വായന​ക്കാ​രിൽനി​ന്നുള്ള ചോദ്യ​ങ്ങൾ

വോട്ടു ചെയ്യു​ന്ന​തി​നെ യഹോ​വ​യു​ടെ സാക്ഷികൾ എങ്ങനെ വീക്ഷി​ക്കു​ന്നു?

ഈ കാര്യം സംബന്ധിച്ച്‌ ഉചിത​മായ കാഴ്‌ച​പ്പാട്‌ ഉണ്ടായി​രി​ക്കാൻ ദൈവ​ദാ​സരെ സഹായി​ക്കുന്ന വ്യക്തമായ തത്ത്വങ്ങൾ ബൈബി​ളിൽ ഉണ്ട്‌. എങ്കിലും, വോ​ട്ടെ​ടു​പ്പിന്‌ എതിരാ​യുള്ള എന്തെങ്കി​ലും തത്ത്വം ഉള്ളതായി തോന്നു​ന്നില്ല. ഉദാഹ​ര​ണ​ത്തിന്‌, തങ്ങളുടെ കോർപ്പ​റേ​ഷനെ ബാധി​ക്കുന്ന ഒരു തീരു​മാ​ന​ത്തിൽ എത്തി​ച്ചേ​രാ​നാ​യി അതിന്റെ ഡയറക്ടർമാർ വോ​ട്ടെ​ടു​പ്പു നടത്തരുത്‌ എന്നു പറയാൻ ന്യായ​മൊ​ന്നും ഇല്ല. യഹോ​വ​യു​ടെ സാക്ഷി​ക​ളു​ടെ സഭകളിൽ യോഗ​സ​മ​യങ്ങൾ, സഭാ ഫണ്ടിന്റെ ഉപയോ​ഗം എന്നിവ സംബന്ധി​ച്ചു തീരു​മാ​ന​ത്തിൽ എത്താൻ അവർ ചില​പ്പോ​ഴൊ​ക്കെ കൈക​ളു​യർത്തി വോട്ടു ചെയ്യുന്നു.

എന്നിരു​ന്നാ​ലും, രാഷ്‌ട്രീയ തിര​ഞ്ഞെ​ടു​പ്പു​ക​ളിൽ വോട്ടു ചെയ്യുന്ന കാര്യം സംബന്ധി​ച്ചെന്ത്‌? ചില ജനാധി​പത്യ രാജ്യ​ങ്ങ​ളിൽ 50 ശതമാ​ന​ത്തോ​ളം ജനങ്ങളും തിര​ഞ്ഞെ​ടു​പ്പു ദിനത്തിൽ വോട്ടു ചെയ്യാൻ പോകു​ന്നില്ല എന്നതാണു വാസ്‌തവം. എന്നാൽ യഹോ​വ​യു​ടെ സാക്ഷികൾ മറ്റുള്ള​വ​രു​ടെ വോട്ട​വ​കാ​ശ​ത്തിൽ തലയി​ടു​ക​യോ രാഷ്‌ട്രീയ തിര​ഞ്ഞെ​ടു​പ്പു​കൾക്ക്‌ എതിരാ​യി എന്തെങ്കി​ലും പ്രചാരണ പരിപാ​ടി​കൾ നടത്തു​ക​യോ ചെയ്യു​ന്നില്ല. അത്തരം തിര​ഞ്ഞെ​ടു​പ്പി​ലൂ​ടെ അധികാ​ര​ത്തി​ലേ​റു​ന്ന​വ​രോട്‌ അവർ സഹകരി​ക്കു​ക​യും അവരെ ആദരി​ക്കു​ക​യും ചെയ്യുന്നു. (റോമർ 13:1-7) തിര​ഞ്ഞെ​ടു​പ്പിൽ മത്സരി​ക്കുന്ന ആർക്കെ​ങ്കി​ലും അവർ വോട്ടു ചെയ്യു​മോ എന്ന കാര്യ​ത്തിൽ, ഓരോ യഹോ​വ​യു​ടെ സാക്ഷി​യും തന്റെ ബൈബിൾ പരിശീ​ലിത മനസ്സാ​ക്ഷി​യു​ടെ​യും ദൈവ​ത്തോ​ടും രാഷ്‌ട്ര​ത്തോ​ടും ഉള്ള തന്റെ ഉത്തരവാ​ദി​ത്വം സംബന്ധിച്ച തിരി​ച്ച​റി​വി​ന്റെ​യും അടിസ്ഥാ​ന​ത്തിൽ തീരു​മാ​നം എടുക്കു​ന്നു. (മത്തായി 22:21; 1 പത്രൊസ്‌ 3:16) ഈ തീരു​മാ​നം എടുക്കു​മ്പോൾ സാക്ഷികൾ അനേകം ഘടകങ്ങൾ പരിഗ​ണി​ക്കു​ന്നു.

