടുന്ന ഒരു രൂപര​ഹിത മേഘ സഞ്ചയത്തെ പരാമർശി​ക്കുന്ന” ഒരു പദമാണ്‌ അവൻ ഉപയോ​ഗി​ച്ചത്‌. വ്യക്തമാ​യും, പൗലൊ​സി​ന്റെ മനസ്സിൽ സാക്ഷി​ക​ളു​ടെ വലി​യൊ​രു സമൂഹ​മു​ണ്ടാ​യി​രു​ന്നു—ഒരു മേഘ സഞ്ചയം പോലെ ആയിരി​ക്കത്ത വിധം അത്ര​യേറെ.

11, 12. (എ) ഓട്ടം സഹിഷ്‌ണു​ത​യോ​ടെ ഓടാൻ, ആലങ്കാ​രി​ക​മായ ഒരു അർഥത്തിൽ, ക്രിസ്‌തീ​യ​പൂർവ വിശ്വസ്‌ത സാക്ഷി​കൾക്ക്‌ നമ്മെ പ്രചോ​ദി​പ്പി​ക്കാൻ കഴിയു​ന്നത്‌ എങ്ങനെ? (ബി) ‘സാക്ഷി​ക​ളു​ടെ വലിയ മേഘ’ത്തിൽനിന്ന്‌ നാം കൂടുതൽ പൂർണ​മാ​യി പ്രയോ​ജനം അനുഭ​വി​ച്ചേ​ക്കാ​വു​ന്നത്‌ എങ്ങനെ?

¹¹ ക്രിസ്‌തീ​യ​പൂർവ വിശ്വസ്‌ത സാക്ഷി​കൾക്ക്‌ ഇക്കാലത്ത്‌ യഥാർഥ കാണികൾ ആയിരി​ക്കാൻ കഴിയു​മോ? ഇല്ല. പുനരു​ത്ഥാന പ്രതീ​ക്ഷ​യോ​ടെ അവർ എല്ലാവ​രും മരണത്തിൽ നിദ്ര​കൊ​ള്ളു​ക​യാണ്‌. എന്നിരു​ന്നാ​ലും, ജീവി​ച്ചി​രു​ന്ന​പ്പോൾ അവർ വിജയ​പ്ര​ദ​രായ ഓട്ടക്കാ​രാ​യി​രു​ന്നു. അവരുടെ ദൃഷ്ടാ​ന്തങ്ങൾ ബൈബി​ളി​ന്റെ ഏടുക​ളിൽ സജീവ​മാണ്‌. നാം തിരു​വെ​ഴു​ത്തു​കൾ പഠിക്കു​മ്പോൾ, ആലങ്കാ​രി​ക​മാ​യി പറഞ്ഞാൽ, ഈ വിശ്വ​സ്‌തർക്ക്‌ നമ്മുടെ മനസ്സു​ക​ളിൽ ജീവി​ക്കാ​നും അവസാ​ന​ത്തോ​ളം ഓടു​ന്ന​തി​നു നമ്മെ പ്രചോ​ദി​പ്പി​ക്കാ​നും സാധി​ക്കും.—റോമർ 15:4. a

¹² ദൃഷ്ടാ​ന്ത​ത്തിന്‌, ലൗകിക അവസരങ്ങൾ നമ്മെ പ്രലോ​ഭി​പ്പി​ക്കു​മ്പോൾ, ഈജി​പ്‌തി​ലെ മഹത്ത്വ​മെ​ല്ലാം മോശെ നിരസി​ച്ചത്‌ എങ്ങനെ​യെന്നു പരിചി​ന്തി​ക്കു​ന്നത്‌ ഉറച്ചു നിലനിൽക്കാൻ നമ്മെ പ്രചോ​ദി​പ്പി​ക്കി​ല്ലേ?  നാം നേരി​ടുന്ന ഒരു പരി​ശോ​ധന വളരെ കഠിന​മാ​ണെന്നു തോന്നു​ന്നെ​ങ്കിൽ, തന്റെ പുത്ര​നായ യിസ്‌ഹാ​ക്കി​നെ യാഗം കഴിക്കാൻ അബ്രാ​ഹാ​മി​നോട്‌ ആവശ്യ​പ്പെ​ട്ട​പ്പോൾ അവൻ അഭിമു​ഖീ​ക​രിച്ച കഠിന പരി​ശോ​ധന ഓർമി​ക്കു​ന്നത്‌ വിശ്വാ​സ​ത്തി​നു വേണ്ടി​യുള്ള പോരാ​ട്ട​ത്തിൽ നിന്നു പിന്മാ​റാ​തി​രി​ക്കാൻ നമ്മെ തീർച്ച​യാ​യും പ്രോ​ത്സാ​ഹി​പ്പി​ക്കും. സാക്ഷി​ക​ളു​ടെ ഈ ‘വലിയ മേഘം’ നമ്മെ ഈ വിധത്തിൽ എത്രമാ​ത്രം ഉണർവു​ള്ള​വ​രാ​ക്കും എന്നത്‌, നമ്മുടെ ഗ്രാഹ്യ​ത്തി​ന്റെ കണ്ണുകൾകൊണ്ട്‌ നാം അവരെ എത്ര നന്നായി കാണുന്നു എന്നതിനെ ആശ്രയി​ച്ചി​രി​ക്കു​ന്നു.

