“അന്ത്യകാലത്ത്‌”

നമ്മൾ ഇപ്പോൾ ജീവിക്കുന്ന കാലഘട്ടം

“യഹോവയുടെ ആലയമുള്ള പർവ്വതം”

യഹോവയുടെ ഉന്നതമായ നിർമലാരാധന

“സകലജാതികളും അതിലേക്കു ഒഴുകിച്ചെല്ലും”

സത്യാരാധനയെ പ്രിയപ്പെടുന്നവർ ഐക്യത്തോടെ കൂടിവരുന്നു

‘വരുവിൻ, നമുക്കു യഹോവയുടെ പർവ്വതത്തിലേക്കു കയറിച്ചെല്ലാം’

തങ്ങളോടൊപ്പം ചേരാൻ സത്യാരാധകർ മറ്റുള്ളവരെയും ക്ഷണിക്കുന്നു

“അവൻ നമുക്കു തന്‍റെ വഴികളെ ഉപദേശിച്ചുതരികയും നാം അവന്‍റെ പാതകളിൽ നടക്കയും ചെയ്യും”

ദൈവം വചനത്തിലൂടെ നമ്മളെ പഠിപ്പിക്കുകയും തന്‍റെ പാതകളിൽ നടക്കാൻ സഹായിക്കുകയും ചെയ്യുന്നു

‘അവർ ഇനി യുദ്ധം അഭ്യസിക്കില്ല’

യുദ്ധായുധങ്ങൾ കൃഷിയാവശ്യത്തിനുള്ള ഉപകരണങ്ങളാക്കി മാറ്റുമെന്നുള്ള യശയ്യയുടെ പ്രവചനം യഹോവയുടെ ജനം സമാധാനപ്രിയരായിരിക്കുമെന്നു സൂചിപ്പിക്കുന്നു. യശയ്യയുടെ നാളിലെ കൃഷിയായുധങ്ങൾ ഏതൊക്കെയായിരുന്നു?

‘വാളുകളെ കൊഴുക്കളായി’

മണ്ണ് ഇളക്കുന്നതിന്‌ കലപ്പയുടെ താഴെ വച്ചുപിടിപ്പിക്കുന്ന ഇരുമ്പുതകിടാണ്‌ കൊഴു. ലോഹംകൊണ്ടുള്ളതാണ്‌ മിക്കതും.—1 ശമു. 13:20

‘കുന്തങ്ങളെ വാക്കത്തികളായി’

വാക്കത്തികൾ എന്ന് പറഞ്ഞിരിക്കുന്നത്‌ ഒരുപക്ഷേ മുന്തിരിവള്ളികൾ വെട്ടിയൊതുക്കാൻ ഉപയോഗിക്കുന്ന അരിവാളിനെയും അർഥമാക്കുന്നുണ്ടാകാം.—യശ. 18:5