ഒന്നാമത്‌, യേശു തന്റെ ശിഷ്യ​ന്മാ​രെ കുറിച്ച്‌ ഇങ്ങനെ പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​ത്തതു പോലെ അവരും ലോക​ത്തി​ന്റെ ഭാഗമല്ല.” (യോഹ​ന്നാൻ 17:14, NW) യഹോ​വ​യു​ടെ സാക്ഷികൾ ഈ തത്ത്വം ഗൗരവ​മാ​യെ​ടു​ക്കു​ന്നു. ‘ലോക​ത്തി​ന്റെ ഭാഗമല്ലാ’ത്തതിനാൽ അവർ ലോക​ത്തി​ന്റെ രാഷ്‌ട്രീയ കാര്യ​ങ്ങ​ളിൽ നിഷ്‌പ​ക്ഷ​രാണ്‌.—യോഹ​ന്നാൻ 18:36, NW.

രണ്ടാമത്‌, തന്റെ നാളിലെ ജനങ്ങളു​ടെ ഇടയിൽ ക്രിസ്‌തു​വി​നെ പ്രതി​നി​ധീ​ക​രി​ക്കുന്ന ‘സ്ഥാനപതി’യാണ്‌ താനെന്ന്‌  അപ്പൊ​സ്‌ത​ല​നായ പൗലൊസ്‌ പ്രസ്‌താ​വി​ച്ചു. (എഫെസ്യർ 6:19; 2 കൊരി​ന്ത്യർ 5:20) ക്രിസ്‌തു​യേശു ഇപ്പോൾ ദൈവ​ത്തി​ന്റെ സ്വർഗീയ രാജ്യ​ത്തി​ന്റെ സിംഹാ​സ​ന​സ്ഥ​നായ രാജാ​വാ​ണെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. സ്ഥാനപ​തി​മാ​രെ പോലെ അവർ ഇതു ജനതക​ളോ​ടു പ്രഖ്യാ​പി​ക്കേ​ണ്ട​താണ്‌. (മത്തായി 24:14; വെളി​പ്പാ​ടു 11:15) സ്ഥാനപ​തി​കൾ നിഷ്‌പ​ക്ഷ​രാ​യി​രി​ക്കാ​നും തങ്ങൾ അയയ്‌ക്ക​പ്പെ​ടുന്ന രാജ്യ​ത്തി​ലെ ആഭ്യന്തര കാര്യ​ങ്ങ​ളിൽ തലയി​ടാ​തി​രി​ക്കാ​നും പ്രതീ​ക്ഷി​ക്ക​പ്പെ​ടു​ന്നു. ദൈവ​ത്തി​ന്റെ സ്വർഗീയ രാജ്യ​ത്തി​ന്റെ പ്രതി​നി​ധി​കൾ എന്ന നിലയിൽ യഹോ​വ​യു​ടെ സാക്ഷി​കൾക്ക്‌ അവർ വസിക്കുന്ന രാജ്യ​ങ്ങ​ളി​ലെ രാഷ്‌ട്രീയ കാര്യ​ങ്ങ​ളിൽ കൈക​ട​ത്താ​തി​രി​ക്കാൻ സമാന​മായ കടപ്പാടു തോന്നു​ന്നു.

പരിഗ​ണി​ക്കേണ്ട മൂന്നാ​മത്തെ സംഗതി, വോട്ടു​ചെ​യ്‌ത്‌ ഒരു വ്യക്തിയെ അധികാ​ര​ത്തി​ലേ​റ്റു​ന്ന​തിൽ ഭാഗഭാ​ക്കാ​കു​ന്നവർ, അയാൾ ചെയ്യുന്ന കാര്യ​ങ്ങൾക്ക്‌ ഉത്തരവാ​ദി​ക​ളാ​യേ​ക്കാം എന്നതാണ്‌. (1 തിമൊ​ഥെ​യൊസ്‌ 5:22, പി.ഒ.സി. ബൈബിൾ താരത​മ്യം ചെയ്യുക.) ആ ഉത്തരവാ​ദി​ത്വം പേറണ​മോ എന്ന്‌ ക്രിസ്‌ത്യാ​നി​കൾ സഗൗരവം ചിന്തി​ക്കേ​ണ്ട​തുണ്ട്‌.