13. യഹോ​വ​യു​ടെ ആധുനിക കാല സാക്ഷികൾ ജീവനു​വേ​ണ്ടി​യുള്ള ഓട്ടത്തിൽ നമുക്കു പ്രചോ​ദ​ന​മേ​കു​ന്നത്‌ ഏതു വിധത്തിൽ?

¹³ യഹോ​വ​യു​ടെ ആധുനി​ക​കാല സാക്ഷി​ക​ളു​ടെ വലി​യൊ​രു ഗണം നമുക്കു ചുറ്റു​മുണ്ട്‌. അഭിഷിക്ത ക്രിസ്‌ത്യാ​നി​ക​ളും അതു​പോ​ലെ​തന്നെ “മഹാപു​രു​ഷാര”ത്തിലെ സ്‌ത്രീ​പു​രു​ഷ​ന്മാ​രും വിശ്വാ​സ​ത്തി​ന്റെ എത്ര വലിയ മാതൃ​ക​യാ​ണു വെച്ചി​രി​ക്കു​ന്നത്‌! (വെളി​പ്പാ​ടു 7:9) ഈ മാസി​ക​യി​ലും മറ്റു വാച്ച്‌ടവർ പ്രസി​ദ്ധീ​ക​ര​ണ​ങ്ങ​ളി​ലും കൂടെ​ക്കൂ​ടെ നമുക്ക്‌ അവരുടെ ജീവിത കഥകൾ വായി​ക്കാൻ കഴിയും. b അവരുടെ വിശ്വാ​സത്തെ കുറിച്ചു വിചി​ന്തനം ചെയ്യു​മ്പോൾ, അവസാ​ന​ത്തോ​ളം സഹിച്ചു​നിൽക്കാൻ നാം പ്രോ​ത്സാ​ഹി​തർ ആയിത്തീ​രു​ന്നു. യഹോ​വയെ വിശ്വ​സ്‌ത​മാ​യി സേവി​ക്കുന്ന ഉറ്റ സുഹൃ​ത്തു​ക്ക​ളു​ടെ​യും ബന്ധുക്ക​ളു​ടെ​യും പിന്തുണ ഉണ്ടായി​രി​ക്കു​ന്നത്‌ എത്ര മഹത്തര​മാണ്‌! അതെ, ജീവനു വേണ്ടി​യുള്ള ഓട്ടത്തിൽ നമുക്കു പ്രചോ​ദ​ന​മേ​കാൻ അനേക​രുണ്ട്‌.

ഗതി​വേഗം ജ്ഞാനപൂർവം നിർണ​യി​ക്കു​ക

14, 15. (എ) നമ്മുടെ ഗതി​വേഗം ജ്ഞാനപൂർവം നിർണ​യി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) ലക്ഷ്യങ്ങൾ വെക്കു​ന്ന​തിൽ നാം ന്യായ​യു​ക്തത ഉള്ളവർ ആയിരി​ക്കേ​ണ്ടത്‌ എന്തു​കൊണ്ട്‌?

