എന്തുകൊണ്ട് പ്രധാനം: യഹോവയ്‌ക്കു സ്വീകാര്യമായ വിധത്തിൽ അവനെ ആരാധിക്കുന്നതിന്‌ ആളുകൾ യഹോവയുടെ നിലവാരങ്ങൾ പഠിക്കുകയും പാലിക്കുകയും വേണം. (യശ. 2:3, 4) നമ്മുടെ രണ്ടാമത്തെ ബൈബിൾപഠന പുസ്‌തകമായ ‘ദൈവസ്‌നേഹം’ അതിനു സഹായിക്കുന്നു. അനുദിനജീവിതത്തിൽ ദൈവികതത്ത്വങ്ങൾ എങ്ങനെ പ്രാവർത്തികമാക്കാമെന്ന് അതു വിദ്യാർഥിയെ പഠിപ്പിക്കുന്നു. (എബ്രാ. 5:14) മാറ്റങ്ങൾ വരുത്താനുള്ള പ്രചോദനം വിദ്യാർഥിക്കു തോന്നുന്നതിന്‌ അവരുടെ ഹൃദയത്തിൽ എത്തിച്ചേരുംവിധം പഠിപ്പിക്കുക.—റോമ. 6:17.

എങ്ങനെ ചെയ്യാം:

• വിദ്യാർഥിയുടെ ആവശ്യങ്ങൾ മനസ്സിൽപ്പിടിച്ചുകൊണ്ട് നന്നായി തയ്യാറാകുക. പഠിക്കുന്ന വിഷയത്തിൽ വിദ്യാർഥിക്കുള്ള ചിന്തകളും വികാരങ്ങളും പുറത്തുകൊണ്ടുവരുന്നതിന്‌ ഏതെല്ലാം വീക്ഷണചോദ്യങ്ങൾ ചോദിക്കാമെന്നു മുന്നമേ ചിന്തിക്കുക.—സദൃ. 20:5; be 259

• ബൈബിൾതത്ത്വങ്ങൾ പ്രാവർത്തികമാക്കേണ്ടതിന്‍റെ മൂല്യം വിദ്യാർഥിയെ ബോധ്യപ്പെടുത്താൻ പുസ്‌തകത്തിൽ ഉടനീളമുള്ള ചതുരങ്ങൾ ഉപയോഗിക്കുക

• മനസ്സാക്ഷിക്ക് വിട്ടിരിക്കുന്ന വിഷയങ്ങൾ വരുമ്പോൾ വിദ്യാർഥിക്കുവേണ്ടി തീരുമാനമെടുക്കുന്നതിനു പകരം സ്വയം ഒരു തീരുമാനത്തിലെത്താൻ സഹായിക്കുക.—ഗലാ. 6:5

• ചില ബൈബിൾതത്ത്വങ്ങൾ ബാധകമാക്കാൻ സഹായം ആവശ്യമുണ്ടോയെന്നു നയപൂർവം മനസ്സിലാക്കുക. യഹോവയോടുള്ള സ്‌നേഹത്തെപ്രതി മാറ്റങ്ങൾ വരുത്താൻ ദയാപൂർവം പ്രോത്സാഹിപ്പിക്കുക.—സദൃ. 27:11; യോഹ. 14:31