നാലാ​മത്‌, യഹോ​വ​യു​ടെ സാക്ഷികൾ തങ്ങളുടെ ക്രിസ്‌തീയ ഐക്യ​ത്തി​നു വലിയ വില കൽപ്പി​ക്കു​ന്നു. (കൊ​ലൊ​സ്സ്യർ 3:14, NW) മതങ്ങൾ രാഷ്‌ട്രീയ കാര്യ​ങ്ങ​ളിൽ ഉൾപ്പെ​ടു​ന്ന​തി​ന്റെ ഫലമായി മിക്ക​പ്പോ​ഴും അതിലെ അംഗങ്ങൾക്ക്‌ ഇടയിൽ ചേരി​തി​രിവ്‌ ഉണ്ടാകു​ന്നു. ക്രിസ്‌തു​വി​നെ അനുക​രി​ച്ചു​കൊണ്ട്‌ യഹോ​വ​യു​ടെ സാക്ഷികൾ രാഷ്‌ട്രീ​യ​ത്തിൽ ഉൾപ്പെ​ടാ​തി​രി​ക്കു​ക​യും അങ്ങനെ തങ്ങളുടെ ക്രിസ്‌തീയ ഐക്യം നിലനിർത്തു​ക​യും ചെയ്യുന്നു.—മത്തായി 12:25; യോഹ​ന്നാൻ 6:15; 18:36, 37.

അഞ്ചാമ​ത്തേ​തും അവസാ​ന​ത്തേ​തു​മായ സംഗതി, രാഷ്‌ട്രീ​യ​ത്തിൽ ഉൾപ്പെ​ടാ​ത്തതു നിമിത്തം യഹോ​വ​യു​ടെ സാക്ഷി​കൾക്ക്‌ രാഷ്‌ട്രീയ ഭേദ​മെ​ന്യേ എല്ലാവ​രു​ടെ​യും പക്കൽ സംസാര സ്വാത​ന്ത്ര്യ​ത്തോ​ടെ സുപ്ര​ധാന രാജ്യ ദൂതു​മാ​യി ചെല്ലാൻ കഴിയു​ന്നു എന്നതാണ്‌.—എബ്രായർ 10:35, NW.

മുകളിൽ വ്യക്തമാ​ക്കിയ തിരു​വെ​ഴു​ത്തു തത്ത്വങ്ങ​ളു​ടെ വീക്ഷണ​ത്തിൽ, അനേകം രാജ്യ​ങ്ങ​ളിൽ യഹോ​വ​യു​ടെ സാക്ഷികൾ രാഷ്‌ട്രീയ തിര​ഞ്ഞെ​ടു​പ്പു​ക​ളിൽ വോട്ടു ചെയ്യേ​ണ്ട​തി​ല്ലെന്നു വ്യക്തി​പ​ര​മാ​യി തീരു​മാ​നി​ക്കു​ന്നു. അങ്ങനെ തീരു​മാ​നി​ക്കാ​നുള്ള അവരുടെ സ്വാത​ന്ത്ര്യ​ത്തിന്‌ ആ രാജ്യ​ങ്ങ​ളിൽ നിയമാം​ഗീ​കാ​രം ഉണ്ട്‌. പൗരന്മാർ നിർബ​ന്ധ​മാ​യും വോട്ടു ചെയ്യണ​മെന്നു നിയമം ആവശ്യ​പ്പെ​ടു​ന്നെ​ങ്കി​ലോ? അത്തര​മൊ​രു സാഹച​ര്യ​ത്തെ എങ്ങനെ കൈകാ​ര്യം ചെയ്യണ​മെ​ന്നതു സംബന്ധിച്ച്‌ മനസ്സാ​ക്ഷി​പ​ര​വും ബൈബിൾ അധിഷ്‌ഠി​ത​വു​മായ ഒരു തീരു​മാ​നം കൈ​ക്കൊ​ള്ളാ​നുള്ള ഉത്തരവാ​ദി​ത്വം നിക്ഷി​പ്‌ത​മാ​യി​രി​ക്കു​ന്നത്‌ ഓരോ സാക്ഷി​യി​ലു​മാണ്‌. ആരെങ്കി​ലും പോളിങ്‌ ബൂത്തിൽ പോകാൻ തീരു​മാ​നി​ച്ചാൽ, അത്‌ അയാളു​ടെ തീരു​മാ​ന​മാണ്‌. അയാൾ പോളിങ്‌ ബൂത്തിൽ എന്തു ചെയ്യുന്നു എന്നത്‌ ആ വ്യക്തി​യും സ്രഷ്ടാ​വും തമ്മിലുള്ള കാര്യ​മാണ്‌.