¹⁴ മാര​ത്തോൺ പോ​ലെ​യുള്ള ദീർഘ​ദൂര ഓട്ടത്തിൽ ഏർപ്പെ​ടു​മ്പോൾ ഓട്ടക്കാ​രൻ തന്റെ ഗതി​വേഗം ജ്ഞാനപൂർവം നിർണ​യി​ക്കേ​ണ്ട​താണ്‌. “തുടക്ക​ത്തിൽ വളരെ വേഗം ഓടു​ന്ന​തി​ന്റെ ഫലം പരാജ​യ​മാ​യി​രി​ക്കാം” എന്ന്‌ ന്യൂ​യോർക്ക്‌ റണ്ണർ എന്ന മാസിക പറയുന്നു. “അവസാ​നത്തെ കുറെ കിലോ​മീ​റ്റ​റു​ക​ളിൽ തീവ്ര​ശ്രമം നടത്തേ​ണ്ടി​വ​രു​ക​യോ ഓട്ടം പൂർത്തി​യാ​ക്കാ​തെ പിൻവാ​ങ്ങേ​ണ്ടി​വ​രു​ക​യോ ചെയ്‌തേ​ക്കാം.” ഒരു മാര​ത്തോൺ ഓട്ടക്കാ​രൻ അനുസ്‌മ​രി​ക്കു​ന്നു: “ഓട്ടത്തി​നു വേണ്ടി​യുള്ള തയ്യാ​റെ​ടു​പ്പിൽ ഞാൻ സംബന്ധിച്ച ഒരു പ്രഭാ​ഷ​ണ​ത്തി​ലെ പ്രസം​ഗകൻ ഈ വ്യക്തമായ മുന്നറി​യി​പ്പു നൽകി: ‘വേഗത കൂടിയ ഓട്ടക്കാ​രു​ടെ ഒപ്പത്തി​നൊ​പ്പം ഓടാൻ ശ്രമി​ക്ക​രുത്‌. നിങ്ങളു​ടെ ഗതി​വേഗം അനുസ​രിച്ച്‌ ഓടുക. അല്ലാത്ത​പക്ഷം നിങ്ങൾ ആകെ തളർന്ന്‌ ഒരുപക്ഷേ ഓട്ടത്തിൽ നിന്നു പിൻവാ​ങ്ങേ​ണ്ടി​വ​ന്നേ​ക്കാം.’ ഈ ഉപദേശം പിൻപ​റ്റി​യത്‌ ഓട്ടം പൂർത്തി​യാ​ക്കാൻ എന്നെ സഹായി​ച്ചു.”

¹⁵ ജീവനു വേണ്ടി​യുള്ള ഓട്ടത്തിൽ ദൈവ​ദാ​സ​ന്മാർ തീവ്ര​യ​ത്‌നം നടത്തണം. (ലൂക്കൊസ്‌ 13:24) എന്നിരു​ന്നാ​ലും ശിഷ്യ​നായ യാക്കോബ്‌ ഇങ്ങനെ എഴുതി: “ഉയരത്തിൽനി​ന്നുള്ള ജ്ഞാനം . . . ന്യായ​യു​ക്ത​മാണ്‌.” (യാക്കോബ്‌ 3:17, NW) മറ്റുള്ള​വ​രു​ടെ ദൃഷ്ടാന്തം കൂടുതൽ ചെയ്യാൻ നമ്മെ പ്രോ​ത്സാ​ഹി​പ്പി​ച്ചേ​ക്കാ​മെ​ങ്കി​ലും, നമ്മുടെ പ്രാപ്‌തി​കൾക്കും സാഹച​ര്യ​ങ്ങൾക്കും ചേർന്ന വസ്‌തു​നി​ഷ്‌ഠ​മായ ലക്ഷ്യങ്ങൾ വെക്കാൻ ന്യായ​യു​ക്തത നമ്മെ സഹായി​ക്കും. തിരു​വെ​ഴു​ത്തു​കൾ നമ്മെ ഇങ്ങനെ ഓർമി​പ്പി​ക്കു​ന്നു: “ഓരോ​രു​ത്ത​രും താന്താന്റെ പ്രവൃത്തി വിലയി​രു​ത്തട്ടെ; അപ്പോൾ മറ്റാരു​മാ​യും താരത​മ്യ​പ്പെ​ടു​ത്താ​തെ അവനു തന്നിൽത്തന്നേ അഭിമാ​നി​ക്കാം; ഓരോ​രു​ത്തൻ സ്വന്തം ഭാരം വഹി​ക്കേ​ണ്ട​താ​ണ​ല്ലോ.”—ഗലാത്യർ 6:4, 5, NIBV.

16. നമ്മുടെ ഗതി​വേഗം നിർണ​യി​ക്കാൻ എളിമ നമ്മെ സഹായി​ക്കു​ന്നത്‌ എങ്ങനെ?

