നിങ്ങൾ ഇപ്പോൾ യേശു​വി​ന്‍റെ കാലത്താ​ണു ജീവി​ക്കു​ന്ന​തെന്നു സങ്കൽപ്പി​ക്കുക. കൂടാ​രോ​ത്സവം ആഘോ​ഷി​ക്കാ​നാ​യി നിങ്ങൾ ഗലീല​യിൽനിന്ന് യരുശ​ലേ​മി​ലേക്കു വന്നിരി​ക്കു​ക​യാണ്‌. അടുത്തു​നി​ന്നും അകലെ​നി​ന്നും യഹോ​വയെ ആരാധി​ക്കാ​നാ​യി അവിടെ ധാരാളം പേർ എത്തിയി​ട്ടുണ്ട്. ആകെ ശബ്ദമു​ഖ​രി​ത​മായ അന്തരീക്ഷം! യഹോ​വ​യ്‌ക്ക് ഒരു യാഗമർപ്പി​ക്കാ​നാ​യി തിങ്ങി​നി​റഞ്ഞ ഇടവഴി​ക​ളി​ലെ ആളുകൾക്കി​ട​യി​ലൂ​ടെ ഒരാടി​നെ​യും​കൊണ്ട് നിങ്ങൾ ഇപ്പോൾ ആലയത്തി​ലേക്കു പോകു​ക​യാണ്‌. അവിടെ എത്തിയ​പ്പോ​ഴോ? യാഗവ​സ്‌തു​ക്ക​ളു​മാ​യി വലി​യൊ​രു കൂട്ടം​തന്നെ അവി​ടെ​യുണ്ട്. അവസാനം നിങ്ങളു​ടെ ആടിനെ പുരോ​ഹി​ത​ന്മാ​രെ ഏൽപ്പി​ക്കാ​നുള്ള ഊഴം വന്നു. അപ്പോ​ഴാ​ണു നിങ്ങൾ ഓർത്തത്‌, നിങ്ങളു​ടെ സഹോ​ദ​രനു നിങ്ങ​ളോട്‌ എന്തോ പിണക്ക​മു​ണ്ടെന്ന്. ആ വ്യക്തി ഇപ്പോൾ പട്ടണത്തി​ലോ ജനക്കൂ​ട്ട​ത്തിന്‌ ഇടയിൽ എവി​ടെ​യെ​ങ്കി​ലു​മോ ആയിരി​ക്കും. നിങ്ങൾ ഇപ്പോൾ എന്തു ചെയ്യും? എന്തു ചെയ്യണ​മെന്നു യേശു പറഞ്ഞു. (മത്തായി 5:24 വായി​ക്കുക.) നിങ്ങൾക്കും നിങ്ങ​ളോ​ടു പിണക്ക​ത്തി​ലായ സഹോ​ദ​ര​നും യേശു നിർദേ​ശി​ച്ച​തു​പോ​ലെ എങ്ങനെ സമാധാ​ന​ത്തി​ലാ​കാം? താഴെ​ക്കൊ​ടു​ത്തി​രി​ക്കുന്ന ചതുര​ങ്ങ​ളി​ലെ ശരിയായ ഉത്തരങ്ങൾക്കു നേരെ അടയാ​ള​മി​ടുക.

നിങ്ങൾ ചെയ്യേ​ണ്ടത്‌. . .

• പിണക്ക​മു​ണ്ടാ​കാൻ ന്യായ​മായ കാരണ​മു​ണ്ടെന്നു നിങ്ങൾക്കു തോന്നു​ന്നെ​ങ്കിൽ മാത്രം സഹോ​ദ​ര​നോ​ടു സംസാ​രി​ക്കു​ക

• അദ്ദേഹം ആവശ്യ​മി​ല്ലാ​തെ പിണങ്ങി​യി​രി​ക്കു​ക​യാ​ണെ​ന്നോ പ്രശ്‌ന​ത്തിന്‌ അദ്ദേഹം​കൂ​ടി ഉത്തരവാ​ദി​യാ​ണെ​ന്നോ തോന്നു​ന്നെ​ങ്കിൽ സഹോ​ദ​രനെ തിരു​ത്തു​ക

• സഹോ​ദരൻ സംസാ​രി​ക്കു​മ്പോൾ ശ്രദ്ധ​യോ​ടെ കേൾക്കുക, അദ്ദേഹം പറയു​ന്നതു പൂർണ​മാ​യും മനസ്സി​ലാ​കു​ന്നി​ല്ലെ​ങ്കി​ലും. അദ്ദേഹ​ത്തി​നു​ണ്ടായ വിഷമ​ത്തി​നോ അല്ലെങ്കിൽ നിങ്ങൾ ചെയ്‌ത ഏതെങ്കി​ലും കാര്യം അറിയാ​തെ അദ്ദേഹത്തെ വേദനി​പ്പി​ച്ച​തി​നോ ആത്മാർഥ​മാ​യി ക്ഷമ ചോദി​ക്കു​ക

നിങ്ങളുടെ സഹോ​ദരൻ ചെയ്യേ​ണ്ടത്‌. . .

• നിങ്ങൾ ചെയ്‌ത തെറ്റു സഭയിലെ മറ്റുള്ള​വ​രോ​ടു പറഞ്ഞു​കൊണ്ട് അവരെ തന്‍റെ പക്ഷത്താ​ക്കാൻ ശ്രമി​ക്കു​ക

• നിങ്ങളെ വിമർശി​ക്കുക, നിങ്ങൾ ചെയ്‌ത തെറ്റു തലനാ​രി​ഴ​കീ​റി നിങ്ങ​ളെ​ക്കൊണ്ട് കുറ്റം സമ്മതി​പ്പി​ക്കാൻ ശ്രമി​ക്കു​ക

• അദ്ദേഹ​ത്തോ​ടു സംസാ​രി​ക്കാൻ നിങ്ങൾ കാണിച്ച താഴ്‌മ​യും ധൈര്യ​വും തിരി​ച്ച​റി​യു​ക​യും ഹൃദയ​പൂർവം ക്ഷമിക്കു​ക​യും ചെയ്യുക

ഇന്ന് ആരാധ​ന​യിൽ നമ്മൾ മൃഗബ​ലി​കൾ അർപ്പി​ക്കാ​റി​ല്ലെ​ങ്കി​ലും സഹോ​ദ​ര​നു​മാ​യി സമാധാ​ന​ത്തി​ലാ​കു​ന്ന​തും ദൈവ​ത്തി​നു സ്വീകാ​ര്യ​മായ ആരാധന അർപ്പി​ക്കു​ന്ന​തും തമ്മിലുള്ള ബന്ധത്തെ​ക്കു​റിച്ച് യേശു എന്താണു പഠിപ്പി​ച്ചത്‌?