1950 നവംബർ 15 ലക്കം വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 445, 446 പേജുകൾ ഇങ്ങനെ പ്രസ്‌താ​വി​ച്ചു: “പൗരന്മാർ വോട്ടു ചെയ്യണ​മെന്നു കൈസർ നിർബ​ന്ധി​ത​മാ​യും ആവശ്യ​പ്പെ​ടുന്ന ദേശങ്ങ​ളിൽ . . . [സാക്ഷി​കൾക്ക്‌] തിര​ഞ്ഞെ​ടു​പ്പു നടക്കുന്ന സ്ഥലത്തു ചെന്ന്‌ ബൂത്തു​ക​ളിൽ പ്രവേ​ശി​ക്കാ​വു​ന്ന​താണ്‌. ഇവിടെ വെച്ചാണ്‌ അവർ ബാലറ്റു​പേ​പ്പ​റിൽ അടയാ​ള​പ്പെ​ടു​ത്തു​ക​യോ ആരെ പിന്തു​ണ​യ്‌ക്കു​ന്നു എന്ന്‌ എഴുതി​യി​ടു​ക​യോ ചെയ്യേ​ണ്ടത്‌. ബാലറ്റു പേപ്പറിൽ എന്തു ചെയ്യണം എന്നത്‌ വോട്ടർമാ​രു​ടെ തീരു​മാ​ന​മാണ്‌. അതു​കൊണ്ട്‌ ഇവിടെ, ദൈവ​ത്തി​ന്റെ മുമ്പാ​കെ​യാണ്‌ അവന്റെ സാക്ഷികൾ അവന്റെ കൽപ്പന​കൾക്ക്‌ അനുസൃ​ത​മാ​യും തങ്ങളുടെ വിശ്വാ​സ​ത്തി​നു ചേർച്ച​യി​ലും പ്രവർത്തി​ക്കേ​ണ്ടത്‌. ബാലറ്റു പേപ്പറിൽ എന്തു ചെയ്യണ​മെന്ന്‌ അവർക്കു പറഞ്ഞു​കൊ​ടു​ക്കു​ക​യെന്ന ഉത്തരവാ​ദി​ത്വം ഞങ്ങൾക്കു​ള്ളതല്ല.”

വോട്ടു ചെയ്യാൻ പോക​ണ​മെന്ന്‌ ഒരു ക്രിസ്‌തീയ സ്‌ത്രീ​യോട്‌ അവിശ്വാ​സി​യായ അവളുടെ ഭർത്താവ്‌ കർശന​മാ​യി ആവശ്യ​പ്പെ​ടു​ന്നെ​ങ്കി​ലോ? ക്രിസ്‌ത്യാ​നി​കൾ ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പെ​ട്ടി​രി​ക്കു​ന്ന​തു​പോ​ലെ, അവൾ തന്റെ ഭർത്താ​വി​നു കീഴ്‌പെ​ട്ടി​രി​ക്കു​ന്നു. (എഫെസ്യർ 5:22; 1 പത്രൊസ്‌ 2:13-17) തന്റെ ഭർത്താ​വി​നെ അനുസ​രിച്ച്‌ അവൾ പോളിങ്‌ ബൂത്തിൽ പോകു​ന്നെ​ങ്കിൽ അത്‌ അവളുടെ വ്യക്തി​പ​ര​മായ തീരു​മാ​ന​മാണ്‌. ആരും അവളെ വിമർശി​ക്കാൻ പാടില്ല.—റോമർ 14:4 താരത​മ്യം ചെയ്യുക.