¹⁶ മീഖാ 6:8 ചിന്തോ​ദ്ദീ​പ​ക​മായ ഈ ചോദ്യം ഉന്നയി​ക്കു​ന്നു: ‘താഴ്‌മ​യോ​ടെ [“എളിമ​യോ​ടെ,” NW] നടപ്പാൻ അല്ലാതെ എന്താകു​ന്നു യഹോവ നിന്നോ​ടു ചോദി​ക്കു​ന്നത്‌?’ എളിമ​യിൽ നമ്മുടെ പരിമി​തി​കളെ കുറി​ച്ചുള്ള ബോധം ഉൾപ്പെ​ടു​ന്നു. ക്ഷയിച്ചു​കൊ​ണ്ടി​രി​ക്കുന്ന ആരോ​ഗ്യ​മോ പ്രായാ​ധി​ക്യ​മോ ദൈവ​സേ​വ​ന​ത്തിൽ നമുക്കു ചെയ്യാൻ കഴിയുന്ന കാര്യങ്ങൾ കുറെ​യൊ​ക്കെ പരിമി​ത​പ്പെ​ടു​ത്തി​യി​ട്ടു​ണ്ടോ? നമുക്കു നിരു​ത്സാ​ഹ​പ്പെ​ടാ​തി​രി​ക്കാം. “പ്രാപ്‌തി​യി​ല്ലാ​ത്ത​തു​പോ​ലെയല്ല,” മറിച്ച്‌ നമ്മുടെ “പ്രാപ്‌തി​ക്ക​നു​സ​ര​ണ​മാ​യി” നാം ചെയ്യുന്ന ശ്രമങ്ങ​ളെ​യും ത്യാഗ​ങ്ങ​ളെ​യും യഹോവ അംഗീ​ക​രി​ക്കു​ന്നു.—2 കൊരി​ന്ത്യർ 8:12, NIBV; ലൂക്കൊസ്‌ 21:1-4 താരത​മ്യം ചെയ്യുക.

ദൃഷ്ടികൾ സമ്മാന​ത്തിൽ പതിപ്പി​ക്കു​ക

17, 18. ദൃഷ്ടി​പ​ഥ​ത്തിൽ എന്തു നിലനിർത്തി​യത്‌ ദണ്ഡന സ്‌തംഭം സഹിക്കാൻ യേശു​വി​നെ സഹായി​ച്ചു?

¹⁷ ജീവനു​വേ​ണ്ടി​യുള്ള ഓട്ടത്തിൽ സഹിച്ചു​നിൽക്കേ​ണ്ട​തി​ന്റെ ആവശ്യം കൊരി​ന്ത്യ ക്രിസ്‌ത്യാ​നി​കളെ ചൂണ്ടി​ക്കാ​ണി​ച്ച​പ്പോൾ പൗലൊസ്‌, അവരുടെ ശ്രദ്ധ അർഹി​ക്കുന്ന, ഇസ്‌മി​യൻ കായിക മത്സരങ്ങ​ളു​ടെ മറ്റൊരു വശവും പരാമർശി​ച്ചു. ആ മത്സര കളിക​ളിൽ പങ്കെടു​ക്കു​ന്ന​വരെ കുറിച്ച്‌ പൗലൊസ്‌ എഴുതി: “അവർ വാടുന്ന കിരീ​ട​വും നാമോ വാടാ​ത്ത​തും പ്രാപി​ക്കേ​ണ്ട​തി​ന്നു തന്നേ [ഓടു​ന്നത്‌]. ആകയാൽ ഞാൻ നിശ്ചയ​മി​ല്ലാ​ത്ത​വ​ണ്ണമല്ല ഓടു​ന്നതു; ആകാശത്തെ കുത്തു​ന്നതു പോ​ലെയല്ല ഞാൻ മുഷ്ടി​യു​ദ്ധം ചെയ്യു​ന്നതു.” (1 കൊരി​ന്ത്യർ 9:25, 26) ആ പുരാതന മത്സര കളിക​ളി​ലെ വിജയി​ക്കു ലഭിച്ചി​രുന്ന സമ്മാനം പൈൻ ഇലകൾകൊ​ണ്ടോ മറ്റു ചെടി​ക​ളു​ടെ ഇലകൾകൊ​ണ്ടോ ഉണങ്ങിയ കാട്ടു സെലറി​കൊ​ണ്ടു​പോ​ലു​മോ ഉള്ള കിരീടം ആയിരുന്നു —തീർച്ച​യാ​യും ‘വാടുന്ന കിരീടം’ തന്നെ. എന്നാൽ, അവസാ​ന​ത്തോ​ളം സഹിച്ചു​നിൽക്കുന്ന ക്രിസ്‌ത്യാ​നി​കളെ എന്താണു കാത്തി​രി​ക്കു​ന്നത്‌?

