തീത്തോ​സി​നുള്ള കത്തിൽ, തീത്തോസ്‌ ഉൾപ്പെ​ടെ​യുള്ള യുവജ​നങ്ങൾ “എല്ലാ വിധത്തി​ലും ഒരു മാതൃ​ക​യാ​യി​രി​ക്കണം” എന്നു പൗലോസ്‌ എഴുതി. (തീത്ത 2:6, 7) തുടർന്ന്‌ അതേ അധ്യാ​യ​ത്തിൽ, ‘നല്ല കാര്യങ്ങൾ ചെയ്യു​ന്ന​തിൽ ഉത്സാഹ​മു​ള്ള​വ​രാ​കാൻ’ യഹോ​വ​യു​ടെ ജനം ശുദ്ധീ​ക​രി​ക്ക​പ്പെ​ടു​മെന്ന്‌ അദ്ദേഹം സൂചി​പ്പി​ച്ചു. (തീത്ത 2:14) ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​താണ്‌ ഒരു ‘നല്ല കാര്യം.’ നിങ്ങൾ ചെറു​പ്പ​മാ​ണെ​ങ്കിൽ, ഒരു സഹായ മുൻനി​ര​സേ​വ​ക​നോ സാധാരണ മുൻനി​ര​സേ​വ​ക​നോ ആയി പ്രവർത്തി​ക്കാൻ നിങ്ങളു​ടെ കഴിവും പ്രാപ്‌തി​ക​ളും ഉപയോ​ഗി​ക്കു​മോ?—സുഭ 20:29.

മുൻനി​ര​സേ​വ​നം തുടങ്ങാൻ നിങ്ങൾ ആഗ്രഹി​ക്കു​ന്നെ​ങ്കിൽ, അതിനു​വേണ്ടി നിങ്ങളു​ടെ ജീവി​ത​കാ​ര്യാ​ദി​കൾ എങ്ങനെ ക്രമീ​ക​രി​ക്കാ​മെന്നു ചിന്തി​ക്കുക. (ലൂക്ക 14:28-30) ഉദാഹ​ര​ണ​ത്തിന്‌, മുഴു​സ​മ​യ​സേ​വനം ചെയ്യു​മ്പോൾ നിങ്ങളു​ടെ ചെലവു​കൾ എങ്ങനെ നടക്കും? നിങ്ങൾക്ക്‌ എങ്ങനെ മണിക്കൂർ വ്യവസ്ഥ​യിൽ എത്താൻ കഴിയും? നിങ്ങളു​ടെ സാഹച​ര്യം ഒരു പ്രാർഥ​നാ​വി​ഷ​യ​മാ​ക്കുക. (സങ്ക 37:5) നിങ്ങൾ ആസൂ​ത്രണം ചെയ്‌ത കാര്യ​ങ്ങ​ളെ​ക്കു​റിച്ച്‌ മാതാ​പി​താ​ക്ക​ളോ​ടും മുൻനി​ര​സേ​വ​ന​ത്തിൽ ശുഷ്‌കാ​ന്തി​യോ​ടെ പ്രവർത്തി​ക്കു​ന്ന​വ​രോ​ടും ചർച്ച ചെയ്യുക. എന്നിട്ട്‌ നിങ്ങളു​ടെ ലക്ഷ്യത്തിൽ എത്താൻ വേണ്ട പടികൾ സ്വീക​രി​ക്കുക. ദൈവ​സേ​വ​ന​ത്തി​ലെ നിങ്ങളു​ടെ ഉത്സാഹ​ത്തോ​ടെ​യുള്ള ശ്രമങ്ങളെ യഹോവ തീർച്ച​യാ​യും അനു​ഗ്ര​ഹി​ക്കും!

യഹോ​വയെ ബഹുമാ​നി​ക്കുന്ന യുവജ​നങ്ങൾ എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• മുൻനി​ര​സേ​വനം തുടങ്ങു​ന്ന​തി​നു ചിലർ എന്തെല്ലാം തടസ്സങ്ങ​ളാ​ണു മറിക​ട​ന്നത്‌, അവർ എങ്ങനെ​യാണ്‌ അതു ചെയ്‌തത്‌?

• സാധാരണ മുൻനി​ര​സേ​വ​ക​രാ​കാൻ മാതാ​പി​താ​ക്കൾക്കു മക്കളെ എങ്ങനെ സഹായി​ക്കാം?

• പ്രസം​ഗ​പ്ര​വർത്ത​ന​ത്തിന്‌ ഒരു പട്ടിക​യു​ണ്ടാ​യി​രി​ക്കു​ന്ന​തി​ന്റെ പ്രാധാ​ന്യം എന്താണ്‌?

• സഭയിലെ സഹോ​ദ​ര​ങ്ങൾക്ക്‌ എങ്ങനെ ഒരു മുൻനി​ര​സേ​വ​കനെ സഹായി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യാം?

• മുൻനി​ര​സേ​വ​കർക്കു ലഭിക്കുന്ന ചില അനു​ഗ്ര​ഹങ്ങൾ എന്തെല്ലാം?