ക്രിസ്ത്യാനികളായി ജീവിക്കാം
ശുശ്രൂഷയിലെ വൈദഗ്ധ്യം വർധിപ്പിക്കുക—തയ്യാറാകാൻ വിദ്യാർഥികളെ പഠിപ്പിക്കുക
എന്തുകൊണ്ട് പ്രധാനം: തയ്യാറായിരിക്കുന്നെങ്കിൽ നമ്മൾ പഠിപ്പിക്കുന്നത് അവർക്കു പെട്ടെന്നു മനസ്സിലാകാനും ഓർത്തിരിക്കാനും കഴിയും. എത്ര കൂടുതൽ മനസ്സിലാക്കുകയും ഓർത്തിരിക്കുകയും ചെയ്യുന്നോ അത്ര വേഗം അവർ പുരോഗതി വരുത്തും. സ്നാനത്തിനു ശേഷവും ‘ഉണർന്നിരിക്കുന്നതിന്’ അവർ മീറ്റിങ്ങുകൾക്കും ശുശ്രൂഷയ്ക്കും ആയി തയ്യാറാകണം. (മത്ത 25:13) അതുകൊണ്ട് എങ്ങനെ പഠിക്കണമെന്നു മനസ്സിലാക്കുന്നതും നല്ല പഠനശീലമുണ്ടായിരിക്കുന്നതും അവർക്കു ജീവിതത്തിൽ ഉടനീളം പ്രയോജനം ചെയ്യും. തുടക്കംമുതൽ ബൈബിൾപഠനത്തിനു തയ്യാറാകുന്ന ശീലം വളർത്തിയെടുക്കാൻ നമ്മൾ വിദ്യാർഥികളെ സഹായിക്കണം.
എങ്ങനെ ചെയ്യാം:
-
മാതൃക വെക്കുക. (റോമ 2:21) വിദ്യാർഥിയെ മനസ്സിൽ കണ്ടുകൊണ്ട് ഓരോ തവണയും തയ്യാറാകുക. (km 11/15 3) നിങ്ങളുടെ പ്രസിദ്ധീകരണത്തിൽ അടിവരയിട്ടിരിക്കുന്നതു വിദ്യാർഥി കാണട്ടെ
-
തയ്യാറാകാനായി പ്രോത്സാഹിപ്പിക്കുക. ക്രമമായി ബൈബിൾപഠനം ആരംഭിച്ചുകഴിഞ്ഞാൽ, തയ്യാറാകുന്നതു ബൈബിൾ പഠനപരിപാടിയുടെ ഭാഗമാണെന്ന് അദ്ദേഹത്തോടു പറയുക. അതിന്റെ പ്രയോജനങ്ങൾ വിശദീകരിക്കുക. അതിന് എങ്ങനെ സമയം കണ്ടെത്താമെന്നുള്ളതിനു പ്രായോഗികമാർഗനിർദേശങ്ങൾ കൊടുക്കുക. ചിലർ തങ്ങൾ ഉപയോഗിക്കുന്ന അടിവരയിട്ടിരിക്കുന്ന പ്രസിദ്ധീകരണം പഠിക്കുന്ന സമയത്ത് വിദ്യാർഥിക്കു കൊടുക്കും. അപ്പോൾ അതിന്റെ പ്രയോജനം മനസ്സിലാക്കാൻ വിദ്യാർഥിക്കു കഴിയും. തയ്യാറായി പഠിക്കാനിരിക്കുമ്പോൾ വിദ്യാർഥിയെ അഭിനന്ദിക്കുക
-
തയ്യാറാകുന്ന വിധം കാണിച്ചുകൊടുക്കുക. ഒരു പാഠഭാഗം എങ്ങനെയാണു തയ്യാറാകുന്നതെന്നു കാണിക്കാനായി ചില അധ്യാപകർ തുടക്കത്തിൽത്തന്നെ ഒരു പഠനസെഷൻ മുഴുവൻ മാറ്റിവെക്കും