¹⁸ നമ്മുടെ മാതൃകാ പുരു​ഷ​നായ യേശു​ക്രി​സ്‌തു​വി​നെ പരാമർശി​ച്ചു​കൊണ്ട്‌ പൗലൊസ്‌ അപ്പൊ​സ്‌തലൻ എഴുതി: “തന്റെ മുമ്പിൽ വെച്ചി​രുന്ന സന്തോഷം ഓർത്തു അവൻ അപമാനം അലക്ഷ്യ​മാ​ക്കി ക്രൂശി​നെ സഹിക്ക​യും ദൈവ​സിം​ഹാ​സ​ന​ത്തി​ന്റെ വലത്തു​ഭാ​ഗത്തു ഇരിക്ക​യും ചെയ്‌തു.” (എബ്രായർ 12:2) തന്റെ ദണ്ഡന സ്‌തം​ഭ​ത്തിന്‌ അപ്പുറ​മുള്ള സമ്മാന​ത്തി​ലേക്കു നോക്കി​ക്കൊണ്ട്‌ യേശു തന്റെ മാനുഷ ജീവി​ത​ത്തി​ന്റെ അവസാ​ന​ത്തോ​ളം സഹിച്ചു നിന്നു. യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​ത്തി​നു സംഭാവന ചെയ്യു​ന്ന​തും മാനുഷ കുടും​ബത്തെ മരണത്തിൽനി​ന്നു വീണ്ടെ​ടു​ക്കു​ന്ന​തും അനുസ​ര​ണ​മുള്ള മനുഷ്യ​രെ ഒരു പറുദീ​സാ ഭൂമി​യി​ലെ അനന്തമായ ജീവനി​ലേക്കു പുനഃ​സ്ഥി​തീ​ക​രി​ച്ചു​കൊണ്ട്‌ രാജാ​വും മഹാപു​രോ​ഹി​ത​നു​മാ​യി സേവി​ക്കു​ന്ന​തും അവന്‌ ഉളവാ​ക്കുന്ന സന്തോഷം ആ സമ്മാന​ത്തിൽ ഉൾപ്പെ​ടു​ന്നു.—മത്തായി 6:9, 10; 20:28; എബ്രായർ 7:23-26.

19. ക്രിസ്‌തീയ ശിഷ്യ​ത്വ​ത്തി​ന്റെ ഗതി പിൻപ​റ്റവെ നാം എന്തിൽ ശ്രദ്ധ കേന്ദ്രീ​ക​രി​ക്കണം?

