ഓർമിക്കേണ്ട ഒരു ദിവസം

യേശുക്രിസ്‌തു തന്റെ മരണത്തിനു മുമ്പുള്ള സായാഹ്നത്തിൽ പുളിപ്പില്ലാത്ത അപ്പവും ഒരു പാനപാത്രം ചുവന്ന വീഞ്ഞും തന്റെ അപ്പൊസ്‌തലന്മാർക്കു കൈമാറിക്കൊണ്ട്‌ അതു ഭക്ഷിക്കാനും പാനം ചെയ്യാനും അവരോടു നിർദേശിച്ചു. “എന്റെ ഓർമ്മെക്കായി ഇതു ചെയ്‌വിൻ [“ചെയ്‌തുകൊണ്ടിരിപ്പിൻ,” NW]” എന്നും അവൻ അവരോടു പറഞ്ഞു.—ലൂക്കൊസ്‌ 22:⁠19.

ഈ വർഷം ആ സംഭവത്തിന്റെ വാർഷിക ആചരണം ഏപ്രിൽ 4 ഞായറാഴ്‌ച സൂര്യാസ്‌തമയ ശേഷമാണ്‌. യേശു കൽപ്പിച്ച രീതിയിൽ ഈ സ്‌മാരകം ആചരിക്കുന്നതിനായി ലോകമെമ്പാടുമുള്ള യഹോവയുടെ സാക്ഷികൾ ഈ സായാഹ്നത്തിൽ കൂടിവരും. അവരോടൊപ്പം പങ്കുചേരാൻ നിങ്ങളെ ഹാർദമായി ക്ഷണിക്കുന്നു. ഈ പ്രത്യേക യോഗത്തിന്റെ കൃത്യസമയവും സ്ഥലവും അറിയാൻ ദയവായി നിങ്ങളുടെ പ്രദേശത്തുള്ള യഹോവയുടെ സാക്ഷികളുമായി ബന്ധപ്പെടുക.