വോട്ടു ചെയ്യണം എന്നു നിയമം അനുശാ​സി​ക്കാത്ത, എന്നാൽ വോട്ടു ചെയ്യാൻ പോകാ​ത്ത​വ​രു​ടെ നേരെ ആളുകൾ പക വെച്ചു​പു​ലർത്തു​ക​യോ ഒരുപക്ഷേ അവരെ ശാരീ​രി​ക​മാ​യി ആക്രമി​ക്കു​ക​യോ ചെയ്‌തേ​ക്കാ​വുന്ന, ഒരു രാജ്യ​ത്തി​ലെ കാര്യ​മോ? നിയമ​പ​ര​മാ​യി വോട്ടു ചെയ്യാൻ കടപ്പാ​ടി​ല്ലെ​ങ്കി​ലും പോളിങ്‌ ബൂത്തിൽ പോയില്ല എന്നതിന്റെ പേരിൽ ഏതെങ്കി​ലും വിധത്തിൽ കനത്ത നഷ്ടം സഹി​ക്കേണ്ടി വന്നേക്കാ​വുന്ന വ്യക്തി​ക​ളു​ടെ കാര്യ​ത്തി​ലെന്ത്‌? ഇത്തരം സാഹച​ര്യ​ങ്ങ​ളിൽ ഒരു ക്രിസ്‌ത്യാ​നി വ്യക്തി​പ​ര​മാ​യി തീരു​മാ​നം എടു​ക്കേ​ണ്ട​താണ്‌. “ഓരോ​രു​ത്തൻ താന്താന്റെ ചുമടു ചുമക്കു​മ​ല്ലോ.”—ഗലാത്യർ 6:5.

തിര​ഞ്ഞെ​ടുപ്പ്‌ കാലത്ത്‌ തങ്ങളുടെ രാജ്യത്ത്‌ ചില യഹോ​വ​യു​ടെ സാക്ഷികൾ പോളിങ്‌ ബൂത്തിൽ പോകു​ക​യും മറ്റു ചിലർ പോകാ​തി​രി​ക്കു​ക​യും ചെയ്യു​ന്നതു കാണു​മ്പോൾ ഇടറി​പ്പോ​യേ​ക്കാ​വുന്ന വ്യക്തികൾ ഉണ്ടായി​രു​ന്നേ​ക്കാം. ‘യഹോ​വ​യു​ടെ സാക്ഷികൾ ഏകാഭി​പ്രാ​യം ഉള്ളവരല്ല’ എന്ന്‌ അവർ പറഞ്ഞേ​ക്കാം. എന്നിരു​ന്നാ​ലും, വ്യക്തി​ക​ളു​ടെ മനസ്സാക്ഷി ഉൾപ്പെ​ടുന്ന ഇത്തരം സാഹച​ര്യ​ങ്ങ​ളിൽ യഹോ​വ​യാം ദൈവ​ത്തി​ന്റെ മുമ്പാകെ ക്രിസ്‌ത്യാ​നി​കൾ സ്വയം തീരു​മാ​നങ്ങൾ എടു​ക്കേ​ണ്ട​താ​ണെന്ന്‌ ആളുകൾ തിരി​ച്ച​റി​യണം.—റോമർ 14:12.

വ്യത്യ​സ്‌ത സാഹച​ര്യ​ങ്ങ​ളിൽ യഹോ​വ​യു​ടെ സാക്ഷികൾ വ്യക്തി​പ​ര​മാ​യി എന്തുതന്നെ തീരു​മാ​നി​ച്ചാ​ലും തങ്ങളുടെ ക്രിസ്‌തീയ നിഷ്‌പ​ക്ഷ​ത​യും സംസാര സ്വാത​ന്ത്ര്യ​വും കാത്തു​സൂ​ക്ഷി​ക്കാൻ അവർ ദത്തശ്ര​ദ്ധ​രാണ്‌. ഏതു സാഹച​ര്യ​ത്തി​ലും, തങ്ങളെ ശക്തി​പ്പെ​ടു​ത്താ​നും തങ്ങൾക്കു ജ്ഞാനം പകർന്നു തരാനും യാതൊ​രു പ്രകാ​ര​ത്തി​ലും വിശ്വാ​സ​ത്തി​ന്റെ കാര്യ​ത്തിൽ അനുര​ഞ്‌ജ​ന​പ്പെ​ടാ​തി​രി​ക്കാൻ തങ്ങളെ സഹായി​ക്കാ​നു​മാ​യി അവർ യഹോ​വ​യിൽ ആശ്രയി​ക്കു​ന്നു. അങ്ങനെ അവർ സങ്കീർത്ത​ന​ക്കാ​രന്റെ വാക്കു​ക​ളിൽ ഉറച്ച വിശ്വാ​സം പ്രകട​മാ​ക്കു​ന്നു: “നീ എന്റെ പാറയും കോട്ട​യും ആകുന്നു; നിന്റെ നാമം നിമിത്തം നീ എന്നെ വഴിന​ടത്തി പരിപാ​ലി​ക്കും.”—സങ്കീർത്തനം 31:3, NW.