¹⁹ ക്രിസ്‌തീയ ശിഷ്യ​ത്വ​ത്തി​ന്റെ ഗതി പിൻപ​റ്റവെ, നമ്മുടെ മുമ്പാകെ വെച്ചി​രി​ക്കുന്ന സന്തോഷം പരിഗ​ണി​ക്കുക. ദൈവ​രാ​ജ്യ സുവാർത്ത പ്രസം​ഗി​ക്കു​ക​യും ബൈബി​ളി​ലെ ജീവര​ക്ഷാ​ക​ര​മായ അറിവു മറ്റുള്ള​വർക്കു പകർന്നു കൊടു​ക്കു​ക​യും ചെയ്യുക എന്ന അങ്ങേയറ്റം സംതൃ​പ്‌തി​ക​ര​മായ വേല യഹോവ നമുക്കു നൽകി​യി​രി​ക്കു​ന്നു. (മത്തായി 28:19, 20) സത്യ​ദൈ​വ​ത്തിൽ താത്‌പ​ര്യ​മുള്ള ഒരുവനെ കണ്ടെത്തു​ക​യും ജീവനു വേണ്ടി​യുള്ള ഓട്ടത്തിൽ പ്രവേ​ശി​ക്കാൻ ആ വ്യക്തിയെ സഹായി​ക്കു​ക​യും ചെയ്യു​ന്നത്‌ എത്ര ആനന്ദക​ര​മാണ്‌! നാം പ്രസം​ഗി​ക്കു​മ്പോൾ ആളുക​ളു​ടെ പ്രതി​ക​രണം എന്തായി​രു​ന്നാ​ലും, യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​ത്തോ​ടു ബന്ധപ്പെട്ട വേലയിൽ പങ്കുണ്ടാ​യി​രി​ക്കു​ന്നത്‌ ഒരു പദവി​യാണ്‌. നമ്മുടെ സാക്ഷീ​കരണ പ്രദേ​ശ​ത്തുള്ള ആളുക​ളു​ടെ താത്‌പ​ര്യ​മി​ല്ലാ​യ്‌മ​യോ എതിർപ്പോ ഗണ്യമാ​ക്കാ​തെ നാം ശുശ്രൂ​ഷ​യിൽ സഹിച്ചു​നിൽക്കു​ന്നു​വെ​ങ്കിൽ, യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്നതു കൈവ​രു​ത്തുന്ന ആനന്ദം നമുക്ക്‌ ആസ്വദി​ക്കാ​നാ​വും. (സദൃശ​വാ​ക്യ​ങ്ങൾ 27:11) അവൻ നമുക്കു വാഗ്‌ദാ​നം ചെയ്യുന്ന മഹത്തായ സമ്മാനം നിത്യ​ജീ​വ​നാണ്‌. അത്‌ എത്ര സന്തോ​ഷ​ക​ര​മാ​യി​രി​ക്കും! നാം ഈ അനു​ഗ്ര​ഹ​ങ്ങളെ ദൃഷ്ടി​പ​ഥ​ത്തിൽ വെച്ചു​കൊണ്ട്‌ ഓട്ടം തുട​രേ​ണ്ട​തുണ്ട്‌.

അന്ത്യം അടുത്തു​വ​ര​വെ

20. അവസാ​ന​ത്തോട്‌ അടുക്കവെ ജീവനു​വേ​ണ്ടി​യുള്ള പോരാ​ട്ടം കൂടുതൽ ദുഷ്‌ക​ര​മാ​കു​ന്നത്‌ എങ്ങനെ?

²⁰ ജീവനു വേണ്ടി​യുള്ള ഓട്ടത്തിൽ നാം നമ്മുടെ മുഖ്യ ശത്രു​വായ പിശാ​ചായ സാത്താ​നു​മാ​യി പോരാ​ടേ​ണ്ട​തുണ്ട്‌. അവസാ​ന​ത്തോട്‌ അടുക്കവെ, നമ്മെ ഇടറി​ക്കാ​നോ നമ്മുടെ ഓട്ടം മന്ദഗതി​യി​ലാ​ക്കാ​നോ അവൻ കിണഞ്ഞു പരി​ശ്ര​മി​ക്കു​ന്നു. (വെളി​പ്പാ​ടു 12:12, 17) യുദ്ധം, ക്ഷാമം, പകർച്ച​വ്യാ​ധി​കൾ, “അന്ത്യകാല”ത്തിന്റെ മുഖമു​ദ്ര​യായ മറ്റു ദുരി​തങ്ങൾ എന്നിവ​യു​ടെ എല്ലാം മധ്യേ വിശ്വ​സ്‌ത​രും അർപ്പി​ത​രു​മായ രാജ്യ ഘോഷ​ക​രാ​യി തുടരുക എളുപ്പമല്ല. (ദാനീ​യേൽ 12:4; മത്തായി 24:3-14; ലൂക്കൊസ്‌ 21:11; 2 തിമൊ​ഥെ​യൊസ്‌ 3:1-5) അന്ത്യം നാം വിചാ​രി​ച്ചി​രു​ന്ന​തി​നെ​ക്കാൾ അകലെ​യാ​ണെന്നു ചില അവസര​ങ്ങ​ളിൽ തോന്നു​ക​യും ചെയ്‌തേ​ക്കാം, വിശേ​ഷി​ച്ചും നാം ഓട്ടം തുടങ്ങി​യത്‌ പതിറ്റാ​ണ്ടു​കൾക്കു മുമ്പാ​ണെ​ങ്കിൽ. എങ്കിലും, അന്ത്യം വരു​മെന്നു ദൈവ വചനം നമുക്ക്‌ ഉറപ്പു തരുന്നു. അതു വരാൻ താമസി​ക്കി​ല്ലെന്ന്‌ യഹോവ പറയുന്നു. അന്ത്യം ആസന്നമാണ്‌.—ഹബക്കൂക്‌ 2:3; 2 പത്രൊസ്‌ 3:9, 10.

