അപൂർണമനുഷ്യർക്കുവേണ്ടി യേശു തന്റെ ജീവൻ ബലി അർപ്പി​ച്ചു. (റോമ 5:8) ‘യേശു എനിക്കു​വേണ്ടി തന്റെ ജീവൻ നൽകി എന്നെ സ്‌നേ​ഹി​ച്ചു’ എന്നു നമ്മളെ​ല്ലാം അംഗീ​ക​രി​ക്കു​മെ​ന്ന​തി​നു സംശയ​മില്ല. എന്നാൽ ക്രിസ്‌തു നമ്മുടെ സഹോ​ദ​ര​ങ്ങൾക്കു​വേ​ണ്ടി​ക്കൂ​ടി​യാ​ണു മരിച്ച​തെന്നു നമ്മളെ പലപ്പോ​ഴും ഓർമി​പ്പി​ക്കേ​ണ്ടി​വ​രാ​റുണ്ട്‌. നമ്മളെ​പ്പോ​ലെ​തന്നെ അപൂർണ​രായ നമ്മുടെ സഹോ​ദ​ര​ങ്ങ​ളോട്‌ എങ്ങനെ ക്രിസ്‌തു​തു​ല്യ​മായ സ്‌നേഹം കാണി​ക്കാൻ കഴിയും? മൂന്നു വിധങ്ങൾ പരി​ശോ​ധി​ക്കാം: ഒന്ന്‌, നമ്മു​ടേ​തിൽനിന്ന്‌ വ്യത്യ​സ്‌ത​മായ പശ്ചാത്ത​ല​ങ്ങ​ളി​ലു​ള്ള​വ​രെ​ക്കൂ​ടി നമ്മുടെ സുഹൃ​ത്തു​ക്ക​ളാ​ക്കാം. (റോമ 15:7; 2കൊ 6:12, 13) രണ്ട്‌, മറ്റുള്ള​വർക്കു ബുദ്ധി​മു​ട്ടു​ണ്ടാ​ക്കുന്ന കാര്യങ്ങൾ പറയു​ന്ന​തും ചെയ്യു​ന്ന​തും ഒഴിവാ​ക്കാം. (റോമ 14:13-15) മൂന്ന്‌, ആരെങ്കി​ലും നമു​ക്കെ​തി​രെ പാപം ചെയ്‌താൽ അവരോ​ടു പെട്ടെ​ന്നു​തന്നെ ക്ഷമിക്കാം. (ലൂക്ക 17:3, 4; 23:34) യേശു​വി​നെ അനുക​രി​ക്കാൻ ഈ വിധങ്ങ​ളിൽ നമ്മൾ കഠിന​മാ​യി ശ്രമി​ക്കു​മ്പോൾ യഹോവ സഭയിൽ സമാധാ​ന​വും ഐക്യ​വും നൽകി അനു​ഗ്ര​ഹി​ക്കും.

കൂടുതൽ സൗന്ദര്യ​മു​ള്ള​വ​രാ​കൂ! എന്ന വീഡി​യോ കണ്ടിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• മിക്കിക്ക്‌ അവളുടെ സഭയെ​ക്കു​റിച്ച്‌ തുടക്ക​ത്തിൽ എന്താണു തോന്നി​യത്‌?

• മിക്കി​യു​ടെ ചിന്തകൾക്കു മാറ്റം വരാൻ എന്താണു കാരണ​മാ​യത്‌?

• തന്റെ കാഴ്‌ച​പ്പാ​ടി​നു പൊരു​ത്ത​പ്പെ​ടു​ത്ത​ലു​കൾ വരുത്താൻ യേശു​വി​ന്റെ മാതൃക മിക്കിയെ സഹായി​ച്ചത്‌ എങ്ങനെ? (മർ 14:38)

• സഹക്രി​സ്‌ത്യാ​നി​കളെ ശരിയായ മനോ​ഭാ​വ​ത്തോ​ടെ വീക്ഷി​ക്കു​ന്ന​തി​നു സുഭാ​ഷി​തങ്ങൾ 19:11 നമ്മളെ സഹായി​ക്കു​ന്നത്‌ എങ്ങനെ?