ഗീതം 4
“യഹോവ എന്റെ ഇടയൻ”
-
1. യഹോവേ നീയെന്നിടയൻ;
പോകും തിരുമാർഗേ ഞാൻ.
എന്റെ ഹൃദയത്തിന്നാശകൾ
അറിയുന്നെൻ ദൈവം നീ.
നീരോടും പുൽമേടുകളിൽ
പുലർത്തുന്നു നീ എന്നെ.
തിരുസ്നേഹാൽ നീ എനിക്കേകുന്നു
സ്വസ്ഥതയും ശാന്തിയും.
നിൻ സ്നേഹാൽ നീ എനിക്കേകുന്നു
സ്വസ്ഥതയും ശാന്തിയും.
-
2. ഉന്മേഷം ഏറീടുന്നെന്നിൽ
നിൻ വഴിയേ പോകുമ്പോൾ.
നിൻ നാമം ഓർത്തെന്നെ കാക്കണേ,
നിൻ നീതിയിൽ എന്നെന്നും.
ഞാൻ പോകും ഭയന്നിടാതെ,
ഇരുളിൻ താഴ്വാരത്തായ്.
അനർഥങ്ങൾ ഏൽക്കാതെൻ ജീവനെ
രക്ഷിക്കുന്നെൻ നാഥൻ നീ.
അനർഥം ഏൽക്കാതെൻ ജീവനെ
രക്ഷിക്കുന്നെൻ നാഥൻ നീ.
-
3. യഹോവേ, നീയെന്നിടയൻ
പോകും തിരുമാർഗേ ഞാൻ.
നീയേകും ബലത്തിൽ, ശാന്തിയിൽ,
സന്തോഷിക്കും ഞാൻ എന്നും.
നീ എന്നും എന്റെ സങ്കേതം,
നീ എന്റെ പ്രത്യാശയും.
കനിവാർന്ന നിൻ സ്നേഹകാവലിൽ
വസിക്കും എന്നെന്നും ഞാൻ.
നിന്നാർദ്ര സ്നേഹത്തിൻ കാവലിൽ
വസിക്കും എന്നെന്നും ഞാൻ.
(സങ്കീ. 28:9; 80:1 കൂടെ കാണുക.)