21. (എ) ജീവനു വേണ്ടി​യുള്ള ഓട്ടത്തിൽ തുടരവെ നമ്മെ ശക്തരാ​ക്കു​ന്നത്‌ എന്ത്‌? (ബി) അന്ത്യം പൂർവാ​ധി​കം അടുത്തു​വ​രവെ നമ്മുടെ ദൃഢനി​ശ്ചയം എന്തായി​രി​ക്കണം?

²¹ അതു​കൊണ്ട്‌, ജീവനു​വേ​ണ്ടി​യുള്ള ഓട്ടത്തിൽ വിജയി​ക്ക​ണ​മെ​ങ്കിൽ, നമ്മുടെ ആത്മീയ പോഷ​ണ​ത്തി​നാ​യി യഹോവ സ്‌നേ​ഹ​പൂർവം നൽകി​യി​രി​ക്കുന്ന കാര്യ​ങ്ങ​ളിൽനി​ന്നു നാം ശക്തി നേടണം. ഓട്ടത്തിൽ ഏർപ്പെ​ട്ടി​രി​ക്കുന്ന സഹവി​ശ്വാ​സി​ക​ളു​മാ​യുള്ള പതിവായ സഹവാ​സ​ത്തിൽ നിന്നു ലഭിക്കാ​വുന്ന പ്രോ​ത്സാ​ഹ​ന​വും നമുക്ക്‌ ആവശ്യ​മാണ്‌. ഓട്ടത്തിന്‌ ഇടയിൽ ഉണ്ടാ​യേ​ക്കാ​വുന്ന കൊടിയ പീഡന​വും മുൻകൂ​ട്ടി കാണാത്ത സംഭവ​ങ്ങ​ളും നമ്മുടെ ഓട്ടം കൂടുതൽ ദുഷ്‌ക​ര​മാ​ക്കി​യാൽ പോലും നമുക്ക്‌ അന്ത്യ​ത്തോ​ളം സഹിച്ചു​നിൽക്കാ​നാ​വും. കാരണം യഹോവ “സാധാ​ര​ണ​യിൽ കവിഞ്ഞ ശക്തി” നമുക്കു തരുന്നു. (2 കൊരി​ന്ത്യർ 4:7, NW) നാം ഈ ഓട്ടം വിജയ​ക​ര​മാ​യി പൂർത്തീ​ക​രി​ക്കാൻ യഹോവ ആഗ്രഹി​ക്കു​ന്നു എന്ന്‌ അറിയു​ന്നത്‌ എത്ര ആശ്വാ​സ​ക​ര​മാണ്‌! “തളർന്നു​പോ​കാ​ഞ്ഞാൽ തക്കസമ​യത്തു നാം കൊയ്യു”മെന്ന പൂർണ ബോധ്യ​ത്തോ​ടെ​യും ശക്തമായ നിശ്ചയ​ദാർഢ്യ​ത്തോ​ടെ​യും നമുക്ക്‌ ‘നമ്മുടെ മുമ്പാകെ വെച്ചി​രി​ക്കുന്ന ഓട്ടം സഹിഷ്‌ണു​ത​യോ​ടെ ഓടാം.’—എബ്രായർ 12:1; ഗലാത്യർ 6:9.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ നാം അന്ത്യ​ത്തോ​ളം സഹിച്ചു​നിൽക്കേ​ണ്ടത്‌ എന്തു​കൊണ്ട്‌?

□ യഹോ​വ​യു​ടെ ഏതു കരുത​ലു​കൾ നാം അവഗണി​ക്ക​രുത്‌?

□ ഗതി​വേഗം ജ്ഞാനപൂർവം നിർണ​യി​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

□ ഓട്ടത്തിൽ തുടരവെ നമ്മുടെ മുമ്പാകെ എന്തു സന്തോ​ഷ​മാണ്‌ ഉള്ളത്‌?

[അധ്യയന ചോദ്യ​ങ്ങൾ]

[18-ാം പേജിലെ ചിത്രം]

ക്രിസ്‌തീയ യോഗ​ങ്ങ​ളിൽനിന്ന്‌ പ്രോ​ത്സാ​ഹനം ഉൾക്കൊ​ള്ളു​ക